العبق الاقحواني ” مي الفخراني”
(18)
٠٠٠
هتفت ” ألماسه” بمرح:
_ هات كده نتصور سليفي أنا وأنت
قال ” سفيان ” بعدم اكتراث :
_ مش عايز اتصور
أخذت منه الهاتف وهي تقول بعند :
_ مش بمزاجك هتتصور معايا يعني هتتصور
أنهت جملتها ثم رفعت الهاتف قائله بصرامه مصطنعه :
_ اضحك
ابتسم ” سفيان” نصف ابتسامه ٠٠٠ مما جعل ” ألماسه ” تهتف بأصرار :
_ قولت اضحك مش ابتسم ٠٠٠
_ ما تسمع كلام المزه و تضحك يا اخو مراتي يا غالي ٠٠٠
تصلبت ” ألماسه “في واقفتها واختفت ابتسامتها ببطء شديد وتهجم وجهها٠٠٠
أما ” سفيان” استدار سريعا إلي مصدر الصوت عقب سامعه هذه الجمله وجد ” كرم ” يقف و يرتسم على ثعره ابتسامه خبيثه ٠٠٠٠
اكفهرت ملامح ” سفيان” وقال بنبره محتقنه :
_ايه إلي جابك هنا يا كرم ؟!
تقدم منه ” كرم ” وقال بنبره خبيثه لها معني خفي :
_ أنا جاي عشان اشوفك يا سفيان واحشتني اوي الصراحه ٠٠٠ ووحشتني أيام زمان و ٠٠٠
توقف عن الكلام عندما استدرات ” ألماسه ” وقد اهتزت حدقتيها بارتباك ملحوظ ، ثم رمقت ” كرم ” نظره حاده محذره ٠٠٠
ضيق ” سفيان” ما بين عينيه وقال وهو يكز على أسنانه بشده:
_ كرم مين قالك أني هنا ؟؟ ، وجاي ليه ؟!
نظر ” كرم ” إلي ” ألماسه” بأعجاب مقصود وهو يهتف بعتاب مزيف :
_ مش تقول يا راجل انك طلقت مراتك عشان المزه دي ٠٠٠
صاح ” سفيان” بصوت جهوري وهو يلكمه بقوه في صدره :
_ كرررم أحترم نفسك ، ملكش دعوه بيها ، متجبش سيرتها بكلمه بس ٠٠٠
تراجع ” كرم ” خطوه للخلف وهز رأسه بنفي مصطنع وهو يتأمل ملامح ” سفيان” الغاضبه ثم هتف بود مزيف :
_ مقبوله منك الضربه دي يا سفيان ٠٠٠
توقف عن الكلام للحظات ثم نظر إلى ” ألماسه ” وتحدث متصنع التذكر :
_ أنا حاسس أني شوفتها قبل كده ٠٠
انهي جملته وصمت يراقب “ألماسه” الذي شحب وجهها ورمقته بنظرات تحذريه مترجيه ٠٠٠
استرسل ” كرم ” وتصنع أنه تذكر وهو يقول:
_ ايوه إنتي الجميله الي رقصت في فرح سفيان ، وانا رقصت معاكي و ٠٠٠٠
قاطعه ” سفيان” وهو يصيح بنبره حاده مخيفه:
_ كرررررم ، قولتلك ملكش دعوه بيها ٠٠٠ كلامك معايا أنا ٠٠٠
استدرا ” سفيان” إلي ” ألماسه” قائلا بحزم شديد:
_ ارجعي البيت
هزت ” ألماسه” رأسها رافضه وهي تقول بتصميم متوتر يخفي خلفه خوفها :
_ لا هفضل معاك٠٠٠
رمقها ” سفيان” نظره حاده وهتف بنبره قويه لا تقبل النقاش:
_ قولت ارجعي البيت ، يلا ٠٠
انتفضت ” ألماسه “من قوة صوته وظلت واقفه كالتمثال خائفه من أن تذهب و ” كرم ” يستغل هذا و يخبره بمعرفته بها ٠٠
كرر ” سفيان” ما قال بنبره منفعله :
_ ألماسه قولت روحي على البيت ٠٠٠
هزت ” ألماسه” رأسها عدة مرات وهي تبتلع ريقها ثم استدرات ببطء وتحركت على مضض بخطوات بطيئه ٠٠
٠٠٠٠٠٠٠٠٠٠٠٠٠٠٠
“في أحد المطاعم ”
_ أنا مش عارفه ليه صممت تجبنا ناكل قبل ما مهره تختار الفستان ؟!
قالت ” نوال ” هذه الجمله بتعجب ٠٠٠
أجاب ” صهيب” باختصار :
_ ما قولتلك جعان يا عمتي ، وبعدين هي الفساتين هتروح فين ما هي موجوده في العياده ٠٠
مالت” السيده نوال” على” مهره” وقالت بخفوت ساخره :
_ شوفتي مش قولتلك يا بنتي الرجاله دي ملهاش في المفاجئات ٠٠٠ اهو همه الوحيد الأكل ٠٠
قال ” صهيب ” بمرح وهو يرفع حاجبه :
_سمعتك على فكره يا نوال ٠٠٠ وايوه بحب الأكل فيها حاجه دي !!
ابتسمت ” مهره ” ابتسامه رقيقه وهي تتابع حديثهم ٠٠
لوت ” نوال ” فمها وقالت بقلق مصطنع:
_ أنا قلقانه على مهره منك ٠٠ هتاكل أكلها ٠٠
كتمت” مهره” ضحكتها وهي تنظر إلي ” صهيب” الذي تحدث بغيظ مصطنع وقد توقف عن الأكل :
_ كده يا نوال ٠٠٠طب مش واكل نفسي اتسدت ٠٠
نظرت ” مهره” بذهول الي الطبق الذي أصبح فارغ بعد ان كان مليء بالطعام ثم هتفت بعفويه مذهوله :
_ أنت كده نفسك اتسدت !!
ضحكت ” نوال ” وربطت على كتف ” مهره ” قائله بمواسه مصطنعه:
_ معلش يا حبيبتي ٠٠ نصبيك تجوزي واحد بيحب الأكل ٠٠ هو بياكل كتير بس محافظ على وزنه !!
رفع ” صهيب” حاجبه وقال بتذمر :
_ انتوا اتفقتوا عليا ولا إيه ؟؟ ٠٠٠
قالت ” مهره ” ببراءه وهي تنظر إلي” نوال “:
_ أنا عارفه كل حاجه عن صهيب ، بس اول مره اعرف أنه بيحب الأكل اوي كده !!
قال ” صهيب” بتحذير مصطنع:
_اوعي تفكري تلغي الجوازه بسبب الموضوع ده !
هتفت ” مهره ” بمرح متصنعه القلق :
_ أنا خايفه يبقي عندك كرش بعد الجواز ٠٠
ضحكت ” نوال ” ٠٠ أما ” صهيب” فقد ارتسم على ثغره ابتسامه وهو يقول بمشاكسه :
_ ده على حسب بقي إنتي بتعرفي تطبخي ولا لا ؟! ٠٠٠ الكرش هيبقي حجمه على حسب انتي شاطره قد إيه في عمل الأكل ٠٠٠
تصنعت ” مهره” الخوف وقالت :
_ يبقي كرشك هييقي كبير اوي لأني شاطره جدا في الطبيخ ٠٠٠
صفق ” صهيب ” بيده قائلا بحماس :
_ يلا نتجوز بكره يا مهره ٠٠٠ شوقتني للأكل بتاعك ٠٠٠
قالت ” نوال ” بأحراج مزيف :
_ يوكسك يا واد ٠٠ بقي عايز تجوزها عشان أكلها ؟!
ضحكت ” مهره ” بشده ٠٠٠ مما جعل ” صهيب” يغني بصوت سيء:
_ ضحكت يعني قلبها مالها وخلاص الفرق ما بينا اتشال ٠٠٠
حاولت ” مهره ” التوقف عن الضحك وقد أحمر وجهها بشده وقالت بخفوت :
_ صهيب عايزه اطلب منك طلب !!
قال ” صهيب”بابتسامه واسعه:
_اطلبي الي انتي عايزه !!
قالت ” مهره ” وهي تكتم ضحكتها :
_متنغنيش تاني ٠٠
اختفت ابتسامة ” صهيب ” وقال بحزن مزيف :
_ بقي كده يا مهرتي ؟!
أحمر وجه “مهره” خجلا وخفضت بصرها وهي تردد بعفويه :
_ مهرتك ؟!
غمز لها ” صهيب ” قائلا بمرح :
_ طبعاً مهرتي ٠٠٠٠٠ مش هتعمليلي أكل ٠٠
لوت ” نوال ” فمها قائله بسخريه مازحه:
_ هي الرومانسيه عندك أكل يا موكس ؟!
حرك” صهيب ” رأسه أيجابا قائلا بتساؤول مصطنع:
_ عارفين أيه اكتر مكان رومانسي في العالم ؟!
رفعت ” مهره” بصرها ونظرت له باهتمام وقد ارتسمت ابتسامه على وجهها ٠٠٠
استرسل ” صهيب” مكملا بجديه مصطنعه:
_ المطبخ !!
اختفت ” ابتسامه ” مهره” ورددت بخيبة أمل مصطنعه :
_ المطبخ !!
قالت ” نوال ” بضحكه:
_ يكسفك يا صهيب ٠٠٠يلا نروح نختار فستان لمهره بقي
قال ” صهيب” متجاهل ما قالته” نوال ” :
_ تحبوا تشربوا حاجه بعد الاكل ٠٠ مهره تشربي إيه؟!
قالت “مهره ” بخفوت :
_ لا مش عايزه حاجه ٠٠
وتحدثت ” نوال ” قائله بنبره عاديه :
_ أدفع الحساب يلا خلينا نروح نشوف الفساتين ٠٠
قال ” صهيب” بأصرار عجيب :
_ مش هنمشي غير أما نشرب حاجه ٠٠٠
٠٠٠٠٠٠٠٠٠٠٠٠٠٠٠٠٠٠٠٠٠
“في المزرعه ”
قال ” كرم ” بتريث:
_ لما عرفت انك موجود هنا ، جيت عشان عايز أطلب منك طلب ؟!
ضيق ” سفيان” ما بين عينيه وقال بعدم اقتناع متهكم:
_ بقي جاي المسافه دي كلها عشان تطلب مني طلب !!، مش غريبه شويه دي ؟؟!!
أجاب ” كرم ” ببرود مؤكداً :
_ ايوه جاي المسافه دي كلها أطلب منك طلب ٠٠٠ لأن الموضوع مهم بالنسبالي ٠٠٠
كتف ” سفيان” ذراعيه أمام صدره ونظر له بعدم ارتياح ثم قال بجمود :
_ سامعك ٠٠٠ قول إلي عندك !!
رتب ” كرم ” كلمات مناسبه مقنعه ثم قال بنبره حزينه مزيفه:
_ أنا مش قادر اعيش من غير ساره يا سفيان ٠٠ وجيت هنا مخصوص عشان عايزك تخليها ترجعلي انت اخوها والكلمه كلمتك ، أنا مبقتش قادر أعيش من غيرها ٠٠٠٠ بلاش موضوع الطلاق ده وأنا هتغير بس هي ترجع ٠٠٠
نظر له ” سفيان” بنظرات ثاقبه غير مقتنع بما قاله ولكنه قال بصرامه :
_ ساره مش هترجعلك يا كرم الا إذا اتغيرت بالفعل ٠٠ اتغير الأول وبعدين نفكر في الموضوع ٠٠
٠٠٠٠٠٠٠٠٠٠٠٠٠٠٠٠٠٠٠٠٠٠
تقف ” ألماسه ” بجانب سيارة ” سفيان” والتوتر والخوف مرتسمين على ملامحها ٠٠٠
لمحت ” سفيان” يأتي باتجاها بملامح متهجمه ٠٠
شحب وجهها وقد نبض قلبها بخوف متوقعه أن يكون ” كرم ” أخبره ٠٠٠٠
لمحها ” سفيان ” فعقد حاجبه وقال باستغراب :
_ واقفه كده ليه ؟!
ابتلعت “ألماسه” ريقها وتسألت متعلثمه :
_ هو ، كر، أقصد جوز أختك ، كان عايز إيه ؟!
تعجب ” سفيان” من سؤالها لكنه تنهد وهو يقول بنبره مقتضبه :
_كان عايز يرجع ساره !!
تنفست ” ألماسه” الصعداء وظهر الارتياح على وجهها ٠٠٠٠
ضيق ” سفيان ” ما بين عينيه وقال باستغراب:
_ إنتي عايزه حاجه ؟!
ردت ” ألماسه ” بعفويه :
_ لا ٠٠٠ بتسأل ليه ؟
رفع ” سفيان” أحد حاجبيه وقال بتعجب:
_طب واقفه كده ليه ؟!
حركت كتفيها للأعلي وقالت ببساطه :
_ مستنياك ٠٠٠
تأملها ” سفيان” وقال بنفاذ صبر :
_ ايوه يعني مستنيه عايزه إيه؟!
فكرت ” ألماسه ” لثواني ثم هتفت بابتسامه :
_ عايزه اجي معاك ٠٠٠
قال ” سفيان” بنبره ساخره :
_ تجي معايا فين ؟!، انتي شايفني رايح العب ، أنا رايح الشغل ٠٠٠
قالت ” ألماسه ” بتصميم طفولي :
_ جايه معاك يعني جايه ٠٠ هقعد في الشغل معاك ٠٠٠
تحرك ” سفيان” وركب السياره متجاهل إياها ٠٠٠٠
ركبت هي سريعا بالمقعد الأمامي بجانبه ٠٠٠
نظر لها ” سفيان” قائلا بجديه :
_ انزلي يا بنتي اخلصي أنا مش فاضي ٠٠
هزت ” ألماسه” رأسها رافضه وهي تقول بعند:
_ مش نازله ٠٠٠ هاجي معاك خلاص الموضوع انتهي !
تحدث” سفيان” قائلاً بنفاذ صبر :
_موضوع إيه إلي انتهي انزلي يا بنتي اخلصي بلاش شغل عيال !!
ارتخت ” ألماسه” في جلستها واغمضت جفونها قائله بأصرار :
_ برضوا مش نازله٠٠٠
أشار ” سفيان” لها قائلا بتبرم :
_ طب هتيجي ازي بهدومك دي ؟! ، ده إنتي مكنش عجبك تلبسي العبايه فجأه كده هتخرجي بيها !!
فتحت جفونها و قالت بابتسامة عريضة:
_ هو أنا مقولتلكش ؟!
تسأل ” سفيان” قائلا بتوجس :
_ قولتلي إيه ؟!
أجابت ” ألماسه ” بهدوء متناهي :
_ انا وانت قبل ما نروح الشغل بتاعك هنعدي علي أي محل اشتري منه هدوم ٠٠٠
قال ” سفيان” باستنكار :
_ نعم ده على أساس أني فاضي ليكي ٠٠٠انزلي يا ألماسه واتهدي في يومك ده أنا مش فاضيلك ٠٠٠
هزت ” ألماسه ” رأسها رافضه بعند شديد ثم وضعت رأسها على المقعد واغمضت جفونها قائله :
_ أما نوصل صحيني !!
٠٠٠٠٠٠٠٠٠٠٠٠٠٠
“في أحد سيارات الأجره”
تجلس ” زهره ” في المقعد الخلفي تنظر من نافذة السيارة وتبتسم بشرود وهي تتذكر الرساله التي أرسلها لها “مراد” اليوم في البدايه ترددت كثيرا في تلبية ما طلبه منها في الرساله ولكن قلبها من دفعها إلى تلبية ما طلبه ٠٠٠٠
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
تجولت ” ألماسه” في محل الملابس الذي دلفوا إليه ٠٠٠٠
اختارت ” ألماسه ” مجموعه من الملابس ثم التفت إلي ” سفيان” الذي يقف ينظر في ساعته ٠٠٠٠
قالت ” ألماسه” بنبره عاديه:
_ هقيس دول واجي ٠٠
رفع ” سفيان” بصره وهز رأسه قائلا بحزم :
_ بس بسرعه عشان اتأخرت ع٠٠٠٠
توقف عن الحديث عندما لمح أحد الفساتين التي تحملها ٠٠٠ فعقد حاحبه بشده وقال بنبره جاده :
_ وريني الحاجات الي اختارتيها كده ٠٠
ابتسمت ” ألماسه ” ووضعت الملابس التي بيدها على أحد المقاعد ثم حملت أحد الفساتين ورفعته بيدها أمامه قائله بتساؤول :
_ إيه رأيك في ده ؟!
نظر ” سفيان” الي الفستان بذهول فقد كان قصير ٠٠٠ تحدث ” سفيان” بتساؤول مصطنع:
_ هو ده فستان ؟!
اومأت ” ألماسه ” برأسها إيجابا وهي تقول بابتسامه :
_ ايوه فستان ، لونه حلو مش كده ٠٠ ده هيبقى جميل عليا ٠٠٠
ابتسم ” سفيان” قائلا :
_ هو هيبقي جميل فعلا ٠٠٠ بس مش عليكي ٠٠
قالت ” ألماسه ” بعدم فهم :
_ يعني إيه ؟!
وضع ” سفيان” يده في جيب بنطاله قائلا بصرامه :
_ يعني الفستان ده مش هنشتري ٠٠٠ وقبل ما تكلمي أنتي جايه معايا يبقي تسمعي كلامي ، ثم انك مش قولتي انك هتغيري طريقة لبسك ؟!
مطت ” ألماسه ” شفتيها ووالقت نظره على الفستان قائله باقتناع :
_ عندك حق الفستان ده هيبقى قصير فعلا ٠٠٠ وانا قررت بجد أغير طريقه لبسي ٠٠٠
وضعت ” ألماسه ” الفستان والتقطت بلوزه قائله بحماس :
_ طب إيه رأيك في دي ؟!
التقط ” سفيان” منها البلوزه وتفحصها بعيونه ثم ظهر الامتعاض علي وجهه وهو يقول بنفي :
_ مش حلوه !!
تسألت ” ألماسه” قائله بحيره:
_ ليه بس دي بلوزه عاديه؟!
لوي ” سفيان” فمه قائلا بسخط:
_ ملهاش أكمام يا استاذه !!
ردت ” ألماسه “قائله بنزق:
_وانا برضوا مقولتش اني هتحجب ،دي بلوزه محتشمه شويه !!
قال ” سفيان” بنبره ساخره:
_ طبعا لازم تكوني شايفها محتشمه !!
قالت ” ألماسه ” بعند :
_ أنا هاخدها أنا حره وشايفه انها مناسبه !!
انكمشت ملامح ” سفيان” وقال وهو يكز على أسنانه:
_ وأنا برضوا حر ٠٠٠ يا إما توافقي على إلي هقولك عليه يا إما هرجعك المزرعه ومش هتجي معايا ٠٠
دبت ” ألماسه ” بقدمها في الارض والتقطت منه البلوزه ووضعتها على المقعد باهمال قائله بغيظ :
_ مستبد !
التقطت بنطال وابتسمت قائله بثقه :
_ ده بقي مفهوش مشكله !!
نظر له ” سفيان” قائلاً باستحسان :
_ يعني كويس أحسن من الفساتين ٠٠٠
توقف عن الكلام والتقط البنطال منها قائلا باستنكار :
_ ايه القطع الي فيه ده؟!
قالت ” ألماسه ” شارحه :
_ دي الموضه يا سفيان ٠٠ الموضه أن البناطيل تبقي مقطوعه من عند الركبه ٠٠٠
ردد ” سفيان” بسخط:
_ قولتي إيه يا ختي ،موضة إيه ٠٠٠ لا ده زفت مش موضه
هتفت ” ألماسه ” باستياء:
_ بس عاجبني أنا ٠٠٠ وهاخده
قال” سفيان” بتحذير:
_ يبقي مش هاخدك معايا !!
لوت ” ألماسه” فمها وقالت بضيق:
_ وعلي إيه ٠٠٠ بلاش اخده مع أنه جميل٠٠
التقطت فستان أخر طويل وقالت بثقه :
_ اظن ده بقي مفيش فيه غلطه ؟!
حرك ” سفيان” رأسه قائلا باستحسان:
_ ايوه ده حلو ومحتشم ٠٠٠ جربي ٠٠
صفقت ” ألماسه ” بيدها وانفرجت اساريرها وقالت بفرحه :
_ أخيرا حاجه عجبتك ٠٠ الحمدالله ده أنا كنت فقدت الأمل ٠٠٠ انا هروح بسرعه اقيسه أحسن تغير رأيك ٠٠٠٠
أنهت جملتها ثم ركضت باتجاه غرفة القياس ٠٠
ارتسمت ابتسامه خفيفه على وجه ” سفيان”!
٠٠٠٠٠٠٠٠٠٠٠
ترجلت ” زهره” من سيارة الأجرة وهي تمسك هاتفها بيدها ونظرت إلي الهاتف تقرأ الرساله مره اخرى ” زهره انا عايزك تتعرفي على مهره أختي كويس ، عياده مهره في **** ارجوكي تجي هي حابه تتعرف عليكي ”
٠٠٠٠٠٠٠٠٠٠
“في عيادة مهره”
كان” مراد ” يقف بين الفساتين يتحدث في الهاتف قائلا :
_ صهيب حاول تأخرهم شويه ٠٠٠ زهره زمانها جايه ٠٠٠٠ اتصرف ، خرجهم في اي حته ٠٠٠ماشي اقفل ٠٠٠
أغلق الهاتف واستدار ينظر إلى خارج العياده
لمح ” زهره ” تخرج من المصعد ٠٠٠ تلقائياً ارتسم على ثغره ابتسامه رائعه ٠٠٠ ثم ذهب سريعا و اختبيء خلف أحد الفساتين ٠٠٠
أخذت ” زهره تنظر حولها حتي توصلت الى العياده ولكن ارتسم على ملامحها الدهشه وهي تدلف إلي العياده الذي بابها مفتوح ٠٠٠
قالت محدثه نفسها بصوت عالي :
_ هي شغاله دكتوره ولا فاتحه محل فساتين ٠٠ أنا شكلي جيت غلط ٠٠٠ بس ازي ده مكتوب علي الشقه إسمها ٠٠٠٠
_ مغلطتيش ولا حاجه ٠٠٠ هو ده العنوان الي المفروض كنتي تكوني فيه من زمان اوي ٠٠
كان هذا حديث ” مراد ” الذي بدأ يقترب منها ببطء والإبتسامة مرسومه على ثغره ٠٠٠
انتفضت ” زهره ” و استدرات سريعا ٠٠٠ اتسعت عيونها بصدمه وهي تري ” مراد ” ٠٠٠
وقف ” مراد ” أمامها وأخذ يتأملها بنظراته العاشقه والمتلهفه لرؤية وجهها الذي اشتاق له٠٠
ظهر على ملامح ” زهره ” الدهشه وارتفعت نبضات قلبها وهي تري ” مراد” يقف أمامها و قالت متعلثمه :
_ هو ، في إيه؟!
تقدم ” مراد” خطوه أخري منها وقال باشتياق وعيونه معلقه يعيونها:
_ في أنك وحشتني و عايز اتجوزك ٠٠
تفاجأت ” زهره ” وأحمر وجهها خجلا وخفضت بصرها٠٠٠٠٠
_ إيه إلي بيحصل هنا؟!
كانت هذه جملة” نوال” التي دلفت داخل العياده وخلفها ” مهره” و”صهيب” ٠٠٠٠
٠٠٠٠٠٠٠٠٠٠٠٠٠٠٠٠٠٠٠٠٠٠٠
خرجت ” ألماسه ” من غرفة القياس وهي ترتدي الفستان الذي كان رائع عليها ، قالت بثقه:
_ حلو مش كده يا سفيان ؟!!
تأملها ” سفيان” و دق قلبه ونظره لها بأعجاب، ولكن لا يعرف لما شعر بالضيق من فكره أن الناس سوف ينظرون لها بأعجاب مثله ٠٠٠
دارت ” ألماسه ” بالفستان والإبتسامة مرسومه على ثغرها ٠٠٠
انكمشت ملامح ” سفيان” عندما لمح الفتحه الكبيره الموجوده في ظهر الفستان فقال بنفور :
_ لا مش حلو ٠٠٠
تلاشت ابتسامه ” ألماسه ” وقالت ببلاهه :
_ مش انت من شويه قولت أنه حلو ٠٠٠ غيرت رأيك ليه تاني ؟!
قال ” سفيان” بتهكم :
_ انتي مش شايفه الفتحه الي في طهر الفستان !!
قالت ” ألماسه” بتعجب :
_ ايوه مالها ؟!، دي فتحه صغيره !! ٠
صاح ” سفيان” باستنكار :
_ صغيره ؟! ٠٠٠ امال لو كبيره بقي شكلها كان هيبقى عامل إيه ؟!
تأففت ” ألماسه ” وقالت بتذمر وهي تجلس على أحد المقاعد :
_ يوه بقي أنا زهقت ٠٠٠
تدخلت أحد الفتيات التي تعمل في المحل ووقفت أمام ” سفيان” وهي تتأمله بنظرات إعجاب واضحه وقالت بنبره رقيقه :
_ حضرتك ليه مش عاجبك الفستان ٠٠٠ ده حلو اوي على اخت حضرتك٠٠٠
هبت ” ألماسه” واقفه ووقفت بجانب ” سفيان” ووضعت يدها في خصرها قائله بحنق شديد :
_ اولا أنا مش أخته ٠٠٠ ثانياً وأنتي مالك أصلا ٠٠٠ ثالثاً بقي الفستان فعلاً مش حلو ٠٠٠ رابعاً بقي روحي شوفي شغلك يا حلوه وسبينا نختار براحتنا ٠٠
شعرت الفتاه بالأحراج الشديد وأحمر وجهها وقالت معتذره :
_ أنا اسفه ٠٠ بعد اذنكم ٠٠٠
نظر ” سفيان” إلي ” ألماسه ” باستغراب ثم تحدث قائلا بعتاب :
_ كلمتيها كده ليه ؟!٠٠٠٠ كانت بتحاول تساعدنا !! ٠٠
نظرت ” ألماسه ” الي ” سفيان ” بضيق ٠٠٠ هي نفسها لا تعلم لم تصرفت هكذا كل ما تعرفه أنها شعرت بالضيق الشديد من نظرات الفتاه له ٠٠٠
تحركت ” ألماسه ” في المكان وتجولت ببصرها حتي وقع عيونها على بلوزه طويله باكمام طويله ٠٠٠ التقطت البلوزه، واختارت بنطال مناسب ٠٠٠ ثم ذهبت ووقفت أمامه قائله بهدوء :
_ دول بقي مناسبين !!
تفحصهم ” سفيان” بعيونه ثم حرك رأسه أيجابا قائلا بنبره جاده :
_ اه كويسين ٠٠
٠٠٠٠٠٠٠٠٠٠٠٠
دلف ” سفيان” ومعه ” ألماسه” الي داخل المستوصف ٠٠٠
اقتربت أحدي الممرضات من ” سفيان” قائله بنبره سريعه :
_ دكتور سفيان عايزينك في غرفة العمليات ٠٠
قال ” سفيان” بنبره جاده وهو يشير إلى” ألماسه”:
_ خلي الانسه معاكي ٠٠٠ أما أخلص شغلي
استغربت الممرضه ولكنها هتفت قائله بنبره مهذبه:
_ حاضر يا دكتور ٠٠٠
تحرك ” سفيان” مغادرا تارك إياها مع الممرضه ٠٠٠٠
لكنها صاحت فجأه بصوت عالي لفت أنظار كل الموجودين :
_ سفياااان استني خدني معاك متسبنيش لوحدي !!!
توقف “سفيان ” مكانه واغمض عيونه وأخذ يستغفر بصوت خافت ثم نظر حوله بحرج من نظرات الناس و استدار سريعا واقترب منها قائلا بانفعال خفيف:
_ بتعلي صوتك ليه ؟! ٠٠٠ عجبك كده الناس كلها بتبص علينا ٠٠٠
خفضت ” ألماسه” من نبره صوتها قائله :
_ اعملك إيه ما أنا عايزه اجي معاك ٠٠
قال ” سفيان” بنفاذ صبر:
_ تجي معايا فين تاني؟! ٠٠٠
قالت ” ألماسه ” باختصار:
_ ادخل معاك أوضة العمليات !!
قال ” سفيان”بصوت عالي :
_ نعم يا ختي ، أوضة العمليات إيه إلي عايزه تدخليها !!
التفت جميع الأنظار لهم مره اخرى ٠٠٠ مما جعل ” ألماسه” تهتف بانفعال مصطنع مقلده إياه :
__ بتعلي صوتك ليه ؟! ٠٠٠ عجبك كده الناس كلها بتبص علينا ٠٠٠
نظر ” سفيان” حوله وقد شعر بالحرج ٠٠ التفت مره اخري وقال بغيظ :
_ تعالى معايا ٠٠٠٠
٠٠٠٠٠٠٠٠٠٠٠٠
جلست ” ألماسه ” علي أحد المقاعد الموجوده أمام غرفة العمليات ٠٠٠ وكان يجلس على المقعد الذي بجانبها شاب ما ٠٠٠
شعرت ” ألماسه ” بالملل فسألت الشاب قائله:
_ أنت تقرب إيه للمريض الي جوه ؟!
أجاب الشاب بخفوت:
_ اخوه !!
هزت ” ألماسه” رأسها بتفهم ٠٠٠ثم أخذت تنظر حولها بضجر ٠٠٠٠
بعد مرور بعض الوقت
خرج ” سفيان” من غرفة العمليات ٠٠٠
ذهب الشاب باتجاه وتسأل بلهفه :
_ طمني يا دكتور ؟!
قال ” سفيان” بنبره روتنيه والابتسامة تزين ثغره:
_ اطمن العمليه نجحت !!
تدخلت ” ألماسه ” في الحديث وقالت بفخر :
_ طبعاً لازم يطمن مش أنت الي عملتله العمليه يا سيفو ٠٠
رمقها ” سفيان نظره ” حاده ٠٠ ومال برأسه يهمس لها وهو يكز على أسنانه:
_ سيفو مين الله يخربيتك ٠٠٠
تقدم أحد الأطباء الذي كان يراقب ” ألماسه” منذ أن كانت جالسه أمام غرفة العمليات ٠٠ قال ببلاهه وبصره معلق “بألماسه”:
_ جوزني اختك دي يا دكتور !!!
يتبع