قصة روابط للكاتبة |جوهرة السلطان

الفصل الثاني عشر

يومين و اتصل الشيخ بالحجي على اساس عدهم فصل بالعشيرة ومتتفرغين هسة واتعذر منه .
حجي راشد ممقتنع..
_ابو حسان الله عليك بعده حسان ضايج.
_تدري بيه ما ضم عليك حجاية هو بعده مطنكر
لكن ملتهي بهالفصل من يفرغ ينزل لبغداد يلا سلملي
على بنيتي ودير بالك عليها .
_ههههههه يابة بعد مالي حصة بيها ترى هاي الغالية.
_جاا غير غالية علينا وبعد صارت بتنا

سلم وذب الموبايل والتفتت على حسان المرتجي على التخم بالمضيف ومركز بحجي ابو .
_الفصل خلص وطلعت الوادم رضيانة هسة فرغ روحك تعقد محكمة
رد بدون خلك ان شاء الله
الشيخ ميريد يلح عليه وحب يجر ناعم وياه..اريد افرح بيك ريح كلبي التعبان يوليدي.
فز حسان وعدل كعدته..اسم الله عليك يابة شنو تحس بضيج كلبك متعبك .
الشيخ بداخلة انقهر يدري شكد يحبه ويحترمه
ومن غصبه على هاي الزواجة لان يريده يستقر بحياته والشي الثاني يحب يناسب صديق عمره
حجي راشد.

*******

اكول عمة ليش متحجين ويه امير يتزوج..امال حاجت عمتها ام جعفر ..من شافت البنية ابيت ابو علاء حيل دخلت مزاجها شافتها توالم امير المعند ميقبل يتزوج.
ام جعفر ملتهية تلف كبة كاعدة بالكاع وامال على ايدها تساعدها …ها عمة
_شبيج غير يقبل بالاول اشو هو معنفص مكضيها
ابغداد .
_عمة دقنعي شفتله شلون ابنية بالعباس اجنن
رفعت عينها ام جعفر ..وين شفتيها ومن بنته
_تصير بت حماتها لعمة عروس حسان
صفنت ام جعفر تريد تربط الكرابة بالعروس
وين يلا وجدت جان تشمر الكباية من ايدها بالصينيةوتعيط بامال…عزااا وصخااام
براس العدوو تردين ازوجه من ابغداد ولج اموتج
اذا حاجيتي والله اخل عامر يدكج دكة زينة
تريدين وليدي بعد ماشوفة ويروح يسكن هناك
_عمه شبيج هذا مو حسان راح يتزوج ويجيبها هنا هاا واصلهم من البصرة مالجي بس سكن بغداد
..اووف عمة لو تشوفيها والله راسا تقبلين بنية حلوة وسباعية وشلون لسان عليها ينكط عسل
عمة حبيبتي ادري بيج كلبج ابيض وتحبين الخير
جاا ابنج مترديلة الخير .
_ولج هو قافل عالزواج ومن يقنع الله كريم
_يعني انتي قابلة نحجي ويا عالبنية عفية عمة لاتصيرين مثل امي بس تقاهر بحسان
صفنت عليها وبعدين حجت ..عوفي السالفة
ااخ لو عندا بنات عمام ممزوجات جان غصبا عليه
ايتزوج منهن.
ضحكت امال ههههه والله امير حيال متكدريله
_ديلا مدي ايدج خل انكمل الكبة.

كملن وامال كفت المطبخ وخلت الكبة بحافظات بالمجمدة ..وراحت تحضر للغدا
_الله بالخير دخل عامر وسلم عليهن
_هلا يمة هلا بعد رويحتي
دنك على راسها وباسه
غسل ايده
وراح يشرب مي من الثلاجة بعدها صاح على امال
وينج ميت جوع ..
ردتله _يخسى الجوع هسة اصبلك لو تنتظر عمي وامير على جية .
صفن وردلها ..خلها لما يعاودون ..اتقرب يمها جانت تحضر بالزلاطة اخذ خيارة وكعد ياكل بيها ويتلفت على امه الجانت ملتهية تسبح بسبحتها
_مشتاكلج
شاورته والبسمة بشفايفها ..عيب عمتي تسمعك
_ولج شلون بيج اكلها مشتاك
_هههههههه عااامر الله عليك روح مني
اروح لغرفتنا تعاي وراي
_يااا شدكول علينه عمتي عفية عامر خليها بعدين
والله استحي من عمتي
تنهد بقوة وكفخها على راسها خفيف…طيح الله حظج ..
_اوووي شبيك
عافها وطلع صاحت عليه..عامر الغدا وين رايح

زمخ بيها ..ماريد سم

بقت ادردم تدري بي يعصب من تعانده بس والله استحي من عمتي وهو ابد ميعذر
سمعت عمتها تحجي ..شبي طلع ضايج
_مابي شي

_ولج امولة علية زلمتج رادج روحي ارضي ليش تعاندينه .
شهكت امال ووعيونها نطت …عمة شلون سمعتي
وهو جان يشاورني
_وليدي واعرفنه ميت عليج رويحته اطير يوم المنتي هان
_عمه والله استحيت منج .
_هههههه ضحكت ام جعفر ..لا يبعد عمتج ادريج معدلة وبت اصول وانه يهمني راحة وليدي لاتقصرين
ويا.
_ان شاء الله ..بس طلع زعلان
_لا شوي ويرجعلج عاد انتي لاتقصرين وجيبي حسوني بغرفتي .
_عمممممة شبيج صدك تحجين هو يرضى ميطول
_وصمة اي والله وصمة البت مطفية مدري تغلس
_هههههه لا عمة اغلس

بيت ابو جعفر هو عبد الزهرة اخو الشيخ سالم ولده جعفر نقيب بأمن الناصرية بكد حسان وعامر اصغر منه بسنة بعدهم امير ضابط بمكافحة الارهاب شغلة بالاستخبارات ماعدهم بنات وعلاقتهم ابيت عمهم الشيخ كلش قوية وبعد عدهم عمهم عدنان متزوج وعايش ابغداد خلفته اربع ولدوبس بنية
جعفر متزوج بت عمة عدنان ومستقر بالناصرية وينزل لاهلة بالاجازة
وبيتهم بس امال كلش يحبوها ومعتمدين عليها
عدها بس حسين عمره سنة وهذا حبيب عمه امير يموت عليه
علاقتها بزوجها مرتاحة ويا لأن جان يحبها قبل الزواج بس هية مغلسة بس الحين تموت عليه ههههه

جانو مجموعين عالغدا بعد ماوصل ابو جعفر وامير
مدت امال السفرة بالهول وحطت مواعين جانت مسويه بامية على لحم لان عامر يحبها وتمن وشاوية دجاجة بالتنور وخضرة وخبز وزلاطة
صاح امير يابة عاشت ايدج ردتلة…الف عافية خوية
اجى حسوني توى متعلم عالمشي من شاف امير ضحك وامير كمز عليه شاله وبقى يعضعض بخدوده
ويبوس بيهن وحسوني خربان ضحك..ولك شلون تفاح هذا اوووف بعد روحي
حسوني حلو ابيض وخدود متفحة يشبه امال
امال سالت …امير شفت عامر .
_سيارة برا اكيد بالمضيف البراني
عمتها خزرتها ونغزتها بالحجي…سودة علية جان ميت
جوع …واشرتلها تروح عليه.
وصلت يم الباب وقبل متصيح طلع بوجها خزرها
ومشى جان يكول لاتجين هيج وكت للمضيف
انه مو محذرج افرضي دخل ضيف وشافج يلا جدامي .
تقربت ومشت ويا وحبت اطيب خاطرة..يلا يعمري
صبيت الغدا وانته ماهو
تنهد ودخل للبيت سلم على ابو واخو وكعد شاف الاكل ودحك على امال الجانت مدنجة على حسوني
تشربه مي مسويتلة الاكل اليحبه
سموا بالله وبدوا ياكلون وحسوني كل شوي يلعب
بشي ضوج امال زكحت بي وعتت ايده كام يبجي

صاح بيها ..عوفيييي
مدت بوزها لان صاح عليها كدامهم
_تعال يابة تعال مدله ايديه وحطه بحظنه وكعد يوكله شوي
_ها ولك حيال رحت يم ابوك يلا انه اروح بالبيب
تروح وياي
مد حسوني ايده المدبدبة لعمه امير ويدردم كلام ممفهوم بس افتهمو بيب هههه

بعد ماامال لمت السفرة وغسلت المواعين ونظفت المطبخ
صبتلهم ام جعفر جاي وكعدو يشربون
طبت وكعدت يم عامر الجان صافن عالاخبار البلازمة
فاتحيها ويتابعون
_ام حسين خيتي غسلتي بدلتي وكويتيها
_اي خوية وخيطتلك دكمة جانت مكطوعة
_عفية باخيتي الله يحفظج .
ابوه سمعه وحجى عليه..جا شمالك تزوج ومرتك تخدمك كل طلباتك ام حسين توجبلك البت وراها رجلها وابنها والبيت
_يابة هية شكت مني وانه مدري
_على بختك انت اخوية ليش مااداريك منا لما تتزوح
عامر خزرها وكال ..وانتي شكو لاتتدخلين
التفتت عليه بس محجت تدري جاي يضوجها
امير ماحب حجاية عامر ويحس الجو بينهم متوتر
وعامر متقصد يفشلها شبي هذا يدري بي يحبها ويقدرها ونادرا ما يحجي عليها كدامهم
فحب يجاملها..والله شوفيلي انتي وامي بت الحلال
حتى استقر .
امه راسا كالت ..صدك تتزوج لو تتداهر
صفن عليها من شاف الفرحة بعيونها يدري بيها تتمنى
يتزوج رد عليها..هاي هية التردي يجرالج
التفتت ام جعفر على امال ..يمة امولة منهي البنت
الحجيتي عنها.
امال بداخلها فرحت لان عمتها نفس كل مرة ترزلها
بعدين تاخذ حجايتها ههههه ..بت اخت رجل ….
_لادوخينهم مثل مادوختيني كولي من ياعشيرة
_اي عمة بني مالك
امير التفت عليها وسألها..منين تعرفيها
_خالها رجل عمة عروس حسان.
امير طخت عنده جان يطكها بضحكة هههههههه
_عقيد حكيم المالكي خالها ايباااه ويصير نسيبي
بالعباس ام حسوني خوش تختارين
وشلون عرفتيها.
_من رحنا للعقد لو تشوفها شلون حلوة وحجاياتها
وتصرفاتها مرتبة واسمها لينا
_هاي ترباة ابو محمد والنعم منهم ومن اصلهم
بس ما ظن يزوجها مكان بعيد
سالته امه..نفهم من حجيك انت موافق نخطبها
حجى ابوه بهداوة..شو كاعدين تسولفون وانه مالي راي ها امولة صايرة خطابة.
عامر جان طول الوكت اذنه يمهم بس محب يتدخل
بسوالف النسوان حجى ويه روحه هينة امال انه اعلمج كاعدة تسولفين ومامهتمة برجلج

_عمي والله خوش بنت تلوك لامير وخل اخلص من طلباته وكوي ملابسه هههه
_ديلااا بس تمنين هسة تجي مريتي وهي دير بالها
عليه .
حاجاه ابوه..يول انته تقشمر لو تحجي صدك
_والله يابة بالبداية حبيت اشاقيكم بس من سمعت هي بنت اخت عقيد حكيم كبرت السالفة براسي
خل اتوكل بلكن تصير قسمتي.
رد ابوه..هاي هية بيها الخير
_يعني ماعندك اعتراض لان غريبة .
_لايبوي الله يتمملك على خير

*****
حسان راح لبغداد هو وامير يبقون ابيت عمهم عدنان
حتى يحلل بعدها يعقد محكمة وامير يكون شاهد على العقد هو وعمه عدنان بعدها يلتحق بوحدته
ماطولت الشغلة رتبوا كلشي وعقدو وجان الحجي
راشد وياهم وام علاء عزمهم عدنان عالغدا ابيته
ساكن بمنطقة قريبة على بيت الحجي
حسان جان مصدوم من اخذ هند يحللون بالمستشفى
شو هاي طلعت الشعر سايح على متونها رمش بعيونه
مالوم امي من كالت كاشفة راسها هينه هينه صيري يمي وانه اتصرف.
ابد محاول يحجي وياها لان جان ضايج من سالفة العقد قبل ايام وحاول يجامل عمتها من جتي وياهم

واليوم بالمحكمة يروح ويجي بالممر وايديه بجيب بنطرونة يعصر بيهن من العصبية العيون عليها وهي جميلة حيل خلت نار شابه بكل جسمه يسحن بروحه
..والحسين كوة لازم نفسي لا ابتلي بيها التفتت شاف الحجي يسولف ويه عمة وامير وعمتها كاعدة تسولف ويه مرية خزرها بعيونة وتقرب منها وكعد بصفها همس بصوت مبين بي عصبية ..ولج شلون
مالابسة حجاب شوفي الوادم كلها اتباوع عليج
رفعتله عيونها بقى يدحج بيهن عيون عسلية وسيعة وانوب خاطتهن بكحل طالعة دمااار ردت بصوت ناعم ونازك ..اني اصلا مالبس حجاب .
_تلبسين حجاب وعباه انتي مرة شيخ مو حي الله مرة .
بين عليها الضوجة وردت ..مووكته هالكلام كاعدين والعالم رايحة رادة.
لعن الشيطان هاي تريد تجلطة جمال ونزاكة وجمالة
عنودية ايييه يحسان خلن اشوف شلون متمشي على مزاجي والله لفرمتها تفرمت هه

عقدوا والكل باركلهم وبعدها راحو لبيت عدنان وجان محضرين الغدا وكلش جانو فرحانين لحسان وشافت ملكاهم الحلو وترحيبهم بيها

ومن رجعت للبيت صعدت راسا لغرفتها كعدت عالكرسي وبقت تراجع الصار ياربي هذا شبي جان يريد يملخني يمة شلون عندا نظرات تموت اويلي سطرني باناقتة بالقاط غير شكل ..بس شدعوه هلكد عصبي والله شنو ملابسة حجاب اوووف مبين ميتحاجى مغرور

دكت ريمة الباب ودخلت وكعدت كبالهاعالطبلة
الف مبروك هااا شفتي رجلج الصاك ههههه طالع
يجنن بالقاط مو ..
خزرتها وصاحت…علاء علااا….
نامت بخوانيكها وايدها على حلكها ولج مصخمة
هسة يعلكني بالبنكة والله عاد شكد يحبه ويسمعني
امدح بي.
وخرتها هند..قصدج تتغزلين والله اذا مبطلتي نصباتج عليه اخلي علاء صدوك يعلكج
_هههههه ادري بيج ضايجة يلا حبيبتي اروح اني
طلعت وغمزتلها ….شمرتها هند بالكوشة وابتسمت

وهي تكول ..ولا تبطلين سوالفج

*******

وبيوم العرس جان الكل فرحان للشيخ سالم وابنه
كلشي مرتب ومحضر الذبايح والطباخين والشغلا
الثانية.
سوو الحنة على اصولها والشباب اصدقاء حسان او ولد عمه سووله حنة مرتبة هوسات ومهاويل فد شي حلو
اتفقوا ويه بيت الحجي الزفة من وكت يعني قبل الظهر يجون ياخذوها للعروس حتى يلحكون وراهم طريق طبعا علاء عاند الا العرس بقاعة بس ابو فهمة
انو همة شيوخ وعازمين شيوخ وناس هواي ميكدرون يفضوها بقاعة لان راح يصير بيها احرج
وهمة متعلمين اعراسهم وعراضاتهم غير شكل .
حنتها جانت حيل راقية حجوزلها بالقاعة وجانت طالعة اجنن واجتي ليلى وامال خوات حسان وام جعفر وتعذرن للشيخة مكدرت تحضر بقت لان محتاجيها.
ومن خلصت الحنة باتن ابيت ام ريمة
ام جعفر تعرفت على ام لينا وشافت بتها وعجبتها
حيل وقررت تفاتح ام لينا الي من سمعت ابتسمتلها
وواعدتها تحجي ويه اخوها وتاخذ رأي بنتها
ومدام امير يعرف ابو محمد يصير خير ان شاء الله..
لينا من سمعت الحجي صدفة صوفرت وبقت مستحية من ام جعفر الجانت تراقب بيها .

هند كاعدة بالسيارة ومدنكة راسها وحسان يسوق
كولش ضايجة جناب الشيخ خابر لاول مرة وهددها الا تلبس حجاب تخبلت لان جانت البدلة مراهمة ويه الحجاب حذرها يجي ياخذها بدون زفة وعرس اذا تعاند ومن سمعت امها رزلتها كلتلها كافي عاد اعقلي والبسي حجاب .يبووو شكد جان الوضع مخربط
وتحس روحها بحلم كولشي عالسريع .
اضطرت تلبس كبوس ابيض مثل الكاب غطاها كلشي ممبين منها .
سمعته يحاجيها..اخذي راحتج وارفعي راسج راح تشنج ركبتج السيارة مظلله ميبين شي .
رفعت راسها وتنفست شوي

حب يلاطفها لان الطريق طويل وبعد يرادلهم ساعتين ليوصلون .
_مبين تعبتي ارتاحي شوي ليش متوترة
استحت ترد وبقت ساكتة بس هزت راسها رافضة تحجي
_تحبين افتحلج اغاني
هزت راسها ومحجت
دحك عليها ورجع ركز بالطريق …جاا مزوج هندية وماادري
التفتت عليه ورفعت شوي من الغطا الي خنكها وخزرته ..خير

ردلها وهو كل شوي ياكلها اكل بنظراته ..خير بوجهج
شمالج متحجين تراني رجلج مو غريب
حبت تعاتبه ..والله مااعرف عنك شي شو صارلك شهر مخابرة مخابرت.
حجى وهو يركز بسياقته ..ترديني اخابرج وليش انتي مخابرتي .
_شدعوه هلكد شايف نفسك ندري شيخ
ضحك ههههههه ليش احسج مضغوطة جاا تغارين مني .
بوزت ولملمت شفايفها من شافها هيج تخربطت اوضاعه شلون بهاي الكارثة الكاعدة بصفه
تنهد بقوة وحجى ..شراح يخلص الطريق اريد اوصل بسرعة.
افتهمتها واستحت وبقت ساكتة والخوف شل جسمها
متريد تفكر اكثر لان حتتخربط .
حسان لمس خوفها وارتباكها وماحب يضوجها
والتهى بروحة …رن موبايلة فتح خط وجان ابوه يسأله وين وصل رد ..راح ندخل الناصرية .سلم على ابوه
والتفت من سمع شهكتها..
مد ايده ولزم ايدها الترجف فزت وحاولت تسحبها بس جان لازمها قوي ايده جانت دافية وايديها ثلجت
رغم الجو عادي مو بارد
يابوي عليش الخوف ترى انه ماخوف تطمني .
محجت ويا لان خافت منه تريد تفهمة زواجهم مو برضاتها بس متعرف توصله التريدة تخاف منه ومن عصبيته.
سحبت ايدها ..لاتلزمني
خزرها ..سالمين يابة شبيج

error: