عشقت صعيدى بقلم أميرة السمدونى

الحلقة الرابعة ✋

ملحوظة القصة غيرت اسمها فى كاتب كلمنى وقالى ليه رواية بالاسم ده أحببت صعيدى، فروايتى أصبحت عشقت صعيدى❤

بعتذر عن حبيبتى المشاكسة بكرة أن شاء الله ❤

دخلت هند وهى بتبربش وعاملة فيها مكسوفة ،بتحاول تحكم دور البنت الوديعة ،بس المكياج ال كترته بغباوة خلاها أشبه بأمنا الغولة،ماما فضلت تبرق لها متغاظة من المنظر وهند ولا هنا ادى جزات أنها مرضتش تسبها فى لمساتها “أو تلاحيسها على رأى أمى “، خرجت هند مع ياسين للبالكونة معاها نوتة ملاحظات وقلم فى أيد والأيد التانية ماسكة بيها مج كابتشينو ،فضلوا يجى عشر دقايق كده مبيتكلموش ،هند بتجمع فيها خطتها الدفاعية ،لحد ما حس بملل وأنه قدام فيلم صامت فقال:_
_ مبسوط بوجودى هنا وحاسس إنها حتبقى بشرة خير

رفعت حواجبها مش عاجبها الكلام ورسمت بسمة شريرة ال هو” غلبان أوى الشاب ده وأمه داعية عليه ” وراحت كاتبة :_
_ ممم متفائل وإيجابى ومقبل على الحياة

قال لها وهو حاطط أيده على دقنه بإبتسامة سخيفة وحاطط رجل على رجل:_
_ربنا يخليكى ، أنا اصلا وأنا ….

بحلقت له جامد وهى بتزق رجله بعصبية أو بإستهبال:_
_ أخرس أنت صاحبنى ،وأيه ده حاطط رجل على رجل ..!!،أنا حبقى زوجة ديمقراطية أه بس مش للدرجة دى

قرب منها حاول يشوف بتكتب أيه فلمح ” متكبر ورغاى ” رفعت عنيها وكأنها عاوزة تهزقه وراحت ضايفة :_
_ وكمان حشرى

نفخ بغضب من جنانها :_
_ هو فى أيه …!!

مدتلوش إهتمام وسرحت ربع دقيقة كده قبل ما تقوله :_
_ لو أنت قدام بحر وأمك وأختك ومراتك بتغرق حتنقذ مين …؟

رد بمنتهى التلقائية وجواه بيقول”اللهم طولك يا روح”:_
_ نبع الحنان طبعا

لوت بوقها بإستياء وهى بتضيف لقائمة السلبيات :_
_ ابن أمه وضعيف الشخصية

رفع طرف عنيه وشاف ال كتبته فقالها وهو بيحاول يجيب أخرها:_
_ أو انقذ مراتى حبيبتى

شطبت ابن أمه وعدلتها ” ناكر للجميل وغير صالح للتعامل الادمى ”

خبط بإيديه على الترابيزة بإنفعال كان حيدلق فيه النسكافيه :_
_ فى أيه يا حاجة هو أنترفيو …!!

رجعت بضهرها لوراء وهى بتبص له ببرود معلقة:_
_ مممم وكمان عصبى ومتهور ،لا يصلح لتحمل المسئوليات

قام بسرعة قبل ما يرتكب جناية جاله صوتها بتقوله :_
_ أقعد لسه مخلصتش كلامى ، لو فى يوم قابلت زميلى حتسيبنى أسلم عليه

ضيق عينيه بخبث وهو مقرر انه حيظبطها بس الاول يشوف عاوزة توصل لأيه :_
_ لو بالأيد لا طبعا

خدت شفطة من الكابتشينو قبل ما تقول بمنتهى الهدوء:_
_ متسلط ورجعى

عكس كلامه عشان يشوف دماغها أيه :_
_ خلاص حسيبك تسلمى عليه هو يعنى حيأكلك …

رتبت أوراقها وهى بتأخد أخر شفطة وبتقوم :_
_ تسمح لى أقولك أنك إنسان متردد وغير قادر على تحمل المسئولية تسمح تقولى عاوز تتجوزنى ليه …؟

رد عليها بإستخفاف وهو بيشبك أيديه ببعضهم وراء دماغه :_
_ عادى فلسعنا الخدامة فقولنا نجيب حاجة تمليك

اتعصبت عليه وبرقت له:_
_ بتهزر..!، وأيه ده جاى لى بشورت …!!

بمنتهى الأريحية والبساطة قالها:_
_ عادى عشان أبقى على راحتى

وفى أخر محاولاتها المستميتة :_
_ مش مرتحالك حواجبك ولا حواجب التنين المقنع ولا مناخيرك كبيرة شكلك كله على بعضك مش عاجبنى

كز على أسنانه وهو بيحاول يمسك نفسه:_
_ هو انتى ال بتعملى الانترفيوهات ..!!

هند بإستعباط وهى خلاص حتقع على الأرض من كتر الضحك:_
_ أفندم

رد عليها وهو متضايق من الأوذعة ال قدامه وكله من أبوه وجملته بترن فى ودانه “خدها صغيرة تربيها بدل ما تخدها كبيرة وتتخم فيها” بس واضح أن “الفسلة ال قدامه ” شقت طريقها بدرى فى الصياعة:_
_ محسسانى أنى مقدم على شغل مش أسلوب ده …!

هدته بجملتها الأخيرة وهى بتبص له صعبان عليها وفى نفس الوقت مسليها جدا :_
_ طيب خلينا فى المضمون متعدد العلاقات صح..!!

عينيه وسعت بصدمة مش مصدق أن الصغيرة دى تعرف الكلام ده بس واضح أن النت والتلفزيون مسبوش حد فى حاله :_
_ علاقات …!!،فى أيه يا فسلة أنتى ولا ما تكونى ستى أنا ماشي

هند وقفته خد ده كان أمتحان وفشلت فيه ” “، رد بتريقة وهو بيرفع أيده فى الهوا ودى كانت علامة الرضا ال اتفق مع أبوه عليها ،بس عملها من غير قصد ” لا يا أختى كنت إمام جامع ببيع سبح قبل ما أشوف خلقتك البهية ،والحمد لله انى سقط انا أصلا مش طايقك من ساعة ما قعدنا ومش عارف أجبهالك أزاى ..!!

كتبت أخر ملاحظة وهى بتشاور له يدخل وبتنادى على أبوها:_
_ إنسان غير ناضج ،سيء فى أختيار اوقات المزاح ،عصبى ، متهور ،بتاع بنات ”

جالهم صوت الزغاريط من جوه وبابا بينادى لهم عشان يقروا الفاتحة ،وأمى بتكلمنى فى التلفون كانت حتخرم طبلة ودنى من كتر الزغاريط ،جايز كتير منكم شايف أن أهلى غلط أستعجلوا على جواز هند،بس الحقيقة ال زي هند كتير بيخسروا طفولتهم وشبابهم وأجمل مراحل عمرهم بيتحملوا مسئوليات فى سن مبكر فى سبيل إنطباعات أو أوهام أن الجواز كله حب ورومانسية ودى مش حقيقة بدليل بدليل وليد جوزى …!

على الشط وسط المياه والهواء والناس الرشيقة ال حولينا ،كنا تحت شمسية أنا بقرأ رواية رومانسية ووليد فارد جسمه على الكرسي العريض ،سرحان وكأنه مهموم وحزين ،يمكن شكله قاسي وتصرفاته لا تمت للذوق احيانا بصلة إلا إنه محترم ،سرقت كام نظرة ليه من تحت الورق ال معايا بحاول أقفش عليه بما أنى أنثى أصيلة وبحكم عيلتنا النكد بيجرى فى دمى ،ملقتوش بيبص لأى واحدة من ال قعادين أو فى المياه رغم أن شكلهم ملكات جمال يشد أجدعها راجل،حاجة كده تحل من على حبل المشنقة، المهم طلب لنا كوبايتين شاى صعيدى من المركز وطلع سيجارته دى كانت أول مرة أعرف انه بيدخن…!، مستغربة منه جدا شخصية عجيبة وتركيبة مريبة مش زى ال فى الروايات مش وسيم ولا رفيع ولا جذاب ،يمكن العامل المشترك بينه وبين أبطال الروايات القسوة ،أيده سابقة لسانه ،قسوته سابقة عقله ، قالى وهو بيحاول يشاركنى إهتمامتى :_
_ ألا جوليلى يا إزراء ،بتجرى”بتقرى ” أيه ،ال شادك جده ..!!

رديت عليه وانا مركزة مع بطلى الورقى المزيف الحالم ال خلانى متمردة على الواقع :_
_ رواية

رجع أستفسر تانى وكأنه فاهم يعني ..!:_
_ رواية أيه …؟

سكت مردتش عليه حيفصلنى وأنا عاوزة اندمج وأعيش ال مبعشهوش فى الواقع عاوزة أهرب ،نفسي أطلق مش حاسة بتكافؤ فى الجواز ده ،أه وليد طيب بس مندفع عاوز واحدة من توبه واحدة تفهمه ، مشكلة كبيرة فعلا عدم التوافق وأحنا ما شاء الله مكناش متوافقين فى كل حاجة وقت تانى ححكي لكم اتعرفت عليه إزاى ،رن صوته المتعشى فى ودنى وهو بيزعق لحد ما فصلنى وخلانى إنفعلت:_
_ أنتى يا حورمة موش بكلمك ….!!

نفخت بعصبية وأنا بعلى صوتى عليه نفسي اطلق بقى وأخلص ..!،بس لو حصل يا ترى الناس حيسيبوا أهلى فى حالهم …؟، ولاح بقى خبر الموسم العروسة ال رجعت بيت اهلها فى شهر العسل..؟،المهم قولت له:_
_ عاوز أيه يا وليد أنت مش كلت وشربت عاوز أيه منى ،سبنى بقى يا اخى فى حالى أنت أيه مبتحسش…!!

مرة واحدة ابن ** راح حادف كوباية الشاي المغلية على ركبتى ، صرخت ،وعيطت ،واحمرت جدا المنطقة دى بص لى وهو متعصب بيوجهنى:_
_ لما جوزك يكلمك متعليش صوتك عليه ،عيب مش اخلاج”أخلاق ” ولاد الأصول .

سكت عشان مفرجش الناس علينا بزيادة وقومت من مكانى وقعت على الرملة،وفقدت وعيي تماما والقرية السياحية أتلمت كلها عليا ..!!،ووليد يصرخ فيهم :_
_ بعدوا عن مرتى ..!،مش سامح لحد يلمسنى ولا حتى دكتور ..!

والمفاجأة كانت انى. …..!