روايه بنت السيل

امل : بكل صراحه لمين اكثر شيء اشتقت ؟
سامي : للكل .
امل : قول مين اكثر شخص سيطر ع تفكيرك ؟
سامي : يعني ابوي اكثر شيء .
امل : تف عليك هذا وانا متوقعه تنطق اسمي !!
سامي : لا جد قسم بالله مره تذكرتك وانا رايح اصلي ومت ضحك !!
امل : ايه الحمد لله اهمشيء انك تذكرتني .
تناهد : وين مناف له وحشه التبن ؟
امل : طلع لولد جيراننا الجدد كذا كم ساعه وبيبدا دوامه.
سامي رفع حاجبه : بس هو دوامه من الفجر ل الساعه 11 صح ؟
امل : اي بس ذا اضافي عشان لا بغى اجازه وكذا .
سامي : اها .
امل : ترى مناف تزوج بقى دورك ي الشايب .
سامي : تزوج ؟؟ امل : ايي .
سامي : كييف متى وش هالسرعه .
: السلام عليكم .
قامت امل سلمت ع ابوها : حياك يبه ” غمزت لسامي وطلعت ”
ابومناف : مرحبا مليون تو م نور البيت ي سامي .
سلم عليه سامي : والله انك وحشتني ي عم بشكل م تتصوره .
ابومناف : وانا فاقدن حسك بيننا العصريه بالموسسه محد يجيني يسولف لي فقدتك ي بوك .
سامي : خلني اخلص هدوره انفداك والله لا اسنتر عندك من الصبح للمسا
ابومناف : طمني عن احوالك وايش مسوي .
سامي : الحمد لله م علي خلاف الا ي عم مناف متى تزوج ؟
ابومناف : سالفتن طويله صبي قهوه ي مرّه خلني اعلمه بالعلم .
سامي عدل جلسته بحماس : اسلم ي عم ( بالصاله )

امل جلست ع الكنب بأبتسامه : واااههه وحشني التبن
هند : توحشك العافيه
امل : كلي تراب مدري ليش كارهته
هند : يكفيه انه اخو عبير والزقات الثانيات
امل : بس سامي غير
هند : ايي مره غير .
امل : تخيلي شفت ولد جيراننا اللي اسمه مهند
هند بملل : طيب ؟
امل : يجننن انا يوم شفته تجمدت لا وبعد دكتور .
هند : م شاء الله .
امل : وذي يارا مررره طيوبببه وعلى نياتها وبعمري وبتسجل بنفس مدرستي بعد .
هند : واو مره حمستيني اتعرف عليها .
امل : الشرهه على اللي يسولف لك بروح لنغم
هند : نايمه مناف قالي لا تصحونها تعبانه .
امل : معقوله نايمه وهي م صحت غير الظهر .
هند : شدراني عنها .
امل : بقوم اشوفها .
قامت امل شوي وسمعت شهقتها هند وفزعت لها .
هند : شفيك ؟
امل ضامه نغم اللي تبكي: قفل عليها التبن .
هند : كذابه م يسويها مناف ؟
نغم تبكي بصوت مسموع وتشاهق .
هند : وشسويتي له ؟
نغم : م سويت له شيء صحى من نومه منفس .
هند مسكت جوالها : انا اوريه ابن ال###
نغم : كيف لقيتي المفتاح ؟
امل : بالباب م شاله .
نغم : حيوان كلب .
هند : الو
مناف : هلا
هند : ي ### ليش مقفل على نغم ؟
مناف : داقه عشان كذا ؟
هند : اي داقه عشان كذا ليش هي حيوان عندك عشان تحبسها ؟
مناف : زوجتي وانا حر .
هند : اقسم بالله لا اعلم ابوي ي تبن ي طووط .
مناف : هههههههههههههههه وش رايك تعلمين الشرطه ؟
هند : تف عليك . ” قفلت الخط بوجهه ”
امل : تعالي نغم علمي ابوي ذا تبن م يستحي على وجهه .
ام مناف : وش فيكن ي بنات تصارخن ؟
هند بأنفعال وصراخ : التبن مناف المعفن الزباله ال طووط مسكر على نغم بالغرفه وحابسها تقول انها حيوان عنده .
ام مناف : اييش ؟
بالمجلس كان حكي هند جداً واضح ومسموع .
قام ابومناف : اعذرني ي سامي شوي !!
سامي : خذ راحتك
همس سامي بعد خروج ابومناف : جعلني طولة لسان .
طلع ابومناف ل الصاله : خير ي هند وش في ؟
هند : التبن الحيوان الزق المعفن مسكر على نغم بالغرفه حابسها من المغرب تقول انها حيوان مو ادميه .
عقد حواجبه ابومناف بضيق ولف ل نغم : هالحكي صحيح ي نغم ؟
نغم ببحه : اي .
ابومناف : مالك الا اللي يرضيك وانا ابوك .
نغم دخلت للغرفه ودخلت معها امل وهند .
ابومناف : دقي على ولدك خليه اللحين يجي .
ام مناف : ابشر .
رجع ابومناف للمجلس : اعذرني وانا ابوك .
سامي ابتسم له بس
ابومناف : اخاف بعد اللي سمعته تهون ؟
ضحك سامي ضحكة طويله : لا لا انا عند حكيي للحين .
ابومناف : تراها لك من اللحين لو هي ذبيحه م عشتك .
سامي : لا لا ي عم خلني اكون حالي اول وبعدين انا جايك جايك ان شاء الله .
ابومناف بجديه : وانا ابوك حكي الناس بدا يطلع على بنتي والخطاب يشهد الله كثار .
سامي قاطعه : بس يكمل بيتي ان شاء الله متزوجها .
ام مناف دخلت : منهي سعيده الحظ ؟
سامي ضحك وم رد .
ام مناف : على طاري الزواج اليوم جارتنا قالت ان ودها تزوج ولدها وقالت تبي وحده مقاربه ولدها بالعمر وانا وصفت لها هند عاد قالت بتجي تزورنا تشوفها .
انقلب وجه سامي ودقات قلبه تسارعت .
ابومناف : وايش يصير ولدها ؟
ام مناف بفخر : دكتور
ابومناف : م شاء الله .
” ناظر سامي ورحم حاله ” لا جات قولي لها مالك نصيب عندنا .
تناهد سامي بأرتياح .
ام مناف : وليش انت تعرف عن الرجال شيء ؟
ابومناف : ابد والله غير طيب اخلاقه وكرامة اجداده معرف لكن هند طلبها واحد وانا عطيته وماني مغير حكيي.!
ابتسم سامي لعمه وقام : انا بطلع بروح لأهلي لسى م سلمت عليهم .
ابومناف : اسمعني ي سامي بكره ترى لك غداء عندي ولا ابي اي اعتراض .
سامي : ي عم الله يهديك ماله داعي تكلف على نفسك .
ابومناف : لا كلافه ولا شيء بكره تجي انت واهلك تسمع .
حط اصبعه على خشمه : على هالخشم تامر .
ابومناف : تسلم .
مناف دخل : سلام ع…… ” قطع كلامه يوم شاف سامي ”
سامي : م ودك تسلم ؟
مناف بدون شعور ضمه : وحششتتتنننني .
سامي : كييف حالك ؟
مناف : وانا اقول ابها ريحتها عطر اليوم اثاريك منورها .
ضحك سامي : عن المبالغه ؟
مناف ابتعد عنه وهو يضحك : والله م ابالغ من صحيت المغرب وانا حاس بشي غريب
سامي : ذبحك الاحساس .
مناف : وين سيارتك م شفتها برا
سامي : تركتها عند الورشه بغير الزيت وبنضف المكينا .
مناف رجع ضمه من جديد : وااااههههوه لك وحشه فقدتك .
سامي غمز له : اعرست ي الاخ .
ضحك بقوه : الله الله .
سامي : استح على وجهك كان انتظرتني مو كنا متفقين انه اشهد بزواجك وتشهد بزواجي ؟
مناف : وانا للحين عند حكيي .
سامي رفع حاجبه : كيف ؟
مناف : زواجي ذا مجرد وقت واصلاً م يعتبر صحيح المهم سالفه طويله بكره اقابلك واعلمك فيها .
سامي : م يحتاج عمي قال لي .
مناف لف لأبوه ورجع ناظر سامي : كأنك ماشيء ؟
سامي : اي م سلمت على اهلي جيتكم على طول .
مناف ضحك : وش جابك قبل تمر اهلك ؟
سامي : بيتكم اقرب من بيتنا ، يالله ي عم مع السلامه
ابومناف : ودعناك الله لا تنسى بكره تجي .
سامي : ان شاء الله مع السلامه .
طلع سامي وجلس مناف وصب لنفسه قهوه .
جلس قدامه ابوه : اللحين انا زوجتك بنت الناس عشان تسوي فيها كذا ؟
مناف : وانا ايش سويت فيها ؟
ابوه صر على اسنانه : حاكني بعقلانيه ي مناف !!
مناف تناهد : م يحتاج اعلمك بأخلاقي اذا صحيت من النوم وهي مستفزه بعدين هذا عقاب بسيط .!!
ابوه : ومين انت عشان تعاقبها ؟
مناف : زوجها يبه زوجها .
ابوه : ي شيخ ؟ مناف البنت امانه تعرف وش يعني امانه بتنسأل عنها قدام ربي .
سكت بأمتعاض .
ابوه : اعتذر لها !!
مناف شرق بالقهوه : كححح كححح
مد له ابوه المويا .
مناف : خييير يبه خيير
ابومناف : بتعتذر لها لانك غلطان .
مناف : انا اذا غلطت في حق نفسي م اعتذر لي تبيني اعتذر لذي .
ابومناف : ي هنننددد ي هننند .
جات له هند جري : سم
ابومناف : سم الله العدو قولي لنغم تجي
هند : ابشر
مناف : ماني معتذر يبه لا تحرج نفسك
جات هند ومعها نغم وامل .
ابومناف : مناااف ؟؟
مناف رفع عينه لنغم يخزها .
ابومناف : لا تخوفها .
نزل عيونه مناف وتناهد
ابومناف : هذي تربيتي لك ؟؟
مناف قام ووقف قبالها كان اطول منها بفرق كبير وهي منزله راسها : طيب ي ابوي انت تامر .
رفع راسها بأطراف اصابعه وطبّع قبله على جبينها : انا اسف حقش علي
انحرجت نغم من حركته وطلعت من المجلس.
ناظر مناف خواته : وشو انتو تبون اعتذر لكم بعد ؟؟
هند خزته : لا .
ابومناف : جهزن ي بنات سامي واهله بيجون بكرا .
هند بهمس : كمّلت عاد !!
امل : لو انه قايل بس سامي لوحده كان ازين ؟!!
هند : ويععه لا سامي ولا امه .
ام مناف : مناف تعال ودي احاكيك شوّي
قام مناف : سّمي
ام مناف : خالتك حلفت معاد تطب بيتي وانت قلت نغم بتعتذر ؟
مناف : ابشري على خشمي الحين بكلمها واذا جات بكرا نعتذر لها .
ام مناف : كويس
مشى مناف لغرفته وهو يفكر كيف يقنع نغم تعتذر من خالته ” بحسب خبرة مناف بلغة الجسد ف نغم عنيده جداً ومستحيل ترضا ” .
انسدح ع السرير وهو يتناهد ويفكر .
رفع جواله ودق على خالته شوي وجاه صوتها : الوو
مناف : سلام عليكم خاله شخبارك ؟ : تمام يمه مناف كيف حالك انت ؟
مناف : بخير الحمد لله سامي جاكم ؟
: اي توه وصل
مناف : الحمد لله ع سلامته
: الله يسلمك امر يمه احس عندك حكي ؟
مناف : اي والله خاله عندي حكي
: قول يمه لا يردك الا لسانك ؟
مناف : ودي اعتذر لك عن اللي سوته نغم بعبير وبكرا اذا جيتوا نغم بتعتذر لك ولعبيير
: معذور يمه بس لو تعلم مرّتك الاصول .
مناف : ان شاء الله تجون بكرا ؟؟
: ان شاء الله
مناف : حياك الله .
: الله يحييك م اطول عليك ي ولدي ؟
مناف : ابد والله مع السلامه
: ودعتك الله
مناف : فمان الله
سكر منها وهو يقول بباله من جهت عبير وخالتي حليناها بس نغم”تأفف” ي دين الله !!
قام وفتح باب الغرفته واستند عليه : نغغغغغمممم نغممم
طلعت من غرفة هند : نـعم ؟
مناف بجمود بملامحه : تعالي .

قام وفتح باب الغرفته واستند عليه : نغغغغغمممم نغممم
طلعت من غرفة هند : نـعم ؟
مناف بجمود بملامحه : تعالي .
دخل الغرفه وترك الباب مفتوح شوي جات نغم منزله راسها قفلت الباب وجلست ع الكنب بعيد عن السرير .
مناف : يعني بتقنعيني انك خايفه
نغم : لا
مناف تناهد : تعتذرين من خالتي وعبير بكرا!!
نغم : انا ؟ مستحيل
مناف : وليش م تعتذرين ي سمو الاميره ؟
نغم : انا اعتذر ؟ لا ومن مين ؟ ” قالت كلماتها الاخيره بسخريه شديده ”
مناف : وليش م تعتذرين مو انا مناف بجلاله قدري اعتذرت منك انتي ” اردف اخر كلمه باستهزاء ”
نغم : فرق بين السما والارض .
مناف : تعتذرين ؟
نغم تناظر اظافرها ببرود : تبطي
مناف : لسانك الطويل بقصه !
نغم : تبي مقص هههههههههههههههههههههههههه .
قام لها مناف وقبل يوصل قالت برجفه : لا تقرب خلك بعيد لا تقرب
غمضت عيونها لما حست انه واقف امامها تماماً وان عطره تخلل انفاسها كان مناف يتأملها تمثل الثبات وهي ترجف تقول حكي هي مو قده .
مناف : ناظريني ؟
رفعت عينها ل عينه وبسرعه لفت وجههها للجهه الثانيه ابداً م تنكر خوفها من شر عيونه !!
بقوه رفع راسها لمستواه وثبتها ع الجدار وكأنه ماسك رجال : لسانك الطويل وربي لأقص……
قطع كلامه لما سمع صوت جواله ، ابتعد عنها ورد ع جواله .
مناف : حاظر سيدي هاللحين جاي ابشر دقايق واكون عندك .
قفل ورجع ناظرها تعلقت عينه بعيونها للحضه حس بشعور م عمره حس فيه نظراتها الخايفه البريئه حركة بداخله احساس م يدري وش نهايته .
.
.
.
الساعه 9 الصباح دخل مناف للبيت واستقبلته ريحة البخور قبل يدخل ل الصاله قاطعته هند .
هند : افسخ جزمتك هالوصخه عندك !
مناف : اقول تعالي بخريني بس
هند : مرره شكلك يساعد
ناظر نفسه كله طين وابتسم : يكرفون اخوك
هند : تسلم يديهم
مناف : على تراب
هند : امل توها خلصت تنضيف الصاله يعني لو جات ولقت طين والله ان تفصل علينا وانت تعرفها ” رفعت يدها لراسها بمعنى مو صاحيه ”
مناف فسخ جزمته وسيده ع المطبخ استند ع الباب كان موجود فيه امه ونغم وامل : سلام
ناظرته امه : هلا يمه توك جيت ؟
مناف : ايه
امل : يارب تكون وصخت الصاله ي رب
ضحك مناف بقوه : ايه وصختها !!
امل : وربي اذبحك والله .!
تقدم لهم وجلس ع الطاوله مد يده ل الشوكلاته وظربتها امل .
مناف يناظرها بمعنى شفيك ؟
امل : يدك وصخه
مناف مدها لها : غسليها هههههههههههههههههههههههههه
امل : هها هها هها مره تضحك ” قربت من اذنه وهمست ” لو ان امي مب فيه كان تفلت بوجهك يالله فارق .
مناف زاد ضحكة : والله اني اوسع الصدر
ام مناف : رح يمه تروش ونام قبل يجون الضيوف .!
مناف قام : طيب ” ناظر امل ” ابغى شوكلاته .
امل قافله اخلاقها : تبغى كف ؟
ضحك مناف لما بانة صفة اسنانه العلويه : بطلع خلاص ” قال حكيه وطلع ”
ام مناف : امل كملي عن نغم وانتي ي نغم لحقي زوجك
نغم ناظرة امل بتعقيده وحواجب وامل اشرت لها بمعنى روحي .!
نغم : طيب
عند مناف دخل للغرفه وعلى طول فسخ تيشيرته ورماه ثم طلع جواله وحطه بالشاحن رفع عينه لنغم لما دخلت تعلقت عيونه فيها وجهها انصبغ احمر اقل من دقيقه ثم قال
مناف : وش تبين ؟
نغم تناظر اي شيء بس م تناظره : خالتي قالت لي الحقك .
مناف : اهه اجل بدل م تظلين واقفه كنك جدار خذي ملابسي واغسليها .
نغم : م اعرف
مناف : طيب طلعي لي بجامه .
تقدمة وفتحت الدولاب وطلعت له بجامه وحطتها ع السرير : شيء ثاني ؟
مناف : ايه خذي ثوبي وشماغي واكويها واذا مكويه بخريها .!
نغم : طيب ” اخذت ثوبه وشماغغه وطلعت ”
.
.
عند هند تبخر مجلس الحريم وترتب
دخلت امل : اقول ترى جارتنا الجديده بتجي
هند : واذا جات شسوي لها ؟
امل : حاطه عينها عليك ترى
هند : واااو حاطه عينها عليّ وهي م تعرفني .!!
امل : امي حكت لها عنك ي زق وبعدين تراها فرصه ذهبيه ولدها دكتور ووسيم .!!
هند : خذيه انتي الدكتور و الوسيم !!
امل : تحسبيني برفض يعني ؟ لا والله ي روحي هذي الساعه المباركة اللي بفارق وجهك بس هي تبي وحده تقارب ولدها بالعمر !!
دخلت ام مناف ومسكت امل من اذنها : ايااا قليلة الادب ياللي م تستحين وش هالحكي هاه ؟

error: