روايه بنت السيل

مناف : السلام عليكم وين رايحه انتي ؟
امل : بروح عند يارا
مناف مسكها من اذنها : اعنبو دارك استحي على وجهك كل شوي وانتي ناطه لهم ببيتهم.
امل بعدت يده : ابعد مالك شغل فيني .
مناف ناظر نغم وعرف بأنها زعلانه من مدتها ل شفايفها وهزها ل رجولها.
طنش امل وجلس جنب نغم وبهمس : نغوومه.
نغم : لا تكلمني
ضحك مناف : يمين بالله مو قصدي اسحب عليك طلع لي شغل مُفاجئ.
نغم : لو سمحت بلا كذب انت شفتني نايمه وقلت اسحب عليها مو مشكله.
مناف : لو بسحب عليك م رجعت اللحين.
لفت تناظره : رجعت من دوامك عشان تطلعني ؟!
مناف بهمس وعيونه بعيونها : اخذت بريك ل ساعتين عشانش.!
ضحكت : احلف ؟
مناف : وربك.
نغم قامت : دقيقه بس بلبس عبايتي.
مناف تبعها بنظراته لما دخلت للغرفه واستند وهو يتناهد ويده على قلبه اللي يدق بقوه تناهد للمره الثانيه لعله يفتك من هالشعور اللي طاغي على قلبه هالفتره ، رفع عيونه لها ودقات قلبه تزداد من ابتسامتها.
مدت يدها له : يالله ؟
مسك يدها وقام معها بهدوء.
نغم : مارح تبدل ؟
مناف بهمس : لا لاني برجع ل الدوام .
ابتسمت وهي تناظر عيونه ب حُب مُعلن.
.
.
عند امل ويارا.
قامت يارا : بروح اصلح قهوه وحلى لحد م تسوين لي البرنامج انتي.
امل وهي مندمجه بالجوال : اوك.
قامت يارا وظلت امل عيونها بالجوال بتركيز .
من جهه ثانيه دخل مهند للبيت واستغرب الهدوء عدا من جنب المجلس ب استعجال لكنه رجع لما لمح من طرف الباب عبايه.
فتح الباب بشويش وعيونه طاحت عليها وزادت دقات قلبه.
مهند : نوور البيت
رفعت عيونها له بصدمه وتوها تلاحظ وجوده وماردت.
مهند دخل وسكر الباب واستند عليه : هذاك اليوم سألتك لجين ليش تبي تقهرك وسكرتي الشباك بوجهي ؟! اليوم راح تقولي لي ولا ماني طالع من هنا.
لفت الشيله على راسها وتلثمت : كلزق واطلع قبل تجي يارا.
مهند : واذا جات يارا ؟ بتضربني يعني ؟
امل سحبت علبة الفاين ورمتها عليه : انقلع من هنا.
مهند ضربة علبة الفاين بوجهه : اخخخ
فتحت عيونها امل بخوف وهي تشوفه يتألم ومغطي ب يديه على عيونه : فيك شيء ؟
م رد عليها وهو يتألم بصوت خفيف.
قامت له بخوف وبدون شعور : مههند صار لك شيء ؟
لما وقفت امامه سحبها من يديها بحركة سريعه وحاصرها ع الباب : مسويه تضربيني هاه ؟!
امل تناظره بصدمه : م صار لك شيء
مهند ذآب وهو يناظر عيونها وهمس : عيونك خذت قلبي .
امل اللي انصدمة من جملته وماردت.
مهند : وش اسوي اذا انتي خذيتي قلبي وتركتيني عايش بلاه ؟ رجعيه لي واروح .
شافها م ردت وكمل : اخذتي عقلي مو بس قلبي ولا مو طبيعي بنص دوامي ناقزة لي حرام عليك اشغلتيني لا ليلي ليل ولا نهاري نهار والسبب انتي وهالعيون.
سكرت عيونها كـ ردت فعل وفتحتها.
ضحك مهند وعض شفايفه : اقسم بالله اني من عرفتك وانا مو طبيعي جننتيني ي بنت.
امل بغصه : يارا بتجي الله يسعدك اطلع.
مهند : طيب بوسه ؟
فتحت عيونها بصدمه وقبل تسوي اي شيء مهند ضحك وطلع وتوجه ل يارا ب المطبخ : سلام ؟!
يارا لفت عليه بسرعه : لا يكون رحت المجلس ؟
مهند : لا ليش ؟!
يارا : بنت جيراننا عندي.
مهند م قدر يخفي ابتسامته : اها انا جاي ابدل واطلع.
يارا :اها
مهند ضحك وراح ل غرفته ورمى حاله ع السرير وتناهد وشقت الابتسامه وجهه لما تذكرها.
.
.
بالسوق .
مناف يمشيء ورى نغم ب ملل وهي من محل ل محل .
نغم لفت له : بدخل هنا.
مناف هز راسه بمعنى طيب ودخل وراها .
وقف واستند ع الجدار وهي امام عيونه لكنها بعيده عنه شوي طلع جواله من جيبه وصار يطقطق فيه.
رفع راسه لما سمع وحده تقول : ي زينه الرسمي ي ناس.
والثانيه ترد عليها : وعسكري بعد ؟؟ يممه ياقلبي.
غمض عيونه بقرف ورجع فتحها وهو يدور نغم لكن للإسف م شافها.
اعتدل بوقفته ودخل جواله ل جيبه وشال الاكياس بيروح يدورها لكن وقفه صوت البنت من جديد : تبي اساعدك ي حلو ؟
مناف بهدوء قال وهو معطيها ظهره : تبين اسحبك معي للمركز ؟
شهقت البنت بدلع وضحكت بعدين قالت : اذا بتكون معاي مو مشكله.
مناف انقرف منها بشكل واضح ولف ل جهة اليمين وكانت بوجهه نغم متكتفه وبعيونها واضح القهر.
مسك يدها وهمس لها : اشتريتي شيء.
نغم نفضت يدها من يده بقوه : كمل حكي معاها ليش سكت.
عقد حواجبه مناف : نغغم ؟؟
نغم : كمل رح سولف معاها يالله ليش استحيت ؟؟
مناف بحده : نغغغم بلا فضايح حنا ب السوق.
نغم بانت البحه بصوتها : رجعني البيت معاد ابغى شيء.
مناف : تعوذي من الشيطان وترى……
وقاطعه صوت البنت من جديد : اختك ولا زوجتك يالحلو ؟
تناهد وقبل يرد ردت عنه نغم : وانتي ايش دخلك ؟
البنت : شكلها زوجته امشو بنات امشو ضاع علينا .
مسك يدها مناف وقبل يقول اي شيء نفضت يدها من يده بقوه ومشت .
مناف : وين رايحه ؟
نغم : ل السياره
مناف : مو انتي طفشانه هذا انا طلعتك استنانسي وخلينا نرجع لا تضيعين على نفسك هالفرصه.
نغم لفت له وتخصرت : اووه م شبعت منها ؟ ودك تروح تسولف معها من جديد ؟!
قاطعها مناف وهو قفلة اخلاقه جد : امشيء بس الشرهه على من طلعك.
مشت معاه ل السياره وهي بتموت من غضبها وغيرتها عليه.
طول الخط ومناف يسوق وهو معقد حواجبه ومعصب ونغم ساكته ولو تكلمت بتبكي.
وقف فيها امام البيت : انزلي.
لفت عليه : بترجع السوق ؟
لف لها بصدمه ثم تحولت ملامحه للغضب ولف عنها لانه م يبي يهاوشها : استغفر الله استغفر الله .
نزلت ونزل وراها نزل لها اغراضها ورجع طلع متوجهه للمركز.

بمكتب مناف كان جالس رعد وماد رجوله ع المكتب ويطقطق بجواله رفع عيونه لمناف اللي فتح الباب بقوه ودخل.
رعد : خير وش فيك.
مناف بضيق جلس ع الكنب : كل زق
رعد : ضاربتك المدام ؟ ” بعد جملته اطلق ضحكة طويله ”
مناف بهدوء غريب : مين سامح لك تجلس على مكتبي بهالطريقه ؟ ولا بعد مو لابس الزي العسكري ؟ هذي عليها لو تدري مخالفه.
رعد انفجع من مناف اللي انفجر فجأه : وش بلاك قلبت علي ترى مو انا اللي مردغتك.
مناف يصارخ : ي سععووود الزق وين القهوه
رعد : الاخلاق في الحظيظ اليوم!
مناف : م دمت تدري انطم.
رعد رجع سند نفسه ع الكرسي ومد رجوله ورجع ناظر الجوال.
مناف قام وراح له : تعال تعال انا من عرفتك وانت تطقطق بهالجوال ولا مره شفتك تشتغل زي ال……
رعد قاطعه : ي ابن الحلال لا تحط حرتك فيني مو انا اللي كفختك ركز.
مناف : انا اللي بكفخك اللحين والله.
رعد عقد حواجبه : لا تكفى والله م فيني واذا انت فيك طاقه خليها ل المداهمه بكره.
تناهد مناف : الله يعين ” وبهمس ” الاقيها من نغم ولا من الخطوه الاولى بكره.
رعد سكت شوّي : تصدق متحمس.
ضحك مناف : بما ان الخطوه الاولى تحددت الا وهي مداهمه بكرا ف احسن لي ولك نريح ونوفر الطاقه لبكرا
ضحك رعد : لا ي حبيبي مافي رجعه للبيت اللحين ولا نسيت انت ان الاحتمالات لسى م انوضعت.
مناف : يووه صح تص……” قطع عليه جواله اللي يدق”
رفع الجوال ورد بجمود : هلا
نغم : وينك ؟
مناف بقهر مكتوم : بالدوام
نغم : اهه
ظلوا شوّي ساكتين .
نغم : ااا مناف ؟
مناف : ها ؟
نغم ببحه : والله مو قصدي اضيق خلقك وازعجك بطاريها.
مناف ساكت ينتظرها تكمل .
نغم : بالاساساً م همتني ولا ودت ولا جابت
مناف رفع حاجبه : واضح!
نغم : ااا انا
مناف يستدرجها : ايوا ؟
نغم بهمس وبكاء : ايه اغار ومت من غيرتي لما شفتك تحاكيها واحترقت لما ضحكت لك واتدلعت.
مناف : مهبوله انتي تفكريني بزر ممكن اجري ورى ال## ذولا؟
نغم : طب مو ذنبي اغار واموت من غيرتي ياخي م اقدر اتحمل مو بكيفي.
مناف ضحك : لاجيت نتفاهم.
نغم بدلع : لا تزعل تكفى
مناف : ماني زعلان.
سكر منها وفتح الباب وطل وبروقان قال: ي سعوود وين القهوه ؟
رعد يناظره منصدم : سبحان الله
مناف لف له وابتسم : ها نحط الافتراضات ؟
رعد شبك جواله ب الشاحن وقام : سبحان مغير الاحوال والنفسيات يالله خلنا نحط الافتراضات.
ابتسم مناف ابتسامه عريضه وجلس جنب رعد : يالله
.
.
الساعه 8 بعد صلاة العشاء وفي مكان ثاني كان جالس بالقهوه رعد وحاط الفاين على خشمه ومعقد حواجبه وواضح متضايق من ريحة الدخان والشيشه.
: لو سمحت ؟
لف له رعد : وشفي ؟
مد له الشاهي : اتفضل
اخذه رعد وحطه امامه بدون م يقول شيء.
……: اااا انت مناف العبدالله ؟
رعد ببرود: لا.
جاله صوت من وراه : ي الطيب ؟
لف له رعد : نعم ؟
…: اشوف مو عاجبك جو القهوه وكأنك مستقرف
رعد استعدل بجلسته : طبعاً بستقرف دام اشكالك هنا.
انلجم من رد رعد وابداً م كان متوقع .
تكلم واحد غيره : اطلع اذا مو عاجبك الجو روح شوف المباراه ببيتك.
رعد : انا حُر ولا صار الكوفي ل ابوك تعال اطردني.
…: شباب هذا مناف ؟؟
رعد ببرود وهو يرفع رجوله ع الكرسي : لا ي بابا غلطان ماني مناف.
…: اكيد مو مناف اول شيء مناف صوته غير ثاني شيء مناف مؤدب مو وقح.
ضحك رعد وبانة اسنانه العلويه مرر يده ع ذقنه : رجال وقد كلامك ؟
بأستهزا يناظر رعد : ايه.
رفع رعد جواله لاذنه : ي سعود رسلي دوريه ل مقهى الشرق
…: كذاب انت مناف ؟ وتستهبل علينا ” لانه كلم سعود وقاله يجيب دوريه حسبوه مناف ”
رعد : كل زق انت ومناف.
وصار المقهى يضج بالاصوات وتعمه الفوضى .
رعد بثقه: اللي يبغى يظل ب التوقيف ل بكرا ” اشر ع باب المقهى ” يتعدى هذاك الباب.
واخذ كاس الشاهي وصار يشرب ويتابع المباراه بكل برود والكل من حوله مستغربين هدؤه.
بعد تقريباً ربع ساعه لف عليهم ببرود : صدقتوا ؟ وتتوقعون مني اجيب الشرطه ل تافه من امثال ذا هزُلت صراحه.
وفجأه صار المكان هدوء وكلهم يناظرون رعد بصدمه.
تكلم واحد : يعني هياط ؟
رعد بدون م يناظره : مو هياط لكن ادب لكل قليل ادب موجود هنا ” لف ناظره ” واتوقع ارعبت الجميع .!
.
.
من ناحية نغم وبالمجلس مبتسمه والابتسامه شاقه وجهها وهي تشوف مناف وامل يرقصون بفرح بعد م خلصت المباراة.
اندق الباب وسكتو كلهم وناظرهم مناف : ابوي جاء؟
امل : اي بعد العشاء
مناف رفع حاجبه : غريبه مين جاي هاللحين
مناف قامم يفتح الباب
دخلت وبيدها تسحب شنطتها : سلام
مناف : هلاااا ارررحبي هلا بالزين والله ” باس جبينها” وين زوجك
دلال : ذلف الله لا يرده.
امل وهند ناظرو بعض بدون م يتكلمون.
مناف عقد حواجبه : متهاوشه معاه ؟
دلال تجاهلة سؤاله وسلمت ع البنات ولازالت نظرات مناف تتبعها لما فسخت عبايتها وجلست ع الكنب.
تقدم مناف وجلس جنبها وهو رافع حاجبه : دلال علميني وش صاير معاك ؟
دلال : مناف لا تضغطني مو صاير شيء
مناف بحده : كيف مو صاير شيء وانتي متهاوشه مع زوجش ؟
دلال بنرفزه : انا قلت لك متهاوشه معاه ؟ لا تختلق الحكي.
مناف : على اساس م اعرفك انا وعلى اساس م تجين كل شهرين وانتي زعلانه على شيء تافه مثل وجهك
دلال : م دام تافه لا تدخل حالك فيه بعدين ياخي تعال انا كم مره اقول لك ان مالك دخل فيني وفي فيصل ؟؟
نغم ناظره امل بخوف على دلال من مناف .
همست لها امل : تطمني دلال لسانها طويل م تسكت له.
مناف : والله اذا صارت اختي غبيه وم تعرف تحافظ على بيتها وزوجها انا مضطر اتدخل.
دلال بصراخ : لا لا تتدخل انت مالك شغل بحياتي.
مناف : لا طلقك ورماك علينا ذاك الساعه بتتمنين لو اني تدخلت.
دلال : لا مارح اتمنى لأنك م شاء الله تدخلت من اللحين.!
مناف زفر بغضب : بتقولين ليش جايه اللحين ولا كيف ؟
دلال بنرفزه : جايه ازور اهلي فيها شيء علمني فيها شيء اعوذ بالله متخلف ؟
منااف : تكلمي بأدب لا والله اقوم العن خيرك
قبل ترد دلال قطع عليهم صوت ابوهم الجهوري : مناااف
رفع نظراته لأبوه ولا نطق بولا كلمة.
ابوه : وش صاير ؟
مناف ونظراته متعلقه بأبوه : شوف بنتك المحترمه تحاكيني بأسلوب زباله هذا وانا اخوها الكبير وزودن على كذا مدري وش مهبهبه بزوجها وراميها علينا.
دلال بقهر : ياخي وش دخلك فيني جعلني ذابحه اهله انت مالك شغل بلا.
مناف : احترمي نفسك لا والله.…
قاطعه ابوه : قوم اضربها لا بالله اضربها ولا كأني ابوك انت وياها تتهاوشون قدامي .
مناف سكت ولف وجهه وهو يستغفر.
دلال : يبه قاعد يضغط عليّ وانا توّي جيت ويحقق معاي كأنه ماسك له مجرم
لف مناف من جديد بيرد عليها لكن قاطعه ابوه : وانا كم مره بقولك ي مناف بأنه مالك شغل ببناتي م دمت انا حي
فتح فمه بيتكلم مناف لكن ابوه رجع قال : ولا لك سلطه عليهن م دمت انا حي ولا تفكر مجرد تفكير تمشيهن بكيفك ولا بمزاجك
قام مناف بقهر واخذ جواله ومفاتيحه : اذا رجعت لك مطلقه قول ي ليتني سمعت حكي مناف
قال كلامه مناف وطلع وسكر الباب بقوه.
لفت نغم تناظرهم الاجواء كانت متوتره ف انسحبت بهدوء وطلعت ورى مناف .
قبل يفتح باب الحوش ويطلع ل الشارع نادته : مناااف
لف لها ويحاول يتجاهل غضبه : هلا
نغم وقفت امامه : وين بتروح
مناف شاف الدمعه ب اطراف عيونها فأبتسم لها لجل يطمنها : بلفلف شوّي وراجع.
نغم عقدة حواجبها برجاء : خذني معاك
مناف بهدوء : ماني مطول شوي بس وراجع
نغم : تكفي
مناف نزل عيونه للأرض ماوده يقولها لا ويكسر بخاطرها.
قربت له بكل جرأة وضمته وبأذنه همست : ي اروح معاك او خلك معاي.
مناف شد عليها وتناهد : طيب بنتظرك ب السياره.
نغم ابعدت عنه وابتسمت له : دقايق