روايه بنت السيل

جدتها : لا غلطتي
قاطعتها نغم بأنفعال : م غلطت………
قطع حكّي نغم كف قويّ لدرجه عيونها امتلت دموع
رفعت نغم عينها بصدمه ل ام مناف
ام مناف : لا ترفعين صوتك على امي .!
امل وبرجفه واضحه بصوتها : ماما ليش سويتي كذا ؟
ام مناف : انتي ولا كلمة تسمعين لا انتي ولا اختك م عدتم تستحون واقفين مع هالغريبه ضد بنت خالتكن ي قليلن الحيا .
امل : ماما افهمي السالفه وربي عبير ذي كذابه وتتبلى علينا .
سحبتها امها بقوه ودفتها : بسررعععه ع غرفكم ولا اشوف وجيهكم اليوم تفهمون
امل : طيب ماما بفهمك بس
ام مناف : لا تفهموني ولا افهمكم يالله انتو الثلاث انقلعو من قدامي بسرعه .!
هند سحبت يديهم : تعالو بنات
امل سحبت يدها بقوه وصوت واضح فيه اهتزاز : لا بفهمها اول .
دفتها امها بقوه : م ابغى افهم شيء يالله انقلعي .!
امل لفت وعطتها ظهرها مشت وهي تبكي بقهر متوجهه هي والبنات لغرفه مناف .!
فتحوا الباب بقوه لدرجه صك بالجدار وفتحت هند الضو وجلست هي وامل ع السرير .
هند تهز مناف بقوه وهي تبكي : منااااف قوووممم مناااف
قام مناف مفزوع منهم يبكون حوله : وش فيكم ايش الحكايه ؟
مسك وجه امل بين يديه بخوف لان امل م تبكي الا من شي قوي : امل ايش فيه ايش صاير حد مات ؟
هند : لااااا
مناف تناهد : اجل ايش فيه ايش فيكم ؟
امل : اميي
مناف خاف : ايش فيها امي تكلمي ؟
فقد الامل من خواته ولف ع نغم : ايش صاير ايش فيها امي ؟
نغم بهدوء : م فيها شيء .!
مناف : طيب ايش صاير؟
امل : امي ضربت نغم .!
لف مناف بصدمه ل نغم وتوه يلاحظ الاحمرار اللي بوجهها عقد حواجبه ولف ل امل من جديد : ليش ايش السبب ؟؟
هند ببحه : انا بقولك .!
سحب علبت المويا من الكومدينه : يالله اشربي وقولي لي .!
اخذتها منه هند وشربت وبدت تحكي له اللي حصل من البدايه وسبب الهوشه وكل شيء .!
امل : بالله مو ظلم .!
مناف : الا الا ظلم ظلم ..
امل بقهر : لا تسلك مناف .!!
مناف يفكر .!
امل : يالله قوم
مناف : اقوم ايش ؟
امل بصراخ : قووم سو شيء ليش يهاوشونا ظلم ها ؟
مناف رفع حاجب : وش تبغوني اسوي يعني ؟ اهاوش امي ولا اضرب جدتي ؟
قامت امل : امشو بنات هذا مو كفو #### م فيه خيير .
مناف سحبها جلسها وهو يضحك بقوه : واللحين تبكون ومسوين هالمأساه عشان هوشه بسيطه .!!
هند : بسيطه بعينك وش معنا المره اللي فاتت لما تضاربت امل مع سلوى عصبت وهاوشت الكل .!!
امل : ايه جد ولا اللحين م تبغى تزعل حبيبة القلب ؟
مناف : اش دخل ؟
امل : اي واضحه تطلع اعذار لهم م تبيها تزعل ع فكرة تراها اكبر حقود واكبر بلايه وداشره و………
مناف حط يده ع فمها يسكره : طيب خلاص بروح لا تسبسبين الناس
هند : الناس ها ؟
مناف : ابدل ملابسي وبطلع اروح لهم ” رفع جواله ” وهاللحين بكلم امي قدامكم .!
امل : ايه ازين .!
مناف : الو امي
ام مناف : هلا يمه
مناف : ايش صاير ؟
ام مناف : مو صاير شيء .!
مناف : انا دقايق وراح اجيكم نتفاهم .
ام مناف : م في شيء نتفاهم عليه .
مناف : سلام .!
قفل منها ولف ل خواته : هاه كيف ؟
امل : كفوو يالله قم بدل ورح لهم اللعن شكلهم .
مناف :ي هوه لا تتحمسين .!
.
.
بجلست الحريم .!
دق مناف الباب وتنحنح .
ام مناف : ادخل يمه م في حد .
دخل مناف : السلام عليكم .!
الكل : وعليكم السلام
جدته : هلا يمه هلا تعال اجلس يمّي تعال .!
جلس جنبها مناف ورفع عينه ل امه : ايش صاير .!
ام مناف : مو صاير شيء .!
مناف رفع حاجب : كيف مو صاير شيء وخواتي جاييني يبكون ؟
جدته : والله سببها زوجتك قليلة الادب .!
مناف : وايش مسويه زوجتي ؟
جدته : مادري عنك اسإلها .!
مناف تناهد : الموضوع كله سوء تفاهم بين عبير وهند لما جو نغم وامل سألت نغم ايش صاير وهند علمتها بس هذا اللي حصل ايّن كان اللي قايلته لكم عبير سواءً صدق او لا انا م اشوف ان خواتي غلطو او حتى نغم ف حتى لو كانو لا سمح الله غلطو م تعاملونهم بهالطريقه وقدام الكل ي امي .! ” كان قاصد نغم بأخر جمله ”
جدته : وشهو يعني يغلطن ولا حد يحاسبهن .!!
مناف : يتحاسبن بس مو بهالطريقه ابداً مو بالضرب ولا بالصوت العالي .!
جدته : والله م خربهن غير دلعك لهن
مناف قام : انا استأذن .!
جدته : جاي تهاوش وتمشيء يعني ؟
مناف : جاي ادافع عن خواتي بما ان امي م تطلع عن شورك وانتي م ترضين ع بنات خالتي ام سامي .!!
جدته : وش تلمح له ي مناف ؟
مناف : سلامتك ، استأذن انا .
طلع مناف من عندهم ورجع للبنات .
امل : كفوو كفوو هذا الاخ اللي م في مثله .
مناف رفع حاجبه : ترى م دافعت عنكم !! انتو غلطانين .؟
امل : على تراب ترى سمعناك .!
مناف : انا م قلت لكم تنثبرون هنا ؟ ليش تلحقوني .!
هند : لحقناك وخلصنا المهم انك م سكتت لهم .!
امل : بس لو انك قلت لجدتي تفك نغم من شرها .!
مناف رفع حاجب : امل خيير ؟
هند سحبت امل ووقفت : حنا بنروح ” اشرت ل مناف ع نغم ” انتبه لها .
ناظرها مناف واقفه عند الشباك تناظر بهدوء يدري ان الهدوء هذا يعكس العاصفه اللي صايره من جوا ظل يتأملها نغم بننت قوويه قوويه حيييل م يكسرها موقف زي كذا وقف وتقدم لها .
حاوط كتفها بأيديه ولفها له وابتسم لها .
نغم بعدت ايديه عنها : لا تناظرني كذا .!
مناف : والله م اناظرك بشفقه ابداً .!
نغم : اجل ؟
مناف : انتي قويه م توقعت موقف مثل كذا يأثر عليك !
نغم : م أثر فيني .!
مناف اشر ع عيونها : وهالنظرة وش معناها ؟
نغم نزلت عيونها بسرعه وانفاسها تتسارع .!
مناف : زعلانه لانك تحسين نفسك وحيده ؟
رفعت عينها له من جديد بصدمه .
مناف : تحسين انو لو كان عندك اهل او احد هنا يدافع عنك مثل عبير م كان صار كل هذا ولا حسيتي بكل هذا الضجيج داخلك .
نغم نطقت ببطئ : ساحر انت ؟
ابتسم مناف : زعلانه لانك ضعفتي بوقت انتي محتاجه ل قوتك فيه ؟
نغم : كـ كيف كيف عرفت ؟
مناف : عيونك .
نزلت عيونها بسرعه ولفت عطته ظهرها .
وقف جنبها : تهربين .!
نغم : لو سمحت انا ابغى ابقى لحالي .!
مناف : الغرفه مشتركة مثل م هي غرفتك ؟ هي غرفتي بعد .!
نغم : طيب بعد عني روح اجلس بعيد .
مناف رفع حاجبه وماسك ضحكته : انا واقف على رجولي ولا رجولك ؟
نغم لفت عليه وهي معقده حواجبها رفعت عينها ل عينه ثواني وابعدت عنه راحت جلست بالكنب .!
تكتف ولف ل جهتها يناظرها بنص ابتسامه .!
نغم توترت من نظراته رفعت رجولها ع الكنب وضمت نفسها وهي معطيته جنبها .
مناف لازال على وضعه يناظرها .!
نغم وانفاسها متسارعه بقهر : لا تناظرني كذا .!
مناف ظل ساكت يناظرها يشوفها تخفي شيء بعيونها م تبيه يعرفه تقدم لها وسحب الطاوله وجلس مقابلها : ثلاث سنوات في الدوره العسكريه ي نغم م تروح عبث .!
نغم بهمس : وش دخل الدوره العسكريه .!
مناف : تعلمنا بالعسكريه ان خصمك تعرفه من عيونه تعرفه من تصرفاته كيف يحرك يديه وكيف يمشيء وكيف تفهم كلامه وانت بعيد عنه.!
نغم : قصدك انا خصمك ؟؟
مناف : لا على سبيل المثال يعني!
رفعت حاجبها : قلت تعرف كلامه وانت بعيد عنه ؟؟؟
مناف : انتي اللحين احكي بدون صوت بس حركي شفايفك .!
نغم : طيب ” حركت شفايفها بكلمه .”
مناف : تقولين روح بس ماني رايح .!
نغم : طيب بقول جمله .
مناف : قولي
حركت شفايفها من جديد بجمله طويله .!
مناف : تقولين العيد بعد يومين وانا وحيده .!
نغم فتحت عيونها بصدمه : كدا يعلموكم بالدوره العسكريه .!
مناف : ايه
نغم : طب ليش ؟
مناف : عشان اذا مثلاً كنا بمداهمه م نضطر نتكلم بالصوت فهمتي .!
نغم : اها .
مناف : وبرضوا اقدر افهم شخصيتك من خط يدك .!
نغم : وهادي برضو يعلموكم هيا ؟
مناف : لا هذي انا تعلمتها بدوره خاصه وعرفت شخصيتك من توقيعك بالمحكمه .!
نغم : وايش هي شخصيتي .
مناف قام : لا عاد هذي انا احتفظ فيها ل نفسي .!
نغم : يالله قول .؟
مناف : لا
نغم عقدت حواجبها ولفت عنه : مارح اترجاك .!
مناف : تلعبين بلاستيشن ؟
نغم : جبتو ؟
ضحك مناف ع كلمتها : وتقولين وش قرب الغرب للجنوب وهذا حكيك ؟
نغم ابتسمت : طيب بلعب .!
مناف : يالله بروح اجيب البلاستيشن واجي .!
طلع ونظرات نغم تتبعه صععب مناااف صععب م ينفهم كل شوي يطلع بشيء جديد مو متزن مو متزن .
.
.
بالمجلس وعند الشباب .
ولييد و تركي يلعبون مباراه وسامي ومهند بعدهم .
وللييد رفع يده وضرب كف مهند : قققققوووولللل الله الله
مهند : كفوووو اجلده اجلده
تركي : على فكره ترى تسلل
سامي : ايش الظلم ذا ؟
مهند : شف اللي م يعرفون يلعبون يالله منااك بس .
وليييد : طاااحت دموعهم طااااحت .
سامي : تسكت ولا اسكتك بالدله ذي بوجهك ؟
مهند : استح على وجهك مهزوم وتتكلم .
مناف دخل : سلام شباب
مهند : ارحب حيّ الله الجار تعال تعال شف مصخرنا عيال خوالك .
ناظر الشاشه : افا ي تركي وشذا
تركي : ع اساس صاكني سبع اهداف ؟ تراه هدف واحد بس وتونا ببدايه المباراه
رفع حاجبه مناف وهو يهمس لنفسه : هاللحين كيف اخذ منهم البلاستيشن ” تناهد وطلع جواله ” شباب شوفو هالفيديو .
ترك الجوال بيد سامي والشباب تجمعو عليه رفع ثوبه ومسك البلاستيشن وفصل اسلاكه واخذه بيده تقدم بهدوء من يد وليد وسحب منه يد البلاستيشن ونفس الحركة مع تركي اخذها كلها ومسكها بيد ومد الثانيه لهم : شباب الجوال ؟
سامي رفع عينه له وم انتبه للبلاستيشن : دقيقه نكمل الفيديو
مناف : م عليك برسله ع القروب .
وبفهاوه عطاه سامي الجوال ، اخذه مناف وانحاش بسرعه.
وليد : وش فيه ذا انهبل يجري .
مهند : خلنا نكمل لعب بس
كلهم لفو وانصدمو بأن الشاشه طافيه والبلاستيشن مو موجود .
فزوا كلهم وبصوت واحد : مننناااااااففف .