رواية صدفه جعلتني أدمنك

#الحلقة_التاسعه
.
.
.
.
لا اسمح بنشرها بدون اسمي الكاتب:Arhima Alagory
.
.
.
كيف حالكم اليوم انشالله بخير اسف ع تاخير بس نبي تفاعل لو سمحتو وقراءة ممتعه للجميع
.
.
انا:روحت دوشت ورقدت شوي وعيت رنيت ع ندى
انا:الو حبي
ندي:شنجوك غلاي
انا:تمام
ندي:شنجو رحله
انا:تهبل
ندى:مشالله
انا:شنجو سندس
ندي:تمام
وبعدها سالتها ع محاظرات الخميس وقريت شويه وجا ليل خشيت نبي نرقد كنت نعسانه ونبي نحكي مع عمر بس قلت نرقد خير انا حطيت راسي نبي نرقد
رن فوني
انا:الوو
راجل:ايواه
انا:من معايا
راجل:عمر معاك
انا:من عمر
انا عرفته غير نستعبط عليه?
عمر:عمر واحد هو
انا:اها عمر شنجوك
عمر:تمام وينك مختفيه
انا:قاعده كيف جبت رقمي
عمر:استخبارات صقع عليك
انا:صقع علي مش متغطي اكيد جبت من سندس
عمر:شاطرة شكلك
انا:عارفه روحي
عمر:باه ربي يحفظك
انا:ويحفظك
شوي عمر قالي يا طشه انا سمعتها سكرت عليه رن عليا مره ما بيتش نرد معش رن

ثاني يوم صليت ولبست ونزلت
انا:نهاركم سعيد
احمد:لا ميسترو ?
انا:ياربي من حناطه علي صبح
احمد:شن رايك
انا:شينه
ماما:خلاص يا فار وقطوس انت ويها
علي:شن حالكم توا
نحنا:تمام
انا:وين بابا
ماما:طلع من امبدري
علي:حتي انا طالع تبو شي
ماما:سلامتك
انا:عليوه من يوصلني
علي:احمد وصلها انا والله صاحبي متوعد انا وياه كان هضا وصلتك رهوفه
انا:باه عادي
احمد:نرجا فيك في سياره
انا:هي طالعه

عند عمر
عمر:خير يا غالي
سالم:وين ياالحب
عمر:قاعدين
سالم:مزال
عمر:والله ما صار شي اليوم
سالم: باهي انشالله تروح طيب

عندي انا واحمد في سياره
احمد:شن جو طب معاك
انا:الحمدلله ماشي انت امتي نشوفك مهندس
احمد: بعد نشوفك دكتورة قبل انا:انشالله

وصلنا للجامعة وخشينا واحمد درس بيش ننزل مع جيت ندى
انا:خيرات ندوشتي
ندى:شنجوك
انا:تمام وانتي
ندى:تمام
احمد:رهف نقصتك حاجه
انا:لالا سلامتك
انا:نسيت نعرفك هضا احمد خويا
ندى:هلا
احمد:اهلين
انا:احمد هذي ندي صاحبتي
احمد:تشرفنا
ندي:تسلم
انا:ما تعبش روحك بعدين توا نجي معاها
احمد:تمام باي
انا:باي

الكاتب:Arhima Alagory

وخشينا لقينا سندس حكيتلهم ع زرده طبعا وخذيت محاظراتي وروحت للحوش وقاعدين نتغدو
انا:بابا نبي نطلع للسوق انا والبنات
بابا:اين بنات
انا:ريهام واسماء ودعاء
بابا:باهي
انا:عليوه انت لي تشيلنا
علي:تمام كلميهن بعد العصر يكونن وتيات
انا:تمام
وكملنا وانا خشيت داري قريت شوي ورنيت ع اسماء
انا:الو يا عروسه
اسماء:الو يا عيوني
انا:اسمعي دويت لعليوه قالي باهي بعد العصر نجوكم
اسماء:نجك ليا انتي وعلي تمام نستنو فيكم

انا رنيت ع ريهام:الو ريهام
ريهام:كانت راقده الو يا رهف
انا:انشالله راقده
ريهام:شن رايك
انا:اسفه بس نقولك ان بعدين نبو نطلوع مع اسماء للسوق
ريهام: من شيلنا
انا:علي
ريهام:تمام نرجا فيكم

وطلعنا في طريق
علي:شنجو
انا:تمام
علي:وين تبو تمشو
انا:مش عارفه اسماء وين تبي
علي:اها نتكو ناخذو ريهام قبل
انا:باه
علي:نبي نسالك
انا:شنو
علي:ريهام في قلبها واحد
انا:كيف
علي:ريهام تحب ولا لا
انا:عليش تسال
علي:لان هضك اليوم بعد سالتها دعاء صبت وبطلت من لعبه
انا:باه وكان بطلت شن دخلك بيها انت
علي:بنت عمي
انا:مانعرف شي

وصلنا لريهام
انا:الو غلاي هيا اطلعي
ريهام:هي
جت ريهام
ريهام:خيرات
انا:خير شنجوك
ريهام:تمام
علي:شنجوك يا شينه
ريهام:تهايلي سالتي رهف وجوبتها
علي:لسانك طويل
ريهام:لالا بس يطول مره مره علي:مايطول الا عليا
ريهام:لا بس كان حكيت اكويس راه ما طولش
علي:شن قلت انا
ريهام:عليش شينه باهي
علي:قلت الحق انا ولا كلمه الحق وجاعه
ريهام:باه يا علي
انا:علي بلا براده كنك معاها
علي:نبصر معاها
انا:براده هذي
علي:زعلتي
ريهام:ما بتش ترد عليه
علي:ندويلك
ريهام:شن تبي
علي:زعلتي
ريهام:لالا
وصلنا عند اسماء
انا:الو اسماء قدام الحوش نحنا
اسماء:دقيقه بس
انا:باه
اسماء:ماما نحنا طلعت علي جا
عمتي فتحيه:تمام ما طولنش
اسماء:باه هيا يا دعاء

اسماء ودعاء:هلا شنجوكم
نحنا:تمام
اسماء:معلش ع تعب يا علي
علي:ما فيش تعب يا هبله
اسماء:نجكلي

وصلنا للمحالات
انا:علي انت خليك في سياره
علي:باهي
نزلنا اسماء:تعالن في محل هنا عجبني
خشينا للمحل طبعا متاع ارواب و جو هضا
انا:سومه تعالي شوفي هذا
اسماء:لالا قصير واجد
ريهام :ياهبله هذا هو لي يبو هم
اسماء:لا نتحشم
دعاء:راجلك ياهمي مش بابا
انا:خلوها بجوها نكديه هذي
اسماء:توا نشوفكن في فرحكن شن اديرن
ريهام:انا عادي نلبسله هكي كان ما لبستله لم̷ن نبي نلبس
المهم اختارت اسماء حاجاتها ومشينا لكم محل اخره
ونحنا نبو نردو لسياره
ريهام:يا بنات عجبتني الكندره هذي
انا:خشي بروحك انا ماشيه للسياره
دعاء واسماء:حتي نحنا كرعين خلاص
ريهام:خزي عليكن مافيكنش خير
نحنا عدينا للسياره وريهام خشت للمحل
علي:ريهام وين
انا:تبي محل خشتله
علي:وتخلوها بروحها نزل علي وماشي للمحل

ريهام في المحل:بكم هذي
صاحب المحل:75 دينار ولكي بالبلاش يا عسل
ريهام:احترام نفسك
راجل:كان العسل متعقد من مزعله
وخش علي سمع راجل يحكي هكي
علي:عسل صار ويضرب راجل بدماغ?
راجل:معش شاف ضي
وعلي:يبدا في راجل
ريهام:ياعلي سيب راجل راك تقتله
وطلعت تعيط برا
خشو وحدين وحزوها
علي:والله نكسرك تكسر تحسابها مش معاها راجل يا…عرم كلام
راجل:والله مردود يا ولد حرام
علي:جا يبي يضربه مسكو
رجاله:خلاص ياراجل خوذ هلك و روح
علي:اطلعي قدامي توا نوريك عليها لعتب مش عليك علي يخليك تمشي بروحك
جت ريهام:تبكي
ورها علي: يهزب
انا:كنكم
علي:سكري فمك انتي الاخره
انا:كنك شن فيه
علي:تسكري فمك ولا نسكره لك انا
مشينا في طريق
اسماء:عليوه فهمني شن في
علي:اسماء مش وقت كلام توا
اسماء:تمام واسفه انا سبب هضا كله
علي:لا والله انتي ماشورك شي بس ريهام عارفه روحها
ريهام:علي ما تزيدهش عليا
علي:سكري فمك ما نبش نسمع ولا كلمه منك
ريهام:تبكي كنك هكي انت
علي:ما بش يرد
ونحنا مش عرفين شي
حطينا اسماء ودعاء في حوشهم

وتكينا حطينا ريهام

وروحنا للحوش
انا:خشيت ولا كلمه وجعتني من علي طول عمره حنون عليا واليوم هزبني قدام البنات
ماما:خير يا علي كنها رهف
علي:مش عارف

الكاتب:Arhima Alagory

تعشينا وكل واحد خش داره
انا:مضايقه من علي جيت نبي نرقد رن الفون انا عليك قصه من هضا لقيت رقم
انا:الو
عمر:ما عرفتينش
انا:لا من
عمر:عمر كنك
انا:اها عمر اسفه بس امس رقدت طول ما سجلتش رقم
عمر:عادي اصلا مش لزام تسجليه بعد نروح توا نرن بشفرتي وسجلي
انا:تمام شنجو
عمر:تمام وانتي
انا:الحمدلله
عمر:صوتك مش هو
انا:كيف
عمر:انتي مريضه ولا حاجه
انا:لالا بس مضايقه اشويه
عمر:من شنو
انا:فوت ما تعدلش
عمر:معقوله نبي نعرف شن مضايقك
انا:من خويا
عمر:كانه
انا:حكيتله القصه كلها
عمر:اكيد خوك شافه حاجه خلته يتعقد
انا:بس عمره ما هزبني
عمر:اكيد في حاجه درتها بنت عمك عقدته واكيد ح يتاسفلك مدام يحبك
انا:ممكن
عمر:قوليلي امتي فرح بنت عمتك
انا:عليش
عمر:نسال بس
انا:بعد مزال عليه ديما 19يوم
عمر:تمام
انا:امتي مروح انت
عمر:عليش ريفتي
انا:ههههه لا عليش نرايف
عمر:كان بكري ما صار شي بعد بكري ع طيران
انا:تروح طيب انشالله
عمر:تسلمي
انا:عمر نستاذن منك
عمر:تفضلي
انا:شكرا لانك سمعتني
عمر:عفوا ولو
انا:باي
عمر:باي
وسكرت وحاجه تقولي عليش سكرتي كان هدرزتي معاه اخره حسيت ان صار جزء من يومي المهم تغطيت نبي نرقد

سمعت باب دار يدق
انا:خش
علي:مزلتي واعيه
انا:شن تبي
علي:نبي نحكي معاك
انا:نبي نرقد
علي:باهي شوي بس
اذكرت كلمه عمر قال توا يجي يتاسف منك كان يحبك
انا:باهي خش
خش علي جا جنبي ع سرير
علي:اسف رهوفتي
انا:ساكته
علي:امبدري كنت متعقد ومش عارف شن صارلي
انا:بس مش مني يا علي متعقد
علي:اسف خلاص شن يرضيك
انا:معش تهزبني انت بابا ثاني عندي
علي:يا روح بابا ثاني انتي وحضني
انا:عليوه نسالك جوبني بصراحه
علي:حاضر بس حتي انا نبي نسالك
انا:باه ليش تتقدت امبدري وليش ريهام تبكي
علي:خشيت للمحل لقيت صاحب المحل يعاكس فيها ولي قهرتني هيا ما بتش تطلع ولا ادير حاجه
انا:ليش انت غرت عليها
علي:مش عارف بس بنت عمي هيا ولزام نغار عليها
انا:اها بس حرام عليك ليش هزبتها وانت مش فاهم شي
علي:رهف ريهام تحبني صاح
انا:ساكته
علي:سمعتها تحكيلك هضك اليوم
انا:اها صاح
علي:رهف حتي انا شكلي نحبها
انا:ههههههه كيف جت هذي
علي:اليوم بعد شفت راجل يقوللها عسل قبل متت ولما قلتو خشت للمحل ما بيتش نخليها بروحها ومن يوم ما سمعت كلامها لكي وانا نفكر فيها ونبيها
انا:باهي احكيلها
علي:واعيه توا
انا:جربها
علي:توا شوفها وطلع علي

عند ريم
ريم:الوو
عادل:ايواه من
ريم:انا ريم
عادل:من ريم
ريم:عدولي كنك
عادل:ما نعرف حد بالاسم هضا
ريم:عادل حتي علي فسخ خطبتنا
عادل:شن المطلوب مني انا
ريم:مش تحبني انت
عادل:ههههه من يحبك انتي كذابه وخاينه وتبيني نوثق فيك
ريم:حرام عليك
عادل:تعرفي الحرام انتي مزال صور وتسجيلات تلقيهن ع نت كلهن سلام
ريم:ع..وسكر عليها
ريم:ياربي انا انتهيت حي عليا يا نور يبي ينشر صوري الحقير هضا
نور:توا نرن عليه انا
نور:الو
عادل:من
نور:عادل انا نور اسمعني بس
عادل:نعم
نور:عادل عندك خوات وبكري بعد بكري تقاعد عندك وليه وبنات ريم خطبتها نفستخ وخرب كل شي بس الصور ما تنشر شي منهن
عادل:والله عشانك يا نور لانك غاليه عليا وكيف اختي حاضر بس معش نبي نسمع صوت اختك بكل وانا نبي نسيب ليبيا اصلا
نور:ربي يهنيك وسكرت

الكاتب:Arhima Alagory

عند علي
علي:الو
ريهام:ايواه من وكان صوتها كانت تبكي
علي:كيف مش مسجله رقمي
ريهام:من انت مش فاضيتلك
علي:وسعي بالك بس
ريهام:شكلك فاضي وسكرت عليه
علي:رن اخره
ريهام:اسمع مش فاضيتلك انا تبي تقول من ولا نسكر
علي:وسعي بالك يا ريهام علي معاك
ريهام:بعد سمعت اسمه قلبها دق 77مره في ثانيه?
علي:وينك
ريهام:قاعده نعم شن تبي
علي:زعلانه
ريهام:لالا نسيت اصلا
علي:اسف باهي
ريهام:خلاص قتلك نسيت
علي:شنجوك باهي
ريهام:تمام
علي:ريهام
ريهام:نعم
علي:انتي تحبيني
ريهام:اااه من قالك لالا
علي:ههههه كنك تقطعي
ريهام:اصلا كذب
علي:باهي انا سمعتك تحكي هكي
ريهام:لٱ انت سمعت غلط بس
علي:بلكي
ريهام:نبي نسكر توا
علي:براحتك تصبحي ع خير
ريهام:وانت من اهلو

ريهام سكرت ورنت عليا
انا:الو كنت راقده طبعا
ريهام:يا حيوانه شن قتلك قتلك ما تحكي لحد
انا:كنك انتي
ريهام:علي كيف عرف اني نحبه
انا:ههههههههه كنك تبي تضربي بس هو سمعك تحكيلي وع فكره حتي عليوه يحبك
ريهام:استكت شن قلتي انتي
انا:لي سمعتي
ريهام:انشالله
انا:باهي نبي نتمرقد انا
ريهام:مرقد ارقد

وسكرت ريهام تبي اطير من فرحه

ثاني يوم ع فطور
انا:صباح الخير
بابا وماما:صباح النور
انا: متاخره اليوم
بابا:افطري بسرعه توا نشيلك
انا:باه
وفطرت ومشيت للجامعه لقيت بنات في المحاضره خشيت بعد المحاضره طلعت
انا:سنجوكن
ندي وسندس:تمام وانتي
انا:الحمدلله
سندس:تعالن نقاعدو غادي
نحنا قاعدنا شوي
ندى:توا نجي نبي وحده
انا:باه
قعدت انا وسندس صبت سندس
انا:وين ماشيه انتي الاخره
سندس: توا نجي نجيب امياه بس
انا:ماطولش
سندس:باه

قاعدت انا وحدي شوي شفت سياره ردست ونزل منها عمر
انا:عمر
عمر:اها عمر كنك
انا:شي بس انت قلت مروح بعد بكري
عمر:قتلك ع طيران صاح
انا :المهم الحمدلله ع سلامتك
عمر:الله يسلمك
انا:ساكته
عمر:اها دقيقه ومسكني من يدي و…..
.
.
.
.