روايه بنت السيل

بالصاله جالسه نغم وتناظر حولها بخوف وقلبها يدق بقوه سكرت عيونها بخوف لما سمعت صرخت مناف بأسمها.
بلعت ريقها وحاولت م تلفت الانظار وطنشته
ناداها مره ثانيه وبصراخ اقوى بلعت ريقها بخوف وطنشت
ام مناف : يمه نغم مناف يناديك م سمعتيه؟
نغم قامت بخوف وتحاول تبين طبيعيه : اي اللحين بروح له
مشت بخطوات بطيئه للغرفه وفتحت الباب وطاحت عيونها عليه وجهه احمر وواقف عند الدولاب متكتف ويناظرها بحّده.
دخلت بهدوء وسكرت الباب وبسرعه قالت : قبل تسوي اي شيء اعرف انك انت اللي حديّتني على هالتصرف
مناف رمى ثوبه بوجهها وصرخ فيها : ايش حركات البزران هاذي ؟ مالقيتي الا ثوبي الجديد تقطعينه هذي موب غيره هذي ملعنه
عقدت حواجبها لما جد حسته معصب وامتلت عيونها دموع.
قرب منها وبحركة سريعه مسكها من ذقنها ولف وجهها له وهو رافع حاجبه وملامحه حاده ومعصب
بلعت ريقها بخوف وتقوست شفايفها ببكاء وصاحت
خفف من مسكته لذقنها مناف ورفع وجهها له وبحنيه مسح دموعها وهو مبتسم
فتحت عيونها بخوف وناظرته وهمست : مو زعلان
مناف بأبتسامه حلوه : اكذب عليك لو اقول ماني زعلان ؟ بس انتي ينزعل منك
ضحكت بخفيف وضمت وجهه بيديها : كيف نوصل لرضاك؟
مناف بعتب : دفعت بثوبي ذا مبلغ وقدره حرام عليك تقطعيه.!!
نغم باست عيونه : اسفه
مناف : لا لا الرضى مو هنا!!
نغم ضحكت بخجل : م نقدر نرد لك طلب بس……
م قدرت تكمل لان مناف قاطعها بقبله عميقه ثواني وابتعد عنها بخفيف وهو مبتسم : ألذ من اللذاذه نفسها.
بحيا ابتعدت عنه نغم وكانت بتطلع لكنه سبقها ومسك يدها : تعالي تعالي وين ؟ دايم تهربين ولا اقولك شيء المره هذي مافي هروب
نغم : اااا وشفيك ذحين خالتك بتجي
مناف لم يده على خصرها : بحريقه كل الي بيجون م دمتي انتي معاي
ضحكت وقربت وجهها له وهمست بدلع : مناف وعبير ؟
مناف وهو خاق : اشبها ؟
نغم مررت يدها بشعره وعيونها بعيونه : تبيها للحين ؟
مناف : وش قلنا بالمستشفى ؟ لا عبير ولا غيرها انتي ولا احد بعدك ولا قبلك
ضحكت بصوت عالي ومسكت وجهه بين يديها : اقسم بالله ان النعمه الحقيقيه الي انرزقت فيها هي حُبك؟!!!
مناف : انتي الصدفه الجميله الي اختلفت عن باقي الصدف
نغم بدلع : مناف مين تحب ؟
مناف بهمس وعيونه بعيونها : انتي.!!
ظلوا يناظرون عيون بعض وكأنهم يحكون لبعض كميه الحب الي بينهم.
قطع عليهم دق الباب وابتعد مناف عن نغم وفتحه : هلا يمه
امه : يالله يأمك الناس وصلوا
مناف : ابشري من عيوني دقيقه البس واجي
ام مناف : تعالي يمه نغم جيبي له البخور
ابتسمت نغم وطلعت معاها اما مناف بدل ملابسه وكشخ بالثوب ورز الشماغ وتعطر وقبل يطلع استقبلته نغم بالبخور
ابتسم وقرب منها واخذ البخور وصار يتبخر وهي تلقط له صور بجوالها بدون م يحس عليها.
مناف نزل البخور ع الطاوله وعدل شماغه : كيف بس ؟
نغم : كشششخخه!!
مناف ضحك وهو يلعب بالسبحه بيده
نغم : نتصور ؟
مناف عدل الشماغ : يالله بس ممنوع ترسلينها لاي احد
نغم رفعت الجوال : اوك ابتسم لا لا دقيقه مناف انت طويل مو طالع غير صدرك
مناف : وش اسوي يعني بالنهايه الغلط منك انتي سنفوره!!
نغم : عندي الحل انت خذ الجوال وصور
مناف حرك حواجبه بالنفي: انا عندي حل افضل!
مسكها من خصرها ورفعها لما صارت محاذيه له : يالله
صورت نغم وهي ميته ضحك : نززلللننني اخاف اطيح
مناف : افا تطييحين وانتي بحضني ؟
نغم : نزززلللنننني
مناف نزلها ورفع الجوال وتصور معاها : هذي رضى لك وعشان لا تزعلين
نغم ترمش بدلع : يهمك رضاي ؟
مناف بنبره جنوبيه : الله الله
نغم : اذا صوتك رضاي كيف انا ازعل ؟
مناف : ي ويل حالي انا بطلع قبل اتهور
ضحكت نغم : اوك اسبقني انت انا بعدل الروج وبلحقك
مناف : يالله اجل
طلع مناف وبثواني لحقته نغم : منااف
لف لها وهو متلذذ بسماع اسمه منها : عيونه
نغم : نسيت ساعتك
عض شفايفه : ي ويل حالي ي ذا الزين
نغم بحيا قربت له وركبت له الساعه
مناف بهمس : عليّ الحرام لا ابوسك
قبل ترد نغم جاهم صوت امل : لا ي الحبيب طال عمرك هالحركات بغرفتك عيييب توعوني ع ذا الاشيا وانا توي صغيره وبريئه
مناف : ااااوووه م شاء الله مره بريئه بسم الله عليك
امل بغرور : ايه اجل وش تحسب
على خروج هند من الغرفه : وش فيكم ؟
امل ناظره هند : حتى ذي اذا تزوجت بتصير قليلة ادب زيكم
مناف : اللحين انا قليل ادب ؟
امل : ايه
مناف وهو يعدل ساعته : ذكرتيني ترى خطبك مني واحد من العيال وانا رفضت مبدائياً
دق قلب امل بقوه وبهّت لونها وجاء ببالها مهند لانه سألها بتتزوجه ولا لا
قرب منها مناف وحط يده ع جبينها يشوف حرارته وضحك بقوه : لا والله الى متغيره امل اذكر اذا قلت احد خطبك تقولين على طول موافقه.
امل وعيونها بالارض : الانسان يكبر ويتعلم
مناف : اهب اهب حكيمه لا إله الا الله
امل : اقول انقلع ساعد ابوي بالاستقبال بس.
.
.
بالشمال
جالس بقهر ع الكنب وهو يتنفس بقوه وبضيق لف للباب الي يدق وقال بغضب : اددخخل
فتح ياسر الباب ودخل بتردد وجلس بجمب رعد.
رعد رمى عليه مفتاح السياره : خذها.
رجع رماه عليه ياسر : م ابغاها
رعد بنرفزه : وش تبغى اجل ؟
ياسر : شايف لك كم يوم متوتر فيك شيء ؟
رعد : وش دخلك فيني ؟
ياسر : اخوي!
رعد : نعم ؟
ياسر : اخووي رعد انت اخوي اخو مين اخوي انا.
رعد ضحك ب استهزاء : حلوه اخوي لا لا حلوه اخوي
على دخلت ابوه الي كان مستمع للحوار من البدايه : ليه منت معترف بأخوته ؟
رعد قام ووقف قدامه وبأستفزاز نطق : الله واعلم و العلم عندك انت وعمي م يندرى عاد انا ولدك ولا ولده!!!
دوى صوت كف بالمكان وتوسعت عيون ياسر بصدمه من الكف الي اخذه رعد.
رعد صفق بيدينه بأستهزاء : تضربني عشاني قلت الحقيقه “لف لياسر ” ايه ي ياسر صح الي سمعته لما ابوك شك بشرف امي وشك بولده اللي قدامك”كان ياشر على نفسه بقهر” اخذهم ورماهم باوربا وتركهم هناك سنتين ثم جاء طال عمره واخيرا شرفنا وعطانا اوراق مكتوب فيها ان الولد ولده تخيل بعد سنتين من الشك والصراع
لمح طلال معدي من عند الباب وصرخ فيه : طلال تعال اسمعك قصه ابوك تعال
دخل طلال واستغرب من هيجان رعد ومن وجهه المحّمر
رعد : لما ابوك المحترم انت وياه جاء لاوربا ورمى بوجه امي الاوراق وقال “انا عرفت بانه ولدي وتأكدت” م صلح غلطه ي حلوين بالعكس زاد الغلط غلط وجلط امي وماتت ؟ مستوعبين ي عيال مشعل “اشر على ابوه ” هذا قاتل بينما انا “اشر على نفسه ” ينشك فيني
طلال وقف بوجه رعد ولا عاد يتحمل صراخه على ابوه : بسسس ببسسس رعد اصصص
رعد دف طلال : انت زعلت وانت م عرفت ماضي امك بعد اجل لو اقول وش بتسوي
طلال قام ودف رعد بدفاع : اصص خلاص
رعد : لا الظاهر تبوني افصل عليكم واعلمكم بماضي الوصخين الي قدامكم
ابوه : رععععدددد
رعد جلس ع السرير بضعف ونطق بحده : بينما انت وياه بالحضان ابوك وامك انا وين كنت “قام وصرخ بوجه طلال ” بأحضان الشارع ي طلال و م يندرى عني!!
لف ابورعد وجهه بحزن وطاحت عيونه ع سيلين ورسيل والي واقفين ع الباب وواضحه بوجيههم الصدمه.
رعد : بينما انت بظل ام واب انا بظل الحيط بينما انت بين اخوانك انا بين الزبايل بينما انت بظل وطن انا كنت مرمي باوربا شفت الظلم ؟ وتسال رعد ليش قاسي
وقف قدام ابوه : انت السبب بكل شيء بكل شيء
ابوه: رعد اسمعني
رعد : ولا ابي اسمع شيء نذر علي ان اجيب لكم اسيل واختفي من حياتك اذا غرام وراحت وش ابي من هالدنيا اكثر.!
ابوه : ومين قالك اني بخليك تختفي؟
رعد صارخ بوجهه : مالك دخل فيني مالك شور ولا راي علي.
رسيل بتردد : عرفت ان غرام تزوجت ؟
رعد ناظرها وابتسم : ايه عرفت
نزلة راسها واستحت من ابتسامته اما رعد ف انسدح ع السرير على ظهره وعيونه ع السقف انفاسه متسارعه ووجهه احمر : اطلعوا
ابوه جلس بجنبه : رعد اسمعني؟
رعد دف يده : قلت اطلعوا ولا اقول “قام ” انا الي طالع ولا ابي منكم شيء ولا تعرفون رعد ولا هو يعرفكم
مسكة ابوه : تتوقع الاب يترك ضناه بسهوله؟
ضحك رعد : ضحكتني الله يسعدك مو انت تركتني وانا صغير عاجز تتركني وانا رجال طول بعرض.!
ابوه : غلطتي قبل كم سنه م تتكرر!!
رعد : عن اي غلطه تتكلم ؟ تعرف اغلاطك كثير ولا قمت افرق
.
.
عند مناف واقف ويستقبل خواله : ي مرحبا تو م نور البيت
ابو سامي سلم عليه : مرحبا بك
مناف : تفضل ي خال حياك
ابوسامي : الله يحييك
مناف سلم على سامي ووليد ودخلهم للمجلس : الله يحييكم ي رب اسفرت وانورت
وليد : م يحتاج الله يسلمك
مناف همس له : تلايط الحكي مهوب لك للمعرس
ضحكوا ولفوا لسامي الي واضح من وجهه منحرج.
ابومناف : قم وانا ابوك ي مناف جب القهوه
مناف : ابشر
قام وراح للمطبخ دق الباب وتنحنح وطلعت له امل : انثبر بالممر لين تجيب لك زوجتك القهوه يارا معاي جوا
مناف ضربها ع راسها : ايش هالاسلوب ؟ انا مو اصغر عيالك!!
امل : وجع انقلع”ودخلت للمطبخ بسرعه”
اما مناف ف وقف بالممر وطلع جواله وظل يطقطق فيه لما حس بنغم وراه ولف لها واخذ الصينيه من يديها : ي عمري م تقدري تشيليها؟
نغم : تعبتني!!
مناف : جعلني فدوه
نغم : شماغك خرب اعدله ؟
مناف : عدليه جعل م يعدل شماغي غيرك
نغم ضحكت ووقفت ع اطارف اصابعها وطبعت ع خده بوسه وابتعدت : امزح بس كنت ابي ابوسك
ضحك مناف : ي ليت دايم تمزحين كذا
نغم صارت تناظره بحيا مختلط مع جرأه ومبتسمه
مناف اقترب منها : هالابتسامه بالذات تدوخني ف بطلي
نغم ابتسمت زياده ورفعت عيونها له ولفت يديها حول رقبته : انا احبك اكثر لما تدوخ
مناف نزل راسه لها وعيونه بعيونها : مصره ؟
ضحكت بخفيف ورفعت نفسها له ونطقت بدلع : آيه
مناف نزل راسه لها اكثر ولا حس غير لما طاح عقاله وابتعد : اووف
نغم ضحكت وسحبت الشماغ وبرضوا طاح.
مرر لسانه ع شفايفه ولف لها بتوعد : هين
نغم ضحك بقوه : مالي شغل انا
مناف نزل الصينيه للارض ووقف قدام المرايه : مين الي مصّره اجل ؟
ضحكت نغم وعطته ظهرها : اشوفك العصر اذا راحوا الضيوف
مناف : هين هين العصر عندي دوام ترى
نغم وهي بعيده عنه : متى بتجي طيب ؟
مناف : ممكن الليل او الفجر
نغم وضّح بوجهها الضيق : اوك بالتوفيق
مناف : احتمال كبير الصباح كذا عشر او ثمان
نغم : مصّر تضايقني ؟
مناف باستعجال شال الصينيه : يعني شوي

بمجلس الحريم.
ام عبير : بنات اتركوني مع خالتكن شوي
ابتسمت عبير وقامت : امرك يمه
طلعت عبير وطلعوا البنات من بعدها.
ام عبير لفت ل ام مناف : ها ي اوخيتي م رديتي علي
ام مناف : بخصوص ايش؟
ام عبير : مناف
ام مناف : والله وانا اختك عبير بنتك والنعم فيها سنعه ولا في مثلها والف واحد يتمناها
ام عبير : عطيني زبدة الحكي
ام مناف : والله مناف غير رايه وأقتنع بأن نغم تكفيه
صدت ام عبير بدون م تقول شيء
ام مناف : لا تزعلين والله بنتش مافيها العيبه لكن مناف شاف حياته مع نغم.
ام عبير بحده : م زعلت لكن عيب عليه هالحركة يخطبها من ثلاث سنوات ويحجر عليها ونرد الخطاطيب عشانه ويخليها الحين بكل برود.
ام مناف : والله ي اوخيتي اسفه ولو عندي ولد غيره كان ازوجه عبير ولا اتردد
ام عبير لوت شفتها بغضب : خلاص حصل خير
ام مناف تناظرها ولا تبيها تزعل
.
.
اليوم التالي
سامي : ليش يمه وش السبب كنتي موافقه امس ومبسوطه ايش صار ؟
ام عبير : كان الاتفاق الي بيننا
قاطعها سامي بعصبيه : ايي اتفاق مافي شيء اسمه اتفاق
ام عبير : الا اتفاق مو انت كنت تبي هند وهو يبي عبير وش صار ليش غير رايه؟
سامي : هو انسان حر معاد يبغى اكتفى بزوجته الثانيه وعبير ان شاء الله نصيبها عند واحد احسن منه ليش الحوسه ذي كلها
ام عبير : انا قلت م تاخذها ي سامي
نطق وليد الي ساكت من بدايه الجلسه : ليش تخلطون الامور ببعض ؟ الحين وش دخل عبير ومناف بهند وسامي
سامي : فهمهم ياخي تكفى
ابوسامي : ي سامي ي ولدي اذا كنت مصّر تبيها وعمك عطاك توكل على الله
ابتسم سامي : ايه ذا الحكي الصح نفداك
ام سامي : بتاخذها وتعصى كلامي ؟
سامي بقهر : يممه وش دخلني انا بمناف انا بتزوج هند ولا مناف؟
ضحك وليد على حكي سامي
تناهد سامي : يمه افهميني
قامت ام عبير : حكيي مارح اعيده ي سامي بنت خالتك امنعنا منها وان كنت تبي تتزوج بنات الحسب والنسب كثير
سامي سكر عيونه بقهر : والله العلي العظيم
قاطعه ابوه : سامي
سامي بقهر ناظره وقال ابوه : لا تحلف خلاص ان كنت تبي البنت حتى لو م وافقت امك نروح نخطبها مصيرها كم يوم وترضى
ام عبير : م شاء الله تحرظ ولدي يعصي كلامي
قام سامي بقهر طلع وضرب الباب وراه.