قصة روابط للكاتبة |جوهرة السلطان

الفصل السابع عشر

بقلمي : جوهرة السلطان

لعيونكم ولعيون متابعتي حرف م راح انزل فصل جديد بالليل …كولش اعتذر والله العظيم منةالساعة ٣ جاي احاول انزله بي خلل التحميل .

اشكر كل من يتابعني واتمنى للذي يشاهد ويقرا القصة متابعتي فضلا وليس امرا?

******

جان الغدا شي يلوك ابيت الشيخ سالم وضيوفه
وبعد الغدا كعدت ام جعفر بصف ام لينا عرفتها
مرة اخو الشيخ من يوم العرس ام جعفر مرة طيبة
وحكانية والكل يحترموها ..خية انه شفت بنيتج
الله يحفظها وحيل دشت عقلي وكلبي رايدها
لوليدي ولاتكولين امه وتحمده هو زلمة
معدل وصاحب نخوة واذا عالمالات امير ضابط وراتبه زين ابوه مايقبل ياخذ من راتبه يكله اجمعه
بس هو الله يسلمه يصرف ايده بايد ابوه
والله يحفظه اخوج مديره ويعرفه زين ويشهد الله
انه حبيت بنيتج من شفتها.
ام لينا متريد تحرج المرة مبين عليها طيبة ومحترمة
هي شافت الخير والعز العايشين بي بس متريد بنتها تبتعد عنها ..عيني حجية كلشي بالقسمة .
_خية ندري قسمة انه اريدن تنطيني كلمة منج.
ام لينا انحرجت ..تردين الصدك بنتي ماريدها
تبعد عني شلون ازوجها بمكان بعيد.
_والله اخلن امير يجيبها الج من يلتحق لدوامه
واحطها بعيني ومانقصر منها .
ام جعفر مخلت مجال لسلمى درت بيها مترددة
فحبت تضغط عليها..لاتوكفين بقسمة بنيتج
الله مايرضاها البنية يتيمة وجايتها خوش قسمة
لاتكولين ابنها وتحمده والله امير ينحط عالجرح
يبرى هسة اخليج تشوفينه ويسلم عليج اذا قبلتي.
_ههههه شيخلصني من ابو محمد .
_مايحجي ابو محمد والنعم منه زلمة معدل امير
كل حجيه عليه يحبه ويحترمه.
صاحت على امال حتى تتصل بأمير تريد تحاجي
شوي وامال انطتها الموبايل ..هاج عمه.
ام لينا صافنة عليها من تحجي ويه ابنها
_يمة اموري تعال شوي بالطرمة اريدنك بسالفة
لاتتأخر.
انطت الموبايل لامال المبتسمة.
وكامت وهي تحجي..يلا خية تعالي وياي.
انحرجت سلمى يبووو شيخلصني من حكيم اذا
عرف.
راحت وياها ولينا انتبهت على امها وبقت بس ادحك
عليها لما طلعت من الاستقبال.
امير جان واكف يم باب المطبخ ومدنك راسه ومنطي ظهره للباب من سمع صوت امه التفت وشاف مرة
تمشي بصفها رأسا عرفها سبحان الله العائلة كلها
صاكة الخال وابنه والام واااخ بوية من البنت ..تعال
يمه سلم على ام لينة .
امير شوي انحرج هههه والله يمه عليج سوالف بس
خل استفاد..حي الله بيها شلونج خالة ان شاء بخير
سلمى دحكت عليه شافته شاب مرتب وماشاء الله
عليه شلون شايل وسامة ..اهلا بيك ابني شلونك
يمه .
_الحمدلله ربي يحفظج.
_ويحفظك عيني اخذ راحتك اترخص اني.
_مرخوصة كل الهلا بيج.
راحت ام لينا وام جعفر جرت امير من ردن الدشداشة دنك على امه ماشاء الله هو طويل طالعين على الاب وام جعفر كصيرة شاورتة
حتى ليسمعن البنات بالمطبخ ينظفن ..ها شفت
البت عجبتك لا.
مد ايديه ورفع راسها وباسها بكصتها وشمها حيل
_عليج العباس قنعيها شلون شايله جمال اتكتل
من شفتها دولبتني .
ابتسمتله ..روح يمه جعلها من نصيبك بجاه الحسين.
رجعت ام جعفر يم النسوان ومن شافت ام لينا
صافنه ..الله يوجه الخير .
ام لينا من شافت امير عجبها حيل مرتب وحجايته
معدلة بس مشكلتها متكدر على بعد لينا.
قررت تحجي ويه حكيم ولينا والله كريم.

البنات راحن لبيت الشيخ حسان لان الشيخة عالية
طلبت من ليلى تروح وياهن حتى يشوفن بيت الشيخ حسان رحاب وام علاء مراحن كالن احنا
شفناه بوكت الجابن جنط الملابس وغراض هند وام لينا جانت تسولف ويه ام جعفر
وانظمت الشيخة عالية يمهن .

_حلو كولش مرتب والاثاث يخبل راح اصوره لعلاء
حتى يطمن ههههه.
ندى رزلتها ..ولج عيب شيكولن علينا.
_عمه شبيج تدرين علاء شلون ينك براسنا
خل اصدمه شوي.
ليلى انتبهت لحجيهن بس محبت تدخل البنية وصارت مرة اخوها .
ندى دخلت لغرفة النوم وهي تسحب هند وصاحت على لينا..ليونة عينج على الجهال هاي ريمه مطفية.
حماده ويزن يفترون ويه البنات ويزن لازم يظهر مواهبه يكمز بالغرف حماده عالواهس بس شوي
اخف منه.

اشرتلها عالقنفة ..تعالي اكوعدي وسولفيلي
احسج ضايجة حتى ماما انتبهت عليج كلتلي شوفيها احسها ضايجة.
كعدت هند وحجت بصوت مخنوك عبرة ..حسان احسه ضاج مني وزعل عليه.
عكدت حاجبها ..ليش اكيد اكو سبب .
تنهدت بحركة ومحجت.دنكت تلعب بحلقتها.
ندى مسكتت ..ولج الرجال ليش ضايج خاف متنطي
حقه .
رفعت راسها ..لا والله بس ..بس هذا من ظمن السبب
_هنده احجي شكو خوفتيني.
_عمه والله استحي شأكول .
_ولج لاضوجيني صرتي مرة مزوجة عليش هالخجل
قابل راح تحجين على ليلة العرس ههههههه
شوفي وجهج شلون احمر.
حبي هنوده لاتستحين حتى اذا اكوشي اساعدج.
حجتلها على ليلة البارحة ندى مقاطعتها خلتها
براحتها تحجي وتشوفها شلون مرتبكة وخجلانه
_هههههه بس هيج يمعودة تلكينه ميت على قربج
هسة بس انوب اي شي تحسينه وتردين تحجين
كوليله لزوجج تناقشوا بيناتكم من خلال كلامج
مبين مثقف ويحبج هههه ليش لا وين يلكى هيج جمال ونزاكة يعدين احجي وياه ياخذج للدكتورة
حتى تشوف وضعج ترى هذا شي طبيعي اغلب
العرايس يمرون بي.
سألتها مبتسمة..الله عليج هم مريتي بهذا الشي.
ندى حبت تتناقش وياها توعيها ..يوووو حكيم
بوكتها موتني ميقبل اطلع من الغرفة حتى سفرتنا للشمال كولشي مفتهمت منها هههههه تتعودين
اهم شي اكسبي زوجج واسمعي كلامه ادري بيج
عندج طكات عناد بس هذا الشي لاتخلي يأثر على علاقتج ويا.
وصدكيني واحجيلج عن خبرة هسة يجي يدور
رضاج فأنت اسبقي واتقربيله فهمي تردين ترحين للدكتورة لان حالتح تعبانة كوليلة شغلات نسائية
وهو يفهم ادللي عليه ههههه لاتصفنين بوجهي
اي ادللي واتغنجي ترى الزلم يحبون هيج شي
_اكيد ابو محمد دايخ بيج
_ولج لو تشوفي من ينزل بالاجازة عبالك لاول
مرة يجي بلهفة وشوك
_الله شكد حلوة علاقتكم الله يسعدكم يارب.
_يلا خل ….مكملت كمزت عالسريع من سمعت
صرخة وطلعن يشوفن شكو ..هذا صوت لينا
ولزمت كلبها النغزها ..
صرخة لينا خلت الكل يطلع ….
يزن يكمز بالبيت بعدين ضاج وطلع هو ومحمد
شافو المرجوحة وصعدو بيها لينا جانت منتبهة
لحمادة ومن لمحته من شباك الهول الي يشرف عالحديقة صعد بالمرجوحةالجانت حاطيها بالممشى امنت حتى ميروح
بعيد فكعدت على كرسي التخم صافنة عليهم
شافت يزن كام يتسلق بالحديد واثنينهم واكفين
كلبها لعب من يزن يدرون بي حيل حرك
راحتلهم عالسريع بعدها ماواصله صرخت بخوف
من شافت يزن دفع حمادة على اساس يريد هو
اليتسلق قبل حماده الوكع عالكاشي مال الارضية
بجى متوجع والدم اخذه الضربة جانت بكصته
ندى من شافت دمه ينفض اصفرت ورجليها صارت
خيوط تريد توصله متكدر لينا حاضنته وتبجي
بحركة وتحط ايدها على الجرح ميوكف الدم

بهالاثناء الزلم سمعوا صرخة وهوسة برا وطلعوا
امير وخالد من اشرلهم الشيخ وعيونه صارن
بكصته لان سمعوا صوت مرة وعدهم ضيوف
امير عالسريع ركض من شاف لينا حاضنه حماده
وتبجي وندى تأشر بيدها وصوتها من الخوف
ميطلع نزع شماغه ولفه على راس حماده الجان
فاقد ..لاتبجين والله مابي شي .
_لك عيني شلون مابي شي مجاي يتحرك

خالد رجع للمضيف وكال واحد من الوليدات طاح
من المرجوحة
حكيم نهض وسأله بدون ميعرف منو الوكع ..ياهو
الطاح سويلي طريق اريد اشوفه

******

تحياتي للجميع.