رواية صدفه جعلتني أدمنك

#قصهمنالخيال
#الحلقة_السابعه
.
.
.
.
لا اسمح بنقلها بدون اسمي الكاتب:Arhima Alagory
.
.
.
.
.
.
وسكرت من ريهام وفتحت نت وتميت نقلب في الفيس بعدين خطرت عليا صفحه عمر قلت نخش نشوفها فتحتها وتميت نتفرج ونقصقص كيف اي بنت طبعا??المهم صور وصراحه عمر يجنن شخصيه طول وعرض وعضلات ولحيه بعدها جيت نبي نسكر جاني مسج ع ماسنجر فتحت الماسنجر لقيت من ندى هدرزت معاها شويه وسكرت ورقدت وجت العشيه وعيت
انا:شنجو
ماما:تمام
علي:ديريلي قهوة
انا:من عيوني
صبيت اندير في قهوة نسمع في ماما تحكي مع علي
ماما:والله يا وليدي لو تفكر اكويس عليش تبو تفسخوها خطبتكم
علي:امي شن قلنا ع موضوع هضا
ماما:بس تضر روحك وتضر البنت
علي:هيا بروحها تبي هكي
جيت انا
انا:ماما خلاص هو حر
ماما:شن دخلك انتي
انا:خويا كيف شن دخلك
ماما:بدال ما تنصحيه تبي يفسخها
انا:افتكينا ‏​‏​منها
ماما:عيب توا شن درتلك البنت
انا:ما حبيتهش
سمعنا جرس رن
انا:هذي اكيد ريهام قالت تبي تجيني وصبيت نبي نفتح الباب
علي:خليك توا نطلع انا فتح علي الباب
علي:اوو ريهام شنجوك
ريهام:تمام وانت
علي:بخير تفضلي
علي:عمي ناصر هي تفضل
ناصر:لا نبي نمشي باتك قاعد
علي:اها قاعد اقعد تشرب قهوة خيرلك
ناصر:باه
خشت ريهام
ريهام:خير
اناوماما:خيرات
سلمت علينا
ماما:وين امك كنها ما جت
ريهام:ماشيه لعرب عندهم ولدهم داير حادث
انا:شنجوك
ريهام:تمام
جا علي:رهف ديري قهوة
صبيت درت قهوة وشرب عمي بابا وعلي وكل واحد طلع
قعدت انا وريهام وماما واحمد
بعدها ماما عدت لجرتنا واحمد جا صاحبه خاذه يغير جو
انا:شن تحكيلي
ريهام:انا جايتك نبي نحكيلك موضوع بس وعد تخليه بينتنا
انا:حاضر انشالله خير بس
ريهام:خير وبدت عيونها دمع
انا:ريهام كنك شن في
ريهام:انا نحب
انا:ههههه مشالله وعليش تبكي باهي ومن حبيب القلب ومن امتي
ريهام:من قبل
انا:ومعقوله مش حكيتلي
ريهام:لان ما قدرتش نحكي
انا:عليش
ريهام:لان لي نحبه مش معبرني بكل يعني حب طرف واحد
اصعب حب هذا?
انا:كيف ومن لي تحبه
ريهام:نحب علي خوك
انا:ريهام تحكي من جدك
ريهام:بدت تبكي والله من جدي بس ما عندي لمن نحكي كاتمته في قلبي وخلاص من انا وصغيره معجبه بيه بس نقول اعجاب وخلاص بكري بعد بكري نشوف غيره ونحبه لكن كل يوم نزيد نتعلق بيه ونغار عليه تصدقي هضك اليوم لقيته يحكي مع ريم اضيقت بس ما عندي ما ندير كل ما نبي ننساه ونبدا من جديد نلقاه روحي رديت ونزيد نعشقه
انا:يا حبيبتي هضا كل في قلبك
ريهام:بس ما تحكي الحد الكلام هضا
انا:حاضر
خش علي
علي:سلام عليكم
نحنا:عليك سلام
انا:امتي جيت
علي: توا كنك
انا:لا شي
علي:ريهام كنك تبكي
ريهام:لالا ما نبكش
علي:عيونك متنفخات وحمر
ريهام:لا غير مضايقه من لقرايه
علي:انشالله بتوافيق
ريهام:انشالله وطلع
ريهام:انشالله غير ماسمعش كلام
انا:لا ما سمعش
ريهام: شن عرفك
انا:لو سمع راه دولك
ريهام:عليش يدويلي مدورني هو اصلا ريم واخذه عقله وانا كيف اخته
انا:تعرفي نقولك حاجه تفرحك
ريهام:شن
انا:علي يبي يفسخ خطبته
ريهام:قبل طارت من فرحه كذابه
انا:وحق الله قال مش متفهمين
ريهام:انشالله يارب
انا:وتقاعدي انتي مرات خويا نعلي تخيلي بس
ريهام:تريحت نفسنين مجرد تخيل بس???
انا:ههههههه ايواه وريني ضحكتك وقاعدنا نهدرزو

للكاتب:Arhima Alagory

علي قاعد في جنان يحكي بروحه لي سمعته انا صاح ولا كذب ريهام تحبني ومن قبل بس انا معتبرها كيف اختي وبس كيف تكون حبيبتي وقطع حبل افكاره جرس يرن فتح لقاها ماما
علي:وين كنتي
ماما:عديت لعيت فلان شوي
علي:اها
ماما:كنك قاعد هنا
علي:كساد امي قتلك كلمي ام ريم واحكيلها
ماما:باهي
علي:توا هضا
ماما:كنك مركب بسم الله
علي:مش مركب بس نبي انتريح
خشت ماما
ماما:خير يا بنات
نحنا:خير ومرحبه
ماما كلمت ام ريم وقلتلها كل حاجه وام ريم ما قلت شي لان ريم حكتلها كل حاجه وقلتلها مش متفهمين الخالصه علي تريح من ريم وريهام فضتلها طريق
انا:مع من كنتي تحكي
ماما:مع ام ريم
انا:شن صار
ماما:خلاص كيف ما يبي علي درناله
انا:احسن
ماما:عيب
ريهام:ساكته وقلبها فرحان
ماما:كنك ساكته يا ريهام
ريهام:لا بس تحكو ما بيتش ندخل
ماما:يا حنه هضا علي فسخ خطبته
ريهام:عليش
انا:بحتت فيها كانها وجعتك
ريهام:نسال ع سبب انا
ماما:قال مش متفهمين
ريهام:ربي يكتبله لي خير منها انا:انشاءلله وغمزت لريهام
تسريع الاحداث
ريهام روحت وجا بابا وتعشينا ومشاه الوقت وكل واحد خش في دار
ريهام:روحت فرحانه وعطت امل ان حبها مش ح يضيع
علي:فرحان ان تريح من ريم وربي فكاه منها ويفكر في كيف ريهام تحب ومش حاس بيها ممكن لان كيف ما قالت ريهام ريم واخذه عقله
احمد:راقد
اسماء:تحكي مع خطيبها
دعاء:راقده
وانا:فتحت نت تميت نقلب في الفيس جاني مسج لقيته عمر خشيت وهدرزت معاه
عمر:هلا
انا:اهلين
عمر:شنجو
انا:تمام وانت
عمر:الحمدلله
عمر:عرفتيني
انا:اها عمر اخ سندس
عمر:شاطرة
انا:عارفه روحي
عمر:نبصر
انا:باه انا عارفه روحي شاطره
عمر:تشكري في روحك
انا:لالا بس نقولك
عمر:باه ربي يحفظك
انا:ويحفظك
عمر:حكتلك سندس
انا:اها حكتلي
عمر:تمام ما نبش نطول عليك بس انا اول ما شفتك عجبتيني وحبيت نتعرف عليك اكثر
انا:عادي نتعرف
وهدرزنا شويه بجد اسلوبه حلو ?
انا:عمر نستاذن نبي نرقد
عمر:تمام تصبحي ع خير
انا:قدامك الخير
وسكرنا
وجيت نبي نرقد تميت نفكر في عمر واسلوبه وكلامه بعدها قلت عليش نفكر فيه انا هذي اول مره نحكي معاه وتغطيت ورقدت

عند عمر يفكر ويحكي في سره والله بنت حلوه وقاعد يفكر نين خذاه نوم

في صبح ثاني يوم
ماما:رهوفه هيا حبيبتي وقت
انا:باهي ماما شوي بس
ماما:خلاص سادك توا تروحي ترقدي
انا:باهي توا نصبي
طلعت ماما صبيت دوشت ولبست وصليت وعلي فطور

للكاتب:Arhima Alagory

انا:صباح الخير عليكم
بابا:صباح النور بنيتي
وقعدنا نفطرو
بابا:شن صار في موضوع علي
ماما:حكيت مع ام البنت امس وفهمتها والبنت بروحها حكايه لامها
بابا:ربي يعوضهم خير هم الاثنين
نحنا:انشالله
انا:وين العيال
ماما:مرقدين
بابا:بكرى ماشين زادره راه
انا:نحنا ومن
بابا:نحنا وعمك ناصر وعيت فوزي (عمتي فتيحه)اذكرتوها
ماما:انشالله
انا:الحمدلله
بابا:هيا نطلعو
انا:هي
وطلعنا في سياره
بابا:شنجو القرايه
انا:ماشيه الحمدلله
بابا:انشالله بالتوافيق
انا:انشالله
بابا:نبيك دكتورة شاطرة
انا:اشاءلله نرفع راسك
بابا:انشالله انزلي هي
انا:ما تعبش روحك بعدين توا نروح مع ندى
بابا:تمام عينك من روحك
انا:حاضر
وخشيت كالعاده لقيت سندس وندى وعدينا كسدنا مع بنات وحضرنا المحاظرات وطلعنا
انا:عليك تعب
سندس:بكل ربي يرد تعبنا
انا وندى:انشالله
ندى:توا نجيكن نجيب سياره
نحنا: تمام
سندس:شن صار حكيتي مع عمر
انا:ع اساس ما تعرفش
سندس:والله ما حكلي حاجه يا بارده
انا:اها حكينا امس في ليل
سندس:شن رايك في خيي
انا:عادي كيف خوتي
سندس:ههههه ربي يحفظهم
انا:ويحفظه خوك
جتنا ندي وركبنا في طريق
ندى:دقيقه بس نبي المحل هضا
انا:عليك قصه وقتك توا
سندس:اين محل
ندى: اهو هضا
سندس:محل خويا هضا
ندى:معقوله والله يجيب في دبش يهبل محل روعه مش في وجك معامله سمحه للزباين
سندس:تسلمي
ونزلت ندى هيا تنزلن
انا:لا انا قاعده
ندى:تنزلي ي سندس خليها نكد هذي
سندس: هي
ندى وسندس:سلام عليكم
سالم صاحب عمر اذكرتو:عليك سلام
سندس:كيف حالك وحال هلك يا سالم
سالم:الحمدلله كيف حالكم انتو
سندس:الحمدلله
ندى:معلش بكم هذي
سالم: 65 دينار
ندى:معلش نزلي وحده
سالم:هذي
ندى:ايواه
سالم:تفضلي
ندى:تبي تسلك
سندس:اعتبريها هديه مني
ندى:لا والله ما تجي
سندس:قلتلك هديه
سالم:خلاص هديه قلتلك
ندى:تحشمت شكرا
سندس:عفوا
سالم:سلميلي ع عمي محمد وعمتي سعاد
سندس:يوصل
سالم:تبو حاجه كلموني
سندس:تسلم
وطلعن البنات
ندى:عليش الاحراج توا
سندس:مافيها شي
انا:كنكم
ندى:خذيت بلوزة جيت نبي سلكها سندس قلتلي هديه وما خلتنش ندفع حقها
انا:وانا يا سندس ما عندش هديه
سندس:انتي بينك بين صاحب المحل
انا:شن دخلني بيه
سندس:مرات يعطيك قلبه لي اغلاء من محل
ندى:صدقتي فيها
انا:خريطن هنا عندكن بعدين انا نبيها منك الهديه
سندس:عيوني لكي ادللي
انا:تسلمي يا عيوني
وصلنا سندس لحوشهم
سندس: باي بنات
نحنا:باي
وطلعنا انا و ندى
ندى:شن صار في عمر
انا:حكينا امس
ندى:شنجوه
انا:عادي كيف اي شاب
ندى:ع اساس تحكي مع شباب انتي
انا:يعني اكويس
وصلنا لحوشنا
ندى:شن تعرفي هضا
انا:من
ندى:لي قاعد قدام حوشكم
انا:هضا……
.
.
.
.
.