رواية صدفه جعلتني أدمنك
.
.
.
.
لا اسمح بنشرها بدون اسمي الكاتب:Arhima Alagory قراءة ممتعه لجميع
.
.
.
.
.
في مستشفي
علي: دكتور
دكتور:انعم
علي:شن حال الحاج
دكتور:الحمدلله بس مرات تجي مره ثانيه هذي الحمدلله نجى منها بس مرات الاخره لا ضروري من عمليه
علي:باهي نقدر مطلع بيه توا وبعدين ماشي تونس
دكتور :تمام توا نديرله خروج
علي:براك الله فيك
دكتور:فينا وفيك وجبي هضا
علي:تسلمعند عمر وسالم وصلو للمستشفي
عمر:تعال من هنا
سالم:هي
عمر:قمعز هنا توا نجيك
سالم:باه
قاعد سالم يرجا في دكتور وعمر طلع برا لقاه عمي ناصر برا
عمر:عمي ناصر
ناصر:مرحب عمر شن حالك
عمر:الحمدلله انشالله خير كنك قاعد هنا
ناصر:عندي خويا والله مريض
عمر:انشالله لاباس عليه
ناصر:ماريت باس وانت شن عندك
عمر:انا رفيقي داير حادث وعند مراجعه
ناصر:انشالله لاباس
عمر:ماتشوف باس
جا علي
علي:او عمر شنجوك
عمر:تمام وانت وينك مختفي
علي:قاعد والله
علي:عمي تعال باتي يبي يطلع توا
ناصر:هي نستاذن يا عمر
عمر:لا حتي انا خاش
وخشو للمستشفي
احمد:علي امشي جيب سياره
علي:باه
عمر:خير يا حاج
بابا:مرحب
عمر:انشالله لاباس عليك
بابا:ما تشوف باس
ناصر:هضا عمر ولد محمد جري عرفته
بابا :اها شن حال باتك
عمر:الحمدلله بخير
وسلم عمر ع احمد
علي:هيا سياره برا
وطلعو
عمر:عمي ناصر تبو حاجه
ناصر:سلامتكوطلعو طبعا عمر ما يعرفش ان ناصر عم رهف وهضا باتها
عمر:مزال
سالم:لا تمام
عمر:شن قالك
سالم:قالي اسبوع جاي تعال نفكلك جبس
عمر:باهي
سالم:وين رحت انت
عمر:طلعت لقيت ناصر جارنا عند خوه مريض قاعد معاه نين روح
سالم:تمام هيا نمشو للمحل ما نبش الحوش
عمر:تمام
في طريق
بابا:مشالله كابر ولد محمد والله ماعرفته
ناصر:اها شاب مشالله عليه
علي:حتي انا ليا زمان ما شفته
احمد:انا ما نعرفش بكل
علي:انت باهي لي تعرفنا نحنا
احمد:اعز ما عرفت والله
ناصر:سلمك
بابا:هههه صار اعز ما عرفت
عندنا في حوش
ماما:واتي دبش باتك يا رهف اكيد قريب يوصلو معش تقدري توتيه
انا:قاعد نوتي فيه انا نحط في دبش بابا ونبكي جتني ريهام لقتني نبكي
ريهام:بدينا كنك تبكي
انا:ياريهام ما عمرش بابا بعد عليا ديما قدام عيني توا يبي يسافر ويسيبني ومريض اخره ياريته غير بصحته ما تشوفيش في حوش شين بلاه متعوده نوض في صبح نلقاه اول واحد ع طاوله يفطر لما نجي يصبح عليا ويهدرز معايا لما نضت ع عياط ماما ولقيته بابا طايح ظلمت دنيا عليا في حاجه نقصتني لاني ما صبحتش عليه
ريهام:يعونها دمعن حتي انا نحب عمو مصطفي وبس الحمدلله توا يدير عمليه ويروح طيب توا تشوفي
انا:انشالله
سمعنا صوت سياره تبيب
انا:بابا جا وطلعت نجري فتحت باب لقيت بابا قدام بابا حضنته وتميت نبكي بابا ليش خوفتنا عليك حوش شين بلاك مانبكش تبعد عليا انا بنيتك الوحيده ما تسيبنش بروحي
بابا:انا اكويس وقاعد معاك مش مسيبك حبيبتي عليش تبكي
انا:مرايفه عليك مرايفه ع صوتك في حوش مرايفه ع كلامك
بابا:يا عيوني انتي خلاص بلا بكاء باهي
وجت ماما وعماتي وبنات
ماما:الحمدلله ع سلامتك يا غالي
بابا:الله يسلمك
فتحيه:فجعتنا عليك
بابا:الحمدلله ع كل حال كل نصيب
عزيزه:الحمدلله ع سلامتك يا مصطفي
بابا:الله يسلمك
ريهام ودعاء:حمدلله ع سلامتك وحده عمو وحده خالو
بابا:الله يسلمكم
احمد:نبو نقاعدو برا نحنا
بابا:هيا نخشو
خشينا للحوش وانا قاعده جنب بابا
علي:بعد العصر الطياره
بابا:باهي تمام
ناصر:تبيني نمشي معاكم
علي:لا ريح روحك يا عمي ما نبوش نتعبوك
ناصر:مش شورك انت ندوي لخويا
علي:بارك الله فيك ع تزليطه
نحنا:ههههههههه
بابا:لا ما نبش نتعب حد
انا:بابا نبي نمشي معاكم
بابا:لا سلم بنيتي عندك امتحانات
احمد:وتسيبني انا يا طشه
انا:احمد خيرلك اسكت
احمد:تبي تضربي يعني
انا:بابا ادويله
بابا:احمد سيبها وحي عليك تشكيلي منك
احمد:دلوعته باتها
انا:اها دلوعه شن دخلك
بابا:كان صبيت معاك تطلقي لسانك عاد
كلهم:ههههههههه
انا:نبي نفش غلي
ناصر:كان هضا توا نخذها انا نحطها عندي
انا:لا عمو توا نقاعد في حوش بس قبل نبي نمشي مع بابا
ريهام:توا نقاعد معاك انا
احمد:ايواه بيش ناخذ راحتي ونطلع من حوش مش تقاعد يا احمد تعال خايفه
بابا:صاح تخافي تقاعدي بروحك
احمد:بكل
انا:استر عليا شوي اختك راه
سمعنا باب يدق
علي:فتح باب خير عمي فوزي تفضل
فوزي:روح باتك
علي:اها جا توا
فوزي:انسكم
علي:الله يانسك
رجاله قاعدو في مربوعه ونحنا نديرو في غداء
عند عمر في محل رن فونه
عمر:دقيقه بس
سالم:خوذ راحتك
عمر:الو
بنت:بصوت دلع خير عموري
عمر:معلش من معايا
بنت:معقوله ما تعرفنش
عمر:اسمعي مش فاضي تبي تقولي من ولا نسكر
بنت:موده بنت عمك
عمر:اها موده من وين جبتي رقم
موده:كيف ولد عمي وعندي رقمك
عمر:اها شن حالكم
موده:الحمدلله انت شنجوك
عمر:تمام
موده: شن ادير
عمر:تبي حاجه مش فاضي توا
موده:اها نبي نجيك في محل امتي تقعد قاعد
عمر:تعالي كان ما لقيتنش تلقي شباب
موده:تبيني نشري من شباب وانت صاحب محل
عمر:يا موده انتي تعالي كان لقيتني باهي ما تلقينش شباب قاعدين قوليلهم انك بنت عمي
موده:تمام
عمر:باي
موده: باي
وسكر منها رن عليا
انا:عيوني
عمر:شن لي مفرحتك هكي
انا:بابا طلع اليوم
عمر:باهي الحمدلله ع سلامته
انا:الله يسلمك
عمر:صوت هرجه حذاك
انا:اها عندنا عيت عمي وعمتي لان بعد العصر بابا ماشي تونس
عمر:يروح طيب
انا:انشالله
عمر:ما نعطلش عليك ردبالك من روحك
انا:حتي انت ردبالك من روحك
عمر:روحي عندك
انا:نعلي نحبك
عمر:حتي انا
انا:نحكو بعدين باي توا
عمر:باي
عند ندى وسندس
ندي:نجيك بعدين نمشو لرهف
سندس:توا مشوف ونقولك
ندي:تمام
سندس: انضني باتها ماشي اليوم
ندي:اها ربي يشفيه
سندس:انشالله
ندي:خلاص ردي عليا
سندس:حاضر باي توا
ندي:باي
روح عمر للحوش لقاهم يتغدو
عمر:ما تستنوش بكل
سندس:عقبتلك في مطبخ
سعاد:طولت اليوم
عمر:كنت في محل وبعدها حطيت سالم في حوشهم
محمد: شن قالوله محمد
عمر:اسبوع جاي قال نفكلك جبس
محمد:باهي تمام
عمر:ولقيت عمي ناصر في مستشفي عند خوه مريض
محمد:انا نقول له يومين مش باين
سندس:اها اسمه مصطفي بات صحبتي
عمر:قصدك رهف عمها ناصر جارنا
سعاد:من رهف ومن وين تعرفها
عمر:اه استك
سندس:مره وصلنها معنا
محمد:مصطفي مريض لاحول ولاقوة الا بالله طيبك مصطفي سندس:نبي نمشيلها بعدين
سعاد:لا خليها بكري نمشي انا وياك
سندس:باه
رنت سندس ع ندى قلتلها مش ماشيه لان تبي تمشي هيا وامها
عندنا في الحوش تغدينا وكسدنا اذن العصر وجا وقت ماشيت بابا
انا:ح نرايف عليكم بذات انت يا بابا
بابا:خلاص بنيتي مانبش نشوفك تبكي توا ندير عمليه ونروح
ماما:ديري بالك ع روحك وع احمد
بابا:واقري نبي نروح نلقاك ناجحه
انا:حاضر
علي:حبيبت خوها تعالي نبيك
انا:نعم وخذاني علي لداره
علي:اسمعيني غلاي نبيك كيف ما عرفتك قويه وما تبكش قدام باتي بيش ما يقاعدش مشغول عليك توا نديرو عمليه ويروح طيب نوعدك ح يروح خير من قبل وردبالك من قريتك شدي حيلك سنه هذي ومزال سنتين ونشوفك دكتوره وردبالك من ريهام نين نجي
انا:انشالله
علي:امسكي هذين
انا:شن هضا لالا عندي فلوس
علي:امسكي راه خيرلك
انا:جعني ما نفقدك
علي:ولا نفقدك وطلع
ريهام:ونحنا
علي:انتي شن
ريهام:ح نرايف عليك
علي:تعرفي
ريهام: شن
علي: نحبك
ريهام: قديمه
علي:حتي انا ما يطلع مني شي جديد
ريهام وانا: هههههه
احمد:هيا يا علي
علي:هي ردبالكن من بعضكن
وطلعنا
بابا:احمد راك تزعل اختك
احمد:والله نبصر معاهم معزتها عندي ما يتوقعها حد
وطلعو وشالهم عمي بسيارته
انا:خشيت نبكي
جاني احمد
احمد:شن قلنا نحنا
انا:بابا يا احمد
احمد:حضني ح يروح خير من قبل انتي ادعي بدال ما تبكي
انا:انشالله
احمد:مسحلي دموعي ما نحبش نشوفك زعلانه ولا تبكي انتي خيتي الوحيده
انا:باهي ليش تزعل فيا
احمد:لاني نحبك
انا:هههههه دوختني معاك
احمد:ايواه اضحكي هكي نبيك
انا:لو تقاعد ديما هكي
سمعنا جرس رن
احمد توا نمشي نفتح وانتي اطلعي مع عمتي عزيزه وفتحيه عيب يقولو طلعو هلها كرست في دار
انا:عارفه طالعه توا
واحمد فتح الباب لقاه
ندي صحبتي
ندي:هلا
احمد:اهلين
ندي:رهف قاعده
احمد:اها قاعده تفضلي
ندي:شكرا
خشت ندي واحمد جا يبي يطلع لقاه ندي مسكره عليه بسياره
ندي:سلام عليكم
نحنا:عليك سلام
انا:اهلين حبيبتي تفضلي
ندي:سلمت عليا وسلمت علي فتحيه وعزيزه وريهام ودعاء
انا:شنجوك
ندي:الحمدلله انشالله لاباس ع باتك ويارب يروح طيب
انا:انشاءلله يارب
ندي:قبل تبي تجي معايا سندس بعدها قالت تبي تجي هيا وامها لانها تعرف مرات عمك وجرتهم
ريهام:اها عيت عمي محمد
رهف:تعرفيهم نسيت بكل مره قلتها ليا سندس قالت انها جرتكم
ريهام:حتي هيا ما قلتهش ليا بكل
رهف:باهي شنجو الجامعة
ندي:اسبوع جاي الامتحانات
انا:ما تخطرش عليا كل ما نذكر نضايق
دعاء:توا تمشي صدقيني
انا:انشالله
احمد:رهف تعالي دقيقه
انا:هي نعم
احمد:نبي نطلع وصاحبتك مسكره عليا
انا:مشيت ندي احمد يبي يطلع وانتي مسكره عليه
ندي:اها اسف توا نطلع نحولها
انا:لا عطي مفتاح توا يحولها بروحه
ندي:باه
انا:امسك مفتاح حولها وجيبه
احمد:تعالي باهي
طلعت مع احمد حول سياره وعطاني مفتاح خشيت نهدرز مع بنات وكل مره جايتنا وحده
عند عمر طلع من حوش ركب سيارته رن فون
عمر:نعم
موده:وين قاعد عموري
عمر:طالع للمحل
موده: تمام
عمر:باي وسكر
عمر في نص طريق رنت عليه موده
عمر:نعم
موده: عموري نتعبك تقدر تجيني نمشي معاك
عمر:كيف ما فيش من يوصلك
موده:لا والله كان ماتبش خلاص
عمر: توا نجيك وتي روحك
موده: حاضر
طبعا موده تبي تقرب من عمر زايد ناقص
عمر:الو
موده: ايوه
عمر:قاعد قدام الحوش انا
موده: هيا طالعه
طلعت موده
موده: معلش نتعبك
عمر: لا ولايهمك
موده: تسلملي ياولد عمو
عمر: سلمك
الكاتب:Arhima Alagory
نحنا في الحوش سمعت باب يدق فتحت لقيت عمي روح
انا:تفضل عمو
ناصر:لا نبي نمشي
انا:طلعت طياره باهي
ناصر: من امبدري اكيد قريب توصل
انا:تمام
ناصر: شوفي عزيزه كان تبي تروح قوليلها هيا
انا: خليك مزال بدري
ناصر: والله تعبان نبي نروح نرقد بكري توا نجيكم
انا: شوي بس نشوفها لك
خشيت
انا:عميمه عزيزه قالك عمي ناصر تمشي
عزيزه: لا قوليله مزال بدري
انا:باه
طلعت لعمي
انا:قلتلك مزال بدري
ناصر:معنها خليها تروح مع احمدبعدين ولا عيت فوزي
انا:باه
طبعا عمر خذا موده للمحل وشرت لي تبيها وروح بيها ورد للمحل
نحنا روحت ندي وروحن الصبايا وعمتي فتحيه وعزيزه روحن مع فوزي قعدت انا وريهام ودعاء طبعا هلي وصلو لتونس ورن علينا علي قال وصلنا وخذينا شقه باتي الحمدلله ما تعبش من سفر
انا:احمد طول يا بنات
ريهام:رني شوفيه
انا:رنيت عليه
احمد:افتحي باب في شارع قاعد
انا:باه طلعت فتحت باب
خش احمد درتله عشاء
انا:بعد تكمل كلمني توا نسغل سفره
احمد :نبيك شوي
انا:نعم
احمد: صاحبتك مرتبطه ولا حاجه
انا:لالا وسيبها في حالها
احمد:عجبتني البنت
انا:باه
احمد:نبي نتعرف عليها
انا:احمد انت كل يوم تكلم في بنت تبي تعرف ع صحبتي وبعد تسيبها شن موقفي قدامها بجو يا احمد فوتها
احمد:قتلك نتعرف عليها نشوف طبعها ونعرفها اكثر بلكي فيها نصيب
انا:وكان سيبتها وضحكت عليها شن موقفي انا
احمد:نوعدك مش ح يصير هضا كله
انا:باه ساهل
احمد: تحكي معاها ولا نشوف غيرك
انا:توا نحكيلها
احمد:نجكليا
مشيت للبنات
ريهام:وينك رحتي
انا:احمد مسكني يبي يتعرف ع ندي
دعاء:احمد يبي يتعرف ع بنت ويجيك انتي
انا:اها لانها صحبتي
رن فوني لقيت عمر
انا:توا نجكين هدرزن بصوت واطي بس
رديت ع عمر:الو حبيبي
عمر:شنجو عيوني
انا:بيك احلو غزالي
عمر:ليش ماقلتيلي ان عمك ناصر
انا:والله نسيت بعد نسمع صوتك ننساه دنيا
ريهام:اووو هضا كله
انا:اسكتي
عمر:نعلي انا
انا:بابا وصل تونس
عمر:اها شفته امبدري في مستشفي
انا:شن ادير انت في مستشفي
عمر:سالم عند مراجعه
وهدرزنا شوي وسكرت هدرزت مع بنات ورقدنا
ثاني يوم فوني يرن
انا:الو
عمر:امشي للجامعه هيا
انا:غير وعي اختك قبل
عمر:قاعده تفطر اختي هيا صبي
انا:باهي سكر
عمر:نحبك
انا: حتي انا
ونضت فطرت ورنيت ع علي عطاني بابا وماما وقالو ماشين للدكتور بعادها احمد وصلني انا للجامعه وبنات كل وحده في حوشهم
انا في جامعه نزلت لقيت سندس وندي
انا:بنات
ندي:حبيبتي اهلين
سندس:نورت جامعه مرات خويا
انا:بنورك غلاي
ندي:كيف حال باتك
انا:اكويس اليوم موعد دكتور
سندس:انشالله يروح طيب يارب
انا:انشالله
خشينا حظرنا المحاضره وطلعت كسدت مع بنات بعدها حظرت محاضره اخره وروحت مع ندي وسندس قعدت ترجا في باتها
في طريق
انا:طلع في واحد معجب بيك
ندي:من
انا:احمد خويا
ندي:ههههه تحكي جد
انا:والله ويبي يتعرف عليك
ندي:بس انتي عارفه طبعي يا رهف
انا:عارفه
ندي:شن قالك
انا:قال عجبتني نبي نتعرف عليها اكثر وجو هضا
ندي:اها
انا:خلاص فوتي
ندي:لا حتي انا فايته موضوع
انا:نحكو بعدين
ندي:تمام باي
خشيت ولميت حوش رن عليا احمد
انا:الو
احمد:ما ديرش غداء جبت واتي
انا:نجكليا ياريت ديما هك
الكاتب:Arhima Alagory
رن عليا علي
انا:نعم
بابا:شنجو دكتورتي
انا:بابا مرايفه عليك
بابا:مشيتي جامعه
انا:اها مشيت وروحت
بابا:بتوافيق انشالله
انا:انشالله
بابا:مشيت للدكتور انا
انا:شن قالك
بابا:بكري انشالله العمليه
انا:انشالله تروح طيب يارب
بابا:انشالله نحكو بعدين اكيد تبي تغدي
انا:صوت احمد جا توا
بابا:شنجوه معاك
انا:انسان اخر مش احمد القديم
بابا:ربي يحفظكم لبعضكم
انا:ويحفظك لنا
بابا:انشالله
وسكرت
احمد:باتي هضا
انا:اها
احمد:كلمني امبدري
انا:شن جبت جعانه بكل
احمد:بيتزا
انا:نعلي هيت
احمد:بشويش
انا:جعانه
احمد:حكيتي لصحبتك
انا:حكيتلها وماتبش تعرف
احمد:عطيني رقمها
انا:احمد كنك
احمد:والله نبي نحكي معاها بس كان ماوفقتش خلاص
انا:باه توا نعطي لك
عند عمر
سعاد: بعد العصر نبيك تشيلنا لعيت خوه ناصر
عمر:باه
سندس:بصوت واطي يافرحتك انشالله نمشولهم نخطبو
عمر:انشالله
سعاد:كنكم
عمر:شي نبي نرقد توا
انا في دار نقرا رن فوني لقيت عمر
انا:عيوني
عمر:ريفت ع صوتك
انا:حتي انا مرايفه عليك
عمر:توا نجيك في جامعه
انا:بكري عمليته بابا مش ماشيه
عمر:ربي يشفيه
انا:انشالله
عمر:اليوم امي وسندس يبو يجوكم
انا:يشرفونا
عمر:نبي نرقد توا نحكو بعدين
انا:باه باي ونحبك
عمر:نحبك وباي
اناقريت عند اذن العصر لبست وصليت العصر ودعيت ربي يشفي بابا ويروحلي طيب سمعت جرس رن طلع احمد فتح بابا طلعو عيت عمتي فتحيه طلعت سلمت عليهم شوي جو عيت عمي ناصر وقعدنا نهدرزو رن جرس طلع احمد
احمد فتح باب لقهم عيت عمر احمد وخر من باب خشت سندس وامها
احمد:هي تفضل يا عمر
عمر:والله نبي نمشي
احمد:تفضل حتي قهوة بس
عمر: باهي وخش للمربوعه سلم ع ناصر وفوزي وقاعدو يهدرزو
الكاتب:Arhima Alagory
انا:اهلين
سندس:هلا
انا:انستي
سعاد:خير يا بنيتي لاباس ع باتك
انا:ماتشوفي باس
سعاد:خير يا عزيزة
عزيزة:مرحب جراتي انستي
وقعدنا نهدرزو
عند موده
موده:والله ما نهنيها وناخذ منها
مروه:اختها توام حرام عليك لو انتي مكانها شن اديري
موده:هو ولد عمي انا
مروه:لو يبيك راه دولك
موده:توا تشوفي شن انديرلها
مروه:ربي يستر منك انتي
عندنا عيت عمر روحو بس عمي وعيت عمتي باتو معانا انا ما رقدتش بكل حكيت انا وعمر شويه بعدها قعدت ندعي ربي بابا يروح طيب
ثاني يوم
رن فوني
انا:الو
بابا:بنيتي شنجوك
انا:تمام وانت
بابا:الحمدلله
انا:شن صار
بابا:نحبك انا وكان ما روحتش سامحيني كان قصرت معاك
انا:قعدت نبكي انت ح تروح يا بابا وترد كيف قبل
بابا:انشالله
انا:بابا نحبك
بابا:ربي مايحرمني منك
انا:ولا يحرمني منك
بابا:ردبالك من روحك
انا:قعدت نبكي
بابا:كان تحبيني بلا بكاء
انا:باه
بابا:نشوفك ع خير
انا:انشالله
وسكر بابا وانا قعدت نبكي ونحكي ياربي احفظلي بابا يارب ماتحرمني منه مزالت بحاجته خشو عليا كلهم قعدو يسكتو فيا
في تونس
بابا:اسكتي يا فرحتي عليش تبكي
ماما:ربي مايحرمنا منك
بابا: انشالله نطلع طيب
ماما:انشالله
علي:كان برا ويبكي
بابا:عليوه
علي:خش نعم يا حاج
بابا:كان لا قدر الله ما طلعتش خوتك وامك امانه عندك وردبالك من رهف
علي:دوعه نزلن قول خير يا حاج
بابا:انشالله خير
جا دكتور
دكتور:جاهز يا حاج
بابا:انشالله
وخذو خش للعمليه
ونحنا قاعدين ندعو ونرن ع علي يقول مزال في عمليه بعدها قفل فونه
بعد4ساعات
طلع دكتور
علي:شن صار يا دكتور
دكتور:……
.
.
.
.