رواية صدفه جعلتني أدمنك

#الحلقة_السابعه_والعشرون
.
.
.
.
.
لا اسمح بنشرها بدون اسمي الكاتب:Arhima Alagory قراءة ممتعه لجميع
.
.
.
.
.
عند عمر وصل للمزين رن عليا
انا:نعم عيوني
عمر:برا انا
انا:هي شوي بس
دعاء:وين ماشيه
انا:في سياره هنا
دعاء:سياره عينك كلمي هنا
انا:باه
كلمت عمر ونزل وخش للمزين ومزين فاضي ما في حد الا نحنا
عمر:امسكي لقيت شكلاطه وشكار صغيره
انا:نجكليا يارب
عمر:شن رايك توا راضيه عليا
انا:اكيدعند علي
جا درس سياره وراه سياره عمر وفتح باب سياره وجا يبي ينزل بعدها رد
علي:شن رايك نشيلك مكان عمرك ما مشيتيله
ريهام:توا وقته
علي:اها توا وقته
ريهام:والله يا علي مش وقتك بكل
علي:غير اسكتي بس ولع سياره وطلع
ريهام:والله ماتجي يا علي
علي:مش شورك خليها شوري
ريهام:باهي وين ماشين
علي:نقولك عمرك ما مشيتيله
ريهام:ياربي صبرني
علي:توا نوريك وزاد سرعه
ريهام:نبصر علي وقف حبيبي

عندنا في المزين
عمر:تبي حاجه عيوني نجيبها لك
انا:نبي سلامتك وادير بالك ع روحك وطمني عليك كل ماتذكرني
عمر:لا واجد هكي
انا:كنك شن لي واجد
عمر:كان كل مانذكرك معنها اول مانطلع من هنا وانا نطمن فيك لعند مانروح مانسكرش بكل لانك ديما في بالي
انا:نعلي ربي مايحرمني منك
عمر:ولا منك يا قلبي
انا:شن تحكيلي اخر
عمر:مانحكيلك شي صبي وتي روحك انا نبي نمشي
انا:خليك حبيبي
عمر:لا والله حتي وقت عليا
انا:باه ودرت روحي زعلت
عمر:طبس وباسني ع خدي عارف روحي مقصر معاك يا طشتي بس الله غالب وحقك عليا
انا:ساكته
عمر:طشتي
انا:ساكته
عمر:طشتي شينه اسف خلاص نوعدك بعد نروح نجيك في جامعه ونقاعد معك يوم كامل وانتي مانخلك تحضري محاضره
انا:بس نبيك توا
عمر:حاضر توا نقاعد
انا:نجكليا نبصر حبيبي ردبالك من روحك وكيف ما وصيتك طمني عليك
عمر:حاضر حاجه اخره
انا:اها
عمر:شنو
انا:رقيت علي وبسته في خده
عمر:باسني في خدي هيا باي
انا:باي

جت دعاء
دعاء:وين ع رومانسيه اسم لله علينا
انا:انتي تبدي فيها ليله
دعاء:ههههههه بارده
انا:هيا تعالي خشي

في الحوش
فتحيه:هيا يا اسماء تعالي سعدينا
اسماء:والله فرخ هذا تعبني شوي ونجيكن
عزيزه:خليه يزحف هنا احذاك
فتحيه:مايريحش روحه يلقط لي في الوطه
ماما:عليك مشكله تاخفي يحط شي حاجه في فمه
اسماء:واخيرا رقد
فتحيه:توا يتعبك في قاعده
اسماء:توا ندز لوحده من عمته
ماما:بلكي يبن يجن للعرس
اسماء: في وحدات قعدات قلنها ليا من بدايه قالن خلي معانا
ماما:براك الله فيهن واللهي
عزيزه:امشي راجلك يبيك
اسماء:هي جيت

الكاتب:Arhima Alagory

عند علي وريهام
ريهام:وين شيلني
علي:اهو وصلنا ياخوافه انزلي
ريهام:شن انزلي انت كنك
علي:نزل وبرم ع باب ريهام فتحلها باب شن تبي بعد دلع هضا انزلي
ريهام:نزلت انشالله خير
علي:خذها من يدها تعالي معايا
ريهام:علي شن تبي مني
علي:قوليلي شن رايك حوشنا
ريهام:شن
علي:حوشنا
ريهام:والله فجعتني يا بارد
علي:بعدها فرحتك صاح
ريهام:نحبك
علي:عارفها
ريهام:ناكدلك بس
علي:متاكد منها
ريهام:خساره فيك اصلا
علي:تعالي نخشو
ريهام:باه
علي:فتح باب خشي بكرعك ليمين
ريهام:بسم الله مشاءلله
علي:شن رايك
ريهام:يهبل حبيبي
طبعا حوش علي فيلا سمحه كبيره واسعه
علي:وهذي دارنا
ريهام:كنها فاضيه مش كنت شاري دار نوم انت
علي:من قالها لك
ريهام:تبع في اخبارك وينعلي يوم سمعتها من رهف قريب متت
علي:بعيد السو
ريهام:باهي وينها
علي:بعتها
ريهام:عليش حلوه
علي:مانبش نرقد في دار ع ذوقها
ريهام:امم فهمت
علي:هيا نشوفو باقي الحوش ونمشو
ريهام:باه

عندنا في مزين
طبعا بدينا انا ودعاء في تجهيز اروحنا
انا:ريهام هذي طولت
دعاء:يستر الله خوك وين راح بيها
انا:توا نرن عليها مسكت فوني ورنيت وهيا خشت علينا
دعاء:لولولولولي
انا:وين ياحنه هضا كله
ريهام:خوك مش انا
انا:شن درتو
ريهام:شي
دعاء:هضا كله وشي
انا:انضني في حاجه كبيرة جايه فرحانه
علي:اح
انا:وين رحت انت ويها
علي:شن دخلك انتي
انا:سكتت عيوني تعبن دموع برمت وخشيت طبعا مزين كبير نبكي
دعاء:لحقتني
ريهام:حبيبي كنك معقوله هكي تهزبها
علي:ماتسمعش فيها شت قالت
ريهام:نحنا بنات نبصر مع بعضنا
علي:والله ماني عارف امشي كلميها
ريهام:باه
جت ريهام تكلم فيا
ريهام:رهوفتي
انا:شن تبي توا رهوفتك وانتي سبب دنيا هذي كلها
دعاء:رهف اسكتي عيب
انا:مش ساكته خليني نحكي
ريهام:رهف شن كلامك هضا
انا:لي سمعتي يا ابله ريهام في سياره زعلني وطلع بيك وراضك توا خش هزبني طول شن قيلتله انتي
ريهام:هضا تفكيرك انتي
دعاء:يا بنات عيب لي ديرو فيه في ناس برنيا تسمع
انا:اها هضا تفكيري
ريهام:باه يا رهف شكرا وطلعت تبي تروح لقت علي مش قاعد
دعاء:عيب هكي والله عيب وطلعت لريهام
ريهام:تبكي وترن ع باتها خارج تغطيه
دعاء:ريهام كنك
ريهام:نبي نروح انا
دعاء:وتسيبني
ريهام:سامحيني مانقدرش نقاعد
دعاء:عشان خاطري ماتزعلش منها رهف انتي تعرفي طيبة قلبها وحنها بس هيا وجعتها رد علي عليها
ريهام:والله لي بكتني اني عرفتها بس ليش دارت هكي قدام العرب والله هزبته علي توا علي داره
دعاء:والله مش من قلبها
ريهام:باهي انا نبي نروح
انا:كنت نسمع فيهم جيتها
انا:ريهام
ريهام:ماتبش ترد
انا:ريهام اسفه عارفه روحي غلطانه بس
ريهام:ماتكملش كلامك يا رهف بس مش انا سبب صاح نحب علي ونغار عليه بس مش منه هله وانتي هبله لدرجه هذي علي راجل يعني ماتغيرش بنت عليك ولا ع امه والله مانطقت بحاجه عليك انتي خيتي ليش حكيتي معايا هكي
انا:حضنتها وقعدت نبكي اسفه ياروحي بس علي مش من طبعه يهزبني هكي
دعاء:الله ينكد عليكن باهي
ريهام:من كلامك مش ماسكه روحك بكل
انا:صاح وين مشيتو
ريهام:ههههه مش قيلتلك
انا:توا نوريك عليها
دعاء:هيا نوتو اروحنا
ريهام:مستعجله الابله
انا:توا تلحقي عليه صبر
دعاء:بردات

عندهم في حوش رنو ع علي يبو يجي بيش يشلو صبايا للقاعة
علي:هيا عمتي فتحيه هنا
فتحيه: هي باتي
علي:من في
ماما:مافي حد خلاص
علي:تمام
وطلع يبيب هو وطبور وراه جو ليبيين اكيده عرفينه المهم وصلو للقاعة وقعدو يستقبلو في ضيوف

عندنا نحنا بعد المغرب وتينا وكل وحده احلى من الاخره
انا:رني ع علي يا ريهام
ريهام:هي رنت لقاته مشغوله انا:فوني يرن هو علي امسكي ردي
ريهام:ردي انتي
انا:فكيني منه
ريهام:الو
علي:انا برا راه
ريهام:هي تعال خوذ دعاء
دعاء:صبت
علي:خش بسم الله مشالله خطر عليا خذيتك يا بنت عمتي
دعاء:ههههه حي عليك جنبك قاعده
علي:هههههه عادي
ريهام:لا حسابك بعدين
وركبت دعاء وانا ركبت لوره معاها
علي:رهف تعالي جنبي
ريهام:نزلت تعالي
انا:لالاخليك
ريهام:عشان خاطري
انا:نزلت ركبت قدام

وطلعنا في طريق
علي:زعلانه
انا:لا
علي:اسف بس خلتني نهزبك كلامك
انا:خلاص انسى
علي:رهف بلا جو شين اضحكي ومشيها
انا:خلاص ماصار شي
علي:اكيده
انا:اكيد
وصلنا للقاعة وخشينا
طبعا انضار كلهن علينا ودعاء طالعه تحافة حاجه صاح وخشينا ركبت دعاء ع مسرح ومصوره تصور في دعاء نحنا معاها
انا:اسماء بوفه وين
اسماء:مانمعش فيك
انا:قربت منها بوفه وين
اسماء:عند عيت جده
انا:عليش نكد
اسماء: تعبني
المهم تعشو ضيوف وخش عادل بصراحه طرف بس عموري احلى ?المهم
قعد جنب دعاء بعدها كلو تورتة وجو هضا انتو تعرفو اكثر مني لان من 2008معش خشيت قاعة افراح ?وصور مع بعضهم وحركات رومانسيه بعدها خذها وطلع
عند باب قاعة
فتحيه:تبكي ردبالك منها ياعادل
عادل:في عيوني يا عمتي والله ماتخافي
دعاء:تبكي
عادل:مسحلها دموعها معش نبي نشوف دموعك ع خدك مدام انا معاك
وركبو سيارتهم وطلعو نلحقوهم ونحكيلكم شن صار ولا بلا قصقصه ?

نحنا روحنا للحوش عمتي فتحيه وغيرنا وتعشينا وكل وحده خشت مكانها وانا فتحت نت ونرجا عمر يرن
ريهام:زعما دعاء تفكر فينا
انا:اكيده اخره تلقيها تبكي تقول في عقلها ياريت قاعده مع بنات
ريهام:اديرها
اسماء: فضيتلكم هيا هضا كان اذكرتكم بعد ازوجت
ريهام:لا من موقف اليوم معش تنسانا بكل
انا:هههههه بكل في تاريخ محفوظ
اسماء:كنكم عليش
ريهام:تعركنا
اسماء:مع من
انا:انا والكلبه هذي
اسماء:وين وامتي
انا:في المزين
اسماء:عليك فضايح
ريهام:بكل وماغباك في المؤدبه لي معانا لسانها قصير وصوتها واطي
اسماء:بكل
انا:بردات احسن حاجه اهو عمر يرن
ريهام:سلميلي عليه
انا:عينك
ريهام:نعرفه قبلك راه ولعبه انا وياه نين بطلين
اسماء:ههههه عليك كلام يقهر
انا:باهي اوكي ولبست سمعات ورديت ع عمر
عمر:عيوني
انا:خيرات قلبي الحمدلله ع سلامتك
عمر:الله يسلمك شنجوك ياروحي
انا:تمام بسمعت صوتك وانت
عمر:حتي انا تمام
انا:شنجو غادي امتي وصلت
عمر:جو ناقصه انتي بس
انا:باهي امتي تروح
عمر:مزال اليوم كيف جيت انا
انا:باهي ردبالك ع روحك
عمر:كنك
انا:والله نعسانه نبي نرقد
عمر:باهي صورتي ولا لا
انا:لا طبعا
عمر:عليش
انا:هك مابيتش
عمر:باهي سكري
انا:سكرت

عمر:تعقد حتي تاسف ماتاسفتلي ولا اعتذرت
انا:سكرت ورقدت طول

ثاني يوم نضت لقيتهم كلهم نشطين الا انا و ريهام طبعا
انا:انتي يا فرخه
ريهام:شن تبي
انا:صبي سادك نوم العرب كلها ناضت
ريهام:شن دخلني بيهم انا
انا:تي توا يقاعدو يحكو عليك
ريهام:خليهم يحكو خطب وانخطبت ومش خايفه من شي
انا:ههههه عليك حصله حصلنها فيك
جت ماما:هيا انتي ويها
انا:توا هضا كنت مصبيه
ماما:هي انتي الاخره
ريهام:حاضر توا نصبي شوي بس
ماما:شن شوي بس صبي سادك
ريهام:باهي خلاص نوم طار
انا:صبيت خشيت حمام وطلعت صليت وجيت نفطر
اسماء:صح نوم
انا:سلمك يا روحي وين بوفه
أسماء:توا يجي مع باته
انا:شن صار في دعاء
اسماء:علمي علمك
انا:توا نرن عليها
اسماء:مزال بدري وسعي بالك
انا:انا قلتلها ترن امس
اسماء:اها توا تذكرك
ريهام:صباح النور يا حلوات
اسماء:صباح الخير وين هضا كل نوم
ريهام:امس طولت مع علي
شوي رن فوني وسكر لقيت دعاء
انا:اس اهي عروس ترن
اسماء:شوفيها
ريهام:عطيني انا نكلمها
انا:غير ترد
انا:الو عروستنا
دعاء:اهلين عانزتنا
انا:هههههه توا نوريك عليها
دعاء:نبصر يا روحي
انا:شنجوك
دعاء:تمام
انا:شن درتو
دعاء:شن دخلك
انا:توا يا حيوانه
ريهام:خذت مني
ريهام:احكي بلا براده
دعاء:انتي من وين جيتي
ريهام:من بطن امي احكي شنجوكم
دعاء:تمام التمام الحمدلله توا كيف وعيت انا هو مزال راقد
ريهام:باهي شنجو ليلتك امس
دعاء:تمام قتلك خلاص
ريهام:تحشمي دروحك
دعاء:توا لما نتلاقو نحكو نبي نرد نرقد
ريهام:يعوينك الا نحنا عمتك فريحه ماخلت وحده ترقد
دعاء:تستهلن سلميلي عليهن كلهن
ريهام:يوصل باي يا عروس
دعاء:باي
انا:شن قلتلك
ريهام:سر
اسماء:احكي يا همي
ريهام:قالت تمام التمام وبس
انا:شن قالت اخره
ريهام:هضا لي قالته عليك قصقصه انتو
فتحيه:اسماء شوفي عبدلله يبيك
اسماء:هي طالعه
انا:جيبيلي بوفه
اسماء:تعالي خوذي
انا:عينك نطلع بتوته
فتحيه:توا نجيب لكي وطي صوتك بس
انا:نجكليا اعميمه
ريهام:هي نصبي نساعد بنات عيب قعدين معقمزات
انا:والله صدقتي شوي بس نشوف بوفه ونجيكم
فتحيه:امسكي
انا:حبيبي تعال
وقعدت نلعب معاه

عند احمد وعلي في الحوش
علي:توا نمشي نشوفلك صالون ولا تمشي تشري بروحك
احمد:لا انت ذوقك نعلي منه شوف جوك بروحك
علي:بلكي مدام تبي حاجه
احمد:اين مدام يا راجل
علي:تي عليا انا يا متاع ندي
احمد:قصتك قصه انت ما في شي يفوتك
علي:قاعده واضحه
احمد:باهي شوف لي يعجبك انت
علي:تمام توا نمشي توا عندي صاحبي توا نشوفه توا وانشالله في العشيه يكون في شقه
احمد:باهي جاي للغداء عند عمتك
علي:انشالله
احمد:تمام انا طالع

الكاتب:Arhima Alagory

عندنا
انا لعبت مع بوفه بعدها ورقدته بعدها صبيت مع بنات سعدتهن ودرنا الغداء وتغدينا بعد الغداء
انا:غريبه مادورش
ريهام:من
انا:عمر
ريهام:بلكي مش فاضي
انا:لا اخر ظهور قاعد له نص ساعه ع واتس
ريهام:معنها ما خطرتش عليه
انا:بلا براده مش نقصتك انا
ريهام:وسعي بالك دزيله رساله
انا:توا ندزله دزيتله حبيبي استلمها
ريهام:توا يرد عليك اصبري
انا:انشالله قعدت شوي جانتي رساله
ريهام:هو
انا:فتحتها اها لقيته دزلي نعم
انا:كيف نعم
عمر:نعم انتي نديتي انا قتلك نعم
انا:حق عليا اندور فيك وانت ناسيني
عمر:ع اساس انتي متذكرتني
انا:كنك انت شن صايرلك
عمر:رهف توا قاعد في قهوة مش وقت عركه وما تعكرش مجازي
انا:عندك الحق اسفه واجد وسكرت نت
ريهام:كنكم
انا:مش عارفه مكلوب شكله
ريهام:راه يقاعد شارب شي حاجه
انا:ايديرها عادي
جت ماما: هيا يا رهف وتي روحك
انا:هي
اسماء:وين خليكم
انا:والله نبي نمشي نقرا امتحانات قريبات
اسماء:بتوافيق وانشالله نصبولك في فرحك
ريهام:احم احم
اسماء:ههههههههه حتي انتي
ريهام:ايواه هكي تريحت
انا:خلاص تبو حاجه
اسماء:سلامتك
انا طلعت انا وماما مع علي
في طريق
علي:جبت صالون لشقه احمد
ماما:نعنك ماتغيب
انا:شن شكله
علي:توا تمشي تشوفيه
ماما:خلاص توا نمشي نخطبله الايام جايه شقته وكملت الحمدلله
انا:يا فرحتك يا احمد
علي:هي انزلن
نزلنا وانا خشيت داري طول غيرت ولبست توته لكن ماما وعلي ركبو لشقه احمد بعدها انا لحقتهم سمعت ماما تحكي لعلي
ماما:حكيتلك انت قبل لا نحكيلها
علي:والله شن نقولك بس يا امي راي الاول والاخير لها
ماما:عارفه بس انت اسال عليه مرات تعرف وشوف شن جوه اكويس ولا لا
علي:انشاءلله خير
خشيت عليهم انا
انا:بعي
علي:تعالي يا هبله
انا:ذوقك هضا صاح
علي:شن رايك
انا:يهبل كيفك حاجه صاح
ماما:زعما يعجب صحبتك
انا:تي صحبتي يعجبها وغصبن عنها ذوق عليوه هضا
علي:اجمل حاجه في لسانك ان طويل ومره مره يقاعد عسل
انا:انا اصلا عسل
ماما:ياربي ع ثقه لي عندك
انا:مش ثقه بس انا طلعتلك يا عسل انتي
ماما:وين كلام سمح هضا
انا:خساره فيك الواحد يقول يبي يتغير لكن انتو ما يعجبكم العجب
علي:هههههههه كنها هذي
انا:نبي نمشي نقرا توا
نزلت ونفكر في موضوع لي يحكو فيه ماما وعلي خشيت داري وبديت نبي نقرا قلت خليني نفتح نت شوي المهم فتحت لقيت سندس فاتحه خشيت عليها
انا:وين يا عروس
سندس:رهوفه شنجوك
انا:تمام قوليلي كان ازوجتي ونحنا مزلنا تفوتينا
سندس:والله اسفه بس انتي عارفه امتحانات قريبات ونقرا ومانفضش وحوش وحوسه
انا:نبصر شن صار فيك تقري
سندس:اها نقرا عليك هم توا خذيت راحه قلت نفتح نت
انا:باهي نحكو بعدين انا نبي نقرا توا
سندس:كيف ماتقرش انتي
انا:لا والله نقرا غير كنت في عرس دعاء بنت عمتي
سندس:اها قالها ليا عمر مبروك عليها ولعقبالك
انا:انشالله خلاص نتلاقو
سندس:باي
انا:بايات
جيت نبي نسكر جتني رساله فتحتها لقيت عمر
عمر:رهف
انا:نعم
عمر:نحبك
انا:باهي
عمر:اسف كان زعلتك بس حتي انتي مزعلتني وهضا عليش ما دورتكش
انا:شن درتلك
عمر:امس نحكي معاك قتلك وين صور قلتي ماتبش تصوري ولا اعتذرتي لا شي وسكرتي طول
انا:اها ليش ماحكيت
عمر:شن تبيني نحكيلك
انا:كنت تقولي زعلت
عمر:خلاص فوتي شنجوك
انا:مرايف علي صوتك
علي:توا قاعد في شارع نروح للفندق توا نرن عليك
انا:نبي نقرا توا بعدين نفتح ونحكو
عمر:تمام ردبالك علي روحك
انا: حتي انت نحبك
عمر:ادمنتك

الكاتب:Arhima Alagory

تسريع للاحداث
بديت في الامتحانات وعمر مزال في تركيا دعاء كيف عسل هيا وعادل احمد شقته تمام التمام كلمت كلها مش نقاصها شي سندس حياتها متريحه مع سالم وطلعت حامل و تجي كل يوم للجامعه مافي شي جديد غير هذا

اخر يوم امتحانات
نضت في صبح فتحت نت لقيت رساله طويله عريضه من عمر كلام يفرح القلب ويرفع المعنويات المهم فتحت عيوني وقريت رساله ورديت عليه ادمنتك وحق ربي در عليا سادك نوم صبي قتله حاضر يا ماما رقم2
صبيت للحمام توضيت وصليت طلعت نفطر لقيت ماما ومعاها علي واحمد طبعا نشاط يطلع من صبح للكافي
انا:صباح الانوار يا احلى وحدين
علي:شن في عليش تصبحي علينا هكي
انا:لاحول ولا قوة الا بالله
ماما:خلاص صباح النور يا احلى بنوته
انا:نجكليا اسمع وتعلم كيف ترد
علي:حاضر يا احلى بنوته بس عليش فرحانه هكي
انا:حرام كان فرحت
علي:لا طبعا بس اليوم في حاجه
انا:لا في حاجه لا شي غير ان اخر امتحان ومزلت سنه ونتريح
علي:انشاءلله بنجاح يارب
انا:انشالله
ماما:ونفرح بيكم
انا:انتي نشطي روحك احمد قلتي بعد امتحانات البنت نخطبلك اليوم تكمل البنت
علي:اتتي حنان في احمد ولا تبي تفرحي بصحبتك
انا:لا حنان في احمد لا مسعوده هيا نبي نمشي وقت
ماما:هههههههه شيلها نفخت راسي بهرجتها
علي:قتلك في حاجه غريبه اليوم
انا:مكسدين عليا انتو
علي:هيا اطلعي قدامي
طلعنا في طريق
انا:وراس امك يا عليوه تكي ع احمد
علي:عينك شن تكي
انا:وراسي
علي:رجاله تلقيهم قعدين تبي تخشي بينهم
انا:كان لقيت رجاله ماننزلش
علي:باه
تكينا ع احمد في كافي مالقينا حد
انا:نبي ننزل توا نجي
علي:بسرعه بس
انا:باه ونزلت خيت للكافي سلام عليكم
احمد:عليك شفني انا شن جابك انتي هنا
انا:خاطري نشوف كافي متاعك
احمد:باهي بسرعة
انا:ماتبش تشربني حاجه
احمد:نقولك بسرعه تقولي شربني
انا:شكرا باي
احمد:نبصر تعالي هنا تفرجي وامشي لسياره توا نجيبلك غادي
انا:نجكليا يارب
مشيت لسياره وجابلي احمد عصير فروله وبريوش
انا:وحق ربي عسل
علي:باهي انا خوك راه مش سواق متاعكم
احمد:ههههه قصدك تبي حتي انت
علي:نبصر هيا اوكي
وطلعنا للجامعه
انا:خشيت لقيت ندى لا سندس قعدات رنيت عليهن ماردنش قمعزت ع كرسي ديما نقاعدو عليه ونرجا فيهن شوي واحد غمضلي عيوني
انا:بلا براده مش وقت بصاره
ماحد يرد
انا:صبيت نبي نفلت منه بس هو مسكني
انا:من يده عرفت ان مش بنت شوي شميت ريحته عطره عرفته عمر برمت وحضنته
عمر:طشتي ريفت عليك
انا:مرايف عليا هكي تفجعني
عمر:قصدك خفتي
انا:لا شن رايك
عمر:باهي تعالي اقعدي
قعمزت جنب عمر
انا:كنك ماقلت انك جاي وامتي روحت
عمر:اليوم ع فجر وحبيت انديرها مفاجئه
انا:اها مفاجئه هيا انك تفجعني
عمر:معنها نصبي نروح
انا:نبصر
عمر:امتي امتحانك
انا:خلاص قريب
عمر:امشي امتحني وتعالي هنا
انا:حاضر
وخشيت امتحنت وطلعت مع بنات
انا:وينكن اندور فيكن امبدري
سندس:اها شفناك مع عمر ادوري فينا
انا:حيوانه قبل لا يجي عمر قصدي
ندي:انا جيت جتني سندس قلتي عمر جاي ويبي رهف بروحها ومشينا خشينا بعدها
انا:باهي نستاذن انا
سندس:وين
انا:نبي نمشي لعمر يرجا فيا
ندي:خوذي راحتك بس مش ع الاخير
انا:هههههه حاضر هيا باي
ومشيت لعمر
عمر:نورتي
انا:بجودك
عمر:شن صار في امتحانك
انا:تمام بكل
عمر:انشاءلله بنجاح
انا:انشاءلله
عمر:كان نجحتي عندي لكي هدية سمحه
انا:شنو هيا
عمر:قتلك هدية سمحه ومش ح نقولها لك
انا:باه وتيها الهدية لان عارفه روحي ناجحه
عمر:واتيه
انا:امتي تطلع النتيجه
عمر:ههههه توا كيف كملتي مزال
انا:باهي انا مروحه علي يرن نحكو بعدين
عمر:تمام باي

وطلعت ركبت مع علي وروحت للحوش تغدينا وبعد الغداء جتنا عمتي فتحيه وعيت ناصر
فتحيه:وين رهف
ماما:راقده اليوم كملت امتحاناتها
عزيزه:انشالله بنجاح
ماما:انشالله عدي يا ريهام وعيها
فتحيه:خليها راقده
ماما:لا قالت وعيني قبل المغرب
ريهام:يعني نمشي انا
ماما:اها امشيلها

انا في دار نضت بروحي خشت عليا ريهام
ريهام:حبيبتي
انا:نعم عيوني
ريهام:واعيه معنها
انا:تحسبيني نرجا فيك توعيني
ريهام:عارفتك ناشطه
انا:امتي جيتي
ريهام:امبدري بعد العصر
انا:من في عندنا
ريهام:نحنا واعميمه فتحيه
انا:بروحها
ريهام:وحدها قلتلها معش فيك جو بكل
انا:ماتحشمي بكل انتي

عند فريحه وفتحيه وعزيزه
ماما:بكرى تجونا هنا نتغدو مع بعضنا ونطلعو للعرب
فتحيه:لا انا توا نتغد في حوشي ونغسل مواعين ونجيك طول
عزيزه:حتي انا
ماما:براحتكن المهم راكم تنسو
فتحيه:لالا شن ننسو

جيت انا وريهام
انا:سلمت عليهم
وقعدنا نهدرزو تعشينا وبعد العشاء روحو وانا وماما قعدنا نهدرزو
انا:الحمدلله تريحت من القرايه
ماما:ربي يرد تعبك ونشوفك دكتوره
انا:انشالله يارب
ماما:بكرى ماشين نخطبو لاحمد
انا:هكي بسرعه غير عطو علم للعرب
ماما:عندهم العلم
انا:يعني اخر وحده نسمع وندي والله نوريها عليها
وتعقدت خشيت دار ورنيت ع ندي
ندي:الو حبيبتي
انا:توا حبيبتك كنك ماتحكي مدام عندك العلم ان هلي جايين
ندي:قلتيها بروحك هلك قلت اكيد عندها العلم قبلي
انا:لا والله ماحد قالها ليا
ندي:حتي انا امبدري شوي سمعتها
انا:المهم مبروك مقدما وانشالله لعقبالي
ندي:انشاءلله يارب
انا:نبي نسكر توا باي
ندي:بايات

وسكرت وقعدت قاعده في دار علي نت سمعت باب يدق
انا:من
احمد:انا احمد
انا:شن تبي
احمد:فتح وخش
انا:قتلك خش انا
احمد:مش ضروري تقولي
انا:نعم يا عريس
احمد:ههههه امي قلتلي زعلانه
انا:لا عليش نزعل ماحد يهم امري في الحوش هضا الا بابا وبابا الله يرحمه
احمد:اسف حقك عليا
انا:لا عادي مادور شي
احمد:هيا معايا
انا:لالا قاعده
احمد:عشان خاطري هيا نهدرزو برا
انا:باهي توا نلحقك
احمد:هيا معايا توا
انا:عليك سكنان انت
وطلعت مع احمد هدرزنا مع ماما وجا علي بعدها كل حد خش داره انا حكيت مع عمر وبعدها رقدت ثاني يوم جونا عيت عمي وعمتي وجا الوقت نمشو نخطبو الابله ندي لاحمد
علي:هيا يا امي
ماما:هي وطلعت ماما وعمتي فتحيه وعزيزه وانا وريهام قعدنا في حوش
انا:يعوينك يا ندي
ريهام:وانتي كان عمر ماجاك
انا:ماني عارفه
ريهام:راه يفوتك بس
انا: لالا ماتخفش
ريهام:حتي انا مش خايفه
انا:والله نشوف كلبه ندي شن صار فيها رنيت عليها
ندي:الو يا رهف
انا:وينك شنجوك
ندي:متوتره
انا:نبيك تطلعي طرف سلم صحبتي
ندي:وين قاعد انتي
انا:في الحوش
ندي:كنك ماجيتي
انا:مانبش انتنكد يا روحي
ندي:شن قصدك
انا:شي بس شوفتك تنكد فيا
ندي:توا نوريك عليها
انا:نبصر حبي
ندي:حي شكلهم وصلو هلك باي
انا:باي

عند عيت ندي
فتحلهم الباب وخشو سلمو ع ام ندي
ام ندي:شرفتونا نور الحوش يا فريحه
ماما:منور بيكم
ام ندي:كيف حالكم
فتحيه:الله يسلم حالك الحمدلله
قعدو شوي وطلعت ندى وجايبه قهوة
ماما:مشاءلله بسم الله ربي يحفظك ويكتبك من نصيبه
ندي:خدودها حمر ومتحشمه
فتحيه:سلم دياتك يا عروس
ندي:بصوت واطي تسلمي
عزيزه:ربي يحفظك من عين
ندي:ابتسمت وحطت سفره وطلعت متحشمه
ماما:ربي يحفظها
ام ندي:تسلمي ويحفظلك رهف ويفرحك بيها ربي
ماما:انشالله نحنا كيف ما انتي عارفه نبيها لاحمد ولدي والحمدلله الحاله مستوره من ربي عند شقه ويشتغل وبشهادة والحمدلله
ام ندي:مشاءلله ربي يزيده ونحنا ما نلقو خير منك وعرفين اصلكم
ماما:تسلمي
فتحيه:يعني مبروك
ام ندي:انشالله مبروك علينا
عزيزه:ربي يتمم ع خير انشالله
كلهن:انشاءلله
بعدها جاهم علي وروحو للحوش
انا:شن رايك في صحبتي يا اعميمه
فتحيه:مشاءلله عليها ربي يحفظها
عزيزه:ريتي ما يطلع من احمد طلع يعرف يوازي
انا:هابا عليه احمد

الكاتب:Arhima Alagory

ومافيش اي حدث مهم لعند يوم نتيجه متاعي قبلها رنت عليا ندي قلتي نتيجه تبي تطلع بكرى رقدت وخايفه منها ثاني يوم نضت صليت ودعيت وطلعت فطرت بعدها شالني علي حطني في جامعه لقيت ندى وسندس
انا:شن صار
ندي:غير قولي خير
انا:خايفه
سندس:ماتخفش انشالله ناجحه
انا:قريب تقاعدي ام انتي عاد
سندس:ههههه اها
ندي:هيا نخشو نشوفو
وخشينا شفنها طلعنا نجحات كلنا
انا:طول رنيت ع عمر
عمر:الف الف مبروك
انا:كيف عرفتها
عمر:من امبدري في صبح جيت نعرف دكتور سالته عليك قالي ناجحه
انا:باهي وين الهديه
عمر:اصبري وانتي مستعجله
انا:نرجا فيها
عمر:باهي انا مش فاضي توا نحكو بعدين
انا:باي وسكرت

وجاني علي وروحت للحوش لقيت ماما مواتيه الغداء
انا:كنك دايره الغداء بدري
ماما:شي شن صار فيك
انا:الحمدلله نجحت
ماما:لولولولولي مبروك ابنيتي
انا:نجكليا الله يبارك فيك
ماما:امشي غيري وتعالي
انا:باه
وغيرت وجيت نتغدو
علي:مبروك يا دكتوره
انا:الله يبارك فيك
احمد:مبروك خيتي الغاليه
انا:الله يبارك فيك
علي:شنجوهم جماعه لي في كافي
احمد:تمام فهمين شغل ومشالله
علي:باهي مشالله
وكلمنا الغداء بعد الغداء طول جتنا عمتي فتحيه وعيت عمي ناصر يباركو ع ناجحي وخشيت انا وريهام مكسدات في دار بعدها جت دعاء واسماء وبعد العصر قعدين في دار سمعنا باب يدق طلعت ريهام فتحت باب……
.
.
.
.
.

error: