مسلسل سعاده كاذبه التكملة
مسلسل سعاده كاذبه
الحلقه 38
نا ؛؛ حبيبي اشرب روينه خلاص الامساك
مراد ؛؛ هاتي هاتي بعدك عطشان
نا ؛؛ حس صوت رساله جتني
مراد ؛؛ من اللي ايدزلك تو
نا ؛؛ مش عارفه
ومشيت للدار
ومسكت الفون وقعمزت علي السرير وفتحت الرساله
ونا نقراء انصدمت لما شفت الرساله ونقراء والعبره خنقتني ودمعتي طول انزلت بدون ماانحس
كان اللي في رساله
لدرجه هذه مش هاينه عليك فاتح اول شفره لنا مازالت مش قادر تنساني ليش اتوصل فينا لمرحلة هذه ليش تزوج صاح انت تزوجت بس نا مازالت في قلبك وشيء هذا انشوف فيه كل ماانشوف اعيونك مازالت نبرة صوتك فيها الحنيه اتحجج بالعويل واتكلم فيا حبيبي نا نرجا منك اي حاجه وانحبك والله انحبك ماعمري نسيتك ولا انسيت اي ليله رقدت فيها في حضنك نا كل مافيا يبيك مش قادره علي فراقك اكتر من هكي
نا مش عارفه كيف اقدرت ترقد مع غيري
انت اول حب ليا ونا اول حب لك وماعمره ينتس الحب الاول انحبك وامرايفه علي وجودي جنبك وياريت ادير حل للموضوع هذا
وقعدت نرعش نين الفون طاح من يدي وسمعت صوت كرعين مراد وهو جاي للدار صبيت وخشيت الحمام نجري
قعدت نبكي ومنهاره معقوله معقوله مراد ايكلم فيها معقوله يعطني اول شفره لهم شن هو مش قادر ينساه لدرجه هذه هازي عليا وعاطني شفرتهم
طحت في نص الحمام ونا نبكي حسيت بدوامه ادور بيا
حسيت روحي مضحوك عليا
حسيت روحي ولا حاجه معقوله مراد ايسيبني وايردلها
وقعدت نبكي ومنهاره وخايفه خايفه من فراق حبيبي
معقوله تو تبي اتجي وتاخذه مني وحطيت يدي علي بطني
ﻻﻻ مستحيل انخليها اتفرقنا مستحيل انخليك اتعيش بدون اب مستحيل مستحيل واكيده هي ادير في شيء هذا لانها اندمت وقاعده اترد فيه بس مراج هذا ليا نا ومستحيل انخلي حد ياخذه مني
فكرت ان هي قاعده اتحاول انها ايردلها بس نا مش ح انقول لمراد جتني رسال منها ﻻﻻﻻ مستحيل انقوله
ﻻني خايفه اها خايفه خايفه ايحنلها وايردلها
وسمعت الباب ايدق
مراد ؛؛ ويه كنك طولتي حبيبتي شن في
نا ؛؛ زمطت ريقي وخفت ايشوفني نبكي ويعرف الموضوع
مراد ؛؛ ايه تسمعي فيا ولا دايخه انتي
وتمه ايخبط بقوه
نا ؛؛ بصوت مخنوق
ﻻ واعيه قاعده اشويه ونطلع
مراد ؛؛:به ليش ماتردي من اولها شغلتني عليك
نا ؛؛ اسفه امغير تعبانه اشويه انحس بدوخه
مراد ؛؛:به افتحي هيا
نا ؛؛ هيا
وصبيت وبحتت في روحي في المرايه والقيت اعيوني ومتورمات من البكاء غسلت وجي علي السريع وفتحت الباب
واول ما شفته قدامي وهو متلهف عليا ومنشغل عليا مش عارفه الهف هذه لهفت حب او تعود وخلاص ولا ارضي بالامر الواقع ولاه ايوهم في روحو في حبه ليا بيش ينساها
وبدون مانحس بروحي طحت دخت ومراد شدني بسرعه وشالني
وجاب ميه وبخها علي وجي
مراد ؛؛ايه ويا حبيبتي خلاص اوعي
نا :؛ ها حبيبي
مراد ؛؛ باقيه ادوخي واجد افطني لروحك هذا من الصيام
نا ؛؛ عطشانه
مراد ؛؛ راه الفجر اذن
نا ؛؛ عطشانه بكل
وصبا مراد وجابلي ميه ودواء وشربني
وقعمز وخذني في حضني ورقدنب علي صدره
واول ما قعدت علي صدره ذكرت طول رسالة سناء وكيف هي امرايفه عليه وامرايفه علي النومه علي صدره وانفكر ان مراد هذه مش اول مره ايرقد مراه علي صدره وايحسسها بالامان
مراد ؛؛ شن اتخوفي فيا عليك
نا ؛؛مسحت دمعتي اللي نازله علي خدي وزمطت ريقي وخذيت نفس طويل
حسيت روحي تعبت جو ومعش اقدرت انصبي
مراد ؛؛ انتي ضعيفه يا ويا واوكالك مش اوكال وحده حامل انتي في الشهور الاوله وعادي تفطري نا من زمان انقولك افطري
وقعدت نبكي وخايفه نفقده خايفه نفقد حضنه خايفه نفقد حنانه عليا خايفه نفقد حسه في حياتي
مراد؛؛ ويه انتي جوك مش تمام كنك تعبانه اتحسي في حاجه احكي كنك تبكي
نا ؛؛ انحس في جسمي منكسر تكسير وظهري
مراد ؛؛ ماانا انقولك اهتمي بروحك وماتحوسيش واجد بس انتي شيء امسكره راسك
ونزل لوطه علي السرير ورقد وخلني علي صدره وحبني علي راسي
مراد ؛؛ ويتي خلاص حبيبي غمضي اعيونك مااتفكريش في شيء فكري انك انتي قاعده بين ايدين حبيبك وهو ايحبك ولاه نا مش حبيبك نا
نا ؛؛انت حبيبي وروحي وعمري وحياتي ودنيتي كلها
مراد ؛؛ نجك ليا والله اتهبلي وكل ماليا انحبك اخره
نا ؛؛ حبيبي قديش انت اتحبني
مراد ؛؛ بحت فيا و رفع حاحبه
شن السؤال هذا
نا ؛؛ به من امتي حبيتني وشن اللي خلك اتحبني
مراد ؛: اها تو نا صايم وانتي هكي اتخلي للتفكير يمشي يسار
نا ؛؛ احكي شن هيا
مراد؛؛ ضروري يعني
نا ؛؛ اها ضروري كان اتحبني احكي واحكيلي بالتفاصيل
مراد ؛؛ عمتي فاطمه اقعدت شهر وهي تحكيلي عليك كل ماانشوفها تحكيلي عليك واتكلم فيا علي الفون
والله ابنيه اكويسه والله محترمه ونا نعرفه ويه والله طيبه انت بس شوفها واحكي بعدها
في البدايه كنت رافض نزوج اساسا قالت نا راجل واعر ومعقد
وانحب الاستقرار وصبايا تو ايحبن الدهوير واطلعو واخشوش ونا ماعندي راس لهن
نا ؛؛ به
مراد ؛؛ خلاص هي اقعدت ساكنتلي ونا تميت انتخايل فيك في الصفاتك ومره هي جتني وعطتني فونها وكانت حاطه علي صورتك شفتك ومااول ماشفتك عجبتني ابينيه حنطوشه واحلويه وتميت انفكر في الصفات امتعاتك وفي حاجه شدتني شورك حسيت روحي غرت لما شفت صورتك في فون مش فونك طول نقلت الصور وحدفتهن عند عمتي وعطيتها الفون
عمتي ؛؛ ها مراد شن قالت انكلم هلها
مراد ؛؛ تو هي حكيتلها عليا اموافقه يعني
عمتي ؛؛ الحق نا عطيتها راس الخيط وهلها اموافقين وهي ساهله نقدر عليها وعارفتها ماترفضش
مراد ؛؛ به ياعمتي اللي اتشوفيه وراه حدفت اصورها ومعش نبيها اتصور لا في فونك ولا في فون غيره حتي فونها
عمتي ؛؛:هابا المسكين لا عندها فون ولا شيء ما قالتلك ماعندهش في جو الوجيج
مراد؛؛ ان شاءالله يطلع كلامك صاح
عمتي ؛؛ كيف انت مش حاط فيا ثقه
مراد ؛؛ ﻻ بس هي مواليد 90 وحسيتها اصغيره يعني اكيده عندها وجيج هكي ولاه هكي
عمتي ؛؛ ﻻ والله هي طيبه وفي حالها وبعدين هي كانت مخطوبه وماعندهش في الوجيج
مراد ؛؛ اخر كانت مخطوبه
عمتي؛؛ والله كان اتشوق عقلها اتقول 60 مش 90 راه العمر مادخلش بالعقل
مراد ؛؛ خلاص قعدت ديمه انفكر فيك وانبحت في اصورك وانتخايل فيك كيف صوتك وكيف طريقت كلامك هكي نين جا يوم اللي قالت عمتي انك وافقتي وتبي اتشوفيني وهلها رافضين ونا قالت معناها اقرو الفاتحه وبعدين اتشوفني
وجا يوم الفاتحه وسمعت كلام ماعجبنيش بكل وانتي عارفه روحك شن قالتي
بحت فيا مع الجنب ورفع حاجبه
ونا ابتسمتله ونزلت راسي
المهم نا تعقدت منك وراقلي وقالت والله تو اتشوف نا ماعمره حد رفضني اتجي هي وترفضني
وقعمزت وانتي خشيتي عليا ماده اشوربك قدامك وخشيت وكانك طفل ورايحه منك لعبتك ودمعتك مازالت في عينك تعقدت لان كان سبب دموعك
وقالتلك خشي جو لاني مانبيش انشوفك وانتي تبكي
وهكي قعدت انفكر حتي في شكلك وانتي خاشه عليا حسيت برئيه صح حسيتك طيبه وهاديه وخشيتي لخاطري طول
ويوم اللي طلعتي لشارع وشفتك غرت عليك غرت حد ايشوفك حسيتك ملكي وليا
وتعقدت منك وخشيت طول عليك
نا ؛؛ نذكره كرهتك اخري لما جيتني وشديت عليا
مراد ؛؛ ماتحملتش انشوفك ومانلمسكش وكانت غمتلي منك شديت علي يدك لاني غرت عليك واول مره انغير هكي
نا ؛؛ حسيت كلامه صادق وطالع من القلب وكنت قاعده علي صدره ونسمع في نبضلت قلبه ولما تمه يحكي عليا تمه ينبض اقوه حسيت انه ايحبني صح
رفعت راسي وبحتت فيه
انحبك
مراد ؛؛:والله حتي نا انحبك نا مش انحبك وبس نا نعشقك عشق
نا ؛؛ ممكن سؤال محرج
مراد؛؛ اسالي
نا ؛؛ انت حبيت من اكتر نا ولاه سناء
مراد ؛؛ شن خطره السؤال هذا تو
نا ؛؛ اهو
مراد ؛؛ مانبيش انجاوب ممكن
نا ؛؛ ليش ماتبيش تجرحني
مراد ؛؛ ﻻ مش هكي بس في فرق شاسع بينك وبينها وبعدين نا ماانحبش المقارنه
نا ؛؛ به ابراحتك
وقلبت وجي وعطيته ظهري
مراد ؛؛اكثر شيء نكره انك تعطي فيا بظهرك ونا مانحبهش الحركه هذه
نا ؛؛ ما انت اللي عقدتني
مراد ؛؛تعطني ظهرك
وقرب واضبطني من لاوره وهمسلي في وذني
انحبك ياويتي نا بس
نا ؛؛ خنقتني العبره لما سمعتها حسيت ان هو صادق معي
بس شن قصة الرساله اللي جتني شن هذا اختبار من سناء ولا شنو هي تبي ادير مشكله بيني وبينه ولا شنو بس مستحيل نعطيها فرصه وانخليها تاخذ مني اجمل حاجه عندي
رقدت وانا انفكر اني انلاهي مراد فيا اخر وانخليه ايحبني ومانوصلش الكلام اللي ادز فيه سناء هذا حبيبي وراجلي واب اوليدي مستحيل انخليها تاخذه مني
واوعيت تاني يوم علي اذن العصر انفجعت لما ماشفتش مراد جنبي
ودورت فوني والقيته مازال طايح لوطه
مستكه ورنيت علي مراد طول
وفجاء سمعت صوت فونه ايرن في الصاله
وجاني
مراد ؛؛ امنتبله اتناديني
نا ؛ هههه نحسبكش قاعد هنا
مراد ؛؛ ﻻ قاعد مانيش طالع
نا ؛؛ به احسن
مراد ؛؛شن احسن استغفر الله العظيم
نا ؛؛ ههههه اللهم انك صايم
مراد ؛؛ هيا صبي يافطاره كولي حاجه
نا ؛؛ وراي دورت فطور
مراد؛؛ ﻻﻻ امي قالتلك فطوركم عندي اليوم
نا ؛؛ ليش
مراد ؛؛ كنت عندها تو وقالتلها انك مريضه اشويه وهي قالت معناتها تعالو افطرو
نا ؛؛ به خلاص
وصبيت وخشيت لحمام وتوضيت وصليت ولابست لابسه مستوره ونزلت لوطه والقيت البنات في المطبخ
هدي ؛؛ اوو كانتنا السمحه مريضه قالو
نا ؛؛ اها مارقدن نا ومراد الا في الصبح
هدي ؛؛ سهره املاه
هاجر ؛؛ سهره وهم صايمين
هدي ؛؛ هههههههه انسيت بكل
نا ؛؛ وين عمتي
هاجر ؛؛ طالع مع بابا للعزاء
نا ؛؛ تو في النهار
هاجر ؛؛ قالت بعدين اكيده ادعاك وبابا ماايحبش الزحمه
نا ؛؛ اها صدقت والله هيا خلوني انساعدكن
هدي ؛؛ انتي قعمزي بس وابدي احشي المحشي
نا ؛؛ به هاتي
هاجر ؛؛ ويه اهل اسامه يبو ايجو وماني عارف مااندير شن رايك انتي
وتقريبا يبو احددو الفرح
نا ؛؛ صااااح باهي مبروك
هاجر ؛؛ يبو ايدورو صاله تقريبا مشترك الفرح
نا ؛؛ احسن حاجه المشترك حلو لا ايجي الكيد علي هذا ولا هذا
هدي ؛؛ اها عاد انتي فرحك جا مشترك تبي تشكريه
نا ؛؛؛هههههههههه
سبحان الله ديمه خاطري ايكون فرحي مشترك وفعلا جا مشترك
وخش علينا مراد
مراد ؛؛واهو جا مشترك وهذه نيتك خدماتك
نا ؛؛ هههه نصيب
مراد ؛؛ كليتي حاجه
نا ؛؛ انحرجت من البنات وسكتت
هاجر ؛؛ ههههههه فطاره
هدي ؛؛ املاه دختي
نا ؛؛ اها امس بعد الفجر تعبت واجد
مراد؛ ؛ ايه اهو جبتلك عصير راوخ طبيعي اشربيه وتريحي
وخش علينا طارق وسمع كلام مراد
طارق ؛؛ اللي في رمضان انديرو كرشته عصبان
هاجر ؛؛ ايييييييييي فطاره
مراد ؛؛ تحشمو علي وجهكم
طارق ؛؛ ازي فطاره عيب عليك تفطري مش قادره اتصيمي يعني
مراد ؛؛ طارق تحشم راه خيرلك
طارق ؛؛ مافيه حشم ايه فطاره شن تبي اكتر من هكي
مراد ؛ نبيك اتحط يدك علي فمك
طارق ؛؛ باهي تم
نا ؛؛ خليه يا مراد ايبصر هو وبعدها انت اللي كشفت بيا نا ماقالتها للحد
مراد ؛؛ انتي مريضه وليس علي المريض حرج
هدي ؛؛ عادي ويه ماتحسسيش الحوش كله عارف انك حامل والحمل ايتعب
مراد ؛؛ المهم خوذي عصير اشربيه وكولي ماتقعديش هكي
نا ؛؛ حاضر حبيب……
مراد ؛؛ نزل راسه وضحك
عبيطه
وطلع
هاجر ؛؛ كلا انتو اللي ايشوفكم ما ايقول هذوم رواده بكل
هدي ؛؛ ﻻنهم هم الاثنين اكويسين وعشرتهم سمحه تعلمي منهم شوفيها كيف تصبر واتحمل واتمشي وهو كيف حبها والله مراد اول مره انشوفه مشغول وايعامل اكويس كيف ما عاملك انتي مره مره انحس فيه ايعامل فيك كيف بنته مش مراته من خوفه عليك
هاجر ؛؛ حتي فرق السن له تاثير ياحنه لقاها اصغيره واحليوه ولا تعرف بعده ولا قبله
نا ؛؛ ممكن نسالكن
هدي ؛؛ هههه تفضلي بس 99% عرفته السؤال
نا ؛؛ ههههههه معناته مش ساله
هدي ؛؛تي احكي شن في
نا ؛؛ سناء كانت كيف اتعامل في مراد يعني كانت ادلع فيه اتحبه حبها باين عليها
هدي:؛ سؤالك واعر اشوي الحق
بس نا من زمان حكيتلك ان سناء فارضه روحه واجد تبي تخدم وافلوس وسفر ودهوره ومراد معش رضي هو كان ايحبها صاح ايام العلاقه والخطبه بس هي لما ازوجت انقلبت قلب غريب
هاجر ؛؛ كانت اتثبت فيه بس ولما ازوجته وجابت منه اتغيرت كانت تحساب روحها اتثبت فيه بالعيال بس خطا الشيء هذا
نا ؛؛ اها انقوللكن حاجه بس خلينها بينتنا ونا ماحكيتلكنش الا نا حسبتكن كيف خواتي
هدي ؛؛احكي شن في
نا ؛ طبعا انتن عرفات ان نا عنديش فون ولما ازوجت مراد كان مش فاضي فكان عنده شفره قديمه عطها ليا وجابلي فون
والحق الفون ماحد رن عليا لان شكلها الشفره قديمه بكل وماحد عارفه
هاجر ؛؛ وبه
نا ؛؛ امس جتني رسال علي الفجر
وكانت من سناء
هدي ؛؛ هييييييييييي طيح سعدها شن كاتبه
نا ؛؛ كلام طويل عريض
اهو شوفنها
وعطيتهن الفون وقرنها
هاجر :؛ ازي والله ماتحشم قصدها هكي اتشوق فيه عليها
هدي ؛؛ ماتقوليش مراد شافها
نا ؛؛ ﻻﻻ ما شافهش بس هي دزتها في وقت متاخر يعني كانت ضامنه ان مراد جنبي بس الحمد الله ماكنش فوني جنبي لما جتني الرساله قريتها اوحدي وخشيت الحمام ومراد ما فطنش
هدي ؛؛يعني مراد ماعرفش شيء
نا ؛؛ اها مابيتش نحكيله خفت ايحننلها وايردلها ونا عارفه الشيء هذا خطا ومش من حقي في النهايه بكل هي طلاقيته وام اعياله بس انا فيه انانيه مانبيش حد ايشاركني فيه
هدي ؛؛ كيف مش من حقك انتي اوحدك قالتي طلاقيته وانتي زوجته سمعتي زوجته يعني من حقك اتغاري عليه واتخافي عليه وتقعدي انانيه
هاجر ؛؛ والله كان انا راه درت هكي كيفك ياعنجد اتجي وحده وتاخذه مني ولو كانت من نقتلها قتل
هدي ؛؛ بس الحركه حقيره انها ادزها في الشفره القديمه بدال هي عندها رقم شفرته اللي تو ليش ما دزاته له
هاجر ؛ ياهبله ماهي تبي تقهر ايه تبي اتبيلنها انها هي في قلبه وعقله
هدي ؛؛صاح والله صدقتي
حسبي الله فيها تبي اتخرب تو عليه
هاجر ؛؛ كيف ايصير تطلق الطير وتجري تحت
هدي ؛؛ ههههه والله صدقتي ياهاجر يوم اللي كان بين ايدها ودراته وتو تجري في جرته
بس ياويه انتي ردي بالك اتوريه الرسال وحاولي انك اتغيري شفرتك واكسبي حبه مااطنشيش عليه راه الرجاله اكثر شيء يكرهو هو التطنيش الراجل ايحب وجه حلو وضحوكي مش النكدي واكسبي قلبه ديري اي شيء ايحبها زري علي روحك بيش ايحبك اكتر وما ايحنلهش وايقول حياتي مع ايه خير من مع سناء بكل ونا متاكده ياويه انتي قدها وتقدري اتخليها ايحبك موت
هاجر ؛؛ماما ماما جت اس خلاص
عمتي ؛؛ السلام عليكم
نحن ؛؛ وعليكم السلام
وصبيت وسلمت علي عمتي وحبيت علي راسها
عمتي ؛؛ شن اخبارك قالو مريضه
نا ؛؛ اها الحمدالله اكويسه
عمتي ؛؛ شن فطرتي
نا ؛؛ اها لاني تعبت امس بعد الفجر
عمتي ؛؛ ان شاءالله لاباس
نا ؛؛ الله لا يوريك باس
هدي ؛ ماما عدي ولعي تنورك خلاص وقت راه
عمتي؛ باهي اهو ماشيه
وكملنا الفطور واذن المغرب طبعا كلهم التمو علي سفرة الحليب والتمر ماعاد نا مامشيتش طول
طارق ؛؛ عاد اليوم دقيتها ﻻ ادوري لا في حليب ولا في تمر
عمتي ؛؛ اس يا طارق تحشم
مراد ؛؛ طارق عدي اكتبها في عاجل الجزيره خيرلك ليش لعند تو ساكت
طارق ؛؛ تكيتها امعهم تو نكتبها في عاجل العربيه احسن
هاجر؛ ؛ هيا هيا خشو صلو راه جواعه
وخشينا كلنا صلينا وطلعن وقعمزنا وكلينا وصبينا ولمينا الحوسه علي السريع لان كانن المواعين اشويه ونحن 3
ومشينا قعمزنا جنبهم وعمتي ادير في شاهي
عمي ؛؛وين العويل يامراد
مراد ؛؛ عند امهم مايبوش ايجو
عمتي ؛؛ والله رايفنا عليهم كانو دايرن جو
هاجر ؛قصدك لنا مده علي كواين لمار
نا ؛؛ هههه نا بروحي رايفت عليهم ياخي تعودت عليهم حتي الشقه انحس فيها فاضيه بلاهم
هدي ؛؛ حتي هي لمار ضروري ماتعقب فراغ وراها
عمتي ؛؛هاجر اجري حس فوني ايرن
هاجر ؛؛ ديمه تعزقي فيه فونك ماني عارفه ليش
عمتي ؛؛ تلاقيه في جيب العبايه اللي كنت طالعه بها
هدي ؛؛؛السنه امكسدين الليبيين مافيش حاج حمد
طارق ؛؛
كيف حالك يا حاج حمد
صايم ما ايكلمني حد
مراد ؛؛ ههههه لنا زمان عليها والله
عمتي ؛؛ الو ايوه حنين
حنين ؛؛ شن اخبارك ياامي
عمتي؛ ؛ اكويسين قاعدين نشربو في شاهي ومعنا عيت مراد
حنين ؛؛ صاح باهي تعالو كسدو احذي الليله جاين عيت عمي فاطرين عندي وقالت انكلمكم بعد الفطره
عمتي ؛؛ صاح باهي تو انشوف بس راه عندنا عيت مراد
حنين ؛؛ و به خليها اتجي ايه مازالت ماشفت شقتي
عمتي ؛؛ به تو انشوفو مراد
حنين ؛؛ به نرجاكم راه مانيش دايره القهوه الا لما تجو
عمتي ؛؛ مراد امكلمتنا حنين قالت تعالو هدرزو عندنا عيت عمي
مراد ؛؛ تبو تمشو انتو
عمتي ؛ اها وقالت حتي ايه اتجي
مراد ؛؛ والله ابراحتها كان تبي تمشي باهي
هاجر ؛؛ هيا ويه خلينا نمشو انكسدو عند حنين
نا ؛؛ ماعنديش مانع نا
عمتي ؛؛ به خلاص هيا صبنا وتنا اروحكن بيش ايشيلنا مراد قبل ما يطلع للعياده
مراد ؛؛ هيا صبنا راه نبي نركب انوتي روحي
هدي ؛؛ هيا هيا
وصبيت نا ومراد وركبنا
مراد ؛؛ شن جوك تو
نا ؛؛ تمام الحمدالله بعد نشرب الميه انروق واجد انحس في روحي تمام
مراد ؛؛؛هيا الابسي وديري جوك ابسرعه
نا ؛ به حبيبي
ادوشت ولابست تنوره اقصيره وعليها جاكه حلوه ولطيفه ودرت استشوار ودرت ميك اب
وجاني مراد
مراد ،؛ نجيلي السمحه ياربي
نا ؛؛ ههههه حسستني بيبي
مراد ؛؛ وفعلا انتي بيبي
بس بيبي نا بس انتي روحي نا
نا ؛؛ هههه مراد خلاص تحرج فيا انت
مراد ؛؛ ياناعليا منك
عمرك حد انحرج من الحق
نا ؛ صبيت وجيته وقربت منه
وصبيت علي اصابع كرعيا ورفعت ارقبتي علي الاخير وحطيت ايديا وره
وجت عيني في عينه
وتنهدت تنهيديا طويله
وهو مبتسم
نا ؛؛ انحبك انحبك
وحبيته علي اللحيه
وهو شدني بسرعه واضبطني
مراد ؛؛ نا اللي انحبك وانتي هكي هاديه ورايقه وادلعي فيا ياغزالي انتي
انتي اجمل حب
نا ؛؛ احلي مكان عندي هو هنا فيك في قلبك
مراد ؛ نجك ليا ربي يحفظك ليا ويحميك ليا ولوليدي اللي فيك جوا
وقعد مراد امضبطني وايوخر فيا نين جينا علي السرير وطيحني وجا فوقي
شن رايك نعتذرو ونقعدو هنا في الشقه لاني نبيك في موضوع حلوه ورومنسي وغمزلي
نا ؛ مراد هلك يرجو فينا
مراد ؛؛ تي نبيك نا
نا ؛؛ والله حتي نا بس تو مش وقتها هلك يرجو خلاص
ودفيته
صب مراد ومتعقد
نا ؛؛ صبيت وراه ومسكته
حبيبي بلا زعل عاد
مراد ؛؛ تو ادفيني وماتبنيش نزعل
نا ؛؛ حبيبي عاد كل شيء في وقته حلوه
مراد ؛؛ به هيا الابسي عبايتك اهي هاجر ادق
نا ؛ به
وطلع مراد علي هاجر
مراد ؛ هي نلابس كندرتي بس
هاجر ؛ به نرجو فيكم لوطه
ولابست العبايه وحطيت الوشاح وطلعت
وشافني مراد وهو يلبس في كندرته
مراد ؛؛ قصدك تبي تطلعي هكي معي
نا ؛ كني شن فيه
مراد ؛؛ وجك اللي املبز
نا ؛؛ خفيف حبيبي
مراد ؛؛ دايره روج فاق واتقولي خفيف
خفيف عينك عدي البسي الخمار
نا ؛؛ حاضر
وعديت ولابست الخمار وطلعت عليه
مراد ؛ ايوه هكي الواحد ايتريح
نا ؛؛ ههه به هيا ورانا مشيت حلواني راه
مراد ؛؛ به هيا
وطلعنا والقينا البنات وعمتي يرجان فينا في الجنان
وطلعنا وركبنا في السياره
ومشينا للحلواني ونزل مراد
هاجر؛؛ والله احسن خير مانخشو ايدين فضيات قدام عربها
هدي ؛: يابتي شن فضيات مااهو خذينا معنا الشيش و البيتزا
نا ؛ اها خذيت شيش بعدك جا ايجنن اليوم
هدي ؛ هههههه اساس الشيش حاجه سمحه
هاجر ؛؛ احلي حاجه في رمضان ان في موالح
نا ؛؛ اهااااا يهبلن الموالح
وركب مراد و كان جايب طبقين حلويات كبير وصغير
عمتي ؛؛ كنك واخذ طبقين
مراد؛ الصغير نبيه لشقه حاجات امعسله امغير تو مانقدرش ناكل
عمتي ؛ اها صحه
ووصلنا ونزلت عمتي وهدي وهاجر من السياره وجيت نا نبي ننزل
التفت مراد عليا ومسكني من يدي
نا ؛؛ هييييي فجعتني
مراد ؛؛ ردي بالك من روحك وراه مش ناسي انك دفيتني وفضلتي المشيه هذه عليا
نا ؛؛ هههههه لما انروحو تو انتفاهمو
مراد؛ ؛ اخر مازالتي اطنشي راه خيرلك راه والله نبرم وانروح بيك للشقه واندير اللي نبيها
نا ؛؛ هههههه عرفتها مانهونش عليك
مراد ؛؛ هههه انزلي انزلي وانتي ما اشطرك في التلسين عليا
نا ؛؛ سلام حبيبي
مراد؛؛ لما انروح تو انجيكن
نا ؛: به
ونزلت
وخشينا للشقه وسلمنا علي الناس اللي جو
عمت حنين ؛؛ ماشاءالله هذه مرات مراد صاح
عمتي ؛؛ اها
عمت حنين ؛؛ ماشاءالله ايتغيرن البنات واجد الوحده وهي عروس ماتعرفيها بكل
حنين ؛؛ اها وهي عروس الوحده اتغير حتي الميك اب ايغير راه
عمت حنين ؛؛ شن شكلك اصغيره مواليد كم
نا ؛؛ مواليد 90
عمتها ؛؛ اها باين انك اصغيره شن تقري
حنين ؛؛ ﻻﻻ امسيبه علي الزواج مراد طالب هكي
نا ؛ بحتت فيها واستغربت
عمتها ؛؛ اها والله هالرجاله غريبن تو هو دكتور ويرفض ان هي اتكمل اقريتها
حنين ؛ ﻻ هو يبي وحده في الشقه لا خدمه ولا شيء وهو مش امنقص عليها حاجه اللي تبيها حاضر واتجي لعندها
عمتها ؛؛ اها غريبه مع ان اللي كانت عنده دكتوره
عمتي ؛؛ ماهو شعف منها مايبيش وحده تخدم
وقعدنا انهدرزو وجونا حلو مع ان عمتها درهتلي كبدي لان اتقارن بيني وبين سناء واجد بس اللي عجبتني ان حنين ما اسكتش تمت ادافع واتغير في الموضوع هي وعمتي وهذه الصدمه ان عمتي حتي هي ادافع عليا
اصدقت خالتي فاطمه لما قالت هي اكويسه بس واعره وبذات قدام الناس اطيب منها مافي
ورن فوني
نا ؛؛ الو ها وينك
مراد ؛؛ اقريب انجيكن راه
نا ؛ به خلاص
عمتي هاجر هدي هيا قال مراد
حنين ؛؛ بدري مازال
عمتي ؛؛ﻻ خلاص هو هذه ترويحته من العياده بعدها خلاص حتي الضيافه اكملت شن مازال ما عطيتنا ما في حاجه ما كلينها
حنين؛؛ صحتين علي قلبكن
عمتي ؛؛ سلمك بس ياحنه عندنا وحده هنا ما نبوهش تسمن نبوها خلاص سمن
هاجر ؛؛ فهمت فهمت عليك يا ماما
حنين ؛؛ اصدقت ياهاجر انتي تو جسمك حلو وكان تطلقي روحك ح تسمني وانتي وراك فيلو راه وراه اي عروس تسمن في بداية الزواج
هدي ؛؛ خطرها راه الايام الجايه طلعات للسوق بابا امس عطنا افلوس لدبش العيد
حنين ؛؛ وانبي كان طلعتنا قوللي راه نبي نطلع معاكن
هاجر ؛؛ به بس تقريبا اتجي في وجه مراد لان طارق قالتله ماما وقال لا
نا ؛؛ بنات مراد ايرن اطلعن هيا
عمتي ؛؛ اطلعيليه ابسرعه
نا ؛ به مع سلام
وطلعت وركبت مع مراد
مراد؛ ؛ ساعه ما طلعتن
وين الباقي
نا ؛؛ قعدات يتفقن تو ايجن
مراد ؛؛ علي شن يتفقن
نا؛ ؛ يبن يطلعن ببيش يشرن دبش العيد لان حتي حنين تبي تطلع معهن
مراد ؛؛ بحت من المرايه فيا
وانتي
نا ؛ نا كني نا
مراد ؛؛ تبيش تشري
نا ؛؛ دبشي مازال جديد مازالت عروس
مراد ؛ معقوله اول عيد معي
ومانشريلكش دبش
وافتحت عمتي الباب
عمتي ؛؛ سامحنا طولنا
مراد ؛؛ ﻻ عادي هيا اركبن
ولما وصلنا للحوش
عمتي ؛؛ الله ايربحك
مراد ؛؛ تسلمي ياامي
ونزلن البنات ونا نزلت وطول رفعت الخمار
مراد؛؛ههههههههه طول اتحولي فيه
نا ؛؛ حسيته خنقني
مراد ؛؛ جيبي امتع الحلويات
نا ؛ يييييي انسيته
مراد ؛؛ هههههه عبيطه
نا ؛؛ مراد نحبش الكلمه هذه
مراد ؛؛ ههههه باهي به خشي يا مراد صار مراد صار
تو انوريك مراد شن
نا ؛؛ ههههه تقدرش
ومشيت نمشي ابسرعه
مراد ؛؛ ﻻﻻﻻ ياهبله ماتجريش علي الدروج
ونا وقفت وبرمت وجي
نا ؛؛ فجعتني راه
وجاني مراد ومسكني وشالني
نا ؛؛ نزلني هلك تو ايحقوك
مراد ؛؛ خلي اللي ايشوف ايشوف المهم باتي وباتي مش قاعد
هاجر ؛؛ نحن هنا يا مراد نسمعو فيك
مراد؛؛ طيري كذا
هاجر ،؛ عنديش اجناحات
مراد ؛؛تو نعزق عليك من فوق الكندره تو اتجنحي
وركبنا باقي الدروج ونزلني مراد وفتح الباب وخشينا وحطيت الحلويات فوق المدخل ونا نسلح في الكندره ومراد وراي يسلح في الكندره
جاني ابسرعه وشالني من لاوره
نا ؛؛ وووووو عليا مراد نزلني
مراد ؛؛ اس يسمعو فينا
نا ؛ شن تبي ادير
مراد ؛؛ شيء نبي احقوقي بس
ورحنا في خبر كان
وبعد كم يوما قرب موعد العيد خلاص وقرتت نا والبنات نطلعو مع بعضنا لان اللي يبي ايطلعن مراد يوم الجمعه
نا ؛؛ خلاص ان شاءالله بكره ح نطلعو تو نبي نركب انشوف مراد امبدري وهو امروح اكيده جيعان
عمتي ؛؛ عدي اركبي اكيده تعبان حتي
نا ؛؛ سلام تصبحو علي الخير
وركبت الشقه والقيته امسيب الباب مفتوح ليا وطول خشيت بدون صوت وخشيت ووصلت للممر وسمعت صوت مراد يحكي
مراد ؛؛ اوكي نا معاك انحبك بس …………….
وقفت مكاني وكأن في حاجه خشت في قلبي بدون ما انحس بروحي طحت دخت ومراد سمع صوت طيحتي وجاني يجري
مراد ؛؛ ……………..
يتبع