رواية صدفه جعلتني أدمنك
قصه_من_الخيال
الحلقة_السابعه_عشر
.
.
.
.
لا اسمح بنشرها بدون اسمي الكاتب:Arhima Alagory قراءة ممتعه للجميع
.
.
.
.
.
.
في يوم لي كملت في الامتحانات
رن فوني لقيت علي
انا:الو
بابا:خير بنيتي
انا:بابي رايفت عليك
بابا:خلاص يومين نكون عندك
انا:انشالله يارب
بابا:كملتي امتحاناتك
انا:اها
بابا:شن حليتي
انا: تمام كلهن
بابا:بتوافيق
انا:انشالله
وسكرت من بابا
وتميت نرجا في عمر يرن عليا بس عمر
عمر كان قاعد ع نت جاه مسج مكتوب فيه يا خيي ما نبش يكون مضحوك عليك ومستغفلتك بنت لي اسمها رهف وكيف ما ضحكت عليا توا تضحك عليك ودليل اهو ودز صور محادثه لعمر وكان فيها ايميل رهف تحكي مع العيل وتقول نحبك وجو هضا وكان العيل يسال فيها ع عمر كانت تقول كيف خويا ولان اخت صاحبتي نحكي معاه بس ما بينتنا شي
عمر يقري ومعش عرف شي دنيا ظلمت عليه ويحكي بروحه معقوله رهف ادير فيا هكي شن درتلها لا قصرت معاها لا شي بس هيا هكي توا نوريها عليها وتعرف من هو عمرانا نرجا في عمر يرن عليا بس عمر معش رن شوي قلت نرن عليه نشوف وين رنيت عليه ماردش رنيت عليه مره اخره نفس شي دزيتله رساله حبيبي وينك خوفتني عليكعمر:جاته رساله قرها ههههه حبيبك وخلته رساله يرن ع رهف
انا:فوني رن لقيت عمر رديت عليه
انا:وينك بيبي
عمر:تمثلي في دور ممتاز دروحك تحبيني وتخافي عليا ومع غيري تقولي اني كيف خوك معلش سوال كم واحد قيلتله نحبك وحبيبي لا اخره لما حكتلك سندس درتي روحك طيبه وما تحكش مع شباب وانتي طلعتي تلعبي عليها كلها انسي عمر بكل ومعش تفكري فيه هضا كان كنتي تفكري فيه مع شباب الاخرين
انا:نسمع وساكته هضا عمر ولا واحد اخر وشن كلام هضا
عمر:تسمعي ولا لا
انا:نسمع بس حتي انت اسمع انا ما حكيت مع حد غيرك ومش عارفه من وين جابته كلام هضا بس يكفي اني واثقه من روحي وربي يعلم اني ما خنتك ولا فكرت نخونك وحتي انا نقولك انساني
وسكرت عزقت فون في ساس تكسر وقمعزت ع سرير وقعدت نبكي ونحكي بروحي عمر ليش دار فيا هكي ليش بعد ادمنته وحبيته ليش بعد درت اخ وصديق واب وحبيب يكسر قلبي ويطلعني خاينه ومش تمام وقعدت نبكي
عمر:فتح فون وخش ع الايميل لي دز محادثات ورساله بس لقاه حاطه في الحظر عمر تعقد ورن ع سالم
سالم:خير ياغالي
عمر:وين قاعد
سالم:عرف في حاجه من صوت عمر كان متعقد
عمر:وين قاعد بس
سالم:طالع من حوش توا
عمر:نتلاقو في قهوة
سالم:اين قهوة
عمر:لي عند محل
سالم:تمام
الكاتب:Arhima Alagory
عندي انا صبيت غسلت وجي وخذيت فون فكيت شفره شوي جا احمد
احمد:رهف رهف
انا:كنك تعيط
احمد:وينك نرن عليك مقفل معش خفت عليك
انا:اذكرت عمر لما يخاف عليا دمعتي نزلت مسحتها
احمد:كنك قافل فونك
انا:تي طاح مني انكسر
احمد:ياخذ سوك
انا:سوني وسوك
احمد:شن الغداء
انا:والله ما ردت شي
احمد:يعني لا غداء لا شي
انا:والله قهرني تلفون يا احمد وانا في عقلي قهرني لي وثقت فيه ودرت اغلا الغوالي وكسرني قهرني قلبي لي انكسر مش فون
احمد:تمام توا نجيب غداء ونجي
انا:باه
وطلع احمد وانا خشيت لدار ورقدت
عند عمر جا للقهوة ما لقش سالم رن عليه
عمر:وينك يا راجل
سالم:وسع بالك اهو نشوف فيك
عمر:باه
شوي هكي وجا سالم
سالم:كنك سكنت
عمر:اسمع نبي نحكيلك
سالم:شن فيه
عمر:صارلي موضوع توا نحكي لك
سالم:نسمع فيك
عمر:يا راجل نفصلت انا ورهف
سالم:عليش كنكم
عمر:اليوم في صبح جاني مسج وصور شوفهن ومد الفون لسالم
سالم:شافهن باهي من هضا وشن قلتلك رهف
عمر:مش عارف من هضا ورهف كلمتها هزبتها وسبيتها ووقتلها انسيني
سالم:وحق الله الواحد مش عارف شن يقولك
عمر:يا راجل معش شفت شي وما تحملتهش
سالم:شن قلتلك رهف
عمر:قالت ما عمرهش خنتني ولا تفكر اديرها وقالت انساني سالم:انت غلطان طول حكمت ع بنت ودرتها خاينه بدون ما تفهم منها
عمر:طلع دخان ولعه
سالم:شن ادير انت
عمر:شي
سالم:طفي يا راجل من امتي دخن انت
عمر:من اليوم يا سالم خليني في حالي
سالم:انت احكي معاها وفهمها وهيا تحبك توا تفهم
عمر:كلام واعر لي قلته لها
سالم:لانك مستعجل ومتسرع فكر اشويه
عمر:باهي خلاص وطلع عمر ركب في سياره
سالم:لحقه وين ماشي
عمر:قتلك فوتني
سالم:نحكي معاك انا
عمر:سكر الباب وطلع بسياره
سالم:رن عليه عمر ما ردش
عمر:رن ع رهف لقها مقفل عمر قفل فون
سالم:رن ع عمر لقاه مقفل
عندي انا
احمد:خيتي وينك
انا:نعم في دار
احمد:تعالي نبيك
انا:هي وصبيت لاحمد
احمد:حطيت الغداء في مطبخ جبت سندوتشات
انا:تمام توا نحطلك
خشيت للمطبخ نحط لاحمد غداء جا احمد
احمد:امسكي
انا:شن لقيته فون نفس فوني لي نكسر انا حضنت احمد نجكلي بس ما نبش فون عندي فوني القديمه
احمد:الله غالب باتي وصاني عليك وما نبكش نتقهري لانك امبدري قلتي قهرني الفون
انا:نجكلي
احمد:صاح انا نبصر معاك ونزعل فيك بس ما نحبش نشوفك زعلانه عندي نزعل انا ولا نشوفك زعلانه
انا:ربي ما يحرمني منك
احمد:ولا يحرمني منك
شوي رن فون احمد لقها ندى
احمد:الو
ندي:احمد وين رهف نرن عليها مقفل
احمد:نحسبك ادوري فيا انا
ندي:لا مانبيك انت
احمد:شكرا امسكي صحبتك
انا:الو ندوشه
ندي:كنك مقفل
انا:فوني انكسر
ندي:اها باهي نسال عليك
انا:تمام وقلبي من جوه يقولي مش تمام محروق وجروح وتقولي تمام
احمد:خلاص جعان انا
انا:هكي احمد
احمد:ريفت عليك
ندي:تحشم قدام اختك
طبعا احمد وندي تعودو ع بعضهم وتعلقو ببعض
احمد:عادي
انا:امسك غداك
احمد:وانتي
ندي:انا
احمد:مش شورك انتي خلاص سكري
وسكرت ندي
انا:لا ما عندش نيه
احمد:كنك رهوفه
انا:شي ريفت ع بابا وماما
احمد:بعد بكري يكونو جنبك
انا:انشالله وفي عقلي من يجي مكان عمر سيب فراغ كبير وهضا كل ليا ساعات بس بلاه ونحس روحي وحيده في دنيا ونفكر كيف نبي نرقد بدون ما نسمع صوته كيف يكما يومي بلاه كيف نبي نقاعد من دون حاجه ادمنتها
قطع حبل افكاري احمد:هي كولي معايا
انا:صحه احمد نبي نرقد وركبت للدار ودوعي يصبن
الكاتب:Arhima Alagory
عند موده
رحمه:شنجوك
موده:تمام
رحمه:شن صار ولد عمك كلمك
موده:لا مقفل فونه
عند عمر طلع للبحر وقعد يدخن ويحكي بروحه انا شن درت انا نحبها ونموت فيها كيف حكيت معاها هكي ياربي من لي دزلي محادثه
شوي درست سياره وراه عمر بحت فيها لقه سالم
سالم:جا يبي ينزل رن فونه لقاها سندس رد عليها
سندس:سالم وين قاعد
سالم:تبي حاجه
سندس:نرن ع عمر ما مقفل
سالم:قاعد معايا
سندس:باهي اساله يجي للغداء
سالم:لالا مش جاي
سندس:باه وسكرت
وجا سالم لعمر عمر قاعد مقمعز ع سياره من لقدام سالم قمعز جنبه
عمر:كيف عرفتني هنا
سالم:كنت نلحق فيك
عمر:قتلك فوتني
سالم:مش فايتك شن تبي ادير
عمر:انا ما فيا شي بنت خنتني ومعش تلزمني
سالم:تقدر تقولها اي حد الا ليا انا انا حفظك حفظ يا عمر
عمر:باه
سالم:نسالك جوبني
عمر:شن
سالم:عمرك رنيت عليها لقيتها مشغول
عمر:لا
سالم:عمرك شفت منها حاجه تخليك تشك انها تخون فيك
عمر:لا
سالم:معنها انت عارفها انها ما خانتكش
عمر:والله ماني عارف دخت انا يا سالم واثق فيها بس محادثه دوختني هيا لي تحكي يا راجل
سالم:ليش ما سالتها قبل
عمر:مش عارف كيف حكيت معاها هكي
سالم:كلمها
عمر:مقفل
سالم:هيا باهي
عمر:لا امشي
سالم:هيا معايا
عمر:ما عندي نيه في شي يا سالم سيبني بروحي
سالم:باه براحتك تبي حاجه رن عليا
وقعد عمر بروحه ركب في سياره وفتح فونه رن ع رهف لقها مقفل جا يبي يقفل الفون شوي رن لقاها موده
عمر:الو
موده:شنجوك
عمر:اكويس
موده:كنك صوتك متغير
عمر:لا شي
موده:كيف شي ما تبش تحكيلي بنت عمك انا
عمر:قتلك شي ما تفهمش انتي
موده:شكلها سيباتك لي ميت عليها
عمر:ما تجيبش سيرتها ع لسانك
موده:شن خير مني هيا
عمر:خير منك بمليون مره ع الاقل عندها كرامه مش كيفك مهزبه
موده:توا تنفعك
عمر:تنفعني ولا تضرني المهم خير منك وانتي ما تسوي شي منها وسكر عليها
موده:الكلب هض شن ديرتله البنت هذي
مروه:خليك تستاهلي قتلك كما مره سيبي عمر
الكاتب:Arhima Alagory
تسريع الاحداث قاعد في بحر عند ليل وانا قاعد في دار بابا يرن عليا لقاني مقفل رن ع احمد
احمد:الو
بابا:وين رهف
احمد:قاعده في دارها
بابا:كنها مقفل
احمد:فونها تكسر
بابا:عطيها ليا
احمد:تمام
خش احمد للدار لقاني طايحه ودايخه
احمد:ما بش يخوف بابا عليا باتي راقده توا بعد تنوض نقوللها تكلمك
بابا:تمام وسكر
احمد:طول نزل عليا رهف نوضي رهف ردي عليا
وانا:لاحياه لمن تنادي
احمد:شالني وطلع بيا ركبني في سياره
عمر:كان قاعد في شرعنا شاف احمد هو يركب فيا عرفني انا صرتلي حاجه
احمد:ركب في سياره وطلع
عمر:لحقنا
نحنا وصلنا مستشفي
احمد:نزلني وخش بيا جو
وعمر:درس وخش حتي هو
احمد:حطني في غرفه وخش عليه دكتور
دكتور:اطلع يا شاب
احمد:يا دكتور ردبالك منها هذي امانه عندي
دكتور:ما تخفش يا شاب
واحمد طلع برا
عمر:يراقب من بعيد
شوي وطلع دكتور
احمد: كنها يا دكتور
دكتور:ما تخفش ساهله عندها هبوط وسؤ تغذيه توا عطيتها ابراه وعلقتلها تغذيه انشالله شوي وتنوض
احمد:نخش عليها عادي
دكتور:اها تفضل
احمد خش عليا وانا كنت مزال ما وعيت
عمر جا لدكتور
عمر:دكتور معلش
دكتور:نعم تفضل
عمر:بنت لي توا كنها شن عندها
دكتور:من انت
عمر:خطيبها
دكتور:اطمن اكويس عندها هبوط وسؤ تغذيه شكلها مش واكله شي من صبح المهم توا صحتها تمام شوي وتنوض
عمر:نقدر نخش عليها
دكتور:اها تقدر
عمر:شكرا
احمد:رن فونه لقاها ندي طلع من دار وطلع برا
عمر:استغل فرصه وخش عليا
انا:كنت راقده
عمر:خش وقمعز جنبي ومسك يدي ويحكي اسف عارف انتي هنا مني انا بس والله نحبك وغريتي عمتني لما شفت كلام ومش عارف شن صارلي طشتي ردي عليا انا نحبك ونموت فيك
انا:وعيت اه راسي لقيت عمر وماسك يدي انا سحبت يدي منه شن جابك انت وانا وين قاعده
عمر:انا كنت قدام حوشكم وشفت احمد يسعف فيك لحقتكم
انا:باهي درت لي عليك وبعدين مش لزام تلحقني وتطمن ع وحده خاينه
عمر:رهف
انا قطعت عمر وما خليتش يكمل كلام
انا:عمر مشاعر مش لعبه كلامك ليا واعر راه بس انت ما تحسش بيا وهضا كله بدون ما تفهم مني ولا نعرف قصه
عمر:جا يبي يحكي
قطعت اخره خايفه يقول حاجه وقلبي يسامحه بس هو كسرني بكلامه ما نبش نسمع منه شي
انا:عمر درت لي عليك نحنا ما بينا شي توا تقدر تطلع وطلعني من حياتك
عمر:تمام لاباس عليك
وطلع عمر وانا برمت راسي وقعدت نبكي قلبي يقولي ليش حكيتي هكي وانا ننبضه باسمه هو وعقلي يقول احسن شي درتيه وانا نحس انا طلعت عمر هذي طلعت روحي معاه
عمر:طلع وكان مضايق ركب سياره وقعد فيها
احمد:خش لقاه دكتور عندي
دكتور:اهي الحمدلله خير من قبل
احمد:خوفتينا عليك
دكتور:حتي خطيبك كان خايف عليك
احمد:اين خطيب يا دكتور
دكتور:توا جا هنا لبس سوريه زرقه
انا:عرفت من الاول عمر
احمد:بحت فيا امتي نخطبتي انتي
انا:هههه مش عارفه
دكتور:ما دوخونش معاكم
احمد:لا انت دايخ بروحك
دكتور:انا متاكد
انا:نقدر نروح توا يا دكتور
دكتور:اها بس تغذي اكويس
احمد:شوري ما توصيهش
دكتور:هههههه تمام
الكاتب:Arhima Alagory
وطلعنا انا واحمد وكانت سياره احمد مدرس جنب سياره عمر جيت ركبت وبحتت شفت عمر يبحت فيا دمعتي نزلت بس مسحتها طول
احمد:امسكي باتي رن امبدري هي لي خلتني نجيك في دار
انا:الو بابا
بابا:حبيبتي شنجوك
انا:مرايف عليك
بابا:بعد بكرى نكون عندك
انا:نرجا فيك
بابا:خلاص بكري نكلمك في صباح
انا:باه
وسكرت ومديت فون لاحمد شوي رن فونه اخره
احمد:امسكي اخره
انا:من لقيت مسجله لكبيده❤ من هذي
احمد:صحبتك من
انا:اوووو اكبيده طول
احمد: غير ردي توا
انا:الو
ندي:كنك احمد قالي في مستشفي
انا:بسرعه ما نشرها
ندي:ههههه بكل كنك
انا:هبوط بس توا تمام
ندي:كنك انتي في حاجه
انا:توا نحكو توا نبي نسكر
احمد:ارجي نبيها شوي
ندي:نعم شن تبي
احمد: فتح المايك قدم اختي نبي نقولك حاجه
ندي:شن
احمد:والله ما نكذب عليك في حاجه اول ما شفتك خشيتي خاطري وتوا نحبك يا ندي
انا:فرحت وحسيت بغصه فرحت لان ندي تستهل احمد واحمد يستاهل ندي وحسيت بغصه اذكرت عمر وكيف كانت تطلع سمحه منه نحبك
ندي:سكتت
انا:انتي يا بنت
ندي:قاعده
احمد:سمعتي
ندي:اها
احمد:شن ردك
ندي:احمد مش وقتها
احمد: وقتها
انا:وقتها نبي نعرف رايك وردك
ندي:حتي انا نحبك
احمد:نعلي زغرتي يا بنت
انا:في طريق قعدين
ندي:باي توا
انا واحمد:باي
وسكرنا وصلنا للحوش خشيت لدار شوي جابلي احمد سفره فيها وكال
انا:شن هضا
احمد:وكال
انا:تعبتك
احمد:حتى انا ياما تعبتك
انا:نجكلي
احمد:ولي نجك
انا:نبي نطلب منك طلب
احمد:تفضلي
انا:ردبالك من ندي راه بنت طيبه وما فيش منها
احمد:ما تخافش عليها في عيوني
انا:تسلم عيونك
وكليت واحمد طلع وخش داره ويكلم في ندي
الكاتب:Arhima Alagory
عند عمر روحه للحوش
سندس:كنك طولت
عمر:شي وخش لدار
خشت عليه سندس
سندس:عمر كنك
عمر:شي قتلك
سندس:متعارك مع رهف
عمر:لا
سندس:كنك
عمر:انفصلنا
سندس:شن تحكي انت
عمر:لي سمعتيها
سندس:كيف هكي
عمر:اسالي سالم يحيلك
سندس:نبي نفهم منك
عمر:جتني صور محادثه انها تحكي مع غيري
سندس:وانت صدقت طول
عمر:اها
سندس:شن قلتلها
عمر:هزبتها
سندس:معقوله هكي
عمر:هضا لي صار خلاص اطلعي برا
سندس:باه يا عمر وطلعت
سندس:رنت عليا كم مره ما رديتش شوي رنت ع ندي لقتها انتضار
ندي كانت تحكي احمد
ندي:احمد دقيقه سندس ترن
احمد:ماطولش
ندي:باه ردت ع سندس الو
سندس:الو ندي معلش بس نسالك رهف كنها مقفل
ندي:نقالها مكسور
سندس:تمام توا
ندي:تبي حاجه
سندس:لا شكرا
وسكرت سندس وخشيت دارها وتكلم في سالم وندي ردت ع احمد
عمر يفكر في رهف ونادم علي داره
انا نبكي ومرايفه عليه ما كنتش نحكي معاها واجد ع سبه امتحانات وبعد كملت خسرته بكل ونفكر فيه شن ايدير فرحان ليش دار هكي ومن خرب علينا
ثاني يوم
عند عمر اول ما طلعت شمس طلع من حوش
انا كنت راقده واعني احمد
احمد:هيا نوضي ساعه11
انا:هي نضت وذكرت عمر كان هو يوعي فيا اليوم ما سمعتش صوته صبيت خشيت حمام نسمع في وجرس يرن انا من جاينا في صبح
احمد:طلع يفتح هيا هيا فتح باب لقاه……
.
.
.
.
.