قصة روابط للكاتبة |جوهرة السلطان

الفصل الثامن

بقلمي : جوهرة السلطان

انا ساهر والكون نام ..
وكل ما في الكون نام ..
حتى نجوم الافق نامت..
فوق طيات الغمام ..

*******

كاعدة تعصر برتقال عالسنك بالمطبخ لحماده لان يحبه وعلمود كسر ايده عافته كاعد بالصاله ويه ام لينا وفتحتلة على
على قناة ماجد يخرب عليها .
مر يومين على وكعته وصاير نحس ويضوج اوف
حبيبي شلون متحمل كملت العصير وحطته بكلاص
جبير .. حست على حكيم واكف بظهرها لان ميزت
عطره شوكت اجى شو ماحست عليه.. حظنها وصار راسها بصدره ودنك عليها طبعا هي قزومة بالنسبة
لطوله ١٨٣ يادوب توصل ١٦٨ جر حصرة وذبها .. تالي شلون متحنين عليه غمضت عيونها وبدت دكات
كلبها تخفك ياربي ماريد اضعف حظنه يموتني واني
اريد اعاقبه .عبالك يقرا افكارها مو كافي ثلاث سنين انتي بعيدة ..حاولت تدفعه بس وين وهو
حاضنها بلهفة .. حكيم عوفني عيب سلمى بالصالة
_شافتني دخلت للمطبخ اكيد راح تخمن ليش
تفهمها هي وطايرة.
دنك على خدها وشمه وطبع بوسه حاره .. وهمس يم اذنها ولج حني علية ليش هيج صايرة والحسين
جفاج كاعد يموتني .
..اذا تبقى اكثر وبهالوضعية جسمه طابك عليها
ويعصر بيها بحضنه راح تسلمها وتموع
حجت متعمده حتى يعوفها بعد متتحمل قربه
وكل احاسيسها هاجت ..اني رجعت بسبب حماده
فلا تتأمل شي مراح يصير .
دارها عليه بسرعة خلتها دايخة مرفعت عينها
متريد تشوف عيونه المليانه حب لان تضعف
كض فجها بجف ايده اجبرها ترفع عينها شافته
خازرها وعيونه تريد تاكلها شوك ولهفة وغضب
جانت نظرته رفع اصبعه يهدد ..شوفي ولج والله
والله والله وهاي انه قسمت اذا ماجريتي عدل
لطكج بمرة واخليها هي اميرة البيت وانتي خدامه
الها .
يمه عزا العزاج ندى هذا صدوك يحجي الرجيف
البكلبها زاد وهي تتخيل زوجة الثانية وشلون
تتأمر عليها .طردت الفكرة ومدت ايدها توخره
دفعت جتفه عوفني شبيك تخبلت روح تزوج
بس بالاول طلكني زمخ بيها .. انجبي تحلمين
اطلكج .
دخلت سلمى متفاجئة ..اسم الله شبيكم ندى وين
العصير محمد يريده دحكت على اخوها وشافته
صاير نار ..ابو محمد هدي اعصابك عيني التفاهم حلو .
خزرها وهو ساكت ..اخذت العصير طلعت وهي تكول
الله يهديكم .
دحكت عليه واعصابها طافرة ..الا تعلي صوتك
واتسمع هسة شحتكول علينه .
_هه على اساس سلمى متدري بسوالفج.
_شبيك انت شنو سوالفج
_تدري بيج متتقربيلي وشايلة خشمج هذا الميكصة
طبر مد ايده وعصر خشمها
توجعت دفعت ايده.. اايي شبيك مخبل..
خزرها وجرها من ايدها حيل ..دتعاي اشوفج المخبل
شيسوي سحبها وراه وطلعوا من المطبخ وهي تعت
واجر بيدها بس متكدرله صاح وهو يصعد الدرج وهي تحاول تلحك خطواته وتتعثر ..ام لينا ديري
بالج على حماده .
ندى الخوف شلها هذا شراح يسوي بيها وهو معصب
سمعت سلمى توصي..على كيفك وياها والعن الشيطان يمه حكيم شبيك .
مسمعلها دخلها للغرفة وقفل الباب .
كامت اتمتمت بحجيها بالبداية خافت يضربها بس هسة من شافته مد ايده وبدى يفتح بدكم بدلته
العسكرية وينزع بيها عرفت يريد ينام وياها
يريد يغصبها عليه ركضت عالباب تفتحه عاط بيها
وووين وشمرها عالفراش بدا يتقربلها والغضب
ملون عيونة حتى دمارات ركبتة ناطة .
حكيم ترى عيب التسوي احنا مو صغار
دفعها بصدرها وصار فوكاها ..حجى بزكحة ..مو صغار ها وتصرفاتج خاتون شتكولين عليها
مسويتلي روحج بعيدة المنال شفتيني ساكتلج
كلتي راضي لا والله ابد مراضي عالسوي بيه
وهسة اخليج تعرفين شسوي بيج والله لخليج
ادورين الرحمة وما رحمج
جان عاصر ايديها بايديه وجه قريب حيل وانفاسه تضرب بوجها
عاطت بي موتريد تتزوج روح تزوج ماريدك
صك سنونة وعصر ايديها .
تألمت ..ااايي عوفني دتوجعني .
حجى بتهديد ..اي اتزوج جا ابقى عليج بس خل
اعاقبج بالاول

تتوسل مرة وتعصب مرة تريده يعوفها ولا سمعلها
عاملها بقسوة وخلاها تصرخ وتبجي بدموع قهر والم
متكدر تقاومه جسمه القوي واعصابه الهايجة خلته
ياذيها .
شمر عليها الغطا وكام فتح الكنتور واخذ ملابس ومنشفة وطلع للحمام
ميريد يلتفت عليها لان دموعها وصوت صريخها
اذاه
فتح مي الدوش ورفع راسه وبقى ينزل بقوة عليه
…اااخ ليش تخليني هيج اتصرف ليش
والله مو هينه على كلبي اعاملج بكل هالقسوة .
حس بندم فضيع لان يدري السواه بندى قبل شوي
خله الحاجز يرتفع يدريها شكد حساسة وعنودية
ومراح تفوتله السواه بسهولة

دموعها غركن المخده متلفلفه بالغطا وتبجي بلوعة
والم ممتوقعة حكيم ياذيها ويجبرها اكيد يجبرها
اهم شي يرضي نفسه حيوان همجي …
الصار بيناتهم مراح تعدي وتوعدتله الا اتندمه وخل يروح يتزوج ميهمني وهنا وزاد بجيها ..لا لا ماريده يتزوج ماريده يتزوج ….متدري بروحها وغفت..

سمعت صوته يحاجيها التفتت شافته قريب عليها
مدنك راسه جان شعره رطب وعطره فايح .. كومي
اسبحي حتى ترتاحين .
رجعت غمضت عينها متريد تشوفه متريد تنقهر زايد
حست بي كعد عالفراش وشوي وجرها خلاها بحضنه
كام يشم بشعرها وبوجها ..يبعد روحي يبعد كل عشيرتي وربعي تدرين بيه احبج ولج بالعباس اموتن
عليج .
زاد بجيها وهي تلمس حنيته عليها وبقت تشهك
..بقى يبوس براسها وايديه تمسد ظهرها .
سمعها تناشغ وتسأله..ليش هيييج سويت بيه
.. حضنها حيل يريد يدخلها بصدره يبعد كلبي والله
جنت عصبي لان هاملتني واحسج مطايقتني وانه ادري تحبيني بس كلت يجوز بطلت تحبني
وخرها ودحك بوجها وايديه تمسح دموعها ..شني هاي دموع لو بوري ماي مكسور
ضربته على صدرة على كيفها
سالها بخوف وهو يشوف تعبها وحزنها ..تاذيتي يروحي والله اسف بس يباس راسج جبرني
ردت وهي تلفلف روحها بالغطا روحي التأذت وبقت عيونها محاوطته وحجت بقهر ..وتريد تتزوج مو
تريد تقهرني حكيم والله ماابقى على ذمتك يوم واحد.
كامت تبجي مقهورة لان هددها يتزوج عليها
حظنها وهو يطمن بيها ..ولج اكو مرة تحلى بعيني
من بعدج ٣ سنين صابر مانفسي دنت عالنسوان
تريدن هسة من رجعتي ازوج ااااخ والله جنت اجاكرج اريدج تحسين بيه .
_يلا حبيبتي كومي اسبحي خطية حماده هسة يدور
علينا وام لينا محتارة بي
هههههههههه… التفتت عليه متفاجئة سبب ضحكته
_ترى ام لينا حست علينا جان هسة سمعتي صوتها
تصيح تعالو اخذوا ابنكم
خجلت ندى ..ياا شكد عيب
_ولج شنو العيب بالموضوع رجال ومرته
_عفية حكيم انزل اريد اروح للحمام
_ديلا يابة شو كومي .
مقبلت ندى تكوم الا يطلع ..كام يحجي عليها ..ليش الخجل يكلبي .
_حكيييم
طلع من الغرفة ونزل يم حماده خطيه جان نايم على رجل ام لينا
شاف ام لينا دحك عليه ومبتسمة ..ان شاء الله
تصالحتوا
ابتسم بهدوء وطمنها..اطمني كلشي تمام
فرحت خطية وبقت تدعيله
جتي لينا من المطبخ ..ها ماما المن تدعين .
_ادعي لخالج
_ادعيلي ماما الله عليج
دحكت امها عليها جان تكول ..ان شاء الله ازوجج
عن قريب بجاه الحسين
ضاجت واستحت من خالها ..يوو ماما ادعيلي اتعين
_يااا البارحة تخرجتي منو يعينج
_جا شمالني مااتعين بالعباس اتعين عبن معدلي عالي
واختصاصي انكليزي
التفتن لحكيم لان ضحك
_ولج منين طالعتلنه بالعبن وشمالي هههههه والله
تذكريني بواحد هههه
_ياااا خالو احنه مو اصلنا جنوب وعشيرتنه هناك
لازم احيي لهجتنه حتى لا تضيع بعدين انه اسمعك مرات تحجي جنوبي .
ابتسم خالها ..صحيح بعدها لهجتي ترى ماضيعتها
رغم انه من عمري ١٥ سنة سكنت بغداد بس احن لاصلي واحن للبصرة
كمزت كعدت يمه وشبكته ..فديت البصراوي انه
حظنها وباس راسها
الله يحفظج حبيبتي انتي

نزلت ندى لابسة كلابية خليجي ورديه وشايلة شعرها
فوك ومنزلة خصل ناعمة على وجها ممخلية مكياج بس جار عينها بكحل وشفتها ملمع وردي

صفن حكيم عليها وعيونه اكلتها اكل ..ندى حست على نظراته واستحت لان ام لينا تراقبهم
شافت حماده نايم ..حبيبي نايم خل اصعده فوك
مخلاها حكيم ..لا عوفي انه اودي بغرفة لينا خاف ثكيل عليج
علقت لينا وهي تراقب اهتمام خالها بزوجته..يمه الحب فديته لخالو الرومانسي
دحك حكيم عليها وابتسم ..اكول روحي صبيلنه
غدا احسنلج.
شال ابنه ودا للغرفة
ورجع لكاهن يحضرن الغدا ويصبن بي

كعدو بالمطبخ يتغدون ..حكيم عجبته الطرشانة
..طيبة عاشت ايد السواهة
نطت لينا ..عافيات خالو هاي شغل ايدي
ندى تاكل ومبتسمة
ردت ام لينا ..يا هاي ياهو الطبختي اكل خوية هذا
طبخ ام حمادة لينا بس سوت زلاطة
_ماما والبرياني مو اني ثرمت الحشوة
_هههههه يابة عاشت ايد الثرم وايد الطبخ
ردت ندى بهدوء ..الف عافية
رفعلها عينه وابتسم اااخ شكد حلوة بنت الذين.