رواية صدفه جعلتني أدمنك

#الحلقة_ثانيه
.
.
.
.
.
.
خير كيفكم اليوم هذي الحلقه ثانيه وانشالله تنال اعجابكم وقراءة ممتعه للجميع ومانسمحش بنقلها بدون ما تكتب عليها اسمي الكاتب: Arhima Alagory
.
.
.
.
طلعنا من جامعه وتجي سياره تجري وقبل خشت فينا
ندى درست و سياره حتي هيا درست ونزل ‏​‏​منها واحد
ندى:الحمار قبل خش فينا
انا:اسكتي اهو جاي شن يبي جا صاحب سياره من جيهتي
انا:هو انت
راجل:رهف اها انا ملعش والله ماشفتكم
ندى:لا عادي الحمدلله ما صار شي
راجل:اي خدمة خياتي
انا وندى:تسلم
راجل:سلام
نحنا:سلام
وطلعنا في طريق
ندى:من طرف هضا
انا:مانعرفش
ندى:سمحه هذي كيف يعرف اسمك
انا:قصه طويله بس هضا لي شافلي نتيجه لان كانت زحمه وما شفت شي
ندى:بس طرف يهبل
انا:يهبل ولا مايهبل شن دخلنا نحنا
ندى:باهي انزلي يا نكديه
انا:تم وجك
ندى:وجك

عند علي خويا
على:الو حياتي
ريم:الو قلبي
على:كيفك
ريم:تمام وانت
على:تمام بسمعت صوتك
ريم:نعلي
على: منك
ريم:حبيبي ماما تكلم فيا نحكو بعدين
علي:تمام ردبالك من روحك
ريم:حتي انت

ريم طبعا خطيبة على بس اخساره فيها واحد كيف علي توا نعرفو بعدين ليش

في حوشنا
انا:خير يا ماما
ماما:مرحب
انا:شنجو
ماما:تمام
انا:شن غدئنا
ماما:مكرونه
انا:ياع استغفرالله ياربي
ماما:نعمه يا حيوانه
انا:قلت استغفرالله انضني
ماما:بلا طول لسان وامشي صلي وتعالي
انا:باه
غيرت دبشي وصليت وجيت لماما وحطينا تغدينا وكل حد خش داره الا انا غسلت المواعين?كمل باقي اليوم عادي جدا

ثاني يوم

عند عمر
سعاد امه عمر:صبي يا وليدي هيا
عمر:باهي باه توا نصبي ديريلي القهوة بس
امه:باه
وناض عمر خش حمام دوش ولبس وصلى صبح
عمر:صباح الخير ياغاليه
امه:صباح النور اهي قهوتك
عمر:تسلميلي وطولي في عمرك
امه:تسلملي يا عيوني انت
سندس اخته عمر:دلع وحنان من وراي خيانه هذي
امه:وتسلميلي حتي انتي ونفرح بيكم يارب
عمر:ديما زاقبه حرام كان خذيت دلع بروحي
سندس:ليش مش امي حتي انا ولا كيف
سعاد:كنكم انتو اثنين عيالي
عمر:انا قبلها
سندس:باه
عمر:ما تزعلش يا غلاي انتي
سندس:لا ما نزعلش منك انت
عمر:نجكليا
سندس:وليا
عمر:عندك جامعة اليوم
سندس:لالا
عمر:تمام انا طالع تبو حاجه
سعاد:سلامتك بس

نحكيلكم ع عمر شوي شاب حلو شعره اسود عيونه سود عنده لحيه راسمها تجنن سوده طبعا طويل عضلنجي يقرا اقتصاد سنه ثالثه وعنده محل ملابس نساء واطفال عصبي بس حنون وكريم وقلبه طيب ،،،نرجع قصتنا

طلع عمر ركب في سيارته رن فونه
عمر:غالي
سالم صاحب عمر: يومك طيب
عمر:نهارك مبروك
سالم:لا نهاري مسعود
عمر:نضحك انا ولا نزغرت
سالم:لا هذي لا هذي اسمع واسكت
عمر:باهي وين قاعد
سالم:توا نبي ننزل للكافي
عمر:جيبلي معاك قهوة عربيه وتلقاني في محل
سالم:تم نتلاقو

في حوشنا
انا:صباح خير
ماما وبابا:صباح النور وين نوم
انا:اليوم مافيش جامعة وامس طولت مارقدت
بابا:نوم العوافي
انا:سلمك
خش احمد: صباح الخير
نحنا:صباح النور
فطرنا
ماما:علي وين
احمد:مزال راقد
انا:غريبه كانه
احمد:قال راس يوجع فيه
انا:توا نشوفه
احمد:انا ماشي جامعه ما تبو شي
ماما وبابا:سلامتك سوق بشويش بس
احمد: تمام
انا خشيت ع علي لان علي حنون عليا اكثر من احمد متعلقه بيه اكثر من احمد حتي احمد نحبه بس ديما يحرق في دمي
انا:علوي كنك لاباس
علي:ماتشوفي باس راسي بس
انا:توا نجيبلك بندول ونجي
عديت وتيت فطور وشلته له
انا:هيا افطر وخوذ دواء
علي:نجكليا دكتورتنا
انا: ليا نجك يا غلاء دكتوره
علي:قصدك معامله هذي مافيش من ورها مصلحه

هذا علي لي خير من احمد قال هكي ???
انا:خزي عليك
علي:نبصر معاك
انا:باهي شنجو ريم
علي:اكويسه امسكي شيليها
انا:شن تحس روحك
علي:الحمدلله احسن
طلعت وقاعدت نظم في الحوش

عند عمر
عمر:الحمدلله ع سلامه لو ماشي طرابلس راه وصلت
سالم:والله زحمه يا راجل
عمر:باهي شنجو
سالم:ماشيه وانت
عمر:تمام انا الايام جاي ماشي تركيا
سالم:باهي تمشي وتروح طيب
عمر:نبيك تمشي معايا
سالم:لا مربوحه انا خليني هنا خير مع شباب
عمر:براحتك
سالم:عمر نبي نقولك موضوع عمر:انشاءلله خير
سالم:لا خير
عمر:شن احكي
سالم:
خشت وحده للمحل:سلام عليكم
عمر:عليك سلام
سالم: رن فونه وطلع براه الو يا امي
امه:تعال جيبلنا لحم
سالم:تمام مسافه طريق بس خش سالم:عمر انا زارق للحوش توا نجي
عمر:باه

احمد يمشي لقاه وحده موقف ع اليمين وعجلت سياره مفلوقه درس عليها
احمد:تبي مساعده خيتي
البنت:لا شكرا كلمت بابا جاي في طريق
احمد:العفو ما درت شي
جا باته البنت: سلام عليكم
احمد:عليك سلام يا حاج
باتها:تفضل
احمد:لا بس لقيتها موقف قلت نساعدها قالتلي باتي في طريق
باتها:شكرا بارك الله فيك
احمد:فينا وفيك اي خدمة
باتها:شكرا
احمد:العفو

وركب في سيارته عده للجامعة طبعا احمد يقرى هندسه

انا في الحوش كملت وتميت نقرى رن فوني
انا:ايواه اسماء شنجوك
اسماء:تمام كيفك انتي
انا:الحمدلله
اسماء:قاعدين اليوم
انا:انشاءلله
اسماء:خلاص معنها جينكم في العشيه
انا:مرحبتين بيكم

سكرت ومشيت لماما
انا:شن تبي اديري غداء
ماما:ديري رز و فصوليا
انا:باه ونبي ندير بيتزا وكيكه لان عميمه فتيحه جيتنا بعدين
ماما:من قالها لك
انا:اسماء توا كلمتني
ماما:باه توا نسعدك
وخشينا للمطبخ

عند علي
علي:صباح الخير عمري
ريم:صباح النور عيوني
علي:شنجو حبيبي
ريم:اكويسه وانت
علي:الحمدلله وينك امس نرن ما تردش
ريم:والله رقدت بدري
علي:نوم عوافي
ريم:اعليو نحكو بعدين
علي:تمام

سكرت ريم
نور اخت ريم:لعند امتي تبي تكذبي
ريم:انتي مش شورك
نور:تمام بس بعد تجي ع راسك ما تجينش انا
ريم:ما تخفش مش جاينك
رن فون ريم لقاته……
.
.
.