قصة روابط للكاتبة |جوهرة السلطان

الفصل التاسع عشر*

بقلمي :جوهرة السلطان

اشكر كل من يدعمني ويقرأ قصتي خالص احترامي
وتقديري.?

******
بعدما راحوا اهلها رجعت لبيتها تحس براحة لان كعدت وياهم وسولفت بس النغص فرحتهم
وكعة حماده خطية جانو حيل مقهورين عليه.
شكد جانت مشتاقة لعلاء ااه ميتنازل عن
البراسه رفعت ايدها تتمثل بالسوار يربي شلون
ذوقه حلو حبيبي اخويه ربي يحمي يلا االاسبوع
بابا عزمنا .
حجي راشد كعد وياها يسولف بعدما طلب
من حسان يصيحها .
حسان كاله تعال للبيت تاخذون راحتكم
دزلها رسالة تجي للبيت .
من شافت ابوها كاعد بالاستقبال ركضت وشمرت نفسها بحضنه شهكت تبجي راشد حضنه بلهفة
بعدين رفع راسها مسح دموعها وبوسها بخدودها
بشوك ..ياعيون ابوج وكلبه اششش باباتي
ليش هالدموع رفعت روحها وحضنته من ركبته
تبوس بيها مشتاقتلك هواية.
مسد راسها بحنية وحجى ويه حسان ..شمسوي
بحبيبة ابوها وهلكد تبجي لا لا راح اخذها
وياي .
حسان يشوفها شلون مشتاقة لابوها وتحضن بي
وتبوسه حس بغيرة عليها ومن سمع الحجي
يكله اخذها وياي كلبه خفك يدري الحجاية
شقى بس محب يسمعها.
راح كعد على كرسي التخم وتجى ظهرا ..وصيها
عليه حجي وخل ادير بالها عليه
حسان حب يناغشها جدام ابوها ويحرجها
حتى اتوب من هذا طبعها عرفها راسا من عاشرها
عرف بيها تسحب نفسها وتبعد خل تتعلم هسة هي
متزوجة تشارك حياتها وي رجلها اثنينهم يتشاركون
بكلشي ..
الحجي جر بنته وكعدها بصفة عالقنفة مقابيل حسان وبقى حاضنها ..
_لا بابا هند كلشي ولا زعل زوجج ليش غاثته.
التفتت على حسان وهي بحضن ابوها .
حسان رفعلها تك حاجب خافت منه وردت على ابوها
وهي تعدل كعدتها بصفه ..لا والله اصلا امدللته
_جا اجذب انه شيخ وعليه العتب مرتي اجذبني.
شهكت وخلت ايدها على صدرها..اااني .
ضحك الحجي عليهم..ههههه بابا هند داري الشيخ
زين يروح يكعدني للحك و ياخذ مني فصل هذا
الشيخ حسان بعدج ماتعرفينه .
رفع حسان ايده وخلاها على اعكاله..على راسي
عمي انه اتشرف بيك.
هند بوزت وكعدت تلعب برباط ابوها تعدل بي
وشاورته ..والله ممسويه شي .
حجي راشد وصاها بحسان ودنك شاورها ..ارفعي
راس ابوج .
_ان شاءالله
كعد شوي وكام راح للمضيف هند توسلت يبقون
وباجر يرحون .
مقبل من طلع وصى حسان عليها ..حسان ترى
مخلي يمك قطعة من كلبي لاتلجمني بيها.
_سالم كلبك عمي هند امانه بركبتي حجى واشر على ركبته.
_ادري بيك كد الامانه لهذا اني مطمن.

التفتت هند على حسان الدخل للغرفة بهدوء
استقبلته بابتسامه هادئة تريد تحسسه هي
مهتمة بي فكرت بكلام ندى واتصرفت على
اساسه شكد تحب كشخته جان لابس دشداشة بيضة وشماغ اسود عطره ترس الغرفة..خزرها بعينه وبقى صافن عليها.
يربي ليش يخزرني اتقربت مستحية تريد تاخذ
شماغه والعكال نزعهم مدت ايدها سحب شماغه
منها بس مقبلت تنطي ..حجت بصوت ناعم
_خليني اعلكه بالكنتور
بصوت خشن رجولي ..عوفي
جانت حيل قريبه عليه عضتله شفتها بخجل
من شافها هالقرب وشلون طالعه اجنن يدري
بيها خجلانه ومرتبكه اوووف شلون انوثه
ونعومه شايله سحبها بحضنه ودفن راسه بركبتها
شمها حيل وعضها على كيفه .هند داخت من هاي
الحركة السواها وجسمها خدر سمعته يشاورها
بأذنها وانفاسه الحارة خدرتها ..ليش تتحارشين.
تململت بحضنه تريد تفك روحها متكدر حيل
حاضنها..اني اتحارش شوكت.
_اااخ ولج شلون مايعة كولة الشيخة .
هند ضوج من يقلدون عليها تريد تدفعه مينطيها
مجال ..ليش تعضين شفايفج الترفات .
رفع راسه ودحك عليها شافها منتهية ههههههه
ابتسم بداخلة عليها هاي بس يطخها تذوب
ومسويه نفسها باردة وتتبعد.
صفن بشفايفها واخذهن بسرعة .
هند انتهت من باسها بادلته لهفته عليها شالها
وخلاها عالفراش دفعها من صدرها وصار فوكاها
اتقربلها شافها خدرانه وانفاسها تصعد وتنزل
دنك باس خدها بقوة واخذ منه شمه ..راح اصلي
العصر ممصليها اخذي راحتج .عافها وطلع
يتوضا رمشت بعيونها تريد تستوعب السواه
عدلت كعدتها مدت ايدها تتلمس شفايفها
الخدرانه موبس شفايفها تحس جسمها ذاب
متكدر تقاومه من يتقربلها تحس بالامان ويا
اكو مشاعر جواها هايجة تريد قربه يجوز بديت
احبه لان كاعدة اتعلق بي اااخ هو اكو شي بي
مينحب يووو هاي شبيه اني شبسرعة حبيته
شبيج هند لعد شلون اذوب بحظنه اذا مااحبه
تحجي ويه روحها وايدها تتلمس شفايفها
_يابويه شبيج مدولبه وصافنه.
فزت على صوته التفتت شافته اخذ السجادة
ومدها يريد يصلي.
عكدت حاجبها مستغربة ..شنو مدلبة
التفت عليها شافها عاكدة الحاجب تريد تفهم
حجايته جان يطكها بضحكة هههههههههه
ومن شافها مدت بوزها اتقربلها وكف يمها ههههه
لاااا زعلتي اسمها مدولبة يعني دختي وصفنتي
سمعانه دولبني زماني ههههه
انتي راح ادولبيني من صدك لاتزعلين تتعودين
على حجينا
عافها وكف عالسجادة يكبر للصلاة .
هند فشلت بعدين ابتسمت من عرفت معنى الكلمة
كامت اخذت شماغه والعكال علكتهم وراحت
اخذت ملابس الها وطلعت للحمام .

ورى شوي من كاعدة تمشط التفتت شافته غافي
عالجرباية كملت وراحت كعدت على حافة الفراش
حسان حس بيها يمه سوى روحه نايم
صوتها ناعم يخبل تكعد بي..حسان عفية اريد
احاجيك شبسرعة نمت .
حس بأيدها تتلمس شعره الناعم وتلعب بي على كيفها..حب لمستها جان نايم على ظهره فجاة
حست نفسها مدفونة بحظنه ..مو اكلج تتحارشين
راح اعاقبج اليوم .
جان يحجي وكلش قريب عليها يدحك بشفايفها
بس يتحرك شوي يطخها .
ابتسمت ..متكدر تعاقبني قابل شراح يكون العقاب
اني ممسويه شي.
_اتحارشتي بالشيخ هاي عليها فصل .
_اووي عيني شسويت بس مدت ايدي على شعرك
جانت نايمه على صدره وناسية روحها انتبهت تريد تبعد حظنها زايد وهو يحجي..لا ومعترفة شلون تمدين ايدج على شعر الشيخ هاا
تدري بي جاي يشاقيها وحبت هذا الشي لان تحس
براحة من يتصرف هيج وياها نصت راسها على
صدرة استحت دحك بعيونه الناعسة ..احجي
واني حاضرة تريد فصل.
عدل كعدته وصارت بحظنه سند ظهره على المخدة وراه..همسلها فصلي مربع .
فكت عينها ..يااا شلون يعني ههههه ترى مااعرف
بقوانين الشيوخ .
مد ايده ولامس شفتها الجوة ..تتعلمين شورانه
وهسه راح اخذ الفصل شو تعاي .
عاطت عاااا هجم عليها يبوس بوجها وركبتها
تريد تفك روحها متكدر شلون بي وهي تريدة
ياخذها للدكتورة اليوم تستاهل هي صدك تتحارش
يبووو شراح اسوي بين الخدرانه والصاحية
_عوفني اني حامل ههههه
حسان عبالك واحد وكفخه جمد بمكانه وبقى صافن
عليها ..سحبت روحها وهي تضحك هههه اسفة والله
بس اريد تاخذني للدكتورة ومجاي تنطيني مجال افهمك من شافته بعده صافن رادت تشرحله اكثر
..عندي التهابات وشوي موجوعه .
حسان طكها بضحكة يالله شكد فطيرة هههههههه
ولج مالكيتي غير تكولين حامل هههههه
وانه انصدمت كلت هاي شبساع حبلتها هههههههه
باسبوع حبلت هههه
مدت بوزها فشلانه لاتضحك شبيك عفية والله
استحي شنو هاي تضحك عليه .
_حظري روحج رأسا نطلع هسة الساعة ٥ نلحك
بعدين هددها بعدني مماخذ فصل مربع اشوف الدكتورة شتكول والله كريم .
هند اخترعت وطككت عيونها عليه ..عبالي
تتشاقى
حسان حب ينصب عليها شوي بله هاي شمفهمها
بالعشاير والفصل ..جاا اشاقيج انه اريد حكي
منج وشوفي شلون تراضيني
هزت راسها تفكر شلون تراضيه .
تقدمت عليها من شافها صافنه يم الكنتور
وهسة تعاي انطيني عطوة.
هند داخت بكلامه جان اضوج ..اوووي مجاي
افتهمك نوب فصل مربع نوب عطوة قصدك
تاخذ راحة او فد شي انطيك .
جرها عليه واخذ شفايفها رفع راسه ..هاي عطوة
مرة الشيخ لرجلها الشيخ.
ابتسمتله ودرت جان يشاقيها .

حسان ينتظرها بالسيارة قربها عالممشى طلعت هند
لابسة تنورة سودا قصيرة وقميص احمر وشال اسود
لافته ومرتخي شوي جانت طالعة حلوة ومرتبة
بس حسان من شافها تقربت لسيارة تريد تصعد
نزللها وعيونه بكصته وزمخ بيهاولج شلون هيج
اطلعين .
فزت متعرف شبي ..حسان والله لبسي حلو
صك سنونه وتلفت خاف احد يشوفها ..هو
هذا البلا طالعة حلوة امشي البسي شي ساتر
عباة غطي روحج.
اعترضت تتنعوص..عفية حسااان هو هذا لبسي
_بوية افتهمي هنا غير شكل انتي مرة الشيخ
تردين الوادم تتحجى عليج ترديني انه الكلها
تهابني وتحسبلي الف حساب اخلي حرمتي
فرجة جاا تسودنت انه .
_جاي اكولك ماعندي كولها هيج اروح البس
بنطرون وقميص طويل هاا شكلت.
تخوصر وكرص عينه عليها ..والحسين اذا
مترحين من وجهي لاهفج راشدي يعدل دماغج
اكلها استري روحج تكلي البس بنطرون هاي
تريد تخبلني.
جرها من ايدها ودخلها للبيت وشال موبايلة
_هلا ام عمار يابة اريدن عباه منج اي جيبيها
اليوم اخذها للسوك اشتريلها .
جان حيل معصب غير يرتكب جريمه اذا احد
شافها بهيج لبس.

رضختلة مجبورة ولبست عبا اسلامية كولش حلوة
على قياسها لان سمر تقريبا نفس جسمها

الطريق كله مبوزة وحسان ساكت ماحجى
يدريها معصبه وهو نار ميريد تتنكد حياتهم
لازم شوي يلزم نفسه هاي يرادلها صبر طبعها
غير صح تسمع الكلام وحبابه عدها طيبه كلب
بس عنودية متتقبل ينتقد لبسها اضوج لازم يعلمها
على طبايعهم.

يم الدكتور بعد مافحصتها طمنتها ماكو شي
مجرد التهابات كتبتلها علاج شكرتها وطلعت
مموجود حسان التفتت شافته دخل للعيادة
سالها بلهفة واضحة ..هابويه طمنيني.
_التهابات وهاي الوصفة .
اخذ الوصفة ..يلا امشي اصعدي السيارة وانه اروح
اشتري العلاج.
ورى ما اشترى العلاج وفهمها عليه حرك سيارته
وشوي وكف يم محل جبير يبيع عبايات اسلاميه
وجبب.
_انزلي اشتريلج عبا .
نزلت مضطرة مابيها حيله يمه شكد عصبي
يخوف.
اختارت عباه نازكة مابيها شغل كولش بسيطة وانيقة
حسان يراقبها شلون على اعصابها تفتر بالمحل..اخذي بعد وحدة .
التفتت متفاجأة..لاااا ماريد وحدة كافية.
تقدم للعبايات المعروضة ونزل اثنين ..ذني هم
واريد شالات اربعه .التفتت عليها تردين شي
بعد هزت راسها .
فاجئها اخذلها مجموعه تدري بي مصر على رأيه
محجت متريد مشاكل تريد تكسبه وهو ماشاء الله
عليه عصبي
الدنيا غوربت وهمه بالسوك بعدها مر عالمطعم
اخذ عشا اله ولاهله .
طول الطريق من الناصرية للقرية محجت ضايجة بس كاتمه ضوجتها .
طفى السيارة بعد ما دخلها للطرمة هند راسا شالت
العلاليك ونزلت للبيت .
اخذ العشا ودا لاهله شاف امه بالمطبخ سلم عليها
وانطاها العشا
_هايمة شكالت الدكتورة .
_عدها التهابات وانطتها علاج.
طمنته امه ..بسيطة يمه .متجي تتعشا يم ابوك
واخوك
_بالعافية جبت النا عشا اروح انه شوي واجي
لابوي
_هو رادك جان عمك ابو جعفر هنا جنهم يتناقشون
بزواجة امير .
_منين يخطب شو ماحجالي
_بت اخت الامر نسيب حجي راشد.
ابتسم حسان خير ان شاء الله.

*******