روايه بنت السيل

بغرفة مناف .
نغم صار لها نص ساعه صاحيه لوحدها بدلت ملابسها وجهزت نفسها بس تنتظر مناف يقوم .
اندق الباب ولفت نغم : ادخلل
ام مناف فتحت الباب : صباح الخير
نغم بهمس : صباح النور
ام مناف : انتي صاحيه يمه ” جلست جنبها ”
نغم : ايه
ام مناف مسكت يدها بلطف : سامحيني ي بنتي
نغم ساكته مسكتها الغصه م تقدر تتكلم .!
ام مناف : والله م قصدت اضربك ولا امد ايدي عليك انتي مثل بنتي والله يشهد عليّ انك اغلا من بنتي
طاحت دمعت نغم ومسحتها ام مناف : لا تبكين ي روحي والله ان دموعك تعز عليّ سامحيني ي بنتي تكفين
ال تكفين هاذي كفيله بأنها تبكي نغم.!
ضمتها نغم وهي تبكي بقوه .
ام مناف : بس ي روحي بس والله انك تبكيني معاك
نغم ببحه : شفت فيك امي ” شهقت بعد كلمتها ورجعت تبكي ”
مناف صحّي واستند ع السرير يناظر الموقف بصدمه .
ام مناف بكت معها .
مناف رافع حاجبه : بس ي جماعه الخير حرام عليكم هاذي المره الثانيه اقوم متروع .!
نغم تشاهق وتبكي .
ام مناف : بس ي قلبي بس .!
سحبها مناف من كتوفها : خلاااص اووص .
نغم لفت عليه وضمته هو وهي لازالت تبكي .!
مناف تجمد ثواني وقال بضحكة : البارح ولا دمعه نزلت واللحين تبكين وش هالتناقض ؟؟
ام مناف تمسح دموعها : يالله تعال انت وياها تقهوى وافطر معنا .
قبل تقوم قرب منها مناف بصعوبه لان نغم متمسكه فيه وباس راسها : يالله دقايق بس واجيك .!
طلعت ام مناف ومناف لف لنغم وهو يضحك : خلاااص هدي ليش البكا تراها اعتذرت منك م ضربتك من جديد ” يحاول يبعدها عنه ” ههههههههههههه والله اما انتو م ينعرف لكم ي البنات .
تركها ولف ل جواله يشوف الرسايل والمكالمات .
شوي بعدت عنه وهي تمسح دموعها وتشاهق ناظر مناف وجهها وفطس ضحك .
نغم ببحه : خير ايش فيه ليش تضحك ؟
مناف : لو تشوفين وجهك تقول بيبي يبكي ههههههههههههههههه
نغم : بيبي بعينك
مناف : احلا بيبي بعد ” قرص خدودها ” زينها نتفتي .!
عقدت حواجبها نغم وقبل ترد عليه قام وتركها
.
.
بغرفة امل اندق الباب .
امل : مفتوووحح
دخلت امها : صاحين ؟
امل مسويه زعلانه قالت بحده خفيفه : ايه
امها تقدمت ل سرير هند : هنند هنوده يالله قوومي يامي يالله
هند قامت : طيب
امها جلست جنب امل ومسحت ع راسها : زينتي
بعدت امل عنها ولا ردت .
امها : زعلانه ي عمري ؟
امل : اكيد بزعل بعد المصخره اللي صارت لي البارح .
امها : لو انك سكتتي انتي واختك وبلعتو السنتكم الطويله م كان مصخرتكم .!
امل : لا والله اخليهم يغلطون عليّ وعلى اختي يعني واسكت ؟
امها : ايه تسكتين
امل قاطعتها ب انفعال : والله ماسكت واي احد يحكي فيني او ف اختي برد عليه وامردغه بعد .
امها : ي بنت لا ترفعين صوتك علي
امل سكتت وهي مقهوره .
هند : يمه ليش كلكم تدافعون عن بنات خالتي ام سامي وتحامون عليهم ترا حتى هم يغلطون
امها : لانهم محترمات وم يغلطن مثلكم ولا يراددن جدتكن اذا هاوشتهن
امل قامت تلبس جزمتها بقهر : مرره محترمات مرره
هند : امل ايش هذا ” كانت تاشر ع الزباله ”
ام مناف شهقت : ايش هالدم ي بنات
هند : هذا بنطلونك ي امل ليش فيه دم ومقطع
امها : ايش صاير ي بنت اتكلمي .!
مناف اللي واقف عند الباب : انقلبت هي ونغم ب الدباب امس .
امه شهقت .: متى وليش م خبرتوني ؟
امل : وانتو خليتو لنا فرصه نخبركم بشيء على طول هبيتو فينا هواش عشان التبن وخواتها
مناف : امممل عيييب
امل عدت بقهر من جنب مناف بس قبل تطلع مسكها : يالله امل روحي لأمك وبوسي راسها
امل بهمس : فك يدي مناف
مناف رفع حاجبه : روحي امل يالله ونغم معاك
نغم : يالله امل
امل ناظرتهم : بس مو غلط حتى بعد م عرفت انهم غلطانين تدافع عنهم .!
هند : طبعاً لانهم ملائكه مُنزهين عن الغلط عند الكل .!
مناف : هند لا تزيدين يالله امل لا تطول وهي قصيره
نغم تقدمت من ام مناف وباست راسها : انا اسفه
مناف : يالله امل شوفي نغم اعتذرت !!
امل تناظر في مناف بثبات : ولو اعتذرت انا هاللحين تضمن لي ان جدتي م تهاوشني اذا رحنا هناك ؟؟
مناف : انا معاك محد بيهاوشك
امل دفت يد مناف من يدها بقوه وتقدمت ل امها وباست راسها : اسفه.
مناف : ها امي راضيه ؟ ترى اهم شيء رضاك .
ابتسمت له : راضيه ي عين امك
مناف : كوويس اجل ي الله ي جماعه الخير جهزو لنا فطور بموت من جوعي .
امل : والله م الومك كلنا م تعشينا بسبب ال ###
مناف : املل عن الوصاخه .!
امل : على تراب انت
مناف مسوي مسكين: تسلمين جزاك الله خير
ام مناف : يالله روح انت تقهوى لحد م يجهز الفطور هند وامل تعالو المطبخ ساعدوني .
هند : طيب
طلعت ام مناف ولحقوها هند وامل .
مناف مد يده ل نغم : يالله تعالي
مسكت يده وطلعت معاه بهدوء .
مناف : كييف اجواء الصباح هنا مو حلوه ؟
نغم : مرره حلو
سحبها معاه ل مواقف السيارات : امس جبت لك معي شغله ونسيتها بالسياره !!
نغم : امس ؟
مناف فتح السياره : دقيقه انتظري .!
دخل ل السياره شوي وطلع وبيده كيس غمز لها وقال : توقعي ؟
نغم : عادي
ابتسم لها ومد لها الكيس فتحته وشهقتت : اااااااا جووواللل
ابتسمت لدرجه بانت اسنانها العلويه : مشكور مناف ي الله مادري وش اقول ههههههههههههههه
مناف لا ارادي ضحك من ضحكتها .
ضمته بحركة سريعه : تسلم تسلم تسللم
مناف بس يضحك
فتحت العلبه واخذت الجوال ومدت الكيس ل مناف : امسك
مناف اخذه : جبت لك رقم بعد
نغم : وين ؟
مناف : جوا الكيس
نغم فتحت الجوال : واخر مُديل بعد ؟؟
مناف : تستاهلين
نغم انشغلت ب الجوال وهي تفتحه وتتصفحه ولو انه فاضي .!
مناف : خلينا ندخل .!
مسك يدها وسحبها معاه وهي من فرحتها مو حاسه اما مناف مستانس من وناستها .
مر من عند الورد : تبين ورده ؟
نغم : بتجيب لي ؟
مناف هز راسه : ايه
نغم ابتسمت له اما هو دخل بحذر عشان الورد كله شوك واخذ لها ورده وقبل يطلع
نغم : خليك عندك بصورك .
مناف رفع راسه لها وابتسم : يالله .
نغم ضحكت : يممه شكلك يضحك مره ابتسامتك غبيه
مناف : شوفي تسحبين كلمتك ولا اهون وارمي الورده ؟
نغم : لاا خلااص والله امزح
مناف طلع وسكر باب المزرعه وقرب منها ومد لها الورده : وهذي ورده
نغم اخذتها : مرسسيي
مناف ابتعد عنها : بروح اتقهوى انا
نغم : انتظر
لف لها : ها ؟
قربت منه : سيلفي ؟
مناف ضحك : ي شيخه ؟
نغم : امانه الله يسعدك
مناف سحب الورده من يدها وثبتها بشعرها : كذا تمام يالله
رفعت الجوال عشان تلتقط صوره بس للأسف مناف اطول منها مو طالع غير صدره .
نغم : وشذا مناف مو طالع انت
ضحك عليها بقوه : طيب وش اسوي لك انتي نتفه
نغم : نزل راسك انت شوي .!
نزل راسه : ها كذا تمام
نغم التقطت صوره واثنين وثلاثه وقالت بقهر : لا مو تمام مره مو حلوه
مناف : نغغم خلصنا جد طفشت
مدت شفايفها بزعل .
سحبها معاه ل الجلسه الخارجه .
كان فيه جدته بس تقهوى .
مناف : صبحك الله بالخير
جدته : هلا بولدي هلا
مناف لف ل نغم لسى هي م دخلت : هلا بك نغم افسخي جزمتك قبل تدخلين .!
جدته : هه ليه هي بزر تعلمها وش تسوي .
مناف ابتسم لها وكأنه م سمع : هذي قهوتك ؟
جدته : ايه
مناف : نغم صبي لي والله ي اني مشتاق لقهوتك يمه .
صبت له نغم ومدتها له وجلست جنبه .
جدته : خواتك م صحيو ؟
مناف : الا مع امي بالمطبخ يساعدوها بالفطور
جدته : وزوجتك ورى م تساعدهن ؟
مناف لف ل نغم اللي منزله راسها ع الجوال : م يحتاج يكفوون ويوفون .
جدته : والله من السنع انها تروح تساعدهن .!
نغم كانت سامعتها بس م تبي ترد عليها بس لسانها يحكها الا ترد : والله من اسنع اني اقابل زوجي واقهويه
جدته : تقهويه هاه ؟ صبت له فنجال وقالت اقهويه
ضحك مناف ودقته نغم : لا تضحك
مناف زاد ضحكه .
نغم جات بتقوم : الشرهه علي طيب؟
مسكها من يدها وهو يضحك : امزح ههههههه ي بنت الحلال اهجدي
نغم : فك بروح للبنات .!
قبل يتكلم مناف قطع عليهم : سلااام عليكم
فز لها مناف : ارحبيي حي الله ذا الوجه الشين وحشتيني
سلمت عليه بحراره : عشان تعرف قيمتي
باس راسها : قيمتك معروفه وغاليه وانا اخوش من زمان .
سلمت ع نغم : كيفها زوجت اخوي الحلوه
نغم : تمام انتي دلال ؟
دلال : اييه يحق لك م تعرفيني م شفتيني غير مرتين .
مناف : اخذك منا فيصل .!
ضحكت دلال وتوجهت ل جدتها وسلمت عليها .
دلال : شخبارك ي يمممه ؟
جدتها : بخيير انتي شحالك ؟
دلال : تمام الحمد لله
مناف : وش جابك قبل العيد انتي ؟ كان تعيدتي مع زوجك وبعدين جيتي
دلال : وش قصدك هاه
جدتها : م عليك منه يمه فاضي خبريني عنك وعن زوجك ؟
مناف : افا
نغنم بهمس وضحكه : طاح كرتك
مناف ضحك : والله شكله
قام واخذ كوب وعباه قهوه : يالله انا استأذن بروح ل الشباب اصحيهم
نغم : لا خليك معايه لين يجون البنات؟!
مناف رفع حاجب وقبل يتكلم قالت دلال : تخافين بدونه ” ضحكت ” ولا يهمك انا معاك .
مناف بإستهبال : انتبهي على زوجتي ي دلال لا اوصيك .
دلال : بعيوني لا تقلق .

error: