روايه بنت السيل

المغرب عند مناف.
جالس وجنبه نغم محاوطها من كتوفها ومبتسم بهدوء
نغم تناظره بصدمه : وش في ؟ ليش هالنظره
مناف : ابد سلامتك بس عندي طلب
نغم اشاحت بوجهها بعيد عنه : طلبك مرفوض
ضحك مناف وقربها منه اكثر : ليش ؟
نغم بعدته عنها وهي تهف على وجهها : يوووه وش هالحر
مناف شد جاكيته عليه وبأستنكار : حرر ؟؟
نغم ووجهها احمر : ايه حر وش عندك؟
ابتسم مناف ابتسامه عريضه وغمز لها : مستحيه ؟
قبل ترد نغم دق جوال مناف وحمّدت ربها ع الاقل تاخذ راحتها لو ثواني.
مناف رفع الجوال ورد باستغراب : هلا سعود ……… بالله جو ؟ ……… طيب جاي انا اللحين ……… اللحين جاي يالله مع السلامه.
قام مناف وقامت وراه نغم : ايش فيه ؟
مناف : ولاشيء الدوام دقوا علي لازم اروح
نغم تناهدت : انتبه لنفسك
عض شفايفه مناف: اويلي تخافين عليّ؟
نغم انحرجت ولفت وعطته ظهرها : يالله رح لدوامك لا تتاخر
سحبها مناف وضمها صار ظهرها ع صدره : بتذبحيني بحياك ذا ؟ناويه علي انتي ؟
نغم تلعثمت : لا ياخي روح دوامك لا تتاخر
مناف لفها له : ماني برايح لين تبوسيني ولا اسحب على ام الدوام واظل هنا
نغم انصدمت : ايش ؟
مناف ضحكت : الي سمعتي يالله لو سمحتي لا تاخريني وعطيني بوسه
نغم تحاول تفلت من بين يديه : طب سيبني عشان ابوسك
ضحك مناف بقوه وقرب لها وطبع على خدها بوسه وابتعد بهدوء : ايش اللذاذه هذي ؟
بثواني صار وجه نغم احمر بعدت ايديه عنها وراحت بسرعه لجهة مجلس الحريم.
.
.
بعد المغرب بالمركز.
دخل مناف للمكتب والقى السلام وجلس بمكتبه.
كان امامه رعد اللي جالس ومتكتف ورافع حاجبه وامام رعد ثلاث رجال والثالث شاب يناظر رعد بنص ابتسامه.
مناف استعدل بجلسته ب اهتمام : انتو من مباحث جدّه ؟
الشاب تنحنح وناظر مناف : ايه وجينا اللحين بامر من المباحت
رعد وهو يناظر الشاب بحّده : ايه وبعدين ؟
الشاب ابتسم لرعد بأغاضه : حققنا مع الباكستان اللي جبتوهم ورحلناهم لبلدهم
قاطعه رعد : كيف ترحلونهم لبلدهم وهم مجرمين مين سمح لكم هذي شغلتنا مو شغلتكم ؟
الشاب ب ابتسامه : هديء حالك بقولك ليش رحلناهم
مناف : رعد اهدا وانت لو سمحت تفاهم معاي انا
الشاب لف لمناف وتناهد : رحلناهم بعد م اعترفوا واعطونا العناوين حقتهم كلها
مناف : رحتوا للعناوين
ابتسم الشاب : افا عليك رحنا ومسكناهم
مناف : لكم جزيل الشكر كم طلع ؟
الشاب : خمسه لقيناهم ع الحدود هاربين والسادس “لف لرعد وابتسم ” رئيسهم هرب لكن جبناه
رعد انقبض قلبه من ابتسامته بس م تكلم
مناف : الله يجازيكم خير التحقيقات كلها عندنا
الشاب قام : طبعا احنا نستاذنكم اللحين ولا اوصيك ي نقيب مناف خلال ثلاث اشهر الملف يتسكر هذا اتفاقكم مع المباحث
مناف ابتسم : م دام المجرمين بيدينا انا ورعد ف ان شاء الله بيتسكر بفتره بسيطه
ابتسم الشاب ومشى ل ناحيه رعد وانثنى عليه وهمس باذنه : رئيس العصابه تراه يخصك !!!!
انصدم رعد وم قدر ينطق بحرف.
مناف رفع حاجبه : المجرمين اللي انمسكوا وينهم اللحين ؟
الشاب : تحت جبناهم معانا تقدرون تبدون تحققون معهم بالوقت اللي يعجبكم “لبس كابه وضرب بيده على كتف رعد وهو مبتسم ” يالله استودعناكم الله
ناظره رعد بصدمه لما طلع من الغرفه ولف لمناف : وش اسمه ذا ؟
مناف : مادري بس كأنه معاذ ماركزت باسمه والله
رعد بلع ريقه بتوتر : يقول رئيس العصابه يخصني ؟!!!!
مناف : يخصك ؟
رعد قام بتوتر : خلينا ننزل نشوفه
مناف : امش
نزل رعد وقلبه يدق بقوه ومتوتر فتحوا لهم العساكر الحراس ابواب السجن ودخلوا وكل م يقربون خطوه من غرفهم يضيق نفس رعد وقلبه تزيد دقاته
لين وقفوا عند الغرفه المقصوده.
مناف : هدي غرفه المجرمين اللي جابوهم المباحت ؟
العسكري : هذي غرفتهم
تناهد رعد واخذ نفس قبل يفتح الباب ثم تقدم بكل هدوء وفتح الباب بشويش و ما أن طاحت عينه على العصابه وخصوصا على الشخص اللي يتوسطهم انصدم وجمّدت اعضائه.
مناف : رعد وش فيه ؟
رعد بدون شعور حط يده على قلبه واستند على مناف وهو يناظر هالشخص بصدمه وبصوت متقطع ومهزوز قال : انت ي كلب
مناف خاف على رعد : رعد وش فيه
لا ارادي ابتعد رعد عن مناف بسرعه وتوجه ل هالشخص ومسكه من ياقته ورصه ع الجدار بقوه وعيونه حمّر : وييييننننننهها ي كلللب وين اخذتها ويين
مناف راح له ومسكه : رعد اهدا رعد وش فيك رعد
رعد ناظر مناف بقهر : هو هو هذا هو مناف ذا هو اللي خطف اسيل وييين اختي ي كلللب وين اخذتها
انصدم مناف ورجع خطوتين على ورى ورعد م زال راص هالشخص ع الجدار بقوه ويصارخ عليه.
رعد : تكللللللممم وين اخذتها وينها تكلللم
بهدوء نطق : ماتت
لكمه رعد ببطنه : م تقتلها ي كلب اعرفك انا م تقتلها
باصرار رد : ماتت
رعد بجنون : لو تكون فعلا ماتت ف انت وراها “لكمه بقوه ببطنه ” اتكلم ي حققير ي####
مناف سحب رعد بقوه : خلاص رعد بيطلعها غصب امش سيبه اللحين
رعد وهو بين يدين مناف : اقسم بالله ان اطلع كل دمعه من عيون رسيل وسيلين من عيونك ي كلب
مناف سحب رعد بقوه ل برا وخلاهم يسكروا ع المساجين.
رعد ابتعد عن مناف وهو يمسح ببيده ع وجهه ويتنفس بالقوه.
مناف مسكه وسحبه غصب وطلعوا للمكتب.
مناف : اجلس هنا وانا بجيب لك مويه وتفهمني كل شيء
جلس رعد بهدوء وتفكيره مشوش وقلبه مرّبكه بدقاته.
مد له مناف المويه واخذها رعد وجلس مناف امامه : هاللحين فهمني وش علاقت هذا باختك.
رعد مسح بيده على وجهه بقهر : هذا الكلب الحيوان هو اللي خطفها
عقد مناف حواجبه وقبل يتكلم قال رعد : خطفها بمساعدت امها هذا ال#### يصير خالها وخال اخواني
مناف : رعد فهمني كيف خطف اختك
رعد بهدوء وهو يتناهد : انا كنت قبل ثلاث سنوات بتزوج بنت عمي بالبدل يعني انا اخذ بنته وولده ياخذ اختي
هز راسه مناف دلاله ع الفهم وكمل رعد : اختي اللي هي اسيل كانت رافضه “سكت شوي “ورمت هقوتها عليّ وماكنت بخذلها وربي لكن امها تدخلت هي وهالكلب وخطفوها وهربوها من حايل ليله الملكه ومن ثلاث سنين وانا ادور على هالكلب اللي خطفها وراح يطلعها غصب لو من تحت الارض.
مناف بهدوء : يمكن فعلا تكون تحت الارض وميته زي م قال هذاك
صرخ رعد بوجه مناف : اسيل م تموت ي مناف “عقد حواجبه ” م تموت وهي مخذوله من اخوها م تموت
مناف بهدوء : كل نفس ذائقة الموت.!!!
.
.
بمكتب مهند وبعد مرور يومين
منزل راسه ويشتغل على احدى الملفات وعينه كل شوي ترتفع ل الساعه يبتسم كل م تذكر انه بعد شوي بيشوفها تناهد بفرحه من يومين لا سمع صوتها ولا شافها.
اندق الباب وصحى مهند من سرحانه وقال بهدوء : ادخل
دخلت الممرضه بهدوء : دكتور مهند
مهند رفع عيونه لها : نجلاء انتي دوامك مو بالليل ؟
الممرضه : دكتور اسفه ع التاخير انا امس بالليل سوو تبديل للمساعدات وحطوني مساعدتك.!!
مهند : وانا من قبل قلت اني م ابي مساعده.
نجلاء هزت اكتوفها : ما اقدر اعارض اوامر الدكتور مروان
مهند تافف : ي ليل مروان ذا خلاص خلاص روحي اللحين مو مشكله
نجلاء ابتسمت له وناظرها مهند بجمود وطلعت من الغرفه وهي تسبه بداخلها “جلّف حتى ابتسامه باخل فيها لكن مو مشكله م اكون نجلاء ان م جبت راسك ”
رفعت جوالها ودقت على لجين : الو
لجين : هلا نجلاء بشري ؟
نجلاء : كلمت استاذ مروان البارح واليوم وافق وتو طلعت من عند مهند اللحين
لجين : كفو هذا العشم فيك وخذيها مني وم اكون لجين بنت ناصر الستار ان م خليته يموت فيك بس انتي اسمعي كلامي
نجلاء : لجين انا خايفه انتي م تعرفين الدكتور مهند مثلي مره جلف وم يتعامل حتى ابتسامه م يبتسم
لجين : يعمري كله ثقل مصطنع ومهند راح يحبك ويموت فيك بس انتي اذا قلت لك شيء نفذيه بالحرف
نجلاء : اوك على امرك
ضحكت لجين : يالله حبيبي مع السلامه
سكرت لجين من نجلاء وهي تضحك بقوه : غبيه ي نجلاء لانك مجرد ثالث بين اثنين انا اعرف مهند مستحيل يحبني عشان كذا استعملتك انتي ي غبيه
.
.
المغرب رجع مناف للبيت دخل وكان هدوء الصاله فاضيه والمجلس فاضي استغرب وراح للمطبخ وم كان فيه غير امه تقدم منها وباس راسها : يعطيك العافيه يمه.
امه لفت له وباست راسه : يعافيك ي عيون امك ها اليوم راجع بدري وش عندك ؟
مناف : ابد والله نغم دقت علي تبيني الا وينها ؟
امه بضحكه : راجع مشتاق لها هاه ؟ اعترف
ضحك مناف ومرر يده بشعره : والله الكذب شين يمه يعني مو كثير شوي بس “واطلق ضحكة عاليه بعد حكيه”
امه : يالله يمه رح لهم تلاقيهم بالسطح
مناف : اوك
توجه لغرفته فتح الباب وانصدم فيها عند المرايه ، لفت له وصدمتها م تقل عن صدمته.
ابتسم وبانة اسنانه العلويه سكر الباب برجله ورمى جواله ع السرير وتوجه لها.
بلعت ريقها ووقفت ولفت له : اااا متى جيت انت؟
مناف اقترب لها: مو توك داقه علي انتي وتقولين تعال ومدري ايش ؟
نغم بلعت ريقها بتوتر : ايه قلت تعال بس انت قلت مشغول
مناف : وكلمت امل وقلت اني بجي بعد المغرب!!!
نغم وعيونها بالارض وبداخلها تسب امل لانها قالت بيجي بعد العشاء : اها
قرب منها وحاوط خصرها بيديه وسحبها له : ايش الحلاوه هذي وين ناويه تطلعين ان شاء الله ؟
نغم : م م مء بطلع بس قاعده اجرب البلوزه والبنطلون
مناف رفع راسها وحط عينه بعينها : وش ؟
نغم لفت وجهها بأحراج للجه الثانيه : تعال السطح محضرين لك مُفاجئه
مناف ضحك : اها قولي انك مجهزه عشان المفاجئه الي محضرينها لي
نغم وهي بداخلها تلعن دلال : ايه
مناف ابتسم : طيب نطلع ولا نسحب عليهم “وغمز لها”
ابتعدت عنه بسرعه : لا لا نطلع يالله نطلع
بضحكة قال : اوك اسبقيني بحط جوالي بالشاحن
تبعتها عيون مناف لين طلعت من الغرفه وضحك وشال جواله من السرير وشبكة بالشاحن وتوجه للمرايه تعطر وعدل شعره وطلع توجه ل السطح وبمجرد م فتح باب السطح كانوا الكل واقفين قدامه وقاعدين يغنوا له “سنه حلوه ي قميل “.
ابتسم بالغصب وسوا نفسه معصب : م قلت لكم هالحركات م احبها
امل : ضحك ضحك ضحك ضحـ… “م امداها تكمل الا ومناف انفجر ضحك”
هند : ايوووااا ابو الجو ي شيخ يسعدلي هالضحك
نغم وبيدها الكيكه : سنه حلوه ي قميل
البنات كلهم : كل عام وانت بخير
مناف وعيونه على نغم : وانتو بخير
امل : هههييي نحن هنا
مناف : مو المشكله انتو هنا
هند لفت ل دلال وامل : امشوا امشو الاخ مناف مره مو معبرنا
مناف ضحك : علي الحرام م تتحركون اجلسوا اجلسوا
جلسوا كلهم ع الارض وشغلوا شموع الكيكه
مناف ب استهبال : ليش م حطيتوا تسعه وعشرين شمعه يعني على قد عمري وكذا
امل : طف الشموع طفها لا ادخلها بعينك
مناف ضحك وبانة غمازته وبسرعه لقطت له دلال صوره
لف لها مناف وابتسم ب استهبال وسوا حبتين ورجع طفى الشمعه.
امل : وشذا الغباء المفروض تتمنى امنيه قبل تطفي الشموع
مناف ناظر نغم : تمنيت من اول م شفت الكيكه
امل : وش تمنيت ؟
هند : لا م يصير يقول امنيته عشان تتحقق وكذا
امل : كذابه من وين جايبه هالمعلومه ؟
هند : مدري بس احس كذا
امل : قل قل انت وش امنيتك ؟
مناف ابتسم وعيونه على نغم مد يده وسحب يدها وقال : تمنيت الله يديمك لي عُمر “ورفع كفها ل شفايفه وقبّل يدها ”
بحماس صفقوا هند ودلال وصفرت امل.
اما نغم ف وجهها قلب احمّر واللي زاد احراجها نظرات مناف.
نغم بهمس : يالله م تبي الهدايا ؟
مناف : مابي هدايا ابيك انتي
امل قامت : لا ي جماعه خلاص ارحموا قلبي الجاف
هند : منجد بالله بطلوا دراما ترى قدامكم عزابيات ب استثناء دلال
نغم ابتعدت عن مناف بسرعه وقامت : ااا بجيب سكين عشان تقطع الكيكه
امل : اعصابك ي هوه شوفي السكين هنا
نغم لفت وعطتهم ظهرها وبصوت مهزوز من الخجل قالت : بنادي خالتي وبجي
راحت وعيون مناف تلاحقها لما نزلة واختفت عن عيونه تناهد ولازال يناظر للباب
امل دقته : هيي تراها راحت من سنه جدي
هند : قطع الكيكه قطع الكيكه اللي يخلف عليك
دلال : لا اول شيء الهدايا
مناف ابتسم : صح وين الهدايا
امل قامت ولفت وسحبتها من وراها : تفضل
رفع حاجبه مناف : وشذا ؟
امل : تطمن مو كرتون صراصير زي اللي جبتوه انت والحقيره زوجتك امس
تذكر مناف المقلب اللي سووه فيهم هو ونغم وضحك : تستاهلون عشان تعرفون كيف ترمون الصرصور على حرّم مناف
هند : قسم بالله كل م اتذكر حركتكم البايخه ذي ادعي عليكم
امل تاشر على هند : لا تستغرب من ذي اذا لقيتها تصلي الوتر وتدعي عليك تراها مريضه فيها زي الجنون
هند فتحت فمها بصدمه : انا مجنونه ؟
امل : كلمه مجنونه قليله بعـ…
قاطعه مناف : رجاءاً لا تخربون ميلادي التسع والعشرين انطموا
امل : افتح الهديه بس
فتحها مناف بحذر وسرعان م رمى الكرتون وصارخ : ي مقرفهه
امل تضحك بقوه : تستاهل ي وصخ
مناف اخذ الفاين ويمسح يديه : يعع يععع يععع ي قرف
امل راحت وشالت الهامستر : وشفيه والله كيوت
مناف بعصبيه : تطلعيه برا البيت ي #### تسمعين
امل : والله م اطلعه
مناف : م بقى الا هي تخلين ببيتنا فار
امل : لو سمحت لا تشوه سمعت الهامستر
مناف : تعرفين تاكلين زق ؟
هند عطته هديتها : سيبك منها وشوف هديتي
مناف رمى عليها نظره وبسرعه قالت هند : قسم بالله اني شاريتها قبل شهر
مناف بهدوء فتح العلبه وتوسعت ابتسامته : الله يطعني وكان
هند : احم احم م اخلي بخاطرك شيء وانا اخوك
رفع حاجبه : وانتي اخوي ؟
هند ضحكت
مناف : تمونين تمونين وين دلال ؟
دلال من وراه : هنا
مناف لف لها وشاف بيدها علبه : هلا هلا تعالي اشوف هديتك
مدتها له بابتسامه وهدوء واخذها وفتحها وابتسم : تسلمين ي روحي انتي
دلال : ترى حتى انا زي هند شفتك مسوي لها لايك
مناف ناظر هند بصدمه ورجع ناظر دلال : بالله ؟
هند : ايه اجل وش دراني انها معجبتك
دلال : انا كنت واثقه راح تعجبك الساعه لاني شفتك حاط تعليق بانها حلوه
مناف عقد حواجبه : جد تسلمون ياخي انتو احلا خوات والله
امل غمزت له : ترى نغم م جابت هديه
مناف ابتسم : هي هديه من دون
دلال تنحنحت وابتسم مناف ولف وراه وشاف نغم وبيدها علبه ووجهها احمر وقام لها وقف جنبها وهمس لها.
مناف : وجودك معاي اكبر هديه ليش مكلفه ع نفسك
نغم بجرأه رفعت نفسها لمناف وطبعت ع خده بوسه وهمست باذنه : كل عام وانت ي حبيبي بخير
عض شفايفه مناف وهو مبتسم
ابتسمت له بعذوبه وحطت العلبه بين يديه وراحت للبنات.
بلع ريقه ولف وراح لهم وهو يفتح الهديه : الله الله وش هالذوق الحلو ي حلوه
نغم بهمس : تسلم
امل : الله اكبر وش فيها هديتي انا م تمدحها ؟
مناف : انتي بذات لا اسمع صوتك ي مقرفه
نغم : اهم شيء عجبتك هديتي
مناف بهمس لها : غصب عني راح تعجبني لانها منك
امل : ي هوه مارح ناكل من هالكيكه يعني ؟
مناف اخذ السكين : اعوذ بالله من البزران اذا نشبوا.

الساعه اثنعش بمنتصف الليل.
طلع مناف من غرفته وعيونه منزلها ويناظر جواله رفع عيونه لدلال اللي جالسه بالصاله وسأل : وين نغم ؟
دلال : نايمه مع هند
مناف : اها
توجه ل دلال وجلس جنبها سكر جهازه وحطه بجنبه ولف ل دلال وابتسم لها بدون م يقول ولا شيء
نزلت عيونها دلال بسرعه وعرفت وش بيقول : مناف بليز لا تضغط علي
عدل جلسته وتربع قدامها : م يصير انا اخوك الكبير وم اعرف ايش فيك احكيلي طيب ايش حاصل بينك وبين زوجك ؟!
دلال بتفكير : بحكي لك لكن بشرط تجاوب على سؤالي
مناف : افا اسألي وان شاء الله بجواب
دلال بحذر : اللي امس جاء واخذ منك بسام مين هو ؟
رفع حاجبه بدون م يرد.
وكملت دلال : مناف ذا تؤامك
عقد حواجبه : اي تؤام ؟ رعد تؤامي انا ؟ يخسي
دلال : والشبه طيب؟
مناف : اص لحد يسمعك ويفكرك مجنونه رعد مجرد صديق بالعمل واصلا جاي لابها سنه وبيروح
دلال : الله اكبر ؟ يعني بتقنعني انك ألتقيته ب الصدف ؟
مناف تناهد وابتسم : ايه صدف ي عمري صدف
دلال ضربته على رجله : بطل هالحركات واحكي معاي زين انا مو داخل مزاجي ان هذا عرفته ب الصدفه
مناف : ي غبيه اكبر مني بسنتين وبعدين والله والله والله اني م عرفته الا عن طريق العمل
دلال استعدلت بجلستها بضيق : اها
مناف : يالله علميني وش حصل بينك وبين فيصل
دلال قامت : نحكي بوقت ثاني مناف هالحين بروح انام وبليز لا تضغطني
مناف رفع حاجبه يتأكد منها : نحكي ؟؟؟!!!!
دلال : نحكي وعد.
مناف : خلاص روحي.
.
.
الصباح صحت امل من نومها وتوضت وصلت الفجر ولبست مريولها ونجهزت ل المدرسه واخذت شنطتها وعبايتها وطلعت ل الصاله لقت هند ونغم ودلال بالصاله وامها بالمطبخ.
امل : صباح الخير
هند تناظر الساعه : صباح النور
امل : وراه ابوسمر رطعك اليوم
هند : والله راطعني كل يوم مو بس اليوم
امل جلست جنبه : يالله ان شاء الله م يجي الترم الثاني ولا اللي يوصلك زوجك
رمت عليها هند بنظره حاده وماردت
امل تناظر نغم : وش عندك انتي زعلانه ؟
نغم : راح مناف!!
امل : ايه وش الجديد ؟
نغم قامت : صاير مشغول هالايام مره الزبده بروح انام
تابعتها عيون امل لين دخلت الغرفه ورجعت لفة للبنات اللي كل وحده ساكته.
امل قامت : تدرون الشرهه علي تاركه جوالي ومقابله خششكم
طنشوها البنات وماردوا وقامت هي لغرفتها واخذت جوالها وبمجرد م فتحته جتها رساله من يارا محتواها “مارح اداوم اليوم اذا بتداومين انتي جيبي لي اسألت الاختبار”
رسلت لها امل “ليش م بتداومين ” لكن م وصلها رد ف دقت على يارا.
وبآخر رنه ردت يارا : هلا الومه
امل : وش فيك ليش م بتداومين ؟
يارا : مهند تعبان مدري وش فيه بظل معاه اخاف يطيح ولاشيء
دق قلب اكل بقوه وارتبكت وبرجفه نطقت : سلامات وش فيه ؟
يارا : مادري وش فيه امس اصحيه للعشى وعيا يقوم ولما قام حرارته مرتفعه وتعبان مره عاد بظل معاه لين يتحسن
امل عيونها امتلت دموع وتحاول قد م تقدر تضبط توازن صوتها : م يشوف شر ان شاء الله.
.
.
واقف رعد وبجنبه مناف اللي ضرب بيده بقوه ع الطاوله : تكلللم البنت وين ؟
رعد : عصام لا تخلي اعصابي تفلت اللحين اسيل وين ؟
عصام بهدوء : انا ماني مضطر اعطيكم ولا معلومه عن اسيل ولا انتم تقدرو تجبروني
مناف قاطعه : ي رجل ؟
عصام : لان بكل بساطه انتو ماسكيني بتهمه تجارة مخدرات فقط لا غير!!!
رمى رعد الملف بوجهه بقوه : لا ي حبيبي انت مُتهم ب اختطاف اسيل الحمدان من ثلاث سنوات!!
بكل برود اخذ عصام الملف وتصفحه ورماه ع الطاوله بعد م خلص : انت حتى م عندك دليل عليّ اني خاطفا.
رعد نزل براسه لعصام وعيونه تطلق شرار : تواجدك بحايل يوم الملكة قبل ثلاث سنوات اكبر دليل
عصام : أيّ طبيعي بدي كوّن موجود ملكة بنت اختي كيف م احضر
رعد : ارحمني ي راعي الاصول اجل عشان ملكة بنت اختك ؟ وش معنى طيب اختفيت مع اختفاء اسيل ؟!
عصام بارتباك : اي خبرتكن اني بدّي ارجع لجده عشان شغلي
رعد : اذا زي م تقول عندك شغل بجده ليش جيت قبل الملكة باسبوع ؟ كان جيت ليلة الملكة وحضرّت معنى وانقلعت لجده ؟
بأرتباك قال عصام : اي اجيت لانو اختي اصرّت علي
مناف : قاعد تراوغ فينا وتغير حكيك ليش ؟
رعد : بدون حتى م تعترف انك خطفتها انا عارفك وعارف حركاتك لذالك اذا تبي ملف اسيل يتسكر بدون م تتعاقب قانونياً على خطفها علمنا وينها.
عصام : قلت إلك ماتت.
مناف : مو توك تقول م اخذتها ولا تدري عنها؟
عصام توتر : اي امها لما حاكتني إلت إلي انها ماتت
رعد مسكه من ياقته بقوه : ي شيخ لعنه تلعنك انت وامها بتطلع اختي من تحت الارض فاهم
سحبه مناف بقوه : رعد صاحي انت ؟ بتقتله ؟
رعد وعيونه حمّر : يطلعها الكلب ذا من تحت الارض مو شغلي!!
مناف سحبه ل برا الغرفه وسكر ع عصام : انت واضح م نمّت صح ؟
رعد بتعب : ايه
مناف عطى سعود مفتاح الغرفه : انتبه ل عصام زين وشددو عنده الحراسه انا باخذ رعد لشقته يرتاح.
.
.
بمكان ثاني وتحديداً عند عبير.
تقدمة وجلست عند امها : يمه
امها : ها
عبير : موافقه على زواج هند وسامي؟
امها : ايه من زمان حنا متفقين
عبير : متفقين صح لكن خرب الاتفاق لان مناف تزوج!!
امها : ايه تزوج لكن خالتك قالت انه يبيك للحين
عبير : متى قالت ؟ قبل ثلاث شهور بدايه زواجه قالت كذا لكن اكيد انه غيّر رايه اللحين
امها : وش دراك انه غير رايه ؟
عبير : معاملته ل زوجته ايام العيد تفرق عن معاملته لها اللحين وانتي لاحظتي اكيد كيف كان لازق فيها بالمزرعه
امهاا تركت التلفزيون ولفت لها : ايوالله وشلون م فكرت فيها ذي ؟
عبير بأمل : بس ترى بعد حرام نظلم الرجال
امها : وش قصدك ؟
عبير : قصدي دقي على خالتي واسأليها اذا ولدها عند حكّيه ولا غيّره.
امها : تهقين ؟
عبير : ايه يمه عشان نصير على بينه من اللحين.
امها قامت : اجل بقوم اكلمها.
تابعت عبير ب نظراتها امها لما دخلت الغرفه وصرخت بخفيف : يااس ان شاء الله يارب م يكون غيّر رايه.
.
.
الظهر.
رجع مناف للبيت وكالعاده دخل والبيت هدوء وتوجه للمطبخ على طول.
دخل ولقى امه باس راسها وجلس ع الطاوله : شتسوين لوحدك يمه
امه : ابد سويت غدا لخواتك وزوجتك ورفضوا ياكلون هند ودلال نامو وامل منفسه ومسكره على نفسها ونغم قامت صلت ورجعت تنام
مناف : نغم نايمه من الصبح ؟
امه : اي والله مسيكينه هالبنت جبت لها هالبزر ويوم تعلقت فيه اخذته!!
مناف : يممه يعني نحّرم الام من ولدها عشان نغم تعلقت فيه ؟
خزته امه : ليه انتو حصلتوا امه؟؟
مناف : ايه ولعنه لقيناها.
ابتسمت امه : الله يديمكم امن وامان ي رب
ابتسم مناف وقام : انا بطللع اشوف نغــ…
م كمل حكيه وقطع عليه ضرب على باب البيت بقوه عقد حواجبه مناف وناظر امه اللي خافت من الدّق وتوجهه للباب وفتحه وكانت بوجهه يارا اللي متحجبه فقط وبمجرد م فتح الباب قالت وهي تبكي
يارا : منااف الحققني تكفى مهند تعبان طاح علي مدري وش فيه
مناف صدّ عنها : وش فيه ؟
يارا : م اعرف م اعرف اغمى عليه وم قدرت اشيله تكفى تعال تعال
من خلف مناف كانو واقفين امل وامها ، وبسرعه امل تقدمت ل يارا وضمتها وصرخت بمناف : رووح شووفه
وابتعد مناف عنهم وتوجه ل بيت الجيران
يارا برجفه : امل تعالي معاي تكفين وربي بموت لو صار له شيء
امل بلعت ريقها : انتظري البس عباتي
توجهة امل لغرفتها ولبست عبايتها بكل رجفه وألم قلب وهي تدعي بداخلها ان مهند م يصير له ضرّر.
لبست عبايتها وتوجهة مع يارا لبيتهم على دخلتهم للبيت كان مناف طالع وساند مهند اللي فاقد وعيه على كتفه ورمى مفتاحه ع امل وقال
مناف : امل شغلي السياره.
.
.
عند رعد.
منسدح على سريره من جابه مناف عيا ينام “باله مشغول على اسيل وقلبه مشغول بغرام ”
قام وفتح الدرج اللي بجمب راسه وطلع الشريحه الجديده وفتح جهازه وركبها ودق ع الرقم الوحيد المسجل فيها.
انتظر دقايق وجاه الرد “مشغول”
بقهر فتح الرسايل وكتب “غرام ردي لا اتهور وادق على عمي ”
انتظر حول الخمس دقايق ودق من جديد وجاه صوتها الهادي : الو
رعد : من الاخر وشفيك ؟
غرام بهدوء : ولا شيء
رعد تناهد : ثقي ثقه تامه بأن اي شيء قالته رسيل لك كذب
غرام قاطعته : وش دخل رسيل ؟
رعد : عارف محد معبي راسك غيرها
غرام : خلصت كلامك ؟
رعد استغرب : ايه ؟
غرام : مع السلامه.
قفلت وناظر رعد الجوال بصدمه ودق عليها مره ثانيه وجاه “مـغـلـق”
انقهر وجلس ع السرير وطلع جهازه الثاني وفتح القائمه ودور لرقم ابوه ودق عليه.
شوّي وجاه الصوت : الو
رعد : اهلا
…: مين معاي ؟
رعد انسدح ع السرير : ي للأسف ي مشعل بن حمدان
ابوه فز : رععد ؟
تناهد رعد بدون م يقول شيء
ابوه : وشفيك ؟ متضايق ؟
رعد : لا
ابوه : وشفيك اجل
رعد : يبه لازم اجيكم الشمال بالسرع وقت
ابوه : ليه وشفي ؟
رعد : فيه امور لازم تعرفها وامور لازم تصير
سكت ابوه وم رد.
رعد : سلم ع الجميع مع السلامه.
.
.