روايه بنت السيل

قبل تتكلم نغم دق جوالها وعقدت حواجبها .
دلال ناظرت معها ب الجوال : ردي ردي هذا مناف
لفت ب صدمه ل دلال اللي مبتسمه وقامت وهي ترفع الجوال ل اذنها
دلال تصارخ ل نغم : لا تروحين بعيد عشان الشبكة تثبت .
نغم بحده : نععم ؟
مناف : الله ينعم عليك
نغم : وش تبي ؟
مناف : م هان عليّ تنزلين زعلانه
نغم : ي شيخ
مناف : عاد انتي يهون عليك اروح قلقان ؟
نغم : اي يهون بقوه
مناف ضحك بخفيف : لا تهجولين مع البنات ب المزرعه مفهوم يعمري
نغم تجاهلة كلمته الاخيره : م شاء الله وانت قريب تتامر وانت بعيد بعد تتأمر ؟
مناف : هذي وصايا مو تأمر
نغم : الوصايا ب اسلوب لبّق مو كذا
مناف : ع العموم لا تطلعين ب الليل لحالك هذي اهم نقطه
نغم : مالك شغل اطلع ب الوقت اللي ابي .
مناف : طولة اللسان هذي في الجوال بس ولا وجهاً لوجه تختفي .
نغم ضحكت بصوت عالي عشان تغيضه .
مناف ساكت ينتظرها تخلص ضحكها نطق بعد م سكتت : خلصتي ؟
نغم : ايه
مناف : سلام ” وقفل منها ”
كان ودها تسأله متى راجع بس عزّت نفسها تقول ” اذا بتسألينه بيفكرك ميته عليه وتحترين جيته وبيروح برستيج الزعل ”
اما بجهة مناف سكر من نغم ونزل الجوال جنبه : ها امل ارتحتي ؟ هيا لاعاد اسمع صوتك
امل : ياخي وش ذا الجفاف ليتني م قلت لك كلمها .
مناف م رد عليها .
امل : ع اساس تتسامح منها وتطيب خاطرها
مناف : انا قلت لك راح اتسامح منها واطيب خاطرها ؟
امل : لا
مناف : اجل لاتكثرين حكي
.
.
.
بعد العشاء .
عند امل ومناف ب مكتب مهند ينتظرونه .
دق الباب ودخل : عسى م تأخرت عليكم
مناف : ي زينك تدق باب مكتبك
ضحك مهند : انا م قلت لك يوم مشيت من القريه تجيب اختك بالليل هذاك اليوم ليش تسحب علي
مناف : ترى انا انسان وانسى ماني شيطان
ضحك مهند واشر ا امل : اجلسي ع السرير
بهدوء قامت ل السرير وتسطحت عليه .
مناف قام لها ووقف عند راسها .
مهند : ليش لابسه بنطلون ؟
مناف : واذا
مهند : تستهبل على راسي انت ؟ كيف اوصل ل جرحها ؟
مناف : ارفعي البنطلون لحد الجرح
امل بهمس : م ينرفع ضيق
مناف : والله من الغباء اللي براسك والسوات اللحين
مهند جاب المشرط : نقطعه .
شهقت امل : لااا
مناف بعصبيه : وش اللي لا ؟
امل : مو ليي ل نغمم لا تقطعه
مهند : م في حل غير كذا
مناف ثبت رجلها : م عليك شوف شغلك
امل : لا الله يسعدك والله مو حقي لنغم تكفى لا
مناف : مين شراه لنغم مو انا ؟ خلاص فلوسي وانا حر
مهند : ثبت رجلها زين بس
مناف : شوف شغلك بس
اقترب مهند وقطع لها البنطلون من عند الجرح بس فك اللفه اللي عليه وعقمه ورجع حط لفه جديده .
مناف : لو قايل لي انه بس كذا كان سويتها بدون م اجي اقابل وجهك .
مهند : انت دكتور ولا انا ؟
مناف : انت !
مهند : خلاص ياخي كل زق .
مناف : متى تنظفها مره ثانيه ؟
مهند : بكره
مناف : نعععممم ؟؟
مهند ضحك : امزح معاك تعال بعد يومين .
مناف : مره تراك زدت
مهند : عطيتك يوم تريح فيه
مناف : اذلف بس
مهند : بتروح بيتكم ولا ع القريه على طول ؟
مناف لف لامل : مادري انتي تبين تمرين بيتنا ؟
امل بألم : لا
مناف : توجعك ؟
امل : تحرق .
مهند : شيء طبيعي .
مناف : يالله حنا نستأذن
مهند : بتمر اصحابك ب الدوام ؟
مناف : لو امل مو معاي كان يمكن
مهند : جيبها بيتنا عند اختي
مناف لف لها واضح تتألم : لا ي شيخ شكلها تعبانه
مهند : والله انت اللي واضح من صوتك تعبان
مناف : مواصل مو تعبان
مهند مد له ورقه : مر الصيدليه خذ لها ذا المُسكن عشان اذا تأملت .!
مناف اخذها منه : مشكورر .
.
.
.
بعد يومين .
ورى المزرعه كانو جالسين امل وريما ” حصلو شبكة اخيراً ”
امل تكلم صحباتها وريما تطقطق بجوالها .
امل : لا ي شيخه تقوله ؟؟ ……… اساساً هي اخر وحده تتكلم عن الشرف ……… ليش م تدرون عنها ……… تكلم شباب وتطلع معاهم بعد ……… ليتني مكانك وربي لا اقوله بوجهها عمى يعمي شكلها الكلبه ……… م اتشمت فيها انا اقول لكم بس ……… طيب مع السلامه سوالفكم تسد النفس ……… لابو اللي يسولف معكم .
قفلت وهي تسب فيهم : حتى الواحد م يعرف يسولف زي الناس ذبحونا ب التطوع حقهم .!
ريما : انتي غلطانه جد ليش تتكلمين ع البنت بقفاها
امل : وانا كذبت يعني ؟ كل اللي قلته صح
قامت ريما : انا بروح اجيب شيء ينأكل وبرجع
امل : اذلفي
راحت ريما وظلت امل لحالها تطقطق بجوالها وملامحها تدل ع الضيق .
فاجأها صوته : وراه الحلو ضايق صدره ؟
لفت عليه ولفت شالها ع راسها بسرعه : وش تبي انت بعد ؟
جلس امامها : علينا م اشتقتي لي ؟
امل : من زينك عشان اشتاق لك .
تركي : خلي زيني على جنب بالله م وحشتك
م قدرت تخفي ابتسامتها : ياخي والله انك غثيث
تركي ضحك : ايواا هذي امل اللي اعرفها تصدقين
ناظرته بأهتمام : صحيح صار لك سنتين من تغطيتي عني بس والله ماني قادر اتعود .
امل تناهدت : والله ولا انا اشتقت ل غثاك ياخي .
تركي : نفس حجمك قبل سنتين صغيره م كبرتي .؟!
امل : تلايط بس قال م كبرت قال
ضحك تركي : وش فيك زعلانه قبل شوي
ريما : ياخي تعرف لجين بنت ناصر اللي عنده ……
قاطعها : ايه اعرفها اش بها ؟
ناظرته بنص عين : مخاويها صح ؟
تركي نزل راسه وحاول يخفي ابتسامته وم رد عليها .
امل : كنت حاسه ولا هي م تجينا الا اذا جيتو
تركي : تافه وسطحيه ع فكره
امل : قد طلعت معها ؟
تركي : وييين اطلع معها وانا بجده وهي ب ابها ؟؟
خزته امل وقال : ايه قد طلعت معها لا تناظريني كذا .!
امل : وصخ
تركي : لا يروح بالك بعيد طلعه عاديه
امل : ههه مره صدقتك .!
تركي : الزبده ايش فيها ؟
امل عدلت جلستها ب اهتمام : هي تقرب ل صاحبتي الزبده جتهمم للعيد امس وتهاوشت مع اخت صاحبتي لان اخت صاحبتي اكتشفت علاقتها ب اخوها المهم انها تقول اخوكم هو اللي يركض وراي ويبيني مو انا وجلستت تسبسب فيهم وانه اخوهم داشر ووصخ وحكي كثير عاد انا لو اني مكانهم يمين بالله م استر عليها واقول للكل انها داشره وتحاكي شباب وتطلع معاهم .
تركي : كذابه هي اللي تراكض ورا الشباب مو هم .
امل : لا تعلمني فيها ترى اعرفها
تركي : عاد مره جات ل جده ونشبت لي الا اطلع معها !
امل : وطلعت ؟
تركي : ايه
امل قامت : والله من الوصاخه
تركي : قعدنا بكوفي نص ساعه واستأذنت بتنزل السوق
امل جلست من جديد وهي تضحك بقوه : اما عااادد ؟
تركي مستغرب من ضحكتها : اي ليش عادي ،؟
امل : لاا ي الغبي هي كانت تبغاك تنزل معها السوق عشان تتسوق ع حسابك كفووو كفووو ي الذيب م نزلت معها
تركي : اي والله صح قالت لي انزل معها بس اعتذرت
امل : كفوو والله انك ذييب
قام بسرعه لما شاف ريما جايه : يالله سلام .
على مسافه قريبه منهم شوي كان مناف واقف ورافع الجوال لأذنه.
مناف : هلا
……: م امداك تشرب ي مناف ؟