رواية روح الصخر الجزء التانى للكاتبة روان محمود

روح الصخر 2.الحلقه الواحد والعشرون

لاتعلم روح تلاحقها من اي جهه من صخر الذي سيتزوج ولاتعلم هذا خير او شر لها لاتعلم تحبه او تكرهه تريده ام لا
تفكر فيه ام في اختها لاتعلم هي في دوامه ليس لها اول من اخر

روح.همسه عايزه اسمع كل حاجه منك من غير كدب مش عايزاكي تخبي حرف عشان لو خبيتي صدقيني مش هتلاقي حد يقف لجوزك حتي انا هسيبك عشان لما تخبي عليا حاجه تخصك انا بحاول ابعدها عنك عشان مصلحتك
يبقي متستاهليش اللي بعمله عشانك

همسه.والله ياروح الموضوع ده قديم ومش عارفه ايه اللي فتحه تاني تقريبا عشان فهم اني ممكن اسيب مراد
روح.همسه من غير والله ومش عارفه ايه وحلفان قولي كل حاجه من الاخر بوضوح

همسه.بصي ياروح احنا من واحنا صغيرين وانتي بعدانا عن عيله بابا من غير ماتفهمينا السبب مبتحبيش حد يجيب سيرته قدامه وبتحاولي تكرهينا فيه وتقوليلنا انه اتخلي عنا مع اننا كنا عايشينن معاه لحد مامات بعد ماما بسنه
واحنا حاولنا كتير نفهم منك كنتي تزعقي من غير ماتتناقشي معانا وتقولي محدش يقول عليه بابا صح

روح بالم وغضب.ايه الي فتح الموضوع ده دلوقتي مش. كنا خلصنا منه من زمان
همسه .اهو انتي دايما كده هو انتي هتخسري ايه لو فهمتينا ماجايز نبقي معاكي
دايما كده مابتسمعيش لحد غير نفسك
روح.همسسسه اقفلي الموضوع ده

همسه .لا مش هقفله ياروح لان ده اساس الموضوع كريم طول عمره بيعاملني كويس انا واخواتي عمرنا ماشوفنا منه حاجه وحشه ابعد عنه ليه عشان ده حاجه انتي مش عايزاها بس ده مش سبب مقنع
روح بصووت عالي .تبعدي عنه عشان انتي واحده متجوزه وعشان مفيش حد من اخواتك ع اتصال بيه الا انتي وده ليه عشان بيحبك انتي مش بنت عمه وخلاص وانتي فاهمه ده كويس

همسه.ايوه فاهمه ده كويس بس فاهمه برده انه هو الي وقف جنبي ساعه ماكنت محتاجالك وملقتكيش ساعه ماكنت محتاجه لاي حد منكم ومكانش حد جنبي كنت بعيط بالساعات وكنت مقهوره من اللي مراد عمله ومكنتش لاقيه حد احكيله حتي انتي موبايلك كان مقفول اعمل ايه يعني كنت هموت
روح.وانا اعمل ايه هو كل حاجه روح روح اموت نفسي يعني مانا كنت مضروبه بالرصاص هو انتم كلكم كده مبتفكروش الا فنفسكم

وبعدين من امتي احتاجتلي وملققتنيش جنبك هي مره واحده عشان ككنت مضروبه بالرصاص ابقي كده قصرت وده يديكي الحق تكلمي حد غير جوزك

ده مش سبب مقنع وبعدين ايه كلكم عندكم ظروف وانا تحت امركم طول الوقت احللكم مشاكلكم وبس عمر ماكان عند ظروف لازم اكون متاحه اربعه وعشرين ساعه فاليوم لاما تتحججي بعدم وجودي وتقولي عملت كده عشان مكنتيش موجوده
همسه.انتي الي عودتينا كده اول حد نحكيله هو انتي اول حد نشتكيله ونحتاجله برده انتي انتي اللي ناخد ماشورتك عشان بتقولي انك اكتر واحده بتحبينا وبتخافي علينا دلوقتي بتعاقبيني ع حبنا ليكي واعتمادنا عليكي

روح .انتو الي بتعاقبوني عشان انشغغلت عنكم يوم جيت لقيت حياتكم كلها بايظه وانت السبب ليه مليش حق يبقالي حياه زيكم بتعاقبوني اني غبت يوم مش بارادتي كنت بين الحياه والموت

كانكم اتعودتوا تاخدوا كل حاجه متعودتوش تدوا حاجه
همسه .ببكاء.انا اسفه مش هعتمد ع حد تاني ع الاقل كريم مقاليش كده

روح تجري عليها وتأخذها باحضانها.عشان كريم مبيحبكيش قدي ياهبله وبعدين كريم مين ظه ياهبله ده احنا كنا بتحدفه بالطوب واحنا صغيرين
لتضحك همس من قلبها بينما روح ترسم ابتسامه مهزوزه

همس.طب هعمل ايه ياروح مع مراد مش عارفه اتصرف ازاي وايه الصح
روح .انتي عايزه تتصرفي ازاي لسه بتحبيه وعايزاه ولا كرهتيه زي ماقولتيله
همسه.لابحبه طبعا وعايزاه بس مش قادره اسامحه ع اللي عمله كل مافتكر منظره معاها ازعل اوي وابقي عايزه اولع فيهم هما الاتنين

روح.خلاص يبقي نربيه شويه الاول وبعدين ترجعيله نعلموه الادب شويه
لتضرب كف ع كف مع اختها وتقول
همس.نعلموه الادب ياريا
روح.ماشي ياسكينه بس مفيش حاجه تتعمل من ورايا وكلميلي الزفت كريم اما اشوف الواد اللي بتقولي عليه طيب ده اخرته ايه

همسه بعدم تصديق.بتكلمي بجد ياروح عايزه تشوفي كريم
روح بضحك ع حال همسه.لا بهزر معاكي متكلمهوش خلاص بلا ش قرف هو وعيلته
همسه.لا لا خلي خلقك استرتش كده ياروح
روح.استرتش ولا قميص اخلصي

تذهب همسه لتتصل بكريم
وتذهب روح الي موجه
روح .وانتي ياست موجه ايه الي مخليكي مشرفانا عملتي ايه فالراجل الطيب الي غلبان معاكي جيالنا بانهي مصيب
يلا انا جاهزه عشان اسمع المصيبه التالته انا فرهدت منكم خلاص

موجه.انا معملتش حاجه والله اسر هو الي فمصيبه
وانتي الوحيده الي تقدري تساعديه بعد مارائد اتصاب
روح .مش فاهمه ايه علاقتي وعلاقه رائد بالموضوع وعمل ايه واقدر اساعده ازاي وساكته كل ده وانا فايدي حاجه انطقي

تقص عليها كل الموضوع بدايه من د.دينا وعمر ومحاوله دخول مكتب ااسر ثم توريط اسر قي شحنه السلاح
روح.وانتي ازاي ساكته كل ده وسايبه جوزك فالسجن ومتكلمتيش ونمتي وضحكتي

موجه.اعمل ايه يعني اموت نفسي مانا كنت جايه اصلا هنا عشان اقابل ورد واحكيلها واخلي رائد يساعدني لقيت ورد متحانقه معاه وانتي مبتروديش
روح.انتي كمان بتقوليلي مبتردويش
افضل معاكم خمسه وعشرين سنه فاتحه موبايلي ومعاكم كل ثانيه واول ماغيب يوم واقغل موبايلي مصايب الدنيا كلها تحصل وامه لااله الا الله تكلمني

همسه.ههههه معلش هو كل الشعب المصري كده يفضل طول عمره مامحدش يعبره الا فودافون وموبينيل
واول مايقفل موبايله فجاه يبقي الشعب المصري كله اتصل عليه وكان عايزه

روح بامتعاض.انتي بتتريقي اخوات تشل
موجه.قال يعني انتي الي عدله يابنتي ارحمي الراجل بقا الراجل بار جنبك وعنس

روح .راجل مين
موجه.مش عليا انا والنبي الحبتين دول صخر صخوره ياروح بزمتك ماوحشكيش
روح.وحش اما يبقي يلهفه لا موحشنيش الراجل الشايب يقولي هتجوز بدل ميراعي سنه ويتجوز مراته الاول عايز يتجوز عليا

موجه.هههه سن ايه ده صخر ده مز وربنا لو ماكنت حبيت اسر لكنت خطفته منك
طب انتي لو متعرفيش سنه تديله كام سنه
رروح بامتعاض.اديله خمستاشر سنهاشغال شاقه مع الشغل والنفاذ البعيد
موجه بضحك ع حاله روح .
وانتي كنتي عايزاه يتجوزك الاول

روح بانكار.لا مش كده بس انا روح محدش يتجوز عليا وبعدين البت اخت رائد دي انا سوفتها قبل كده بس مش عارفه فين حاسه شوفتها اكتر من مره
موجه.ههههههه انا مش عايزهه اخبي عليكي تقريبا ايه تبقي صاحبتي دي عسل دي هتبقي دره مسخره والله هتحبيها
تخلع شبشبها وتقذفها به.

صاحبتك طبعا هو انتي يجي من وراكي غير الهم
موجه.هههه سيبك من ايه وجو العشق الممنوع ده دلوقتي
مين اللي علمك تحدفي الشبشب كده انتي مكنتيش بتعملي الخركه دي وبعدبن انتي مش طايقه صخر انا هتصرف ازاي هسيب الراحل كده محبوس ده ايه البخت المنيل ده
يوم مايتحبش اجواز اخواتي الاتنين ملقيهمش

روح.لواحظ هي الي علمتني ربنا يكرمها تصدقي جبتيلي حته فكره خلاص انا هكلم لواحظ تكلم صخر عشان حوزك وهروحلها كمان لو لزم يس وهو مش موجود انشالله
يطمر بس
همسه.بجد ربنا يخليكي ليا ياروح احنا لينا مين غيرك يعني داحنا من غيرك نضيع
روح.ماشي ياختي

قامت بالاتصال بلواحظ ولكن قبل ان ترد خطفت منها موجه الهاتف واغلقت المكالمه

موجه.استني انا نسيت اقولك ع حاجه مهمه
روح.قولي يااخره صبري
موجه اسر اتصل بيا وقالي ان رائد كلمه قبل مايتصاب وقاله انهم لو قبضوا ع الراجل بتاع القضيه بتاعتك انتي وصخر تاحر السلاح اللي فمصر هتبقي قضيته اتحلت وهيصدقه انه مظلوم لانه بنته هي الي دبست اسر فالموضوغ ده اللي هي دينا الي حكتلك عنها

روح.لا ياراجل هو الراجل ده ورانا ورانا
طيب سبيلي المموضوع ده انشالله تروحي معاه لبيتكم بكره متقلقيش
موجه بابتسامه حالمه.يااارب ياروح

قامت روح بمهاتفه لواحظ وهي تجلس مع صخر وايه
لواحظ.ايه ده روح بتتصل بيا غريبه اول مره ياتري حصل ايه
صخر بتركيزز.طب ردي اما نشوف
لواحظ.ايوه ياروح ازيك ياحبيتي عامله ايه
روح.كويسه ياماما الحمد لله
كنت عايزاكي فموضوع كده

لواحظ بصوت عابي يسمعه صخر وايه
لواحظ.موضوع ايه ياحبيبتي
روح.بصراحه جوز اختي اسر صخر عارفه متورط فقضيه كده وعايزاكي تكلمي صخر هو الي يحقق معاه بدل رائد
هو اصلا قضيته تعتبر خلصانه

لواحظ بصوت عالي ومكر.اه يعني انتي عايزاني اقوله ع القضيه
بتاعه جوز اختك طب ماتقوليله انتي
ليضحك صخر ع هذه العجوز الماكره
روح.لا معلش انتي افضل مني هو جنبك
ليشاور لها صخر بان ترد بالسلب
ولكن لاتسمع له والدته

لواحظ.اه جنبي ياحبيتي تاخديه
ليصفح صخر خديه ع تصرفات لواحظ
روح.لا لا خلاص ابقي قوليله بس
لواحظ.طب ماتيجي تقعدي معانا بكره وتقوليله. انتي واهو اشوفك انتي وحشتيني مش كنتي وعدتيني تجيلي

يخطف صخر من والدته الهاتف
صخر بخشونه.لا ياانسه روح متجييش خلاص موضوع اسر انا عرفته من رائد معلس متجييش بكره في مناسبه عائليه ميتهياليش ينفع تبفي موجوده فيها مش هتتبسطي ولو ع اسر هشوف ايه اللازم

روح.صخر صخررررر
ليغلق الهاتف بعد ان القي هذه الكلمات باذنهاوهو لايستطيع ان يكبح زمام ضحكاته اكثر من هذا

لواحظ.ليه كده يابني
صخر.سبيني يالواحظ اعرفها مين صخر اربيها شويه
ليكمل كماته وصحكه خبيثه فرحه تعلة شفتيه.اهلا بيكي باروح فملعبي اخيرا فوقتلك
بس استحملي بقا

صخر.ايه لازم تبقي موجوده بكره من الصبح ماشي
ايه.قشطه ياباشا والله البت دي صعبانه عليا صهر حطها فدماغه ايه الي عملته فحياتها اسود عشان تتجوزك
صخر.غوري يايه يلا روحي بيتكم اطلعي بره
ايه وهي تجري الي لواحظ.يرضيكي كده ياطنط بيطردني من بيتك

وانا الي عايزه اساعده
لواحظ.معلش يابنتي انا عارفه ايه الخلفه السوده دي
تعالي متزعليش
لتقترب منها لتهمس لها لواحظ
لواحظ.ده لسه الكوافيل بتاعه جوه وغسلاها وزي الفل الكوافيل دي زي البامبرو بس بتاعه زمان
انا عارفه بيتأمر علينا ليه معلش يابنتي

لتضحك ايه ع ما تقوله لواحظ
ايه.دايما فاضحه الناس كده الحمد لله انك متعرفيش حاجه عني
لواحظ بامتصاصص لشفتيها تعكما واستخفافا بكلامها .
معرفش عنك حاجه ده هديه مبتخبيش عني حاجه بأماره الحيطه اللي كنتي بتطلعي عليها زي القرود
اقول كمان بأ ماره ابن الجيران اللي قفشتك بتقوليله هات بوسه وانتي صغيره اقول كمان

لتضع ايه يدها مكممه لفم لواحظ حتي لاتنطق بالمزيد من الفضائح
ايه .كفايه كفايه انا اسفه دانتي المفروض يتباس ايدك كل يوم عشان متفحنيش
اوعي تقولي لحد دانا بنتك حبيبتك
لواحظ ببراءه.انا اقول لحد لاااا عمري متخافيش

ايه في سرها.والله انا نبخاف الا منك انتي ربنا يستر
ايه .يلا انا همشي بقا
لواحظ.سلميلي ع امك
ايه.ههه اسمهامامتك مش امك الله
لواحظ.غوري يايه بدل ماقول ع بقيت حكايات ابن الجيران
ايه.لا لا انا اسفه مالها امك دي جميله

لتجري خارجا تدعو ربها الا تفضحها لواحظ فهي تمسك مستندات بل عاهات ع كل فرد كأمن الدوله بل اخطر
فهي الست ليست بالعاديه وانما موسوعه معلومات لاتنياها باالرغم من فقدان الذاكره للاشياء الحديثه الا ان الاشياء القديمه عالقع في ذهنها كالعنكبوت

موجه .ايه ياروح قولتيله
روح..سبيني فحالي ياموجه انا داخله انان
موجه باندهاش .تنامي
لتدخل روح غرفتها تجلس وتفكر في كلامه مامعني حدث عائلي لايجب حضورها بخ هل سيتزوج عليها غدااا لا لا لن تسمح له بهذا فليطلقها اولا والا لن تتركه ليتزوج بثانيه
ولكن مالحل لو طلقها ليتزوح بايه خل سيسعدها هذا لا لا تعلم

تجد همسه تدخل عليها
همسه.كريم بره ياروح تعالي قابليه يلا
روح بمزاج سئ.انا مليش مزاج
لتسمع صوته من الخارج صوت رجولي يتخلله المرح
كريم.لا ملكيش مزاج ايه. والله لدخلك انا مش معقوله دانا مشوفتكيش من وانتي عندك خمس سنين دانا مصدقت اطلعي ياست روح بقا طلعتي روحنا كلنا

روح.طالعالك يابو لسان طويل
طلعت روحك
تخرج روح اليه
روح بنظره تتقييم لكريم ولشخصيته .ازيك ياكريم
كريم.لا لا ايه المزه الجامده دي لا مدام فيها ازيك ياكريم داحنا نقعد بقا
لتضحك روح بقوه ع غزله لها وع خفه دمه فهي قد تعايشت مع صخر لفتره طويله مما اكسبها بعض الجمود والكآبه

روح.هههههه دمك خفيف زي ماقالت ولسه لسانك طويل زي ماكنت صغير
كريم بمرح. دمك خفيف كمان لا دانتي بتعاكسيني بقا هاتي ياهمسه للب والفشار وشغليلنا فيلم حلو نسهر وحشتني القعده دي منك لله ياشيخه منعتيني عنكم من غير سبب
كشفت راسي ودعيت عليكي ياشيييخه
ليقول هذا الكلام بنبره مضحكه كالست العجوزه

روح بضحك لا تقدر ع احتماله.هههههه خلاص خلاص انت هتولول هههه
موجه.ايه ده كيمو واحشاني
كريم.موج تعالي تعالي انا جايب مسرحيه العيال كبرت محملها ع فلاشه نتفرج عليها كلنا بس اعملي شاي الاول اعملي بلوقمتك
موجهه..ههههه انت جاي تتقمر فبيتنا اقرع ونزهي

كريم.يلا يابت انجري انا اكبرمنك بشهرين ياكلبه
منوره يابله روح
روح بضحك.ابله فعينيك ياحمار ده هيا سنه
روح.ولا انا هعوزك فمشوار معايا بكره
همسه.وانا كمان عايزخ نكمل الخطه بتاعتنا
كريم .ياجماعه بر احه واحده واحده احنا مش فاتوبيس ياكلاب
ليضحكوا جميعا بمرح

روح بخبث.كريم كلم مراد قولوا ان انت عندنا وكسبت همسه وهتجوزها مش هوصيك وانتي ياهمسه اديلو ا الرقم خلينا نتسلي مع لعيال كبرت
كريم.منكم لله هتجيبوا اجلي ده عليه بوكس بيطيرلي عيني ارحموني ياريا وسكينه انتي وهي
روح بضحك.هههه اشتغل يالا اعمل بلوقمتك
كريم.بضحك.امري لله
…………..

يتصل كريم بمراد
مراد.الو مين معايا
كريم.انا كريم طبعا فاكرني احب اقولك بس ان اللي عملته مأثرش و اوي انك عرفت روح بعلاقتنا واحب انك تعرف اني عند همس حبيبتي فشقتها استرجل كده بقا وطلقها عشان في غيرك شاريها ولو بكنوز لدنيا

ليسمع مراد ضحكات همس العاليه
همس بدلع .كيمووو بتكلم مين وسايبني انت في حد عندك اهم مني
كريم.لا طبعا ياروحي
ويغلق كريم الهاتف في وجه مراد
………………
انطلقت ايه الي منزلها وهي تتذكر مكالمه مازن الذي توعد لها به وظل يذكرها انها ستتعاقب مهما فعلا يجب ان تنال عقابها ع تحديها له

سارت الي منزلها وماان دخلت المنزل
لتجديد قويه وخشنه تسحبها بقوه وتكمم فمها باليد الاخري وتسندها ع الحائط
لترتعب ايه
….مش قولتلك هتتعاقبي