رواية صدفه جعلتني أدمنك
#الحلقةالثانيهوالعشرون
.
.
.
.
لا اسمح بنشرها بدون اسمي الكاتب:Arhima Alagory قراءة ممتعه للجميع
.
.
.
.
.
.
انا: ناكل سمعنا عياط طلعت نجري لقيتهم خذو بابا وطلعو بيه من مربوعه انا نبحت ونبكي بابا سامحني يا بابا وطلعو بيه خلاص اخره مره نشوف بابا في حوش طلع من حوش ومعش يرد ونبكي بعدها صبرت وهديت
قعدت مع بنات روحو من دفن
خش احمد جيته
انا:خلاص حطيتو وجيتو خليتو بروحه
احمد:يبكي الله يرحمه
انا:احمد انا من توا ريفت عليه وخش علي
انا:عليوه بابا تحت تراب توا
علي:ادعيله يا رهف الله يرحمه
انا:خشيت داري ونبكي
شوي لقيت فوني يرن مسكته فون و رقم لكن رقم منسوخ في راسي رقم عمر رديت عليه طول لان فعلا كنت محتاجه لعمر
انا:نبكي عمر
عمر:خير يا رهف عظم الله اجرك وربي يصبرك
انا:عمر بابا سيبنا
عمر:هضا امر ربي يا رهف وحدي الله وكلنا لها
انا:لا اليه الا الله
عمر:ساكت
وانا:الحمدلله ع سلامتك كيف حالك توا
عمر:تمام الحمدلله
انا:باهي الحمدلله
شوي دق باب داري خشت ريهام
ريهام:رهف في وحدات يبو يعزوك تعالي
انا:باهي لحقتك
انا:عمر نبي نسكر
عمر:تمام بس اسمعي
انا:نعم
عمر:ردبالك من روحك وخليك قوية هذا امر ربي وربي يصبركم
انا:انشاءلله
عمر:رهف انا معاك ومستحيل نسيبك
انا:شكرا وسكرت حسيت روحي احسن لما سمعت صوت عمر وطمنت عليه وطلعت للصبايا جايات يعزن
عند عمر
سالم:شنجوها
عمر:بنت وفقدت باتها شن يبي يكون جوها
سالم:ربي يصبرها هذي فرصتك بيش تردلها وتجبر كسرها
عمر:انشاءلله
سالم:توا نجي انا ماشي للحوش
عمر:باهي اربح
عندنا في العزاء
راجل:عظم الله اجركم
علي:اجرنا اجرك ع الله براك الله فيك
ناصر:هضا لي سعف باتك صاح
علي:اها هو
ناصر:لعيت من باين ان شاب اكويس
علي:مش عارف فوزي يعرفه
شوي خطم فوزي
ناصر:يا فوزي تعال شوي
فوزي:نعم
ناصر:راجل لي سعف المرحوم من
فوزي:اها جاري هضا
عندنا في حوش
جا ليل انا: خشيت دار بابا ومسكته صورته وقعدت نبكي خشت عليا ماما
انا:ماما بابا سيبنا
ماما:تبكي الله يرحمه يا رهف باتك نعرف اكثر وحده انا حبيته وحبني بعدها خذاني وعشنا احلي ايام وجنا علي بعدها احمد وانتي وكل هم يكبركم ويفرح بيكم قعدت ماما تبكي
انا:قعدت نبكي مع ماما بعدها طلعت لدار
لقيت علي وريهام مع بعضهم في الجنان
علي:غياب باتي كسرني ياريهام
ريهام:الله يرحمه وانت خليك قوي كيف مانعرفك هضا مكتوب من ربي الله غالب
علي:توا انا نبي نحمل مسؤليه
ريهام:انت قدها انا معاك وجنبك
علي:ربي ما يحرمني منك
ريهام:ولا منك
علي:خلاص خشي انا طالع
ريهام:وين ماشي
علي:ماشي لحوشكم بايت غادي
ريهام:باهي تبي حاجه
علي:لا سلامتك
ريهام:بعد توصل ديرلي رن وردبالك من روحك
علي:حاضر
وطلع علي وريهام خشت لداري
عند عمر
عمر:امشي تريح في الحوش يا سالم
سالم:كنك توزع فيا مليت مني
عمر:مش هكي بس هلك وحدهم يا راجل
سالم:ما يبي يصيرلهم شي وكان يبو حاجه يرنو عليا
عمر:مانبش نتعبك يا راجل
سالم:يا كلب كلام كبير هضا كنك هبل
عمر:نبصر راك تضربني بس باهي مدلي تلفون شوي
سالم:امسك
عندنا في الحوش
جت ريهام لدار لقتنا انا ودعاء
انا:علي وين بايت لي طلع توا
ريهام:عندنا في حوش
دعاء:عليك تعب
ريهام:بكل كرعيا خلاص
شوي رن فوني
انا:شوفي من يا دعاء
دعاء:رقم
انا:حسيت بيه عمر نهايته **
دعاء:اها تعرفيه
انا:جيبي ليا
خذيت فون ورديت
عمر:الو
انا:ايواه
عمر:كيف حالك توا
انا:الحمدلله انت كيف حالك شن صار عندك
عمر:تمام بخير
انا:في عقلي مرايفه عليك وين الغيبه هذي كلها
عمر:اكيده تعبانه ما نبش نعطلك بلكي تبي ترقدي بس حبيت نطمن عليك
انا:تسلم فعلا نعسانه وامس ما رقدتش
عمر:ردبالك من روحك وما ترهقش نفس فاهمه
انا:انشالله وسكرنا
ريهام: قصدك عمر
انا:اها عمر
دعاء:رديتو
انا:لالا بس اليوم كلمني عزاني
ريهام:اها عليش قلتيله شن درت وتسالي عليه
انا:اسكتي ما تخطرش عليا
ريهام:شن فيه
انا:امس عمر انضرب برصاص وقبل راح فيها وانا لي قوتني ان عمر عاش لو فقدت حتي عمر هي لي تقهر اكثر تخيلو روحت وانا نبكي وخايفه ع عمر ونشوف وفيه ميت لقيت خيمه وناس تبكي ع بابا مش تقهر يا بنات وقعدت نبكي وبنات يبكو
بعدها كل وحده رقدت وانا قعدت نفكر بعدها لقيت روحي راقده
الكاتب:Arhima Alagory
تسريع الاحداث كمل العزاء وعرب روحو وعيت عمي وعمتي يجونا
وانا نحكي مع عمر مره مره يعني هو يرن في ليل وصبح ويسال عليا وهكي وسبب سعادتي عمر تيمت نحمد ربي ان ماخسرتش
ومافيش اي احداث جديده طيلت ايام العزاء
بعد العزاء
انا كنت راقده عمر رن عليا ما سمعتش نضت لقيت رساله مكتوب فيها صباح الخير بعد تنوضي رني عليا رنيت عليه
انا:صباح الخير
سالم:صباح النور
انا:من معايا
سالم:انا سالم عظم الله اجرك يا رهف
انا:اهلين سالم اجرنا واجرك ع الله وين عمر
سالم:عمر طالع برا
انا:كيف طلع هو
سالم:لالا بس يبي يطلع قال مليت من مستشفي
انا:دكتور شن قاله
سالم:ما قال شي بس سالم يبي الخروج
انا:تمام بعد يجي عمر قول يرن عليا
سالم: باه سلام
وسكرت خشيت لحمام وتوضيت وطلعت نصلي كملت صلاة نسمع فوني يرن لقيته ندي
ندي:هلا غلاي
انا: اهلين ندوشه
ندي:شنجوك
انا:الحمدلله وانتي
ندي:تمام وينك لعند امتي معش تبي تجي للجامعه
انا:حاضر بكري توا نجي
ندي:توا مرات نجيك في العشيه
انا:نرجا فيك
وسكرت وحطيت فون نبي نطلع رن اخره
انا: عليك قصه مسكت فون لقيت عمر
انا:الو عمر
عمر:خير شنجوك اليوم
انا:تمام وانت
عمر:الحمدلله
انا:بس قولي كنك تبي تطلع
عمر:خلاص مليت
انا:مليت في حوشكم دكتور توا يقولك اطلع
عمر:قالي عادي دكتور اطلع
انا:لا اصبر ما صدقت انك نجيت عليش مستعجل
عمر:خفتي عليا
انا:سكتت واذكرت ان انا وعمر ما حكينش في حبنا ونحكو عادي
عمر:الو وينك
انا:نعم قاعده
عمر:خفتي عليا
انا:مش عارفه نبي نسكر توا نحكو بعدين
عمر:باه
وسكرت وطلعت لقيت ماما تفطر وحدها ?ايام كنت نلقاها مع بابا توا وحدها
انا:صباح الخير ماما
ماما:صباح الخيرات
انا:امتي وعيتي
ماما:ما ليا شي
شوي جا احمد
احمد:نهاركم سعيد
ماما:تعال قمعز هنا
احمد:وين علي
ماما:طالع من صبح عند شغل
انا:شغل شنو
ماما:مش عارفه
احمد:تبو حاجه انا طالع
ماما:سلامتك
وطلع احمد وانا وماما خشينا مطبخ وبعدها تميت نلم في الحوش نين اذن ظهر
عند عيت ريم اكيد اذكرتوها
ام ريم:هيا يا ريم صبي سعدينا اليوم جايين عرب يبو يخطبو اختك وانتي راقده
ريم:باهي يا ماما توا نجي
نور:خليها هذي مافيها فايدة
ريم:سكري فمك
نور:ارقدي مرقد
عند عيت عمر
دق باب حوشهم
سعاد:طلعت تفتح لان محمد مش قاعد وسندس في جامعه فتحت باب لقاته عمر وسالم
عمر:خير يا غاليه
سعاد:الحمدلله ع سلامه نورت الحوش
عمر:منوره بيك وخش عمر
سالم:جاب دبش وشكاير من سياره وخش سالم وعمر للمربوعه
سعاد:خشت للحوش جابت عصير
سعاد:تفضل يا وليدي
سالم: ليش تعبتي روحك ياعمتي
سعاد: مافيش تعب كابيه عصير هيا
سالم:تسلمي
سعاد:سلمك
عمر:عليك دلع
سعاد:انت دلعتك واجد
عمر:هكي هيا تمام
سالم:خلاص تبي شي رن عليا
عمر:وين بدري
سالم:والله نبي نمشي للحوش
عمر:تمام كان نبي حاجه نرن عليك
عند سندس وندي
سندس:عليك كساد
ندي:بكل رهف دايره جو
سندس:اها هيا كنها معش جت
ندي:انتي عارف لي صار معها
سندس:صاح واعره فقدت الاب
ندي:ربي يطول في اعمار جميع الاباء
سندس:انشالله وطلعت فونها ورنت عليا
الكاتب:Arhima Alagory
ماما:يا رهف فونك يرن
انا:طيح كرعيا
ماما:حطي جنبك
انا:رديت علي سندس
سندس:خيرات يا شينه
انا:خير سندوسه شنجوك
سندس:مرايفه عليك وينك
انا:قاعده
سندس:باهي امتي تنورينا
انا:بكرى انشاءلله توا نجي
سندس:باهي توا عندنا محاضرة نحكو بعدين
انا:تمام باي
وسكرت من سندس
سندس:قالت جايه بكري
ندي: اها قلتها ليا امبدري
سندس:هيا نخشو
ندي:هيا وخشو
عندنا في الحوش
علي:سلام عليكم
ماما وانا: عليك سلام
ماما:وينك في صبح
علي:طلعت شريت الكافي لي في شوكه شارع
ماما:اها عليش شريته
علي:صاحبه يبي يبيعه انا شريته
انا:ماما قصدها شن تبي ادير فيه
علي:توا تعرفو بس انا جعان
انا:اصبر يجي احمد نحطو
عند عمر
سندس:خشت ماما وينك
عمر:وانا ماحد يدورني
سندس:عمورتي انست ونورت الحوش
عمر:منور بيك كنك تعيطي
سندس:جعانه نبي ناكل
عمر:راك تكليني
سندس:لا ماتخفش
سعاد: جيتي تعالي غيري دبشك وسعديني
محمد:سلام عليكم
عمر:سلام
محمد:امتي روحت
عمر:امبدري
محمد:الحمدلله ع سلامتك
عمر:الله يسلمك
سندس:هيا تعالو تغدو
الكاتب:Arhima Alagory
عندنا في الحوش
ماما:هيا تعالو الغداء واتي
انا:هيا يا احمد علي
علي:هي
احمد:انشاءلله مش مكرونه
ماما:لالا
احمد:الحمدلله
علي:نعمه يا راجل
احمد:مافيهش جو بكل
انا:وحق الله صدقت
ماما:كولو انتو سكتين
علي:شريت كافي لي في شوكه
احمد:عليش شن تبي فيه
علي:نبيه لكي
احمد:هههه تحكي من جدك مش فاضي انا
علي:لا تفضي روحك
ماما:يا هبل خوذه ودير سيور ع حالك
انا:شن خاسره انت وشغل كافي تعرف وشاطر فيه كنت تشتغل فيه من قبل
احمد:من قبل فاضي
انا:حتي توا فضي روحك عندك مادير قرايه ماتندري عليها بكل
علي:ابدا فيه نين تصبي يقاعد مشروعك ناجح حط في واحدين يخدمو
احمد:توا نشوف
علي:عندك ما تشوف شريته انا توا اليوم نجيب واحدين يغير ديكور وبعدين تجيب لي تبيها وتوكل ع الله
ماما:ماتلطهش وتوكل ع الله
انا:هيا وافق بيش تجيبلي في ليل سنتر وجو ودلعني
احمد:هضا همك انتي خلاص توا نبدا فيه
علي:ع بركه الله
ماما:مبروك وربي يفتحها عليك
احمد:انشالله
انا:الحمدلله
وصبيت غسلت مواعين بعد ماكملو وخشيت داري خذيت فوني لقيت مكالمة من عمر رنيت عليه
عمر:وينك رايحه
انا:كنت نغسل في المواعين
عمر:ربي يعطيك صحه
انا:سلمك
عمر:شنجوك
انا:توا خطرلك تسال ع جوي
عمر:المهم سالت
انا:تمام جوي وانت
عمر:تمام مدامك تمام
انا:سكتت
عمر:تمشي للجامعة
انا:لالا بس بكرى نبي نمشي
عمر:توا نجيك
انا:لالا
عمر:كنك
انا:هك مانبش يصيرلك نفس المره لي فاتت
عمر:ماتخفش مايصير شي
انا:لا عمر ما عندك عليش جاي
عمر:نبي نشوفك
انا:ما تغيرتش انا مزلت كيف قبل
عمر:نبي نجي انا كساد
انا:في نبيه يجي لاني مرايفه عليه ومانبش يجي لاني خايف عليه
عمر:وين رحتي
انا:قاعده
عمر:توا نبي نسكر انا نحكو بعدين
انا:باه باي
وسكرت ورقدت
الكاتب:Arhima Alagory
احمد رن ندى
ندي:حبيبي
احمد:شنجوك عيوني
ندي:مرايفه عليك من العزاء معش شفتك
احمد:حتي انا والله مرايف عليك
ندى:نعرف لي يرايف يجي
احمد:والله ما فضيت بكل توا علي خذالي كافي يبني نفتحه
ندي:ربي يعونك حياتي المهم انك بخير نتحمل اريافك
احمد:توا بكرى نجيك تمام قليبي
ندي:نجكليا نرجا فيك
احمد:شن اديري
ندي:شي نحكي معاك
احمد:باهي شن تحكي
ندي:بكرى جيب معاك اختك بارده
احمد:توا نشوفها
ندي:لا مش تشوفها كرها كر معاك
احمد:حاضر
خلوهم يهدرزو وتعالو نمشو لعيت ريم
اذن العصر
ام ريم:خلاص العرب قريب يجو
نور:حي عليا خايفه
ريم: مايبوش يكلوك هم
ام ريم:بلا كلام فاضي امشي افتحي باب شكلهم العرب
ريم:باه وصبت فتحت الباب
ريم:اهلين تفضلو شرفتونا
ام راجل وخوته:تسلمي وخشو
ام ريم:خيرات كيف حالكم
ام راجل: الحمدلله
ام ريم:تفضلو
وخشو قعمزو
ام ريم:انستونا
ام راجل:بيك تم
ريم:كيفكم
بنات:الحمدلله وانتي يا عسل
ريم:الحمدلله
ام راجل:وين العروس
ام ريم:توا تجي
وجت نور جايبه قهوة
ام راجل:مشاءلله عليك ربي يحميك ويكتبك من نصيبه
نور:متحشمه تفضلي عمتي
ام راجل:نجكليا ربي يحفظك
نور:ابتسمت تسلمي
بنات:تهبل مرات خويا
نور:تسلمو تفضلو
ام راجل:تعالي قعمزي جنبي
نور:قعمزت جنبها
ام ريم:تسلمي وانشاءلله تفرحي ببناتك
ام راجل:انشاءلله
بنات:و انتي ياريم مخطوبه ولا لا
ريم:لا كنت مخطوبه بس ماتفهمنش
بنات:معقوله يسيب قمرة كيفك
ريم:نصيب الله غالب
بنات:ربي يعوضك خير منه
ام ريم:شن يشتغل ولدك ياحاجه
ام راجل:الحمدلله يشتغل عند معرض اثاث وبحوش واتي وخريج محاسبه
ام ريم:مشاءلله ربي يزيده
ام راجل:انشالله
وقعدو يهدرزو
الكاتب:Arhima Alagory
عند عمر
رن ع سالم
سالم:الو
عمر:تجيني ولا نجيك
سالم:وين طالع انت كنك
عمر:نبيك في موضوع
سالم:انشاءلله خير توا نجيك
عمر:تمام نرجا فيك
عندنا في الحوش
ماما:الباب يا رهف
انا:هي طالعه
علي:خليك توا نفتح انا
انا:الله يريحك
علي:فتح باب خير عمتي عزيزه تفضلو
عزيزه:شن حالك عليوه
علي:الحمدلله شن حالك انتي
عزيزه:الحمدلله
علي:هيا خش يا عمي
ناصر :دقيقه بس امسكي يا ريهام
علي:لا خليهن توا نشيلهن انا خشي انتي
ريهام:باهي يا حنون انت بصوت واطي
علي:ابتسم وشال شكاير ليش مخسر روحك يا عمي
ناصر:خشش وانت ساكت
علي:باه
انا:خيرات عمو
ناصر:احسن رهوفه شنجو
انا:الحمدلله
ناصر:شن جو جامعه
انا:ع خبر اكويسه
ناصر:قصدك ما تمشيش
انا:اهاا معش مشيت
ناصر:لا رهوفه ابدي امشي من بكرى
انا:حاضر عمو
علي:ديريلنا قهوة
ناصر:وين احمد
على:خذيتله الكافي قاعد فيه جايب واحد متاع ديكور
ناصر:باهي مشاءلله
علي:نشربو قهوة ونمشوله
ناصر:باهي
شوي دق باب
علي:هي فتح باب لقها عمتي فتحيه ودعاء تفضلو
فتحيه:شن حالك علي
علي:الحمدلله وانتي
فتحيه:بخير
فتحيه :خير يا ناصر كيف حالك
دعاء: شنجو يا استاذ علي
ناصر:الحمدلله وين فوزي
علي:تمام يا ابله دعاء
فتحيه:قاعد برا توا يخش
فوزي:سلام عليكم
علي:سلام تفصل عمي فوزي
فوزي:كيف حالكم
ناصر:الحمدلله
انا:تفضلو هذي قهوة
فوزي:تسلم دياتك يادكتور
انا:عمو فوزي شنجوك
فوزي:الحمدلله
انا:تبو حاجه اخره
ناصر:سلامتك
انا خشيت
انا:شنجوكن يا كلبات
ريهام:مكسده
انا:والله نوريكم معش شفتكن بكل مفروض تقاعدو معايا
دعاء:والله مانفضا انا
ريهام:صاح شريكات عندها نسيتيهن
انا:والله نسيت حبيبتي ربي يعون
دعاء مكسدات انتن
الكاتب:Arhima Alagory
عند عمر
سالم:الو هيا اطلع
عمر:هي
طلع عمر ركب مع سالم
سالم:نعم شن تبي
عمر نبي واحد يبيع في سلاح
سالم:شنو
عمر:لي سمعته اطلع توا
عند رجاله طلعو ومشيو للكافي
ناصر: مشاءلله واسع وموقع سمح
فوزي:الله يبارك ربي يفتح عليك انشالله
احمد:انشالله
علي:شن صار في ديكور
احمد:طلع توا راجل قال بكرى يبدا
علي:باه تمام
عند عيت ريم
روحو العرب
نور:شن رايك فيهم
ام ريم:مشاءلله باين ناس محترمه
ريم:شكلهم حتي حلتهم اكويس شوفي تورتة لي جبوها ودبشهم والله صبرتي ونلتي يا فرخه
نور:قولي مشاءلله
عندنا
ريهام فتحت دلاب شنو هذي
انا:واااااو ما قدمها
دعاء:شنو
انا:شكلاطة من عمر عطها ليا قبل ما يتوفي بابا الله يرحمه
ريهام:مقدمك
دعاء:بس مزالت ماسكه روحها
ريهام :حتي هو ذوق عموري
انا:بردات
شوي رن فون دعاء
دعاء:الو
متصل:……
دعاء:حي عليا تحكي جد امتي
متصل:……….
دعاء:وين مستشفي
متصل:……..
دعاء:باه وسكرت ياربي
انا:كنك يا فرخه
دعاء:…….
.
.
.
.
.