روايه بنت السيل

الفجر .
واقف مناف عند المرايه ويضبط شعره على الكنب كانت جالسه نغم وماده شفايفها بزعل .
لف لها وفيه الضحكة : وربي اني كويس ماله داعي هالزعل .!
نغم : ياخي وش دراك يمكن تتعب شوي ؟
مناف قلبها ضدها : تفاولين عليّ ؟
نغم فتحت عيونها بصدمه : لا مو قصدي كذا
مناف تكتف : وش قصدك اجل ؟
نغم : انت تعبان لا تروح
مناف توجه ل بدلته العسكريه ولبسها : للأسف راح اروح
نغم : اذا هم سحبو منك قضيتك ؟ ليش تروح تظل فاضي يعني ؟
مناف ضحك : مسويه فاهمه يعني ؟
نغم تناظر فيه ببرائه .
مناف زادت ضحكته : مو عشان كذا انا بروح يمكن بأي لحضه يجيبون لي قضيه اشتغل عليها .!
نغم عقدت حواجبها : لا تروح
مناف يقلدها بحركات وجهها : برووح
مدت شفايفها بزعل وتكتفت .
تعطر مناف وراح لها وجلس جنبها : مارح اطول لا تخافين وبعدين امل معاك .
نغم لفت عليه لما صار وجهها مقابل وجهه : ماني خايفه من الجلسه لحالي انا خايفه عليك انت تعبان
وتنحنح مناف وهو يوقف وقلبه يدق بقوه توتراً من قربه لها : والله اني كويس ولا فيني شيء
وقفت نغم جنبه ومدت يدها لجبينه تشوف حرارته .
مناف وعيونه بعيونها : ها كويس ؟
تعلقت عيونها فيه وقلبها يدق بقوه ومربكها وفي شيء داخلها يمنعها من انها تسحب عيونها منه .
تعالى اذان الفجر في المكان وابتعد مناف وهو يردد مع الاذان .
اما هي ظلت مكانها واقفه عيونه سحّر مو عيون .
مناف : بروح اصلي بالمسجد ومن هناك بروح ل الدوام انتي صلّي ونامي .
نغم بهمس : متى راجع .؟
مناف : تسع اكيد .
ابتسم لها وغادر الغرفه توجه ل غرفة امل ودق الباب م جاه رد وبشويش فتحه ودخل .
مناف : امممل الوم امولي
امل : هااه هاااه
مناف : قومي صلي الفجر وروحي نامي عند نغم لا تخليها لوحدها .
امل : كل زق نام معها انت زوجتي ولا زوجتك
مناف : استحي على وجهك تقولين لي هالحكي ؟ كبر ابوك انا
امل : كل تراب بس
مناف : يالله ي امول قومي روحي لها الله يسعدك
امل قامت : طيب طيب طيب اوووف
مناف اخذ جوالها وشاحنها ومدها لها وعلى وجهه ابتسامه : ايوا شاطره
امل : امي وابوي متى بيجون ؟
مناف : مادري م كلموني ، يالله بالله انتبهي لها انا راجع تسعه ان شاء الله
امل : انتبهي لها نننننءءءننننءءء .
.
.
.
عند رعد على الفطور منزل راسه وعيونه مثبتها على كاس المويه اللي قدامه الافكار تودي به وتجيبه والصداع مسيطر على راسه .
جاه صوت اخوه ياسر : رعد ابي سيارتك
لف رعد وجهه ل اخوه بأبتسامه إستهزاء : ابوك مشعل وم عندك سياره ؟ ي خساره .!!
ياسر : لا تستلعن ي الرعد
ابتسم بسخريه وما رد .
تدخل اخوه الثالث : انا بوصلك لا تطلب هالمتخلف .
ابتسم رعد ولف له : هلا والله حتى انت ي البزر طلع لك صوت ؟
طلال : م بزر غيرك .
ياسر : خلاص خلاص لا تبدون م ابي سيارة احد بطلت .
تناهد رعد بأنزعاج من بككا اخته اللي واصل له ولف لياسر وقال : هالمهزله متى بتنتهي ؟
طلال : طبعاً اذا انتهيت انت .
ابتسم له رعد ببرود ومد يده للكاسه صار يمرر اصبعه عليها ببطئ وواضح يفكر .
طلال : كالعاده م عندك شيء تقوله دايم تسكت ” ضرب يده بالطاوله ” رعد انت قاعد تعدم العائله ذي فرد فرد واحد ورى الثاني .!
رفع راسه رعد وناظر له بأستهزاء : ومارح ارتاح لين اعدمكم كلكم ” لف وجهه للجه الثانيه وقال ” بزر .
طلال : عشاني قاعد اقول الحقيقه صرت بزر يعني ؟
قاطعه ياسر : خلاص ي عيال ابوي بيجي
رعد : ماارح يجي لين تنزل اميرته معاه ” لف لطلال بملل ” كمل انت كمل .
طلال : م كفاك اعدمت اسيل جاي تعدم رسيل بعد ؟؟
رعد ببطئ وهدوء : كمل
طلال : خلاص رعد يكفي من عرفتك م عرفت الخير ابتعد ياخي محد يبيك روح
رعد ويعرف نقطة ضعفه : وراح اعدم سيلين ” اشر على ياسر ” وياسر ” واشر على طلال ” وانت وابوك وامك ” غمز له ” كلكم .!!
ياسر : ابوه ي الرعد هو ابوك لا تنسى
قام رعد واخذ مفتاحه وهو مبتسم بسخريه لف خارج بس كان بوجهه ابوه واخته رسيل .
ابوه : اجلس ي الرعد
رعد بنظرات مستفزه وابتسامه ساخره : عندي دوام
ابوه : قلت اجلس
قبل يتكلم رعد نطقت زوجة ابوه : اجلس رعد انت م افطرت وامبارح م تعشيت
رعد جلس وواضح الضيق بوجهه .
ابوه : رسيل اجلسي
جلست رسيل وواضح اللي توها باكيه خشمها احمر وعيونها مورمه .
ناظر فيها رعد وماسك ضحكته بس واضحه ابتسامته .
رسيل : كله منك الله لا يوفقك الله يحرقك ي شيخ
م رد عليها اكتفى بنظرات تعلمها انها ولاشيء عنده .
ضمها طلال وهي تبكي بحضنه : الله يلعنه يبغى يدمرني مثل م دمر اسيل الله يلعنه
ابتسم على اسمها يالله من زمان م نطقه رغم كل المسافه اللي كانت بينهم وكل البعد كانت قريبه اشتاق لها .
تناهد واخذ كاس المويه شرب شوّي وقام .
ابوه : رعد ؟؟
ناظر له رعد بدون م يرد .
ابوه بضعف وقهر : انت شايف حالت اختك ؟ ارحمها
رعد نزل راسه لما صار بمستوى ابوه وقال ببطئ : م اتنازل
عطاه ظهره بيمشي بس وقفه صوت ابوه من جديد : خذ اختك واخوك وصلهم بطريقك
رعد : مافي سايق ؟؟
ابوه : السايق معاي اليوم
رعذ اشر على طلال : والبزر ذا ؟
ابوه : بيروح بشغله خارج حايل .
رعد : اها يالله عجلو عندي دوام
زوجة ابوه : ي سيلين يالله تعّي اخوكي بيمشيء
قام ياسر واخذ كتبه بيده : انا جاهز
طلعت سيلين من الغرفه وهي تلبس عبايتها ناظرت طلال : يالله قووم
ابوها : الرعد بيوصلكم .
لفت ناظرة رعد و ما ان جات عيونها بعيونه الا نزلتها بسرعه وبدون م تتكلم .
طلال بخوف على سيلين لانها تخاف من رعد : لا يبه انا اوصلها وارجع اخلص شغلي .!
ابوه : لا رعد يوصلها .
خرج رعد بهدوء وتناهد الجو مو جو ضيق وهم ابداً رفع عينه ل السما وتناهد تنهيده طويله ، كانت وراه سيلين تموت وتعرف ليش يتناهد .
لف عليها لما حس ان في احد وراه واشر لها بحده: وش تنتظرين اركبي
طلعت ب السياره وهي منخرشه من اسلوبه ولحقها ياسر وبعدهم الرعد .
طول الخط وهم ساكتين وسيلين تدعي بقلبها ان يوصلها قبل ياسر عشان م تظل معاه لوحدها لكن تجري الرياح بما لا تشتهي السفن ، وصل ياسر وظلت معاه ساكته وهو ساكت ابداً م كان منتبه لها وناسيها بس فاجئه صوتها : مو طريق مدرستنا
رعد عقد حواجبه : خير توك تتكلمين ؟ اووف
رجع بطريقه من جديد دقايق وقال : هذي ولا ذي ؟
سيلين : هذيك
رعد : م شاء الله ثنوي
وقف عند مدرستها ولف لها ، اما هي انخرشت تخاف منه بشكل فضيع .
رعد : عندك مصروف ؟
من خرشتها هزت راسها بمعنى لا .
طلع محفظته وهو مبتسم بسخريه : م شاء الله عيال مشعل ولا عندهم لا سيارات ولا مصروف .
مد لها الفلوس : خذي واذا م تكفيك علميني
هزت راسها بمعنى لا : م م م ابغى
رعد : ليش ؟
سيلين : اا اا اا انا م ا ا فطر بالمدرسه
رعد : مارح ارجعها بمحفظتي خذيها خلصيني .
اخذتها منه وكان واضح انها ترجف بشكل مو طبيعي .
بمجرد م نزلت ضحك عليها رعد وانتظرها لما دخلت لمدرستها ومشى لدوامه وطول الطريق يفكر برسيل مهما كان مبين عليه قاسي يظل مخبي الحنيه ب قلبه .
عقد حواجبه لما شاف سيارة اللواء عند المركز : والله ذا عجبه اني ساكت له صاير ماخذ المركز سردادي مردادي .
وقف سيارته وتعطر ونزل ل المركز و بهيبته المعتاده مّر والكل يضرب له تحيه .
دخل ل مكتبه وكان فيه اللواء قبله .
رعد : هلا هلا نور المكان
اللواء يعرف انه يستهزئ فيه : هلا فيك
رعد جلس قدامه وبحده : خيير ؟
اللواء : مو انت قبلت تشتغل مع النقيب
قاطعه رعد : ايييه ؟؟
اللواء : جات الموافقه
رعد هّز راسه بمعنى ايه وهو يفكر
اللواء : بس في شغله يمكن م تعجبك
ناظر فيه رعد : الموافقه جات بسرعه لو اني مقدم نقل كان ست شهور بالقليل .
اللواء : لا تنسى انك الرعد مشعل اكيد بيرسلون الموافقه بسرعه
ابتسم بسخريه : اييه كنت بتقول شغله اعتقد ؟
اللواء : بعد يومين بتلتقي ب النقيب مناف ب الرياض .
رعد رفع حاجبه : الرياض ؟
اللواء : ايه لان هو من الجنوب
فتح فمه بصدمه : من الجنوب ؟
اللواء : والله
رعد مسك راسه بقهر فوق مو مصدع زاده ذا الخبر : لو دريت م وافقت .
اللواء : تضايقت هذا وانت م خليتي اكمل
رفع عينه له : كمل كمل ؟؟
اللواء : جاء مع الموافقه قرار ان انت بتروح له مو هو يجي لك
رعد : ليش ان شاء الله
اللواء : م يجي هو لانه متزوج و انت عزابي يعني تروح له
نزل راسه رعد وابتسم بسخريه : الواسطه م تدخلت ليش ؟
اللواء : هذي قوانين م تنفع فيها واسطه .
تناهد رعد : ومتى قلت بنلتقي
اللواء : بعد يومين
رعد : حطو لنا وقت محدد ولا لا ؟
اللواء : على حسب اذا خلصتو القضيتين .!!
رعد هز راسه بدون م يتكلم .
اللواء اشر ع الطاوله : هذي التذكره وطيارتك اليوم بالليل وخذ حسابك ان من الرياض بتروح معاه للجنوب ” وقف ” اتمنى لك التوفيق ي رعد .
رعد ابتسم له .
طلع اللواء وظل رعد يفكر وبباله يقول ” احسن انا محتاج ابعد واعرف ناس جديده ” كان عنده جداً عادي يروح ويسيب اهله بس اللي واقف بحلقه غرام كيف يسيبها ؟ البنت اللي هام فيها لدرجه م صار يشوف قدامه غيرها اللي م رضى يجيها غير بالحلال كيف يسيبها ؟ الامر كان بالنسبه له مثل السكين اللي انغرزت بقلبه م يقدر يبعد عنها اسبوع بيبعد عنها لين يخلص قضيتين مستحيل .