قصة روابط للكاتبة |جوهرة السلطان

الفصل العاشر

بقلمي : جوهرة السلطان

انا عيوني تسولف عالغرام وياك
ومن عيوني اعرفك تفتفهم قصدي
وما احب الوكت لو خلص بلياك
بالقرأن محد حبك بكدي
واذا تنساني صدك اني ماانساك
لأن غيرك محب بالدنيا ماعندي

منقول

*******

بيت الحجي مخبوصين لأن شيخ سالم العمران اتصل
وخبر ابو علاء الخميس يمهم ان شاء الله .يعني ٣ ايام وتصير الخطبة..
من سمعت هند كلبها كام يضرب بصدرها من الخوف والارتباك وبدت الرجفة بيدها .
ام علاء هدأتها .. ياا صدوك هيج ترجفين تعاي يروحي اكعدي خل نتفق شراح نسوي …يمة ريمة
وينج ..
اجت ريمة ..اامريني عمة .
_بنيتي خابري على ندى تتحضر نمر عليها ذوقها حلو
لتساعدنه نشتري فستان ونحجز حلويات وكيك
وهماتين نمر عالصالون نحجز يووو هواي يراد ترتيبات لو منطين خبر قبل ايام هسة شحنسوي
ب ٣ ايام
هند ضاجت من تخطيط امها وداخت هاي السالفة بيها فستان وصالون عزا العزاج هندة كامت وهي ادردم..والله كولشي مااسوي تردون تسوون كعدة
والبس فستان واكعد بصفه اصلا زايد عليه البس
تراك شو قرية تلكين نسوانهم يجن دشداشة وعباه
زكحت بيها امها..ولج بالقرأن اطيح حظج تردين تفضحينا شيكولون علينه لج ماما ذول شيووخ
يعني شايفين خير من الله مو بحالنه كافي بعد ولاتظلين عوبة توج جنتي تتراجفين شو طلع لسانج
_شنو لعد اعوفجن تخططن شنو ماعندي رأيي

_هددتها امها..اني اعلمج والله لهدج بيد ندى ورحاب وهنه يتصرفن وياج .
ريمة طكتها بضحكة وهي تهز براسها .. ههههه
هلة هلة راحت بيها هنودة وبعد يومين تكعد عروس
مادام الشغلةبيها امي وندى

*******
بمكان ثاني بيت الشيخ سالم متربعة بالمطبخ وحاطة ايدها الى راسها يحاجيها حسان ومادة بوزها معاجبها
الجاي يحجيه ..
حسان كاعد كبالها عالميز يتريك حاجاها بصوت ناصي لأن ابوه بعده بالبيت مطالع للمضيف ..يمه يبعد روحي والله ماارتاح وانتي مو وياي جاا ماعندي
خاطر افاا يام حسان افااا
ماردت ولا التفتت عليه كام واتقربلها ودنك على ايدها باسها وباس راسها وشمه حيل ..اووووف ياريحة الجنه .
رفعت راسها وحجت بعتب ايييه قشمرني بحجايتين
وانته ما رديت على الحجيتة عبن مرتاح للسالفة
وجاية على مرامك .
فتح حلكه وطبك حواجبه مستغرب ..هاذ ياهوو
المرتاح انه لا والله بس لاجل عين ابوي
مشى عنها وكلبة معصور لان شافها ضايجة
التفت شاف ابوه الي معصب على الشيخة صار ايام .
دخل المطبخ شافها مبوزة والله ميهلة زعلها يدريهاتحب حسان ومتعلقة بي بس مايجوز تخرب الزواج ولازم يحمر عينه عليها زمخ بيها..اسمعي ماحاجة روحتج
بسج عاد زوهرتي ابنج كالبة وجهج
ماتشوفي يدور رضاج احمدي ربج عبنة بار بيج ويحبج ومايهلة يكسر خاطرج والتفت على حسان
_بأذن الله طلعتنة تكون من الصبح ورانه طريج
طويل انه حاجيت خواتك مراح يقصرن هنة وام عمار معدلات وخوش يتصرفن .
رفعت ام حسان عينها والتقت بعيون الشيخ وجانت نظراتها مليانة عتب ..مو انه الخرب زواج وليدي اروح واشوف البت الختاريتها تسوى تغصب ابنك
عليها .
تنهد الشيخ .. بسج يعالية بسج مجاكر وعناد ترى كلبي مايتحمل
صفنت عليه وكلبها خفك تخاف يرجع يتخربط
وضربت بايدها على حلكها ..اهاا سكتت ماحاجة
احجي بعد .

عندما عكست الشمس الضوء في تلك اللحظه سقط قلبي بين يدي

*******

صاير عصبي نار كام يغلط ويفشر وهو يحجي بجهازة ..شنوو الطلب مرفوض ومنو يتجرأ يرفضة
اسمعني زين خل يوقع عالكتاب لا يعاندني لا والحسين الشهيد اجي اسحلة كدام الجنود ترى ساكتلة انه هواي خبره بهذا الحجي ترى ملفة عندي
وحسابة ثكل هه كل ظنه يلوي ايدي عباله اخاف
هههه يحلم والله ..ديلا روح خبره بالكلته الك ونشوف شلون ميوقع .
شمر الجهاز والتفت على ملازم امير الجان ساكت لان يدري بعقيد حكيم من يصير عصبي يفقد ..
_ غصبا على شاربة يوقع كتابك ليش على كيفه الشغلة يصدرلك امر نقل انته تبقى بالفوج .
_ سيدي ماريد اسببلك مشاكل ويه عميد رافع.
_انته شكاعد تحجي يابة مشكلتنه مو الحين هههه من زمان لان اوكف بوجها ولك هذا واحد حرامي
..بعدين انته مو جاي تريد اجازة .
_سيدي بالعباس نسيت من شفتك عصبي .
_لا لا تطمن بعدين انته مو تكول ماحب اخذ اجازة
زمنية .
_اي صحيح بس ابن عمي الشيخ عكب باجر المشية مالته
والعقد ولازم احضر لان هو حيل صديقي ومقرب مني .
_يابة عالخير يوم الك ان شاء الله ..هسة اوقعلك يومين اجازة يادوب تلحك ترجع للناصرية وترتب امورك .
_ سيدي ميحتاج روحه العروس من بغداد يعني اكدر اخذ زمنية ونفس اليوم ارجع للفوج .
_ اهاا يلا عالخير وبارك لابن عمك الله يتممله

ضرب التحية وطلع …
رن الجهاز دور عليه ..هذا وين شمرته لكاه وفتح خط
_هلا والله شلونكم ..حماده شلونه.
_الحمدلله تمام شبي صوتك مبين ضايج
_ماكو شي ..حماده بعده يشكي من ايده.
_لا بس يكول شوكت افتحها .
_ان شاء الله انزل باجر واخذه للطبيب يفحصها واحتمال يفتحلهيا اذا جابر الكسر .
_يلا همزين حتنزل باجر لان حيخطبوها لهندة والحجي كال راح قاطعها حكيم ..حبيبتي عندي مكالمة دقيقة وارجعلج .
_ياهلاااا والله هلاا بابو علاء
_يابة متخابر وتسأل كلنا نسأل احنه ههههه شلونك
شخبارك .
_ههههه الحمدلله حكك والله الدوام ماخذ كل وكتي
_يابة رايدك توكف وياي بخطبة هندة الخميس
تكدر تاخذ اجازة بعد انته الأمر ههه
_الله يتممها على خير ..وعلاء شلون بعده معارض
_تدري بعلاء راس يابس وميقتنع بسهولة .
_ايييه الظاهر يباس الراس وراثة بالعائلة .
_هااا مو اكوللها لندى
_هههه لا بداعت اعزازك غير تنومني بالصالة وتبقى مطنكرة تدري بيها حيل حساسة
_الله يسعدكم يلا اخذ راحتك
_الله وياك ….هاا نداوي جان الحجي وياي
_اي اكيد عزمك .
_اي اذا عندي مجال اروح .
_عفية حكيم لازم تحضر لأن كلبي ناغزني من علاء خاف يسويله هوسه ويحرج الحجي خطية .وهو يريد خاطرك ويحترمك
_ان شاء الله …كملتي شغلاتكم لو بعدج رايحة رادة .
_ههههه شو تحجيها بضوجة لعد غير اوكف وياهم خطية ام علاء تحب تاخذ رأيي وكلفتني اني ورحاب..بعدين هو يوم واحد رحت ..حبيبي لا ضوووج
_ايييي من الصبح لليل .
_يوووو حكيييم .
_ديلا لا تتموعين من اجي البيت اريد التموع
_ احبببببك يروووحي لا تتأخر .
_اويلي …ولج وين انطي وجهي هسة بالعباس اذا
اكضج اموتج.
_ههههههههه بااااي حبي
_الله معاج .
اااخ يندى اخرب عليج.

*******

كلشي محضرين للخطبة الي صار وياها عقد سيد
الشارع انترس كلها سيارات احدث موديل وكولها شيوخ من الجنوب وياهم سادة والحجي جان طاير من الفرح وهلة ورحب بيهم هو اوولد عمامه الجانو حاضرين .. والحلو ابيت حجي راشد جبير بحيث من كعدو العالم مصارت هوسة استقبالهم جبير وحلو مرتب كوله تخامه وفازات يعني شي راقي ..علاء يطب ويطلع ويحجي بموبايله بصوت ناصي خله ابو ينتبه عليه خزره بعينه فراح كعد يمه همس باذنه ..ترى وترتني شبيك انته وهالموبايل صفن على ابوه وتنهد ..ماكو شي .
_السلام عليكم . سلم حكيم عالضيوف الي رحبوا بي
بعد ماعرفهم بي حجي راشد وهناك ويشوف امير كمز يسلم وهو يضحك ..ها سيدي طلعنه نسابه
_ههههه اي والله واتشرف بيكم .
حجى امير ويه ابو وعمه ..عقيد حكيم تدرون شكد اسولفاكم عليه .
جاوبه ابو جعفر الي هو ابو لأمير..كل الهلة احنة النتشرف بيك وامير دوم بطاريك
الشيخ سالم ابتسم لحكيم .. هنياله اليناسب ابو علاء
كفو منه وحي الله اصله .
ردلهم الحجي ..كفوك الطيب وتحيا وادوم يبو حسان.
بهالاثناء رن موبايل علاء وطلع برا وشوي ورجع وياه شيخ المسجد اليصلون بي رجال عمره بالستين وجها نوراني سلم عالموجودين وكعد .

بالهول جان الوضع غير شكل ندى وريمة يفترن يقدمن المي والعصائر وكل شوي ندى تروح تشاور هندة الجانت كالبة الوجه ..ولج اشوي ابتسمي
عيب من اهلة .
مهتمت لحجيها عافتها وراحت على ابنها الجان كاعد يم ام ريمة خطية مكيف لان خلص من التجبيرة من البارحة طاير وابوه يوصي بندى من وصلها الصبح
تهتم بي متعوفة وتلتهي .
خوات العريس كولش فرحانات بهندة متوقعنها هالكثر حلوة ونازكة والشيخة سلمت وكعدت ماحجت بس كلمتين ثلاث جاملت بيها ام علاء وام ريمة بقت صافنة عالراح تصير جنتها عجبتها لأن شايلة جمال رباني بس مبينه مايعة تحجي وي روحها هالمايعة تصبر يمنه بالقرية يلا شسوي لسالم
الدك عناد ويايه .

هند كولش خايفة ومتوترة ومتعرف شتسوي من كعدت بصفها امال اخت حسان تسأل بيها اجاوبها
شوي وتسكت ابتسمتلها امال ..ادريج خايفة اطمني
ان شاء الله ترتاحين يم اخوي عبن هو زلمة معدل
واخو خيته هسة اتشوفينه واحكمي عليه براحتج ههههه. رسمت على وجها بسمه خفيفة اجامل بيها
اختة .
انصدمت من دخلت سلمت وكعدت على القنفة توقعت تشوف نسوان كبار بالعمر ولبس مو حلو اشو
وحدة احلى من الثانية حتى جنتهم شكد مبينة حبابة ماشاء الله عليها هي وابنها نفس الحلاة
وامهن الشيخة مثل مسمعتهن يصيحنها كاعدة عبالم ملكة كشخة مبينه عليها والذهب تارس ايديها ومببنة من جانت شابة جانت حلوة بقت ادردم على روحها
على اساس قرويات ومحلوات يبووو على حظج يهندة .
ام علاء خطية عيونتا الى بنتها وبكلبها تقرى بهالايات وهي تشوف جمالها ورقتها بالفستان اللابسته ندى اختارته سماكي وبي لمع وكرستال
لان هندة عاندت متختار وانوب هي بيضة والشعر على شكار هو طبيعي بالصالون مقبلت تلعب بي طالعة تخبل .

ريمة بالمطبخ هي وندى يحضرن الضيافة للزلم ..شفتي شكد حلوات ومرتبات هههه هندة بقت مصدومة لا وانوب الهدايا الجايبيها مبينه توب
ردت ندى ..الله يسعدها يلا حبي استعجلي فد شوي
يوصل الاكل همزين اتفق الحجي ويه ابو المطعم
قاطعتها ريمة ..عزااا ذول مبينين كله صياني ومفطح
ولحم هسة يعيبون علينة والله لو جايب ذبيحة خالو راشد وطابخيها احسن صح تعب بس تجي حلوة .
_هههههه عيني ام المفطح ترى ابو علاء يعرف ومعدل بهاي السوالف اصلا موصي ذبيحتين والتقديم صواني تمن كبار ومقبلات بعد هو متفق
شمدريني اني يكول عيب يوصلون وكت غدا ميصير بس عصائر وكيك
تنهدت ريمة ..همزين جان شلون فشلة

ورى الغدى الجان على اصولة وبيض وجه الحجي
كعدو يشربون جايات
بالمطبخ عزلن ندى وريمة وجت رحاب وياهن خلن الصواني والمواعين على صفحة كالن ورى ميطلعون
يبدن يغسلنهن وراحن رتبن نفسهن وكعدن يم النسوان هند مقبلت تاكل بس امها غصبتها على لفة

تشكرت ام حسان منهن وبقت تحمد بضيافتهم ..
ندى ادور على حماده جرت يزن الي دخل سريع
_حبيبي وين حماده
_يم عمو
اطمن يم ابو وراحت كعدت …
سمعوا بدو بالعقد بعد ماالشيخ جدد طلب ايد هندة لابنه حسان وخبر الحجي يحضر البنية ليعقدولهم
حسان جان كاعد طول الوكت ساكت ومرات يرد مجاملة للكاعدين يحس بنظرات علاء الباردة
بس مهتم رفع تك حاجب ودار وجها من شافه
صافن عليه .
طلع الحجي وصاح ام علاء الجتي بسرعة
_يابة حظري هندة جيبيها هنا يم الباب وماريد صوت يطلع عيب مناك العالم .
_صار عيني هسة احظرها
حظرنها وكعدت على كرسي بصف باب الاستقبال.
سمعنهم يسولفون لان صارت صنطة بدى السيد الجاي وياهم والي هو نسيبهم متزوج بت عم الشيخة جان يقاطعة علاء ..اني ارفض اختي
تتزوج عال……