رواية صدفه جعلتني أدمنك
#الحلقةالتاسعهعشر
.
.
.
.
لا اسمح بنشرها بدون اسمي الكاتب:Arhima Alagory قراءة ممتعه للجميع انشاءلله تعجبكم
.
.
.
.
.
.
عندنا في حوش
ريهام:خلاص نبي نطلع
علي:مزال ما شبعت منك
ريهام:نبي نمشي للبنات
علي:تمام نحكو بعدين
ريهام:تمام وقربت باست علي وطلعت
جتنا في دار
ريهام:شنجوكم وفرحانه كانت
انا:هضا كل زعلانه
ريهام:نمشيله مضايقه/نروحه منه رايقه
اسماء:حي حي
دعاء:شن صار احكيلنا
شوي سمعنا جرس يرن
بابا:شوف باب يا احمد
احمد:هي
وطلع احمد يشوف في باب فتح لقاها ندي وسندس
احمد:تفضلو خشو
سندس:شكرا وخشت
ندي:شنجوك عيوني مرايفه عليك
احمد:باهي خشي توا رجاله في مربوعه
ندي:باهي وخشت
انا:خيرات بنات تفضلن
سندس:الحمدلله ع سلامته باتك
ندي:الحمدلله ع سلامته عمو مصطفى
انا:الله يسلمكم شنجوكن
ندي:تمام انتي كنك شكله جوك مش تمام
انا:بحتت في سندس لا تمام الحمدلله
طلعت ريهام:باهي جرتنا ما تبش تسلم عليا ولا دورني
سندس:لا والله توا كيف جيت وانتي ركبتي فيا
انا:فوتيها ما تعدلش عليها
ندي:ريهام شنجوك
ريهام:تمام حال القرايه
ندي:شن مزالك
ريهام:سنه هذي بس
ندي:خلاص هانت
سندس:خطرها ع قرايه نتيجه قالو بكري ولا بعد بكري
ندي:شفت منشور بكري انا
انا:يستر الله منها خايفه بكل
ندي:انشالله خير ما تخافش
وجت دعاء واسماء وقعدنا نهدرزو بعدها روحو دعاء واسماء وعمتي فتحيه
في مربوعه
بابا:اها بكري يا ناصر
ناصر:خلاص توا نشوف خيمه
علي:عليش خيمه
ناصر:ادير خيمه قدام الحوش خيرلك
بابا:صاح خيمه خير
علي:تمام براحتكم
ناصر:خلاص تبي من شي انا
بابا:سلامتك بس بكرى تعال بدري
ناصر:لا عارف و توا نكلم جزار نحجز لحم الليله خير وفي صبح تمشي تلقاه واتي
علي:وانا توا نطلع توا نجيب لي تبوها
بابا:خلاص شوف امك شن تبي وامشي جيبهن
ناصر:يا علي كلمهم كان يبو يروحو
بابا:خليكم تعشو وتمشو
ناصر:لا والله هضا هو وانت بيش تريح
علي:خش جو يا ريهام
ريهام:نعم عليوه
علي:باتك قال هيا كان تبو تروحو
ريهام:خشت لامها ماما قالك بابا هيا
عزيزه:هي طالعه خلاص يا فريحه بكري توا نجيك في صبح ونساعدك
ماما:تمام ع مهلك بس خلي ريهام نبوها
عزيزه:لا قاعده ريهام
ماما:باهي مربوحه
علي:يا امي شن تبي نجيبها لكم
ماما:شوي توا نجيبلك ورقه
علي:باه
عندي انا وبنات
ندي:كنك مكسره فونك
انا:شي
سندس:اسفه يا رهف والله حرجني معاك عمر
انا:لا يا هبله ما تحكش هكي عمر كان كيف عسل وما فيش منه وما تمنيتش يصير بينتنا هكي
ندي :كان كيف العسل وتوا
انا:خنقتني العبره مزال عسل ومافيش منه ومزلت نحبه بس هو حكلي بطريقة وقال كلام كسر قلبي
سندس:شن سبب ما سالتش
انا:سبب عند هو انا رديت عليه قعد يهزب ويسب فيا ومش عارفه سبب
ندي:ليش ما سالتيه
انا:ليش ما هو سالني وعارف القصه
سندس:توا نحكي معاه ونفهم منه
انا:ما تحكش معاه يا سندس خلاص لي بينتنا انتها
ريهام:عليش ما تحكش هكي
انا:خلاص سكرو ع موضوع معلش
سندس:باهي افتحي فونك
انا:حاضر
ندي:خلاص نحنا نبو نروحو
انا:مزال بدري خليكن
سندس:لا خلاص المره لي فاتت انتي كلمتي عمر وفهمتي توا مافي من يفهمه
انا:ههههه ضحكت كذب طبعا انا خطر عليا عمر وتمنيت ان نحكي معاه
ندي:خلاص باي
انا:باي
وطلعن البنات وانا خشيت لماما وريهام
ماما:تعالي سعدينا
انا:يا ماما توا وقتها
ماما:اها بكرى توا تقاعدي راقده ومعش نحلصك
انا:باهي توا نجي وخشيت للدار خذيت فون لي جابه ليا احمد وحطيت فيه شفره وحطيته في شحن وطلعت نساعد في ماما وريهام
عند عمر
روح للحوش لقاه سندس مروحه وقاعده في دارها
عمر:طق طق باب دار هذا
سندس:نعم تفضل
عمر:فتح باب وخش شن اديري
سندس:شي مكسده وخلاص
عمر:مشيتي لعيت رهف اليوم صاح
سندس:اها مشيت وامبدري شوي روحت
عمر:كيف حال رهف
سندس:ليش درت فيها هكي يا عمر
عمر:سالتك شن حالها
سندس:حالها كيف حال اي بنت تحب واحد ويسيبها مقهوره ومكسوره وهضا كل مزالت تحبك وشايله همها وتكابر وتقول جوي تمام اول مره نشوف رهف هك
عمر:ساكت ويسمع
سندس:انت كنت كل شي بنسبه لها ليش كسرتها
عمر:انا مزلت نبيها
سندس:هيا معش تبيك
عمر:طلع بدون ما يحكي شي
طبعا الكاتب:Arhima Alagory
عندنا في الحوش انا سمعت باب يدق قلت ريهام شوفي باب طلعت ريهام تفتح لقاته علي
علي:انتي هنا قصدك
ريهام:كنك تبيني نروح
علي:ياريت
ريهام:قاعده ع قلبك
طلعت انا
انا:قتلك افتحي باب مش هدرزي
ريهام:كنك تعيطي انتي خوك لي بدا يهدرز
علي:باهي امسكي انتي وياها وبلا كلام فاضي
خذينا شكاير من علي وخشينا
علي:امي اهو جبت كل حاجه
ماما:الله يربحك تعال توا نحطلك عشائك
علي:لا متعشي الحمدلله
ماما:صحتين
انا وريهام خشينا لداري
انا:اسمعي فكيني من صياعه متاعك انتي وعلي
ريهام:يا حيوانه امشي قولي لخوك كلام هضا
انا:لا نخاف منه
ريهام:معنها حتي انا توا نوريك العينه الحمره شوي رن فون ريهام لقيته علي رديت انا فتحت
علي:وحق الله نحبك
انا:وحق الله حتي هيا تحبك
علي:وانتي
انا:نموت فيك
علي:عطيها فون ومعش تقربي حاجه مش شورك
انا:شن دخلك
علي:لسانك طويل
انا:نفس طول لسانك
علي:باهي رهوفه عطيها فون
انا:تمام ح نعطيها بس خليها معايا مش تكلمها
علي:حاضر
انا:امسكي وعطيت فون لريهام
ريهام:الو حبيبي وقعدت تهدرز مع علي
وانا:خذيت فوني من شحن ولعته شوي جتني رسائل فتحتهن لقيت وحده من ندي وحده من سندس والاخرات من شركه
فيها الخير شركه دور فينا اكثر من اصحابنا ?
المهم حطيته فون عند راسي ورقدت بس تميت نفكر في عمر شن ادير متريح ولا لا ليش دار هكي وقطع حبل افكاري رنت الفون لقيته ندي رديت عليها
ندي:نزغرت باهي لي فتحتي
انا:نعم شن تبي
ندي:بكري نتيجه راه
انا:مش جايه بكري عندنا عشاء رجاله علي عمليته بابا
ندي:تمام توا نمشي انا ونقولك
انا:باه باي وسكرت
قعدت نذكر في نتيجه لي فاتت وعمر وقعدت نبكي ريهام حست اني نبكي سكرت من علي
ريهام:رهوفه كنك حبيبتي
انا:بكرى نتيجه وخايفه
ريهام:عليا انا
انا:ريهام وحق الله تعبت ليش صار هكي وانا نحبه ليش دار فيا هكي كذابه انا نقول ما فيا شي انا متعذبه وقلب نار ومشكله مزلت نحبه ومرايفه عليه وكل يوم نزيد في ريافي بس ما نبش نذل روحي له
ريهام: حضنتني خلاص حبيبتي لو يستاهلك توا يجيك ولو في خير ربي يكتبه لك وقعدت تسكت فيا نين رقدت ريهام وانا رقدت
عند عمر
حتي هو يفكر ليش البنت الوحيده لي حبيتها كسرتها ليش درت هكي ومن سبب ولي دز المحادثه وخطرت عليه و فتح نت وبحث ع ايميل رهف لقاه ايميلين وحده متاع رهف الاصلي والاخره كان ايميل جديد وما فيش ولا منشور عرف ان في حاجه وقعد يفكر في من سببها نين رقد
عند موده تحكي مع رحمه
رحمه:شن صار ولد عمك
موده:حطيني في حظر
رحمه:عليش هضا كله
موده:مش مدورته انا المهم خربت عليه وخليته مقهور
رحمه:اه منك انتي ما ترحمي بكل
طبعا فكره وموضوع لي مره يحكو فيه رحمه وموده وانا وما كملتش هو ان يديرو ايميلن وهميات واحد باسم ايميل رهف وثاني باسم ايميل شاب ودزو لبعضهم الكلام وبعدها صوروها ودزوها عند عمر بايميل شاب
الكاتب:Arhima Alagory
ثاني يوم عندنا في حوش نضت انا خشيت حمام طلعت صليت ولقيت عمتي عزيزة وفتحيه قعدات وبنات طبعا
انا:صباح الخير مشاءلله نشاط كلكم
ماما:صح نوم يا حنه تعالي سعدينا
انا:باهي ندير اي حاجه بس فكيني من سريب العصبان
ماما:امشي ساعدي البنات باهي
انا:مشيت للبنات خيرات يا حناتي
دعاء:وين ياحنه مزال بدري
انا:بدري من عمرك يا عيوني
اسماء:تعالي قرضي البصل انا عيوني خلاص
انا:باه صبي وقعدت نقرض في بصل نقرض يعني (نقص ولا نقطع)
ريهام:شن صار في نتيجتك قلتلك اليوم
دعاء:انشالله اليوم
انا:اها يستر الله
عند عمر فطر وطلع لسياره يراجي في سندس
طلعت سندس:طولت عليك
عمر:لا تعودت عليها
سندس:ساكته
عمر:يسوق ويذكر في رهف ولما كان يشوف في نتيجه لسندس
سندس:عمر اوي
عمر:نعم كنك
سندس:ساعه نعيطلك
عمر:كنك
سندس:احكي مع رهف وفهمها
عمر:انشالله خير
سندس:عمر شوف حالك احكي معاها بلكي تفهمو ع بعضكم
عمر:قتلك انشاءلله سكري ع موضوع خلاص انزلي
سندس:تمام
نزلت سندس ومشيت لندي
ندي:صباح الخير وينك
سندس:خذتني نومه طولت ما طلعت
ندي:نوم العوافي
سندس:وين رهف
ندي:لا مش جايه قالت عندهم عشاء ومش فاضيه
سندس:شن خشيتي
ندي:لا متوتره نرجا فيك
سندس:هي نخشو
عمر حط سندس بعدها ماشه للمحل
سالم رن عمر
عمر:ايواه نعم
سالم:وين قاعد
عمر:في طريق ماشي للمحل
سالم:تم نتلاقو
عمر:وين انت
سالم:توا طالع من حوش
عمر:تمام وسكر
عندنا
احمد:صباحكم مبروك
ريهام:و صباحك احميده
انا:خلاص يا حنه دلع لي بينكم اقطعيه عندك عرب تغار
ريهام:عينك هضا خويا الغالي
احمد:عليك فتنه عند العرب
دعاء:اختك هذي
احمد:لا ما اختي اختي ريهام بس
دعاء:وانا
احمد:انتي بنتي
دعاء:نعلي انا
احمد:باهي سلم بنتي ديريلي قهوة
دعاء:بنتك من وين جيت مش ديرلتلك شي
احمد:خزي معقوله
ريهام:توا نديرلك انا
احمد:شفتي هذي اختي مش رهف اه قصدي طشه
انا:تعرف تفوتني راه نصبيلك
دعاء:حي عليك يا احمد
احمد:لا وراس امك خلاص
شوي سمعت فوني يرن صبيت لقيتها ندي
انا:الو غلاي
ندي:نقولك حاجه
انا:شن
ندي:مبروك حبي صفيتي نجحتي ممتاز اخره
انا:تحكي جد انتي
ندي:عليش نبي نكذب وحتي انا وسندس ممتاز
انا:مبروك وسلميلي ع سندس واااجد وبركيلها
ندي:تمام باي
انا:سكرت وقعدت نزغرت
ريهام:كنك ياحنه شن صارلك
انا:نجحت ومش مصدقه
ريهام:باهي الحمدلله ربي رد تعبك
انا:طلعت لماما نجحت يا ماما
ماما:مبروك وطبعا عزيزه وفتحيه حتي هن بركن لرهف
الكاتب:Arhima Alagory
عند عمر
عمر:وينك طولت
سالم:ما غباك زحمه يا راجل
عمر:بكل لو ادير بشكليطه(دراجه) توصله اسرع
سالم:بكل
عمر:عارف نسيت بكل
سالم:شنو كنك
عمر:نسيت نحكي مع هلي ع موضوع الفرح
قعدو يهدرزو
عندنا نحنا درنا الغداء وتغادينا وقعدنا نهدرزو
الكاتب:Arhima Alagory
عند عيت عمر يتغدو
محمد:اليوم متعشي عند عيت مصطفى خوه ناصر
سعاد:باهي تمام حتي انا نبي نمشيلهم بكرى
محمد:انا مش فاضي بكرى وصلهم يا عمر
عمر:تمام انشالله
سندس:الحمدلله
محمد:زيدي كنك
سندس:الحمدلله بعد خطرها انا نجحت
سعاد:مبروك كنك ما تحكي
سندس: اهو قلتها لكم
محمد:انشالله نشوفك في اعلى مراتب
سندس:انشالله وصبت
عمر:يا حاج راه سالم قالي يبي يطلع الفرح
محمد:والله شن نقولو خليه يجيب هله ويتفقو
عمر:تمام فيها خيره
تسريع الاحداث
عندنا جا ليل وبدو رجاله يجو ودرنا خيمه قدام الحوش وحوسه وتعب وبعد كملنا العشاء و روحو رجاله روحت عمتي فتحيه وعيت عمي ناصر وقعدت بروحي خشيت لداري وكيف كل ليله نفكر في عمر ونرقد دمعتي ع مخده
عمر كلم سالم وقاله ان يجيب هله ويحددو الفرح وحتي هو نفس كل ليله يفكر فيا وبعدها يرقد
ثاني يوم
وعيت ع صوت نبع الحنان
ماما:هيا صبي وانتي ما عندك الا نوم
انا:وحق الله توا نصبي كنك يا ماما
ماما:شي نبيك تصبي بس سادك
انا:هي صبيت خلاص
وطلعت بعد ما نوم طار وتريحت عليا خشيت توضيت وصليت وطلعت لماما
ماما:تعالي افطري
انا:عليش سكنتي و وعيتني
ماما:نبيك تساعديني في حوش وجيت صبايا بعدين
انا:باه وقمعزت نفطر
بابا:صباح الخير
انا وماما:صباح النور
قعدنا نفطرو
بابا:اليوم توا نمشي لناصر وندويله
ماما:عليش تدويله
بابا: ع موضوع علي ونطلبه من ريهام
ماما:انشالله
عند عيت عمر يفطرو
محمد:يا سعاد نبيك تحكي مع ولدك وتشوفيله عروس
سعاد:بس هو ما فتحش موضوع هضا بكل
محمد:نبيك انتي تفتحي البنت وتهنينا عليها نبي نفرح بيه قبل لا ربك ياخذ امانته
سعاد:بعيد سو عليك كنك تحكي هكي يا راجل
محمد:نبيك تدويله
سعاد:حاضر
جا عمر:صباح الورد
وجت سندس:وين ع خيانه
سعاد:لا مش خيانه توا كيف قمعزنا
عمر:لي يشوفك يقول سمينه
بعد فطر عمر طلع رن فونه لقاه سالم
سالم:وينك
عمر:توا طالع نبي نزرق مشور وجاي للمحل
سالم:تلقاني قدامك
عمر طلع ودرس ع محل متاعه شكلاطات خش وخذه منه وقاله نبيهن هديه المهم فتلكها له صاحب المحل وبعدها ماشه محل ساعات خذاه منه ساعه ذهبيه تهبل ونفس جو لفها له راجل وطلع حطهن في سياره وطلع للمحل متاعه
سالم: طولت يا راجل
عمر:قتلك عندي مشور
سالم:باهي تمام
عمر:قتلك امس صاح حكيت مع هلي قالولي خليهم يتفضلو في اي وقت
سالم:تمام بعدين في ليل بينتنا رن نقولك امتي جايين
عمر:تم
وقعد في محل عند وقت الغداء وروح للحوش اول ما خش للحوش ماشه لسندس
سندس:كنك شن فيه
عمر:نبيك انا جبت هدايه لرهف ع نجاحها
سندس:وانا مسكينه مزلت اختك
عمر:انتي ساهله توا نجيبلك
سندس:باهي مطلوب شنو
عمر: نبيك تعطهن له
سندس:شن نقول لامي
عمر:اي حاجه دبرها من عندك
سندس:تمام
الكاتب:Arhima Alagory
عندنا نحنا جتنا عمتي فتحيه وعيت عمي ناصر
في مربوعه
بابا:يا ناصر نبيك في موضوع
ناصر:خير انشالله
بابا:لا خير نبي وطالب بنتك لعلي ولدي
ناصر:والله شن تبيني نرد عليك البنت بنتك ولي تبيها حاضر تبي نسيبها لك من اليوم وهي لكم
بابا:معنها ع بركته الله وانشالله الايام جايه نخطبوها ونقرو الفاتحه
ناصر:انشالله
ناصر: هي نمشو نحنا
بابا:وين بتمشي
ناصر: قهوة ولا شي مكان توا يجو صبايا ماعندنا عليش قعدين
بابا:هي وطلعو
عند عيت عمر
عمر:يبيب برا
سعاد:هي يا سندس خوك يبيب
سندس:اطلعي جايه
طلعت سعاد وركبت
سعاد:شن هذين
جت سندس
عمر:وصتني عليهن سندس
سعاد:شن هذين يا سندس
سندس:اها هدايه لرهف يا امي عيد ميلادها امس
عمر:بحت في سندس والله صاير منك
سعاد:شن
عمر: اها لا شي
سعاد:باهي اسمعني
عمر: شن
سعاد:نبي نفرح بيك
عمر:مزال موضوع هضا
سعاد:امتي شقته وقريب تكمل
عمر:ما نبش نكملها بلعاني
سعاد:امتي باهي
عمر:كل شي في وقته سمح
سعاد:خلاص هضا وقتها
سندس:ماما خليه براحته
سعاد:بس نبي نفرح بيه
عمر والله يجي يوم وتفرحي بيا
سعاد:انشالله
عمر:انزلو توا نجيكم بعد المغرب
سعاد:تمام ونزلو
انا سمعت الجرس طلعت نفتح لقيتها سعاد وسندس
انا:اهلين تفضلو
سعاد:تسلمي وخشت سلمت عليا
خشيت سندس:هلا غلاي شنجوك
انا:تمام بشوفتك تفضلي
سعاد خشت
سندس:امسكي هذين
انا:شن هذين
سندس:من عمر ع نجاحك
الكاتب:Arhima Alagory
فرحت وبعدها قلت هو بجوه يجرحني ويكسرني توا يجيب في هدايه
انا:شكلك فاضي ما نبش منه شي انا
سندس:عشان خاطري انا باهي بعدين حتي ماما سالت عليهن قتلها متاعت رهف شينه نرد بيهن
انا:باه وخذيتهن
وخشينا انا وسندس
انا خشيت دار وحطيت الهدايه في دولاب وطلعت للبنات
عند عمر
عمر:وهضا جو
سالم:كساد وبس
عمر:مانحكيلك
سالم:بكرى انشالله هلي جايين
عمر:مرحبتين بيكم
سالم:تسلم
عندنا في حوش
سندس:شنجوكم
ريهام:كيف كل يوم ملل وخلاص
دعاء:انتي تقولي ملل انتي لما تجي هنا تنسي دنيا
انا:غير تنسى الدنيا
سندس:هههههه عليش
انا:لان الابله ريهام مرات خويا المستقبليه
سندس:مشاءلله ربي يهنيكم
ريهام:تسلمي يا عسل
دعاء:مسكينه انا الوحيده نمص في ليم
انا:حتي انا معاك
دعاء:اها نسيتك
ريهام:حتي ليم مشكور
نحنا:ههههههه
وقعدنا نهدرزو نين اذن المغرب انا صليت مغرب لقيت فوني يرن لقيته علي
انا:نعم عليوه
علي:تعالي افتحي باب نبيك
انا:باه طلعت فتحت باب
علي:امسكي هذين وصتني عليهن امي وانا مستعجل يرجو فيا جماعه
انا:باه خذيت من حاجات وخشيت سمعت باب يدق عليك قصه يا علي حطيت الحاجات عند دروج ورديت نفتح الباب
انا:فتحت باب نعم شن تبي ولقيت …….
.
.
.
.