قصة روابط للكاتبة |جوهرة السلطان

الفصل التاسع

بقلمي:جوهرة السلطان

اقبل رجعتك بس عندي كومه شروط
اولهن تردلي سنين محسوبة ……
وثانيهن شبابي الهدر بين اوراق
وسهر ذيج الليالي المالهن حوبة
وثالثهن دموعي الصبن بفركاك
على كل دمعة افصلك فصل منهوبة
ورابعهن تروح تسكت الشمات
وتكلهم حيل احبه وابقى محبوبة

منقول

*******
ايام مرت على رجعت ندى حاولت تتجاهل حكيم
وتمرمر كلبه بس مكدرت لان تحبه نست كل الجانت
مقررة تسوي وهي تشوف اهتمامه وحرصة عليها
وعلى ابنهم تدري بي كاعد يحاول يمحي السواه
كللها التردي يجرالج ..متريد تستغله تعرفه مراح
يقصر وياها كانت هادئة بتعاملها ويا لان بالاصل هذا طبعها تحب الهدوء بحياتها ومتتعصب الا اذا احد حاول يأذيها ويجرحها .
_نداوي شنو رايج نطلع للمول ومناك نروح مطعم
خطية حماده اشوفه متضايق صار جم يوم محبوس
بالبيت .
_اي والله ملاحظه عليه واخاف حكيم ميقبل
_احجي ويا مراح يرفض بالعكس هو بسلامته
يحب يفر بحماده المولات والالعاب ..
دخلت لينا للمطبخ وسمعت حجيهن .. دخيلجن
وين تردن بالولد والله من هبطة الكسر احس شكل عندي سكر بعدين خالو يمكن اخذله غفه شفته مدد يم حمادة بغرفة ماما
_ولج ام لسان الولد مخنوك من البيت نريد شوي
يتونس يشوف عالم مو اله يلعب
_ماما عوفي بعد اسبوعين او اقل يفك الجبس
وفرفرن بي
_هههههه والله ضحكتيني وين نفرفر هههه
_اي عيني مرة خالو اضحكي ربي يديمها عليج
يلا اني اروح اكعد اشوي بالحديقة وهم اخابر صديقتي واذا قررتن الروحة انه حاضرة لان فعلا اريد اغير جو.
طلعت وامها دحكت على ندى الجانت مبتسمة
_ملسونة على اساس متحب الطلعة
_عيني جانت متعودة على الدوام وملتهيةهسة
جاي تحس بخنكة يلا ان شاء الله تتزوج والله يرزقها ابن حلال يصونها ويسعدها
_اامين ياربي تدرين نداوي شكد شايلة همها هالبنية الطلعت بيها من الدنيا واريد الله يسعدها
دحكت ندى عليها وشافتها مهمومة..سلمى ترى انتي ولينا بعيونة مخليجن وشوفة عينج حكيم يعاملها
عبالك بنته
تنهدت سلمى يمه بعد روحي من عمري على عمرة
هو احنه نمشي بزود ابو محمد الماحسسها باليتم
هو كل اهلها الله يحفظه النه
_ان شاء الله …ام لينا بعدهم عيالج ميسألون
ولو ماريد اكدر خاطرج.
_ترى تعودت يمعودة هو بس بقى عمها وابنه واثنينهم سافروا العام لالمانياسمعت من جيرانهم حتى مااتصلوا علية وعمتي توفت قبل سنتين الله يرحمها بس هي جانت شويه عدها حنية
اشو من توفى ابو لينا الصارلة ١٥ سنة الله يرحمة
وجيت كعدت عد اهلي ما يوم ذكروني ولينا فطنت على حكيم وابوية وامي وجانت تصيحه بابا
_اي الله يرحمهم الحجي والحجية حكيم هواي
حاجيلي عليهم وعلى حنيتهم وطيبهم
_نداوي مو لان اخوية وادافعله ترى حكيم والنعم منه رجال معدل بكلشي من جان صغير اهلي معتمدين عليه… وهو سودة علية شاف هواي تعب
من ورى وظيفته كلها خطورة وبنص الموت شكد
حاولت ويا يعوفها اشو عدنه خير من الله املاك
وحلال الحمدلله بس ميقبل لان يحب شغلة
وشكد فرح من جته ترفيعة مفاجأة هدية من الحكومة من لزم خلية ارهابية جبيرة .خطية
جان فرحان بالرتبة يكول هاي طفرة مال سنين
لان بوكتها جان توه شاد رتبة مقدم
..ندى تشوف ام لينا شلون تحجي بفخر عن اخوها
خطية لان هو سندها وكل اهلها .بداخلها دعت الله
يحفظه من كل شر لان فعلا هو سند هالبيت
انتبهت لام لينا … اريد اصير فضولية واسالج
مر اسبوع من رجعتي هسة شنونها علاقتكم.
ابتسمتلها ندى..شتشوفين .
_والله اخوية وجها منور وينكط فرح ههههه اكيد
راضيته .غمزتلها بتك حاجب
ندى استحت وخدودها احمرت ..لا عفية ليش
يروح عقلج لغير شي
_شنو الشي الراحله عقلي هههههه يمه صارت حمرا
لازم هواي مسوين وكاحة اي عيني خل اخوية
يعوض مال ٣ سنين
كامت ندى مستحية والنبي بعد ما اكعد يمج اذا تحجين هيج دنكت راسها وطلعت عالسريع وجان
تلطخ بصدر حكيم الجان مبتسم لان سمع حجي اخته..حضنها عبالك مصدك ..الله الله على كيفج يابة دحك على اخته الخربانه ضحك
وجر ندى وهو حاضنها واتقرب على اخته..هاا سلمى دووم الضحكة ان شاء الله شبيج انتي ونداوي
..ندى تريد تعوفهم وتنهزم لان تعرف طبع سلمى
من تنصب عليها بس شلون بحكيم بعده حاضنها
عبالك ممصدك يلكى فرصة حتى يتقربلها
_اي عفية باخوية السبع كضها زين بحضنك جانت
تحجي عليك ..رفعت راسها متفاجاة ..صدوك تحجين .
دنك عليها وهي بحضنه ..لا نداوي تحبني متسويها
مووو
_ لا بس كالت والله اني راضية رجلي ومريحته
شهكت ندى ودفعت حكيم الجان لازم روحه وجسمه
يهتز بضحكه وطلعت من المطبخ
جر كرسي وكعد ..خطية عوفيها مو تدرين بيها
تستحي من هاي السوالف بعد متنزل منا لباجر ههههه
وتبقى مطنكرة علية واني ماصدكت راضيتها .
كعدت كباله .. ياا هاي انته سمعتنه هههه خلها تتعلم شنو مزوجةوعدها ولد
_ياا شتتعلم هو انتي ناصبة عليها
_هههههه اريدها ترجع وياك مثل قبل ادري طبعها مستحانية بس اريدها تريحك متبقى مبعده نفسها
_يابة والله مريحتني بس عوفيها بحالها
_جاا شريد انه اهم شي مريحتك . بقت مسلطة نظرها عليه وكملت تريد تختبره ..شو جنها صايرة مايعة مو ذيج نداوي احسها فاهية .
صفن عليها وسال..ليش متساعدج بالشغل
ضحكت ..لهلوبة ومعدله وشغلها نظيف بس احسها فاهية بس تتصفن .
_لا مابيها شي بس هي هادئة وهاليومين حيل عاجبتني
_ههههههه جا شريد انه ترى جنت اشاقيك نداوي مثل النسمه دير بالك عليها
_وانه اكول شبيها سلمى كاعدة تخربط بالسوالف
هههه من الاول اسأليني وفضيها
_جا اكدر اسأل مباشرة غير اطكني بخزرة من عينك
كلت خل الف وادور احسن
ابتسملها يدريها تحجي بصالحة .

اكول عيني شنو رايك نطلع مول بعد شويه خطية حمادة ضايج
_هاي هيه حضروا نفسكم ساعة ونطلع بس شوفي حماده جان نايم .

دخلت لغرفتها وخدودها مشتعلة ياربي هاي سلمى هالايام تلح هواي اووف شكد خجلتني اكيد حكيم سمعنا هسة عباله احجي لاخته سوالف الغرفة
يووو شلون افهمه هسة .انتبهت جهازها يرن المتصل
هند سلمت عليها
_هلاو حبيبتي شلونج
موزينة عمه فدوه تعالي
_اسم الله شبيج
_بعد يومين ثلاثة مدري والله شكد بس حيجون يخطبوني وعلى اساس عقد سيد

سمعتها تبجي وبقت تهدي بيها ..باجر من الصبح اني يمج لاتكدرين خاطرج ..
احس روحي مخنوكة شلون ياربي شلون هيج يصير بيه
_اسمعيني روحي توضي واقري قرأن حتى ترتاحين وباجر جايتج .
يلا انتظرج مع السلامة
سلمت وسدته خطية هندة والله صعبة تزوج واحد متعرفه ومتريده ااخ ياراشد ليش على هذا غصبتها
رن جهازها فتحته ..ها ام لينا
_ولج هذا صوت وحدة ضايجة لاضوجين مني هههه يلا حبيبة جهزي روحج بعد اقل الساعة ونطلع
_ لا عيني مضايجة اكولج حكيم قبل

جاا شلون هو يكدر يرفض ونداوي تريد تتونس.. _ديلا هو ياهو الاقترح الطلعة مو انتي
اي والله لخاطر حماده يلا بعد روحي اجهزي
ولاتاخذين على خاطرج ترى جنت اشاقيج شفتج ضايجة وحبيت اونسج
_ادري بيج والله ليش اني اكدر ازعل منج
هسة دقايق وانزل.

فعلا جانت الطلعة حلوة وخطية حمادة تونس لان صعد لعبتين مو خطرات على ايده وحكيم جان يراقبه تعشوا بالمطعم واكلوا مرطبات ومن حماده كام يغفي قرر حكيم يرجعون ..حكيم صافن
جان يراقب ندى شكد يعجبه لبسها بدون ميكللها
تلبس باناقة وكولش مستر حتى حجابها مضبوط
ووجها متخلي بي بس شي بسيط مرات يتفاجىء
من اصدقائه يسولفون على نسوانهم وشلون يعاندن
بشغلة اللبس والمكياج وبداخله يحمد ربه لان زرقه
بزوجة هادئة وحلوة ورقيقة مثل النسمة .

****

ثاني يوم حكيم وصلها لبيت ابو علاء هية وحماده والتحق وقبل ميروح وصاها تخلي بالها على روحها وعلى حماده.
_لاتخلي يلعب هواي خاف ياذي ايده .
حجت وهي تفتش جنطتها ادور موبايلها خاف ناسيته..ان شاء الله.
_اكلج ابن علاء حيل وكيح خاف يطخه على ايده
ديري بالج .
طبعا ندى ساكتة وحكيم يحجي والله اكل راسي
لو مبقيته يم لينا وامها احسن .
_من تشوفي ضاج ارجعي للبيت الحجي يوصلج
لاتاخذين تكسي ..مو وياج اجاي تسوين .
رفعت راسها ..موبايلي عبالي ناسيته
سيادة العقيد عندك اوامر بعد ترى اعرف احافظ على ابني.وابن علاء يادوب ٣ سنوات يعني بينهم فرق
عصر عيونه وبقى صافن عليها .
لملمت شفايفها وحجت ..هممم كاعد تفكر بأمر جديد
تنهد وذب حصرة ..ندى ليش تعتبرينه امر جاي اوصيج على ابنا وانتي شفتي شلون صاير نحس من ورى الكسر
_ادري بيك مهتم بحماده وتخاف عليه
_وانتي ممهتم بيج لو بس حماده دحك بعيونها
يدور جواب لسؤاله.
تبسمتله ونبضها تسارع من شافت نظرة الحنية بعيونه ..احب اهتمامك بيه ماانكر هذا الشي
_ماماااا انزل
التفتوا اثنينهم على حماده الكاعد ليورى
_يلا بابا خل انزلك لاتتعور
نزل من السيارة وراح ينزل حماده ها بابا اوكف هنا لاتمشي خل انزل الجنطة وادخل ويه ماما مو تروح تركض

حاجته ندى يدخل بس مقبل ..غير مره تأخرت يلا الحك عالدوام ..سالته باهتمام بين بصوتها..
_شوكت تنزل
_ليش تسألين مو زين تخلصين مني حجاها بضوجة ومتعمد
شهكت وحطت ايدها على صدره ..اسم الله عليك
والله سالت حتى نحضر نفسنا اني وحماده ونرجع قبل يوم
دحك على ايدها التتلمس بصدره متعوف طبعها
شكد جان يكوللها لاتحط ايدها عليه كدام الناس
بس تسويها لا اراديا .
_ولج ايدج مناك العالم ..انتبهت وضحكتله وهي تسحب ايديها ..يووو شبيك والله ممتعمدة
التفت لحماده ودنك باسه من خده وشمه حيل
_اوووف شلون ريحة طيبة يلا بعد ابوك ادخلوا هواي طولنا هاي امك ادور غراميات بالشارع
ابتسمتله وحجت بهمس.. احبك
عض شفته ندى ادخلي واستري على روحج
والحسين ارجعج للبيت وحتى الدوام اضربه
ضحكت واخذت جنطة الملابس الصغيرة
_هههههه روح حبيبي الله معاك .

من دخلو تلكتهم ام علاء تهلي بيهم ..هلا هلا بالجاي
على خواله يمه فدوه لحماده بوستهم وكعدن بالمطبخ ..اكوم اسويلكم ريوك بيبي حماده انت تحب البيض
لزمت ايدها وكعدتها ..يعمري ام علاءوالله اتريكنه
كامت وفتحت الثلاجة ..خل اطلع عصائر
قدمتلهم ورجعت كعدت سألت ندى ..ابو محمد شلونه ليش مدخل وياكم …
_مستعجل عالدوام.
_شخبار ام لينا وبتها
_والله دزتلج سلام وتكول ان شاء الله ازورهم
_هلا بيها ام لينا وردة تنحط عالجرح يبرى
_شلونها هندة البارحة خابرتني وجانت ضايجة
_اوووف ياندى شحجيلج والله هالبنية خطيتها بركبة راشد لان غصبها عالزواج علاء يومية مسويلنه سالفة هو وابو لحد ما اضطرت تقبل حتى لاتخرب
علاقتهم .
_يلا اروح اشوفها .

_تلكيها فوك جاي تعزل غرفتها هي وريمة ..

_حبيبي كمل عصيرك …عيني ام علاء ديري بالج
عليه
دخل يزن يركض صاحت بي ..بيبي لاتوكع .

شمر روحه بحضن ندى الخربت ضحك ..فدوه
لحبيبي شو انطيني بوسة
بوسته وحجت ويه حماده ..ماما هسة اجي لا تعب بيبي

دخلت لغرفة هندة شافتهن يرتبن بالملابس سلمت
وبوستهن …
_نداوي شلون صار حماده بعدها ايده توجعه ..سألتها ريمة وكعدت يمها على السرير
_الحمدلله ولو مرات يضوج من التجبيرة وهسة ايده
كاعده تحكه ..ندة تحجي وعينها على هندة الرايحة بغير عالم.
_الله كريم هاي جاي تطيب..بعدها تقربت ريمة وهمستلها احجي وياها متشوفيها اليوم كلبت غرفتها
بحجة التعزيل واصلا ميحتاج غرفتها تنكط ورد
بس تريد تشغل روحها .
كامت وغمزت لندى ..يلا اني حنزل جوة هسة يزن
خبلها لخالة
وصتها ندى ..عليج الله لاتخلي يتقرب لحماده
خاف يعورة
_هههههه يمه فديته لوليدي الصاكرهم
_امشي ولج هو غير حكيم خبلني ديري بالج وعينج
عليه عود مكيفه ام الصاكرهم هو طوله شبر
_اي اي هسة انزل اخلي يشحط حماده من ايده المكسورة
كمزتلها ندى ..عزززا والقرأن حكيم يعدمنا خل انزل
اشوف وليدي بيت علاء متتأمنون
كل عقلها تريد تنزل لان تخاف على حماده واكثر شي
تخاف من حكيم شيخلصها يبوووو
جرتها ريمة الجانت ميته ضحك ..يمعودة اشاقيج
صدك تحجين والله احط حماده بعيوني فوتي اكوعدي يم هندة اني حنزل
نزلت ريمة خربانة ضحك تلكتها امها اباب الصاله
شايلة موبايل ..ضحكة خير ان شاء الله خاتون وين موبايلج نصير يكول ادك ومتشيلة
اخذت الموبايل ..يااا والله عفته بغرفتي هسة اتصل
_هو يتصل كال فد عشر دقايق يكول ميكدر ينزل
هالعطلة عندة امتحانات هواي يريدني اروحله
ديلا عود حاجي يكول مشتاق ليزن اريد احاجي ..

رحاب ابنها نصير عمره ٢٠ سنة يدرس طب بالاردن

_تعاي يمي هندة ليش هيج تسوين بروحج
كعدت يمها وبقت صافنه نصحتها ندى ..حبيبتي
كولشي بهالدنيا يسير بأمر رب العالمين صدكيني هاي
قسمة ربنا ضامها الج وبابا اكيد يريد مصلحتج
يعرفه خوش رجال وابن اصل وله تتوقعين راشد
يجبرج وانتي عزيزة كلبه .
_عمه كولشي ما اعرف عنه عايش بقرية اكيد هسة
متعصب ومتخلف .
_لااا هندة هاي انتي المثقفة هيج تحجين ترى مو كل
واحد ساكن قرية متخلف ومتعصب هسة الحياة
تغيرت او ولد القرى وصلوا شهادات ومناصب بالدولة
وعلى حجيج متعصب شكو بيها الرجال غيور بطبعة
ويريد يحافظ على المرة لأن يعتبرها شي ثمين..
هندة متوترة وتخاف تنصدم بالولد وبصعوبة كاعدة تتقبل نصايحهم .
_انتي شوفي احجي ويا تاخذين فكرة عنه ليش قبل
متشوفي مخليه هاي الافكار براسج
_بس علاء يكول مراح اكدر اعيش هناك لان شيعة
وطبعهم يختلف واني ممحجبة اكيد راح يجبروني
اسوي اشياء مااتقبلها .
ندى كولش ضاجت هذا شلون راح يخبل اخته
زمخت بيها ..ولج شنو هالاعذار التافهة اني مو زوجي شيعي يمووت علية وبس يريد رضاي وابد اي
تفرقة معندة بعدين علاء اغلب اصدقائه شيعة
ترى هذا مو سبب لان علاء حجى هيج يريدج ترفضين لا اكثر
بعدين ليش متلبسين حجاب شعرج طالع الناس تتفرج عليه ماادري ليش اخوج وابوج ميحجون
عالحجاب يلا ان شاء الله الشيخ يلبسج حتى نقاب
_عمممممة والله راح ابجي
كامت ندى وابتسمت يلا حبيبتي فكري بكلامي
صيري قوية ترى هاي النزاكة متنفع بالقرية ههههه
راح يسموج المايعة هههه والله يرادلج لينا تنصب عليج راسا تكولج ..جاا شمالج

ابتسمت هند على طاري لينا لان تعرفها من تنصب وتحجي جنوبي
_اي يروحي ابتسمي وان شاء الله خير .
يلا ننزل يمهن هسة يزوني لعب جولة هههه .

?????????

error: