رواية صدفه جعلتني أدمنك
.
.
.
.
.
لا اسمح بنشرها بدون اسمي الكاتب:Arhima Alagory قراءة ممتعه للجميع
.
.
.
.
.
اما عند ريم
ريم:اه يا نور شن شفت انا اليوم
نور:قتلك ما تمشش
ريم:نبي نبين روحي قوية نبي نرضا بواقع بس ياريت ماشفت الواقع وتبكي
نور:خلاص سلم خيتي اسكتي توا يجيك نصيبك
ريم:يا نور واعر نشوف فرح خطيبي وبعدها مرات حبيبي نلقها حامل
نور:منك ربي يهديك
ريم:ياربي خوذني وريحني
نور:اس توا تسمعك ماما توا نجيبلك امياه ونجي طلعت نور
ريم:اه قلبي وحطت يدها ع قلبها
نور:جتها امسكي
ريم:ساكته
نور:امسكي مياه كنك
ريم:سامحيني يانور قولي لماما تسامحني
نور:كنك مسامحينك
ريم:انا خربت عليك
نور:ماخربتش توا انا مخطوبه توا نزوج انتي خربتي ع روحك بس
طبعا نور خطبها واحد معاها في كليه
ريم:نستاهل انا سامحوني وطاحت
نور:ريم ريم ردي عليا وتبكي يا ريم وتمت تعيط يا ماما ماااما ريم
ام ريم:كنها ياربي
نور:ولعت سيرتها وركبت ريم وطلعت تجري بيها للمستشفي
ام ريم:رنت ع خوها لان ريم باتها متوفي
خال ريم:الو نعم
ام ريم:يا خويا ريم طاحت توا وشلتها نور للمستشفي
خال ريم:باهي توا نلحقها وسعي بالك انتي بسعند نور خشت للمستشفي
نور:ساعدوني الله يرحم ولديكم
جوها شباب وشالو ريم
دكتور:كنها شن فيها
نور:اختي هذي طاحت داخت وكانت تحكي معايا قبلها
دكتور:انشالله خير
نور:ياربي وتبكي
خال ريم:نور شن صار
نور:ريم يا خالو وتمت تبكي
خالها:وحده وحده كنك
نور:خششها دكتور توا مزال ما طلع
خالها:انشالله خير
طلع دكتور
خال ريم:شن صار يا دكتور
دكتور:من حضرتك
خال ريم:خالها انا
دكتور:واللهي شن نقولك بنت شكلها في حاجه مزعلتها وقلبها ما تحملش جتها ذبحه صدريه وانشالله خير
خال ريم:توا شن حل
دكتور:توا في عيانه هيا وربي يلطف بيها
خال نور:يا ريم روحي توا وانشالله خير
نور:شن قالك دكتور
خالها:ساهله مزال ما قال شي بس توا خششها للعناية
نور:لا توا نقاعد
خالها:لا امشي اقعدي مع امك وانا حطيت هلي عندكم
نور:حاضر
روحت نور للحوش
امها:شن صار يا نور
نور:انشالله خير خالي غادي دكتور قال ساهله
امها:ياربي الطف بيها يارب
مرات خالهم:وسعي بالك وادعيلها انشالله ربي يطلعها بسلامهساعه 6 صباحا
عند علي
ريهام:حبيبي خلاص هيا نرقدو
علي:ارقدي انتي انا واعي
ريهام:شن تبي واعي ماعندنا ما نديرو مزال بكرى عندك واعيه تشيلني كوافير
علي:من بدايه هيا
ريهام:اها نلبس غادي متفقين انا وندي
علي:تمام عيوني ارقدي توا نرقد
ريهام:قربت منه وباسته واخيرا جيت جنبك
علي:واخيرا قعدتي في حضني وحضنها ورقدو
عند احمد وندي
ندي:امتي نرقدو انشالله
احمد:شن وراك
ندي:شي بس نبي نوعه بدري شويه
احمد:خلاص نخشو ندوشو ونرقدو
ندي:باهي هيا
خشو دوشو وطلعو رقدو
عند ريم في المستشفى
الممرضه:يا دكتور بسرعه
دكتور:يجري خش ع ريم
خالها:يارب استرها يارب
دكتور:يدير في الانعاش
خالها:يرجا برا
امها واختها:تبكو في حوش
دكتور:طلع
خال ريم:شن صار يا دكتور
دكتور:ان لله وان اليه راجعون عظم الله واجرك
خال ريم:لا يا دكتور ما تقولهش
دكتور:هذا امر الله وكلنا لها وربي يصبركم
خالها كلم عم ريم وخبره لي صار وبعدها عم عدلهم في حوش ريم وخبرهم قعدت امها تعيط ونور ودارو عزاء
عندنا نحنا في حوش
انا:نضت بدري وبروحي
دعاء:كنك نضتي بدري
انا:شي وانتي كنك
دعاء:انا نضت من امبدري بس قاعد نفكر في موضوع بنت لي امس
انا:ريم
دعاء:ايواه ريم
انا:ريم هذي خطيبت علي قديمه وكانت دايره علاقه مع راجلك
دعاء:عادل
انا:لالا عبدالطيف كم عندك راجل انتي
دعاء:باهي يا بارده كملي
انا:هيا طبعا قالت انها تحب راجلك بعدها تعرفت ع علي وعلي حبها وطلب يخطبها وافقت طول لان علي فلوس وطمعت فيه وعادل من قبل كان ع قد حاله
دعاء:صاح جارنا ونعرفه
انا:المهم بعدها عارفها عادل كمل معاها وقاللها بعد تزوجي معش نحكي معاك بس خلينا مدامك مخطوبه نحكو وهيا وافقت طول بعدها مع الايام في واحد دز صور لعلي وتسجيلات ريم تحكي مع عادل علي طبعا فسخ الخطبه ومابش يحكي عليها وقال مش متفهمين وعادل سيبها وهذي قصه ريم
دعاء:مايطلع منها افتك منها علي
انا:ايواه بس تعرفي وجعتني امس باين عليها نادمه ومتحسره
دعاء:صاح شفتيها تبحت في بطني بعدها شفتها عيونها دمعن
انا:منها بروحها ربي يهديها
بوفه:اهف اهف
انا:نجك ليا انت واعي
اسماء:وين ع نشاط كنكم
انا:وين كنتو
اسماء:ناض يعيط درتله رضاعه وجيت انتن كنكن وعيات
انا:حرام كان وعينا يعني
اسماء:لالا مش حرام
انا:توا نجيكم نمشي حمام
دعاء:سلميلي عليه
انا:يوصل
تسريع الاحداث نحنا في حوش نضنا ودرنا فطور وفطرنا وبعدها بدينا في الغداء وجت تشاركيه دارت خيمه قدام حوش لان ديرين اسبوع وجو هضا
ساعه 2
عند احمد
احمد:مزلتي
ندي:دقيقه بس
احمد:باهي
ندي:حبيبي شوف رهف كلمها ليا
احمد:باهي وين دبشك
ندي:اهو
احمد:خذا شنطه فيها دبش عربي وذهب متاع ندي ونزل
ماما:لولولولولي مبروك يا عيوني
طلعنا كلنا لسمنا ع احمد
انا:مبروك واخيرا افتكيت من هرجتك
احمد:مزلت فوقكم قاعد وكل يوم تصبحي في واجي يا طشه انا:نعليا انا كان كل يوم نصبح في وجه سمح بس فكني منها طشه
احمد:باهي امشي ندي تبيك
انا:بدينا طيحي كرعيه باهي
احمد:هههه امشي يا طشه
انا:نركب ع مدروج اليوم لانك عريس مسامحتك بس
ندي:فتحت باب نعليا من صوته هضا
انا:حي عليا نوشتي مرات خويا
وحضنتها ماغباكم في جو بنات يسلمن ع بعضهن تقول لهن 7سنين ما شافن بعضهن
ندي:خشي
انا:لالا بس قوليلي كيف صار امس
ندي:تمام بكل اخر دلع
انا:نحليا انا وخلاص
ندي:انا كلمت نبيك تمشي معايا
انا:والله نبي نساعد بنات
ندي:مانعرفش كيف نصرف
انا:توا تلقي ريهام غادي ولا توا نكلملك سندس
ندي:لالا سندس امس كلمنها وتسيب في حلا عند عمتها احراج وخلاص توا نمشي ونلقا ريهام
انا:خلاص انزلي
ندي:هي
ونزلت ندي
قعدنا نزغرتو وسلمنا عليها كلنا وطلعت مع احمد في سياره
عند علي
علي:هيا وانتي مرقدتنا بدري ياريت غير واتيه توا
ريهام:باهي وانت قريب تضرب
علي:اليوم مافيش نوم بكل
ريهام:عينك كان لقيت جو يهبل غادي مش مروحه
علي:ههههههه اديرها عارفك
ريهام:نبصر نقدر نبعد ع حضنك بعد حصلته
علي:راه نرد بيك ولا كوافير لا اسبوع لا شي
ريهام:عينك امسك شنطه وهيا
وطلعو علي وريهام بسياره
تسريع الاحداث
وصلو للمزين مع بعضهم خشو ولبسو عربي وطلعو يهبلن وعلي واحمد لبسو عربي حتي هم وبعدها كل واحد خذا المدام متاعه وجا للحوش وبعدها جونا هل ندي وخوال ريهام وتعشينا وبدو يروحو واحد بواحد
انا:ريهام واخيرا حصلتك بروحك
ريهام:عرفتك الحمدلله وبس
انا:وحده وحده كنك
ريهام:تبي تسالي شن صار ليله امس صاح ولا لا
انا:صاح
ريهام:قتلك الحمدلله
انا:شنجو علي معاك
ريهام:مش عارفه
انا:هكي هيا باه يا ريهام
ريهام:يا فرخه علي محلفني وقالي ماتحكي لحد
انا:بس انا مش اي حد
ريهام:امشي لعلي يحكيلك
شوي خش علي
انا:وين يا عليوه طرف مطرف
ريهام:تشيرله تقول اطلع
انا:اطلع راه تقتلك
علي:ههه قوليلها هيا بروحها تطلع
انا:بدري عليش مستعجل
علي:من عمرك خلاص ساعه 10الا خير واجد
انا:باه ريهام قالك عريسك هيا
ريهام:هي وطلعت ريهام
سندس:هي مع سلامه
انا:وين انتي
سندس:لا خلاص نبي نروح عمر برا توا ركبت ندي شقتها ورن عليا
انا:باهي وين اعميمه
سندس:روحت امبدري جاها عمر
انا:يناري ع عمورتي متعبينه
سندس:هيا اوكي
انا:سلميلي عليه وبوسلي حلا
سندس:حاضر
احمد:رهف ندي ركبت
انا:اهاا ركبت
احمد:شوفلي طريق
انا:عادي عريس خش
احمد:باه وركب احمد شقته
ومشين الايام ومافيش جديد الا ان نحنا سمعنا ع ريم ومشيت انا وماما عزينا عليها وحق وجعتنا كلنا حتي لو انها غلطت بس موت ما تتمنها لحد وقلت لعلي ان ريم قلتلك سامحني وعلي قال مسامحها انا اصلا ونفس شي دعاء قلتها لعادل وعادل قاللها مسامحها وانا بديت في سنه جديده والاخيره نمشي انا وندي يشيل فينا احمد وطبعا كل وقت ندي عندنا وريهام حتي هيا لان بس ندي اكثر لانها تسكن فوقنا وكل جمعة غداء عندنا و يجي حتي عمي ناصر يتغدا معنا في جمعة طبعا عمر خطب رهف بشكل رسمي
عندنا في حوش كان يوم جمعة
انا:صباح الخير
ندي وماما:صباح النور
ماما:تعالي افطري
انا:حتي انا جايه
وقعدنا نفطرو سمعنا باب حوش نفتح
علي:خيانه هذي ليش ما ترجونا
ندي:قلتها لها قلتلها ياعميمه اكيد عيت علي قريب يجو
ماما:طولتو نحنا فطرنا
ريهام:صحيحه
انا:انا بروحي مادورونش بكل
علي:لا معنها معش نعتبكم لي سيبتو رهوفه
احمد:صباح الخير
علي:حتي انت فتوك
ريهام:لا خلاص كان حتي احمد معنها مقصوده
ندي:والله وعيتك يااحمد
احمد:لا وعيتني
ندي:ماتبش تنوض شن انديرلك
ماما:باهي خلاص لي صار صار تعالو افطرو
انا:ناكل وحق الله عليش درتو موضوع
فطرنا وجو تمام بعدها جونا عيت عمي ناصر وبعدها عيت عمتي فتحيه لان اليوم دفع رهف وعمر
فتحيه:مبروك ياعروس
انا:الله يبارك فيك
دعاء:واخيرا
انا:خلاص زوجتكم كلكم وتريحت عليك نبي نشوف روحي
كلهم:ههههههههه
عزيزه:ربي يهنيك
وقعدنا نهدرزو ورجاله مشيو للجامع بعدها تغدينا وكملنا الحوسه وبخرنا الحوش ومولعين اغاني وجو بعد العصر سمعنا سيارت يبيبن طفينا الاغاني وخشو رجاله للمربوعه قدمنالهم حاجات لي ياكلو فيهن ?بعدها بدو في دفع وشروط وجو هضا المهم دفعو وبعدها لي عند حوش يحوشله وروحو
علي:رهف
انا:نعم عليوه
علي:امسكي
انا:شنو
علي:هذا دفعك وانشالله مبروك
انا:الله يبارك فيك خذيت منه ضرف في الفلوس وحطيته في دار لقيت فوني يرن عمر طبعا
انا:الو حبيبي
عمر:مبروك حياتي
انا:مبروك علينا يا قلبي
عمر:توا انا قاعد مع شباب نحكو بعدين
انا:تمام عيوني
وطلعت بنات وقعدنا نصفقو ونغانو وجو بعدها تعشينا وقعدنا نهدرزو
ريهام:باهي امتي العرس يا رهف
انا:مزال طبعا بعد تخرج
ندي:دعاء عليش
انا:مسؤليه بعد الفرح وقصه ع اقل انتريح من القرايه
اسماء:صاح عندك الحق تعب بذات القرايه انتي هنا ماحوتك ما تليميها
انا:ايواه سمعت فون يرن
ندي:اس هذي سندس
ندي:الو نعم
سندس:ندوشه وين رهف
ندي:شن تبي فيها
انا:هيتي هنا الو
سندس:مبروك حبيبتي ربي يهنيكم يارب
انا:الله يبارك فيك انشاءلله
سندس:باي توا
انا:بايات
ريهام:مزال يا دعاء
دعاء:لالا بعد بكرى عمليتي
انا:ربي يقومك بسلامه يارب
دعاء:انشالله
قعدنا نهدرزو بعدها روحت عمتي فتحيه وعيت عمي ناصر قعدنا نحنا وصبايا لعيال
انا:بكري ماشيه
ندي:اها اكيد
ريهام:مزال يشيل فيكم احمد
ندي:مزال علي ماقتله نمشي بروحي مابش
ريهام:عليش ماكنتي تمشي بروحك
ندي:قالي من قبل هلك مش فاضين يشيلوك درولك سياره توا انا فاضيلك
انا:بس مشكله مرات يتاخر علينا
خش علي
علي:هيا يا ريهام
ماما:بدري كنكم
ريهام:خلينا شوي كنك
علي:والله نعسان نبي نتريح
ريهام:باهي شوي توا نروحو
علي:خلي احمد يجيبك انا مروح
ريهام:لا خلاص هي
ماما:خليك توا يشيلك احمد
ريهام:لالا ما في ماتعبته
احمد:سلام عليكم
ندي:عمرك طويل
انا:وينك
احمد:مبروك انتي
انا:الله يبارك فيك انت
ريهام:هي مع سلامه
نحنا:مع سلامه
احمد:مافيش حاجه نكلوها
انا:فوق شقتك
ماما:خشي يا ندي حطيله
ندي:هي
احمد:قتلك قاعد ع قلبك يا طشه
انا:يا بارد عزقت في مخده وصبيت مع ندي
المهم تعشا احمد بعدها ركب للشقه هو وندي وانا خشيت لدار وماما كذالك انا حكيت مع عمر بعدها رقدت ثاني يوم مشيت للجامعه انا وندي وروحنا ومر اليوم عادي جدا ثاني يوم لهو عمليه دعاء مشيت انا وماما لعمتي فتيحه
في حوش عمتي فتحيه
انا:مزال
فتحيه:قالت اسماء توا يبو يخششوها للعمليه
ماما:ربي يطلعها طيبه
بوفه:اهف يا اهف
انا:نعم بوفه
بوفه:انبي امياه
انا:شوي بس
بوفه:عطسان نا راه نموت
فتحيه:هههه عطي امياه راه يموت علينا
انا:تعال هي
بوفه:جيبي هنا
انا:في عينك تبي تعال
بوفه:باه
ماما:طلع عينها
فتحيه:تستاهل هي لي دلعته في بدايه
سمعت باب يدق مشيت فتحت لقيت عزيزة
عند عمر
عمر:الو
سالم:ايوه
عمر:وين يا غالي
سالم:حاليا في حوش ما تسمعش في عياط حلا
عمر:لا نسمع فيها باهي امتي طالع
سالم:اشوي اخره كنك
عمر:شي غير قاعد في محل كساد
سالم:هي مسافه طريق بس
عند دعاء في المستشفى
اسماء:تقرا في قران
عادل:يدعي
عبدالله:قاعد يدخن برا
طلع دكتور
عادل:شن صار يا دكتور
دكتور:الحمدلله ع سلامتها ومبروك بنت
عادل:الحمدلله ياربي
اسماء:الحمدلله
عادل:شكرا يادكتور
دكتور:العفو هذا وجبنا
عادل:تسلم امتي نشوفوها
دكتور:شوي وتطلع عليكم
عادل:بارك الله وفيك
عبدالله:بشرو
اسماء:جابت بنت
عبدالله:مبروك وتربه في عزك عادل:الله يبارك فيك
اسماء:رنت عليا
عندنا
انا:امسك اشرب
بوفه:شكرا
انا:ازك ليا امشي لدار هي وسمعت فوني يرن
طلعت من مطبخ للدار
انا:الو
اسماء:ايوه رهف دعاء جابت بنت
انا:لولولولولي مبروك عليها
فتحيه:الحمدلله ياربي
ماما:شن
انا:جابت بنت
فتحيه:لولولولي
عزيزه:الحمدلله ربي جبر بخطرها وفرحها
باب يدق طلعت نفتح لقيته احمد جايب ندي وريهام
انا:جيت وجابك ربي وصلني
احمد:وين انشالله
انا:مستشفي
ندي:شن صار
انا:جابت بنت
احمد:هي باهي
انا:هي
خشيت لبست وطلعت وصلنا مستشفي خشيت انا واحمد لقيت دعاء في دار معاها اسماء
انا:الحمدلله ع سلامتك يا فرخته العيله
دعاء:الله يسلمك يا عزوز العيله
انا:عزوز عينك انا شباب العيله بعدين اختك وريهام هن العزايز
اسماء:هذي نهايتها يا رهف
انا:نبصر وين فرختك
اسماء:توا تجي شوي بس
انا:قصدك يجيبوها مش تجي
دعاء:لي هيا وانتي كل كلمة مسكه فيها
خشت ممرضه
ممرضه:سلام عليكم
نحنا:عليك سلام
ممرضه:الف مبروك وتربه في عزكم
دعاء:تسلمي يارب
انا:عطيها ليا
ممرضه:تفضلي امسكيها
انا:بسم لله تهبل يا خيه
دعاء:وريني
انا:اهي شوفيها
دعاء:عيونها دمعن نجكليا يا ماما
اسماء:حجزتها من توا لبوفه راه
دعاء:هههههه خلاص خوذيها
خش عادل وانا واسماء طلعنا
عادل:الحمدلله ع سلامه غزالتي
دعاء:الله يسلمك
عادل:وريني غزالتي الاخره
دعاء:غزالتك عينك انا عزالتك بس
عادل:باهي وين عصفورتي
دعاء: ايواه عصفورتك اهي
عادل:نجيها ليا
دعاء:وانا
عادل:ربي مايحرمني منكم
دعاء:ولا منك يارب
انا واحمد روحنا لحوش عمتي بعد خشينا وسلمنا
فتحيه:شن صحتها بنت
انا:الحمدلله تهبل
ماما:الحمدلله
فتحيه:تمشي وما تقوليلي
انا:اسفه بس والله احمد مستعجل وطلعت بسرعه
الكاتب:Arhima Alagory
تعشينا واسماء قعدت باتت مع دعاء وجا احمد روحنا وسيبنا عزيزة قاعده ثاني يوم جينا عند عمتي ودعاء طلعت ودارو عشاء ومشين الايام وانا نمشي للجامعة ونروح نقرا ومرات نطلع للسوق نشري في دبش الفرح وكل مره تطلع معايا بنت بس اكثر شي ريهام وندي لان دعاء تعاني في (فرح) خطرها فرح اسم بنت دعاء واسماء تعاني في بوفه وهذا لي صار في الايام لي فاتت
عندنا في حوش
انا:حبيبي نبي نرقد خلاص
عمر:عيوني مرايف عليك اصبري
انا:مرات تقاعد تحكي تلقاني راقده
عمر:تمام كان لقيتك راه نسكر
انا:احكي
عمر:خطرها امتحاناتك امتي
انا:عليش مستعجل انت مزال كل يوم يزيد يقربن اكثر من قبله
عمر:بعد تخارجي عندي لك مفاجئه
انا:نفس خطبه قصدك
عمر:ههههه لالا وحده اخره
انا:العرس معروفه
عمر:لالا
انا:باهي قولي
عمر:لالا خلاص ارقدي
انا:معش نقدر نرقد
عمر:بلا دلع هيا ارقدي
انا:حاضر تصبح ع خير
عمر:قدامك الخير
سكرت رقدت طول ثاني يوم في صبح
ماما:يا رهف هيا توا ينزل احمد يقولك هيا
انا:هي صبيت ياماما
صبيت للحمام توضيت صليت ولبست نرجا في احمد طول
ماما:غريبه وين احمد طول
انا:حتي ندي ما نزلتش
ماما:اركبي شوفيهم
انا:باه صبيت نبي نطلع
احمد:صباح الخير
ماما:صباح النور
انا:كنك طولت ما نزلت وين ندي
احمد:مش ماشيه
ماما:كنها
احمد:مريضه قالت حاسه بدوخه وراسها يوجع فيها
انا:توا نركب نشوفها
احمد:اين تركبي وقت هيا
انا:نطمن عليها بس
احمد:اهي امي توا تركبلها
انا:باه
ماما:خلاص امشو انتو
نحنا طلعنا وماما ركبت لندى
ماما:دقت ع ندى باب
ندي:هي جايه فتحت
ماما:كنك يا ندي
ندي:والله ماني عارفه يا اعميمه بس حاسه بدوخه وكبدي وراسي يوجع فيا
ماما:باهي الحمدلله مبروك حامل
ندى:قصدك انا حامل
ماما:انشاءلله توا نرن ع رهف تجيب اختبار حمل معاها
ندي:باه وقريب اطير من فرحه
انا واحمد في سياره
انا:من امتي
احمد:امس في ليل بعد ركبنا منكم نحنا خشينا هيا خشت تجري حمام قالت كبدها بعدها حست دوخه رقدت جبتلها عصير عنب قلت بلكي هبوط اليوم نضت لقيتها في حمام قالت نفس امس وماتقدرش تمشي قعدت معاها نين حسيتها نشطت بيش نزلت
انا:ههههههه حي عليهم كان ماتطلع حامل
احمد:حامل تحكي جد
رن فوني
انا:الو
ماما:ايواه وين قاعده توا
انا:توا خشينا ع جامعه كنك تبي حاجه
ماما:انتي مروحه جيبي معاك اختبار حمل
انا:كيف نبي نجيبه
ماما:قولي لاحمد يتكي بيك ع اول صيدليه
انا:تمام باي
سكرت منها
احمد:كنها امي
انا:شن قتلك مراتك حامل واخيرا تبي تقاعد أب يا احمد
احمد:شن قلتلك امي
انا:تبي اختبار حمل امك
احمد:باهي توا نجيبه
انا:الف مبروك احميده
احمد:الله يبارك فيك
ونزلت خشيت جامعه لقيت سندس
سندس:شنجوك وين ندي
انا: ياحنه ندي شكلها حامل
سندس:صاح باهي مبروك عليها
انا:انتي شخبارك شنجو حلا
سندس:قاعدة حال لعياط
انا:مافيش حاجه هكي ولا هكي
سندس:لا مزال
انا:هي نخشو باهي
خشيت حضرت محاضرات انا وسندس بعدها جاني احمد وروحنا
في سياره
انا:جبت معاك لي وتبي ماما
احمد:اهو امسكي
انا:كان طلعت ندي حامل شن ادير
احمد:انطلقها
انا:شن كنك هبل انت
احمد:تي شن اندير نفرح وخلاص
انا:بارد
احمد:هي انزلي انا ماشي للكافي توا نجي
الكاتب:Arhima Alagory
نزلت وخشيت للحوش
انا:سلام عليكم
ماما وندى:عليك سلام
انا:كنها ندوشه تبي تقاعد ام
ندي:ههههههه
ماما:جبتي لي قتلك عليه
انا:اهو
ماما:خوذي وخشي حمام
ندي:باهي
ماما:بلا حشم امشي خلينا نفرحو
خشت ندى للحمام وبختصار طلت حامل
ماما:شن صار
ندي:الحمدلله حامل
انا:لولولولولي مبروك حبيبتي
ماما:مبروك علينا
انا:واخيرا يبي يجينا بيبي في حوش
ماما:ردبالك من روحك وخلي احمد يشيلك لدكتوره ولا دكتور وديري تحاليل
ندي:انشاءلله
انا:ندي حامل مش متخيلتها بكل
ماما:وكنها شن نقصها
انا:مزال الاخره شن دستلنا
ماما:باهي امشي حطي الغداء احمد قريب يجي
انا:باه
وخشيت انا للمطبخ بديت نوتي في الغداء وجا احمد تغدينا وركب احمد لشقته وركبت معاه ندي
عند احمد وندي في شقه
احمد:شن تحسي روحك
ندي:تمام بس عارف
احمد:شنو
ندي:طلعت حامل
احمد:شنو عوديها
ندي:لي سمعتها انا حامل
احمد:نحبك يا ام عيالي
ندي:وانا نموت فيك
احمد:خذها في حضنه
ندي:تبي عيل ولا بنت
احمد:نبيك انتي تكوني امه بس نفس عيل نفس بنت كلا نعمه من ربي في لي مش محصلها
ندي:صاح ربي يعطي كل محروم
احمد:نبيك تريحي روحك فاهمه
ندي:حاضر حتي اعميمه قلتها ليا
احمد:عطا ندي بوسه ع راسها ربي مايحرمني منك
ندي:ولا يحرمني منك بس نبي نمشي دكتور ولا دكتوره نتابع معها وندير تحاليل
احمد:توا بعدين في العشيه نمشو
ندي لالا توا نسال دعاء ع دكتوره لي كانت معاها ونمشولها
احمد:تمام
في العشيه جتنا ريهام ونهدرزو
ريهام:صاح باهي مبروك يا ندي
ندي:الله يبارك فيك لعقبالك
ريهام:انشاءلله
ماما:مزال انتي مافي شي
ريهام:مزال والله لعند توا ما في شي
ماما:لي عند الله قريبه
انا:يا بنات هي نطلعو للسوق نجيب طاقم المطبخ
ماما:توا وقتها
انا:يا ماما جايت امتحانات وانا مزال مطبخ نبي نتريح منه وخلاص
ماما:باهي شوفي واحد
انا:مافي الا احمد
رنيت ع احمد وجاني
في طريق
احمد:شنجو ريهام
ريهام:تمام وانت
احمد:الحمدلله
انا:احمد امشي للمحل لي يومتها شفنه
احمد:عارف ع مهلك وخوذي لي نقصتك بيش معش نمشي مره اخره
انا:نطولو راه
احمد:علي مهلك
انا:نجكليا
مشينا للسوق وخذينا لي نقصتني كلها وتميت دبشي كله والحمدلله و روحنا
انا:تكلينا ع مطعم خوذلنا عشاء
احمد:انتي لي تخلصي
انا:باهي غير تكي هي
احمد:وسعي بالك
ومشينا مطعم
انا:امسك فلوس
احمد:من جدك انتي دسي فلوسك
انا:نجك ليا
وخذينا العشاء وروحنا للحوش لقينا علي مع ماما تعشينا وبعدها عيت احمد ركبو وعيت علي روحو وانا نهدرز مع ماما
ماما:كملتي دبشك
انا:اها الحمدلله خلاص
ماما:ربي يهنيك ونشوف عيالك
انا:انشاءلله يارب
رن عليا عمر
انا:تبي حاجه ماما
ماما:سلامتك نبي نمشي للدار انا اصلا
انا:تصبحي ع خير
وخشيت دار ورديت ع عمر
عمر:وينك
انا:كنت نحكي مع ماما
عمر:شن جوك
انا:تمام وانت حبيبي
عمر:تمام مدامك معايا
انا:نجكليا
عمر:وليا
انا:عارف اليوم طلعت للسوق كملت دبشي كله
عمر:مبروك عويناتي
وقعدنا نهدرزو نفس كل مره
تسريع الاحداث
اخر يوم في الامتحانات كان يوم خميس
انا:هيا يا ندي وقت
ندي:هي جيت
انا:حي ع بطن كل يوم زايده
ندي:هههههه امشي قدامي وانتي ساكته
ماما:ربي يوافقكم انشالله
احمد:بيب بييييب هيا
انا:باهي كنك
احمد:الحمدلله اخر يوم
انا:صاح الحمدلله
ندي:هيا يا عمري اطلع
طلعنا للجامعه خشينا لقينا سندس ترجا فينا عند نفس مكان لي كانه ديما نتلاقو فيه
انا:اخر تكسيده هنا
سندس:بكل تعرفي جيت بدري كل بيش نذكر سنين وذكرياتنا هنا
انا:اجمل مكان عندي هذا
ندي:طبعا من هنا بدا الحب
سندس:خطرها مبروك مقدما
انا:الله يبارك فيك مش مصدقه ان بكرى نبي نقاعد مرات خوك
ندي:لالا صدقي شوفيني انا عمري حلمت نكون مرات خوك
انا:سبحانه الله نصيب
سندس:شكلك مطولين هيا نخشو
انا:هي
وخشينا للمدرجات درنا امتحان وطلعنا ونودعو في كليه وخلاص طبعا في بنات اخر نعرفوهن بس ماحكيت عليهن واجد لان اكثر وقت وديما مع بعضنا انا وندي وسندس
سندس:تذكري لما خبطتي فيا يا ندي
ندي:الله الله ايام بسرعه ما يجرنلها 4سنين توا
انا:انا كنت نشوف فيك اكثر واقت بروحك نقول هذي كانها ديما بروحها بعد تعرفت عليك طلع جوك عسل من الاخير
سندس:بروحي لان بنات لي قريت معهن ثانية مافيش وحده خشت طب كيفي وجيت هنا اول سنه نحكي مع بنات صاح بس مش كيفكن انتن خشيت فيكن بسرعه وتعلقت معاكم
انا:ولا انا احسن خبطه في حياتي خبطته عمر خوك اول حاجه نحسبه يقرى معايا
سندس:انا نقول من يوم نتيجه معش قدم بكل
انا:شن قصدك يا حيوانه
سندس:ههههههه قصدي واضح
ندي:هههههه حرام عليك
انا:خليها توا نرويها عليها
سندس:نبصر حبيبتي انتي مرات خويا
انا:توا حبيبتك ومرات خوك
سندس:خلاص عاد
انا:باه
قعدنا نحكو بعدها انا وندي جانا احمد وروحنا وسندس جاها سالم روحت معاه
عندنا في حوش
ماما:روحتو انشاءلله بنجاح
انا وندي:انشالله
ماما:حليتو
انا:طبعا الحمدلله
ماما:باهي غيري دبشك وتعالي حطي الغداء
انا:اهي ندي
ماما:بنت مريضه
انا:عليك قصه هي اولدي وريحينا
ندي:مانولد الا انتي عند راجلك
انا:معنها خليني نمشي من اليوم مهم تولدي
ماما:من يوم عرفتن بعضكن وانتن تحكن ما مليتوش بكل
انا:في وحده تمل من عسل
ندي:نجكليا
انا:مش عليك انا عسل
ماما:هههههههه عسل ولسانها طويل
ندي:بكل
في عشيه جتنا عمتي فتحيه وعزيزه وريهام
انا:عليك تعب القرايه هذي
عزيزه:كملتو اليوم
ندي:اها اليوم كملنا الحمدلله
فتحيه:انشالله بنجاح
ماما:شن حال بنات يا فتحيه
فتحيه:طيبات حال جري ورا العيال
ريهام:صبت وخشت داري
انا:شفتها لحقتها
ماما:قوليلهن راه يغيبن بكري
فتحيه:لالا معقوله يغيبن
انا خشيت داري لقيت ريهام تبكي
انا:ريهام كنك حبيبتي
ريهام:خليني في حالي يارهف
انا:لالا احكيلي حبيبتي كنك
ريهام:شن نقولك غير خاطري في حتي عيل واحد من علي وانا لعند توا ما حملتش
انا:ياروحي انتي مزلتي صغيره
ريهام:صغيره بس لي اصغر مني بعيالهن يا رهف
انا:ربي مزال ماسخر يا ريهام
ريهام:خايفه علي يزوج عليا
انا:ههههه لا نهبلتي جديات
ريهام:اضحكي لان ما يحس نار الا واطيها
انا:لا حبيبتي مش هكي والله حاسه بيك باهي مشيتو دكتور ولا حاجه
ريهام:مشينا قال مزال ربي ماسخرش
انا:هيا بلا زعل توا يجي يوم ونشوف تعيطي من العيال وهرجتهم
ريهام:انشاءلله
انا:هيا نطلعو نديرو عشاء انا وياك
طلعت انا وريهام درنا العشاء وتعشنا وقعدنا نهدرزو وبعدها كل واحد روح لحوش وانا خشيت نحكي مع عمر
عمر: شنو حليتي حياتي
انا:خلاص الحمدلله كملت
عمر:انشاءلله بنجاح
انا:انشاءلله يارب
عمر:الحمدلله لي كملتي توا خلاص معش في شي الا فرحنا
انا:نعلي مش مصدقه ان فرحنا اسبوع جاي
عمر:خلاص صدقي كلها اسبوع وتكوني ليا انا وبس
انا:انشاءلله يارب
وقعدنا نهدرزو في حاجات خاصه
ثاني يوم كان يوم جمعة
.
.
.
.