رواية صدفه جعلتني أدمنك

#الحلقة_الرابعه
.
.
.
لا اسمح بنشرها بدون ما تكتب اسمي عليها الكاتب:Arhima Alagory
.
.
.
.
.
.
عندنا في الحوش
انا:اه عليك لعبه سمحه نين دهشت
البنات:زمان ما لعبنا هكي
رن فون علي نحنا نسمعو فيه
علي:الو
راجل:………….
علي:امتي وفي اين مستشفى
راجل:…………
علي:تمام جاي توا
انا: جيته علي من هضا وشن فيه
علي:لا ما في شي
انا:كيف ما في شي وتقول مستشفى
علي:لا احمد يلعب في كوره وكراعه نكسرت وشلوه للمستشفى
انا:لالا امتي
علي:توا، انا ماشيله ما تقوليهش لامي
انا:باهي طمنا عليه بعد توصل غادي
علي:انشاءلله خير
بنات:شن فيه فجعتينا
انا:احمد كرعه انكسرت بس
بنات:من شنو وامتي
انا:توا من كوره
دعاء:معنها الحمدلله ع سلامتنا?
انا:حيوانه تشفطي
دعاء:لا
ريهام:باهي قوليها لامك
انا:لالا علي قالي ما تقوليهش
ماما بصدفه كانت تسمع فينا
ماما:شن لي قالك ما تقوليهش علي
انا:ماما سمعتينا
ماما:شن فيه يا رهف
انا:مافي شي بس احمد كراعه نكسرت
ماما:ينعليا يا وليدي من شن وشن صارله
انا:من كوره كراعه بس
عمتي فتحيه:شن في كنكم
ماما:ينعليا وليدي يا فتحيه
فتحيه: كانه شن صايرله
ماما:طايح في كوره وكراعه مكسوره
جمله هذي??اسلوب جناس?? المهم
عزيزة:باهي ساهله ما تفجعش روحك
رن فوني لقيته علي
انا:اهو علي
انا:الو
علي:ايواه رهف راه احمد جو تمام
انا:باهي وين هو
علي:توا انا قدام المستشفى واحمد قاعدين يصورو فيه
انا:باهي عطي ليا
علي:توا مش وقتك وسكر
احمد كان في العمليات ركبوله بلاتين لان كسر واعر
علي:الو يا حاج
بابا:الو علي
علي:يا حاج راه احمد كراعه انكسرت توا قاعد في عمليات
بابا:كيف وامتي وين قاعدين توا
علي:في الجلاء نحنا
بابا:توا نجيكم
بابا عدلهم واحمد طلع من العمليات ونحنا نستنو فيهم وعمي ناصر وفوزي جو يبو ياخذو هلهم سمعو قصه عدو للمستشفي قاعدنا عند ساعه1 بعدها روح بابا
انا:بابا شن صار
بابا:لا اكويس دارو عمليه وطلع تمام
ماما:عمليه عليش
بابا:داروله بلاتين
ماما:اه يا وليدي
بابا:كنك بلا بكاء والله اكويس
وبعد اطمنا ع احمد روحو عيت عمي وعمتي وعلي بات مع احمد

الكاتب:Arhima Alagory

ثاني يوم

وعيت ع رنت الفون لقيت ندوشه?يتصل بيك
انا:بصوت نعسان الو
ندى:حي ع امي راقده
انا:شن تبي
ندى:العرب تحكي هكي ع صبح
انا:والله نعسان نبي نرد نرقد بسرعه شن تبي
ندى:جايه ونتكي عليك ولا لا
انا: لا مش جايه
ندى:كنك انشالله خير
انا:لا غير امس احمد كراعه نكسرت وطولت واعيه ونبي نمشيله و وجيج
ندى:تمام ولاباس عليه
انا:ما تشوفي باس باي وسكرت ورديت رقدت

تعرفو نكتبلكم ونعسان بعد قلت رقدت اسهفت ع نوم ?

وندى عدت للجامعه

عند عمر
عمر:صباحو
سعاد:نهارك مبروك عيوني
عمر:ونهارك يا غاليه وباسها ع راسها
سعاد:الله يربحك ويرزقك بنت الحلال
عمر:كيف تعبتي مني تبيني نزوج ونريحك
سعاد:لا بس نبي نفرح بيك ونشوف عيالك
عمر:انشاءلله ح تشوفيهم
سعاد:امتي
عمر:مزال كل شي في وقته حلو
سعاد:شن نقصك بس حوشك واتي وبشغلك وتقرى
عمر:مزال يا امي
سعاد:تمام
عمر:انا بكرى ماشي لتركيا نجيب بضاعه
سعاد:تمشي وتجي بسلامه يارب
عمر:انشالله
سندس:صباح الانور
وفطرو
سندس:هيا عموري وقت عليا
عمر:عموري طبعا مصلحه
سندس وسعاد:هههههههه
سندس:مش هكي بس وقت ومحاضره الاولى دكتور بارد
عمر:قوليله انا اخت عمر توا تشوفي شن يقولك
سندس:شن بيقول
عمر:يقولك مانعرفش
سندس:ماما البارد هضا وين لقيتو طايح
سعاد:وين ما لقيناك انتي
عمر:ههههههههه
سندس:باه هيا خلاص
وطلعو وفي طريق
عمر:راه انا ماشي تركيا بكرى
سندس:تروح طيب
عمر:تبي حاجه من غادي
سندس:نبيك طيب بس
عمر:تمام انزلي توا نحكو بعدين وامسكي هذين
سندس:شن فلوس لا عندي
عمر:امسكي وخلاص
سندس:نجكليا
ونزلت وخشت لجامعة وعمر عدى للمحل

عندنا في الحوش
ماما:رهف نوضي صبي كان تبي تمشي لاحمد هيا
انا:امم خليني راقده
ماما:صبي هيا سادك نوم وانتي ما تشبعي منه بكل
انا:اووف خلاص صبيت
ماما:توا نوريك عليها اووف بعدين شن دخلني بيك مشيتي ولا نعنك ما مشيتي وزعلت مني ونزلت
انا:ياربي ليش حكيت معاها هكي وصبيت صليت ودوشت ونزلت
انا:احلي ماما في دنيا كلها وجيت بستها
ماما:لا انا تنفخي عليا
انا:والله اسفه بس انتي عارفتني لما نقاعد راقده
ماما:باه خلاص
انا:نجكليا
وفطرنا جانا علي هيا نشيلكم ونرد نرقد
نحنا:هيا اطلع واتيين وطلعنا وصلنا للمستشفي خشينا للغرفه لي فيها احمد
ماما:احميده ودموع وجو حزين
انا:الحمدلله ع سلامه خيي الغالي
احمد:انا في حلم ولا علم
ماما :كنك
احمد:طشه جايه تزور فيا وتقولي خيي الغالي اخره واجد
انا:بارد حتي وانت مكسور مش مريح روحك
وعلي وماما يضحكو
انا: انتو عجبكم الجو
المهم شفنا احمد واطمنه وطلعنا للحوش
ماما:بسرعه نديرو الغداء قبل لا يخش عليا شي حد

الكاتب:Arhima Alagory

عند ندى في جامعه
ندى:تمشي بروحها وتفكر في القرايه والمحاضره وفجاه تخبط في وحده ويطيحن شيتاتها واورقها
البنت:اسف الله ماشفتك
ندى:لا عادي ولا يهمك
نزلت البنت لمت الشيتات وعطتهن ندى
ندى:شكرا
البنت:عفوا
ندى:شن اسمك نشوف فيك ديما هنا
البنت:انا اسمي سندس
ندى:عاشات الاسامي وانا ندي
سندس:مرحبتين بيك
ندى:معلش عندي محاضره توا نستاذن
سندس:حتي انا
ومشين مع بعضهن طلعن نفس القسم ولقيو الدكتور معتذر
ندى:شن رايك تشربي معايا قهوة
سندس:عادي
سندس:انا ديما نشوفي في وحده معاك وينها اليوم
ندى:هذي زي اختي اسمها رهف عندها ضرف وغايبه
المهم هدرزن البنات مع بعضهن وتعرفو ع بعض وكل وحده روحت حوشها

عندنا جونا عيت عمي وعمتي وعرب تساول ع احمد وجا اليل فتحت نت هدرزت مع ندي
ندي:شنجو
انا:تمام وانتي
ندى:تمام شن حال خوك
انا:الحمدلله
انا:شن جو جامعه بلاي
ندى:شينه بكل
ندي:حي تعرفت ع بنت جديده اسمها سندس بنت طيبه وعسوله
انا:تمام توا نشوفها بكرى

ثاني يوم مشيت للجامعه وصلني بابا جت ندى
ندي:حبيبتي
انا:غلاي
ندي:شن جو
انا:بيك احلو
وحظرنا المحاظرات وطلعنا
ندى:تعالي نمشو للكافتيريه
مشينا للكافتيريه
سندس:اهلين
ندى:هلا سندس
انا:اهلين
ندى:هذي سندس. سندس هذي رهوفتي
سندس:تشرفنا
انا:انا اكثر
وهدرزنا وتعرفنا ع بعضنا اكثر بنت فعلا طيبه وتنحب
انا:من اليوم انتي صحبتنا
سندس:انشاءلله
ندى:عندك احساب ع فيس
سندس:اها عندي
ندي:تمام هذا اسم ايميلي******
انا:وهذا ايميلي******
سندس:تمام توا نضيفكن وهذا رقمي*******091
انا:تمام هيا نطلعو
وطلعنا
وجت سيارة درست قدامنا و……….
.
.
.

error: