قصة روابط للكاتبة |جوهرة السلطان
الفصل السادس
بقلمي: جوهرة السلطان
***********
خلت راسها على المخده بعد ما صلت الفجر
والافكار براسها تروح وتجي شلون وافقت
بسهولة هيج خوفي من المشاكل الراح تصير بين
علاء وبابا خلتني اوافق اني احب بابا واحترمه
واليكول عليه يصير معقولة اني ماعديمة شخصية
غيري يقرر حياتي لعد شلون كملت دراسة وتخرجت
اذا اني مااعرف اواجه المشاكل بس بابا ماكدر
اكسر حجايته وعلاء اااخ اااخ سوده عليه طلع مهموم لان ميكدر يعاند بابا ..
شكد مدللني ويحبني وميكسر بخاطري ماادري
ليش بهاي السالفة عاند وياي شلون يابابا ينطيك كلبك ترميني بمكان مااعرفه وتزوجني لرجال
مشايفته بحياتي غريب مااعرف شلون يتعامل
وياي طبعه شخصيته اكيد قروي متعصب مثل
مكال علاء من سالته عمة رحاب وخبرها انو عايش
بقرية تابعة للناصرية
متعرف الراح تتصرفه وطريقة تعاملها ويا
اني المدللة بنت حجي راشد هيج ازوج زواجة
هسة يلا عرفت عصبية علاء وقهرة بس اني ما
عندي جرأة اواجه بابا …محست غير دموعها
مبلله المخدة تنهدت بحسرة ياربي شلون هذا الرجال يقبل يتزوج من وحدة مشايفها بحياته شلون يقبلها على نفسه اكيد ماعنده شخصية واهلة يتحكمون بي
ههه على اساس اني محد اتحكم بيه ..
_ياعيني اسم الله عليه وهسه شلون صار
..والله ياام علاء بس يبجي ومجلب بامه
الدكتور قبل شوي اجى شافه يكول ميخالف
لان ايده مجبسة ويحس عليها ثكل
_يبو يندى منين طلعتلح هاي السالفة
زين شلونها ويه ابو محمد هم حجت ويا
_يااا غير لو تشوفيهم شلون يسولفون بحالت
حماده وكل شوي وسالته حكيم عليك الله
مكال شي الطبيب خاف بي شي حماده
وهو يردلها ياكلبي والله وضعه زين لاتخافين
وتبقين موهوسة
_الله يصلح حالهم وان شاء الله حماده يخليها
ترجع
_اي اكيد لان هسة جاي تقنعه يجي لبيتنه
وحماده مطنكر الا ويه بابا
يلا عيني سلميلي
_ها ام علاء خير من الصبح شايلة موبايلج
_يا غير حماده خطية واكع ومكسورة ايده
_لا والله وينه هسة
_اكعد اتريك واسولفلك حتى نروح نطمن عليه
ابيت حكيم لان حماده معاند يريد يم ابوه
_وندى شلون بيها ام راس اليابس
_لا تشيل همها رحاب تكول كسرة حماده خلتهم
متقاربين ويسولفون سوى
_الله يصلح حالهم
***
دخلت ندى شايلة علاكة الادوية وعيونها على حكيم الحاضن حماده وصعد بي لغرفته
منطاها كلبها تكسر بخاطر ابنها من توسل بيها
يروح ويه ابوه من شافته يبجي قبلت تجي وتدخل
للبيت الطلعت منه مضروبة حاولت تبعد هاي الافكار
السودة لخاطر عيون حماده بس والله يا حكيم
الا افته لكلبك مكيف لان رجعت عباله انسى
يلا لخاطر ابني
انتبهت لرحاب ..شبيج صافنه ياعيني دروحي
اصعدي لابنج لاتظلين فاهية يحظي
تنهدت بحركة وصعدت بخطوات ثكيلة
كل ركن بهالبيت بي ذكرى خلتها حزينة اكثر
شافت الباب مفتوح متريد تدخل ياربي والله
كلبي ميتحمل حجت بنترة واضحة خلت حكيم
يتغاضى لان يدري بيها جتي وياهم مرغمة
…ليش هنا جبتى خلي بغرفته
_هنا يرتاح اكثر
عافها صافنة ويريد يطلع حاجته ..وين تروح
_اسبح ريحة المستشفى صطرتني
دحك بعيونها وحاولت دير بنظراتها لان جاي يوترها
_ندى دحكي بعيوني
تقرب اكثر وهمس يم اذنها وحرارة انفاسه اربكتها
_نورتي بيتج يكلبي
عافها لان يدري بيها انتهت
وصاح حضريلي ملابسي
رمشت بعيونها وخلت ايدها على كلبها تسمع
دكاتة
_ماما تعاي
انتبهت وجتي عليه بوسته بخدوده ..حبيب ماما
ااحضر ملابس بابا واجي اخليك بحضني
_لا عيب اني كبرت
شمته من شعره وضحكتله..يااا هذا منو الكبران
يمه فدوه للسبع
_ماما وبابا بس تكلولي سبع
حضنته على كيفها حتى لا يتأذى ..سبع يعني اسد
وانته اسدنا
_ماما ابقى هنا حبابة ماما
مكسرت بخاطرة لعبت بشعره خربطته ورجعت
رتبته..خلاص يعمري التريده يصير اهم شي
تكون سعيد
انتبهت لحكيم دخل لاف المنشفة على خصره
والتفت لغير جهة
_اكول حماده منين متعلم هذا الطبع
ابتسملها واخذ ملابسه الداخلية و دشداشة لبسها تدري بي يحب لبس الدشاديش
شمر المنشفة عليها..من شابه اباه فما ظلم
اخذت المنشفة وشرتها عالباب وعاكدة حواجبها
تضوج من هاي حركته الميبطلها ابد يدريها
تتنرفز من يشمرها بالخاولي وهي ممنتبها
ههه ضحكت ويه روحها على حالها مناسية ادق تفصيل بحياتهم وتريد تبعد على اساس البعد ينسي
صدك ثولة
انتبهوا على لينا من خبرتهم بيت حجي راشد
موجودين بالصالة
حكيم مشط شعره وخله العطر ..وسمع ندى .كوليلهم يصعدون يشوفون حمادة
_انتظري لينا خل انزل اسلم عليهم
بقى يدحك بوجه ندى الي انسحبت وكعدت على الجرباية متريد تنزل يدري بيها تخجل من اخوها
لان جان يلح عليها ترجع وهي دك عناد
حجى بهدوء ..ارتاحي لان مبين التعب عليج
واني افهم الحجي سبب رجعتج
دنكت راسها وبلعت غصة
عافها ونزل عافها ميتة خجل شراح تكول لابو علاء
الياما نصحها ترجع وهي مسمعت كلامه
ياربي والله فشله
حطت راسها على تاج الجرباية وغمضت تحس ماعدها طاقة وحيلها بايد
هلا هلا ابيت الحجي …نزل حكيم يهلي ويرحب
شو هنا كاعدين ام لينا ليش مو بالاستقبال
جاوبه الحجي وهو يسلم عليه قابل احنه غربه
ابتسم حكيم ..لا والله انتوا اهل
سلم على الكل ورحب بيهم
حجي راشد حيل يحترم حكيم ويحبه حتى علاء
_شلونه وليدنا خوما متاذي
حجالهم حكيم شلون انكسر حماده
اخر شي فهم الحجي على رجعت ندى
دك الحجي بايده على جتف حكيم ..يابة المرة مرتك
والصار حضرة شيطان اعوذ بالله منه
وخطيه حماده يظل متلوع ترى حيل حساس
صرح علاء ..بعد منو يكفخ يزن هههههه
والتفت على يزن اليفتر بيناتهم ويخزر بعيونه
ضحكوا على حجايته
وردت امه ..يمه علاء لاتقهر يزوني شوفه شلون يخوزر
جره علاء وحظنه تعال بابا انت بطل
بعدها كاموا يشوفون حماده
تحمدوا لسلامه حماده ورادوا يرحون بس حكيم
مقبل واصر عليهم يبقون عالغدا
اشر لام لينا واخذها للمطبخ ..يابة لاتسوين كلشي
هسة خابرت المطعم ويه الاذان يوصلون الاكل
_هاي هي بس خل اسوي حلاة كاستر على
كيك بارد
_شوفي انتي بعد هذا شغلج وتعرفيله
دحكت بوجها وتشوف فرحة مكتومة
_ها ابو حماده اشوف القلب مرتاح
ابتسم ..والله سلمى مااكلج ممرتاح بس وضع حماده
قلقني وندى تدرين بيها رجعت لخاطره
_ميخالف يابة ترى ندى تحبك بس راسها يابس
تنهد بحركة ..ادري بيها تحبني جا ليش صابر
عليها
_ربي يديم فرحك وسعادتك بجاه ابو عبدالله
_يلا حبيبة انه اروح اكعد يمهم عيب طولت
بعد ما وصيج بعد اخوج
طبطبت على جتفه ..اطمن بعد اختك وطوايفها
التريده يصير
بعد فترة التهت ام لينا بالمطبخ بعد ماضيفته عصائر
وكيك ..سوت كيك بارد وبلشت بالكاستر
_عيني ام لينا لاتعبين روحج احنا مو خطار
ابتسمت لرحاب وام علاء وندى الدخلن وياهن لينا
_يااا صدك تحجن والله اهل واعز بس هاي شوية
حلويات
جرت ام علاء جفجير الخشب ..جيبي حبيبة اساعدج
اخذته منها وبدت تحضر بالكاستر
وهن يسولفن بعد ما سون كعده عالميز
سالتهن..ندى نزلت لو فوك
_فوك وبقت ريمة يمها ..الله يهديها لو تشوفيها الفجر
والله تبجين على حالها
_تدرين حكيم رغم مقهور على ابنه بس فرحان برجعة ندى
حجت ام علاء بعد مكملت صب الكاستر بالمواعين
وكعدت يمهن..والله الحجي فرح من سمع برجعتها
بس هي مبين خجلانه منه لان جان يلح عليه
وهي تعاند
_ربي يسعدهم ..ها يحبايب نروح نصلي وبعدها
نبلش نقدم الغدا
ضحكت لينا ..ماما وين غداج
_يااا هو خالج الله يحفظه متفق وي المطعم وهاي اوامره
_اي سيادة العقيد يامر واحنه النفذ
حجت ام علاء ..عيني ليش تكلفون على نفسكم
هالموجود واحنه اهل
_على بختج تردين حكيم يثور البيت
حجت رحاب..والله عاد ابو محمد معدل وكريم
_شبيج نداوي ليش مهمومة شوفي حماده فدوه
شلون انطلق ويه يزوني
_ريمه انهبطت عليه ولهسة الرجفة بكلبي
وكلها بجهة ورجعتي بجهة
_لا ندى ليش هيج تفكرين انتي راجعة لبيتج ولرجلج
اليحبج وابنكم خطية شوفي شلون فرحان
تدرين توني وديتلهم عصير اسمعه يسولف ليزوني
يكوله ماما حتبات هنا بعد متروح
_ااه لعد اني ليش رجعت لخاطر حماده هاي فرحته
تسوى الدنيا عندي
_يلا عيني الغدا حضرنا بس ناقصنا تشرفونه
ضحكت ريمة ..هههه ليونة نفس سوالفج
متتغيرين
_على كولة خالو جا ماتغير ههههه
صاحتها ندى ..تعاي ام الجا وين خليتو الغدا
_بالاستقبال مديناسفره شكبرها خالو مقبل ماما تطبخ وصى من المطعم
ابتسمت ندى يلا لعد خل انزل حماده خطية
يبقى وحده
بهالاثناء دك الباب الجان مفتوح بس لان ريمة موجودة مكدر يدخل..
_تعال خالو ..
_جيت انزل حماده يتغدى ويانه
جاوبته ندى ..توني دا انزله
حاوطها بنظرات مهتمه..لا ثكيل عليج متكدرين
تنزلين بي من الدرج.
_يووو وترحين توكعين وتنكسرين وتعال ياحكيم حير باثنين
خزرها خالها فابتسمت اسم الله اسم الله على نداوي
سحبتها من ايدها وطلعن ..متبطلين سوالفج
_جاا انه شكلت
_هههههه والله دمج عسل
_طبعا طالعة على خالو ..وغمزتلها ونزلت سريع
التفتت ريمة لندى ..ههه صدك على كولتج دمها عسل
الكل كعدو يتغدون بس لينا استحت من علاء
لان قليل شايفته وما عدها ميانة ويا مو مثل الحجي
سمعت خالها يصيحها ..تعاي بابا ليش وحدج بالمطبخ
_لا خالو والله استحي
_شنو قابل اول مرة تاكلين ويه الحجي تذكرين من
يجينا وتكعدين تسولفين ويا
_مو استحي من ابنه
_ههههه لا لا تستحين يلا بنيتي
عيب الحجي مقبل ياكل الا تكعدين وياهم
تغدوا ولينا كعدت بين امها وندى الجانت كاعدة
ويمها حماده الجان فرحان كاعد بين امه وابوه
الغدا جان خيرات الله كباب ودجاج شوي ومقبلات
وكبب وزلاطات ولبن
المهم تغدوا وشربو جايات وراحوا
الحجي تشكر من حكيم وصا يدير باله على ندى
وجاوبه حكيم ..ندى احطها بعيوني
حجت ندى لريمة ..مثل ما وصيتج دزيلي ملابسي
وملابس حمادة واني بعد كم يوم اجي اخذ الباقي
ودعوهم ودخلوا ندى حجت ويه لينا ..حساعد ماما
بغسل المواعين روحي يم حماده.
_عيني صعده خالو فوك اكيد بعد ميحتاجني
وهسة الكاهم نايمين
_ديلا لعد خل نظف المطبخ
_صار عيني انتي تامريني واني انفذ
ههههه دتعاي شلون ملسونة
_جاا اعجبج انه
_شعندج اليوم ويه الجا جلبتي
_احبنها
غسلن المواعين ونظفن المطبخ ندى مقبلت ام لينا
تغسلهن بعدها حاجت لينا ..حبيبتي طكت روحي
من العباه الاسلامية طلعيلي من ملابسج لما اجيب غراضي.
_عمه ترى عندج ملابس بعدهن بالكنتور
تفاجأت ندى فردت لينا والله مرة جاي ارتب ملابس
خالو وشفتهن
تذكرت ندى يمكن من عصبيته بوكتها منتبهت شاخذت وياها يلا جي وكتهن
_ديلا عيني اروح اسبح وارتاح
صعدت الدرج وسمعت ام لينا ..يمه نداوي نامي
اشوي ارتاحي
_اي والله لان تعبانه
دخلت الغرفة بهدوء شافت حكيم ساند روحه على المخدة وبحضنه حماده نايم
حست بخجل وهي تروح تفتح الكنتور
وفعلا على حجاية لينا ملابسها موجودة
طلعت دشداشة جويتي نص ردن واخذت داخليات
والمنشفة وطلعت للحمام
حكيم محاجاها يشوفها مستحية غمض عيونه
ياخذلة غفه
ورى فترة حس وشافها مددة بالكاع بس مخدة جوة راسها ونايمة كام من الفراش وراح يمها شافها
طامسة بنومها انحنى وشالها بهدوء ونومها عالفراش
يم ابنها لامس شعرها الرطب ودنك عليه وشم حيل
وباس خدها وطلع سد الباب عليهم .