رواية صدفه جعلتني أدمنك

#الحلقة_الاولى
.
.
.
.
.
لا اسمح بنقل روايه بدون كتب اسمي عليهاArhima_Alagory
.
.
.
نبدا نحكي بلسان رهف
.
.
.
انا: ياربي انا شن يخششني بين هذوم كلهم وما نشوف في شي
شوي دفوني خطبت في واحد
انا: معلش خيي
شاب:ولا يهمك
شاب:معلش خيتي
انا :نعم تفضل
شاب:شن اسمك انتي
انا :رهف عليش تسال
شاب:لابس شفت ما طقيتش قلت توا نشوفلك اسمك
انا:اها اسمي رهف مصطفى*****
شاب:مبروك خيتي ممتاز
انا :من الفرحه حظنته شاب بعدها فطنت روحي اسفه بس من الفرحه ماركزتش
شاب:ولا يهمك ومبروك مره ثانيه
انا: شكرا الله يبارك فيك وطلعت نسيت نشوف نتيجه ندى خشيت كافتيريه معلش واحد ناسكافي
متاع الكافتيريه: تفضلي
انا:شكرا وخذيت ناسكافي ومشيت للبنات
انا: هاي بنات
بنات:اهلين رهوفه
انا:شنجو
بنات:بيك احلو
انا:شن صار فيكن
بنات:الحمدلله صفين كلنا
انا:باهي الحمدلله
بنات:وين ندى ما شفنهش
انا:نسيت بكل مريضه شويه وقلتلي شوفيلي نتيجه نسيتها
مشيت نشوف نتيجه ندى رن فوني لقيتها ندى
انا:ايوه
ندى:الو وينك كنك ما رنيتي وقلتيلي شن صار
انا:واللهي شن نقولك
ندى:ماتقولش ما صفيتش?
انا:لا بس توا ماشيه نشوفها
ندى:يا قرده فجعتيني
انا:هههههه اسفه غلاي
ندى:وين قاعده
انا:دقيقه قاعده نشوف اسمك
ندى:ياربي
انا:مبروك ندوشه ممتاز
ندى:الله يبارك فيك وانتي
انا:حتي انا ممتاز
ندى:مبروك عيوني
انا:الله يبارك فيك
وسكرت رنيت ع علي
انا:الو اعليوه وين قاعد
علي:قريب نوصل اطلعي عند باب
انا:تمام
جا علي وركبت وفي طريق
انا:شنجو
علي:تمام شن صار مبروك ولا مش مبروك
انا:اكيده مبروك
علي:الله يبارك فيك شن تقدير
انا:ممتاز ?
علي:هيا انزلي
انا:انت وين ماشي
علي:عندي عمال في حوش نبي نمشيلهم
انا:ربي يعون
ونزلت انا جيت
ماما:نورتي شن صار يا دكتورة
انا:ممتاز الحمدلله
ماما:الحمدلله مبروك وانشالله نشوفك دكتورة ونفرح بيك
انا:انشالله دكتورة لكن نفرح بيك خليها بعدين مزال بدري عليها
ماما:توا نشوفو بعد يجيك عريس شن تقولي
انا:قبل لا نكمل قريتي مستحيل نوافق
ماما:باهي امشي غيري وتعالي وتي معايا الغداء
غيرت وتوضيت وصليت ظهر
وتيت مع ماما الغداء
بابا:السلام عليكم
انا وماما:عليك سلام
بابا:مبروك دكتورتي مشالله عليك
انا:الله يبارك فيك بابا من قالها لك
بابا:علي توا تلقيت معاها في محل
احمد:اوي شنجوكم و طشه شن صار فيك
انا:تعرف تعودها طشه هذي معش نحكي معاك فاهم
احمد:باهي غير شن صار
انا:ممتاز
احمد:مبروك
قعدين نتغدو وعلي عند عمال يكمل في حوشه لان خاطب وبعد يكمل يبي يطلع الفرح
انا:بابا في العشيه نبي نمشي ندى مريضه شويه ونبي نطمن عليها
بابا:توا يشيلك احمد
احمد:بعد العصر تكوني واتيه
انا:تمام
وكملنا وغسلت مواعين واذن العصر صليت ولبست
انا:هيا احمد واتيه انا
احمد:تمام هيا
وصلنا حوش ندى
احمد:توا نجيك قبل المغرب لان عندي كورة بعد المغرب
انا:تمام براحتك
رنيت جرس فتحتلي اخت ندى:
اهلين رهف نورتي
انا:نور نورك شنجو
اخت ندى:تمام تفضلي
انا:وين اختك الهبله
ندى:انتي مهبلتني
انا:شنجوك توا
ندى:الحمدلله احسن
وهدرزنا وغيرت جو
ندى:فونك يرن يا رهف
انا:هضا احمد اكيده براه
ندى:خليك بدري
انا:لا والله طمنت عليك نتلاقو بكرى
ندى:تمام توا نتكي عليك نمشو مع بعضنا
انا:تمام باي
ندى:باي
انا:خيرات
احمد:ليش ما يخطر الكلام عليك الا وانتو ع باب
انا:هههههه لزام منها كان هضا ما تنحسبش المشيه
احمد:ههههههه انا نقول
انا:عندنا حد
احمد:اها عندنا عيت عمي ناصر
انا:امتى جو
احمد:مش عارف لقيتهم قاعدين
وصلنا للحوش
انا:سلام عليكم
ماما وعمتي عزيزة (مرات عمي) وريهام (بنتها):عليك سلام
انا سلامت عليهم وكلمت ريهام خشينا للدار
انا:شنجوك
ريهام:تمام حال القرايه وخلاص
انا:باهي انتي اقتصاد رحمه انا لي طب عليك متعب بكل
ريهام:ماحد غصبك عليه انتي بروحك
انا:حلمي من انا صغيره دكتورة اسنان
ريهام:انشاءلله نشوفك احسن دكتورة اسنان
انا:انشالله يارب
وهدرزنا وتعشينا مع بعضنا بعدها جا علي
ماما:رهف حطي العشاء علي جا
انا:باهي باه
ريهام:توا نصبي معاك
قاعدين في المطبخ خش علينا علي
علي:اوي ريهام شنجو
ريهام:تمام وانت
علي:الحمدلله وين معش شفناك
ريهام: قاعده انت مش باين كم مره نجي ما نشوفش فيك
علي:قاعد حال التعب
ريهام:ربي يعونك
علي:سلمك
انا:اهو عشاك وصحه مقدما
علي:سلامك ي طشه
انا:علي راه خيرك معش تقولها
علي:هضا الواقع
ريهام:هههههههههه
انا:خساره فيك القدر وانتي تضحكي عاجبك جو
علي:تحشمي خوك اكبر منك
طلعنا وسيبناه
ريهام:خوك هضا يهبل
انا:تحشمي ع وجك خاطب راه
ريهام:هذي لي قهرتني
نحكيلكم ع ريهام بنت عم رهف م95 اكبر من رهف بسنه وحيده هلها ما عندهش خوت ولا خوات سمحه شعرها اسود عيونها سود بيضه متوسطه في طول
روحو عيت خالي خشيت لداري فتحت نت هدرزت مع ندى وسكرت رقدت
ثاني يوم
ماما جت تبي توعيني لقاتني نصلي في صبح
انا:صباحو
ماماوبابا:صباح الخير
احمد:غريبه وعيتي بروحك اليوم
انا:بابا ادويله كانه معايا ع صبح
بابا:سيبها كنك معاها
احمد:شن قلنا نحنا مستغرب بس انا
بابا:مش شورك بيها
احمد:به
فطرنا
بابا:نستناك براه
انا:لا بابا تبي تكي عليا ندى نمشي معها
بابا:تمام ردبالك من روحك
خشيت داري نبي نلبس لقيت فوني يرن ندوشه?يتصل بيك
انا:صباح الخيرات
ندى:صباح النور وتي روحك في طريق
انا:تمام نلبس بس
ندى:به باي
انا:باي
وجت ندى ومشينا لجامعة
انا وندى:هاي بنات
بنات:اهلين
ندي: شنجو
بنات:تمام وانتن
انا وندى:الحمدلله
المهم ماشه الجو عادي طلعنا رن فوني لقيت علي
انا:ايواه عليوه
علي:من يبي يروح بيك ولا نجيك انا
انا:لالا مروحه مع ندى
علي:به
طبعا ندى عندها سياره وتسوق
ندى:من هضا
انا:علي قبل يبي يجي
طلعنا من جامعه وتجي سياره تجري وقبل خشت فينا
ندى درست و سياره حتي هيا درست ونزل ‏​‏​منها واحد
ندى:الحمار قبل خش فينا
انا:اسكتي اهو جا شن يبي جا صاحب سياره
انا:هو انت……..
.