قصة روابط للكاتبة |جوهرة السلطان
الفصل الرابع
بقلمي:جوهرة السلطان
فضلااااا وليس امرااا صوتوا لقصتي.?
اذا كنت ذا شرف مروم
فلا تقنع بما دون النجوم
/////////////////////////////
ياشيخ..ياشيخ
التفت عالصوت وهو يمشي يريد يصعد سيارته الحديثة المركونة يم البوابة الجبيرة
سلام عليكم شيخنا
رد عالرجال باحترام ..وعليكم السلام والرحمة
ياهلا ياهلا بابو حمد
حجى بتعب وصوته مقهور..داخل على الله وعليك ياشيخ اريدنك تنصفني
_وصلت كول العندك وانه حاضر مايكون خاطرك
غير طيب
بعدين اشر للرجال يدخل للمضيف الجان مبني جدام
البيت بس عالجانب مساحة جبيرة وتحيطه حديقة من الامام مزروعة ثيل ومحاوطها اشجار ياس وفكس مسوية حاجز عن البيت الجبير
دخلو المضيف الشهد احداث من الفصول والنزاعات والمناسبات الحزن والفرح من عهد جده الشيخ علي العمران وبعدها ابنه الشيخ سالم الي رممة وضافله حمامات
كعد ابو حمد على كرسي منجد بقماش قديفة ارزق وذهبي وهو يدحج باركان المضيف لان يدخله اول مرة حجى بكلب ابيض..الله يعمره ويزيد كم خير
الشيخ ساكت يريد يسمع لابو حمد دحك عليه وابتسم بهدوء..ويعمر بيتك ان شاء الله
تنحنح ابو حمد خايف يشكي ومحد ينصفه
زلمة على باب الله ماعنده اذية على احد
_شيخنا احجي وتنطيني حكي
رفع الشيخ تك حاجب ..افااا احجي وبعون الله
الجاي عليه تاخذه وانه الشيخ حسان حجايتي متصير اثنين
_والله يشيخ انه زلمة على كد حالي كوة مدبر عيشتي من الكاع الزرعها وجم هويشة مربيها
وزلمك يشيخ جاي يكطعون الماي عن كاعي عبن انه
فقير محد بحالي وهاي جم مرة سووها
صاح الشيخ بصوت والغضب بين بوجه حتى ابو حمد خطيه بقى يدحج بخوف …ولك صلاح
…صلااااح
دخل صلاح ..أأمرني شيخ
الشيخ عيونة طايرة وصار نار من العصبية وكوة لازم روحه..من الكطع الماي عن كاع بو حمد
تردد صلاح شيكول وفز من زمخ بي الشيخ..يول
احجي منو اليجرأ وينطي راي وانه مدري مو فهمتكم متكطعون الماي ابد .
_والله يشيخ هذا عامر كطعه جم يوم
_مااقبل تاذون الوادم شنو ذنب خلك الله لو عامر بس الاذية وراه والله لو ابوي الشيخ هنا جان سوالكم سالفة.
تقرب من ابو حمد ودك على جتفه تطمن واي شي تحتاج انه حاضر وافرح من تكصدني
خطية ابو حمد تشكر من الشيخ حسان وظل يدعيله
بطولة العمر والله ينوله الباله
وطلع من المضيف بعد ما اكرمه الشيخ بظرف بي فلوس لان شاف حالته صعبة
ثبت عكاله وعدل شماغه …مدري ليش عامر هيج خبيث واناني
_ والله ابن عمك يحاول يقلدك وميعرف شلون ايتصرف بعد انت ادرى
_صلاح ادري بعامر ترى وعبن انت صاحبي وذراعي اليمين راح احجيلك …مرات يجيني احساس
راح يدبرلي مصيبة لان طبعه غيار وحقود اعوذ بالله
يلا انه اتوكل ارد اروح لابوي اطمن على صحته
_الله يشافي صارله ايام من ورى هالجلطة الصابت كلبه
_ايييه الله يشافي لو تشوف خالد خطية يكول راح اطك روحي حاولت ويا اظل يم ابوي وهو يجي البيت بس ماقبل
_هذا خويلد يضوج من سوالف المضيف والطلايب
يكلك خلن ابقى مرافك ابوي ارحم
_هههههه والله جبتها صادك ميحب الطلايب والفصول
يلا انه اروح وانت دير بالك هنا
_لاتوصي حريص الله معاك سلملنه عالشيخ وعلى خالد
بالمستشفى الاهلي قابل الطبيب المسؤل على حالة ابوه وشرحله وضعه وانه تعدى مرحلة الخطر وعليه التزام الراحةوباجر يطلع ان شاء الله تشكر من الطبيب ودخل لغرفة الراقد بيها الشيخ الي من شافه
تعال يبعد ابوك
تقرب حسان ودنك على راس ابوه باسة وباس ايديه
وهمسله اشتاكيتلك والله مجانك بالديوان خالي
كتبولك خروج باجر بأذن الله
كلها منتظرة رجعتك بالسلامة
لزم ايد ابنه وضغط عليها بحنان ولمعت عيونه بحب
واضح لابنه الجبير وحجى بصوت تعبان ..مطمن انه عبن وراي زلمة معدل ومهيوب
احنى راسه وباس خد ابوه بلهفة ..محدن يحل بمجانك انتة راعي الاولة وتاج راسنه
تقرب خالد وحظن حسان الي بادله السلام
شلونك يول والله البيت اظلم دونك
_ايييه انه ابن البطة السودة والملكى الحلو
لحسان وانه نازلي رزايل النهار كله
_ولك خويلد اركد ها ترى وليدك يبجي عليك
_عليك العباس يابوية بعد رويحتي عمار حبيب ابوه وجده
_ههههههه ولك شمالك تسودنت
_حسان الله عليك البارحة خابرت وكالو نايم
خافنه مريض
_اسم الله بيش مفاول عالصبي
خليته يلعب وكل العافية بي
_ ها بوية شلون تحس بروحك
_والله يبوك الحمدلله بس هالدكتور مجلبلبي
_يابة الدكتور يكول تعديت الجلطة بس لازمك راحة
..ايييه ماكتلي شلونها القرية ولد عمك زاروني
ويكولون حسان ممقصر
_الحمدلله
_ يابة مو اتفقنه البارحة بالليل تعوف كلشي لحسان
خزره ابوه ..ولك خويلد تريدني انحبس بالبيت
_والله يابة اخاف عليك
_يابة كل التريده يصير ومنتظرين طلعتك بالسلامة
صدك يابة امي دزتلك سلام جثير لو تشوفها شكد
خايفة عليك
_ها يبوي تتمهزل مو شو جتي تشوفني مرة وبعد ماشفتها وهي الوصلتني لهنا
_يابة حاول تفهم امي ترى جاي تظلمها تدري بيها شكد تحبك
_انه ما اظلم احد بس مرتن التوكف بوجهي وتعاند
حجايتي عبن اريد ازوجك والله يبوي امك كوية
خلتني اعصب وانجلط هذا عنادها الكاتلني شبيها
البنت الختاريتها انه حاجيت ابوها وانتهى خلاص
بعد عليش تعاند وانه حجيت وانطيت كلمة تريدني
اصيرن مضحكة واتنازل عن جلمتي والله ان عقلها صغير
_له له هاي الشيخة يبوي وكون تسمع يبوووو
يويل حالك يسالم وين تنطي وجهك تبيتك وحدك
بالمضيف
شمر حسان بطل الماي على خالد..ولك شبيك
وكام يعضله بشفته ويكرص بعينه ..تسودنت
_هاي شبيك شو عينك توجعك تغوص بيها
_ههههههه طيح الله حظك متبطل سوالفك
دحج على ابو الجان يراقب ملاسنتهم ومبتسم
_يابة امي عدها راي بالسالفة مو لان تعاند ولازم نحترم رايها
عقد حاجبه ونتر بحسان..وانت مساند امك ومتريد
توافق.
_لايابه موافق بس انه احترم امي
_يبوك هي زعلانة وتدور مشاكل وحجتها مشايفة البنت ومتعرف اطباعها يبوك تتزوجون وتتعرفون على بعض وعندك الحياة جدامك تعرفها زين
_يابه لاتهتم ولا تضايق روحك انه الراح اتزوج
والسالفة تخصني
رد ابوه وهو يمسح على وجها ومبين التعب عليه
..استعجل يبوك وكمل اثاث بيتك لان ورى طلعتي نروح نخطبها وراها الزواج شغلة مطول شهر ان شاء الله
كمز خالد وهو يشوف ابوه تعب ..يابة لخاطر الله
ارتاح والتريده يصير
_ولك لاتعاملني عبالك صكط
دنك خالد وباس راسه ..اسم الله اسم الله
ابتسم حسان وانطى اشارة لخالد لحكة برى الغرفة
_رتبت خروجه باجر الصبح امر عليكم بس العليك
هدي لان صاير اعصاب اليوم
تنهد خالد ورفع عينه فوك والله عصبته يطلعها علي
من يجي الليل يتضايق حيل لان بس بالفراش
_بعد اخوك متحتاج توصا ابونه عزيز ويستاهل ماي العين
بعدها دخل بوس ابو وخبره عنده اشغال محتاجة
وجوده
طلع من المستشفى ودور بعقله سالفة وحدة شلون قبل بقرار ابوه ويتزوج بنت صاحبه وهو مشايفها
بحياته والله يعذر امه من حجت على هالزواجة
لان متعرف البنت الراح تصير جنتها
سال نفسه ليش يقبل والمفروض يرفض و حقه شيخ وعلي العتب وابو يزوجه غصبا على خشمه
اااه مدري وين راح يوصل ابوي بسوالفه
////////////////////////
تكملة
سمعت الباب تندك راحت فتحته
_صباح الخير شلونج اليوم
يحاجيها وعيونه ادور بوجها
لاضوج روحك اني زينه
بقى صافن على عيونها الرايحة من البجي وسواد جوة العين
_اسمعيني اني ضد هذا الزواج ومراح اسمح لابوية
يغصبج
خافت يتعاركون من وراها حجت بتوسل.. فدوه علاء لا تقلل من احترام بابا
مسح على وجها الناعم وهمس ..تدرين شكد احبه
واحترمه بس ماريده يظلمج ويزوجج من واحد منعرفه منو هو حتى تزوجيه
_هذا شيخ ابن شيخ ومحامي عنده دكتوراه بالقانون
رجال محترم وابو صاحبي وصديق عمري
التفت علاء لابوه الجان واكف اباب الغرفة ..ميصير يابه تجبرها هذا ظلم
دخل ابوه وخله ايديه ورى ظهرة …ها علاء توكف بوجهي ترى لا عبالك نقيب بمكافحة الارهاب
تبقى تتمرد على ابوك الرباك وتعب عليك
هند تحس بخوف ورعب تخاف تصير مشكله جبيرة
اذا تبقى معانده حست ايد تمتد وتعصر كلبها
_بابا اني موافقة عالزواج
خزرها علاء بنظرة غضب وعدم رضا يدري بيها قبلت حتى لاتتوتر علاقتي بابويه
_الله عليك يابة تعتقد اني اقلل احترامك السالفة
ومابيها ماريد حياة هندة تتحطم
تنهد بقهر ..اني رايح تاخرت عالدوام
جاي يطلع من الغرفة وصدم ابنه عمره ٣ سنوات
دخل يركض شاله وهو يبوس بخدوده ..اوووه شنو
هالسرعة
دحك وراه شاف ريمه زوجته دخلت معصبة
..والله تعبني ميقبل يتريك
باسه بخده وحاجه برقه ..ها حبيب بابا تريك حتى تصير بطل
ضحك يزن وهو يتلوى بجسمه يقلد افلام كارتون
انطاه لزوجته ..ريمه ديري بالج عليه ماريده يوكع
من الدرج مثل مصار قبل كم يوم
_بربك دشوفه شلون حرك اووكيح
كرركلامه ..ريمة اهتمي بيزن
مشت وراه وهي مجلبة بايد يزن ..مدري عليمن
طالع عبالك جني
التفت عليها محتاجة شي اجيبه وياي
_سلامتك حبيبي بس حلويات ليزن
_اي اي بابا حلويات
_ههههه مو يدلل يزون ….دنك وباسه وصاه صير حباب لاتسوي وكاحة
يلا مع السلامة …