قصة روابط للكاتبة |جوهرة السلطان
الفصل الثاني
جاد الزمان وانت ما واصلتني
ياباخلا بالوصل انت قتلتني
دخل بهيبة تخلي المقابيل تحسبله الف حساب
سلم بصوت جهوري ونبرة قوية يتبعه نقيب احمد
وملازم امير ومساعده سلام
_السلام عليكم ..حي الله السباع
اتقدم اغلب المراتب والجنود الجانو موجودين
بالساحة وبدوا يسلمون …تحيا ودووم سيدي
بدا جولة تفتيشية سريعة خلت الفوج يطافرون
لان زارهم بدون ميدرون
ملازم امير يهمس لنقيب احمد وسلام..ايييه
شوف شراح يطلع من مصايب
_يمعود متكلي شبيك فرحان بالمصايب
رد عليه وهو يجر نفس طويل..ااااخ هذا الأمر جان مشوفني نجوم الظهر واريد اشمت بي
سلام يسمع ومبتسم.
عقيد حكيم بقى يجول بالفوج وزار المكاتب والحظائر الخاصة بالجنود ومكانات نومهم
ماخلة شي فلسهم تفليس والكل يتبعونه
وايديهم على كلوبهم لان يدرون بي حازم وميتهاون
دخل لمكتب الامر وكعد يتفحص الملفات..رفع راسه
عفية مقدم سالم كولشي تمام بارك الله بيك
وهناك نشوف مقدم سالم يجر نفس خله العقيد يصفن عليه ويبتسم..ادري حضوري فجأة خلاكم مشوشين هذا الاريدة اجي انه او اي لجنة نلكى
كولشي تمام.
_امرك سيدي..وهسة الغدا حاضر اتفضلوا
نهض العقيد ودحك على جماعته غدانا بمطعم الجنود راح ناكل ويه الشباب
بعد رجوعه من الجولة التفتيشية دك موبايله فتحة
_ياهلا شلونكم
شلونك عيني ابو محمد
_الحمدلله تمام اخباركم لينا شلونها
تمام متنزل اليوم
_هسة بوحدتي باجر ان شاء الله انزل
فدوه حمادة خابرني يبجي يريدك يكول مشتاق لبابا
يكول اخابره ميجاوب….
..ااااااااه
سلامتك يروحي
_ان شاء الله امر عليه واجيبه يلا عيني ديري .بالج على روحج وعلى لينا
شمر الموبايل عالمكتب وسند جسمه عالكرسي
وبقى صافن ااااه ااااااه ٣ سنوات مرت حمادة كاعد يكبر حبيب ابوه يخابر عمته يكللها مشتاق لبابا
اخابره ميجاوب حتى المخابرة صرتي تستحيفيها بيه
ياندى اااخ من راسج اليابس وعنادج
رجع بذاكرته من تعارك وياها وضربها شكد تندم وكره
عصبيته لان طلعا بندى اااخ من كلبج القاسي
شرح السالفة لعلاء الجان عصبي لا شاف عمته
مضروبه واصابعي طابعة بخدها الابيض الناعم
جان ابد ممقتنع واصر ياخذها وبقى يصيح شلون عمته تنهان وهو ميقبل هذا الحجي الطائفي
النكال بحقها فهمة كل هذا سوالف نسوان بس ماقنع
طلعوا شافوها صاعدة بالسيارة ومخلية محمد بحظنها
اقترب من السيارة وفتح الباب من جهتها حاجاها
بتهديد وكان متقصد حتى ترجع ومتركب راسها
_ندى انزلي ولا تعاندين
رفعت راسها ونظرتله بعتب زرف كلبه بس محجت
رادها تحجي اي شي لان كمية العتب والانكسار
الي شافهم بعيونها موتنه وحسسنه انه خذلها
حجى بتهديد ..لاتتصورين انطيج حمادة هذا مؤقتا
باجر اجي اخذه
شافها شلون حظنت ابنهم وخلت راسها وشمته وهي تحجي بحركة قلب لو اموت ماانطي ابني
ابتعد عن السيارة بعدما شغلها علاء الي رفع ايده يودعه
وبقى حمادة بين الاثنين حاول يرجعها وتوسط
يم ابو علاء حجي راشد الي حاول يقنعها ترجع
بس جانت معانده مقهورة ومجروحه وقررت تعوف بيت اخوها وتكعد ابيت اختها ام ريمه زوجة علاء
بيتها بصف بيت اخوها
حجي راشد مجان راضي عالصار بأخته وخابر حكيم
وانطاه كلام بالعظم بس كدام ندى مكسر بحكيم
لان يدري بيهم يموتون الواحد عالثاني
شكد حاول يشوفها ابد مايوم لمحها يروح ياخذ حمادة تطلعة رحاب ام ريمة تعامله باحترام
وتتوسل بي يدخل بس جان يرفض حاول يرجعها حتى سلمى تجي بين فترة وفترة مرات حتى بدون علمه بس يدري من توكع بلسانها وهي تسولفله على حمادة …..دماغها قافل معقولة ياندى
هالسنين ماحننت كلبج يابة اعترف اني غلطت لان
مفهمت الصار الا بعد ما حجتلي سلمى
فعلا تغريد حقودة ومستفزة بس تبقى بنت عمي
واخت اعز صديق جان عندي الله يرحمه
ويكفي السويته بيها خليتها متفتح حلكها
اخ شكد ندمان لان ضربتح وهنتج ااااخ غمض عيونه
وتنهد …باجر يروح ياخذ حماده شكد مشتاقلة ابو خدود مشتاق اشمه وابوسه حتى تردلي اللهفة
//////////////////////
يمه فدوة لوليدي الحلو ..اوووف شكد طيبة ريحتك
حظنها وهو نعسان توه كعد من النوم …يلا يروحي
حضرتلك ريوك يخبل
كمز وشمر روحه بحظنها وبقى يبوس بيها..اريد نقانق وبيض
ههههههه اي اي يلا ياسبع خل ندخل الحمام نسبح
ونبدل وننزل للمطبخ نتريك
ورى شوي كملت تبديل لحمادة الي ركض عالمجر
فتحه ..اخلي عطر بابا شو ماما شميني
حظنته بلهفة وبقت تشم بركبته وشعره والدمعة اباب
عينها وكدرت تاخذ اكبر نفس من عطره
الرجعها لسنين حبها لحكيم شكد تحب عطرة اوووف ماما ليش تكلب علي المواجع
سمعت اختها تصيحها حمااادة ..ندددى
يلا انزلووو
شبيها رحاب اليوم خبصتنا
كولش تحب خوانها الله يحفظهم الها طبعا هي اختهم من غير ام توفت امها من جانت بالابتدائية وراشد رباها
وبعد وفاة ابوهم صارت قريبة حيل لخوانها
وهمة حيل يحبوها وراشد يعتبرها بنته ابد ميفرقها عن بنته هند
عدلت دشداشتها الكيمونة الحمرا قصيرة ورداناته
ربع وبيها ورد ابيض يالحاشية
_لك ماما لاتركض عالدرج لاتوكع
سمعها نزلت سريع تخاف عليه يتاذى دخلت المطبخ
وانصدمت بالهيبة والجاذبية الكدامها
كلبها كام يضرب بصدرها وايديها رجفت وهي تشوفه
حاضن حماده ويبوس ويشم بي وحماده حاضنه بلهفة ويحجي بحركة ..مااعوفك ..مااعوفك اروح ويااك
حكيم يضحك ويبوس بخدوده …اوووف ياروح وقلب ابوك انت سبع ابوك وسبع العشيرة
انتبهت لرحاب وهي تضيف حكيم ..تفضل عيني ابو محمد اتريك ويانه اكيد جاي من الدوام وتعبان
سحب الافندي كرسي وهي اكلته بنظراته وهو ممعبرها ولا دحكلها
_اي والله ياام ريمة اليوم نزلت وبوجهي لبيتكم
ابتسمتله رحاب..يا هلا ومية هلا البيت نور
_اشكرج اختي منور باصحابه ربي يحفظج
ندى صافنة ومرتبكة ..هاي شبيها رحاب شكاعد تسوي ليش هيج .
انتبهت لرحاب وهي اجرها من ايدها وتكعدها كباله
_اكعدي عيني حتى نتريك اليوم حماده مشتهي
نقانق وبيض مو حبيبي
ابتسم حمادة الي كعد بكرسي لزك ويه ابوه
_اي بيبي وين الصمون
ضحكت رحاب وهي تحط سلة الصمون عالميز
_وهذا الصمون لاحلى حماده
رتبت رحاب السفرة اجبان ونقاق وبيض وسوتلهم شرائح خيار وطماطة وجايات وكعدت تتريك غلست على ندى وهي اشوفهاعيونها راح تنط من الضوجة والارتباك بس اجاهلتها تدري بعناد اختها وقررت تتصرف
_ندى عيني قدمي الصمون لرجلج
خزرتها ندىواخذت صمونة وحطتها كدامه
حكيم ابتسم ودحك عليها لاول مرة يرفع عينه
بيها اوووف شكد حليانة بنت الذين
افتهم على رحاب وعجبته السالفة
_يابة صمونة متشبع واني جاي هالكني الجوع ومريتي متريدني اتريك شنوو
حماده قرب صمونته ..هااك بابا اني وياك
حظن حماده وباس راسه..عفية ابني السبع
كلبك على ابوك
ندى محجت ومخلت لكمة بحلكها شربت شويه جاي
تحاجي روحها يا بي شكاعد يصير اول مرة يدخل للبيت بعد زعلنه ..ليش دكات كلبي ما تهدا
رحاب كامت طلعتلها شغلة وراحت
_بعده العناد متربع براسج
رفعت عينها وشافت نظراته الحاظنته ينظرلها بشوك وحنية دفعت كرسيها وكامت وتحاول تبين ممهتمه
_اروح اجيب جنطة حماده
بقى على كعدته متحرك يشوفها مخبوصة ومرتبكة
مشت تريد تطلع من المكبه وهو محاوطها بعيونه
محاوط جسمها المنحوت وبياض رجليها وذراعها الناعم طلع نهتة حارة وعينه على جسمها اليتمايل كدامه لحظات ماحس الا وهو يحظنها من ظهرها على صدره وقرب راسه يشم بركبتها بلهفة وهمسلها
باذنها بلوعة ..الخاطر الله ارجعي
جسمها كزبر وحست راح يخونها وتروح بحظنه تبادل احساسه ولهفته حاولت تبعده بس وين وهو مسيطر عليها وحاطها بحظنه خدر جسمها من كام يتلمس بشفايفة على ركبتها متحملت اكثر دفعته
_حماده يدحك علينا
هدها مرغم ..خلاااص رووحي رووحي جيبي الجنطة
رجع كعد واخذ نفس قوي وشمره ودحك على حماده
بعده ياكل ..ها باباتي نروح
_اي بابا اروح اغسل ايدي
ندى دخلت غرفتها وراحت كعدت على فراشها
جسمها الخاين كاعد يخونها واحساسها تجدد بشوفة حكيم.