روايه بنت السيل

شوّي ودخل مناف م كان يقل عن رعد هيبه لكن التواضع واضح من خلال ابتسامته للجميع .
مناف يناظرهم : وش فيكم ؟
سعود : بسم الله الرحمن الرحيم قبل شوي انت دخلت
مناف ضحك بقوه لدرجه طاح وهو ماسك على بطنه .
الكل بدا يخاف ويناظرون مناف بنظرات شك .
رعد اللي طل من باب المكتب واستند عليه وهو يناظر مناف الطايح ع الارض ويضحك : وش فيه ذا المريض ؟
الكل صرخو يوم شافو رعد ” الفرق بينهم بسيط زي م قلنا ”
مناف بصوت متقطع : ت ت تعا ا ا ل يحسبونك ا ا نا .
رعد : تخسي اكون انت .!
مناف : هههههههههههههههههه كل تراب
سعود منخرش : مناف ممكن تفهمنا .
تقدم رعد : انا افهمكم .
كل الانظار تحولة ل رعد اللي قال بهدوء : انا رعد مشعل الحمدان وهو مناف العبدالله .!
مد بطاقته ل سعود : ناظروها زين ورجعوها لي اذا تأكدتو .!
اخذها سعود وهو يرجف اما رعد عطاه ظهره ورجع للمكتب وسكر الباب وراه .
مناف بالغصب قام وانفاسه متقطعه : مويه جيبو لي مويه .!
مد له واحد منهم مويه وناظره مناف : ترى كذاب انا الجني حق مناف
سعود رما عليه البطاقه : وش هالتصادف الغريب متأكدين مانتم تؤام .!
واحد منهم : اتوقع في واحد يعرفك ويعرفه عشان كذا جمعكم مع بعض .!
مناف : مادري صراحه المهم انه بيذلف خلال سنه على حسب القضيتين يعني .
سعود : اتوقع لو يثقل الشنب ويخفف العوارض يطلع نسخه منك
مناف : لا تكفى هو كذا ومخرب عليّ لو يسوي اللي قلته بيمشي ب الشارع ويقول انا مناف ع العموم يالله انا بدخل عنده وان شاء الله نبدا شغل من اليوم .!
سعود : ب التوفيق
تقدم مناف من المكتب فتح الباب ورفع حاجبه ع شكل رعد ” اللي كان منسدح ع الكنب ويطقطق بجواله ”
مناف دخل وسكر الباب : خير خير وش هالجلسه .!
رفع رعد عيونه ل مناف ب ملل ورجع نزلها للجوال بدون م يقول ولا كلمه.
مناف جلس ع مكتبه : رعد بن مشعل حط ببالك ان هذا مكتب محترم ف غصباً عنك لا دخلته تصير محترم مفهوم ؟؟!
رعد لف راسه ل مناف : كل زق .” ورجع انسدح ”
مناف تناهد : رعد انا من اللحين اقولك م بيني وبينك الا الشغل ف احترمني احترمك.
رعد استعدل ب جلسته : لا تكفى ؟ بموت عشان تكون معاي بكل شيء .
مناف رفع حاجبه ع اسلوب رعد .!
رعد تناهد : ملل
مناف اشر ع الكنب اللي امام المكتب : تعال اجلس هنا
رعد ضحك : طيب استاذ
مناف عقد حواجبه من تناقض رعد السريع : عشان نبدا شغل .!
جلس رعد امامه وحط يده على خده : يالله ي استاذ ابدا درسك
رفع مناف حواجبه بدون مايقول شيء اما رعد قام وصار يدور بالمكتب بملل وبرود
مناف : ع فكره انا الساعه تسع يخلص دوامي ف خلنا نبدا شغل وبلا تضييع وقت ع الفاضي
رعد : وش ازين مطعم ف ابها ؟
مناف فاتح فمه بصدمه من رعد اللي مو مهتم .
رعد : ترى م افطرت ابغى مطعم كويس ونظيف .!
مناف : مجنون انت ؟
اندق الباب وقال مناف : ادخل
دخل سعود وبيده ثلاجه قهوه حطها امام رعد : قهوتك جاهزه
مناف : انا هنا لا يكون مضيع ؟
سعود : عارف بس تعال تقهوى معاه .
رعد : علمني انت وش ازين مطعم ب ابها حق فطور وحركات .!
مناف قفلة اخلاقه : سعود اطلع .!
ناظرهم سعود ب حيره وبالنهايه سمع كلام مناف وطلع .!
رعد صب ل نفسه قهوه : ي الحسود خله يعلمني وش ازين مطعم بروح افطر
مناف ضرب المكتب ب يديه بقوه : خلااص هزُلت .
رعد رفع حاجبه ببرود : خير ي الحبيب ترى خرشتني .!؟
مناف قام ووقف امامه : ي انك جال تشتغل زي الرجال ولا انقلع م احتاجك معاي .!
رعد شرب من القهوه شوي : تصدق رهييبه القهوه بس ناقصها حلا وتشوكلت .!
مناف عض شفايفه بقهر : انا اتكلم ترى ؟!
رعد بيزيد غيضه : معليش م انتبهت لك وش كنت تقول ؟
زفر مناف واشر ع الباب : انقلع لا اشوف وجهك اليوم ومسجلك غياب .!
رعد : سجلني غياب واذا م فقعت وجهك ماني رعد ” اخذ مفتاح سيارته ” وبطلع عناد فيك .!
تابعه مناف ب نظراته لين طلع من المكتب وصب له قهوه ورجع جلس ب مكتبه وفتح الملف وذهنه مشّتت من حركات رعد تصفحه ع السريع ورجع سكره ، اخذ رشفه من القهوه واستند ع الكرسي وسكر عيونه ع اساس يرتب افكاره ويهدي نفسه دقايق وقطع عليه صوت رعد اللي دخل .
فتح عيونه مناف : خير وش رجعك ؟
رعد رفع الكيس اللي بيده : رحت اجيب شوكلاته وجيت .!
مناف همس : ي صبر الارض.
رعد جلس وتربع ع الكنب وصب لنفسه قهوه وصار يتقهوى وياكل شوكلاته ويطقطق ب جواله .
مناف كان يناظره ويحاول يدرس شخصيته اللي تجيب المرض برأي مناف .!
لف له رعد : مضيع شيء بوجهي ؟
مناف : رعد متى راح نبدا شغل ؟
رعد تناهد : ضايق خلقي ولا لي نفس هاليومين .!
مناف بأستهزاء : ايه ومتى ان شاء الله بتروق ؟
رعد : مادري على حسب بعدين انت ليش متحمس ترى قدامنا سنه سنه مو اسبوع روق وخذ كلشيء ببساطه .!
مناف اخذ الملف وقام ل رعد وجلس جنبه وقال ب نبره حانيه وكأنه يكلم بزر : انا راح اشرح وانت كل طيب .!
رعد هز راسه ب نعم .
تقريباً عدت نص ساعه ومناف يشرح ل رعد اللي مو منتبه ابداً وتفكيره ب الشمال عند اهله .
مناف رفع راسه له : ها فهمت ؟
رعد هز راسه ب لا .
مناف بقهر : هذي ثاني مره اشرح لك وين عقلك انت ؟
رعد : قلت لك وانا متضايق مستحيل استوعب شيء .
تناهد مناف وسند نفسه ع الكنب : وكيف تتخلص من ضيقتك ؟
ناظره رعد شوّي وقال : فيه حلين لكن حالياً مافي غير واحد .!
مناف : ووش هالواحد ؟
رعد : ساحة التدريب.
ابتسم مناف وضحك : والله!
رعد : طبعاً هنا مافي .!
مناف لف راسه ل رعد : فيه بجيزان
رعد : اخاف اروح واضيع
مناف : تبي اجي معاك .!
رعد : لا تجي معاي بس وصلني وانقلع.
مناف : اسلوبك معفن على فكره
رعد : م احتاج اعجابك ب اسلوبي طبعاً
مناف قام واخذ مفتاح سيارته : قوم يالله نروح
رعد سحب ثلاجه القهوه : يصير اخذها معاي ؟
مناف : لا
رعد صب له بكوب واخذ كيس الشوكلاتات ورفعه ل مناف : وذا
مناف : بتوسخ سيارتي !!
رعد : يعني ؟
مناف : لا .!
.
.
بالشمال
وتحديداً بالجامعه عند غرام ورسيل .
رسيل بدهاء : كلمتي رعد طمنيني عنه ؟
رفعت غرام حاجبها وبدون م ترد .!
رسيل : تعرفين انا وهوا بيننا مشاحنات وشوّي استحي منه ف ما كلمته
غرام وغرقت عيونها ب الدموع وحاولة قد م تقدر م تبكي : لا م كلمته واصلاً حذفته وعطيته بلوك
شهقت رسيل ب تمثيل : لييش ؟
غرام بحزن : رعد م يحبني .!
رسيل سكتت شوّي وقالت : ي عمري .!
غرام ببكاء : م اقدر اصبر عن صوته والله كأنه اكسجين وراح اموت من دونه
وبتمثيل عالي الجوده دمعت عيون رسيل : غرام انا والله مابي اشوفك تتعذبين على حب فاضي وعلى لعب رعد .!
غرام تبكي .
رسيل : تذكرين جارتنا القديمه وبنتها غند ؟ اللي اختفو من فتره ؟
رفعت عيونهها غرام ل رسيل بدون م ترد .
رسيل : هم راحوا عشان رعد اوهم غند انه يحبها بس هو كان كذاب اتسلى فيها ورماها .!
شهقت غرام : كذااابه .!
رسيل : انتي بنت عمي واعزك ومابي اللي صار ل غند يصير لك .!
غرام : وين القانون وين الشرطه ليش م اشتكت عليه وفضحته .!
رسيل بكذب احترافي : تشتكي على مين ؟ رعد مشعل !!
غرام : اللي هو المهم م تسكت عن حقها ل هالوصخ .!
رسيل : اذا الشرطه بنفسها تهابه تبغين غند تتحمس وتشتكي عليه .!
قامت غرام وهي تلم اغراضها من الطاوله : وصخ وقح قليل حيا الحمدلله انك نبهتيني عشان ابعد عنه .
رسيل : م كان ودي اعلمك ب هالسالفه بس م دمتي مصره ع فراقه اعلمك عشان تاخذي حذرك .!
غرام : اللحين عندي محاظره باي .
راقبتها رسيل لين اختفت من امامها وضحكت بقوه : غبيييه تصدق كل شيء ينقال لها بس يارب يارب تزبط هالخطه وافتك .!