روايه بنت السيل

تناهد بصوت مسموع وهو يفكر .
نغم : مناف
لف لها : ها ؟
نغم : ايش فيك حصل شيء ؟
مناف : ابد ولا شيء دوامي داقين عليّ جاء المسؤال عن القضيه اللي انا ماسكها !!
نغم : واذا جاء عادي .!!
مناف : م يجي الا اذا فيه شيء غلط الله يستر .
وقف عند الكفتيريا : اثنين شاورما .!
نغم : اذا بتروح وم بتقعد معاي م ابغى
مناف : امل معاك !!
واستمر السكوت لما منناف اخذ الشاورما ووقف عند بيتهم : انزلي وانا بجيك بأغراضك .
نزلت نغم ودخلت تدور امل : امللل اممل
” فتحت غرفة امل لقتها نايمه وسكرت الباب بخيبه ”
دخل لها مناف اغراضها وهو بدل ملابسه وكان طالع .
نغم : بتروح وتسيبني لوحدي ؟
مناف ابتسم لها ع الخفيف : امل معاك بعدين انا مضطر ” قرب منها وطبع قبله ع جبيها ” انتبهي لنفسك ولا تخافين طيب انا مو مطول ان شاء الله !!
.
.
يوم الثلاثاء .
مناف واقف يناظر من القزاز تعبان صارله حول الاسبوع نومه متقطع وقليل !!
اندق الباب ولف مناف : راااحح ابونواف رااح
من فرحتة طاح كوب القهوه من يده بدون م يحس : احللف
……: والله
مناف : الله يبشرك بالخير .
قرب من الشباك : شوفه ماشيء
تقدم ل جنبه مناف : الله لا يرده
…..: استغفر يمكن عنده عيال .
جلس مناف ع مكتبه : استغفر الله انت اللحين روح لك مني اجازه ل يوم العيد
….: وانت ؟
مناف : انا بأراجع الملف وبطل سيده لأهلي مشتاق لهم من يوم الخميس م شفتهم !!
……: م تنلام جاء ابو نواف وحكرنا معه هنا اسبوع !!
مناف : صدقني حركته هذي يبغى فيها اجازه لكن ي رب م يقبلون ي رب !!
……: هو متزوج ويمكن عنده عيال اكيد بيعطونه .!
مناف : هذا اللي يقهر
….: استأذن انا
مناف : الله معك
طلع وظل مناف لوحده يتصفح ملف القضيه اللي بيده بس صداع راسه م ترك له مجال يركز او حتى يقراء لفت انتباهه كوب القهوه اللي انكب سحب الفاين ونزل له يمسحه خلص وسحب الملف ونظارته وطلع .
.
.
عند البنات خوات مناف ونغم يتابعون فيلم رعب هند ونغم ظامين بعض وخايفين وامل مسويه عادي .
نغم : خللللللللللااااص امل سكريه الله يوفقك تكفين !!
امل رفعت حاجبها : انطمي خلينا نسمع !!
هند : امل خلااص .
جات لقطت رعب وصرخوا هند ونغم : لااااااااااا .
امل : بلا تراب م تعرفون تسكتون ؟ خلاص انطموا ولا اطلعوا .
هند : قلبي بيوقف امل غيري خلاص .
سمعوا صوت بالصاله وخافو زياده .
هند : تسمعون اللي سمعته ؟
نغم : اي والله بنات فيه صوت .
امل : مافي شيء انتو تتوهمون !!
نغم على مشارف البكاء : لا والله فيه اسمعي هند اسمعي صوت خطوات .!؟
هند بكت بصوت مكتوم .
امل وجهها انقلب اللوان من الخوف وخذت الكاسه وعلبت المويا : اسمعوا اذا جاء الجني انا بأرميه بهالاشياء وانتو اهربوا طيب .
مناف كان سامعهم عشان البيت هجده ويبي يخوفهم بس بعد حكي امل م تحمل وطاح ع الارض يضحك بقوه .!
امل : مو كأن هذا ضحك مناف ؟
هند : الا هو .
فتحت امل الضو وصارخت : منااااففف .
فتح يديه لها وضمها هي وهند وهو للحين يضحك .
امل : فجعتنا ي كلب .
مناف : مررره عايشه جوك ي امل ااخخخ لا وبعد مسويه تنقذينهم .!
هند : قلبي كان بيوقف لا تعيدها .
مناف : هات المويه اللي بتفقعين فيها وجه الجني بس .!
امل مدتها له وهي تحك حاجبها مستحيه : وش اسوي خوفوني الزلايب ذولا ولا انا ذيبه تعرفني .
لف ناظر نغم وابتسم لها ورجع ناظر امل : كفو ي الذيبه تربيتي !!
مد يديه لهم : يالله يالله قوموني !!
سحبوه امل وهند ولا تحرك حتى نص حركه ناظر نغم : تعالي ساعديهم !!
قامت نغم وسحبته مع البنات ولا حركوه من مكانه شبر واحد اما هو بمجرد م سحبهم طاحوا كلهم عليه ورجع ضحك بقوه .
امل : وجججععع وجععع م تعرف تمزح
هند : الله يل**** غبي كسرتنا
مناف : هذي اللي م تلعن ؟
هند : مالك شغل .
قام : اخخ اسندوني بطيح .
امل جلست : كل تراب .
لف لهند وابستعطاف : هنود ؟
هند : مافي .
مناف : اصلاً ليه اتشكركم وعندي زوجتي ؟
قرب من نغم وانثنى عليها طبع ع جبينها بوسه : وصليني .!
استند عليها وعلى هند معاها وناظر امل : انتي كلي تراب
امل : اي اي شوي وتجلس تصيح عندي عشان اهمزك !!
مناف : اي والله تعالي تعالي .!
امل : شف قليل الحيا ضف وجهك بس .
مناف بنبره حزينه نطق عشان يستعطفها : اصلاً عادي بنام .
.
.
صحى مناف الصباح وصلى الفجر وطلع للمطبخ سيده .
استند ع الجدار وهو يشوف امه معطيته قفاها : صبحك الله بالخير ي ام مناف
امه لفت لها : هلا ومرحبا هلا
مناف اقترب منها وسلم عليها : وحشتيني يمه كيف حالك ؟
امه : بخير يمه انت متى جيت ؟
مناف : البارح ابوي وينه ؟
امه : بالمجلس .
مناف : بروح له .
طلع من عندها متوجه للمجلس : سلام عليكم
ابومناف فز : هلاااا والله ومرحبا
مناف سلم عليه وحب راسه : الله يبقيك ويخليك لي ي ابو مناف .
ابوه : استريح استريح .!
سحب مناف مركاه ” تكايه ” وجلس عليها : لما جيت البارح بالليل كلكم كنتو نايمين !!
ابوه : اييه والله نمنا بدري لكن خواتك وزوجتك م نامو وجيت انت وزدت بضحكك .
مناف حك راسه بأحراج : كنت صاحي يعني ازعجناك ؟
ابوه ضحك : كنت قاعد اسوي اوراق واخلصها وسمعت ضحكك لما جيت !!
مناف : فقدتوني ؟
ابوه : والله وانا ابوك تعودنا .!
مناف : ترى احسن .
ابوه مد له كوب قهوه : تقهوى تقهوى بس .!
هند ونغم : صباااااح الخير .
ابومناف : حي الله بناتي اجلسي يبه نغم يمّ زوجش .!
سحب مناف المركاه وجلس ع الارض بس ظل متكّي وجلست جنبه نغم بأرتباك .!
هند : وانا وين اجلس ؟
ابومناف : انتي الشيخه تجلسين جنبي اكيد .
مد ابومناف ل نغم القهوه وكانت ترجف مرتبكة من قرب مناف اخذها مناف بدال عنها ونزلها للأرض وهمس لها : اللحين هي حاره وانتي ترجفين لو اخذتيها بتنكب عليك خليها لما تبرد .!
لفت عليه بحده وهمس : ومين قالك اني ارجف ؟
مناف : واضح .
مسكت القهوه بترفعها بس سبقتها يد مناف اللي مسكت يدها وضغط فيها ع الكوب بقوه !!
نغم احترقت يدها : مناف يديي .
مناف : عشان العناد تبطلينه !!
سحب القهوه من يدها ورجع حطها ع الارض ونغم تناظر يدها حمراء وتألمها !!
ام مناف دخلت ب صينية الفطور : تعالو افطرو ي اولاد انا وابوكم افطرنا من اليوم
حطت الصينيه ع الطاوله وقام مناف وجلس وقامت هند معاه .
ابومناف : ي الله ي نغم وانا ابوك .
نغم قامت وتناظر م فيه مكان غير جنب مناف وهي م تبي تتوتر زياده !
قام مناف وسحبها وجلسها جنبه وهمس لها بحّده : الا تلفتين الانظار لك .
ناظرة فيه بتعقيدة حواجب وم ردت !!
مناف : اصب لك شاهي ؟
هند : لا لا انا ونغم بنشرب عصير !!
قامت هند ورجع مناف لف لنغم : احط لك توست وجبن ؟
نغم ظلت ثواني ساكته تحاول تفهم شخصيته مره يحنّ ومره يقسى .!!
نغم : لا م ابغى .!
مناف يستفزها : طيب ليش خايفه ؟
نغم بحده : ومين قالك اني خايفه ؟
مناف ارخى حده ملامحه : احطلك بيض وتوست ” وضحك ع الخفيف ”
نغم ظلت تناظره بصدمه كلمة متناقض قليله بحقه !!
هند : نغم تبين عصير فواكة ولا ليمون ونعناع .!
….. : ليمون
لف مناف لمصدر الصوت وهو يقول : اعوذ بالله هذي وش نيمها هنا ؟
امل : مالك شغل لا يكون مجلسك وانا مدري ؟ ولا لا يكون انت اللي بنيته ؟؟
.