روايه بنت السيل

لف مناف لمصدر الصوت وهو يقول : اعوذ بالله هذي وش نيمها هنا ؟
امل : مالك شغل لا يكون مجلسك وانا مدري ؟ ولا لا يكون انت اللي بنيته ؟؟
مناف : فايقه مره تتهاوشين ؟؟
امل : بغسل واجي افطر معكم وخرو لي .
هند : ها نغم ايش تبين ؟
نغم : فواكة .!
غسلت امل وجات وقفت قدامهم وتكتفت : بتوخرون لي ولا شلون ؟
محد رد عليها .
امل بقهر : خذ زوجتك بحضنك خلني اجلس افطر تراها قافله معي .!
وجه نغم صبغ الوان .!
مناف بأستهزاء : وش رايك انتي تجين بحظني ؟
نغم قامت : تعالي مكاني اساساً انا شبعت ؟!
امل : شف ذي زعلت !!
تربعت امل بالارض وهي تتحلطم : اوكيه بجلس هنا اهم شيء اكل واملي بطني .!
مناف سحب نغم بيدها وجلسها من جديد : كملي فطورك .!
هند : مو كأن الجو حلوه برا ؟
مناف ناظر الشباك : لو نجلس بالحوش ؟!
ابومناف : اي والله وانت الصادق قومي وانا ابوش ي امل افرشيء الفرش برا .
فتحت امل عيونها بصدمه وقهر ونطقت بهمس : هاللحين مناف وهند يقترحون وامل تنفذ ايش الظلم ذا .!
مسك مناف ضحكته عليها لان لو ضحك بيفرش الفرش بدالها .!
لفت امل تناظر مناف لانها كانت متوقعه انه يضحك عليها : خيير انت ليش تضحك ؟
مناف : انا ضحكت ؟
امل : ايوا ماسك ضحكتك .!
مناف : توكلي افرشيء الفرش بس !!
طلعت امل بقهر شوي ورجعت : خلاص كلشيء جاهز .
قالت كلمتها وراحت لغرفتها فتحت الشباك ووقفت قدام التسريحه وهي
ترفع شعرها بقهر ووتحلطم : كلشيء امل م يعرفون غير امل كلشيء تسويه امل يالله وش هالعيشه اللي كلها كرف في كرف حتى الواحد م يعرف يفطر معاهم استغفر الله بس ” ضربت الارض برجلها بقهر ” .
بالمناسبه وبالجهه الثانيه كان مهند توه داخل لغرفته وكانت امل بوجهه شباكها مقابل شباك غرفته همس : حيّ الصبح اللي يبتدي بشوفتك !!
ظل يتأملها وكيف انها تحاول ترفع شعرها ويرجع ينزل ع وجهها من كثره وطوله وكيف واضح من حركاتها انها مقهوره ومتنرفزه ظل يتأملها لما طلعت من الغرفه ورمى حاله ع السرير وهو يتناهد .!
عند امل مسكت جوالها وتحاول تفتحه : ي ليييل طافي خلني اروح اشحنه واطلع اجلس معهم بالحوش .
دخلت ل غرفتها من جديد وشافت ان شباك الغرفه اللي مقابله ل غرفتها مفتوح ركزت بالشكل وهي تقول ببالها ” كأنها غرفة مهند ؟ ”
قربت من الشباك تبغى تتأكد : اي والله هي !!
اعتمدت ع الشباك ورفعت نفسها تبغى تشوف في احد بالغرفه ولا لا زلقت يدها ع اطراف زجاج مكسور قديم وصرخت : آآآآه .
فز مهند من سريره ل الشباك وهو يشوفها واقفه امامه ويدها تنزف ظل يناظرها ويناظر يدها : يدك تنزف .!
رفعت عيونها له وبسرعه دخلت لجوه وسكرة الشباك .!!
فتح مناف الباب بقوه : اييييش فيك ؟
امل بصوت باكي : يدي
مسك يدها : ايش صار ايش حصل في يدك ؟
امل : استندت ع الشباك وزلقت يدي من الندى ع القزاز القديم .
مناف قام ل الشباك : بشوفه
امل خافت يكون مهند للحين واقف ويشوفه مناف صرخت : اااه مناافف يدي توجعني اهههه.
جا لها بسرعه : اوكيه اوكيه اللحين اجيب لك الاسعافات اهجدي .
طلع فيها ل الصاله وعقم لها يدها ولف لها شاش عليها : وكذا خلاص خطاش السوء وانا اخوش !!
امل : خلنا نطلع للحوش .
مسك يدها مناف وطلع للحوش امل معاه .!
امل : تسمعوني اصارخ ولا تفزعون م غير هالوجه الطيب ” تأشر على مناف ” فزع لي !! .
ابومناف : ايش فيها يدك ؟
امل : استندت ع الشباك وزلقت يدي ع القزاز القديم اللي بين الحدايد .
ابومناف : الحمد لله على سلامتش وانا ابوش .
هند : م تشوفين شر .
نغم : سلامتك
ام مناف : وانتي وش حقه تناقزين ع الشباك كان ركدتي .!
امل : الله يسلمك يمه .!
مناف : اشتريتوا للعيد ؟
امل : ايوا نزلنا انا وامي مع سامي لما سحبت علينا انت بس هند م راحت معنا !!
مناف : كالعاده تهاوشت مع سامي صح ؟
امل : ايه يقول لها غطي عيونك وتهاوشت معاه وزعلت ونزلت .!
مناف بهمس : ويبي يتزوجها بعد عزالله توفق ” رفع صوته ” خلاص هند انا انزلك اليوم العصر بس م تطولين ساعه بس !!
امل : وانا وانا
مناف : انتي ايش ؟
امل : بنزل معاكم .
مناف : كلي تراب بس .!
امل : حتى نغم تبغى تنزل معاكم مو صح
مناف : لا م تبغى
امل : الا تبغى مو صح نغم ؟
مناف لف يناظرها بحده : تبغين
هزت راسها بسرعه بمعنى لا : لا لا .
امل : لا لا ننءءنننءءنننن
.
.
بعد يومين
و بأحد قرى الجنوب الجميله مناف توه واصل بينما اهله صار لهم يومين وقف سيارته وهو يتناهد : م بغينا بي عنش ي سيارتي لعب بش الخط
نغم نزلت : واااااااوو رووعععه المكااان
مناف نزل من السياره وهو يتأمل معها : لو دوامي مو بأبها كان سكنت هنيه .
نغم : ايش يعني هنيه ؟
مناف : يعني هنا .!
مسك يدها : تعالي اوريك المزرعه من ورى .
سحبها معاه لورى البيت وصرخت : يمااااهه ورد ورد ابغى مناف ابغى .
مناف : اهجدي !!
نغم مسكت يده : تكفى تكفى ابغى ورده حمراء تكفى .
مناف : الحمراء بعيده وفيه شوك تبغين وردي ؟
مدت شفايفها بزعل : لا م ابغا الا احمر .!!
مناف : امشيء خلينا نروح غرفتنا .
نغم : اغراضي بالسياره .
مناف : طيب تعالي
راح معها ل السياره ونزل لها اغراضها ودخلها للغرفه .
نغم : دق على امل وهند يجون .
مناف : ليه ؟
نغم : م اعرف انسق ملابسي ابغاهم يساعدوني !!
مناف قرب من شنطتها : انا اختار لك .
فتح الشنطه وطلع لها فستان اسود من النوع الناعم بدون اكمام قصير ل نص الساق والبشت تبعه ذهبي مخطط بأسود : هذي تنفع .
نغم : كويسه .
رفع عيونه لها ثواني وهو يتأمل عيونها وقام : بتروش انا.
نغم : اوووكيه .
دخل مناف للحمام ” وانتو بكرامه ” ونغم ظلت تختار لها اكسسوار وترتب المكياج ل حد م طلع مناف ودخلت هيا بعده .!
لبس مناف وتكشخ ورز الشماغ وجلس ينتظر نغم لما طلعت .
مناف : خلصينا .!
نغم : لسى خلني احط مكياج
مناف : م يحتاج انتي حلوه م شاء الله لا تحطين شيء
نغم : م تلعب عليّ بهالحكي والله !!
مناف تناهد : مليت اخلصي ولا بطلع واتركش .
نغم : انتظر شوي .
ظل مناف يناظرها وم نزل عينه دقيقه عنها اما هي خافت من نظراته بس حاولت تسوي انها عادي مو مهتمه .!
نغم : اوكيه كذا خلصت بس بقى شعري .
مناف ببرود : خليه كذا مره حلو !!
نغم : اجعده ولا استشور ؟
مناف : ولو اني م فهمت وش يعني اجعده بس جعديه
نغم : لا بستشور .
مناف بحده وصراخ : لا تعانديني نغم لا تعانديني .
فجعها م كانت متوقعه ابداً انه يصرخ عليها امتلت عيونها دموع وعطته ظهرها م تبيه يشوف خوفها منه .
مناف قام : يالله خلينا نطلع .!
نغم لفت له : ماني طالعه بطلت .
مناف بصراخ : ي شيخه ليه هو بكيفك وقت م بغيت تطلعين وتبطلين ؟
نغم : لا تصارخ عليّ وماني طالعه بطلت .!
مناف : لا بتطلعين وغصباً عنك .!
نغم بعناد : مارح اطلع .!
مناف لف وجهه وهو يتسغفر : اقصري الشر ويالله نطلع تأخرنا بما فيه الكفايه .!!
نغم جلست ع السرير : ماني طالعه .!
مناف حط عينه بعيونها بحده : بتطلعين !!
نغم : والله م اطل……
مناف قاطعها : لا تحلفين والله ان اطلعك غصب !!
نغم سكتت وم ردت عليه !!
مناف : تطلعين ولا اجيبهم لك هنا ؟
نغم : جيبهم .!
مناف : والله اسويها !!
نغم قامت ل التسريحه وضبطت شعرها .
مناف : شطوره .
رجعت جلست ع السرير : يالله جيبهم .!
مناف تكتف يناظرها بقهر وانفاسه متسارعه رفع حاجبه : قد هالحركة .
ابتسمت بسخريه : قدها .
تقدم مناف واخذ جزمتها من الارض ورماها عليها : البسي بسرعه .
نغم : مارح اللبس .!
قرب منها ومسكها من يديها الثنين ورفعها لمستواه : والله العظيم ان م يحصل فيك طيب .!
نغم خافت وبان عليها .
عيون مناف عليها محتده نطق ببطئ : قومي .
نغم : خلاص خلاص والله اقوم
ابتعد عنها : قدامي اللبسي جزمتش يالله .
لبست جزمتها نغم بخوف وهي تسترق النظرات له .
قامت وراحت ل التسريحه تعطر ومناف دق ع امه يخبرها انه بيجي يسلم ع خالاته وجدته اللحين
نغم : مناف ساعتك م لبستها ؟
مناف : كيفي م ابغى البسها !!
نغم : هاللحين مين اللي يعاند ؟
مناف : امشيء بس .
مسك يدها وسحبها معاه .
نغم : بتطيحني مناف !!
صار يسرع اكثر لما وصل للمجلس الخارجي اللي فيه الحريم .!
مناف تناهد ومسك يدها بلطف : يالله بسم الله .
دخل و ع وجهه اجمل ابتسامه : السلام عليكم .!
جدته : هلا ومرحبا هلا .
توجه لها وسلم عليها هو نغم .
جلس مناف وبجانبه نغم بعد عناء السلام على كل الموجودين .
جدته : هذي زوجتك ؟
مناف : ايه يمه
جدته : وشهو اسمها ؟
مناف : نغم
جدته : وشو غنم .
انطلقت ضحكات البنات اللي كانو بالجلسه المجاوره والحديث يوصل لهم بوضوح .
نغم : سلامت سمعك ي جده اسمي نغم
تنحنح مناف ع اساس تنطم نغم : نغم ييمه نغم .
جدته : وش هالاسم الشين اهلش م يعرفون يسمون .
نغم : معليش نسوو يدقون عليك ياخذون رايك قبل يسموني .!
مناف مسك يدها وضعط عليها : اووص .
جدته : ومستعجل ولا انت مسوي عرس عشان العوبا هذي طويلة اللسان
نغم : والله انا قلت له اصبر بس هو يوم شافني رفض حتى انه يسوي مُلكة .!
مناف لف عليها بصدمه .
جدته : وليته والله من جمالك .!
نغم : م ألومك م تشوفي الزين كبيره ويمكن عندك ضعف نظر .
هالمره م تحمل مناف ونطق بحده : نغغم .!!
نغم بهمس : مارح اسكت عن حقي ابد .!!
جدته : وايش اصلها وايش فصلها هذي .
نغم بقهر : هذي لها اسم !!
مناف ضغط ع يدها بقوه : نغم اخت صاحبي يتيمه حصل ع اخوها حادث ووعدته قبل يتوفى الله يرحمه اني بحميها .
جدته : ااايه الله يرحمه .!
مناف ناظر نغم مقهوره ووجهها احمر .
جدته : وانت راضي عن نفسك اللحين تارك بنت خالتك الزين والسنع وماخذ هذي م تعرف تربيتها كيف
نغم : لو سمحتي عيب تتكلمين مع زوججي عن اي وحده غيري سواً اناا فيه او لا ثاني شيء انتي م تعرفيني عشان تحكمين اذا سنعه ولا لا .!
جدته : م شاء الله تعالي علميني كيف احكي .
مناف سحب نغم وقام : حنا نستأذن نغم تعبانه ودها ترتاح !!
جدته : احسن جعله تعبن دايم طويلة اللسان قليله الادب .!
لفت نغم بترد بس مناف سحبها معاه لخارج الجلسه متوجه لغرفته .
اول م دخلت نغم الغرفه جلست ع السرير وفسخت جزمتها ورمتها بأهمال وانسدحت .
مناف حاس بتأنيب ضمير تجاهها : لا تتضايقين ترى هي كذا حتى مع خواتي .
نغم بصوت واضح فيه الزعل : عادي !!
مناف نزل لمستواها وطبع بوسه ع جبينها : نامي طيب ؟ انا كل شوي بجي اتطمن عليك .
قام وخرج وهي نظراتها تتبعه لما طلع ، تناهدت م تعرف له مره يحن ومره يقسى مو ثابت مو متزن بالنسبه لها شخصيته غامضه عجزت تفهمه .!