روايه بنت السيل

فزوا كلهم وبصوت واحد : مننناااااااففف .
كان قريب من المجلس وسمعهم ضحك بقوه وهو يسرع لين دخل غرفته وسكر الباب وهو يضحك .
نغم خافت ووقفت جنبه : خخير مناف ايش فيه ؟
مناف : خذت السوني من العيال
اندق الباب بقوه وسامي يصارخ : منافف ي كلب ي طوووط جييب السوني بسرعه ي ####
مناف مد السوني ل نغم : شباب والله العظيم المدام معاي جوا بنلعب انا وياها وبنرجعه لكم اذا خلصنا
وليد : كذذاااب
مناف : والله العظيم .!
سامي بقهر : والله مو حشمت وجهك ال#### بس عشان هالمسكينه معاك جوا ولا كان عرفت اتصرف .
مناف : كل تراب بس .
سامي : اطلع وش من اللي بياكل تراب يالله شباب مشينا .
مناف لف ل نغم : استفدت منك شغلتين اليوم .
نغم راحت ل الشاشه : وشو ؟
مناف تقدم يساعدها : اول شيء اني افتكيت من نومت المجلس والحشره مع الشباب ثاني شيء ان سامي م مردغني بس عشانك موجوده .
نغم : م اعرف اشبكة
ابتعدت وجا مناف ل مكانها شبكت البلاستيشن وشغله .
نغم : خلنا نسحب الكنب قدام التي في .
مناف : طيب .!
شبكة مناف ومد لها اليد حقت السوني وسحب معاها مناف الكنب لما صار قدام الشاشه : ها نلعب مباراة
نغم : لاا م اعرف
مناف : طيب مصارعه؟
نغم : لا م اعرف
حط يده ع خده : باربي ؟
نغم : وش باربي في لعبه اسمها باربي ؟
مناف : مادري عنك ؟ انا هذي اشرطتي تبع البنات مو معي .!
نغم : طيب معك شيء فيه حرب ؟
مناف : معاي سباق سيارات تبين ؟
نغم : ايي اييي
مناف ضحك عليه : لا تطيرين من الحماس بس .!
نغم : وينه شغله ؟
مناف : مثبته ب السوني م يحتاج شريط .
شغل اللعبه وبدا يلعب معها وعشان تتحسن نفسيتها خلاها تفوز .
قامت نغم ترقص بفرحه وتدور بالغرفه ومناف يناظرها بإبتسامه .
نغم : فزززتتت فززززتتت فزززتتت هيييه
مناف : شكل اخوانك دايم يهزمونك عشان كذا انبسطتي
لفت عليه ورفعت كتوفها : شدراك يمكن كنت اهزمهم ؟؟
مناف : يمكن .!
تناهدت وجلست جنبه من جديد : غير الشريط .!
مناف : عندي لعبه بس كلها زومبي واشكال تخوف عادي ؟؟؟
نغم : اوكي نلعب
مناف : م تلعب غير شخص واحد ؟
نغم : طيب بتابع واذا صرت اعرف بلعب
مناف : اووكيه
شغلها وبدا يلعب فيها بتركيز
نغم : وين اللي يخوف بالموضوع ؟
مناف : صبر صبر
نغم حست بالملل : خلاص غيرها
مناف : قناه هي ؟ تابعي وانتي ساكته
نغم : حط مباراه طي…… ” صرخت ” اهههههه
مناف يضحك : مو قلت لك بتخافين
نغم تمسكت فيه : وعع قرف قرف امانه سكره
مناف : صبر اقتل ذا
نغم : لا تقتله حرام صغغييير حراممم
مناف : بيخنق بنتي لازم اقتله
نغم : مو بنتك كذب حرام الصغير لا تقتله
مناف لف عليها يناظرها بنص عين: حتى الصغير تراه كذب
قتله مناف ونغم خبت وجهها بكتفه .
مناف : خلاص خلاص راح .
بعدت وجهها ولازالت متمسكة فيه .
مناف : خايفه
نغم بصوت واضح فيه الزعل : لا
مناف : علينا ؟ قولي انك خايفه واطفيه
نغم : مو خايفه
مناف : طيب تحملي اللي بتشوفينه .
نغم : عادي
ظل يلعب وتجي لقطات تخوف ونغم عادي مو خايفه .
مناف انقهر انها مو خايفه ولف عليها : م خفتي ؟
نغم : لا ليش اخاف وانت هنا
مناف : والله
نغم ميلت راسها على كتفه : م دمت انت موجود انا م اخاف .
ابتسم لها وبانة اسنانه العلويه : ي شيخه
نغم : والله
مناف : طيب سيبي يدي اذا مو خايفه
نغم هزت راسها بمعنى لا .
ضحك مناف بقوه ولف ل الشاشه يكمل لعبه .!
تقريباً عدت نص ساعه ومناف مره مندمج ب اللعبه ونغم هاجده لما حس انها ثقلت ع كتفه ولف عليها .
مناف بهمس : نغغم نمتي ؟ نغغم
بعدها عنه وشالها وقام فيها ل السرير نزلها وغطاها ورجع اخذ البلاستيشن وطلع .
.
.
عند البنات .
هنند : امممل اممل
امل : ههممم
هند : نمتي ؟
امل : شايفتي منسدحه يعني وش واضح لك ؟
هند : على تراب .
امل : تسكتين ولا بالابجوره ذي بوجهك
هند : طيب ي اختي طفش ابي شبكة
امل بشبه صراخ : من وين اجيب لك شبكة بذا الليل هااا من ويين .
هند : لا تنافخين عليّ اصلاً بطلع ادور شبكة
امل : اذلفي
قامت هند لبست جاكيتها والجزمه واخذت الشال وطلعت تلفلف تدور شبكة .
من وراها : وش تسوين هنا ؟
حطت يدها ع قلبها بخوف : بسم الله بسم الله
لفها سامي له ورفع حاجبه : خخير وش طلعك مع ذا الليل ؟
هند دفت يده بقوه : وش دخلك انت ؟ اعوذ بالله يالله فارق عطني مقفاك
سامي : احترمي نفسك وخفظي صوتك لا اعطيك كف يلزق وجهك بالجدار اللي وراك .!
هند تخصرت : ي رجال ؟ رح وراك بس
سامي : م تستحين على وجهك انتي ؟ طالعه بدون عبايه ها ؟
توها تستوعب انها قدامه بدون عبايه تجمدت ملامحها .
مههنند من بععيد : سامي شتسوي عندك ؟
لف له سامي وبسرعه اخذ هند ورى ظهره : ابد ادور شبكة
مهند : مهبول انت بذا الظلام ؟ يالله ادخل قدامي
سامي : حاظر عمي اي اوامر ثانيه
مهند : اثنين بيبسي لا هنت
انثنى سامي عشان ياخذ جزمته ويحذفه فيها بس مهند هرب : لا حيا ولا مستحى ” ناظر هند ” يالله انتي جوا يالله
هند : م بدخل وش دخلك انت ؟
سامي : انتي وش طلعك من البدايه ها ؟؟
هند : ادور شبكة
سامي سحبها معاه : اقول ادخلي بلا شبكة بلا خرابيط .
تحاول تفك نفسها منه : فكك ييدي فككك مالك شغل ادخل ولا لا
وقف ولف عليها ورفع حاجبه تعلقت عيونه بعيونها وعيون كل واحد فيها حكي .
حست ع نفسها هند وسحبت يديها من يده ودخلت ل غرفتها وصكت الباب بقوه .
فزت امل : خخيير خيير وش هالتسكيره ؟
هند : ااااءءاااءء وشسمه شفت واحد من العيال وخفت لاني بدون عبايه
امل : مين شفت ؟
هند بلعت ريقها بتوتر : شفت مهند ” ضحكت بتوتر ” ايه شفته مرره جمميل ومركب تقويم بعد انا خقيت صراحه شكلي بوافق اتزوجه تهقين اتميلح عند امه واخته .!
امل بحاله صدمه من اللي تسمعه .!
هند جلست ع سريرها : بنام انا تصبحي ع خير .
انسدحت وعطت امل ظهرها .!
امل م تدري ليش تحس شيء بقلبها مو راضي عن حكي هند عضت شفايفها بقهر” واذا عجبها يعني انا وش دخلني اووف يعجبها وتموت فيه بعد مالي شغل انا ليش احترق عليه .!”
.
.
.
الساعه 6 ونص الصباح .
صحيت امل وصلت الفجر وبدلة ملابسها وطلعت .
لفت ع المزرعه كلها مافيها احد صاحي حتى جدتها .
ظلت تتمشى بملل بأنحاء المزرعه لما شافت الدبابات وخطرت ببالها فكرة ” م تتوب ” بسرعه جرت ل غرفتها وبدلة ملابسها ل برموده اسود وتيشيرت بدون اكمام اصفر كان كل اللي ببالها انها بتاخذ لفه ع المزرعه وترجع قبل اي حد يصحى لبست جزمه رياضيه وحطت جوالها ب الشاحن وطلعت حتى بدون م تاخذ شال .!
مرت من جديد ع الجلسه حقت الحريم تتاكد اذا حد صحي ولا لا .
لما تأكدت راحت وهي بتطير من الفرحه ل الدباب ولو انها م تطلع غير ب مساعده من مناف هالمره قدرت تطلع لوحدها .!
شغلته ومشت وهي بقمة وناستها وصارت تلفلف ب المزرعه وطبعاً م تسرع عشان م يصير فيها زي امس ، مشت لما طلعت عن حدود المزرعه ” يعني ابعدت عن البيت وقربت ل الشارع ” اخذت اللفه بشويش تبي ترجع بس فجأه سمعت صوت قوي وكانه حجر ضرب ب حدايد الدباب .
خافت ونزلت بسرعه : اويييللللي وش فيه ذا ؟ يمه لا يكون انحرق ي ويلك ي امل بيذبحك وليد خربتي القرمبع حقه .
نزلت وصارت تناظر ب الدباب من تحت تبي تشوف اذا فيه نار او لا .
امل : لا نار ولا ريحة حريق اجل ايش فيه .
ملاحضه ” المزرعه بعيده عنها شووي ” .
شافت سيارة حركة من المزرعه ، زادت دقات قلبها اول مره منذُ فترة تحس انها خايفه من جد .!
بسرعه لفت ل ورى الدباب وتخبت وراه وهي ترجف ودموعها تنزل ورى بعض بسرعه خايفه لدرجه قلبها بيطلع من مكانه من قو ضرباته .
بالجهه الثانيه من اول م طلع من المزرعه وهو شايف الدباب قريب من الخط العام بس قال يمكن سامي كان يدور شبكة ووقف هناك بس فجأه لمح شيء لف من ورى الدباب .
رفع حاجبه وركب السياره شغل وحرك رايح ل الدباب وقف السياره بعيد عن الدباب بشوي ونزل .
امل قلبها بيطلع من خوفها سكرت عيونها بقوه لما سمعت السياره وقفت عند الدباب ب النسبه لها لو يطلع واحد من اخوانها مثلاً سامي او وليد او مناف اهون حتى لو يطلع تركي ولد خالها الغثيث بالنسبه لها اهون من انه يكون واحد من اصحاب اخوانها او عيال خوالها الباقين .!
حست بنوع من الراحه لما سمعت : امل وش تسوين هنا ؟
شهقت بخوف مع ارتياح وبكاء بنفس الوقت .
مهند : امملل وش تسوين هنا ؟
امل وقفت وهي تبكي : ك ك كنت اتمشى ب الدباب وطفى فجأه
مهند : م تتوبين انتي ؟ م خفتي من اللي صار لك امس ؟
امل بكت بقوه بدون م ترد عليه .!
مهند : خلاص هدي هدي اللحين اشوف ايش فيه
امل تذكرت انها بدون عبايه : لا تطالع تكفى لف لف غمض عيونك تكفى .
لف عنها وعطاها ظهره : كيف اصلح الدباب طيب .
امل وهي تبكي : مادري بس لا تطالع تكففى الله يسعدك لا تطالع الله يخليلك امك تكفى
مهند : خلاص خلاص والله م اطالع فيك انتي اللحين اطلعي ل سيارتي وانا بشوف الدباب طيب .
امل : طيب لا تطالع انت
مهند : استغفر الله روحي ل السياره بسرعه .!
امل راحت ل السياره وسكرت ع نفسها اما مهند ظل يناظر الدباب ويحاول يفهم ايش فيه رفع حاجبه وتركه راح ل السياره فتح الباب تبع السايق بدون م يركب وقال : البنزين مخلص بس .!!
امل : ي ربببي وشش اسوي كيف ارجع .!
مهند : مو بعيد المكان تبين اوصلك ؟
امل : تخسي توصلني
مهند : شف قليلة الحيا لو اي احد مكاني الله ادرى وش كان بيسوي فيك .
نزل جاكيته ورماه عليها : البسيه وانزلي امشي المكان مو بعيد .
امل اخذته ولبسته : طيب بس اول م انزل انت تروح ؟
مهند : طيب اول م تنزلين راح امشيء .!
نزلت امل وهو حرك على طول اما امل تناهدت براحه وصارت تجري ل المزرعه قبل اي احد يصحى وينتبه لها .
دخلت ل غرفتها وتناهدت براحه نزلة جاكيت مهند وحطته ب الدولاب وغيرة لبسها وانسدحت ع سريرها تطقطق بجوالها .!