روايه بنت السيل

امل استعدلت بجلستها : تحبينه ؟
نغم : وش دخل ؟؟
امل : علينا اعترفي ” غمزت لها ” بتبكين عشانه زعلان ؟ وتقولين م تحبينه ؟
نغم بقهر : اللحين انا قلت م احبه ؟
امل : يعني تحبينه !!
نغم : ياخي وش دخل ؟
امل : شف ذي اللي بتجلطني تحبينه ولا م تحبينه ؟
نغم هزت كتفها بمعنى م ادري .
امل دقتها بكتفها : تحبينه ولا لا ؟
نغم : مادري م اقدر احدد شعوري !!
امل قامت وسحبتها من يدها : تعالي تعالي هذي يبي لها جلسه خاصه
نغم : هههييي وييين ويين
سحبتها امل معاها للغرفه وجلستها ع السرير واخذت كرسي وجلست امامها : اللحين علميني وش تحسين فيه اذا شفتي مناف ؟
نغم : عادي
امل : طيب اذا تاخر م رجع تقلقين عليه ؟
نغم : احياناً اذا كنت لوحدي بالبيت
امل : اممممم طيبب لو ……
قطع عليها مناف فك الباب وطل براسه : بروح انا القهوه ومارح ارجع غير المغرب لا تطلعون .
امل : دقيقه دقيقه
ناظرها بدون م يرد
امل : امي م كلمتك
مناف : كلمني ابوي بيجون ب الليل
امل ب فرح : اليوم
مناف : ايه
نقزت امل بفرح تضم نغم لكن نغم عيونها ع مناف اللي خرج .
بعدت امل عنها وبسرعه لحقت مناف : مناااف
لف لها : ها
نغم ترفع عيونها له شوي وتستحي وتنزلها : ايش في ؟
نغم : قول انك مو زعلان
تكتف : لا زعلان
نغم عقدت حواجبها ومسكتها الغصه لو تكلمت بتبكي .
مناف قرب منها ومسك وجهها بين ايديه وعيونه بعيونها المليانه دموع .
نغم بصوت مختنق : والله اخر مره
مناف مسح دمعتها اللي نزلت : خلاص سامحتك لكن اخر مره مفهوم .
نغم : والله والله اخر مره
مناف ابتسم لها : اوكيه لو تكرر؟
نغم حركة راسها بنفي : مارح يتكرر
احساس مناف كان مُهيب يحسها طفله بين ايديه فعلاً بدا يحس ب انجذابه نحوها .
نغم : مناف
وهو ضايع بعيونها نطق : ها
نغم : ممكن اقلدك ؟
عقد حواجبه م فهم .
اما نغم ارتفعت ووقفت على اطراف اصابع رجولها عشان توصل جبينه لكنها م وصلت ف كانت بوستها بين عيونه .
ابتسم مناف لما بانة اسنانه العلويه وضحك ع الخفيف .
اما نغم ابتعدت بسرعه وقلبها يدق بقوه رفعت عينها له وهي تشوفه مبتسم ونظراته توحي للأستغراب .
لف مناف لما شافها مستحيه وطلع .
تناهدت بقوه وقلبها يدق لدرجه تحسه بيطلع من صدرها رفعت عيونها لامل اللي وقفة قدامها .
امل : الله الله ي الرومنسيه
نغم وجهها قلب : كلي زق .
امل رفعت جوالها : صورتكم
نغم بصدمه : كذابه
امل رفعت جوالها : والله حتى شوفي ؟
شهقت نغم بصدمه وهربت امل وصارت نغم تجري وراها .
.
.
.
الساعه 2 ونص
دخل رعد للبيت بهدوء كالعاده حاول يكون هادي ويعدي من الصاله قبل يحس فيه احد عدى من جنب مزهرية الورد ودق فيها بالغلط كانت بتطيح لو م مسكها غمض عيونه براحه وتناهد ونزل عدلها وجواله ومفاتيحه بحضنه ، زينها مكانها وقام لكن للإسف طاح جواله وطاحت مفاتيحه واصدرت ضجه ب الصاله كامله .
جاله الصوت من الصاله الثانيه : رعد تعال
غمض عيونه بقهر وعض شفايفه : الله يلعن ابليس .
نزل يلم مفاتيحه وجوالاته وراح لهم : السلام عليكم .
ابوه : تفضل
اشر له يجلس جنبه لكن رعد كالعاده يجلس بالمكان اللي يبغاه .
ابوه : كيف الدوام اليوم ؟
رعد : تمام
ابوه : م حصل تطورات ؟
رعد : لا
ابوه رفع حاجبه : ل متى بتحتفظ بالاخبار ل نفسك ؟
رعد : ادري انك تعرف ب اللي صاير ف عشان كذا مو لازم اتعب نفسي واعلمك .
ابوه : لا والله م اعرف .!
رعد : جات الموافقه وراح اسافر اليوم ب الليل ل الرياض وبعده راح اقابل النقيب هناك وبس .
زوجة ابوه : شو بتسافر ؟
رفع عيونه لها : ايه
رسيل بهمس : روحه بلا رجعه
كانت جالسه رسيل بين ياسر وسيلين م حست غير ب ياسر يدقهها بكوعه ب بطنها وسيلين تقرصها ب كتفها .
رسيل : خيييير ؟؟
سيلين : فال الله ولا فالك
ياسر : حرام ذا اخوك
رسيل : لا والله صرتو تحبوه اللحين ؟ عشانه بيسافر ؟ جعله م يرجع ارتحتو ؟
كانت اخر جمله نطقتها عاليه شوي الكل سمعها ومن ضمنهم رعد اللي قام ولف لها ب ابتسامه يعرف انها تغيضها : رجعت ولا ما رجعت بتتزوجين عمار ورجلك فوق رقبتك.
رسيل انقهرت : والله م اتزوجه واللي رفعها سبع
رعد لف لابوه : برجع بعد ثلاث شهور اتمنى تكونون خلصتو امور رسيل عشان نملك على طول ” رجع ناظرها وغمز لها بأستفزاز ”
رسيل احمّرت عيونها من الغضب : والله والله م اخذه ي رعد والله تراني مو اسيل المسكينه تسممننععع ؟
رعد ببطئ: والله ان تاخذينه .” عطاها ظهره بعد هالجمله وطلع ”
توجه ل غرفته ب ضيق فتح الدولاب وطلع شنطته وصار يرص فيها ملابسه ويرتبها خلص وحطها على جنب رمى حاله ع السرير وقرر منبهه على موعد الرحله .
.
.
بالليل وببيت مناف تحديداً غرفته
قاعد يرتب ملابسه ب الشنطه واهله كلهم متجمعين ب الصاله .
انفتح الباب ورفع عيونه ل نغم اللي كانت مبتسمه بس من شافت شنطة السفر اختفت ابتسامتها .
نغم تقدمت له وعيونها بعيونه : وين رايح ؟
مناف : الرياض
نغم : ليش
مناف : شغل
نغم : متى وليش توه هالشغل طلع ؟
مناف لف عليها وصغر عيونه فيها : كأنك صايره تتدخلين فيني بزياده ؟؟
نغم لازالت تناظره بأستغراب لكنها ردت باستفزاز : طبيعي اي اخت بتهتم ب اخوها
مناف ابتسم بسخريه بدون م يرد .
نغم اخذت الملابس من يده : سيييب انا ارتبها
تكتف وابتعد وهو يناظرها بدون م ينطق بولا حرف .
طلعت ملابسه اللي رتبها هو وصارت تسفطها ب الشنطه ب تنظيم .
كان مناف طول الوقت يتأملها وكيف تترفع شعرها ب انزعاج اذا نزل ع وجهها وترفع اكمام بجامتها اذا ارتخت .
لفت عليه وقطعت سرحانه : بقى شيء ؟
قرب منها بصمّت ودفها لما صار ظهرها ع الدولاب وهو مقرب لها حيل رفع وجهها بيده لما تلاقت عيونهم .
مناف : قلتي لي كل اخت تهتم بأخوها ؟
بلعت ريقها بخوف واحساسها متلخبط م بين صدمه وخوف وشعور بقلبها راضي ومُبتهج .
مناف ظاع في ظلام عيونها واقترب اكثر وهو يتحسس ملامحها ب اصابعه .
كانت نغم معقده حواجبها وهي تناظر مناف وتلعن نفسها على دخلتها للغرفه اللي مالها داعي وتلعن هالاحساس اللي مخليها بين يديه للحين م ابعدت .
اقترب منها مناف اكثر لما حس انفاسها تلفح وجهه وشافها سكرت عيونها بخوف ونزل راسه ل اذنها وهمس لها : ادري ارعبتك وخوفتك اللحين لكن ؟
سكت شوّي عشان تخاف زياده .
مناف : هذي جزاة اللي يتدخل فيني ، وبرضو قرصة اذن عشان تعرفين اني بمزاجي مخليك مثل اختي .
انقهرت من حكيه بشكل فضيع حسّت من كلامه انها رخيصه وقت م بغاها بيلاقيها واذا بيتركها محد يقدر يقوله شيء .
وقفت الغصه بنص حلقها وحست فيه وهو يبعد لكن مو نغم اللي تنجرح وتسكت
لفت يديهها حول رقبته وناظرته بدلع ثواني واقتربت اكثر لما قربة من اذنه وهمست بدلع : لا تقول بمزاجك غلط ي بابا ؟ انا عندك لكنك م تقدر تطولني لان ايش ؟ انا مو سامحتلك ! تدري ليش ؟ لان الثرا عمره م يوصل ل الثريا .
نيران اشتعلت ب صدر مناف دفعها ع الدولاب بقوه ولزق فيها ورفع وجهها بيده : اقسم بالله ان اقدر اكسر حكيك ذا ب هاللحضه لكن….
قطع عليه دق الباب وابتعد عنها وفتح : هلا امي
ام مناف : يالله ي ولدي العشا جاهز
مناف : اللحين جاي
لف ل نغم وعيونه محتده فيها كانت مبتسمه عشان تغيضه
حاول قد م يقدر يكون صوته مضبوط وهادي : يالله تعالي العشا
طلع وتركها وراه اما هي تناهدة ورمت حالها ع السرير وهي تضحك ومستانسه اول مره توقف بوجهه وتثبت وم تخاف .
.
.
بالرياض وبعد مرور يومين .
بغرفه منااف كان منسدح وعيونه ع الساعه عدت عشر دقايق من صحّي وهو لازال منسدح ولا فيه حيل يقوم .
تناهد وقام بالغصب وهو يجر نفسه جر دخل للحمام وانتو بكرامه تروش وطلع صلى الفجر ثم لبس لبسه العسكري ونزل ل المقابله حقت رعد والفريق اول اللي معاه .
اما بالغرفه المجاوره كان رعد منسدح ع الكنب ويتأمل السقف يدري ومتأكد ان مناف العبدالله والفريق اول وصلو وينتظرونه لكن مو رعد اللي يجي ع الموعد .
تناهد وقام ودق ع الريسبشن يرسلو له فطور ثم قام للحمام وانتو بكرامه تحمم وطلع صلى الفجر ولبس بدلته العسكريه وجلس ع الكنب ينتظر الفطور دق جواله وتأمل الرقم شوّي ورد : هلا ؟
بنبره باكيه نطقت : هان عليك ؟ تسافر وتسيبني ؟
رعد م قدر يتكلم او ينطق ب حرف فعلاً م يدري ليش م مرها وودعها وهو عارف انه م بيطول م رجع .
غرام ببكاء : ليش ساكت ؟
رعد يدور كذبه : كنت جايكم بس راحت عليّ نومه وم صحيت غير وقت الرحله .
غرام بصوت باكي : كذاب رسيل تقول صحيت بدري وودعتهم وبعدين رحت .
رعد : الله يلعنها رسيل
غرام : اي تلعنها عشانها توصل لي اخبارك ؟؟؟
رعد : صدقيني رسيل تلعب عليك بس تبي تقهرك بُبعدي عنك لا تعطينها وجه حتى رقمها احذفيه وعطيها بلوك من كل البرامج .
غرام : لا م تلعب عليّ بالعكس تحبني .
رعد : والله م تحبك انا اخوها واعرفها زين بس تبي توصل لك اخباري وتغثك ف ابعدي عنها .
غرام : مارح ابعد عنها مو بكيفك اصلاً اول مره الاقي احد يقول ابعد عن اخته
رعد : وعشانها اختي انا اقولك ابعدي عنها رسيل انا اخوها وم في احد يعرفها كثري م تحب الا نفسها
غرام : موضوعنا مو رسيل
رعد عرف ان مكالمتها ب تطول ف قال : حبيبتي انشغلت سلام سلام .
قفل منها واستند ع الكنب وغمض عيونه بهدوء ” ماله نيه ينزل ” .
_اما تحت وب الكوفي تبع الفندق كانو جالسين الفريق اول ” عُمر وهو اللي يعرف رعد ” والفريق اول ” نايف هو اللي يعرف مناف ”
تقدم منهم مناف وفز عمر : جا رعد
قام نايف وهو يناظر مناف الجاي لهم : هذا مناف
لف له عمر وهو معقد حواجبه بينما مناف مد يده وسلم عليه ثم سلم ع نايف وجلس بهدوء .
نايف : هذا الفريق اول عمر وهو المسؤل عن مركز النقيب اللي بتشتغل معاه .
مناف ابتسم ع الخفيف : تشرفنا .
عمر : عطني بطاقتك لو سمحت
مد له مناف البطاقه بهدوء وعيونه تتفحصه ب استغراب من نظراته .
عمر : اهه ايه تشرفنا ي مناف عبدالله .
رفع حاجبه مناف وابتسم بسخريه ولف وجهه للجهه الثانيه وهو يتأمل المكان بهدوء .
قطع عليه هز جواله بجيبه طلعه وكانت امل تتصل .
قام وابتسم : استأذنكم دقايق
عمر نايف : خذ راحتك
ابتعد عنهم لكن مو كثير ب حيث انهم يشوفونه بوضوح .
مناف : هلا امل
امل : بللا بشكلك انت وشغلك اللي م يطلع غير وقت م احتاجك
مناف : لا إله الا الله الناس تسلم اول
امل : السلام عليكم ورحمة الله وبركاته
مناف : وعليكم السلام امري امل وش بغيتي ؟
امل : ياخي ليش تروووح مافي احد يوديني اسوق اشتري اغراض المدرسه
مناف : اغراض المدرسه ؟؟ مو حنا شرينا بدايه السنه ؟
امل : كذاب م اشترينا تذكر يوم تهاوشنا ب السوق ورجعنا ؟
مناف : ايه ايه تذكرت
امل : وفي شيء ثاني ؟
مناف : وش في بعد ؟
امل : مريولي امس كويته وانحرق
مناف : م دمتي م تعرفين تكوين تمسكين الكاويه ليه ؟؟
امل : اتعلم وكذا
مناف تناهد : خلاص اذا رجعت
امل : ااااا اسمع
مناف : ها
امل : يارا بتنزل السوق مع اخوها وقالت لي اجي معها و…
مناف : مين يارا ومين اخوها ؟
امل : يارا اخت مهند
مناف : لا مافي
امل : شوف ي زق انا ابوي سمح لي وم علي فيك تسمع ؟
ضحك مناف : اجل ليش داقه ؟
امل : نغم تبي تروح معي
مناف وطرت ع باله ذيك الليله واخر مره شافها كانت ذيك الليله : لا
امل : حرام عليك والله نفسها تروح
منناف : انا قلت لا يعني لا
بهاللحضه رعد كان جاي لهم ومنزل راسه ع الجوال .
عمر : جا رعد
رفع راسه نايف بدهشه : م شاء الله
عمر : سبحان الله
وقف امامهم رعد : السلام عليكم ” سلم عليهم وجلس ”
نايف : بطاقتك لو سمحت
طلعها له رعد ومدها بصمت .
نايف بنص ابتسامه : يخلق من الشبه اربعين
ابتسم له عمر : فعلاً
كان رعد معقد حواجبه مو فاهم عليهم .
بهاللحضه كان راجع لهم مناف ويطقطق بجواله مو منتبه ل رعد .
نايف : جاء مناف
لف راسه رعد يناظره بعدين وقف بدهشه بينما مناف مد يده وسلم عليه بهدوء وبدون م ينتبه لشيء وجلس .
الفريق اول نايف انتبه ل سرحان مناف : منااف ؟
رفع راسه مناف له : هلا
نايف : وش فيك
نزل مناف جواله جنبه ورفع نظراته ل رعد واندهش طبعاً رعد م كان احسن منه حتى هو كان منصدم ويناظر فيه بفهاوه .
عمر بضحكة : خلاص نعرف انكم تشابهون لا تفهون في بعد كذا .
تنحنح مناف وهو يبعد انظاره عن رعد وينقلها ل نايف وعمر .
عُمر : خلونا نبدا شغلنا
استعدل رعد ب جلسته ب اهتمام .
نايف : مناف وقضيتك ملاحقة تجار مخدرات منذُ سنه وانت ماسكها طلعت ادله كثيره وهالشيء تُشكر عليه لكن ولا واحد منها طلع صحيح وثبت صح ؟
مناف : ايه
عُمر : رعد وانت ماسك قضيه ا……
رعد قاطعه : كلن منا يعرف قضيته ف ماله داعي هالشرح وطول الكلام
عُمر : فعلاً كلن يعرف قضيته وانت ومناف تفاهمو على راحتكم وشوفوا اللي يناسبكم ” مد لهم الاوراق ” وهذي الاوراق وقعوها .
رعد مسكها وقراها دقايق ووقع عليها ومدها لمناف .
مناف اخذها وقراها ووقع عليها ورجعها لهم .
نايف : هالقضيتين تنحل خلال سنه ولا تتصرحون من رُتبكم .!!
رفع مناف عيونه لرعد ورعد نفس الشيء نطقوا بصوت واحد : ان شاء الله .
نايف : مناف رعد بيشاركك ب المركز ب الجنوب حط ببالك .
هز راسه مناف ب معنى طيب . .
عدت تقريباً نص ساعه وهم يتفاهمون ويشرحون ل رعد ومناف اسلوب الشغل الجديد وكيف يبون الانجازات بوقت قصير والخطط وطريقة الشغل المختلفه .
اما رعد ومناف كانو يستمعون وم ع السنتهم غير ” ان شاء الله ، يصير خير ”
نايف : نبدا من تحت ي مناف مفهوم ؟
مناف هز راسه بمعنى طيب .
نايف : انا الاحض فيك تبغى تمسك الراس الكبير اول بس لا طريقتك غلط المفروض تمسك الصغير قبل الكبير .
مناف : ان شاء الله
عمر : اما انت ي رعد م يحتاج وش اقولك ضابط ناجح والكل يشهد لك لكن انا مستغرب من انك ماسك قضيه لثلاث سنوات بدون م تغير فيها شيء .
مناف رفع عيونه ل رعد اللي ساكت .
عمر ونايف قامو : وبعد اللي شرحناه لكم م يحتاج نتأخر عن اشغالنا اكثر من كذا وانتو ضباط كفو والشهاده فيكم مجروحه .
نايف : وان شاء الله اتحادكم مع بعض بيكون فائده ل الطرفين .
مناف ورعد : ان شاء الله
عمر : يالله حنا بنترككم اللحين .
مناف ورعد قامو يسلمون عليهم : فمان الله
بعد م مشو عمر ونايف ناظرو بعض مناف ورعد ورجعو جلسوا بهدوء .
مناف رفع جواله ودق رقم امل : الو …… رحتي ؟ ……كويس طيب ونغم ؟……… اها طيب اسيبك انا مشغول .
قفل منها ولف ل رعد بصمت .
رعد : ااا انا افكر اقترح عليك شغله ؟
مناف رفع حاجبه : انت تفكر اللحين ؟؟
رعد : لا تركز في كلامي
مناف رفع علبة المويا يلعب فيها : بايش تفكر
رعد : خلنا نتفق قضيتك لك وقضيتي لي طيب ؟؟؟
مناف اعطاه ابتسامة استفزاز : ماني مضطر اوافق طبعاً ؟؟؟
رعد رجع بظهره ع ورى : زي م توقعت نحيس
مناف : للأسف
رعد : خلينا حبايب ي ” نطق ب استهزاء ” مناف ؟؟
مناف : ماني مضطر .!
رعد استفزه رد مناف بس م بين : ترى اشيلك من منصبك ذا ؟
مناف ناظر فيه ب دهشه مصطنعه : لا ي رجل ؟؟؟
رعد : شكلك م تعرف مين جالس معاك .؟
مناف استعدل ب جلسته : واو مين جالس معاي ؟
رعد بثقه : الرعد مشعل !
مناف بإستهزاء : ونعم
رعد : غصباً عنك .!!
مناف طنشه ومسك جواله يطقطق فيه
رعد انقهر من تطنيش مناف له لكن كالعاده مو باين عليه : انت هي
مناف رفع عيونه له ورجع رجعها ل الجوال .
رعد : قاعد اكلمك انا ؟
مناف : تكلم بأدب وارد عليك
عض شفايفه رعد بقهر بس مضطر : لو سمحت مناف ممكن ترد علي
نزل مناف جواله ب استهزاء : امر ي الرعد مشعل ؟؟
رعد : صحيح منت مضطر توافق على عرضي لكن الموضوع مُربح ب النسبه لك يعني تحل قضيتك وحدك وانا وحدي لا انت تدخل فيني ولا انا اتدخل فيك ؟
مناف : لا
رعد : فكر ب عقل انا لو دخلت معك ب قضيتك ب احلها بيومين ف عشان كذا احفظ كرامتك ووافق ع العرض .
مناف : ي شيخ كل زق انت لو فيك خير حليت قضيتك م قعدت معاك ثلاث سنوات قال ايش قال يومين
رعد : قضيتي معقده لو مسكها رائد م حلها .!
مناف : من الغباء تاخذ شيء اكبر منك .
رعد : م اخذتها ب رضاي .
مناف بأستهزاء : ولد مشعل والقضايا ياخذها غصب عنه ؟؟
رعد : كل زق
مناف : كل زق انت وعرضك مرفوض
رعد بداخله يقول ” مصيرك بتوافق غصب عنك ”
.