قصة روابط للكاتبة |جوهرة السلطان

الفصل العشرون

بقلمي:جوهرة السلطان

سلام عليك على رافديك عراق القمم

فأنت مزار وعز ودار لكل الامم…
????????????????????????????
*******

دخل للبيت كولش تعبان منايم من البارحة تحقيقات
دك لان لزموا جم ارهابي وكدر يحصل اجازة وقتية سلم على اهله المجتمعين
بالصاله بوسهم لان جم يوم مشايفهم وشمر روحه عالقنفة التخم .
ريمه ركضت للمطبخ جابتله مي بارد تدري بي من
يرجع زهكان والجو حار انوب يعيط بيها.
يزن جان يلعب من شاف ابوه كمز عليه خلاه بحظنه
ويبوس بي ..اوو لك شنو هالريحة الطيبة عضة من خده خفيف ويزن خربان ضحك ومد ايديه
وحظن ابوه بركبته ..فديت اليحب ابوه
شو تعال اكوعد بصفي طلعله موبايله وفتحله
لعبة
الحجي اعترض ..بابا ليش تعلمه عالموبايل
موزين كم مرة كتلك لاتخلي سويتله واهس
ابتسم علاء الابوه اول مره بعد سالفته بزواج
هند لان كضاها عصبي وميتواجد بالبيت
اتصل البارحة عليها لان حيل جان ماخذ على خاطره
بزواجها ومحاجاها بس من رجعوا امه حجتله
عليها شكد فرحت بهديته ولبستها رأسا
كلبه نغصه ومن اتصل وسمع شهكتها باذنه
حيل انقهر ..علاء حيل يحب هند ويتخبل
اذا احد يغثها لو يشوفها مقهورة وصاها تهتم
بروحها واي واحد يغثها تنطي خبر لاتظم عليه
واي شي تحتاجة تتصل يدري بيها فاهية
يربي شلون ادبر روحها بنصهم عالم تصرفاتهم
وحياتهم تختلف يعرفهم زين القضايا الجوة ايده
دائما ثارات ومشاكل وكم قضية وصلته من الناصرية
زلمهم ميتفاهمون دمهم حامي الشيخ سالم يعرفه
رجال خير بس حسان مملتقي بي هواي والتقرير
الوصله عنه خلاه يشفعله شوي لان كله كلام مدح
وتقدير بحقه….لاتستغربون من علاء لان يدور ورى حسان سوا اتصالاته بجماعه يعرفهم وجابوله
تقرير عن العائلة ..بعد هذا طبع علاء هههههه
استخبارات وانتوا تعرفون.

(احترامي وتقديري لاهل الناصرية كلهم نخوة وشهامة ..لكن هذا تفكيره ورأيه الشخصي لعلاء)

شرب المي بالكلاص ورجعه لريمه .
_احضرلك الغدا بينما تسبح .
_روحي صبي كولش جوعان
يزن كعد بصف ابوه وبقى يلعب باللعبة

خلت الصينية كدامه عالطبلة وراحت كعدت
كام غسل ايديه ورجع كعد يتغدا
جان الاكل طيب تشريب دجاج وتمن احمر
يحب هذا الاكل وخاصة اذا ثريد .
_عاشت ايدج يووم.
ابتسمتله امه بحب ..الف عافية ماما هذا طبخ ريومة
رفع راسه لزوجته الجانت صافنه عليه وهز راسه

الحجي ملتهي يسمع اخبار بس اذنه يمهم يدري
بابنه بعده مغثوت.
_ماما علاء اليوم اجازتك لو نازل استراحه
_استراحة بعد يومين اجازتي .
_زين لعد حتى نعزم هندة وزوجها .
مرد عليها خلص غدا وراح غسل ايديه
تلكته ريمه بكوب الجاي خزرها هاي شلابسة.
انخمش كلبها لان تخاف منه دحكت على لبسها
ورفعت راسها..برمودا وعريضة اصلا.
_مو محذرج متلبسين برمودات من تنزلين جوة.
_والنبي نسيت يزن خبلني بس اركض ورا
حتى مصعدت فوك بعدين شكو بيها ياحبيبي.
شرب من الكوب وصفن عليها.
دنكت تدري معبرت عليه سالفتها ..بس هي صدك
مثولة من يزن طول الوكت عينها عليه تدري بعلاء
يخبلها كولشي ولا يزن.
_روحي حظريلي الحمام وطلعيلي بدلتي المرقط
ساعتين وراجع
_هسة حصعد بس اخلي الصينية بالمطبخ.
_بعد لاتنزلين صاعد وراج وغمزلها .

ضحكتله .. صار يروحي انت
يدحك عليها عالسريع ودت صينية الاكل وصعدت
بعد ماوصت عمتها على يزن.

كعد يشرب الجاي التفت الحجي عليه..مريت على بيت ابو محمد
_لا وين عندي مجال من اطلع العصر امر عليهم
بس خابرت ندى تكول زين مابي شي باجر يسحبون
الخياط.
صفن على يزن وجان مبتسم يدري بأبنه وكيح
بس بعده طفل وخطية حماده وكع بيها.
_حكيم يريدنه وياه بعد جم يوم يجون يخطبون
بنت اخته.
_ان شاء الله ..من عمام ابو محمد اعتقد البنية
عدها بس عم ومسافر هو وولده من زمان
_ابن عم حسان تعرفه لا امير ضابط بمكافحة
الارهاب
رفع تك حاجب ..ياحبيبي ال عمران مسوين
تحديد على بنات العائلة
علاء علاقة قوية بحكيم واهلة ويعتبرهم عائلة
وحدة حس بضوجة كام وهو يكول وين عرفها
ردت امه..بعرس هندة شافتها اخت حسان
تصير زوجة اخو وعجبتها والولد اصلا صديق
حكيم.
_يلا اسمحولي اني اروح اسبح وارتاح شوي
لان ارجع للدوام.
_روح يمه ارتاح يعيوني انت

*****

ندى كولش تعبانه تحس مالها واهس الهبطة
خلت جسمها تعبان دحكت على حماده البارحه
المضمد رفع الخياط والحمدلله اليوم يلعب .
_اوووف فدوه لحبيبي ..بوسته لينا وكعدت
بالصالة يم ندى
اكولج عمه نداوي هم حجى خالو على هذا الولد
عفية اني خايفة يطلع ملعب ودايح واروح
ابتلي .

عدلت ندى كعدتها عالقنفة.. لايعيني شلون تكولين
دايح والله اذا سمع حكيم يخبلج ترى امير صديقه
صح فرق عمر هم بس من زمان يعرفه
_اها يعني قريب لعمر خالو حلو هيج لان ماحب
يكون بكد عمري ههههه وحبت تغيض ندى
تدري بيها.. هههه عبالي شايب لان كلتي صديقه
لخالو حكيم.
كرصتها ندى بزندها ..انجبي ولج فديته لحكيم
شباب ووسامه وهيبة .
_اووووي عمه وجعتيني ..وكامت تفرك بزندها
صار احمر مكان الكرصة لان بشرتها بيضة رأسا
يبين بيها اثر..شلون ادافع لرجلها بس صدك فديته
لأبو محمد الصاك هيج هيج فخامه
ندى كارصة عيونها ودحك عليها شلون تشمر
بأيدها وتحجي
اكولج خالو ترى دخل الاربعين مو ههههه
_اكولج ليش متسكتين مابيه حيلج.
_نداوي شبيج جاي نكضي وكت بالسوالف
لو ضجتي لان خالو شايب هههههه
كامت ندى وسحبتها لان عصبتها شكد فطيرة
_على اساس متدرين عمره ٣٨ شو كومي من يمي.

ضحكت لينا ..ههههه يااا اليسمع بي عقيد بالجيش
يتخيله شايب والله هههه بس خالو الحلو سبع
وحصل رتبته من وكت خطية جماعتة يراوحون
بمكانهم بعد يمكن خمس سنين يلا يحصلونها
ندى دفعتها ..روحي من يمي والنبي مالي خلكج.

بطلت لينا ضحك..شبيج عمه بالعباس جنت اشاقيج
شفتج مالج خلك.
ندى اصفر وجها وداخت رجعت كعدت عالقنفة
ركضت لينا على امها جانت تعزل بالمسواك جابه
الحارس ..ماما تعالي بسرعه عمه ندى مدري
شبيها
ذبيت سلمى العلاكة عالميز وطلعت ورى لينا
شافن حماده يفرك براسها هي نايمه عالقنفة
حماده بخوف عمه شوفي ماما.
طمنته ..لاتخاف وليدي ماما زينه
تعالي لينا اخذي حماده
_حبيبي امشي بغرفتي افتح بلاي نلعب اني وياك
مقبل ورجع كعد يم ندى.
سلمى مسدت على كصتها عادي ماعدها حرارة
عيني ندى شتحسين .
ندى كوه يطلع صوتها..دخت وجسمي تعبان
شوي اصير زينه لايظل بالكم.
من شافت حماده خايف ويدحك بوجها مدتله
ايدها وحضنته باسته من خده .حبيبي اني زينه.
_كومي اخذج للدكتورة ..مقبلت تروح بس
سلمى اصرت عليها ..ميصير ياعيني شوي
يجي الليل تخربطتي مرة ثانية .
_سلمى خليني هسة اصير زينه

سلمى اتصلت على حكيم تدري بعنادها
راسا رد عليها ومن خبرته بحالة ندى كللها خل احاجيها.
مدت الموبايل لندى..هلاو حبيبي.
_شبيج يروحي ليش اتخربطتي .
ندى تحب كميه الحب واللهفة بصوت حكيم من يحاجيها ارتاحت من سمعت صوته..شوي
دخت هسة راحت الدوخة.
_حبي راح اخابر عالحارس يجي يوديكم لازم
ترحين
_حكيم ماحب الجنود البسيطرة مااصعد ويا
لو اموت .
عصب عليها ..هاي ثاني مرة تنتقديهم جدامي
الولد ممقصرين عينهم عالشارع وحامين المنطقة
تردين اغير مكانهم من يم بيتنا شلون بيج
راح اخلي الولد اليجيبلكم مسواك يوديكم
ديري بالج ترحين بتكسي .
ومن ارجع افتهم سالفة كرهج للحرس
اخابرج من ترجعين من الدكتور لان بالي راح يظل
عليج.
يلا حبيبي ديري بالج على روحج وبوسيلي
حماده .
سدته وانطته لسلمى.
رجعت مددت ماعدها طاقة
يربي مدري شبيه اااخ وانوب يلح بسالفة الحرس
ندى تكره بس واحد بيهم لان جانت عينه زايغة
ومتدري جا امر بنقل خارج بغداد.
متريد حكيم يعرف لان عصبي غير يروح يذبحه

كوة سحلت روحها مالها واهس تبدل لبست عبا
اسلامية ولفت شالها
نزلت شايلة جنطتها وصت لينا على حماده
من شافها لزك وياهن ..حبيبي ابقى هنا..لزم ايدها
_عفية ماما اروح
ندى كلش مالها خلك تحجي اشرت لسلمى
_حبيبي ماما مريضة لاتعبها ومراح نتأخر
شو لينا تعالي اخذي محمد واقفلي الباب ورانه.
محمد بقى يبجي ومن شافهن طلعن من الصاله
تهستر .
حماده متعلق بأمه وانوب شافها مريضة حس
بالخوف…ركض على تلفون لينا مخليته عالشاحن
وعالسريع فتحه..والله اخابر بابا ..يحجي ودموعه
مغركه خدوده..
حكيم رأسا فتح خط لان باله يم ندى ..وسمع
بجي ابنه كلبه انخمش…لك بابا شبيك
حماده من شافهن ماكو كام يشاهك وكوة يطلع
الحجاية..مااخذتني ماما ….اريد وياها
تنهد حكيم ..ابني اسكت لاتبجي خل افتهم
وين تريد تروح.
_ويه ماما
_ميخالف ابوية انت هاي انت السبع مالتي
هيج تبجي
لازم الموبايل وايده ترجف ..بابا اخاف
حكيم انقهر عليه هاي شمسويات بي عايفات
يبجي وخايف شنو السالفة .
انطيني لينا منو يمك بابا هاي وحدك
شوي وسمع صوت لينا ..هلو خالو شلونك
كولش عصب وصوت حماده بأذنه من يشهك
ويبجي..شبي الولد عايفاته يبجي ويكلي خايف
راحن وعافنه شلون هيج خليتنه والحسين اجي
احرك سلفاجن صدك جذب شبيجن مطفيات
لينا تضرب على خدها خفيف خايفة من خالها
_فدوه خالو والله نداوي كولش تعبانه ومالها
خلك وحماده يريد يروح وياهن منو ينتبهله
ماما طلعت لازمه عمه ندى كوة تمشي.
هسة اني اسكته .
اني نازل قدمت اجازتي راح اتصل على امج اشوف
لياطبيب راحن ديري بالج على محمد كليله بابا جاي
ديلا خالو روحي انتي هسة .
لينا فهمته راح ابوه يجي علموده فشوي سكت

يم الدكتورة بعد ماالسايق ذبهم كال لسلمى راح يبقى ينتظرهم هاي اوامر العقيد …
سلمى كاعدة بالانتظار وندى دخلت يعرفوها للدكتورة
من قبل يراجعون عدها هي وريمه .
ورى شوي طلعت شايلة ورقة تحليل كملت التحليل وكعدن ينتظرن من سمعت اسم ندى راحت سلمى جابت التحليل ودخلت وياها

قرت الدكتورة ورقة التحليل .
ابتسمتلها ..مبروك عيني حامل
اني شكيت من البدايه اعراضج مبينه وهسة تفضلي
للسونار خل اتأكد كم شهر .
سلمى خطية من سمعت طكتها بهلهولة حيل فرحانه
اخوها يرادله خلفه سند وعزوة اشو بس حماده
ومنفوس يوميه متعور .
ندى كولش فرحت مجانت متوقعة لان دورتها تأخرت
كم مرة وحللت منزلي مطلع شي بس هالمرة لان
جانت تعبانه من صابتها هبطة حماده نست روحها
طمنتها الدكتورة وانطتها علاج فقر دم عدها ويسببلها دوخة وصتها تغذية زينه لاتهمل روحها
والحمل عدها شهرونص .
دك موبايل ندى فتحته بعدها كاعده يم الدكتورة
_هلاو عيني
_طمنيني ابوية انتي هسة انه بالشارع الرئيسي
ليادكتورة رحتي.
_نفسها الاراجع عدها دكتورة سلوى .
_دقايق واني يمكم.
سدته واخذت الوصفة مالت العلاج وطلعن.
سلمى باركتلها ..يعمري الف مبارك والله اليوم
فرحتي ماانطيها خل اخابر حكيم ابشره ليش مكتيله
دتعالي لا ترحين توكعين.
باب العيادة صادفهن حكيم شاف الوجوه فرحانه
رأسا سلمى تقربت وشاورته .
التفت لندى تقدم عليها وجرها من ايدها شافها ذبلانه
هاي شصاير بيها عافها ٣ ايام هيج لكاها
دنك راسه وهمسلها ..مبروك يروحي يلا تعالي سيارتي بالباب .
كادها للسيارة صعدت وسلمى انطت الوصفة لحكيم
اتقدم السايق وسلم عليه بعدها خبره يرجع ويخلي
السيارة بالباب هو يدخلها للكراج
جاب العلاج وصعد سيارته بداخله حيل فرحان
وشكر الله لان رزقه بأطفال من ندى ااوووف وشلون
خلق هو بس حماده جنه طير ذهب
سمع سلمى الف مبروك عيني ان شاء الله ربي يتمم
عليها وتكوم بالسلامة
ابتسم والفرحة باينه بعيونه..تسلميلي خيتي الغالية.
ندى سانده روحها على المقعد وصافنه مالها طاقة
انتبهلها ..هسة تاخذين العلاج وتصيرين زينه
الصيدلي كال يراد تغذية ويه العلاج لان قوي .
ردت سلمى ..هي غير تاكل اشو صار جم يوم اكلها
قليل.
بصوت هادىء ..والله مااشتهي بس هسة راح اجبر
روحي خطيه هذا روح ولازم يتغذى لزمت بطنها
اصلا ممبينه لان ندى رشيقة وجسمها كولش حلو.
مد حكيم ايده وتلمس بطنها ضحك ..وينه هذا
خاتل شنو ههههه ممبين كولشي هذا يخاف من حماده.
ضحكت ندى وسلمى الكالت..هسة تشوف الغيرة
فوول لان حيل متعلق بيكم عاد انتوا ابقوا تختلو
من تردون تبوسو لو تلاعبوه
رد حكيم ..الله كريم الله يسهللها حملها ان شاء الله
لو هم تشلعين كلبي مثل حملج بحماده .
التفتت عليه من تذكرت شجانت تسوي بي خطية
وهو متحمل وساكت طكتها بضحكة اول مرة تضحك
من يوم سبعة هند .
سلمى مبتسمة وسكتت خلتهم براحتهم تحب تشوف
اخوها مرتاح ويه مرته وتدري بي يموت عليها
التفت عليها ورجع يركز بسياقته..هااا تذكرتي مو
اااخ شسويتي بيه
ندى تذكرت من جان يجي ينام يمها وحامها صار
بعطره تتخبل ولا تشمه جم مرة غيره ونفس الشي
تجبره يروح يسبح وجان مصادف شتا خلته يكره
روحه من يسبح باليوم مرتين ثلاث والدنيا شتا
تحلف بيها اضحكي شهامج انتي انه المبتلي بس يلا
الدنيا صيف عادي اسبح خمس ست مرات
شهكت ندى مستحية لان سلمى تسمع مدت ايدها
كرصته من زنده .
والحسين اذا تنساوتج مثل قبل اهج من البيت
مو نساوة هاي دمار لزلم
ردتله سلمى ..هسة عليش مفاول روحك امن عيني
هالمرة حملها فاهية مو مثل الاول لان بس تتمطرح
من جانت حامل بحماده جانت ممهتمه بس تتوحم
عليك ههههه
_جا ليش انه شايل هم لان وحامها بيه هههههههه
ردت عليهم..اي خوش صنفتوني لان تعبانه ومبيه
ارد عليكم .
بالبيت جانوا لينا ومحمد طايرين بالخبر ولينا
حياله سوتله واهس لحماده على هذا اخوك
وتسوي فريق وياه ههههه خلت حماده يتحلم
باخوه ههه
حكيم حجى عليهن لان عافن حماده يبجي وصاهن بعد لا يغثن خطيه ..شاف لينا مندمجه وتسولف
صاح بيها حكيم ليونه عوفي حماده دوختي
وحظري روحج عكب باجر يجون يخطبوج
فجر قنبلته على لينا الوجها احمر واصفر ..عزززا
ماما خالو صدك يحجي .
حكيم عافهن وصعد لغرفته يسبح .
سلمى راحت جابت مي حتى ندى تشرب علاجها
لحكتها لينا..ماما مو احاجيج
التفتت عليها..وخري ولج شنو انتي زعطوطة
الولد شفتي ماشاء الله عليه وبعد انطاه خالج كلمة
انتي مو جنت مقتنعة هههههه شفتي شلونه
على كولتج صاك والله انه كلت راح الولد يشرد
منج على خبالج من وكع حماده ادفعين بأيده
وتعيطين تخبلتي هههه خطية هو حاير شيسوي.
استحت من امها..ماما غير فقدت من شفت الدم
وحماده فاقد.
دروحي يم ندى خطية وهاج المي خل تاخذ علاجها
لما اسويلها لكمه هاي مداري روحها.

*******

اشكر كل من يتابعني ويقرأ لي

???????

error: