روايه بنت السيل

امل بالغرفه منسدحه ع ظهرها وعيونها مثبته ب السقف ” تحس ب ضياع ولخبطه ” من جات من المدرسه م نامت تفكر فيه ومقهوره ومع ذالك م تدري ليش تفكر فيه ، ل اول مره تحس نفسها ضعيفه ، شعورها تجاه مهند غلبها المشكله انها م تدري وش نوع هالشعور هل هو قهر عشانها تكره لجين ولا هو غيّره على مهند.
صرخت بقهر : خلااااص اطلع من راسي
قامت بكل قهر ل الشباك وفتحته وكان امامها شباك مهند تفلت عليه وكأنها تتفل على مهند : كلزق ي ورع م لقيت الا لجين الصايعه الله ياخذكم سوا
دمعت عيونها وخنقتها العبره : تف عليك وعليها الله ياخذك وياخذها
طاحت دمعتها ومسحتها بقوه : انتي ليش تبكي اللحين ؟ م في شيء يستاهل تبكين عشانه
جلست بقهر ع الكنب وهي تتذكر مهند وكيف كان يناظرها اليوم ب مرايه السياره : الله يلع## انت وعيونك جعلها العمى ” سكتت شوي وقالت ” استغفر الله .
اندق الباب وقالت امل بنرفزه : ادخللل
فتحت نغم الباب بشويش وطلت براسها : صاحيه
امل : وش شايفه انتي ؟
نغم دخلت : سامعتك تصارخين عسى م شر ؟
امل : وش دخلك انتي ؟ اصارخ م اصارخ انا حره
نغم بهمس : واضح النفسيه زق
امل : تعالي تعالي
نغم خافت : وش في ؟
امل : قلت لك تعالي
جات نغم وهي واضح الخوف بوجهها وجلست جنبها .!
امل : بسألك سؤال ؟
نغم : اسألي
امل : لا خلاص انقلعي
نغم : ألومتي وش فيك مو طبيعيه من رجعتي من المدرسه
امل دمعت عيونها ووجهها صار احمر دلاله ع البكاء : مادري وش فيني ي نغم .!
نغم ضمتها : ي روحي تكلمي فضفضي لي
امل : مادري وش اقول ب الضبط متلخبطه احس بضياع
نغم بعدتها ومسحت دموعها : قولي اللي تحسين فيه اللحين حتى لو هو حكي مو مترابط قولي لا تكتمي ب قلبك
امل : ماني عارفه وش اقول ي نغم ماني عارفه
وصارت تبكي بصوت مسموع وتشاهق ووجهها احمر ونغم تحاول تسكتها وتهديها بس امل مو راضيه .
مرّت دقايق بسيطه وابتعدت امل عن نغم وهي تمسح دموعها وقالت بضحكة مصطنعه : احس ارتحت
قربت لها نغم وباستها بخدها : لا عاد تبكين والله مو لايق عليك
دفتها امل : تراني امل مو مناف
نغم استحت : كلي زق
قامت امل : بصلي المغرب وبجيك جهزي قهوه وحلا
نغم : نجلس ب السطح ؟
امل : اووك
نغم : اجل بروح اصحي هند
طلعت نغم وراحت ل غرفة هند دقت الباب وماجاها رد دقت مرا ثانيه وفتحت ودخلت : هند
ابتسمت لها هند واستعدلت ب جلستها : تعالي تعالي بقولك شيء
جات نغم وجلست جنبها : وش
هند : اليوم مناف م طلع معاي ؟
نغم : ايوا
هند : لو تشوفين بنات الجامعه كلهن خقو عليه ورقموه بعد .” كذابه ”
فتحت نغم فمها بصدمه ورفعت حواجبها : خييير وش هالوقاحه ؟
هند : هما كذا بنات الجامعه
نغم انقلب وجهها بشكل ملحوظ : مناف اخذ ارقامهم
هند : مادري بس ممكن عاد انتي تاكدي بطريقتك اذا اخذها او لا
نغم : كيف اتأكد ؟
هند : شوفي اخر المكالمات ب جواله ؟ اذا لقيتي ارقام غريبه اعرفي انه خذاها واذا م لقيتي يعني م خذاها .
نغم قامت بقهر : تعالي خنطلع السطح ومن هينا لين يجي مناف .!
هند : اطلعي وانا بسبقك .؟!
طلعت نغم ودخلت للمطبخ بكل غضّب مسكت الغلايه وعبتها مويا ووقفت عندها تنتظرها تغلي .
جاها صوته من وراها : سلام
لفت له ورفعت عيونها له ودق قلبها وتبّدد غضبها : هلا
مناف وقف جنبها : اددععس تسوين قهوه ؟
نغم مبتسمه : ايه
مناف : يالله يالله متحمس اذوقها من يديك
زادت ابتسامتها : بدل ملابسك وتلاقيها جاهزه .!
مناف : اوك
راح مناف ونظرات نغم تتبعه لما دخل للغرفه ظلت شوي ولحقته دخلت للغرفه بهدوء وكان صوت المويا بالحمام شغال ” وانتو بكرامه ” بكل راحه توجهة ل جواله واخذته وفتحته ” وجواله طبعاً بدون باسورد ”
فتحت المكالمات وتجاهلة كل الاسماء وعينها وقفت على اسم ” عبير ” فتحت فمها بصدمه وعيونها ب تخرج من محلها عقدت حواجبها والغصه وقفت بنص حلقها وعيونها دمعت لاحضت ان المكالمه كانت الصباح يعني وقت م عطاها مشغول بعدين دق وكلمها .
شدت بيدها ع الجوال بقهر وهي تحترق من جوا ونار الغيره مشتعله بداخلها عدت الدقايق وم صحت غير على صوت مناف وراها .
مناف رافع حاجبه : م شاء الله
لفت له وغضب اهل الارض جميعهم متكدس ب صدرها : م شاء الله عليك انت ي محترم ” رفعت الجوال ب وجهه ” هذا ايش ؟ ممكن افهم
سحب الجوال من يدها : مالك شغل كم مره بقولها لك ؟
سحبت الجوال من يده بقوه : الا لي والله لي ونص م يحق لك تكلمها وانا على ذمتك
دفها ع ورى وغطى بيده ع فمها : اص لا تصارخين
بعدت يده عنها بقوه : الا بصارخ وبسمع الكل صوتي انت م يحق لك تقلل من احترامي حتى لو م بيني وبينك شيء .
كان ساكت ومصدوم من انفعالها وقوتها وثورانها المفاجىء .
نغم : م يحق لك م يحق لك ” ناظره عيونه شوي ” ع الاقل قدرني احترمني حسسني بوجودي مو كذا مناف تكسرني مو كذا .!
مناف : هديء نغم خلاص
نغم : حرام عليك تحسسني ب رخصي ” بكت ” لو لي اهل وعزوه م سويتها ” شهقت ” اكرهك الله ياخذك
دق قلب مناف وعقد حواجبه وقبل يتكلم قالت
نغم : لا تقول شيء م يحق لك تقول اي شيء ” طاحت ع ركبها م عاد قدرة توقف ” الله ياخذك الله ياخذك
رفع حاجبه وقفلت اخلاقه : شوفي انتي مالك شغل فيني واتوقع اني فهمتك من البدايه ان زواجي من عبير ماني متنازل عنه عشانك انتي مجرد فتره وبتنتهين من حياتي .
وقد ايش عورها حكي مناف طاحت دموعها ورفعت راسها له : خذها بأمان الي ياخذك انت وياها
نزل لها مناف ورفعها بقوه : دراما وحركات مصخره م ابغى مره ثانيه .
ابتسمت ب وجهه وجواله بيدها : ابشر ” مدت له الجوال ”
لما مد يده بياخذه رمته ع الجدار ب كل قوتها وتحطم امام انظار مناف.
نغم : كلمها خذ راحتك
قالت حكيها وهربت بسرعه وطلعت من الغرفه اما مناف لما استوعب حركتها لف يدورها بس م حصلها للأسف .
مناف : هييين ي نغم هييين اوريك
.
.
بعد نص ساعه كانو البنات جالسين ب السطح ومعاهم قهوه وحلا والجلسه ظلام ومافي غير نور الشموع واضائه خفيفه .!
هند : على هالجو الحلو تبوني اغني لكم ؟
امل بهمس : انطمي.
هند : ياخي وش فيكم ساكتين انتي وياها مو بالعاده
امل وتحاول تطرد مهند ولجين من تفكيرها : انا م نمت عشان كذا طفشانه
هند : وانتي
نغم تحاول تنسى مناف : مين قال اني طفشانه بالعكس بس مستمتعه بهالجو وقاعده اتأمل .!
وصل ل هند مسج ب جوالها وانشغلت فيه وضلو امل ونغم ساكتين وكل وحده تفكر ب همّها رفعو نظراتهم بلحضه وحده ل مناف اللي جاي لهم .
مناف بضحكة : الله ي كلاب هالجلسه من وراي .
اقترب ودف امل : لو سمحتي انقلعي بجلس جنب زوجتي
دق قلب نغم بقوه وعيونها امتلت دموع فعلاً تحس نفسها بتموت من الخوف تعرف مناف اكيد قاصد شيء بهالحركة
قامت امل : اشبع فيها
جلس مناف ولف ل نغم وابتسم ب شر : صبيلي قهوه
برجفه مسكت الثلاجه والكوب وصبت له ومدتها له ، قرب راسه منها وهمس ب اذنها : والله لا اطلع اللي سويتيه من عيونك .!
ارتجف قلبها بخوف وابتعدت عنه بمسافه بسيطه .
اما مناف ضحك بقوه ولف يده حول خصرها وقربها له وهمس لها : وين بتهربين مني ؟
كان هذا امام هند وامل اللي قالت : هييي انت انتبه ل حركاتك .!
منااف م رد عليها ولازال ماسك نغم من خصرها ويشرب قهوه .
نغم بصوت مختنق : منااف سو اي شيء الا هالحركات تكفى لاتحرجني.
مناف تجاهلها : هذي قهوتك ها ؟
نغم : ايي بس تكفى بعد ؟!
مناف مسك يدها ورفعها ل شفايفه بهدوء وباسها : تسلم هاليد .
هنا فعلاً طاحت دمعت نغم من الاحراج : منننناااف
مناف غمض عيونه ب لذه : ي حلللووو اسممممي
هند صفرت ب حمااااسسس : يسعدلي جوكم الرومنسي ” قامت ووقفت امل معها ” حنا نسيبكم تاخذون راحتكم .!
غمزت ل مناف اللي ابتسم وراحت وهي تسحب امل وراها .
بمجرد م راحو البنات مناف ترك نغم اما هي بكت وصارت تشاهق .
مناف : هذا درس لك عشان تعرفين كيف تعانديني وعلى فكره الثلاثه الاف سعر جوالي مطلعها من عيونش .!
كانت تبكي انحراجاً من حركاته قدام خواته وقهر وغيره من عبير .
استمرت تبكي حول الخمس دقايق ومناف يتقهوى وياكل حلا بكل برود .
لف عليها لما شافها هدت وشهقاتها خفت كانت ماده شفايفها بزعل ودموعها بعيونها .
مسك وجهها بيده وقرب راسه لها لما لامس جبينه جبينها وقال : كم مره بقول لك حلوه لما تبكين ؟
شهقت ببكاء وتقوست شفايفها وابتسم مناف : وكم مره بقول لا تعانديني ؟
نغم م استحملت ورمت حالها بحضنه ورجعت تبكي .
ضحك مناف وشد عليها بحضنه : م دمتي مو قد الشيء ليش تسوينه ؟
شدت على تيشيرته وقالت من بين بكايها : لا عاد تكلمها احترمني ياخي .!
مناف بهمس : اللحين انتي مقهوره عشاني اكلمها ؟ طيب انا من عرفة نفسي وانا اكلمها .!
نغم رفعت وجهها له برجاء : لو بس هالفتره لا تكلمها عشاني مناف عشاني تكفى مناف تكفى
خق على شكلها وابتسم : ليش ؟
نغم : لا تحسسني اني هامش بحياتك مناف تكفى احترمني ع الاقل لين اروح وبعدين سو اللي تبي تكفى .!؟
رفع شفايفه ل جبينها وباسها : ليش ضامنه انك بتروحين ؟!
نغم : انت اللي قلت ؟
مناف وعيونه ب عيونها همس : وش قلت ؟
مسكت يده نغم وصارت تلعب ب اصابعه عشان ماتناظر عيونه : قلت اذا رجعت لك ذاكرتش او عرفنا اهلش راح اطلقش وقبل شوي قلت اني فتره وبنتهي.!
ضحك مناف لانها تقلده حتى بتعابير وجهه ورفع راسع ل السما وهو يتناهد لعله يهرب من هالأحساس اللي مسيطر عليه .
نغم بهمس : مناف بتتركني ؟
ناظرها مناف وقلبه يدق بقوه وقبل يتكلم قطع عليه صوت امل : سوري على الدخله الغلط بس نسيت جوالي .
قامت نغم من حضن مناف وانسحبت ب كل هدوء اما امل ناظرة مناف : اجلس ؟
مناف تناهد : مو مشكله .
جلست امل بهدوء وهي تتأمل مناف اللي سرحان .
: مناف
رفع عيونه ل امل : ها ؟
امل بهدوء : تحبها ؟
مناف دق قلبه بعنف : مين ؟
امل : نغم .!
رفع حاجبه شوّي وابتسم : وش عندها البرفسوره تسأل ؟
امل : لا تستهبل اتكلم جد انا تحبها او لا ؟
مناف : اتوقع شيء م يخصك ؟!
امل بجديه : مناف اذا م تحبها واذا مصّر انك ب تطلقها لا تعلقها فيك.
سكت مناف وم قال شيء .
وكملت امل : اساساً هي ميته فيك وخالصه
رفع عيونه لها بصدمه : كيف ؟
امل : واضح من عيونها زي مو واضح من عيونك .!
مناف قام : امل كلي تراب ونامي لان واضح منتي بعقلش
امل : قاعد تهرب ؟ لو هربت مني مشاعرك مارح تهرب منها .!
ضحك مناف ونزل راسه ل مستواها : روحي نامي ي حكيمة زمانش .
بعد حكيه عطاها ظهره وخرج لان هو فعلاً هارب منها ومن اسألتها .!
.
.