روايه بنت السيل

عند رعد وقف عند الصيدليه وبالغصب وصل لانه ماسك الطفل وبحضنه فماقدر يسوق براحته ، نزل والطفل بيديه سكر السياره ودخل ل الصيدليه : السلام عليكم.
__: وعليكم السلام امر اخوي ؟
طلع رعد الورقه وحطها ع الطاوله : جيب لي كل هالاغراض
اخذ الورقه وفتحها : استريح لحد م اجيبها لك.
تقدم رعد من الكراسي وجلس وعيونه ع الطفل النايم بهدوء ظل يتأمله شوي وم استحمل ورفعه له وباس خشمه ومن ثم عيونه وبعدين خدوده وايديه وجبينه .
قطع عليه : ولدك ؟!
سكت رعد شوّي وبعدين قال : ايه.
قام وهو ماسك البزر : ااا اسمع ابغى هذي اللي يحطونها ب فمه عشان يسكت ماعرف شسمها
الصيدلي : اللهايه قصدك ؟؟
رعد : اي هي جيبها
الصيدلي : برضوا يتوفر عندنا المقعد حق الطفل ب السياره عشان لا يطيح.
رعد بحماس : اييه هذا اللي كنت ابغاه وريني ياها ؟؟؟
الصيدلي : تعال معاي؟!
مشى معاه رعد ل المقعد وصار يعلمه الصيدلي عليه وكيف يحط الطفل فيه وكيف يثبته وكيف يشيله.
رعد : خلاص باخذه جيبه.
الصيدلي : تقدر حتى تاخذه معاك ع السرير وتخليه مسطح.
رعد مصدوم : حتى ل السرير ؟؟
الصيدلي : ايه تسوي فيه كذا “طبع المقعد لين صار مسطح” وتحط الطفل وتثبته وتنام براحتك.
رعد تناهد : مدري شقول لكن هم وانزاح.
الصيدلي ابتسم له واخذ المقعد معاه وصار يحاسب اغراض رعد ، ورعد يلعب بيدين الطفل ويبوسها.
الصيدلي : خمس ميه وثلاثين.
رعد فتح فمه بصدمه : على ايش خمس ميه وثلاثين.؟
الصيدلي : المقعد لوحده ثلاث ميه والاغراض الباقيه سعرها مكتوب عليها انا م جبت شيء من عندي.
رعد سحب الورقه وعقد حواجبه وهو يقرا : فاينات معقمه وعطر اطفال وحفضات بامبرز وحليب مادري شنهو ” م قدر يكمل وهو يشوف الورقه مليانه ” حسبي الله عليها بنت اللذين
طلع بطاقته من جيبه ومدها له : حاسب خلاص.
حاسب رعد اغراض الطفل وطلع ل السياره وصل الطفل للمركز عند سعود ورجع ل مناف المستشفى.
.
.
عند مهند وقف سيارته امام بيتهم سحب ملابسه اللي جايبهم من المغسله وكان بينزل لولا ان جواله دق.
رفع الجوال وشاف بأنه رقم غريب رد وجاه صوتها : هلو ؟؟
مهند استند ع المرتبه : اهلين مين معاي ؟
…: مين تتوقع ؟
مهند بأستهبال : مادري المعجبات كثير.!
…: وانا وحده من هالمعجبات
مهند : طب وش تبغين من الاخر يعني ؟
…: طلع قلبك وهو ألها ؟
مهند عقد حواجبه وثبتت عيونه ع باب بيتهم اللي انفتح وم رد.
بصوت هامس : علمني طلع قلبك لها ؟
مهند وعيونه ع امل ويارا اللي واقفين عند الباب ومعاهم فرش وقهوه : طلع قلبي لها وبس ؟!!! اخذت حتي عقلي.
…: وانت سلمتها قلبك وعقلك ؟
مهند : سلمتها روحي ومابعد روحي شيء.
قبل تتكلم سكر بوجهها ونزل فتح باب الحوش وألتفتت امل برعب للباب وبسرعه تخبت ورى الزرع.
ابتسم مهند وعشان م يرعبها اكثر على طول دخل للبيت وكانت بوجهه يارا اللي منصدمه.
مهند : هيي وش فيك ؟
يارا : امل برا
ابتسم مهند : تخبت ورى الزرع.
يارا : لا تطلع للحوش بنسمر على قولتها هناك
مهند : يصير اجي معكم ؟
رمت عليه نظره وضحك : اتكلم جد والله العظيم اصير مؤدب.
يارا : مهند اقلب وجهك.
مهند ابتعد عنها رايحه ل غرفته : وش هالحظ التعبان حتى م شفتها زي الناس “دخل لغرفته ” ويارا مقابلتها طول الوقت فعلاً الدنيا حظوظ ” وقف جنب الدولاب وفسخ تيشيرته ” انا لو اشوفها صدفه وخمس دقايق قسم بالله اظل شاكر وحامد لله دهر ” اخذ له ملابس ” ياخي وش ذا اعوذ بالله.
تحمم وصلى العشاء وانسدح ع السرير النوم عيا يطب عيونه وهو يحس بأن المسافه اللي بينه وبيناها بسيطه وده يتهور كذا ويروح لها مشتااق هذا اقل شيء يقوله احساسه تجاهها مشتاق والشوق لاعب فيه ” تناهد وانسدح ع جنبه اليمين وهو يستغفر لعله ينام ويرتاح راسه منها ومن عيونها اللي م فارقة خياله ومن ضحكتها وصوتها اللي بأذنه ترن طول الوقت.
جلس ع السرير وهو يتناهد بقهر يلاقيها منها ومن تفكيره فيها ب الليل ولا من المستشفى وحوسة الصبح.
مهند : استغفر الله العلي العظيم واتوب اليه اطلعي من راسي ي بنت الناس خليني انام.
.
.
فتح عيونه بشويش وهدوء والرؤيه عنده ضبابيه رجع سكر عيونه بقوه وفتحها وأتضحت عنده الرؤيا وكان بوجهه رعد اللي حاط يده على خده ويتأمل مناف.
مناف بصوت مبحوح : وش مضيع بوجهي ؟
رعد استعدل بجلسته : الحمد لله ع السلامه.
مناف حاول يعدل جلسته ويسند حاله ع السرير : يسلمك
رعد : خلك منسدح ياخي
مناف : كم الساعه ؟
رعد رفع جواله : على نهاية العشره تقدر تقول احدعش الا عشر دقايق.
مناف ناظر يده المعلقه برقبته : طلعت الرصاصه ؟
رعد : لا والله للحين ينتظرون امرك اذا تسمح لهم او لا ؟!
مناف : هه هه هه ي الفله .
رعد : سؤالك زي وجهك.
مناف ناظر باقة الورد وعلبت الشوكلاته اللي ع الطاوله : مين جايب ذي ؟
رعد : مافي غيري بالغرفه واصلاً محد جاك غيري انا والدكتور.
مناف يدري انه هو جايبها : اجل اشكر الدكتور بدالي ههههههههه.
رعد شال الباقه وعلبت الشوكلاته : علي الحرام انك م تستاهل
مسكه مناف قبل يمشي : امزح ي رجال تعال
رعد رجعها وجلس : تألمك يدك ؟
مناف : شوي .
رعد : لسى م راح مفعول البنج اذا راح بتلاقي الألم الحقيقي.
عقد حواجبه مناف : يلعن ابوشكلك جيب ملابسي بس.
رعد : ملابسك ليش ؟!
مناف : بطلع.
رعد : لا م كتب لك الدكتور خروج اللحين.
مناف بعد اللحاف عنه : لابغيت اطلع مارح استشيرك انت ولا الدكتور.
رعد عقد حواجبه : مناااف لا تستهبل ؟؟!!!
مناف : قل ل الممرضه تجي تشيل المغذي لا اقطعه.
رعد : ي ابن الحلال صلَّ ع النبي.!
مناف : اللهم صلَّ وسلم على نبينا محمد تروح ولا اقطعه ؟!
رعد : طيب طيب ” قام وطل من الباب نادى الممرضه ورجع معاها”
رعد : شيلي له المغذي
الممرضه : لا م يصير دكتور مافي يكتُب خروج حق انته.
مناف : تشيلينه ولا اقطعه ؟
رعد : شيليه مالك شغل ب الباقي.
قربت الممرضه ليد مناف وصارت تفكه وتتحلطم : مريض مجنون انتا مافي يكتُب دكتور خروج حق انتا
مناف : يليل القنقنه .
رعد عقد حواجبه : وشو ؟
مناف : مالك شغل حكينا لا تحاول تفهمه.
رعد : طلاسم مب حكي .!!
مناف قام بعد م فكت له المغذي وتوجه ل الدولاب اخذ ملابسه ودخل للحمام ” وانتو بكرامه”
رعد : خلي الدكتور المناوب يجي.
الممرضه : هذا تؤام انتا مجنون مافي عقل
رعد : مره مجنون بس انتي خلي المناوب يجي اللحين.
راحت الممرضه وظل رعد واقف ينتظر مناف يطلع عقد حواجبه وصار يحس بأن مناف تأخر تناهد براحه لما خرج مناف .
مناف : وش فيك ؟!
رعد : ولاشيء بس انت كيف قدرة تلبس م عورتك يدك ؟!
مناف : عورتني شوي بس عشان البنج لسى م راح مفعوله.
رعد : يالله نطلع.
مناف جلس ع السرير وانثنى لجزمته يلبسها : جيب جوالي ومحفظتي من الدولاب.
تقدم رعد ل الدولاب وفتحه واخذ جوال مناف ومحفظته : مفتاح السياره وين ؟
مناف بألم مكتوم : تركته بالمركز.
رعد صار يفتش محفظته : اها ي ولد محفضتك كلها فواتير هههههه وشذا؟؟!
مناف رفع راسه له وتوه ينتبه له : خيير يبوي تفتش اغراضي كانها لك ؟!
رعد : ع اساس عندك اشياء مهمه فيها ترى كلها بطايق وفواتير وشوية فلوس هههههههه.
مناف معقد حواجبه بألم : صاير تضحك على اتفه شيء اليوم.!
رعد وتوه ينتبه له انه مُتألم ترك الجوال والمحفظه ع الطاوله وتقدم له : وش فيك
مناف مرر يده بشعره بقهر : مب قادر اللبس جزمتي يدي تعورني اذا انثنيت.؟!
رعد نزل بهدوء ل رجول مناف ولبسه الجزمه ورجع قام : لا تتعود هاه .!!
ضحك مناف : اخخ لو صورتك ههههههههههههه.
رعد : م تنعطى وجه.!!