روايه بنت السيل

بدايه الجزء الثاني.
العصر .
البنات مفترشين لهم فرش وجالسين بقرب المزرعه.
جات ريما توها صاحيه من النوم : سلام
ردو عليها البنات بردود متفرقه .!
جلست ريما : صبو قهوه لا هنتو
امل : سيبينا من القهوه خلينا بالاهم
اعتدلت ب جلستها ريما : وشو ايش الاهم ايش صاير ؟
امل اخذت الجوال من يد نغم : منااف ي ريما منااف
ريما بانفعال : اشفيه ؟
امل : طلع رومنسي شوفي شوفي جايب لها جوال ومتصور معها ” سحبت الورده من شعر نغم ” وجايب لها ورده بعد ولا ازيدك من الشعر بيت حاطها بشعرها .
ريما تمثل الصدمه : وريني وريني الصور
امل فتحت الجوال وعطته ل ريما وطبعاً ريما تظهر ملامح الصدمه وكل م شافت صوره تشهق بقوه .
ريما رمت الجوال ع نغم : يرحم ايام م كان يجلدنا لين نغظ الارض .
امل : الدنيا وانا اختك مالها امان
ريما : انا لو احد يجيب لي ورده حتى بدون م يعلقها بشعري بعشقه على طول
امل : جفاف عاطفي الله وكيلك
طبعاً البنات يسمعون ويضحكون عدا عبير حتى خواتها كانو يضحكون الا هي .!
امل تبي تقهر عبير زياده : ولو تدرين انه مسميها ماي لوف بس
ريما صغرت عيونها في نغم : ماي لوف هاه ؟ وانتي ايش مسميته ؟
امل : هي مسميته الحب .
ريما لازالت تناظر نغم : صدق من قال ي خيه الساكت سم ناكت .
ضحكو البنات وضحكت نغم معاهم .
قامت عبير ماشيه بهدوء .
امل دقت بكوعها ريما وريما قالت : وين رايحه عبير ؟
عبير : بتمشى شوي .!
ابتعدت عنهم عبير وبمجرد م ابتعدت طاحت دمعتها ” بكيفها تسميه اللي تسميه انا ايش دخلني بحريقه ” شهقت ببكاء ” مصير مناف لي وخالتي قالت لامي ليش ازعل حالي انا ” مسحت دموعها ” انا زوجته الاولى والاخيره م قبلي ولا بعدي احد هي وحده جات وبتروح زي م جات .”
مسحت دموعها وهي تتعمق بأفكارها اكثر قطع عليها صوت من وراها .
…: عبير
لفت عبير وانصدمت وتلفتت حولها بخوف : ايش جابك ؟
مناف : شفتك متضايقه قلت اجي اشوف ايش فيك ؟
عبير : الله يسعدك روح لا احد يشوفنا
سحبها معاه لما دخلو بين الاشجار : اضمن لك هنا محد بيشوفنا .
سحبت يدها من يده بقوه : ايش تبغى انت ؟
مناف : جاي اسإل عنك ليش زعلانه ؟
عبير : ماني زعلانه .
مناف : كنتي تبكين !!
عبير : مناف الله يخليك ابعد عني مو ناقصه مشاكل
مناف : ماني مبعد لين تعلميني ايش فيك ؟
سكتت وعرف مقصدها ظل يناظرها شوي ثم قال .
مناف : لا تزعلين انا م غيرت رايي
رفعت عيونها له بصدمه ثواني بس وابعدت رايحه .
مناف : عبير
رجعت لفت له بدون م تتكلم .
فسخ جاكيته ومده لها : تغطي الدنيا برد .
اخذته منه لبسته ومشت بسرعه .!
ظل يتأملها لين اختفت عن عيونه تناهد وكمل طريقه بهدوء .
.
.
_بجلست البنات .
كانت السواليف والضحك ماليه المكان لان امل و ريما مستمرين ب الطقطقه ع نغم .
عدت عبير من جنبهم ماشيه وكانو كل البنات معطينها ظهورهم الا نغم .
صدمه حلّت على نغم جاكيت مناف ؟ لابسته عبير ؟
غضب سرآ بعروقها م تدري وش سببه كل اللي تحس فيه انها زعلانه وودها لو ان مناف بس قدامها .
غضت شفايفها بقهر وهي تتذكر حكي امل ” هي تتلزق فيه وهو عاد م يصدق ”
دمعت عيونها وحاولت م تبين شيء قامت : بنات انا بدخل اريح شوي
وقبل تسمع اي رد من البنات مشّت .!
توجهة ل غرفتها والغضب اللي فيها م ينقاس ولا ينحسب م تدري ليش ودها تبكي طاحت دمعتها ومسحتها بقهر “من زينه ابكي عليه قليل الحيا لو يحبها م سمح لها تتلزق فيه وعطاها جاكيته ” دخلت ل غرفتها وصكت الباب بقوه .
جلست ع السرير والافكار توديها وتجيبها والسؤال اللي يتكرر ب راسها ” انتي ليش مقهوره ؟ ”
تهز رجلها بقهر وتقاوم دموعها لا تنزل ولافكار تتضارب ب راسها ” لانه يخصك ؟ لا م يخصني !! لانه خانك ؟ م بيني وبينه شيء عشان يخونني !! اش معنى تحسين كذا ؟ ”
قطع عليها حبل افكارها دخول مناف يفرك يديه من البرد لاحظ وجودها ولف عليها : انتي هنا
لفت وجهها عنه ورفعت رجولها ع السرير ضمة نفسها : ايه
مناف : فيك شيء ؟
نغم : مصدعه شوي انت ليش جيت ؟
مناف : جيت اخذ جاكيتي
نغم : كنت لابس جاكيت قبل شوي وينه ؟
مناف توقف عن الحركه وهو يفكر ” معقوله شافتني ”
نغم لفت عليه ب ابتسامه قهر : ولا عطيته عبير ؟ عفواً قصدي لبسته عبير .!
مناف اخذ حبوب صداع ومويا ومدها لها : شكل الصداع مأثر على عقلك قمتي تخربطين .!
دفعت يده بقوه لدرجه انكبت المويه : لا م اخربط بعيني شايفه جاكيتك معاها .!
مناف انقهر : واذا شفتي جاكيتي معاها وش بتسوين ؟ بتضربيني ها قولي ؟
نغم تناظر فيه بقهر وبدون رد .!
مناف : واذا عطتها جاكيتي واذا لبستها وش دخلك انتي علميني ؟
نغم : دخلني انك زوجي
مناف اعتدل بوقفته وصفق لها : ي سلااام بدينا بسوالف الغيره
نغم قاطعته : اي وحده بمكاني وبتحس بنفس احساسي هذي مو غيره هذا حب تملك يعني شيء لك وفجأه تلاقي حد يشاركك فيه بتنقهر
مناف : وانا مو شيء ي نغم انا مناف وحب التملك هذا م يمشيء عليّ تفهمين !!؟
نغم قامت بقهر : اذا حب التملك م يمشيء عليك لا تعصب اذا شفتني مع واحد غيرك
قرب منها ومسكها من ذراعها بقوه وعيونه محتده عليها .
نغم : ليش زعلت علمني ؟ وش دخلك معاي ؟
مناف : ودين الله لو ينعاد حكيك ذا لا……
قاطعته : لا لا لاتحلف حب التملك م يمشي عليك انت قلتها بعضمته لسانك .!
مناف : ففيه فرق
نغم : لا م تفرق الا اذا كنت تغار ؟
مناف : اغار عليك مثل خواتي لكن خواتي مالهم حق يغارون علي .!
نغم : خواتك م يجيبهم السيل تالي الليل .
احتدت عيونه فيها بشكل مرعب ودفها ع الجدار وثبتها بيديه بقوه : ماني مطول حكي معاك لكن………
قطع عليه حكيه دق الباب ابتعد عنها وفتح الباب بعصبيه وشبه صراخ : وش تبين ؟
دلال : على فكره هالغرفه غرفتي وانت وزوجتك سرقتوها
مناف قافله اخلاقه : المطلوب ؟
دلال : غرفتي
مناف : غرفتك ببيتك هذي غرفتي
” كان بيسكر الباب بس يد دلال وقفته ”
دلال : لا ي حبيبي هذي غرفتي انا والله م اسيبها اللحين تاخذ قشك وتطلع من هنا
مناف : وين ننام انا وزوجتي يعني على الشجر مثلاً ؟
دلال : هد اعصابك اول شيء وثاني شيء ارجع انت نام مع الشباب وانا وهي بننام هنا
مناف : وانتي ليش م تروحين تنامين مع البنات ؟
دلال : مابغى ياخي وبعدين انا حره غرفتي وكيفي
مناف دخل للغرفه بغضب فتح الدولاب وطلع جاكيته بعصبيه لبسه : هيا اشبعي بهالغرفه .” قال كلمته وطلع ”
دلال : مالت عليك والله
دخلت ل الغرفه وكانت نغم جالسه ع السرير ضامة نفسها و الواضح انها تبكي .!
دلال : نغوومه حبيبي ايش فيك ؟
نغم بصوت مهزوز : م فيني شيء .
دلال تناهدت : تهاوشتي انتي ومناف ؟
نغم : لا بس مصدعه
جلست جنبها دلال : الا تهاوشتي معاه صح
نغم دمعت عيونها : اييه
دلال : وانا اقول وش فيه قافله اخلاقه ويحاكيني من طرف خشمه ولا يهمك قومي غسلي وجهك واطلعي تونسي مع البنات ي عمري والله لو تحبسي نفسك كل م تزاعلتو انتي ومناف بتظلي طول عمرك محبوسه .
نغم ضحكت .
دلال : يالله يالله قومي
نغم : لا والله جد م فيني صدعت وبنام لي شوي .
دلال : لا نوم العصر مو كويس يالله قومي .
نغم ” منهو مناف عشان ازعل عشانه واحبس نفسي اذا هو م اهتم حتى انا م اهتم ”
نغم : يالله بس انتظري بغسل وارجع اضبط شكلي .!
.
.
يوم العيد الساعه الخامسه صباحاً بغرفة مناف كانو البنات متجمعين فيها اللي تستشور واللي تكوي ملابسها واللي تتحمم واللي تحط مكياج كان المكان اقل م يُقال عنه حوسه .
بالمناسبه بعد اللي حصل بين نغم ومناف م عاد التقو هي اغلب وقتها مع البنات حتى انها تنام مع امل وهند وهو اغلب وقته مع الشباب .
دلال : بنااات اخلصو والله م بقى وقت اقل من ساعه
امل : اقسسم بالله اكثر شيء اكرهه فيك ي دلال هالحلطمه خلااص انطمي
نغم : امل لا تحرقيني احح
امل : اقسم بالله ان م هجدتي انتي لا اثبت الاستشوار برقبتك
دلال : عشان ينحرك مناف
امل : على تراب انتي ومناف
هند : امل انتي وش بتلبسين ؟
امل : بلبس……” تجمدت وكأنها توها تستوعب ”
دلال يوم شافت وجهها خافت : وش فيك ؟
امل بصوت فيه الصيحه : بنااااااتتتت
كلهم لفو عليها مستغربين
امل : لبسي تنوره قصيره
هند : طيب ؟؟
امل : طب ساقي فيها جرح وعليها لفه والله العظيم فشله لابسه تنوره وكذا شكلي
هند : وش هالغباء توك تتكلمين
امل : طيب وش اسوي انا اللحين
ريما : سهله البسي بنطلون .!
امل : سهله ننننءءءنننءءء
نغم : منجد
امل : م اشتريت ي تراب كل اللي اشتريته تنانير
دلال : تستاهلين
دخلت ام مناف : انتن م خلصتن ل هالحين ؟
ريما توها طالعه من الحمام ” وانتو بكرامه “: انا خالصه .
ام مناف : تعالي يمه اجل ساعديني نسوي قهوه تعرفين ع الساعه سبع كلن يجي يعيد .
ريما قامت : ابشري
نغم : انا اخلص واجيك ان شاء الله
ام مناف : لا انتي طلعي ملابس مناف حقت الصلاه
دلال : اخذها يمه المغرب
ام مناف : بالله اجل اذا خلصتي تعالي
نغم : طيب
طلعت ام مناف ومعها ريما .
امل : طب انا اللحين وش اسوي ؟
نغم : انا اشتريت بناطيل كثيره ونصها م لبستها طبي وتنقي
امل جلست تناظرها شوي : يختي ي زينك ليتك اختي بدال السبايك ذول .
نغم : خلصي شعري خليني اروح اساعد خالتي
امل : اوكيه خلاص ذي اخر خصله
هند : بنات احط مناكير عودي او كحلي ؟
محد رد عليها
هند : كلو ترراب طيب
برضوا محد رد عليها .
قامت : اصلاً الشرهه ع اللي يجلس معاكم
لمّت قشها ولبست عبايتها احتياطاً وطلعت .
بطريقها شافت فتون واقفه مع هديل عند سيارة سامي وقفت شويّ تناظرهم .
.