قصة روابط للكاتبة |جوهرة السلطان

الفصل الثالث والعشرون

بقلمي: جوهرة السلطان*

امر على الديار ديار الهوى

اقبل ذا الجدار وذا الجدارا

وما حب الديار شغف قلبي

ولكن حب من سكن الديارا

******

ندى متحملت كلام تغريد هي تعبانه من الحمل وانوب هاي زودتها بحجيها تنفست بعمق وسيطرت
كوة على نفسها متريد تخرب خطوبة لينا الجانت
ادحك عليها بقلق عبالها راح يتعاركن ..مراح ارد عليج لاني اكبر من ان انزل لمستواج .
تغريد طككت عيونها ومهتمت للنسوان بس تريد
تتعارك ويه ندى تكرها تموت منها لان تزوجت حكيم
لان جانت تريده وميته عليه بس راح تزوج ندى
وكلما تشوفها تحس تريد تبرد نارها من تتعارك ويه
ندى.
باوعتلها بحقد وحجت تريد تقهرها..هه مدري اشاف منج بس تتموعين عشتوا وتحجي بالمستويات
دروحي روحي شلون نمونه والله خطية حكيم من
حقه اذا شكى ويكول متحملها لخاطر ابني.
رحاب وام لينا من شافن لينا تأشر اجن سريع
وسمعن اخر حجي كالته .
سلمى بعصبية كوة كاتمتها تقربت على تغريد وحذرتها ..ترى كلش مو وكتج تردين تسوين عركة
_شدعوه عيني سلمى كاتلة روحج عليها ايييه بخت
شلون حظ عليهن حظ ك…..هي وبنت اخوها مدري
اشافو بيهن
سلمى صدك فقدت عليها زودتها هاي الخبلة..جرتها
من ايدها واخذتها لغرفتها ورسمت ضحكة على وجها
تتلافى الموقف لان انتبهن عليهن زوجة جعفر وامها
وامال بس ميدرون شنو الموضوع.
سدت الباب ودفعتها كعدتها عالجرباية اشرتلها
بديها على راسها دغتها حيل..ولج تخبلتي تردين
تفضحينه والله بس يسمع حكيم وعمي لايكون كتلح
حلال شعليج بيها .
حجت بحقد ..اموت منها هيج بس اريد اخرب عليها
فرحتها .
سلمى بعصبية وكوة منصية صوتها..ولج تخبلتي رسمي وشلون تكلليلها متحملج الخاطر ابنه معزاية
لو يسمع هالحجي بالعباس يسكطج .
ضحكت بأستهزاء ..ههه شدعون خايف على ست
الحسن .
_ولج افهميها عاد الرجال يحب مرته يموت عليها
وانوب حامل منه تريدينه يعلكج بالسكف اذا سمع
غاثتها .
تغريد ضاجت من سمعت هالشي ..كافي ام لينا عوفيني.
سلمى نصحتها ..التفتي لروحج وعوفي الحقد ترى
عمر الحقد ما بنى شي .
عافتها وطلعت راحت كعدت يم ندى لكت رحاب
تهدي بيها ندى صايرة حساسة حيل من ورى الحمل
مبين عليها تعبانه وانوب شاطت من كلام تغريد..
لينا تسولف ويه هند وامال وجتي عبير زوجة جعفر
كولش حبابه جانت امال ناصبه على لينا خلت خدودها تحمر بالزايد .
هند اعترضت ..الله عليج عوفيها هسة تصدك بحجيج .
امال غمزتلهن ..جا اجذب انه سمعته بالصدفة يحجي
لخوانه وهمة ماقصروا ويا يجيبون ويوصونه سوي
هيج ولاتسوي هيج خو ابو العباس ماخله شي ما
حجاه.
اعترضت عبير وهيه خربانه ضحك ..ولج عزززا
والله لاتصدكيها اصلا جعفر ماعنده هيج سوالف
ولا يحجي بيها وغمزتلها بعينها عيني هذا رجلج طالعة
عينه تذكرين من كال اموتها اذا تزوج غيري مااتحمل
تروح بحضن رجال غيري .وكلها تدري بي ملعب يخرب على سوالف النسوان .
ردتلها امال مسويه روحها ضايجة لان كاعدات
يقشمرن بس لينا وهند مصدكات..ولج ماكو ملعب
وهتلي غير امير يمه يمه منه البنات يخربن عليه
عيني حقهن شلون اموري يخبل والله.
لينا ضاجت ..شنو هالحجي والله بعد ماريده طلعت
العائلة كلها سرسرية.
_خرررب منو السرسري خل يسمع اموري بالعباس
يسكطج .هههههههههه ولج لااصدكين جنا انشاقيج
وانتي هنودة شبيج يحظي رأسا صدكتي بعدين هاي
شطالعة تخبلين الشيخ شاف لبسج
_لا من طلعت جنت لابسة العباه اصلا جنت ممتحضرة اجي بس لكيت ماما حبيبتي مشتريته
اليه .
_وليش ما جبتي من ملابسج عندج اشكال وكلهن
حلوات .
_ماادري راح تصير هيج حفلة جبيرة عبالي بس
رياجيل وخفت حسان ميقبل.

You’ll also like
قدري انت by thakraeat
قدري انت
45.8K
5.1K

حب خذلان عشق

ابو ليلة by user00605551
ابو ليلة
2.6K
452

اهتمام انالا اهتم اذا قضيت حياتي كلها لك ..او حياتي كلهافي يوم واحدينتهي معك .الهميكون لا سابق له

بيارق العربا by ffatema__
بيارق العربا
24.8K
3.2K

طيحي فوكي
المشمش التثكل ثمرته يلين حيله
طيحي فوكي
شكثر رمان أعله شفتج مال واحد يشتكيله <a href=”/tags/فاطمة_العبادي” class=”on-navigate”>#فاطمة_العبادي</a>

لا سلطه فوق الحب by Jaymin_Jaymin
لا سلطه فوق الحب
14.9K
1.4K

عندما عكست الشمس الضوء في تلك اللحظه سقط قلبي بين يدي

مروئ وصائب by onnooopppk
مروئ وصائب
5.6K
197

قصه ليس من كتاباتي

سمارا اليسار by ayzabil_99
سمارا اليسار
4.5K
438

طائفتان تكون الحاجز
بين القلوب لتمنع نمو زهور
الحب داخل الفؤاد ..
حاولت ان انتشل نفسي
من قوقعه لذكريات
واضع لخوفي حاجز ..
يساعدني على اكمال حياتي
ماذا اقول لك واي ذ…

على احضانك اطش روحي بخور وياس by user87733773
على احضانك اطش روحي بخور وياس
3.6K
278

اعلان

بجهة ثانية ام علاء ورحاب يهدن بندى الجانت كوة
كاتمه دمعتها ومتحملة لخاطر سلمى ولينا متريد
تخرب فرحتهن شافت ام عادل جتي عليها خطية مرةةجبيرة بالعمر وموتت عادل مرضتها ..دنكت عليها تريد تبوسها ندى فزت وكفتلها ..استغفر الله
خالة اني اكوملج ..يمه امسحيها بوجهي هاي عوبة
لاتخذين على خاطرج انتي عزيزة علينه ام وليداتنه
والنعم منج ومن اصلج.
ندى باست راسها ..ربي يحفظج خالة

يم الزلم امير يلوب بعد ماشاف لينا بس يريد يرجعلها راح كعد بين الشيخ وحجي راشد شاورهم
_شيخنه كول تم حلفتك بالعباس
رددوا اثنينهم سلام الله عليه
_تم بعد عمك مايكون خاطرك الا طيب .
حظن عمه وباس راسه ..خاطرك سالم
عمي اريدك تحجي وياهم خل عرسي راس الشهر.
صفن عليه وردله..ولك شعندك مستعجل تريد تعرس
راس الشهر بعد ثلاث اسابيع.
امير ردله ..عمي انت كلت تم
حجي راشد شجعه..يابة عالخير وخير البر عاجله.

هنا والشيخ سالم حجى ويه حكيم وعمامة وخبرهم
بموعد العرس .
عم حكيم مااعترض وحكيم خزر امير بنضرة يعرفها
ويه نفسه..وعلي راح انعلس اليوم .
حكيم ماحب يفشل الشيخ سالم ولا حجي راشد
بس يا امير اذا مااطلعه هاي السالفة من عينك
ماكون حكيم …هاي هية شايفين الخير الله يتممه
ان شاء الله.
حللو واعقد محكمة هالاسبوع يله تلحك كلامي
صح يا امير مو .
جانت عيونه مطككها عليه امير ابتسمله ..تأمر امر
سيدي .
ردله عامر ..جا صرتوا نسايب
بالبيت هم سيدي.
حكيم خزره لأمير..امير رايدك بحجاية .
امير تلفت يريد عونه اليوم العقيد يذبحه عينه
وكعت على حسان الجان يسولف ويه واحد من ولد عم حكيم من البصرة ..شيخ حسان رايدك
حسان تعذر من الولد ولحك امير طلعوا بالحديقة
تقرب من حكيم الي من شافه خنكة بايده .ولك
امير انه مو كتلك شهرين ثلاث البنية تحضر نفسها
شلون تخليني بموقف ويه الشيخ والحجي والله
لوما هم لا الزكك بالحايط ساعتها.
امير ضحك ومجلب بأيد حكيم على ركبته .
_بالعباس راضي تجيني بهدمة العليها عمي قابل
بس تصير يمي
حكيم كزكز سنونه ..امير اثكل ترى بديت اعصب
منك.
ادخل حسان وهو خربان ضحك على امير يدري بابن
عمه يداهر زايد.
_ابو محمد هد امير لخاطري .
حكيم دفعه والتفت لحسان عدل سترتة ومسح على
شعره رجعة ورا..هاي لخاطرك بس امير دوا عندي
اشرله باصبعة تحلل وتكطع مهر محكمة هالاسبوع
رجلي على رجلك ولا عبالك تاخذ رقمها تتصل عليها
موبايلها راح اسحبه يمي بيوم العرس انطيهيا.
امير من سمع هيج ركض على حكيم وحظنه باس
خده ..داخل على الله
وعليك احلفك بالعباس اذا سويتها
حسان صار احمر من الضحك كوة لازم روحه وهو يشوف امير ايحظن بحكيم وذاك يدفع بي يكله
_وخر خنكتني تارس روحك عطر .
_والله ما عوفك تحجي صدك سيدي اروح فدوه
لهلعيون الحلوة الله يخليلك حمادة وام حمادة.
حكيم ما تحمل طكها بضحكة ..خرب بغيرتك على
هالقابلية ..والتفت لحسان الجان ميت ضحك
..متأكد هذا ابن عمك عليمن طالع شو العائلة
كلها رزنة بس امير اخفيف راح تخليني اتراجع
مااناسبك.
حسان وكف لجانبه وبقى يمدح ..العشيرة ماتسوة بدونه يمعود جلسات ونستنه محد يحليها غير امير.
_امير والله العظيم اذا ما تثكل ااجل الزواج.
رفع ايديه فوك..هاي هي عمي راح اصير سايلنت
وامري لله شسوي منا لما اتزوج .

******

ودعوا الخطار قريب المغرب قرروا يبقون ابيت ابو
علي والصبح يطلعون للناصرية باجر الصبح.

هند رجعها حسان لبيت اهلها توسلته يبقى مقبل
طلع لبيت عمه واتفق الصبح يمرلها يرجعون للناصرية .طبعا مراحت بقت وياهن
ساعدن ام لينا بالتنظيف ورتبن البيت ام علاء ورحاب وريمة بعدها رجعن ويه الحجي لأن علاء
اخذ يزن وراح يمر الاسواق يشتري ليزن.
لينا راحت لغرفتها وبأيدها الموبايل صافنه بالرقم
الخزنته ..يمه شنو هذا امير يربي شكد جريء
بقت مغمضة عينها تتخيله من جان قريب عليها

فزت على ضربة الباب ..اتفضل منو.
دخل حكيم جان تفز ..هلاو خالو.
حكيم اشرلها عالموبايل ..لينا خالو اريد موبايلج.
هيةرأسا انطتهيا ومسألته ليش .
_راح اخذه يمي واكعدي خل احاجيج .
امير احرجني وسط الشيخ وحجي راشد وقرب موعد العرس نهاية الشهر بنيتي حظري نفسج
انه بلغت امج وضاجت كامت تحجي بس يا عيني
حطني بموقف ما كدرت ارفض.
وعنادا بي اله اخلي يتوب هددتة اخذ موبايلج
عقوبة ماريدج تتواصلين ويا ههههههه لو تشوفينه
شلون يلوب .
لينا استحت وبنفس الوقت ضاجت…خالو كمت اخاف منه خاف يطلع ملعب .
_ههههههه امير لا ولج لاتاخذين عليه نظرة موزينه
انه لو اشوف هلكد منه ماجان انطيتج اله…
ودك الموبايل بيده قرا اسم امير دحك عليها
من انطاج رقمه.
لينا خافت ااامال زوجة اخو
سواله حظر ورجعلها الموبايل ..يلا اخذي راحتج
اروح اشوف ندى امج كالت تعبانه .
_خالو راح اكللك شي بس لاتعصب تغريد الزركة
تعركت ويا عمة ندى لو تسمع حجيها جان موتتها
بس ندى كوة جانت متحملة لخاطر متخرب الحفلة
تكلها حكيم يشكيلنا يكول كوة متحملها لخاطر ابني
_لا بشرفج هيج حجت هاي مريضة نفسيا خبلة
شلون هيج تحجي ماتوب ابد.
طلع رأسا وصعدةلغرفته تلكاه حماده يريد ينزل
يم لينا
دخل الغرفة شافها امدده عالجرباية جانت مبدلة لابسة دشداشة برمودا قصيرة ربع ردن تفاحي
خالة ايدها على وجها نزع سترته وفك الرباط وشمرهن عالقنفة وفتح دكم البزمات وبرمهن

كعد بصفها دحك على ذراعها الابيض الناعم ومد ايده تلمسه بهدوء..حبيبي ليش نايمه دنيا غروب
وخر ايدها يلا نداوي خاف تعبانه .
دفعت ايده وكعدت عدلت دشداشتها لان نص رجليها
طالعة مد ايده تلمس رجلها هم رجعت دفعتها
_لاااااا اليوم الست قافلة علينا ارحمي حالي شويه
تدريني ضعيف جدامج ههههه
ركز بعيونها ..ليش باجية موزين عليج انتي تعبانه
جان كلبها يخفك كولش تأثرت من كلام تغريد
_حكيم ليش تكول كوة متحملها لخاطر ابني ليش.

بجت بحركة وكوة الكلام يطلع منها ..اذا متريدني
عوفني ليش الا تحجي عليه
عصب وكوة لازم نفسه لايروح يبتلي بتغريد
_ولج كل عقلج ماريدج والبيناتنه شتسمينه
جرها لحظنه وهي ميته بجي ولج كافي موزين
عليج هسة ابنا يصير بي شي .
رفعت راسها ودحكت بعيونه..اي انت تريد ابنك اني
مااهمك .
_ولج شبيج حبيبتي اهدي بطلي بجي .
_حكيم هاي تكرهني حاقدة علية لان اتزوجتني
هسة اني شنو ذنبي .
دكافي ياعيوني مسح دموعها وكام يبوس
بوجها …ااااخ تكلي متحبني ولج والحسين اتنفسج
انه.
لعد شلون حجت انت كايل حكيم انت تريد غيري
اذا صدك كول الله يخليك ماريد اسمع من غيرك
…ولج ندى هذا الحمل مأثر عليج.
ندى تذكرت…اروى منو اتصلت بيك شنو علاقتك
بيها .
_ههههههه وانه اكول شلون صبرت ما سألت بوكتها
يابة هاي خطية اخوها اول كلية اعتقلوا بحجة ارهابي وتوسطتله وطلع هاي كل السالفة وهي
بوكتها اعتذرت لان جانت مقهورة على اخوها
وكالت امانه تعتذرلي من زوجتك.

شو تعالي بحظني …اخذها بحظنه ومدد وياها عالفراش بقى يشم بشعرها وهي ختلت بحظنه
وبرد كلبها شوي بكلامه هي تدري يحبها بس يمكن صدك هرمونات الحمل مخليتها حساسة زايد.

*******

الجاي تقرا ادخلي تابعيني حبيبة ودوسي نجمة

ههههههه تحياتي لكم

يارب النصر اليوم لمنتخبنا ✌??

ان شاء الله الفوز لأسود الرافدين

error: