روايه بنت السيل

بعد العصر عند البنات .
……: بنات ترى الشباب مسوين سباق دبابات تعالو
فزو البنات كلهم يلبسون عباياتهم ويتغطون .
ريما : اقول امل .
امل لفت لها : هلا .!
ريما : جيبي زوجت اخوك نتعرف عليها .
امل : اي والله ذكرتيني بروح اشوفها امداها نايمه من الصبح .!
هند : صدق امل روحي جيبيها تلقينها صحت وطفشت لوحدها .
امل راحت : طيييب .
مشوا البنات كلهم للمكان اللي بيتسابقون فيه الشباب وكانو واقفين بعيد اشوي عن الشباب.
….: بنات وينه سامي مو مع الشباب ؟
عبير : مادري عنه مختفي !!
شهقت وحده من البنات : شوفوا فتون .
ضحكت عبير : يممه منها هالفتون لازم تلزق حالها ب سامي .
وقف سامي سيارته بعيد عنهم شوي نزل فتون وراح .
فتون تتناهد : وه وه جعلني له فدوه احببه ي بنات احبه .
اشتعلت هند غيره بس م تكلمت .
ريما : ايش قلة الحيا هذي ي فتون والله اعلم عليك بابا .
فتون : اقولك احبه اموت فييه .!
انقهرت منها هند ومشت راجعه ل البيت وهي ماسكه بكيتها .
بجهة سامي كان توه نازل من سيارته وشافها ماشيه وواضح معصبه نطق بصوت رايق : شوي شوي لو الارض تحكي كان صاحت .’
لفت عليه وبحده : ي شيخ ؟ لا والله توي اعرف مشكور !!
ورجعت عطته ظهرها بتمشيء
سامي : هند ايش فيك ؟
هند : وش دخلك باللي فيني ها مالك شغل تسمع خلك بعيد عني .
سامي : لا تنفخين لا اصكش بالمفتاح
هند : بنفخ وبصارخ على كيفي انا حره تسمع محد له شغل فيني .
ظل يناظرها بتمعن كلامها قوي وثابت لكن يديها ترجف تكلم سامي بعطف : مين زعلك ؟
هند بصوت باكي : النصيب .!
سامي يناظرها م فهم .
هند رفعت عيونها له : كل م حبيت شيء يجي شخص ياخذه مني قدام عيني .
وقبل يتكلم سامي قاطعه صوت فتون : ساامي كويس انك م رُحت نسيت جوالي بسيارتك .
سامي كان ضايع بعيون هند لدرجه م سمع فتون لكن هند انسحبت وهي تبكي بصمت .
ورجع سامي لف ل فتون : وش؟
فتون بدلع : جوالي نسيته بسيارتك
سامي : طيب دقيقه
راح ل السياره وفتحها وطاحت عينه ع جوالها اخذه ومده لها : تفضلي .
بدلع : شوكراً
م كان مركز على شيء ابداً كل همه يعرف دموع هند من ايش وحكيها وش تقصد به.!
.
.
امل : تكففييين نغم خنقهر عبير تكففين .
نغم : وايش مصلحتي مع هالتافهه عشان اقهرها .!
امل : تراها م تصدق نجي هنا عشان تتلزق بمناف على كيفها .!
نغم : مناف ؟
امل : هو عاد م يصدق على الله .!
نغم قامت : بقوم بس مو عشان اقهر عبير عشان انكد ع مناف .!
امل : كفو ي الذيبه تعجبيني .
لبست امل عبايتها وحجابها ونغم عدلت شكلها ولبست عبايتها وطلعت معاها لجلسه البنات ولما وصلو كانو الشباب قدهم بدو سباق من زمان .!
ريما قامت : هلا والله هلا بالزين هلا بزوجت مناف .!
نغم : هلا فيك
وطبعاً قامو البنات يرحبون فيها عدى عبير وخواتها .
فتون : م شاء الله انتي حلوه .!
نغم : شكراً
هديل اخت عبير رفعت حاجبها بفتون بأستنكار .
كانت هالحركات واضحه جداً لنغم .!
وصلو الشباب وكان بالمقدمه وليد وبعده مناف وبعده تركي اخو ريما .
فزت امل لوليد : هيييه ولييد كنت حاااسه انك بتفوز .!!
وليد غمز لها : اعجبك !!
مناف : شجعيني انا اخوش .!
امل اشرت ع نغم : خل زوجتك تشجعك .!
رفع عينه مناف لها وابتسم ودف امل : يالله ارجعي الشباب وصلو .
رجعت امل وجلست مكانها .
سلمى اخت عبير تهمس لها : شفتي كيف ناظرها وابتسم لها ؟ عزالله نساك ونسى طوايفك !!
عبير بقهر : اصص .
ريما : بنااات مين هذاك ؟
كلهم لفو يناظرونه وفزت امل : مهههند مههند .!!
سحبتها نغم وجلستها : مهبوله انتي اركدي .
امل بهمس لها : له له صارت تاخذ حكي زوجها .
صدت عنها نغم ولا ردت .
عبير : بناات كأن الجو برد خلونا ندخل .
هديل : اي والله جد !!
امل : انتو ادخلو وانا بأوصل نغم حق زوجها ابثرني يبيها وبجيكم .!
ضحكت ريما وغمزت ل نغم اللي وجهها ولع .
قامت امل وسحبت نغم وراها .
نغم : صايره انا مسحبه لك انتي و اخوك .
امل رفعت جوالها تكلم مناف : مناف تعال
مناف : الحمد لله والشكر الوحد يسلم اول
امل : اقولك تعال اخلص زوجتك ابثرتني تبيك .!
مناف : تبيني ؟ انا ؟
امل : لا تبيني انا ؟ تعال اخلص انا عند المزرعه .!
قفلت بوجهه ثواني وجاها : خير انتي وياها ايش فيه ؟
امل : تكفى طلبتك ي اخوي .؟
مناف : دباب م فيه .!
امل : الله يسعدك الله يخليك الله يوفقك
مناف يسمعها ويضحك : لا
امل : تكفى مناف مارح ابعد هنا قدامك .!
مناف : لا م انسى اللي صار السنه الماضيه
امل : تكفى مناف الله يخليك .!
مناف عقد حواجبه يفكر : بشرط
امل : انت م تشرط انت تامر انت تدلل
ضحك مناف وبانة اسنانه العلويه : ابوك ي المصلحه .!
امل : موافق ؟
مناف : م تروحين بعيد هِنا قدامي مفهوم .
امل : وين اقصى حد اروح له مثلاً
مناف : لين نهاية الطريق وترجعين .
امل : طيب .!
مناف : بروح اجيب الدباب خليك هنا .!
امل ناظرة نغم بعد م راح مناف : م ودك تجربين ؟
نغم : الا
امل : اوكيه تركبين معاي ؟
نغم : يمكن مناف م يوافق
امل : مو بكيفه .!
نغم : كلميه اذا جاء .
امل : طيب
شوي وجاء مناف ومعاه الدباب : م تبعدين هنا قدام عيني !!
امل : نغم تبغى تجرب .!
مناف : مو مشكله بس تمسكي بأمل زين عشان م تطيحين .!
نغم : طيب .
مناف طلع امل ل الدباب وطلع نغم وتكتف : امل انا اراقبك ترى لا تسرعين ولا تبعدين .!
امل : صورنا بعدين باترسلها من جوالك ل جوالي .!
مناف : ي شيخه مع وجهك بخليك بجوالي .!
امل : تكفى
مناف : بتمشين ولا كيف ؟
امل بصراخ : نغغغممم تمسسكككي زين .
انطلقت بسرعه وصرخ عليها مناف : مو قلنا لا تسرعين ؟
بس للأسف م انتبهت له ولا عبرته حتى تكتف يراقبها هي ونغم ويشوف ان امل تعدت الحدود اللي قال لها عليها كان متوقع هالحركة منها .!
عند امل : ها نغم كيف ؟
نغم : وناااسسسه مرا حلو .!
امل : اسمعي باخذ اللفه وبرجع لا تخافين .!
نغم : طيب
خذت امل اللفه بسرعه وهي تضحك وصارت تمشيء بسرعه راجعه ل مناف بس حصل ما لم يكن بالحسبان فقدت سيطرتها ع الدباب وصار اقوى منها م تعرف توزنه مالت عن الخط والنقلب الدباب .
كل هذا كان حاصل قدام مناف اللي جرى لهم اول م شاف ان الدباب انحرف عن الخط .!
وصل لهم مناف ونزل ل مستوى امل : الوم امل بنت قووومي امممل امللل
امل بهمس : شوف نغم شوف نغم
مناف : انتي اهم رجلك انجرحت
امل : قلت لك مناف شوف نغم ؟
مناف شاف وليد من بعيد وصرخ له : ولللييييييدد ولييييدد تعال وليييد .
جاله وليد بسرعه : ايش حصل ايش صاير ؟
مناف : خذ امل ودها غرفتها وكلم مهند هو دكتور خله يشوف رجلها
شالها ولليييد : طيبب
مناف : انتبه لها
قام بسرعه ل نغم ونزل لمستواها : نغغم انتي بخير .
نغم تبكي : م اقدر اوقف رجلي توجعني
شالها مناف : كيف تحسين فيها تعورك بقوه ولا الم يروح ويجي
نغم : يروح ويجي
مناف : لا ان شاء الله خير
شالها ودخل فيها مناف الغرفه ونزلها ع السرير : يالله وريني وين يألمك ؟
اشرت ع ركبتها : هنا
مناف : خلع بسيط اللحين ارجع عظمك لمكانه
مد يده وصرخت قبل يمسكها: لا لا تكفى لا
تناهد : شوفي عيوني ايش فيها ؟
رفعت نظراتها لعيونه واستغل الموقف بأنه يرجع عظمتها لمكانها .
صرخت نغم : اااااااااااههه .
مناف : خلاص خلاص اللحين تحسين بألم ؟
نغم : لا
مناف : فيك اي جرح ثاني ؟
نغم مدت يدها : في يدي .!
مناف ابتسم لها : دقيقه اجيب المعقم ولزق الجروح ؟
نغم نظراتها تابعته لما طلع اذا كانت تصرفاته هاذي تفيض بالحنيّه القساه والشر اللي بعيونه من وين ؟!!
ظلت تتسآئل لان منااف غامض بالنسبه لها .!
صحاها من سرحانها صوته : ي هوه .
رفعت عينها له .!
مناف : عطيني يدك .
مدت يدها له وعيونها متعلقه فيه اما هو باله مشغول بأمل نظف لها جرحها وغطاه : كذا خلصت يالله نامي .
عدل لها المخاد من وراها وفسخها عبايتها بحذر شديد عشان جرحها وغطاها : يالله نامي
نغم : لا ابغاء اشوف امل
مناف : امل عندها وليد والدكتور
رفعت حاجبها : دكتور ؟
مناف : مهند
نغم : بشوفها
سكر الضو مناف : نامي .
.
.
عند امل تبكي متمسكه بوليد : ولليييد خلله يبعد الله يخليك ولليييد
مهند ماسك ابرة البنج قاعد يطلع الهوى منها ببرود .
مهند : ثبت رجلها وليد
امل صاحت زياددده : لااا ي بابا ي بااااااببباااا
دخل مناف : خير ايش هالصراخ ؟
وليد : الحمد لله انك جيت عيّت تخلي مهند يسوي شيء ؟!
جلس جنبها مناف وضمها : خلاص خليه يشوف شغله !!
امل : لاااا لاااا ي بابا ي بااااااببببباااا
مناف : لا تحاولين ابوي م يدري عن السالفه كلها !!
مهند : انت ثبت رجلها وبس .!
مناف ثبت رجلها : تمام !!
وهي تصارخ وتنادي ابوها وليد م استحمل وطلع اما مهند نضف جرحها وعقمه ولف عليه شاش .
مناف : خلاص ؟
مهند : خلاص .
امل لا ارادي قالت : كلااااب .
ضحك مناف وبنفس الوقت رفع حاجبه بمعنى اسكتي عيب .!
مهند تبسم وهو يلم اغراضه .
مناف : والله مادري كيف اشكرك ي مهند
مهند قاطعه : استح على وجهك انت بحسبة اخوي م تشكرني .
مناف : ولو والله لولاك مدري وش كنت بعمل لوحدي .!
مهند ابتسم له وطلع .
مناف لف لأمل : ها كيف تحسين نفسك ؟
امل : تمام نغم كيف ؟
مناف : تمام م عليها نامت .!
امل : ودني لها .!!
مناف : نايمه حتى انتي نامي .
امل : م بنام انا حره يالله ودني ل نغم .
مناف : تمشين ولا اشيلك ؟
امل استانست : شيلني شيلني .
شالها مناف ووداها لنغم لما فتح الباب كانت نغم جالسه ع الكنب ومبدله ملابسها وكاشخه .!
رفع حاجبه : مو قلنا تنامين .
نغم : م فيني نوم .!
نزل مناف امل جنب نغم : المفروض بعد اللي صار لكم من الروعه تنامون يومين .!
نغم : ها امل كيفك
امل : تمام انا انتي بخير حصل لك شيء ؟
نغم : لا بس جروح بسيطه .
انسدح مناف وعطاهم ظهره : بنام انا خفضوا اصواتكم .
نغم : تقدرين تمشين نطلع ؟
امل : ايه يالله بس اول تعالي معي غرفتي ابدل واضبط حالي ونطلع للبنات .
مناف بهمس : ي حيوانه خليتيني اشيلش .!
م ردت عليه امل وهي توقف : يالله نغم .!
نغم : دقيقه اللبس جزمتي .!!
لبست نغم وسكرت الضو وطلعت مع امل .
.
.
.
عند البنات بجمعتهم .
ريما بحده : فتون بلا قلة ادب والله اعلم عليك بابا .!
فتون ذات ال 13 سنه ترد : يختي انتي ليش محتره انا احبه واموت فيه انتي ايش قاهرك .!
ريما : احبه واموت فيه هاه تراك كبرتي مو للحين صغيره لا عاد اشوفك تتلزقين بالرجال مفهوم .!
فتون : ع اساس م كنتي تتلزقين بمناف قبل ترى كل سوالفك عندي .!
قلب وجه ريما من الغضب احمر : ومين قالك اني كنت اتلصق فيه ترى مناف نفس اخوي وانا وامل كبرنا على يده واذا ع قولتك تلصقت فيه فهو من برائه مو مثلك حب وخرابيط .!
فتون : خرابيط ها بطلي غيره بس بتقتلي نفسك .!
ريما : والله لا اعلم بابا عليك وتشوفين .!
هديل : يمممه تخلللففف .
هند : انتي انطمي بزرنت اخر زمن .
عبير : هيي انتتتي اختي م كلمتك ولا قربت صوبك الزمي حدودك .!!
هند : ويييه واذا م لزمت حدودي وش بتسوين انتي واختك ؟
عبير : م يحتاج اقولك ايش بسوي .!
هند : لو بتسوين كان سويت يوم فقعت وجهك نغم بالكعب .!
عبير وجهها انقلب : وش قصدك ؟
هند : قصدي لا تهايطين .!
سلوى اخت عبير نطقت بصوتها المميز بالبحه : هند احترمي نفسك لا تطلع جنوني عليك .!!
هند : يممه شوفيني ارجف منك ومن جنونك تلايطي بس ي####
سلوى رفعت حاجب : والله اخليك مصخره للكل .!!
امل اللي توها واصله تكتفت : اذا م خليتك انا قبلها سخريه الجميع .!
سلوى : انا م كلمتك !!
امل : والله عاد كلمتيني م كلمتيني اختي لا تجين من صوبها عشان م انتف لك الباقي من شعرك .!!
سلوى لفت وجهها عن امل وهي تعض شفايفها بقهر .
نغم : بنات شصاير ؟
هند : ابد والله عبير معصبه عشان ذكرتها ب لما فقعتي وجهها .!
ضحكت نغم وجلست .!
هِنا عبير طرطعت وقامت وهي تبكي رايحه مجلس الحريم .!
سلوى ناظرة هند : حشمت خالتي ولا كان علمتك قدرك .!
امل رفعت حاجبها : ي ههههوووه .!!
بمجلس الحريم .
دخلت عبير تبكي ورمت حالها بحضن امها .
ام عبير : ايش فيك يمه خير ايش صاير .
عبير م ردت عليها لازالت تبكي .!
تجمعو عليها خالاتها يسألونها شفيها ؟!
ام عبير : تكلمي يمه احكي ايش صاير .
عبير تشاهق : زوجة مناف مصخرتني قدام الكل هي وامل وهند .
ام مناف تفشلت وبنفس الوقت انقهرت ولا تكلمت .!
جدتها : العوبا طويلة اللسان وش قايلتن لك .!
عبير : تضحك عليا ع اساس انها ضربتني هذاك اليوم عند خالتي .!
جدتها : انا اوريك فيها قليلة التربيه .!
عبير : حتى هند وامل معها ” وتستمر تبكي ”
قامت ام مناف : ولا يهمك انا اوريك فيهن اللحين .
جدتها : ابشري يمه لا تبكين اللحين اطلع لك حقك من العوبا طويلة اللسان هذيك .!
توجهة ام مناف ومعها جدة عبير اللي هي ” ام ام مناف ” .
.
.
عند البنات بجمعتهم .
كانت نغم جالسه وتسولف مع البنات فجأه حست بدقه بظهرها بقوه لفت وهي معقدة حواجبها .
…..: ايا العوبا ي قليلة الادب م صارلش يومن واحد وتخانقين بالبنت ليش غيرانه منها عشان مناف بياخذها عليك .
قامت نغم لان كلشيء عندها الا كرامتها : لو سمحتي خير ايش فيه جايه كذا تهاوشين من الباب ل الطاقه .؟
جدتها : اص لا ترادديني ي قليلة الادب ي طويلة اللسان ي###
نغم بحده : م اسمحلك تقولي عني كدا
جدتها : م تسمحين لي ليش بتتحكيمن بحكيي ع اخر زمن ي بنت الشوارع م ندري ولدنا من اي شارع ضافش .!
جات كلمتها ع قلب نغم زي الصاعقه نفس كلمات مناف بداية زواجهم .!
امل : يمممه
جدتها : انتي ولا كلمة تفهمين واقفه مع الغريبه على بنت خالتش .
نغم بقهر : والله هالغريبه محترمه اكثر من بنت خالتها .!
جدتها : ايا قليلة التربيه ي اللي م تستحين غلطانه وفوق ذا ترادددين .
نغم : م غلطت انا على احد هي تتبلا علي .!
جدتها : لا غلطتي
قاطعتها نغم بأنفعال : م غلطت………
قطع حكّي نغم كف قويّ لدرجه عيونها امتلت دموع
رفعت نغم عينها بصدمه ل ام مناف
ام مناف : لا ترفعين صوتك على امي .!
.