رواية صدفه جعلتني أدمنك
.
.
.
.
.
قراءة ممتعه للجميع
.
.
.
.
.
طلعت انا وريهام درنا العشاء وتعشنا وقعدنا نهدرزو وبعدها كل واحد روح لحوش وانا خشيت نحكي مع عمرعمر: شنو حليتي حياتي
انا:خلاص الحمدلله كملت
عمر:انشاءلله بنجاح
انا:انشاءلله يارب
عمر:الحمدلله لي كملتي توا خلاص معش في شي الا فرحنا
انا:نعلي مش مصدقه ان فرحنا اسبوع جاي
عمر:خلاص صدقي كلها اسبوع وتكوني ليا انا وبس
انا:انشاءلله يارب
وقعدنا نهدرزو في حاجات خاصهثاني يوم كان يوم جمعة لي هو يوم فاتحته عمر و رهف
عندنا في الحوش
انا:نضت خشيت حمام وطلعت نبي نفطر لقيت ماما وندي
ندي:صباح الخير يا عروس
انا:صباح النور
ماما:قعمزي كنك مصبيه
انا:تجمعو الدموع في عيوني كنت متمنيى بابا يحضر عرسي ومانبش نسيبك قعدت نبكي
ماما:حتي انا ما نبيك تطلعي من الحوش لكن هذي سنه الحياه
ندي:خلاص يا اعميمه بعدين رهف توا تجيك مش تبي تغيب عليك توا تجيك
نحنا نحكو خشت علينا ريهام
ريهام :كنكم انشاءلله خير
انا:غير قولي خير
ريهام:خيرات كنكم
ندي:ع رهف وفرحها وطلعتها من الحوش
ريهام:فرح قلتوها بروحكم مش عزاء هو بعدين يا اعميمه انا وندى قعدت وكل يوم عندك
ندي:بلكي نحنا مش كيف رهف
ماما:لا والله مش هكي انتو كيف رهف و واعز بس رهف واخذه عليها بنتي وصحبتي واختي تبي تطلع من حوش لعرب اخره
ريهام:هذي سنه توا بكرى بعد بكرى تجيك وتجيبلك عيالها يقلبو راسك بهرجه تقاعدي تلزي فيها بعدين
انا:نعلي اديرها يا ماما
ماما:لا بس نطلع ونسيبلك الحوش
انا:هههههه نجكليا
ندي:ايوه اضحكو وفكونا من نكد
ريهام:فرح راه
ماما:ومش اي فرح
انا:نزغرت انا زغرتو
ريهام:لولولولولي
ندي:زغرتت ريهام خير واجد
انا:خزي يا حيوانه
ماما:انتي هذي حاجه الوحيده لي نفتك منها
انا:شنو
ماما:طولت لسانك
بنات:ههههههه صدقتي يا عميمه
انا:اعميمه توا باه توا تشوفن
ماما:حتي انا
انا:لالا الا انتي يا عسل
ماما:وين علي
ريهام:حطني وعدى يجيب في ماما
انا:اعميمه فتحيه امتي جايه
ندي:جرس يرن توا نجيكم
ريهام:لالا تريحي توا نطلع انا
طلعت ريهام تفتح في باب
ريهام:ايوه جيت فتحت
فتحيه:خير
ريهام:خير اعميمه تفضلي
فتحيه:حتي انا متفضله
ريهام:ههههه من معاك
فتحيه:دعاء توا تجي تجيب شنطة فرح بس
دعاء:اهلين حبيبتي
ريهام:دودو هلا هيتي فروحه
دعاء:خوذيها
ريهام:راقده سمحه
دعاء:تكمل يوم نوم وليل تمسكه واعيه
ريهام:نجيها
فتحيه:لولولولولولوي
ماما:مرحب سلمك زغرته
فتحيه:وين العروس
ماما:قاعده تفطر
دعاء:سادها خلاص وكال
ماما:خير يادعاء
فتحيه:خير يا عروس
انا:خيرات اعميمه
فتحيه:مبروك انشاءلله
انا:الله يبارك فيك
ندي:كيف حالك اعميمه فتحيه
فتحيه:الحمدلله وانتي كيف حالك وشن داير معاك الحمل
ندي:الحمدلله
انا:وين اسماء
دعاء:قالت جايه في طريق
ماما:شوفو باب
ريهام:هي
انا:لالا انفتح باب خلاص
عزيزة:لولولولولولوي
انا:نجكليا اعميمه عزيزه
اسماء:العروس هي قبلتنا
انا:شن جابكم ع بعضكم
عزيزه:لقينها قدام باب
بوفه:اهف ايفت عليك
انا:نجكليا يا روحي انت
اسماء:امي جت
انا:توا كيف خشت
وخشينا كلنا وسلمو ع بعضهم وجو هضا بعدها درنا الغداء
علي:مزال الغداء
ماما:شوي بس يحطو
علي:باه بعد نكملي كلميني
دعاء:حول سيبها
بوفه:بوسه بس دعاء
دعاء:لالا خليها راقده
بوفه:بوسه وحده بس
فتحيه:خلي يبوسها وفكينا من هرجته
دعاء:تعال
بوفه:قرب من فرح وباسها بقوة نين قعدت تبكي
دعاء:ضربت بوفه
فتحيه:كنك معاه
دعاء:ماصدقت سكتتها
بوفه:والله تشوفي باهي
عزيزه:حي عليك
بوفه:اهف يا اهف
انا:كنك عيوني تبكي
بوفه:من دعاء
انا:تعال معايا
فتحيه:حي عليك كلملك العروس
انا:كنك معاه يا ابله دعاء
دعاء:قتل البنت
انا:شن انديرولها يا بوفه
بوفه:لزيها خليها ما تشوفش علسك
انا:هههه عليك عقاب
فتحيه:حرام يا بوفه خويله هذي
بوفه:حتي انا حلم مزلت زعيل تضلب فيا
دعاء:تعال خلاص اسفه
بوفه:زعلت منك نبش نجيك
دعاء:معنها انا لي نجيك
بوفه مسك فيا لهف قوليلها
انا:ماتخفش منها
دعاء:اسفه خلاص يا سمح وبساته
ماما:علي
علي:نعم
ماما:تعال خوذ الغداء
علي:هي
جا علي خذ الغذاء وتغدينا حتي نحنا وغسلو المواعين وبعدها جا وقت الاذان
عند عمر
عمر:هيا يا حاج وقت راه
محمد:باهي وسع بالك
عمر:سالم عارف جامع انت
سالم:لي شارع بعد حوش رهف
عمر:فضحت بينا انت
سالم:مزال بعدين شيخ يقول اسمها سمع المنطقة كلها
عمر:بعدك يقاعد يعود فيه تقول ديرها بلعاني
محمد:تي هيا
عمر:امشي خلاص وبعد يقروها رن عليا
سالم:هيا معانا
عمر:لا فكني منها
سالم:والله هيا ضروري
عمر:لا منور عارفك انت وجماعة مش ح تريحو اروحكم
سالم:في ضمانتي انا والله ماتخاف
عمر:كان قعدو يتميعلو
سالم:قتلك عندي انا كنك انت
عمر:خلاص هي توا نجي في سيارتي
سالم:هي معايا
عمر:هي يا راجل
وطلع عمر مع سالم للجامع
عندنا
ناصر:هي يا علي
علي:هي طالع احمد وين
ناصر:امبدري طلع للجامع
علي:وباقي
ناصر:كنك تقول تبي تلعب كوره تلم فيهم اطلع وخلاص
علي:هههه هي في سيارتي
وطلعو رجاله للجامع
عندنا في حوش
ريهام:هي اطلعي
انا:باهي سكنتي
طبعا انا لبست ودرت ميكاب خفيف وجو هضا
ريهام:لولولولولولوي
فتيحه:لولولولولي
ماما:لولولولولولوي
كلهم زغرتو طبعا وخشو علينا جراتنا واهل ندى جونا
ندي:يا ريهام الاذاعه وين دسكاتها
ريهام:والله اسالي رهف
ندي:يا عروس وين دسكات
انا:شوفيهن في دولاب داري
ندي:باه
مشيت ندى وجابت دسكات ولعنا الاغاني
عند رجاله في جامع
كملو الصلاة وبدا المذؤن في الفاتحه زوجتك وقبلت وكلام هضا المهم قريو الفاتحه وتمت رهف لعمر وعمر ولرهف
سالم:مبروك يا شقيقي
عمر:الله يبارك فيك
اصحاب عمر:مبروك
عمر:الله يبارك فيكم
سالم:رن ع سندس
سندس:الو
سالم:قروها الفاتحه
سندس:تمت تزغرت
عندنا
ندي:تلفونك يا ريهام
ريهام:علي هضا الو عليو
علي:قرينها الفاتحه
ريهام:لولولولولولوي
بعدها نقلبت دنيا زغريت
انا نبي نطيره من فرحه
دعاء:رهوفه حبيبي القلب يرن
انا:هتي وخشيت دار
انا:الو حياتي
عمر:علي طلاق نحبك يا رهف
انا:نجكليا وانا نموت فيك يا عيون رهف
عمر:خلاص انتي ليا انا وبس توا ملكي
انا:انت ملكتني من يوم نتيجه
عمر:نعلي منك
انا:ومنك
عمر:حبيبتي قصدي مراتي شباب يندو عليا يبوني نحكو بعدين
انا:ردبالك من روحك يا عمري
عمر:روحي عندك هي باي
انا:باي
ريهام:الله ع الضحكه سمحه هذي
انا:مش مصدقه
ريهام:لا صدقي
ندي:هي اطلعو كنكم
انا:هي
وطلعنا قعدنا في صاله اغاني وبنات يصفقو وجو سمح
وعند عيت عمر نفس جو
عند عمر بعد سكر مني
عمر:سكنتو وحق الله
سالم:توا تلحق عليها نبو نشبعو منك
عمر:انت بذات اسكت شابع مني نين بكل
سالم:نبي نشبع اخر
صاحب عمر:شن رايك شيلت عمر للبحر توا ونكسدو عليه
كلهم:وحق الله جديات هي
عمر:غير وسعو بالكم سالم شن اتفقنا نحنا
سالم:انا اتفقت معاك ع مشيتك للجامع ماحد يقربك بعدها خلاص
عمر:نسيبك يا راجل
سالم:ولا اعرفك
عمر:تم
خذو عمر شالوه للبحر
شباب نزلو عمر مابش ينزل
سالم:انزل يا راجل
عمر:مايصير شي
صاحب عمر:والله تنزل نبو نعومو وبس
عمر:عومو انا نتفرج
سالم:والله ما يقربك واحد
عمر:مافيكش ثقه انت
سالم:والله ماصارت
عمر:باه
ونزل عمر كسدو ع شط وبعدها عامو
سالم:شن رايكم في العشاء ع بحر
صاحب عمر:جو خيال
سالم:توا نجيبلكم حاجات ونديرو عشاء
اصحاب عمر:خلاص اربح
عمر:معقوله دايرن عشاء في حوش
صاحب عمر:اسكت
عمر:مش هكي بس عشاء من ياكله
صاحب عمر:والله ماتخربها يا عمر
عمر:تم ديرو جوكم
سالم:توا نجيكم
سالم مشا لمحل وجاب حاجات وبعدها لحوشه جاب مواعين رد للشباب ودارو عشاء
عندنا في حوش
روحو رجاله من جامع وقعدو قدام حوش بعدها درنا العشاء وتعشينا قعدنا نهدرزو
ريهام:بكري شن اديرو
ماما:شي ما عندنا غير نوتو لليوم الحنه
فتحيه:اديرو خيمه
ماما:والله مش عارف
عزيزه:حتي الجنان ساد راه
ماما:توا نشوف علي
اسماء:انا مروحه تبو حاجه
ماما:وين خليك
اسماء:والله نروح توا نجيكم بكرى
انا:بكرى مافيش مروحه راه عبدالله توا نطلع ندويله انا في فرحك قعدت وبتت
اسماء:باهي توا نجي بكري ونبات
ماما:كان ع راجلك يجي هنا يتغد ويتعشاء ويفطر
اسماء: لا والله عادي بس مش جايبه دبشي معايا
انا:وانتي يا دعاء
دعاء:مروحه
انا:حتي انتي
دعاء:والله توا نجي بكرى
انا:تمام
روحت اسماء ودعاء وقعدت عمتي فتحيه وعزيزه باتن معانا جا علي
علي:ريهام
ريهام:نعم عليوه
علي:هي نروحو
ريهام:هي نلبس بس
انا:شنو في عينك يا ماما مافيش مشي
ريهام:بكرى نجيكم من صبح
انا:لالا مافش مشي انتي بذات
علي:رهوفه توا نجيبها بكري
انا:خشيت وما عدلتش عليهم
ريهام:رهف
ندي:كنك رهوفه
انا:شي فوتيني
ندي:هكي تحكيلي
انا:والله شي بس ليش كلهم روحو انا ياما قعدت في افرحهم
ندي:انا مش ماليه عينك
انا:نجكليا
المهم خشيت انا مكاني وندي ركبت شقتها تلبس في توته
سمعت باب يدق طلعت نفتح
عند عمر
روح للحوش
سندس:وين هضا كله وكنكم ماجيتو للعشاء
عمر:راجلك يربش قال انديرو عشاء ع بحر
سندس:اه منه حتي هو
عمر:المهم نبي نخش داري
سندس:مافي حد براني خش
عندنا
انا:هي جيت فتحت باب لقيتها ريهام
ريهام:كنك مصبيه حولي
انا:مش تبي ترقدي في حوشك
ريهام:صدقتيها يا هبله كنت نجيب في دبشي والله طلعت مستعجله امبدري
انا:اها
علي:تبو حاجه
انا:اقعد
علي:لالا نبي نمشي خلاص نعسان بكرى نجيكم
انا:باه
طلع علي سكرت وخشيت للبنات في دار
عند عمر دار دوش وطلع لقاه موده
عمر:تفضلي
موده:المره هذي جيت نتاسف اسفه انا غلطت معاك واجد سامحني
عمر: ما صار شي خلاص مسامحك
موده:شكرا
عمر:موده
موده:نعم
عمر:نتعبك ديريلي قهوة وجيبيها ليا
موده:حاضر يا عريس
عمر:حاضرلك الخير
الكاتب:Arhima Alagory
عندنا
ريهام:انتي هنا
ندي:كيف صار جيتي
ريهام:اكيد
انا:احسن وحدات وحق الله
ريهام:نجكليا
مهم هدرزت انا وبنات بعدها رن عليا عمر هدرزنا نين رقدت انا طبعا ثاني يوم ماصار شي يعني مشا جو عادي جونا عمتي فتحيه وعزيزه وبنات وجو سمح بكل
جا يوم الحنه
انا:نضت صبح خشت حمام دوشت وطلعت لقيتهم يفطرو
ماما:صباح النور يا عروس
انا:صباح الورد
ريهام:وين ع نوم هضا كله
ندي:تودع في سرير
انا:فعلا ودمعتي نزلت
اسماء:هي تعالي افطري
انا:هي وقعمزت نفطر
بعد فطور خشيت دار لقيت عمر رن عليا رنيت عليه
عمر:وينك يا شينه
انا:قول صباح الخير قبل
عمر:صباح النور وين نوم شكلك
انا:اها توا كنت نفطر
عمر:صحتين
انا:سلمك وانت شن ادير
عمر:كيف نضت
انا:صح نوم
عمر:تسلميلي اليوم تحني
انا:انشاءلله
عمر:كيف ماوصيتك حنه نبيها تكون واجده
انا:حاضر يا قلبي
عمر:نجكليا نحبك يا انتي
انا:نموت فيك يا انت
عمر:نحكو في ليل تمام
انا:تمام
طلعت من دار وتغدينا وجت العشيه وبدو يجونا صبايا وبعدها تعشينا بعد جا ليل وقعدو يحنو فيا ويصفقو ويغنو
اسماء:والله نطلعك احلي عروس
انا:نجكليا كثريها الحنه
ندي:اها كثريها اومر عمر باشا
انا:تشفطي عليا
ندي:مسحيل
ريهام:لولولولولي
انا:كنها هذي
ريهام:هي مدي يدك للحنه حني *انشاءلله يا رهوفه تهاني ?
ندي:يا مبروك علي غاليتي*حطيتك وين تهانيتي
دعاء:يا رهوفه مبروك عليك*علي فرحك جيت نهانيك
عزيزه:شكله نويلك ع راحه*دايرلك حوش بمفتاح
فتحيه:حتي كان طلعتي برا*لنقانك حاجه التورا
هذين بعض الاغاني ???
كلمنا الحنه وقعدت في دار ومعايا بنات شوي رن عمر
انا:هذا عمر
ريهام:اها عمر كنك
انا:ردي ومسكيلي
ريهام:ههه ضحكتيني
انا:ندوشتي حبيبتي حطي سمعات وردي عليه
ندي:حاضر وردت ع عمر
عمر:حياتي
ندي:خير عمر انا ندي
عمر:اها ندي اسف وين رهف
ندي:اولا مبروك وثانيا رهف محنيه ما تقدرش تحكي
عمر:الله يبارك فيك تمام توا نحكي معاها في صبح
ندي:تمام
وسكرت
انا:ياحيوانه باهي
ندي:انا حرام عليك
انا:امشي من قدام وجي
ندي:اسفه والله اسفه خلاص ورنت ع عمر وحطتلي سمعت
عمر:الو
انا:حبيبي
عمر:كيف صار مش محنيه
انا:فكيتها نبي نحكي معاك
عمر:تحكي جديات
انا:لبسه سمعات
عمر:اها خلاص بكرى تكوني جنبي
انا:الله نستنى في اليوم هضا بثانيه
ريهام:اين يوم تستنى فيه
عمر:حياتي قاعد مع شباب حبيت نسمع صوتك بس لكن نبي نسكر توا
انا:حاضر باي
عمر:باي نحبك
انا نموت فيك
وسكرت من عمر
ريهام:اين يوم تستني فيه
انا:ارقدي خير
ندي:احكيلنا
انا:نبي نرقد بكري ماشيه كوافيره وقصه
اسماء:بكرى يوم المنتضر
دعاء:بكل
ورقدنا كلنا
ثاني يوم جا يوم عرس رهف وعمر
انا:نضت خشيت حمام وطلعت صليت وطلعت نفطر
ماما:بنيتي العروس تعالي جنبي
انا:جيت جنب ماما وقعدنا نفطرو
ريهام:خفي روحك علي امبدري ورجا
انا:باهي وسعي بالك
وفطرت وجا وقت نطلع من حوش لي عشت فيه لي كبرت فيه خشيت لداري قعمزت ع سرير قعدت نبكي جتني ماما حضنتني وقعدت تبكي
انا:تعرفي وجعتني حاجتين يا ماما وجعتني طلعتي من حوشنا وثانيه ان بابا مش قاعد معايا في يومي هضا
ماما:الله يرحمه ويسامحه
انا:ماما نطلب طلب منك
ماما:ادللي
انا:داري خليها كيف ماهي نوعدك نجي انا نظفها وكل حاجه بس خليها سرير هضا في جميع ذكرياتي لما نفرح نجي للسرير ونقاعد فرحانه ولما نزعل نجي للسرير نبكي ونرقد
ماما:حاضر
انا:ماما سامحيني كان زعلتك ولا طولت لساني عليك والله نحبك يا ماما
ماما:حضنتني ياهبله انا ماعندي غيرك ومانزعلش منك
ندي:شن قلنا نحنا
انا:خليني نبكي تعرفي شكلي نبي نبطل معش نزوج
ماما:بلا هبال هيا صبي امشي
انا:حاضر ردبالك من روحك فروحه
وطلعنا انا وريهام وندي
احمد:رهف دقيقه
انا:عيون رهف انت نعم
احمد:سامحيني كان زعلتك والله نحبك وعيونه دمعو
انا:احمد تبكي
احمد:تبي الحق من يوم فاتحتك وانا كل ما نذكر انك تبي تطلعي من حوش نبكي
انا:قعدت نبكي معش نبي نطلع نبي نقعد معاكم
احمد:هبله انتي ومسحلي دموعي خلاص طشتنا امشي وردبالك من روحك
انا:نجكلي يا سندي
احمد:باسني ع راسي اسف كان زعلتك وخش لمربوعه طول
علي:هي يا رهف
انا:هي جيت
وطلعنا انا وعلي وبنات للمزين وصلنا نزلن بنات
علي:رهف نبيك
انا:نعم عليوه
علي:ردبالك من روحك ومن حوشك وراجلك نحنا معروف صيتنا ما نبكش تنزلي في الارض
انا:راسكم مرفوع والله ماتخاف
علي:وسامحيني كان يوم قصرت معاك في حاجه ولا وجعتك بكلمه
انا:مسامحتك وانت سامحني
علي:حاضر وعيون دمعو
انا:عليوه خلاص الا انت مانبش نشوفك تبكي
علي:حاضر مبروك رهوفه
رهف:الله يبارك فيك
وخشيت للمزين وبديت في تزيين ?
عند عمر ناض في صبح فطر بعدها شالوه للحمام دار حمام بخاري روح لحوش سالم جا حلاق وحلق ولبس وطلع طرف مطرف?
سالم:وحق ربي ماعرفتك يا عمر
عمر:صقع عليك
صاحب:تي نعليا انا وخلاص
عمر:مزال
سالم:كنك مزال وسع بالك
عمر:شن يصبرني
عندنا في حوش
طلعو للصاله ويستقبلو في العرب
عندي في المزين
الكوافيره:مشاءلله تبارك الله
ريهام:عسل ياربي
ندي:وحق ربي تهبلي
انا:عارفه روحي هيا رني ع علي بسرعه
ريهام:باهي ورنت ع علي
علي:هي خشيت ع شارع انا
ريهام:تمام
وجانا علي
علي:ورينا نبي نشوفها
انا:علي نتحشم انا
علي:هههه ربي يحفظك هي اطلعي
ومشينا للقاعة وخشيت عليهم
ماما:مشاءلله ع بنيتي
فتحيه:مشاءلله بسم الله ربي يحفظك
طبعا طلعت رهف حاجه لا توصف سمحه بكل
وخشيت ع اسماء الله الحسنى وناس كلها كانت عيونهم عليا قعمزت ع صالون ع مسرح جت سندس
سندس:حبيبتي تهبلي
انا:توا اذكرتيني
سندس:حتي يوم عرسك لسانك طويل
انا:بكل
بعدها جت سعاد
سعاد:مشاءلله ربي يحميك
انا:تسلمي اعميمه
جتني موده
موده:خير يا رهف مبروك وانشاءلله ربي يهنيكم
انا:انشاءلله تسلمي
موده:اسفه كان زعلتك ولا حاجه
انا:لالا عادي صار خير
عند عمر
عمر:هي يا جماعه
سالم:هي اطلع
طلع عمر وجا للقاعه درس سياره ونزل
انا:نستنى في لحظه خش فيها عمر
عمر نزل من سياره وخش للقاعه
طلعت سندس وسعاد
انا:عرفت ان حبيبي جا
ندي:امسكي ما جاك
وخش عمر وكان طالع حاجه صاح
عمر يقرب مني وقلبي يزيد يدق
بنات عيونهم ع عمر
عمر:عيونه عليا
انا:توترته تقول اول مره نشوفه
عمر جا جنبي وانا لبسه طرحه رفعها من عليا وباسني ع راسي
عمر:واخيرا تميتي ليا
انا:ساكته
عمر:تبكشتي ولا شنو
انا:مش عارفه
عمر:هي نروحو
انا:وسع بالك توا كيف خشيت
عمر:باه
المهم صورنا انا وعمر وجو هضا بعدها جا وقت ياخذتي عمر
عمر:فكيني من بكاء
انا:انشاءلله
وطلعنا جينا ع باب
ماما:امانه يا عمر عندك
عمر:في عيوني يا عمتي انا اخر واحد توصوني عليها
ماما:ربي يحفظكم
وزغريت وتبيب وجو سمح بكل
ركبت انا وعمر في سياره وطلعنا لحوشنا جنب حوش اهل عمر وصلنا للحوش
عمر:هي تفضلي يا احلى عروس بكرعك اليمين
انا:بسم الله
عمر:خش وسكر باب نصلو ركعتين ربي يفتحها علينا
انا:باه
وصلينا ركعتين بعدها غيرنا وخلاص الباقي سر ?
عندهم في الحوش
روحو وقعدو يهدرزو
ريهام:بكرى كلكم رنو ع رهف شوفوها شن صار معاها
ندي:وراسك بدون ما توصي
اسماء:انا طفيت نبي نرقد
دعاء:كلنا طفينا
ورقدو
اما انا وعمر مزلنا مصحصحين
عمر:نستني في اليوم هضا من يوم ما حبيتك
انا:باهي نبي نرقد ساعه 8ونص راه
عمر:تمام ارقدي
انا:وانت
عمر:حتي انا نبي نرقد بس نتامل فيك قبل
انا:نعلي وبست عمر ورقدت
ثاني يوم
نضت لقيتها ساعه 2 ولقيت عمر مش قاعد
انا:عمر عمر وينك
عمر:هنا كنك خايفه
انا:مش خفت بس نضت ما لقيتكش نحساب روحي نحلم
عمر:ههههه لالا نوتي ف فطور لحبيبتي
انا:نجكليا توا نساعدك
عمر:لالا خلاص كملت انا
انا:نخش حمام ونجيك
خشيت حمام وجيت فطرت انا وعمر
انا:احلى فطور في حياتي
وقعدت نفجر انا وعمر
عندهم في الحوش
ندي:وين ريهام
اسماء:خشت حمام
جت ريهام:اه راسي بكل
ندي:كنك
ريهام:راسي ودوخه
ندي:راه تقاعدي حامل
ريهام:حامل انشاءلله
ندي:توا نجي عندي اختبار حمل في شقه نجيبه ونجيكم
ريهام:باه
دعاء:شن اخبار العروس
ريهام:مقفل نرن عليها من صبح
اسماء:عارفتها اديرها
جت ندي:امسكي خشي حمام ودايره
عندنا
انا:نبي نلبس هنا
عمر :براحتك توا نكلملك سندس معنها
انا:تمام
عمر:رن ع سندس
سندس:الو يا عريس
عمر:خير
سندس:شنجو العروس
عمر:تعالي نبيك في حوش
سندس:هي جايه
طبعا عمر حوشه جنب حوش هله بس الصور صور واحد
عندهم في الحوش
ندي:امسكي
ريهام:ياربي اجبر بخاطري
خشت حمام
اسماء:والله ربي يسعدها طيبه ريهام
دعاء:انشاءلله
ريهام:لولولولولي
ندي:هبله
ريهام:حامل يا بنات
ماما:كنكم شن فيه
ندي:ريهام حامل
ماما:لولولولولولوي
وفرحو وجو هضا
عندنا بعد العصر
سندس:نعم يا عمر
عمر:نبيك تلبسي رهف
سندس:بس عاده هلها يلبسوها
انا:عارفه بس قبل نمشي كوافيره بعدها ماصار شي
سندس:تمام توا نلبسها هي
وبديت نلبس في عربي وعمر لبس عربي
انا:تهبل طالع
عمر: حتي انتي
سندس:احم احم مزلنا هنا
انا:اعملي نفسك ميته
عمر:ههههه طالع نا اوكي
انا:نحبك
سندس:شنجوكم امس
انا:سكري فمك عيب
سندس:يا سلام اطلعي قدامي باهي
وطلعنا انا وسندس مشينا لخيمه قمعزت ع صالون وبدو يسلمو عليا وجو هضا
بعدها جو هلي
ماما:مشاءلله تبارك الرحمن
انا:ماما كيف حالك اليوم
ماما:رايفتي عليا
انا:لالا
وسلمت ع بنات
ندي:رهوفه
انا:نعم
ندي:شنجوك امس
انا:عليش قصقصه مش شورك
ندي:توا نوريك
انا:لسانك طويل رايح
ندي:بكل
ريهام:سمعتي
انا:شنو
ريهام:طلعت حامل
انا:كذابه
ريهام:والله اليوم
انا:الف مبروك حبيبتي
بعدها تعشينا وهلي روحو وانا خشيت للحوش وجاني عمر وباقي مش لزام تعرفوه
بعد اسبوع من زواج
انا:هي حبيبي وقت
عمر:هي اطلعي
انا:نعليا نحبك
عمر:حتي انا
وطلعت انا وعمر نشوفو في نتيجه وصلنا للجامعه
انا:شن مفاجئه لي قتلي عليها
عمر:غير نخشو نشوفو نتيجه قبل
انا:باه
خشينا ولقينها زحمه واجده نفس هذاك اليوم اذكرتو قربت انا وعمر
عمر:المكان هذا سبب حبنا
انا:من قال يجي يوم ونجي انا وياك بعد تلاقيت معاك ومانعرفكش توا جاي وانت معايا وحلالي
عمر:شن اسمك يا اختي
انا:ههههه رهف مصطفى******
عمر:رهف رهف مبروك ناجحه
انا:حظنت عمر الحمدلله ياربي
عمر: دقيقه نشوف سندس وندي
انا:باه
عمر:حتي هن نجاحت
انا: باهي شن مفاجئه
عمر:مفاجئه ان نبي نفتحلك عيادة خاصه لكي
انا:نجكليا وربي مايحرمني منك
عمر:ولا منك
انا:عمر
عمر:نبض عمر نعم
انا:أدمنتك من اول يوم شفتك فيه
**********(النهاية)*******
نحكيلكم شن صار في الشخصيات
موده:بنت حسدت رهف وحقدت عليها وحولت تخرب عليها بس فشلت بعدها عقلت وتاسفت وردت لعقلها ونخطبت قبل فرح عمر باسبوعين
ريم ونور:ريم كانت كذابه وطماعه نفس الوقت خربت ع روحها وع اختها خلت ناس تحكي عليها وما حصلت شي غير جرح وبعدها ماتت وتريحت لان جرحها كان ح يقاعد معاها طول العمر ،نور:بنت عكس اختها طيبه في حالها ربي رزقها بعد عادل ونخطبت وفرحها طلع بعد موت ريم ب5شهور
سالم وسندس:سالم:راجل اصلي يعجبك صاحب عمر ونسيبه وسنده عاش حياته يصرف ع اهله وازوج اخت صاحبه وعاشو متريحين ،سندس:بنت محترمه وطيبه ربي رزقها بسالم وتخرجت مع رهف وتشتغل نفسل العيادة مع رهف عاشت مع سالم وعندهم عيال(حلا وعمر وتسنيم)
علي وريهام: علي:اخ رهف رجاله ويحب الدغري مايحب حد يكذب عليه حب ريم ومن وسط قلبه خانته وطلعت كذبه تصير انسان يغلط في اختيار مش كان لقينا شخص هذا كذاب معنها الباقي كيف لا زين وشين في كل مكان بعد حب فاشل ربي عطاه حب صادق هو حب ريهام ،ريهام:طيبه وحساسه اصبرت وتعذبت من حب كتمت في قلبها ربي عوضها وصار حبها عشيه وراحه مع علي في بيت واحد وبعد ازوجت طولت ما حملت بس بعدها رزقهم ربي وعندهم عيال (مصطفى وناصر ورهف وسعاد)
عادل ودعاء:عادل:حب من قلبه بس الفقر خله حبيبة اتشوف غيره بعدها طلع برا وبدا يتاجر ودار فلوس ورد خطب اختها بس ماوفقت بعدها خطب دعاء وازوجها،دعاء: عاشات حياتها في قرايه وخلاص لا علاقه لا شي بعدها جاها عريس وازوجت وهي اصغر وحده في بنات وربي رزقهم بعيال (فرح،و محمد،)
عبدالله واسماء:طبعا عبدالله يقرى مع اسماء وجمعتهم صدفه وحبو بعضهم علاقه سنه بعدها خطبها وبعدها ازوجها، اسماء:ما تعبتش واجد لقت حب صادق من البدايه وربي جمعهم وعندهم عيال(مصطفي واحمد وفتحيه)
احمد وندي:احمد:كان شاب متاع يحكي مع بنات بس ما درش علاقه بكل وسبب يقول ما لقيتش بنت تستاهل قلبي نين جا يوم وجماعته صدفه بندي حبها وخطبها وازوجها، ندي:نفس رهف عاشات حياتها في قرايه وبعدها هدرزت مع احمد وحباته وتوا عندهم عيال (فريحه ومعتز)
عمر ورهف:عمر راجل بمعني كلمه عاش حياته يخدم وعند محل وهكي مش مدور بنات واجد جا يوم نتيجه وقع في حب رهف وادمنها رهف :بنت طيبه حساسه تحب ناس ويحبوها عاشت حياتها في القرايه وبس بعدها تلقات مع عمر وادمنته بعدها كسرها وغاب عليها بعد كسرها فرق باتها رد عمر وجبرها و ازوجها وعاشوه حياه في قمة سعادة وعندهم عيال (مصطفى ومحمد وفريحه وسعاد)
وهذا الحياه كل واحد منهم
هكي نكون كملت روايه طبعا هذي اول روايه ليا سبب في اسمها لان اغلب العلاقات صار صدفه وانشاءلله تكون عجبتكم واستفدتو منها وفي الختام نحب نشكركم ع تفاعل ونشكر مصممات واسف كان عطلت عليكم بس كلها ضروف واسف كان قصرت في رد ع حد خاص ولا في تعليقات وانتضروني رواية جديدة بعد العيد وانشاءلله كل وانتم بخير وينعاد علي ليبيا وناسها بصحه وسلامه وربي بحفظ ليبيا ويجمع شملها تحياتي Arhima Alagory