قصة روابط للكاتبة |جوهرة السلطان

الجزء واحد وعشرون

قلمي :جوهرة السلطان

للطيب مواقف وللمرجلة رجاجيل
وللخيل فرسانها ساعة الشدة…

وللبيوت امراس وللقهوة الفناجيل
على مضايف نشامه لها رجال تعده.

****

طلعت من الناصرية اربع خمس سيارات كلها احدث
موديل ليرحون يخطبون لأمير ابو جعفر اتفق ويه
ابنه والشيخ سالم تكون خطبه وعقد سيد لأن امير
يلح عليه مستعجل .
حسان بسيارته وياه هند جانت ضايجة لأن مقبل
تطلع الا تلبس عباه ممتعودة على هذا الشي بس
مضطرة متريد مشاكل وياه مستغربة من قوة تأثيره
عليها احساسها بوجوده داخل كلبها يكبر يوم عن يوم الصبح ورى متريكوا راحت تحضر نفسها
من الليل اتفق وياها يوديها لأهلها ومناك يروح
ويه عمامه للخطبة فرحت لان حتشوف اهلها
مصار كم يوم من زاروها بس مشتاااقة اللمتهم الحلوة علاقتها بحسان جاي تقوة تحب حنيته عليها
احمرت خدودها من تذكرت ليلة البارحة ……..
دخل للغرفة ..يلا يابة ماجهزتي ….وصفن عليها
شنو هالحلاة والكشخة حلوة حييييل رفعلها تك
حاجب هاي هيج ترحين .
لابسة تنورة بيج قصيرة جوة الركبة بشوي وفوكاها
سترة نفس اللون ..حسان والله حلو
دقق بلبسها مبرز جسمها …بعدين انت كاشخ طالع
اجنن لازم انافسك ههههه
جان لابس قاط ازرك وقميص ابيض وشعره رافعة
مرجعه ليورى اللحية مرتبة والعطر يفع شمته
ودخل لاعماقها تقربت عليه تنفسها حيل وحس
بخدر يحب ريحتها ريحة ورد سمعها تهمسله..
شدعوه هلكد حلوو
صوتها الناعم بي بحة حلوة خلاه يدنك عليها
شاورها بأذنها..حلوة وخطيرة بس خطوة وحدة خارج البيت ماخليج تخطين بهذا لبسج ..
اشرلها بأيديه ومدهن تلمس وركها وضغط عليه
قربها اكثر ولزكت بي بأنوثه تتموع تريده يقنع

اشرلها بأيديه ومدهن تلمس وركها وضغط عليهقربها اكثر ولزكت بي بأنوثه تتموع تريده يقنع

لزكت جسمها بجسمه بكل انوثه تأثر عليه وتغريه
مدت اصابيعها البيضة الناعمه وتلمست شاربه وبكل
رقه حجت ..شكو بيها اني حصعد بالسيارة ماانزل
الا ابيت اهلي.
حسان يحبها من تتدلل وتتموع بأنوثه يلوكلها هالشي
جر نفس قوي وذبه يدري بيها كاعدة تغريه
لان ذكي ميعبر علي بس قربها راح يخلي يفقد
عليها ويلغي الروحه كلها ويلتفت الها يريدها تذوب
بحظنه و……
بصوت بي نترة..البسي عباية وشال يلا واني انتظرج
بالسيارة.
مدت بوزها ضايجة ..عفية حسان حروح لبغداد شلون البس عباية .
خزرها..لاترحين اكعدي واسكتي
فكت عينها ممصدكة يعني حاولت تغري وتدلل عليه
ومااثر بي انوب عاند لا ويريدني مااروح.
صدك ثولة عبالي اكدرله هذا مبين قافل وكلمته وحدة
فكرت ويه روحها اكيد ميقبل شيخ هيبة وفخامة
ميقبل البس هيج بس اني متعودة يوووو
الشيخ يريد زوجته محد يلمح طرفها يربي شسوي
خل اسوي اليريده لبست عباية سودة كولش حلوة
عليها عدلت شالها شافته صافن عليها
حسان مراح بقى يشوفها شتلبس التفتت عليه..شنو
رأيك هسة .
عيونه اكلتها اكل حتى خدودها حمرت تقرب عليها
_تخبلين
طلع من جيبة فلوس انطاهيا مقبلت تاخذ..ماريد
شسوي بيهن
ضاج من حجت هيج ..اخذيهن ليش ماتقبلين
_عندي فلوس من يوم السبعة هدايا .
_شلي دخل بيهن انه جاي انطيج من عندي ليش
ماتاخذين لا تتحسسيني انتي ماهو بحاحتي
مرتي واصرف عليج .
حست بي ضاج مدت ايدها واخذتهن وتفاجأت ..هاي
شنو وين اصرفهن يمعود.
خزرها جان تكول..لااضوج ..راح اصرفهن كلهن
راح اتفلس من وراي .
_يابة اصرفي فدوه الج تراني موش بخيل .
صفنت بوجهه وردتله..لا والله انت ابو الكرم

من صعدوا بالسيارة لبست نظاراتها صح الوكت صبح
بس الشمس عالية والجو بي حرارة
انتبهت عليه من فحص المسدس ورجعه بصف المقعد صندوك صغير
_حسااان ليش تشيل مسدس .
ردلها وهو يحرك سيارته من الكراج ويطلع
من البوابة ..ضروري هالوكت
ردت خايفة ..حنفوت من السيطرات اكيد ميقبلون.
طمنها لاتخافين عندي بي رخصة واحنه مسموح
نشيله هو ياهو اليندك بينه.
حست بي يتفاخر بأصله ..ليش لا
انتبهت لروحها وخطفت نظرة لحسان حبت اناقته
وفخامته متكي بذراعه على باب السيارة ومركز بسياقته .
دحك عليها بطرف عينه شافها ملتهية بالطريق
بدا يحجي وياها الطريق طويل خوما يكظي صفنة
شافها ارتاحت بالحجي ويا
هند فعلا حبت طريقته بالكلام رغم مرات عدها صعوبه بفهم بعض الكلمات لان مسامعتهن
لكت بي رجل متكلم وعنده اطلاع واسع ليش لا
من هذا الشيخ سالم نصبه شيخ على عشيرته
وسلمه كل امور العائلة الاملاك والاراضي حسب
ماسمعت من البنات
جانتىاكثر شي تستمعله وهو يحجي لان كلامه
حلو
جانت ملتفة بجسمها عليه وهو بحجي ويسوق

مرات يلتفتلها حجو عن الناصرية فسألته
_ شكد متعلق بيها وكلامك كله فخر عنها

انطاها نظرة ورجع ركز بالطريق..شلون ماافتخر
بيها
تدرين تعتبر رابع اكبر مدينه بعد بغداد والموصل
والبصرة.
ردت متفاعلة ويا بالحجي ..قريت مرة عنها ترى
اسمها على اسم واحد اسمه ناصر باشا يمكن
ما اتذكر بالضبط
هز راسه موافقها ..صحيح اسسها الامير ناصر
باشا السعدون ..ماشاء الله خوش دارسة التاريخ
_هههه مرات اتصفح بالنت معلومات حلوة
سألها بفضول..شتعرفين عن ذي قار
ضحكت وهي تنزع نظارتها وتخليها كدامها ههههه
_تزعل اذا حجيت.
التفتلها ..جا غير افهم كلامج يزعل لا رجع يركز بسياقته.
_سامعة اور اثرية واالزقورة بعد ما اعرف غيرهن
ههههه واعرف قريه الشيخ سالم العمران ربي
يحفظه النه .
_ههههههه تحبين ابوي
ابتسمت بحب ..كولش احبه
سالها اذا زايرة اور الاثرية
_لا وين اشوفها هي بس حجار
_تدرين هالحجار المستهزئة بي حظرتج جان مهد
حضارة سومرية كاملة والنبي ابراهيم عليه السلام
انولد بيها.
فشلها من صدك ..اسفة والله مو قصدي انتقص
شي.
بعدين ليش ضجت الناصرية صارت مدينتي مو
فاجأته ردلها ..ايه عينةالعكل كلامج

التفتت للحقول والاراضي الواسعة لاحظتها شلون
متغطية بلون ذهبي يلمع ويه الشمس شافت فلاحين
والات حصاد التفتت لحسان ..شنو بعدهم ممكملين
حصاد مو سمعتك كلت لعمو خلصنا

انتبه وين اشرت ..مرات حجز عالحاصودة لان اغلبها
زارعة وتنتظرتحصد يكملون ماعلي شي
ردتله..بس زرعكم انحصد ومااتأخر.خطية ذولي
…حس بنبرة اتهام بصوتها
_شنهي انتي منا وبينا ليش اتحجين هيج شني
زرعكم كولي زرعنا هاذ زرعج وكاعج همين
خجلها بكلامه..اسفة والله مقصدت شي.
حسان وضحلها..يابة عدنه حاصودتين حديثات ورى
ماحصدنا وسوقنا للمخازن انطينه الحاصودة لجم
فلاح وبسعر يناسبه .
_اي مبين المال والجاه واضح مقارنه لبقية الفلاحين.
_جاي تقلدين
_لا بس نفس الشي ماكو تغيير بعدهم الزناكين
مسيطرين والفلاح الفقير يعاني من كولشي.
ردلها بلهجة باردة ..متوهمة الدولة توفرلهم اموال وقروض بس مامسؤلة عن وضعهم وشلون يخططون.
بقت صافنه عالحقول والاراضي محجت لان تدري مينطيها مجال مسيطر ماشاء الله.
حاولت تغفى شوي بعد ماطلعو من المدينة وراهم طريق سياراتهم متقاربة شافت عمها الشيخ صاعد ويه جعفروزوجته

اميروابوه وياه وامه بسيارة امير وعمهم عدنان
مناك يمرون عليه جعفر يمرله جعفر متزوج بنت عمه
عدنان وجتي وياهم حتى تزور اهلها وعامر بسيارته
يمهةالسيد الراح يعقد لأمير.

هي وغافية سمعت صوت مسجل السيارة حسان فاتحة سالها ..يزعجج الصوت مد ايده ينصي
_لا عادي
_هههههه احب حسين نعمة بعد ابن ولايتي

بقى صوته يصدح بأغنية ياحريمه ياحريمه
رجعت غمصت بعد متدري بروحها.

******
بسيارة امير الجان مبتسم داخلة فرحان لان البنية
حيل دشت عقلة وقفل عليها بكلبه .
ابوه نها ..يابوية ليش مستعجل لاتروح تدعملك احد

مراح اطير البنية.
ام جعفر ردت وهيةتشوف امير خربان ضحك .. انت لو تشوف البنية جان كلت حقه امير الله يتمملنه على خير صدك اموري يمه اخذت الهديه الاشتريتها
ترى ماجبت شي
_اي يمه بعد روحي موجود منةننزل انطيج العلاكة .
امير اشترى كلادة حلوة وياها سوار وحلقات
_اكول يمه مريتي شلون شفتيها مبين فاهية مادبر
شي.
ابتسمتله امه..يااا جنهها طير ذهب ماشاء الله
ادب واخلاق وشايله حلاة والعباس تلوكلنك.
بس يمه اتفقت ويه خالها اشو امها متريد البت
تبعد جنها تريدك تعيشها ابغداد
اميرةانتبه لامه ..اي كال مدام مرتاحه الله يوفقها
هاي مو مرة حسان قبلت تعيش بالقرية اشو كلشي متوفرلهن
ابو جعفر كال..لاتصير فاهي وتزحف من اتشوفنها..
هههههههه افاا انه فاهي يله مسموحلك تمرمطني
اليوم عبن فرحان هههه

*******

تحياتي للجميع واعتذر على التأخير