قصة روابط للكاتبة |جوهرة السلطان

الفصل السادس والعشرون

بقلمي:جوهرة السلطان*

اللهم ارحم شهداؤنا واسكنهم فسيح جناته
اللهم فرج على العراقيين وابعد هذه الغمه.
ياااارب ياااا عظيم
??????????????

********

طلب صلاح طبعا هو ايد شيخ حسان اليمنى طلب من عامر مايتدخل بشراية المطحنه القرر حسان ياخذها قبل فترة مطحنه جبيرة بالشطرة .
عامر رد عليه.. شنهي السالفة انه انطيت بيها سعر زين والزلمه راح يبيعها اليه.

صلاح فتح حلكه متفاجىء ..عامر كل عقلك شلون هيج تتصرف انت جاي تعادي شيخ حسان.

ابتسم بشماته ..كلشي وكلتوا حسان..حسان..جن هو الزلمة الوحيد اليعرف يتصرف.

ردله صلاح وعيونه مطككه عليه..زلمة شيخ معدل يعرف يتصرف ذكي وعقله تجاري
صلاح يدري عامر ضاج ..هو ابن عمك وعيب عليك
تتصرف هيج .
زمخ بي عامر ورفع اصبعه مهدد ..دير بالك تتدخل
ولاتكلي حسان صاحبي ترى اعرف ماتنطي بصاحبك
بس لاتتدخل بيناتنه.

عافه صلاح ومشى بعد ماقرر ويه نفسه يخبر حسان
بلي سمعه .

كعد حسان بصف ابوه بالمضيف وخبره انه اتفق مبدئيا ويه صاحب المطحنه حتى عالسعر اتفقوا وراح يتصل عليه.

الشيخ سالم مفتخر ..خوش تصرف منك هذا مشروع حيل زين يفيدنا واحنه اصحاب زرع الحنطة والشعير النزرعه نكدر نستفاد منه بالمطحنه.
حسان ردله بثقة واضحة..والله يبوي المشروع ناجح
وراح نتعامل وي هواي عالم موش زرعنه الكل يستفاد.

دخل صلاح وسلم عليهم اشر لحسان .
حسان كام وياه..خير صلاح شبيك.
دحك صلاح عالشيخ سالم والتفت لحسان..عامر زايد عالمطحنة بسعر اعلى وراح ياخذها قبل شوي سمعته.
حسان ضاج وبين عليه..ليش يحجيلك ويدري بيك صاحبي مراح تضم السالفة .
_ جنا نسولف ونصحته ما يتدخل ويعوف سالفة المطحنه كال راح يشتريها وزيد السعر.
الشيخ سالم طلب من صلاح يروح يصيح عامر .
ردله حسان وهو ياخذ جهازه ويتصل شوي وردله.
_عامر تعال للمظيف الشيخ يريدك.

سده بوجهه ورجع موبايله بجيب دشداشته.
حيل ضاج وشوي شوي العصبيه تزيد تذكر ليش ما يخابر صاحبها ويتاكد وفعلا خابره وحجاله على عامر
والسعر الي نطاه قفل موبايله وشمره قوي عالقنفه.
عيونه صارت بكصته من العصبية يعني كل الخططله
راح يطير بسبب عامر وسوالفه
رايح جاي بالمظيف يريد يسيطر على عصبيته
هذا يريد يتحداني يريد يبرز روحه يكتنص فرصه
على حسابي موش انه الاقبل صرخ بصوت قوي..موش انه الاقبل .
الشيخ سالم هدئه..تصرف بحكمه وليدي
رجع كعد على كرسي التخم وسند فكه بايده وعيونه
تخوف من العصبية .
بهالاثناء عامر دخل المضيف وصلاح وراه راح شاور
حسان وصاه يلزم روحه لايتهور خلا وطلع.
سلم عليهم وكعد ..ها عمي اامرني.
حسان يراقبهم ويشوف ابوه شلون يقدره ويحترمه
حجى الشيخ ..صلاح كال تريد تشتري مطحنة الشطرة .
عامر ردله ..اي صدك
الشيخ جان هادىء من يحاجي..وليدي انت ماتدري حسان متفق هو وصاحبها.
يصير تزاود على اخييك وابن عمك ونسيبك .
عامر عرف عمه ماقابل ردله..والله يعمي التجارة شطارة .
_الشطارة تتحايل على ابن عمك وتزاوده وانت تدري
هو قبلك يريدها واتفق وصاحبها شلون يبيعك
عامر كام وهو يدحك على حسان ومبين بعيونه ابتسامه شماته..شوفلك غيرها ابن عمي.

حسان ماحجي رغم جان بوده يطرح عامر ويتجفص
ابطنه طلع من المضيف وقرر على امر واحد لو يخسر
فلوسه كلها السالفة صارت تحدي وعامر يريد يتحداه.

دخل للغرفة فتح الخزنه الجبيرة بعصبية واضحة يحتفظ بالاوراق المهمه وملفات تخص املاك العائلة لان الشيخ ميتدخل
مسلمه كلشي من سنين .
طلع جم شده فلوس خلاهن بجنطة صغيرة سودا
انتبه على هند دخلت زمخ بيها ..شتردين .
استغربت من عصبيته وبنفس الوكت خافت
_سمعت صوت بالغرفة وجيت تحتاج شي

صفن عليها بعدين حجى..تأكدتي
يريد يطلع وهي واكفة بالباب
دحكت بعيونه شافت غضب وشراسه سألت روحها
معقولة اني السبب لان صار كم يوم ممتقربلي ولا اني اريد قربه اوووف كله من ورى امه تهين بيه
وحضرته ساكت .

هند زعلت على حسان من وكت ما رزلتها الشيخة.
وحضرته زاد على كلامها تهتم بأموره وممقصرة بشي
وياه بس متحجي وياه الا للضرورة ومن تريد تنام
تنام من وكت متريد تتصادم وياه وهو تركها على راحتها.
تدري بي يراقبها بس مغلس عنها بمزاجه

خزرها وهو يحجي..شنهي جاي ادورين عليه حنيتي لو شبيج
ردت وكلبها ميت على قربه ميته على كلمه حلوة منه
بس متريد تبين ..متوهم على شنو ادورك وانت مكابلني.
رفع تك حاجب واتقربلها ..اي مبين من تركضين بس شفتيني ادخل البيت.
سألته بصوت هادىء..راح تطلع.
جرها من جتفها على صفحه وطلع ..عندي شغل اذا
تأخرت لا تنتظريني .
طلعت وراه عيونها عليه تراقب كل تفصيل لبسه للدشداشة وشمرة غترته عطره الفايح يربي شبية
هلكد تعلقت بي وميته على قربه مشت للشباك ودفعت البردة بقت تراقبه صعد سيارته
مشتاقتله بس تكابر وجاي تشوفه ممهتم لو يسوي روحه ممهتم.

*****

ركع الجنطه عالميز وحجى بعصبية ..راح تبيع اليه
وهسه .
رفع عارف راسه بخرعه ..يمعود شيخ سلم بالاول.
رفع حسان اصبعه بوجه عارف ..عيب عليك تتفق وياي وتروح تبيعها لغيري ومن ورى ظهري.
عارف كام يهدي بالشيخ واشرله يكعد..صلي عالنبي .
كعد حسان وهو يردد..اللهم صلي على محمد وال محمد.
كعد كباله وحجى..عامر جاني ولح هواي ومن رفضت علة السعر والعباس هم رفضت وجان يكول انت ماعندك مانع اذا هو اشتراها انه كلت مادام ابن عمك
جا ماتمانع .
حسان بعصبية..مااقبل غيري يشتريها وهاي الفلوس
واكثر من اليريد يدفعه عامر.
يلا طلع الاوراق لنوقعها.
عارف فتح عيونه متفاجىء …تتشاقى شنهي
ترى ماتساوي هذا السعر .
حسان اصر ..صارت تحدي .
طبعا عارف فرح باع المطحنه بهيج سعر صحيح هي حديثه العام اشتراها بس يريد يصفي شغله ليسافر
للخارج.
طلع من المكتب وبجيبه عقد ملكيه المطحنه.

….

من سمع عامر انو حسان اشتراها طار عقله دخل للبيت مثل الثور الهايج عاط على امال ..ولج ترحين
لأخوج تكليله يتنازل عن المطحنه واذا ماقبل لاترجعين ابقي عنده .
امال ممصدكة شبي هذا بقت قلقانه ..شبيك ياعيني
ليش ضايج.

عيونه بكصته تجدح شر صرخ بعلو صوته ابو طلع من الغرفة ..شبيك تعيط.
رد على ابوه.. والحسين اذا مايتنازل حسان عن المطحنه امال ماتبقى على ذمتي.
زمخ بي ابو جعفر..طيح الله حظك على هالحجايه
تخبلت يول شنهي .
امال دحكت على عمها والتفتت على عامر وعاتبته..اي يعامر
مالي قيمه عندك
مالتفت عليها لان ميريد يشوف القهر البين عليها.
ابو جعفر تخبل بقى يحجي على عامر..مخبل شلون
تحط مرتك بالسالفة شلها دخل ها مجاوب شبيك.

عامر برر كلامه..حسان اخوها واذا حجتله الصار مراح يردها عبن يحبها ومايريد يخذلها .
امال صدك ضاجت شلون هيج يحجي ..انه مااقبل
على هذا الحجي شلي دخل بالبيناتكم حسان عمره
مااذاك ودومه يريد خاطرك.
خزرها بعيون غضبانه واشر بايده..اطلعي من البيت
ولج شلون تتجرئين توكفين وي اخوج ضدي .
امال ماسكتت..ليش تريد تعانده .
امشي من وجهي مخليته فوك راسج شنهو هو لو بي
حظ مراح تزوج وحدة مدري منين مو من مذهبنا

ابو جعفر عيونه طكن تخبل رفع ايده يريد يلطمه على وجهه ..تاكل تراب وتسكت ……امال صارت كدامه تتوسل..لا عمي لا
بصوت معصب..ولك شوفها ماتحملت اهينك جدامها
وانت تريد تعوفها اسمعني زين لا تتقرب لحسان
لاتنسى هذا شيخنا ماريد الناس يجيبون طارينا
عمام تكاتلو بيناتهم.
عامر بضيق واضح ..يابة شنهي حسان ترى زودتوها.
_ولك افهم حسان رجال معدل مايوم طلعت منه العيبة من يوم يومه مهيوب .

التفت على امال..دكي على ابو العباس كليله ابوك يريدك.
ساله بفضول..ليش تتصل على جعفر هه تريده يحبسني.
_والله ياريت يسويها بلكن يرجعلك عكلك .

امال ماتحملت عامر يهينها ويحجي على حسان كلشي الا حسان ماتقبل يجيب طاريه .
راحت لغرفتها لمت جم ثوب وغراض لحسوني
وطلعت.
خبر ابنه يجي للقرية ..جعفر كاله باجر يجي هو وولده التوم يردون يشوفون العجول الولدت جديد.
وكال لابوه لايحجي وي عامر خل لما يجي هو يتفاهم وياه يدري بي متهور وينخاف من سوالفه.

ام جعفر سالته ..راسي يوجعني وعياطكم فززني
شمالكم عبالي صار شي.
ردلها ..ماهو ارتاحي انتي.
_جا شلون وامال طلعت شايله جنطة بجتفها.
كعد عالمدة بالهول وحط ايده على راسه ..يابويه
يابويه..عويمر راح يموتني
شو تعاي خلن اسولفلج دكايك ابنج.
وكعد يحجيلها الصار.

*******
كوة مسيطرة على دموعها متريد اهلها ينقهرون بسبب عامر وسوالفه.
خبرت امها ماتحجي بس وين والشيخة الها رأي بالسالفة لان ماعجبها تصرف عامر تدري من زمان يغار من حسان من يوم جانو صغار بس سالفته هاي
ماعجبتها متوقعت يوصل بحقده وغيرته هيج.
لازم تبلغ الشيخ وحسان شلون عامر بتجرأ ويطرد
امال هاي اهانه لبيت الشيخ ماحط احترام لعمه.
امال توسلت بيها بس دفعتها بحركة ..وخري خلن
ابوج يعرف بسوالفه .
طلعت للمضيف وبهالوكت ماهو ناس هواي ميصير يوصلن لهنا تدري بهالشي بس غضبها جان مسيطر عليها..
لاكاها خالد ..ها يمه خير ترى ابوي وتدرين بي مايقبل نسوان يوصلن لهنا .
نترت بي ..جنب غاد ترى واصله هان .
واشرت لخشمها .
لزم ايدها وحظنها ..يمه بعد كلبي شبيج مو تدرين
ابوي ميقبل افرضي دخل رجال للمضيف هسة اروح
اصيحه الج.
اقتنعت بحجي خالد ووصته يصيح حسان ..اريدهم اثنينهم .
خالد رجع للمضيف مستغرب تصرف امه.

….

حبيبتي ماما كولش مشتاقة ميخالف اكلم حسان اذا قبل يجيبني.سلميلي عالكل.
حسان سمع نهايه حجيها تقدم عليها ودنك عليها عينه بعينها ..تحسين بالغربه
هند ماعت من شافته بهالقرب بللت شفايفها
حسان بلع ريك بهاي الحركة السوتها وحواسه انتبهتلها ..
_كولش مشتاقتلهم اذا عندك مجال وديني .
_شفتيهم قبل فترة وجاي تتواصلين وياهم واتس وموبايل .
دنكت تلوي باصابيعها هاي الحركه تسويها من تخجل لو تتوتر يدري بيها ..صار شهر ونص من زرتهم
رفع حنجها بايده ودقق بعيونها العسليه ..شلون حاسبتها صح جا ماحسبتي شكد صارلج بعيده عني
حمرت خدودها وغمضت ..افتحي عيونج خلن اشوفها .
ويه روحها اكيد اسبوعين ما لمسها الاسبوع الاول
شهريتها والاسبوع الثاني جانت زعلانه بسبب امه
وهو ماحاسبها جان مطوللها خلك وصبور حيل وياها
يعاملها باحترام وهي كل السوته دوخته اسبوعين
تعامله ابرود ومانعته من حقه بيها بس هسة حيل ندمانه كلبها كام يدك سريع متتحمل بعده عنها لأن تاكدت من حبها اله وبعد متتحمل كولش مشتاقه لحظنه
قرب راسه وشاروها حسبتيها الايام شو ماتردين.
بصوت ناعم وكلبها يدك سريع..انت جنت مرتاح ممصدك تبعد .
جر حصره ..ااااه ..خلى ايديه على كتفها .وعيونه
بعيونها..ترديني اسحبج للفراش بالقوة .ترى هاذ ماهو
اسلوبي ولا طبعي وماشاء الله جتج عدله بعدتي عني .
حجت وبين وجها حزين..عبالي ماتحبني .
ردلها بنترة..شلون هيج تحجين .
سالته بلهفة واضحة عليها..يعني تحبني .
ابتسم الها ..ليش تصرفي وياج مايبين شكد انه احبنج وشكد انه مهتم بيج.
مدت ايدها ولمست شاربه ولحيته مسدتها برقه
_يعمري اسفه لان بعدت عنك اوعدك اعوضك الايام الراحت.
حظنها حيل ..شورانه عدنه وكت ونعوض
همستله ..حسااان .
_دفن راسه بركبتها وشمها قوي ..همممم
_احبك …هالاسبوع روحي شايطه عليك من تاكدت احبك وانت ممهتملي .
ضحك وهي بحظنه..والله حسيت من لمعة عيونج الحلوة .
حضنها حيل بشوك ولهفة خلت راسها على صدرة
مستمتعة بالامان والحب.
شاورها ..خلن نكمل بغرفتنا .
احمرت خدودها ومشت وياه يم الباب حجت شوكت
توديني لاهلي.
مرر ايده على وجها الناعم ..لا عبالج احبج راح اسوي التردينه خل اعوض الايام الراحت وانه محروم منج.
خزرته ..حسااان شبيك.
دنك وحط كصته بكصتها ..ارضيني هسة وباجر من الصبح احنا بطريق بغداد .
كرصته بزنده جان ينتر بيها ..اااخ ولج ههههههه
يابويه توجع ممبين عليج .هههه
وكفت جدامه وتخوصرت ..تلعب باعصابي مو .
مد ايده وجرها لحظنه ..تعالي..تعالي امازحج
بس وعد مني ارتب اموري هالاسبوع واوديج
ان شاء الله.

…..

رفع حسان جسمه بعصبيه من سمع بااب البيت تندك
شينهاي هسة وكتكم.
هند بصوت ذايب وجسمها خدران تراقب حسان لبس الدشداشة ومسح على شعره بأصابيعه رجعه ليورى
_حساااان شكوو
صفن عليها شلون ماخذه وضعيه وبدت تستر بروحها
ضحك..هههههههه الباب تندك
عيونه تشع رغبه وحب شكد جان مشتاقلها لخاطر الله ..حجى عالقاطعهم يريد يطلع هند صاحته
ارتجت بجسمها على ايدها..ترجع لو تتأخر.
جاوبها بحنيه..ارتاحي يبعد كلبي.
عافها وطلع بقت هند تفكر بحسان خلت راسها عالمخدة والبسمه على شفايفها يربي شكد تحبه
تعشقه لحسان وتريد رضاه فكرت اول شي تصير حامل بطفل منه حست بشوك ولهفة وهي تتخيل
ابنهم.

……

دخل وسلم على اهله الجانو ينتظرونه بالهول ..شنهي السالفة خالد ماقبل يحجي .
حجت امه بعصبيه..عويمر طرد امال بهالليل .
كعد عالقنفة متفاجىء ..وليش عامر يطردها
ابوه جاوبه..هددها اذا ماتتنازل عن المطحنه يطلكها
حسان تخبل ..شلون شلون هيج يسوي بيها هي شنو ذنبها.
شكد حقير شلون يدخل امال بالسالفة.
_وين امال اريدن احجي وياها
دخلت امال وسلمت عليه اشرلها تكعد يمه..
_حسان يخوي لاتتنازل احلفك بالعباس هو سوه
هيج يضغط عليك وصدكني ما يكدر يطلكني.
حسان سالها..شمدريج بي واذا سواها وطلكج كلنا
نعرفه عنيد ومتهور.
ردت الشيخة بسك منها عبالها يحبها مراح يطلكها
هاذ ناويها هالمصخم.
خالد يهدي بامه..يمه اشوي اهدي لاتتعصبين.
حسان يعرف بعامر قاسي وعنيد وبحب يتفاخر
وشكد يكره تصرفاته هاي بس يشفعله حبه لأمال
بس السواه استفزازي يريد يأثر عليه
دحك على امال شاف الحزن بعيونها وهذا الضوجه
يحب خواته حيل وما يقبل عليهن المذله.
وحب يطيب خاطرها لو حتى على حساب نفسه
طز بالمطحنه ماتهمني كثر سعادتج.
اتنازل عنها و….
قاطعته امال..دير بالك حسان مااقبل هو يريد يفوز
بيها يغار منك والله .
ابوها نتر بيها..بنت هاذ رجلج وابو ابنج.
التفتت لأبوها..ادري يابه بس توصل السالفة لحسان
لا والله اخوي اهم منه اخوي تاج راسي تريدني
اقبل حسان يخسر بالشي اليريده واكون السبب
لا والله مااقبلها .
حسان سمع دفاعها عنه يفتخر بحب اخته ودفاعها
عنه.
_يبعد رويحتي يخوي لا تتنازل ترى السالفة سالفة
كرامه صارت.
جرها وحظنها وباس راسها بعد كلبي والنعم من اختي الاصيله.

*******

الجاي تقرا دوسوا نجمه وراح تتعبون ?