قصة روابط للكاتبة |جوهرة السلطان

الفصل الخامس والعشرون

بقلمي : جوهرة السلطان

✌??
مبروك فوزنا

*******

ردتله ام حسان ..شنهي تسأل عليهن جا ماتعرفهن
الشيخ يدريها متنطي حجاية الا بمزاجها ومتريد
تحمد هند كدامه .
التفت لحسان الجان صافن على هند كاعدة تلاعب
عمار
_شخبار الطاحونة البشطرة ماردلك صاحبها ..بويه
حسان .
_تفضل يابة احجي .
هز الشيخ راسه وهو مرتجي عالكوشة القنفة ..بالك
ماهو .
ابتسمله ودنك راسه يفر بسبحته بين اصابيعه..والله يبوي صراحة ماجنت منتبه.
_ايييه خير يارب ..حاجيتك عالطاحونه.
_ان شاء الله من نصيبنا .

*****

امير يفتر بالبيت يطلع ويطب يتصل على لينا مترد
مغلق شلون بهاي السالفة يلوب بسةيريد يحاجيها
صار جم يوم عالخطبه راح يلتحق باجر وممحاجيها

طخت بعقله ..ام حسوني وينج .
_ها خويه كول..ترة وراي جدر دولمه الفه للغدا .
تلفت لااحد يسمعه.
_اتصل على لينا ماترد مغلق يمكن العقيد حظرني
اعرفه كلش .
اريدج تنطيني موبالج اتصل عليها .
_ههههه ادلل عيني تلكاه عالشحن بغرفة عمتي

صعد لغرفته بعد مااخذ الموبايل كعد عالجرباية
وفتحه مابي رمز رنتين وانفتح خط.
_الووو
_بوياااه شنو هالصوت الناعم
لينا ارتعبت ممتوقعه صوت رجال ..عزااا منوو
_اموت عالمنوو…. ولج هاذ انه امير ليش حاظرتني.
كلبها يدك سريع معرفت شترد خالها محذرها تحجي
وياه تلفتت جانت كاعدة بالهول كامت عالسريع
دخلت غرفتها وسدت الباب..
_وينج مو جاي احاجيج
_امير والله خالو ميقبل اخذ موبايلي وحظر رقمك.
_ااااخ يلا يمون حضرة العقيد وانتي خاتون مااجيت على بالج كلتي رجلي مشتاقلي اتصل عليه .
استحت من كلامه ممتعودة وهذا داخل يغرد
_اميرعفية خاف خالو يزعل عليه.
_ولج انتي مرتي صرتي لاتخليني اتهور واقرب العرس هالاسبوع .
_امييير .
_ياويل حالك يا امير شلون حلو اسمي بهالشفايف
اذوب بيهن.
لينا ماتت خجل يربي شكد جريء.
_ولج بالعباس كلبي طاك عليج من شفتج للأن وانه
موش انه .شكد حلوة لخاطر ربج .
ضحكت لينا على سوالفه تخبل ..بقى يفترةبالغرفة
داخ بصوتها وضحكتها يتخيلها جدامه ..اسمعيني
باجر من الفجر طالع لبغداد حظري روحج نحلل ونكطع مهر بنفس اليوم .
_امير بلغ خالو حكيم استحي احجي اني بعدين وين اكو نفس اليوم تحليل وعقد محكمة .
_معليج انتي الج الصافي اني مدبر كلشي اووووف
شوكت تصيرين بحظني بالعباس اطلع حركة خالج
بيج .
لينا خافت منه ..معليه والله تخوف راح ابطل ماريد
اتزوج من هسة بدايتها تهددني اطلع ضوجتك بيه.
امير ضحك ههههههه حبيبة شفتهمتي من الحجي
ههههه انه قصدي اكضج بحظني واعرف شلون اتصرف ساعتها .
لينا ماعت روحها من الخجل فعلا جريء هذا بعدنه
مخطوبين وهيج يحجي لعد من نتزوج شيسوي
بقت ساكته متكدر تحجي يربي والله متت خجل
شلون اشوفه باجر .
_وين رحتي يلا انه اخابر ابو محمد انتي جهزي حالج اريدج تضوين باجر .

فعلا مثل ما وعدها سووا التحاليل وعقدو محكمه نفس اليوم لان جان مدبر اموره عنده واسطات
طبعا حكيم جان وياهم وسلمى امير جاي وحده من الناصرية بس من عقد محكمه جان عمه عدنان وياه
العزمهم على الغدا ابيته
طول الوكت لينا ويه امها مفاركتها وامير يدحك ويتحصر اخر شي طكت روحة ورى ماطلع من يم القاضي..سيدي بالعباس طكت روحي شنو هالجفاف
الانه بي .
حكيم رفعله تك حاجب ..امير اسبوعين والبنية ابيتك عليش هالسوالف التعبانه .
امير سكت وبكلبه يصير خير .
جان الغدا ابيت ابو علي زوجته من بغداد انسانه طيبة حياتها فقط لعائلتها
متحب تتدخل ويه احد عايشه لبيتها زوجها وولدها
عدهم اربع ولد وبنيه وحدة الجبيرة عبير زوجة جعفر
ورا ما تغدوا كعدن يشربن جاي ويسولفن
سلمى ارتاحتلها وتونست على سوالفها …ام علي
طلبت من لينا ..عيني ليونه بعد انتي صرتي بنيتنه
جيبيلنه بعد جاي يكلبي .
ابتسمتلها واخذت الصينيه ..ادللي خاله
ردتلها وهي تأشر للمطبخ ..اطلعي مباشرة المطبخ
عيني ترى الولد بالاستقبال محد يدخل لداخل البيت
اذا عدنا ضيوف .
رجعت تسولف ويه ام لينا وسألتها على زوجة اخوها
ليش ما جتي ..ام لينا تعذرت حامل وتعبانه مكدرت
تجي.

دخلت المطبخ شافت القوري عالطباخ دورت علبه الشكر لكتها عالسنك كملت جاي تشيل الصينية
انحظنت من ورى عاطت وراسا كتم عيطتها بأيده
_اااخ جنت اتمنى هيج اكضج ..دارها عليه شافها ترجف وعيونها مطككتهن .
_اعتذر لان خوفتج ..بقى صافن بعيونها هي استحت
_عفية لحد يجي .
_ماهو كاعدين محد يطلع ..مشتاقلج انتظرج على نار والله.
_امير عفية عوفني استحي والله .
عافها وراح قفل باب المطبخ الداخلي واتقربلها
_ولج لاتكولين عوفني انه ميت على شوفتج
حظنها ودنك راسه عليها يريد يبوسها دفعته بايدها
وراحت وكفت ورا الميز ..رجاءا امير تصير موحلوة
اذا واحد من اهلك دخل علينا وهسة امي وزوجه عمك ينتظرون الجاي .
ضحك واتقدملها سحبها حيل ولزكها بجسمه.. ههههه
يابة مرة عمي تدري بالفلم شنو انه موصيها هيج
اسوي .
ضاجت والله لو يدري خالها يتخبل عليها..
_عوفني شبيك
ادفع بي محبت اسلوبه شنو هالجرئة لو حتى زوجته
بعدهم بس عقد ويريد ياخذ راحته .
شافها عصبية خزرها وقربها عليه اكثر ..انتي زوجتي
واكدر هسة اخذج فاهمة لاتحسسيني غريب واريد
اتحرش بيج .
_والله خالو جان عنده حق من كال لا تخلي يتقربلج
انت كولش جريء تخوفني.
تركها ومشى رد التفت…اااخ هو شمانعني عنج غير
خالج بس اعاين خير ..امشي اطلعي لا تبقين تفترين
الولد هنا .
_ياااا اني ليش شوكت افتريت
طلعت بعد ما اخذت صينية الجاي وياها اكيد هسة
برد هههههه.

******

الصبح طلبت من حسان تطلع تتمشى شوي يم المزرعة القريبة تشم هوا وتغير جو لان اغلب وقتها بالبيت حسان فهمها تروح ويه سمر وما تطلع وحدها

ورى ماكملت شغل البيت وهو اصلا نظيف بس شوي
رتبته اتفقت هي وسمر طلعت من البيت لابسه فستان ناعم ردن طويله تفاحي وذبت الحجاب على شعرها واخذت نظارة شمسية سمر وصلت يمها
_ولج شنو هالجمال تعالي احصنج بالمعوذات هية يطكنج بعين .
دحكت بوحها ..كل عقلج دشوفي وجهج شلون منور
وحلو هنياله لخالد .هههههه
_ضحكت سمر وعدلت حجابها وعبايتها الراس
تسلمين حبيبة ديلا خل نمشي قبل ميكعد عمار توني نومته كعد من الفجر واذا ميلكاني يبقى يبجي
وعمتي تبقى تحجي عليه هههه
توهن جاي يطلعن من الباب الثاني هذا الباب بس
عائلة الشيخ يطلعون منه وكفهن صوت الشيخة عالية..وووين
التفتن عليها سمر حجت وياها ..عمة انروح نتمشى
شوية يم المزرعة خطيه هنودة تغير جو بس بالبيت
ماطالعة .
خزرت هند وهي تشوف لبسها ..شيخ حسان يدري.
هند جاوبتها..اكيد يدري وقبل اطلع ويه سمر .
اشرت على ملابسها وصوتها علا..شلابسة انتي
شلون تفترين بطرك الثوب والفلح تارسين الكاع
ماتخجلين شيكولون علينه ومرة الشيخ تفتر وشالها
ممغطي شعرها لمي شالج شينهاي فاتحته وركبتج
وازلوفج طالعه تردين تهينين رجلج اذا ما تهتميله
انه اهتم وخايفة تجي حجاية من وراج .
سمر بقت صافنه تدري بعمتها بالغت لان حسان قبل
يدري اليوم ماكو الفلح والمزرعة فارغة صح مايقبل
اذا اكو ناس والشيخه تدري بس تريد اضوج هند

هند وجها احمر من الفشله والاهانه هاي شكاعد تحجي كول عقلها ..اني اهتم لسمعة زوجي مابيها
داعي لهذا الحجي .
عافتهن وراحت تمشي سريع دخلت للبيت وقفلت الباب وكعدت بالكاع تبجي عمرها ما متعرضه لهيج
موقف واهانه الكل جان يدللها ويريد رضاها
متعرف ليش تكرها ولاتعرف شنو السبب.
كامت وهي تمسح بدموعها دخلت غرفتها ومددت على الفراش محست على روحها من غفت كعدت على ايد حسان تهزها دحكت عليه عاكدة حاجبها
وتحس راسها يوجعها لأن بجت ..سلامات خاف مريضة ليش نايمه الساعه ١١
عدلت كعدتها..لا ماكو شي
راح للقاصة مخليها بصف الكنتور فتحها وطلع فلوس
واوراق ورجع قفلها ..رحتي للمزرعة .
تقرب عليها جانت تريد تطلع من الغرفة ..لا ماطلعت
يلا اروح اسوي الغدا رايد شي مني.
دقق بوجها ..ليش عيونج وارمه .
رسمت ابتسامه هادئة ..لان جنت نايمه
طلعت للمطبخ ..صاحها ..اذا كمل الغدا صبي لان
جوعان.

مكدرت تحجيله متريده ياخذ منها موقف ان هي متحب امه وادور مشاكل تخاف من ردة فعله اكيد
يفزع لأمه مينطي بيها واني الوحيدة بيناتهم اكيد ميكفون وياي هاي امهم الشيخة .
شسوي لازم تسكت لوحتى امه تكرها

طبعا الصار الصبح كدرها حيل وخلاها عصبية بحيث
حسان ويه روحه تسائل شبيها هاي دومها هادئة
مالها صوت ورا الغدا غسلت المواعين ونظفت المطبخ ودتله الجاي ودخلت للغرفة متريد تكعد وياه
تحس بغصة تارسة كلبها .

ورا جم يوم جانت كاعدة بالحديقة قريب المغرب
تنتظر حسان تأخر انتبهت للشيخة جت تمشي عليها
نظرتها حاده حتى ماسلمت ..وين الشيخ
كامت احتراما الها تفضلي عمه هسة يجي.
مدت بوزها معاجبها ..من لبستي البجامه مااستحيتي
احد يدش لهنا ويشوفج .
هند بداخلها تستغفر متريد تعصب لان فعلا هواي تلح
وياها .
_عمه تراكسود وعريض ممبين شي .
_لاااا وترادد عيني بعد وبعد .
هند فتحت حلكها صافنه

هاي شنووو كاعد تتدخل بكولشي.
وان ساكته لخاطر الشيخ سالم وحسان.
_اني محترمه نفسي وكاعدة ابيتي والبس الاريده
_ولج ابني اشترالج وين الهدمة الزينه وانتي لابستلي خلاكين .
شلون رجلج قابل ماادري انه جم مرة كلتله
ويكلي انه احاجيها .
هند ويه روحها لااااا ومحاجية حسان .
_البس ابيتي اليعجبني
انتبهت لحسان اجى يتمشى عليهن..
_هلا بالشيخة منورتنا تعالي يمه اكعدي حياج .
دحكت عليه بعصبية..كض مرتك انه مو كتلك لبسها
يخزي .

الدموع تجمعت بعيونها متريد تسمع اكثر عافتهم واكفين ودخلت للبيت ..اعتذر اخذوا راحتكم .
مشت راسها مطخيته صار يعرفها زبن
حبابةوطيبةمشاعرها رقيقة يدريها متكدر تواجه
امه وقوةةشخصيتها .
التفت لامه ابتسم ..لا تعصبين تتعود على عاداتنا.

دخل للبيت ورا مراحت امه شافها كاعدة بالهول
تبجي ومن شافته مسحت دموعها بسرعة
كعد بصفها جان تساله تربد من وكت اسوي العشا
رفع ايده لا لا بعدين اخذ نفس وذبه..هند امي
متحب تشوفج بهاي الملابس .
رفعت تك حاجب..هي متحبني قليل تحجي وياي
واذا حجت ترزلني تنظرلي على اساس اني
مستهترة وملابسي متليق برجلي الشيخ المبجل

قاطعها ودرة بيها معصبه ..احترميها وخلاص.
نترت بي ..ماقللت احترامها هي التحقرني والله طكت روحي منها بعد مااتحملها .
تقدم عليها وبعصبية واضحة لان نترت بي..بعد مااعيد كلامي .
صفنت بوجهه..واني مالي احترام.
_ماريد حجي زايد البسي مثل ماتلبس النسوان هنا.

هند ملت من هاي الحجايةامه تحجيها وانوب هو

تحس روحها راح تختنك ..ماريد وليش اصير مثلهن
اني هذا طبعيمااتخلى عنه.
خزرها بعينه..جاي تحطين من قدرهن ليش ماعاجباتج .
_مااقلل قدر احد ولا اخلي احد يقلل احترامي.
ردلها بقوة..انه رجلج واكلج لاتلبسين هيج بس بداخل البيت مسموح
_انت مجان عندك اعتراض على لبسي
_يابة مااعترض لو تنزعين جدامي بس خارج البيت
خلاص والحسين دوختني
_احجي وياها تعوفني بحالي
_ما احجي وياها شلون تربدني اكللها عوفي مرتي ل حالها.
تر صدعتن راسي كافي
احتجت..انت حتى مدافع عني ولا عبالك اهمك
تنهد حسان..انتي ليش متفتهمين تردين افشل امي
وهي السوته نصحتج لشي جان المفروض انتي تفهمي .
زكحت بي ..كافي بعد مااتحمل امك تهين بيه وانت
تتفرج .
جرها من زندها بقوة وقسوة..ديري بالج ترفعين
صوتج بوجهي خافت منه ومن نظرته ..عوفني
شبيك جاي توجعني.
بقى خازرها وهي تتلوى تريد تسحب نفسها منه
تركها راسا ميريد يأذيها بس استفزته .
ركضت للغرفة تبجي راح يخبلها هالرجال مرات
يعاملها مثل الاميرات ومرات يقسي عليها مثل الصار
هسة.
حسان كعد عالقنفة وحس بضيق يدري امه كوية
ومترحب بزوجته رغم دائما يحجي وياها ويفهمها..
ااااخ انوب هاي الزعلت وماتفهم شاحجي .
عمي البسي بالبيت اليعجبج هههههه هي الشيخة
الله يسلمها ادور ورى الغلطة.
هند هي انيقة وحلوة وجاي يفهمها هالشي بس هي اصلا اضوج منها ااااخ يجي وكت وتتغير الله كريم.

**********

مبرووووك لنا فوز منخبنا ✌??

ورحم الله شهداؤنا.

…….
المقطع النشرته وكتبت الاحداث لاحقا اقصد الاحداث القادمة في الفصول القدمة.
تحياتي لكل من يتابعني

error: