مسلسل سعاده كاذبه التكملة
مسلسل سعاده كاذبه
الحلقه 43
رجاء ؛؛ نجك ليا والله اتهبل وخذته واضبطته
ومسحتله ونزلته بيش يمشي اشويه
وهي تمشي وراه وماسمه فونها
حمادي خبط في بيبي بقوه نين طاح بكي
وجاته رجاء تجري
رجاء ؛؛ حمادي حمادي
وخذاته ورفعته وهو يبكي وهي اضبط فيه واتسكت فيه
ونزلت علي البيبي التاني وتمت اتسكت فيه
وجو امه وبوه يجارو
كنه كنه
رجاء ؛؛ اسفه ورفعت راسها ………..
انصدمت لما شافتهم وقعدت مستكه واتبحت فيهم وخنقتها العبره ومش امصدقه في اللي اتشوف فيه
سراج ؛؛وهو متعقد
شن جيبك انتي هنا
رجاء ؛؛ اقعدت ساكته ومنصدمه
سراج ؛؛ احكي كنك ساكته
رجاء ؛؛ اقعدت خايفه ومنصدمه وساكته
سراج ؛؛ بحت في سميه
سميه سلمي هذه رجاء اللي قتلك عليها
رجاء ؛؛ من من سميه
سراج؛ ؛ اها سميه كيف تحسابيه من انتي
رجاء ؛؛ انحرجت ونزلت راسها لوطه وشدت حمادي
سميه ؛؛ شن اخبارك ياما سمعنا عليكي
رجاء ؛؛ وهي مرتبكه وخايفه
تمام الحمدالله
سلمت عليها بالخد واعيونهى علي سراج وخايفه منه ومن ردت فعله
سراج ؛؛ سميه عدي قعمزي جنب امي تو
سميه ؛ تشرفت بمعرفتك رجاء
رجاء ؛؛ الشرف ليا
و خذت سميه البيبي ومشت و رجاء خافت من سراج ومشت بسرعه
سراج ؛؛ مشي وراها
تعالي تعالي هنا
ومسكها من يدها وكرها شور مكان بعيد
رجاء ؛؛ يدي يدي يا سراج الناس اتبحت فينا
سراج ؛؛ حطها علي الساس وصبا قدامها وقعد امفنص فيها
من قالك تطلعي ليش طالعه بدون ماتحكيلي وتكذبي عليا اتقولي حوشنا امعبي ومش فاضيه نحكي معاك وانتي تتدهوري ياابله
رجاء ؛؛ ليش انقولك انت راجلي ولاه خطيبي
سراج ؛؛ حبيبك ولا مش حبيبك
رجاء ؛؛ نزلت راسها لوطه
جت طلعتنا ابسرعه مراد قالنا هيا
سراج ؛؛ ماشاءالله تبارك الله واخر طالعه مع مراد ومن معاك اخر
رجاء ؛؛ خواتي كلهن
سراج ؛؛ وليش ماكلمتيني
رجاء ؛؛ نا قتلك والله جت ابسرعه ونا يالله غيرت دبشي وجيت
سراج ؛؛ اكثر شيء يكره فيا فيك هو اعنادك هذا وتسكير راسك لكن يا رجاء خليكي عيشي حياتك بدال انتي مش امعبرتني وطالعه تسنكحي من وراي يعني كان ماشفتكش راه ماقالتيهش وهذه مش اول مره اديرها
رجاء ؛؛ اعيونها ملينات ادموع
وساكته
سراج ؛ امشي من قدام خلقتي تو وماتحوليش انك اترني هذه مش اول مره اديري الغلط انتي ماعمرك عبرتني راجل وتساليني نا ديمه انقولك يا رجاء ماتطلعيش الا لما تقولي وماتقوليش تطلعي وتهرسي وفايتني
وانقولك رجاء غيري دبشك معش تلابسي اقصير وانتي ماتبيش ومش معدله عليا
انتي تضحكي عليا ولا شنو
رجاء ؛؛ وطي حسك الناس اتبحت فينا
سراج ؛؛ هامينك الناس ونا لا صاح حرقه تحرقني
باهي به يارجاء
شوفي روحك ياابله شن دايره و شن لابسه وكانك جايه ادوري في شباب اينابشو
رجاء ؛؛ احترم نفسك شن اتحق فيا
سراج ؛؛ انحق فيك وحده مش محترمه الشخص اللي ايحبها وايغار عليها ومش ديرلتله اي اعتبار تلابسي وتطلعي وتضحكي وعايشه حياتك عجي يا رجاء انتي خلاص معش تلزميني
رجاء ؛؛ تمت تبكي وخايفه ومشت ابسرعه شور المقعد
حمادي في يدها خاف وقعد يبكي
احمد ؛؛ كنها اختك تبكي
ايمان ؛ هييييي من عادي نبرم
احمد ؛؛ نزلي خمارك قبل
ونزلت ايمان الخمار وبرمت وجها وشافت رجاء تمشي وتبكي
وصبتلها و مشتلها تجري
ايمان ؛ ارجيوه كنك شن في
رجاء ؛؛ شيء
ورفعت راسها وشافت سراج امصبي وامصادرها ومتعقد
بحتت ايمان في اتجاه رجاء ولقت سراج
ايمان ؛؛ هيييييي ان شاءالله شافك سراج وانتي طالعه من وراه
رجاء؛؛ اها
ايمان ؛؛ وانتي ماتشعفيش ولاه شنو هذه مش اول مره يكبسك
رجاء ؛؛ خلاص مااتكثريش عليا خلاااااص
كذا خطي وجي خلاص خطيني
ايمان ؛؛ الحق عليا نا اللي امسيبه خطيبي وجايتك نجري
رجاء ؛؛ كذا خطيني انتي الاخره
ايمان ؛؛هاتي العيل خلعتيه
اميره ؛؛ كنكن انتن كنه صوتكن عالي
ايمان ؛؛:اسالي اختك الشاطره تشطر امغير عليا وهي ركبها الخط من ساسها لراسها
رجاء ؛؛ ايمان واقسم بذات الله كان ماتعدي من قدام وجي ح اتشوفي الليامات السود اللي ح ايعيشك فيهن وانفش غلي فيك
اميره ؛؛ عدي انتي ياايمان وخلي حمادي هنا تو نمسكه نا
ايمان ؛؛ اقعدن فيها
ومشت ايمان وقعمزت مع احمد
احمد ؛؛ كنها
ايمان ؛؛ متعاركه مع ذبان وجها
احمد؛؛ كيف
ايمان ؛؛ فوتها خلاص
احمد؛؛ ابراحتك
ونا انشوف فيهن من بعيد
مراد ؛؛ قرص يدي
نا ؛؛ اهاااا يدي
مراد ؛؛ و هو متعقد
ايه بالكي اتنزلي اعيونك لوطه اشويه احترمي الراجل اللي امقعمز جنبك
نا ؛؛ بحتت فيه
حبيبي كنك نا قاعده انشوف في البنات وين وبعيدن انت مش جنبي انت جو في اعيوني كنك انت مش حاط فيا ثقه ولا شنو
مراد ؛؛ باهي نزلي اعيونك
نا ؛؛ حاضر حبيي هه نزلت تمام هكي
هييييييييي كندرتك سمحه يا حبيبي
مراط ؛، ههههههه ناعليا منك ومن كلامك العسل
نا ؛؛ نجك ليا حبيبي هيا خلينا ندهورو اشويه
مراد ؛؛ باهي هيا صبي نبرمو وانشوفهم
وصبيت نا ومراد ونمشو مع بعضنا
اميره ؛؛ رجاء طالعه من وراء سراج
رجاء ؛؛ مانبيش حد يحكي معي خلاص خلاص اساسا نحن تفارقن خلاص
اميره ؛؛ ﻻﻻ ليش هكي
رجاء ؛ اهو هو قالي معش اترني
اميره ؛؛ وانتي عاد تبي اطبقيها
تي انتي امتي عمرك سمعتي كلام حد ماطول عمرك اديرلي اللي في عقلك
رجاء ؛؛ اخته معه وشافتني
اميره ؛؛ اخته من
رجاء ؛؛ سميه اللي راجلها متوفي
اميره ؛؛ اها اللي سيبها حامل
رجاء ؛؛ اها وشكلها جايبها سراج للجنينه بيش ايلعب اوليدها
اميره ؛ عليك بخت
رجاء ؛؛ اميره نبيش انرفع اعيوني سراج وين امصبي
اميره ؛؛ امصبي مع اخته وولدها بس العيون هنا راه
رجاء ؛؛ قهرني
اميره ؛؛ تستاهلي ليش ماقالتي انك طالعه
رجاء ؛؛ نبيش ايشوخ عليا شن من يحساب روحه ساد عادل اللي متحكم
اميره ؛؛ رجاء هذا حبيبك ويبك وكان مايبيكش راه مادرش هكي فيك
رجاء ؛؛ بالله عليك نا نبيش انقوله احتراما لمراد اللي امطلعن لان كان انقول راني طالعه راه قالي نبي انجي وانشوفك ونا مانقدرش انقوله لا وهكي شينه في حقه
احمد ؛؛ صبي صبي مراد جاي لخواتك
ايمان ؛؛ هيييييي حي عليا وينه
احمد ؛؛ تعالي هنا صبي
وصبا احمد ومعه ايمان وخشو للكافتيره
احمد ؛؛ خوذي اشري حاجات وديري روحك كنت تشري
ايمان ؛؛ به شكرا حبيبي امروح انت
احمد ؛؛ انشوفك امروحه قبل
ايمان ؛؛ به
وخذا احمد كيس فيه شكولاطات وعصير وميه وعطهن لها
وجتنا ايمان
مراد ؛؛وين كنتي
ايمان ؛؛ وهي مرتبكه
كنت نشري في شوية حاجات
اميره ؛؛؛ اتغير في الموضوع
لمار العبت نين قالت يانه
مراد ؛؛:وهذا كله اكيده مازالت ماملت
لمار ؛؛ بابا نبي ميه
ايمان ؛؛ اهو جبت تعالي خوذي
نا ؛؛ بصوت واطي
حبيبي امتي تبينا انروحو
مراد ؛؛:براحتك كنك
نا ؛؛ ﻻ شيء نسال بس
وقعمزنا جنبهن
مراد ؛؛ لاحظ ان رجاء ساكته ومتنكده
رجاء كنك ساكته
رجاء ؛؛ بحتت فيه وانحرجت
لا شيء يس بطلنا بس عاد اليوم العيد وعينا بدري
اميره ؛؛ هذه خميرة نوم مااتملش بكل من النوم
مراد ؛؛ ههههههه كيف اللي عندي
نا ؛؛:بحتت فيه ومستغربه
انت قصدك نا خميرة نوم
مراد ؛؛ ههههههه شيء ما
اميره ؛؛ هههههههه نحن عندنا رجاء وايه امتعات نوم وحط معهن خالد اخر
رجاء ؛؛ علي اساس انتي ماترقديش
اميره ؛؛ اوكي نا معاك بس انتي و ايه سبحان الله امتي ماتبن ترقدن ترقدن اتجيبن في النوم بجوكن
نا ؛؛؛ههههه اميره خلاص سادك كب اشوالت
مراد ؛؛ هههههه كبي كبي اخر
اميره ؛؛ مره مره يا مراد ايه كانت غمتلها فاصله فصله شينه وعندنا ايه بعد ماتعقد تقعد راقده
مره روحت من المدرسه ساعه 1 اتصدق حتي الغداء ماتغدتش يالله طقت اتغير دبشها
وطاحت نوم تخيل من ساعه 1 لعند 7 وهي راقده
نا ؛؛ ههههه باهي خلاص وقفي
ايمان ؛؛ ماتوقفيش قولي قولي
مراد ؛؛ شكلها فيها حاجه وبحت في ورفع حاجبه
نا ؛؛ ﻻ شيء
اميره ؛؛؛المهم وعت يا مراد ساعه 7 والقت عندنا عيت عمي ولما شافتنا تخيل حتي خير ماقالت خشت للمطبخ وتمت تاكل والحوش كله ايبحت فيها
ولما كملت اوكال جتنا وسلمت
اعيال عمي كلهم اضحكو علي الموقف لانها ماوعتش بكل من هرجتنا واللي وعها الجوع بس
وتخيل خشت للسريرها اخر
نجاح اختي خشت عليها وانصدمت تحسابها مريضه وجتها تجري
نا ؛؛ اييييي كانت اكتر وحده ادور فيا
رجاء ؛؛ ياريته عبرتنا واقعدت معنا
اميره ؛؛ رجاء اس
رجاء ؛؛ هذا الواقع انانيه اطلعت
مراد ؛؛ انحرج من كلام رجاء وغير الموضوع
باهي ماتقوليش انها ردت ارقدت اخري
اميره ؛؛ هههههه للاسف ردت ارقدت وعت تاني يوم ساعه 5 فجرا
مراد ؛؛ وووووووووو معقوله ياويه
نا ؛؛؛ههههههههه كان غمتلي
مراد ؛؛ نقاني املاحظ ترقدي واجد
نا ؛؛ ههههه خطرتو عليا نقاني نبي نرقد
ايمان ؛؛؛باهي علي الاقل نوم ايه خفيف بس الدوه في اللي ثقيل نومه
مراد ؛؛ النوم ديمه وصيله للهروب وبعدينا الجسم مرات يتعب ويحتاج للنوم واجد ممكن انتي ماكنتيش مريضه مرض واضح بس كان جسمك تعبان ويبي راحه
نا ؛؛ هيا اكيده حمادي تعب يبي يرقد
مراد ؛؛ هههه انتي ولاه حمادي
نا ؛؛ هههه ﻻ حرام شوفها
مراد ؛؛ به هيا بيش ناخذو عشاء
نا ؛؛ قصدك من مطعم
مراد ؛؛ اها ناخذو حاجه سريعه
نا ؛؛:به براحتك هيا
ونحن جينا نبو انصبو لاحظنا ان رجاء صبت ابسرعه اسرع منا وكأنها ترجا فينا انقولو هيا
وركبنا في السياره ومشينا للمطعم ونزل مراد ومعه لمار
وجتنا لمار تجري
لمار ؛؛اعميمه الراجل اللي درتي معه العركه جو في المطعم
رجاء ؛؛؛هييييي قصدك سراج
لمار ؛؛ اها عمو جو
نا ؛؛ وانتي شن عرفك يالمار
رجاء ؛؛ اس خليها نقاني نبي ننزل نبيه ايشوفني نزلت
اميره ؛؛ رجاء فكينا من العناد كنك اتكبري في المشكله
رجاء ؛؛ هي اكبرت اكبرت وخربت والله انخربها اخر ونحرق دمه
نا ؛؛؛ماتنزليش تو ايجي مراد يهزب
رجاء ؛؛ ماعليك ننزل للمحل هذا علي اساس نشري في حاجات
اميره ؛؛؛يارجاء فكينا تو مراد يتعقد وبكره ايطلعنا مره تانيه
رجاء ؛؛ لمار عدي اقعدي مع بابا ولما يبي يطلع تعالي اجري
نا ؛؛؛برمت وجي ومتعقده
رجاء فكينا انتي تبي اديرنا مشكله تو يفهمها مراد ويتعقد
لمار ؛؛ بابا قاعد علي امتع البيتزا
رجاء ؛؛ وسراج
لمار ؛؛ هنا امصبي
رجاء ؛؛ عدي قولي اعميمه رجاء في محل
لمار ؛؛ هيييييي وبابا
نا ؛؛؛رجاء ماتخربيش البنت
تعالي هنا يالمار راه انقولها لمراد
رجاء ؛؛ عدي يالمار بيش نعطيك تحكي
اميره ؛؛ ماعندها مع من تحكي خلاص
وشفنا سراج طلع وقعد عند الشورمه
رجاء ؛؛ شافته وتعقدت
وحطت يدها تبي تفتح الباب
نا ؛؛ طيح سعدك
رجاء ؛؛ تو انجي علي السريع
وافتحت الباب وولع ضي السياره و سراج شافنا ولافتت انتباه لمار وضي السياره
نزلت رجاء وهي ترعش امغير اتكابر ودايره روحها شخصيا
ولمار عدت تجري للمطعم مع مراد
ورجاء جت علي قصاد المحل وسراج اعيونه علي رجاء وكان باين ان غمتله
الشاب ؛؛؛ياناعليا نا من الجمال هذا كل سنه وانتي طيبه ياسمحه
رجاء ؛؛ بحتت في الشاب وابتسمت
وسراج شاف الموقف غمتله وجا شورها
وهي خشت ابسرعه للمحل
رجاء ؛؛ معليش نبي جولاطي
وخش الشاب وراها
الشاب ؛؛ عطيها علي احسابي
سراج ؛؛ ريح اعظامك كذا
الشاب ؛؛ معليش من انت
سراج ؛؛ اطلعي قدامي
رجاء ؛؛ مابتش اتعبره
ومشت شور الثلاجه
صاحب المحل ؛؛ معليش انتو ممكن تطلعو
الشاب ؛؛ تي كيف صار يابو صاحب اتلز
صاحب المحل ؛؛ خلو الزبونه تشري
سراج ؛؛ مش شورك
اطلعي نا قالت
رجاء ؛؛ دخلكش بيا مش نهيتها انت
سراج ؛؛ اساس انتي ديرتلي اي اعتبار هه شوفي روحك طالعه وتسنكحي وتضحكي
رجاء؛؛ لما تقعد رجالي في الوقت هذا تحكم فيا
ومشت وهي تبي تطلع
الشاب ؛؛ به حني علينا وخوذي الرقم
والتفت رجاء لسراج
سراج؛ ؛ هذا اللي تبيه انتي
وتعال هنا يافرخ ماتحقش فيا ولا شنو شن مش مالي عينك نا
وطلعت رجاء تجري
نا ؛؛ حي علينا شن صار
رجاء ؛؛ دار عركه
نا ؛؛ حي عليا تو ايشوفنا مراد
الشاب ؛ تي هزباتك وجاي اتمرجل عليا
سراج ؛؛ تو اتشوف المرجله شن هي
وهو جا شور يبي يضربه
وجا صاحب المحل بينتهم
صاحب المحل ؛؛ وسعو بالكم كنكم
الشاب ؛؛ اقعد فيها يامهزب وطلع يجري
وسراج طلع وراه بس امسكه صاحب المحل
ونحن شافنا سراج امصبي وماسكه الراجل وهو ايهزب
وبحت في رجاء في السياره وحكي بصوت عالي
تمام هكي
ومشي وركب في السياره وماخذش طلبيته وشفنا عجاجات السياره بس ورجاء اقعدت تبكي
وجتنا لمار تجري
اميره ؛؛ خلاص رجاء امسحي مراد جا
نا ؛؛ انتي تو اديرلي مشكله معه
رجاء ؛؛ باهي خلاص وانتن ماصدقتن
وتمت تمسح في ادومعها وجا مراد وركب
نا ؛؛ طولت مراد
مراد ؛؛ زحمه لان اليوم اول يوم عيد وصبايا راقيلهن من المطبخ مش ديرات العشاء
نا ؛؛ ههههههه
مراد ؛؛ لاف وجه مراد وعطي ل اميره كيس
في السندويشات وبيتزا
اميره ؛؛ شكرا مراد
مراد ؛؛ العفوا نا معرفتش شن انجيبلكن قالت انوع خير
ايمان ؛؛؛في طابونه
مراد ؛؛ في اها
ومشينا بالسياره وحطينا البنات قي الحوش ونزل معهن الاكياس
اميره ؛ مراد هذين افلوس اللي تعقبن مني
مراد ؛؛ عدي هشي يااميره
اميره ؛؛ افلوسك با مراد
مراد ؛؛ خشي يااميره من جدك انتي جايه اتمدي فيهن ليا
نا ؛؛ عدي اميره خلاص
اميره ؛؛ صحيت بامراد تعبانك
مراد ؛؛ اميره فكينا من الجو الرسميات هذين
اميره ؛؛ تصبحو علي الخير
ناومراد ؛؛ وانتن من اهله
ومشينا بالسياره
مراد ؛؛ القيت في المطعم سراج
نا ؛؛ ارتبكت وخفت وبحتت في لمار مانبيهش تحكي
مراد ؛؛ كنك ساكته
نا ؛؛ بالارتباك
ﻻﻻ شيء نسمع بس
مراد ؛؛ اهاااا يعني ماشفتيش انتي
نا ؛؛ ﻻﻻ شفته من بعيد بس ماشفنش
مراد ؛؛ يعني ماشفش رجاء
نا ؛؛ ﻻﻻ ماشفهش
ومشينا للحوش وخشينا وتلقينا نحن و هاجر
هاجر ؛؛ وين هربتو الحوش تعب في العشيه
نا ؛؛ صاااح مشينا لهلي والجنينه
لمار ؛؛ لعبنا واجد نا واعميماتي
هاجر ؛؛ اعميماتي اعميماتك من
نا ؛؛ ههههه قصدها لخواتي
مراد ؛؛ هيا اركبي راهي تعبان
نا ؛؛ حاضر
هاجر ؛؛ عدي عدي اركبي
ماما ؛؛ كنكن طولتن
اميره ؛؛ الجنينه مازالت امعبيه اخر الناس مازالت علي نظام الرمضان روحن صبايا خوتي
ماما ؛؛ امبدري روحن
اميره ؛؛ تعشيتي ياماما
ماما ؛؛ نرجا فيكن
ايمان ؛؛ اهو جيبات معنا العشاء
ماما ؛؛ اهاا كنها رجاء خشت تجري لحمام
اميره ؛؛ تعبانه تبي الحمام بس
رجاء ؛ اقعدت تبكي في الحمام ومنهاره هي اتحب اتكابر قدام الناس بس هي من جوا طيبه وتاثر من اي حاجه يعني دايره روحه قويه علي الفاضي زي الدحيه اتشوفها اتقول قويه بس مجرد ماتشد عليها يدك تنكسر
ايمان ؛؛ ارجيوه تعالي هيا
رجاء ؛؛ بصوت عالي
نبيش نبيش ماخطري في شيء
ايمان ؛؛ اطلعي باهي لعند امتي وانتي امسكره علي روحك
رجاء ؛؛ خطواني نبيش خلوني في حالي كذا
ماما ؛ كنها اختك اتصرخ في الحمام
اميره ؛؛ فوتيها ماتعدليش عليها
ماما ؛؛ كنه شن صار معها
اميره ؛؛ ونا شن عرفني ياماما
ماانتي عارفه طبعها سامط
وقعمزنا خواتي وماما ايتعشن وخش عليهن خالد
خالد؛ ؛ اووووو انستنا
اميره ؛؛ الله يانسك
خالد؛؛ جيبات معكن العشاء
ايمان ؛؛ والله مراد هذا ذويق كلا هو خذلنا سنتره وقعمز ويهدرز معنا والحق هدرز مع ايه اكتر وعطنا افلوس بيش انلعبو لمار وحمادي
اميره ؛؛ بزياده عطنا ولما قالت خوذ الباقي مابش ياخذ مني
ايمان ؛ كريم بكل كلاه هو
بعدها مشينا للمطعم وجبنا هذين
خالد؛؛ خذيتنا راحتكن صار
اميره ؛؛ قصدك تنفسنا اشويه
خالد؛ ؛ هههههه قصدك مااتنفنسش هنا
اميره ؛؛ تي مع عادل تقدر اتنفس
ايمان ؛؛ خطرها ياماما عادل مافقدنش
ماما ؛؛ ﻻ جاء وسال عليكن بس علي قاله طلعات مع مراد
اميره ؛؛ اكيده تعقد
ماما ؛ اكيده بس علي قاله هو طلب منهن هكي ونا مابيتش انردله الكلمه
ايمان ؛؛ باهي الحمدالله ماقال شيء
ماما ؛؛ كيف يحكي وانتن طلعات مع مراد
خالد؛؛ قبل نبي لحقكن
اميره ؛؛ هههه والله ياريتك عليك جو ايهبل والله شيء مره انعدو نحن وعيت خالتي وخالي
خالد؛ ؛ ركزو علي عيت خالتي
اميره ؛؛ هههههه
وطلعت رجاء اعيونها متورمات من البكاء وخشت للدار
خالد ؛؛ هذه كنها جتها غولتها ولا شنو
ايمان ؛؛ حاله فوتها
خالد؛ ؛ تي برسمي جيتها الغوله اللي حكيتي عليها هكي
اميره ؛؛ انت عارف لما اتجيها تنقلب علينا
خالد؛؛ ههههه هذا مرض بوجه
……..
نا ؛؛ حبيبي تبي شاهي
مراد؛ ؛ ﻻﻻ نبيش خلاص تعالي شوفي العيال رقدو راه
نا ؛؛ طلعت من المطبخ وجيته
باهي حطهم في السرير حبيبي
مراد؛؛ به
وصبا مراد وشالهم وحطهم في السريرهم
ونا خشيت لابست روب اقصير
وقعمزت ندهن في جسمي
وخش مراد وقعمز علي السرير وهو ايحبت فيا
مراد؛ ؛ ياجميل يارايق
نا ؛؛ برمت وجي عليه
ههههه
مراد ؛؛ نجيلي الضحكه السمحه هذه
هيا تعالي هنا جنبي
نا ؛؛ به نتاكد من العويل قبل
مراد ؛؛ غطيتهم راه
صكري الباب وتعالي
نا ؛؛ حاضر
وصبيت وصكرت الباب بالمفتاح وطفيت الضيء
وجيته وقعدت علي صدره
مراد ؛؛ ربي مايحرمني منك ومن الحظه هذه
نا ؛؛ ان شاءالله يارب
مراد ؛؛ تعبتي اليوم
نا ؛؛ ﻻﻻ مش واجد
بدال ونا جنبك اكيده ح نقعد تمام
مراد؛؛ انحبك ياويتي
وحبني علي راسي
وهمسي في وذني
نبي نمشي للبحر كم يوم انغيرو جو
نا ؛؛ نطيت نط
قصدك نا وانت
مراد؛ ؛ اها هكي يومين او 3 علي حسب الجو
نا ؛؛ ووووو ياريت ياحبيبي
مراد؛ ؛ ماشاءالله طلعتي اتحبيه
نا ؛؛ اكيده انحبه ايهبل
مراد؛ ؛ صب وغمزلي
شن اللي حببك فيه وقرب مني
نا ؛؛ ههههههه ياصايع مش هكي
مراد؛ ؛ نقانه متقبل عليا جميل البحر اللي خلك رومانسيه وتفهمي
نا ؛؛ مراد عيب اس
مراد ؛؛ تعالي تعالي قولليلي شن كان احساسك في وقتها
نا ؛ مراااااااد عيب خلاص
مراد ؛؛ تعالي احكي عادي نحن متزوجين
نا ؛؛ مراد راه خيرلك وصبيت وخذيت مخده وضربته بيها
مراد؛ ؛ ماتضربيش راه خيرلك
نا ؛؛ باهي معناها اس
مراد ؛؛ كانك مش مذكره إحساسك تعالي وتو انعاودو المشهد
نا ؛؛ هههههه ياصايع
تميت نضرب وهو ايحاول يمسك ويضرب بالمخده
مراد ؛؛ احكي ويه عادي ديمه اتصير راه امر طبيعي عادي عادي احسبني راجلك واحكي
نا ؛؛ ههههههههه انت راجلي ونص وخمسه اخر هي
مراد ؛؛ تو انوريك الراجل ونص وخمسه شن شكله
وكرني بقوه
ههه انعاودو اللقطه
نا ؛؛ هههههه بعد ماحملت
مراد ؛؛ ابتسملي وبحت في بطني وباسها
ربي يحفظكم ليا
نا ؛؛ ويحفظك لنا
مراد ؛؛ انحبك
نا ؛؛ انحبك
مراد؛؛ نجك ليا
واضبطني و………..
وعيت تاني يوم القيت حمادي جنبي
مراد ؛؛ هيا خميرة نوم صبي وتي روحك
نا ؛؛ وين حبيبي
مراد ؛؛ اليوم وبكره وبعده الشاليه فاضي وبعدها محجوز وقالت ناخذوه نحن احسن بدال عندي اجازه
نا ؛؛ صاااح باهي هيا
مراد؛؛ هيا وتي الحاجات ونا طالع انجيب من السوق وقولي كانك تبي حاجه
نا ؛؛جيب حاجات الشويه والفحم وعصائر وخضره وشوية فواكه
مراد ؛؛ به خلاص صبي وتي دبشك ودبش العويل راهم مش ح يمشو معنا
نا ؛؛عليش
مراد ؛؛؛هي قالت جيبهم طالعه شكلها
نا ؛؛ كيف رنت عليك
مراد ؛؛ قرب مني
شن اتغاري عليا
نا ؛: اكيده شن رنت عليك
مراد ؛؛ رنت علي امي
نا ؛؛ اهاااا ايوه هكي احسن
مراد ؛؛ ناعليا منك هيا هيا صبي
نا ؛؛ حاضر
وطلع مراد ونا
خشيت ادوشت وتوضيت وصليت ودرت فطور للعويل وليا و بديت انلم في دبشنا وخذيت اشوية مواعين وحاجات تانيات
لمار ؛؛ اعميمه نازله نا
نا ؛؛ به انزلي
ونزلت لمار وتلاقت هي ومراد
مراد ؛؛ عدي بالمره للسياره خلاص
لمار ؛؛ به بابا
نا ؛؛ سمعت صوته وصبيتله
مراد ؛؛ السلام عليكم
نا ؛ وعليكم السلام ها كملت الحاجات
مراد ؛ اها جبت كل حاجه حتي حاجات انكسدو عليهن
نا ؛؛ اكيده المكسرات
مراد ؛؛ ههههه هن اول حاجات
نا ؛؛ عليك حب اتحبهن انت
مراد ؛؛ هيا انغير دبشي بس
نا ؛؛ به
وخش مراد وغير دبشه ولابس شورت وعليها تيشرت وطلعنا
ونزلنا
عمتي ؛؛شن المشيه هذه جت فجاء
مراد ؛ والله عندي اجازه قالت انغير جوي
عمتي ؛؛ به مربوحه وردو بالكم علي اروحكم
نا ؛؛ ان شاءالله
ومشينا نا مراد للحوش اهل سناء
ودق الباب مراد واطعت هي افتحت وشافته وكانت مش حاطه الحجاب
وبحتت فيها وجت عيني في عينها
سناء ؛؛ خش تفضل
مراد ؛؛ ﻻﻻ شكرا اهم دبشهم وراه حطيتلهم افلوس
سناء ؛؛ به وين ماشي شكلك ماشي للبحر
مراد ؛؛ ان شاءالله
سناء ؛؛ انت كل مالك تغرق في الغلط اخري
مراد ؛؛ خوذي العويل وخشي
سناء ؛؛ شن اتغار عليا ماتبنيش انصبي علي الباب
مراد ؛؛ غمتله استغفر الله العظيم
وبرم وجه وجاني بسرعه وركب
نا حسيته متعقد وعرفتها قالتله شيء كلمه
نا ؛ حبيبي نفس المصيف
مراد ؛؛ اها حبيبي نفسه
نا ؛؛ مديت يدي وحطيت علي يده وهو بحت فيا ومسكها وباسه
انحبك والله انحبك
مراد ؛؛ وانا انموت فيك
وولع الاغاني وعلي الصوت
نا ؛ ههههه مراد كنك
مراد ؛؛ بحت فيا علي الجنب وغمزلي
لحظات طيشه اشويه
نا ؛ هههههههههه نجك
ومشينا للبحر ووصلنا ونزلنا الحاجات كلهن
…….
مراد ؛؛ ويه ديرلي قهوه وهيا انعدو علي الشط نبي انعوم
نا ؛؛ تو ساعه 5
مراد ؛؛ خلاص عاد ياويه من الصبح وانتي امسكره علينا ديري واقي وهي نطلعو
نا ؛؛ ههههه به تو اتمل منه البحر نا انحبه في الليل
مراد ؛؛ نقعد لعند الفجر امغير هيا ديري قهوه ونمشو شربوها غادي
نا ؛؛ حاضر
ومشيت ودرت قهوه وحطيتها في سفره وطلعت حلويات وشيشة ميه امصقعه
نا ؛ هيا حبيبي
مراد ؛؛ ويتي غيري البلوزه قبل هذه اقصيره واجد
نا ؛ هيييي وين اقصيره
مراد؛ هيا غيري ابسرعه تو يقعد الريح ايطير فيها
نا ؛؛ حاضر
ومشيت وغيرت البلوزه
وجيته
نا ؛؛ ها حبيبي اكويس هكي
مراد ؛؛ قرب مني وباسني علي خدي
هيا ياملاكي
ومشينا للشط
وحط مراد الشمسيه وحط الكراسي
وجيت نا نبي نقعمز
مراد ؛؛ ﻻﻻﻻﻻ تعالي لوطه
نا ؛؛ وعليش جايب الكراسي
مراد ؛؛ لما نطلعو من للبحر انقعمزو عليهن
نا ؛ حاضر
وخشينا نا ومراد وقعمزنا تحت الشمسيه وكان الجو ايهبل وانبحتو في البحر
ولع مراد الدخان وبدا يشرب في القهوه
نا ؛؛ تو ضروري اتولعه الدخان هذا
مراد ؛؛ اها ضروري بيش ايعدل الراس
نا ؛؛ ههه يعني الدخان ايعدل صاح
مراد ؛ اها املاه عليش اندخنو كان مافيش جو
وقربني منه
شن انتي ماتحبيش ولا شنو
نا ؛؛ حبيته لما تميت انشم فيه علي صدرك
مراد ؛؛ نزل وحبني
نا ؛؛ هييييي مراد الناس اتبحت
مراد؛ رفع راسه وايبحت يمين ويسار
مانعرفش نمسك روحي بكل معك انتي يالله تقربب ماحد شافنا تحت الشمسيه
نا ؛ كريت منه النظرات ولابستهن
مراد؛ ؛ وانا اتخلني هكي
نا ؛؛ ماقالك حد اطلعني تو الشمس قويه
مراد ؛؛ فداك ياعمري
وقعدنا انهدرزو نين نزلت الشمس اشويه
مراد ؛؛؛اتخشي معي
نا ؛؛ﻻﻻ نبيش حبيبي تو انقيدك انت عدي
مراد ؛؛ تو في الليل انخشو مع بعضنا
وغمزلي
نا ؛؛ هههه بروحنا باهي
مراد ؛؛؛هيا خليكي امقعمزه هنا وماتبحتيش في الرجاله و ما تضحكيش
نا؛؛ حاضر بس وين فونك
مراد؛ ؛ اهو عليش
نا ؛؛ انكلم ايمان انهدرز معها اشويه
مراد ؛؛ خوذي راحتك
وصب مراد وحول التيشرت وقعد بالكناتيره
نا ؛؛ راه حتي نا مش عجبني تقعد هكي قدام الناس
مراد ؛؛ هههه عليش
نا ؛؛؛نبيش حد ايشوفك
مراد ؛؛ هههه اوكي
وخش مراد بسرعه
ورنيت علي ايمان
نا ؛؛ ها ياحنه وينكن مااترنن بكل
ايمان ؛؛:قاعده انشلط مع احمد هو ايخلي فيا نحكي مع غيره
نا ؛؛ هههه باهي شن جو ماما ورجاء
ايمان؛؛ تمام ماما بس رجاء ادموع امس الليل كله وهي تبكي ماني عارفه كيف صبح عليها الصبح تي وين قاعده انتي صوت ريح
نا ؛؛ في البحر اليوم في الصبح طلعنا مراد حجز اليوم وبكره بروحنا
ايمان؛ ؛ اهاااااا عليك جو ايجنن
نا ؛؛اها مش امغير جو ايجننن من الظهر ونحن هنا حتي الغداء درته خفيف لان بعدين ح انديرو اشويات
ايمان ؛ صحه علي قلبكم
نا ؛؛ سلمك
ايمان ؛؛ والله مراد هذا اكويس اكويس نين يفصل ماعاد يعرف حد قدامه
نا ؛؛ ههههه اهااا بعد يتعقد صعب ايكون تي شن انتن ماشفتن شيء منه حتي لمار اتخاف منه
ايمان ؛؛ كلا لمار هذه عجوز في كفر طفله
نا ؛؛ هههههه اها شاطره
ايمان ؛؛ نا نبي نعرف كيف اعرفت سراج
نا ؛؛ شاطره ومايمشي عليها شيء خطرها شن صار في الجنينه انتن ماحكيلتيش ونا مابيتش نسال قدام مراد
ايمان ؛؛ ياحنه اللي صار ……………
نا ؛؛ طيح سعدها من جدها هذه
ايمان؛ ؛ تحساب روحها لما اتسكر راسها ايطب معها سراج تخيلي حتي الدبش يقوللها غيري وهي ماتبيش امسكره راسها كل ما ايقوللها حاجه اتقوله لما اتكون راجلي انديرها تو مالكش الحق
وانتي عارفه ياويه الرجاله ايحبو ايتحكمو هم الشباب الصغار ايتحكمو يا بال هو الكبير
نا ؛؛ ربك يستر بعدها مراد عرف بعلاقتها وكان يتفارقو تو يقعد يسال فيا ولما سكت مراد عرفته ان سراج اكويس ومايتعوضش
ايمان ؛؛ والله خليها ساكته المده الاخيره كل حاجه اتقوله وليد ماايدريش هكي
نا ؛؛ كيف يعني
ايمان ؛؛ اتقارن به بوليد مش كان وليد متفتح وحاط ثقه في اميره وايخلي فيها واخذه راحتها معناتها تبي حتي هي
نا ؛؛ فرق شاسع بينه وبين وليد
وليد يعرف اميره من هم اصغار يعني عارفها وعارف طبعها وحافظها حفظ اخر
ايمان ؛؛ اللي هو شن جوك انتي
نا ؛ تمام سلميلي علي ماما
ايمان ؛؛ امس ماما افرحت لما جيتي وعرفتك اكويسه ولما روحنا تمت اتقول سلم اللي طلعكن وغيركن جوكن
خطرها راه احمد جاني
نا ؛؛ههههههه قديمه خطم من قدامي نا ومراد و هو امطبس راسه بس نا عرفته طول عرفتك امكلمتيه وتميت انلاهي في مراد
ايمان ؛؛ ﻻ والله ماكلمته بس هو جاي داير روحه كابسني
هيا هيا اهو ايرن
نا ؛؛ هههه ابن الحلال عن ذكره يبان
ايمان ؛؛ هههه سلام
ايمان ؛؛ ايوه حبيبي
احمد؛ مع من الانتظار
ايمان ؛؛ مع ايه قاعده في البحر
احمد ؛؛متاكده ايمان
ايمان ؛؛ والله ياحبيبي ايه وبعدين ماانت عارفني ماانكلم في حد الا خالتي فاطمه ودعاء وايه بس
احمد ؛؛ باهي شن جوك
ايمان ؛؛ تمام قاعده نرجا في المدرسه بفارغ الصبر
احمد ؛؛ ليش
ايمان ؛ بيش نطلع وانخش والله مليت انا من الحوش اهاا وتقريبا عادل يبن ايطلعن الايام الجايه يبن نشرو دبش للمدرسه
احمد ؛؛ غزالي بالطو طبعا
ايمان ؛؛ حاضر حبيبي
احمد ؛ ايوه نبيش الاستاذه ايبحتو فيك
ايمان ؛؛ من اعيوني حاضر
احمد ؛؛ عندك افلوس
ايمان ؛؛ اها الحمدالله اللي عطيتهن ليا في رمضان نبي نشري بيهن
احمد ؛؛ كيف مش قالتي نبي نشري بيهن حاجات للبتات
ايمان ؛؛ نبيش انزر علي ماما تو من هنا للفرح ايفرجها ربي
احمد ؛؛ تو انجيبلك افلوس تشري
ايمان ؛؛ ﻻﻻ حبيبي خليك انت في الشقه
احمد ؛؛ نا مازالت ماسحبت راتبي تو نسحب وانجيبلك
ايمان ؛؛ والدار اللي قالتلك عليها
احمد؛ ؛ حاضر تو نشريها بس وسعي بالك اشويه راهي غاليه والجمعيه مش تو تطلع
ايمان ؛؛ به حبيبي انت ليش تسحب مش عندك تو مصروفك من المحل
احمد ؛؛ نبي مبلغ في يدي لان في حاجه نبي نشريها تو واصل عندي كم راتب ماسبحتش
ايمان ؛؛ شن
احمد؛؛ سر تو بعدين تعرفيها
ايمان ؛؛ حبيبي وراسي
احمد ؛؛ هههه ماتحلميش نحكيلك خلاص
اميره ؛؛ دق وافتحت الباب بسرعه
ايمان
ايمان ؛ شيرتله معناها اس
احمد ؛؛ ردي ردي شوفيها
ايمان ؛ نعم اميره
اميره ؛ اسفه قطعتكم بس نبي نسال شن كنها ايه رنت عليك
احمد ؛؛ ايمان عدي شوفي اختك وهدرزي معها تو بعدين انكلمك
ايمان ؛؛ حاضر حبيبي سلام
احمد ؛؛ هاتي قبل
ايمان ؛؛ احم احم
احمد؛ هههههه باه سلام
ايمان ؛ سلام
ايه في البحر قاعده
اميره ؛ صاح يااعوينها
ايمان ؛؛ تعالي انهدرزو عند ماما وين رجاء
اميره ؛ علي حالها قاعده تبكي
ايمان ؛؛ حكيتي معها
اميره ؛ اتلز فيا كل ماانخش
ايمان ؛ حتي نا هيا تعالي لماما
…………
مراد ؛؛ ويه هيا تعالي وينك رحتي
نا ؛؛ اشويه انجيب كبابي الغازي بس
مراد ؛؛ هيا راه اتصقع الشويه
نا ؛؛ هههه ﻻﻻ مازالت
مراد ؛؛ اهي كبده انتي
نا ؛؛ نجك
شوف الناس خفت
مراد ؛؛ ساعه 12 تو كنك انتي
نا ؛؛ حسيت الوقت مشي بسرعه علشان نحن مش في الشقه
مراد ؛؛ اهو تغيرت جو
نا ؛؛ اهااا ايهبلن الشويات
مراد ؛؛ ههه صحه كلمتني هدي تو
نا ؛؛ ههههه كنها
مراد ؛؛ تسال عليك قالتلها في الحمام
نا ؛؛ حبيبي نبي فون نا
مراد ؛ تي ماطول عمرك قاعده بلا فون ايش معني تو تبي
نا ؛؛ خلاص حبيبي نا تعودت علي الفون انت طمعتني وبعدين نبيه بيش نطمن علي هلي وعلي هلك ولما اتكون انت مش قاعد تطمن عليا
مراد ؛؛ باهي بس اصبري انحصل شفره قبل قصتها قصه تو الشفره
نا ؛؛ خالد عنده صاحبه ايبع
مراد ؛ به عطيه افلوس وخليه ايجيبلك
نا ؛؛ به تو انقوله
مراد ؛؛ قاله وين وذنك ياشحا
قال اهي
وبرم يده اليمين ةمن فوق راسه وشير علي يده اليسار
(اكيده تعرفوه انتو المثل )
نا ؛ ههههههههههه ايضحك فيا المثل هذا
مراد ؛؛ هذه انتي امسيبه خوك اللي صاحبه ايبع وجيتني نا
نا ؛ ههههه ما انت راجلي
مراد ؛؛ باهي معاك بس في امور فيهن خوك
نا ؛؛ بعدين انت ناسي ان الفون اللي عندك فوني ولا شنو
مراد ؛؛ عاد تو تبي اتفشكي عليا ولا شنو عارفينه فونك
نا ؛؛ خلاص معناها عدي دور فون تاني وعطني فوني
مراد؛ ؛ ههه باقيه جالطه
نا ؛؛؛هههههه والله تحكي جد حبيبي
مراد؛؛ يستر الله كنتي هاديه
نا ؛؛ حرام عليك والله هاديه نا
مراد ؛؛ نجك ليا سوء جالطه ولاه هاديه انحبك واللسانك ايقطر عسل
نا ؛؛ هههههه صحه حبيبي
مراد ؛؛ سلمك
وصبيت ولميت الحوسه ومراد امقعمز علي الكرسي وايراقب فيا
نا ؛؛ حبيبي كان شاهيك خلاص حوله من الكانون
مراد ؛؛ اها خلاص تو انخشش جو حامي
نا ؛ بنت دبشي اشويات نقدرش نرقد بيهن تبيلي تغيره
مراد ؛؛ تي تو اتخش معي للبحر اشويه اخر
نا ؛؛ ﻻﻻ مش تو
مراد ؛؛ ﻻﻻ تو نبي قبل ما نرقدو بيش بكره اطولو ونحن راقدين خير مانطلعو في الشمس
نا ؛ حاضر
ومشي الجو احلي جو ومشينا نا ومراد وقعدن علي الشط واحدنا
بس لاحظنا ان في حركه غريبه اقريب منا
مراد ؛؛ تي حق ربي موعد باهي
نا ؛ وانت شن عرفك
مراد ؛ تي حقي البنت كيف تحكي علي الفون وخايفه وهو ايتقدم
نا ؛؛ هههه وانت اتراقب
مراد ؛؛ هه شوفي اهو مشو وراء الشاليه
نا ؛؛ طيح سعده شوفه فيش ايدير
مراد ؛؛ ههههه اتعيش فيه قبل ما ياخذها مش نا بعد الزواج وماخلتني
نا ؛ بحتت فيه ومنصدمه
هعههه شن نقصد انت
مراد؛ ؛ شوفيه كيف ماسك يدها وهي منحرجه ياعنجد البنات وخلاص ايخافن من العبد وما ايخاف من الرب
نا ؛ تو عرفتها وماكانت عاجبتك كيف صار
مراد ؛؛ نا نحكي علي الجو بس
نا ؛؛ عدت تجري شوف شوف
مراد؛؛ وحده وعت ضيء شكلها ماره بينتهن
نا ؛ هههههه شكلك خبره تفهم طول
مراد ؛؛ طروح مراهقه ملاحوظات
نا ؛؛ وانت مراهقتك
مراد؛؛ تو انتي شن رايك انخشو للبحر
نا ؛؛ فيش حد
مراد ؛؛ ماهذا اللي نبيه مانبيش حد نا
نا ؛ باهيه هيا
وصبينا نا ومراد وحط مراد الفون وحول التيشرت
نا ؛ حبيبي تقعدش هكي بلا كناتيره
مراد ؛؛ نا نبي هكي
حولي حجابك ماحد قاعد هنا
نا ؛ ليش
مراد ؛ نبيك هكي بلا حجاب تو كان جا حد تو انجيبه لكي
نا ؛؛ حاضر
وحولت الحجاب وكنت لابسه بدي نص كم وفوقه طرف طوليه وكم
وقرب مني مراد وحول الطرف الطويل
نا ؛ حبيبي
مراد ؛؛ الدنيا امظلمه ونبيك هكي هيا تعالي
ومسك يدي وخشينا للبحر وكان هادي بكل وحلو
كان ايهبل ورومانسي وهادي جدا وكنا علي ضوء القمر
ونا ماسكه في مراد من عند ارقبته
مراد ؛؛ ارخي روحك حبيبي الجو هادي
نا ؛؛ خايفه ليا زمان عليه
مراد ؛؛ عادي خليكي امسكي فيا بس ماتقعديش متعصبه
نا ؛ قعدت ماسكه بس ارتخيت اشويه ومراد مسكني من عند وسطي وامقربني منه وايبحت فيا كيف هاديه وراقده علي كتفه
مراد ؛؛ نزل راسه وحبني علي خدي
وهمسلي في وذني
انحبك ياويتي انحبك والله احلي ايام عشتهن معاك
نا ؛؛ انموت فيك موت نا مش احلي ايام عشتهن معاك
انا الايام اللي عشتهن صح اللي هن معاك انت نا حياتي قبلك ماكنتش حياه بنسبه ليا نا القيت روحي ودنيتي كلها معاك انت
مراد ؛؛ ياناعليا منك انتي
نا ؛؛ سااااكته
وبعدين همستله في وذنه
احضني نفسي اضمك
نفسي اكمل عمري جنبك
مراد؛؛ كرني اكثر للحضنه
تي كان نلقي مش انحطك بين ايديا هنا ﻻ انحطك جو في قلبي وانسكر عليك
نقانه ماعاد فيها هيا نمشو للشاليه
نا ؛؛ هههه به هيا
ومشي اخلا 3 ايام عشهن مع مراد في البحر كان اجمل ايام انعزلنا علي العالم كله وقعدن للبعض بس الليل كله ونحن علي الشط نقعدو لعند الفجر
وروحنا ومشي يوم وراء يوم
ونا جوي تمام مع مراد والحمد الله
ورجاء حالتها حاله واي حد ايجيها ماتحكيش معه واتلزه
رجاء بعد ترقالها ماتعرفش حد تقعد امغير راقده او تبكي وخلاص
والحق اول مره انشوفو رجاء بالحاله هذه عرفنها صح اتحبه واتموت فيه
حاولت كم مره اترن بس هو مابش ايرد وبعدها هي قفلت فونها ومعش رنت
رجاء اقعدت اتفكر في الموقف وتبكي وجعتها من سراج لان عالي صوته عليها قدام الناس وقدام اخته
وافتحت فونها ورنت عليه وهو مابش ايرد عليها
اقعدت تبكي اكثر حست ان خلاص برسمي تفارقو
وخشت عليها اميره
اميره ؛؛ تعالي تعشي
رجاء ؛ نبيش عنديش نيه
اميره ؛؛ وبه لعند امتي بالوضع هذا
رجاء ؛؛ وهي العبره خنقتها
مش بيدي يااميره غصبن عني والله غصبن عني والله ماعندي نيه في حاجه انحس في نفسيتي ادمرت تدمير حتي لما انرن عليه ماايرد
اميره ؛؛ عاد ياارجيوه معه الحق انتي اللي غالطه ليش ماقالتي و انتي كنتي تحكي معه قبل ماتطلعي ب 5 دقائق
رجاء ؛؛ والله ماقالت علشان خاطر ايه ومراد لان نا عارفه سراج وكان انقوله طالعه ايجني يجري لان له مده يبي ايشوفني
اميره ؛؛:كنتي اتكوني معه واضحه واتقوليله ماايجيكش
رجاء ؛؛ سراج شكاك ونا عرفته ولو انقوله هكي يحسابني دايره موعد تاني
اميره ؛؛ عليك بخت
رجاء ؛ شفتي بختي يوم اللي قعدت صادقه مع شخص وحبيته انتفارقو هكي المشكله حبيته حبيته والله لو كان اي شخص تاني راه ماعدلت عليه
اميره ؛؛ كرت رجاء واضبطتها وتمت اتسكت فيها
والعيونها ملينات ادموع
وسعي بالك راه في الحب ديمه مشاكل اهو شوفي نا و وليد مامن مشكله درنها وقالنا خلاص فراق برسمي وردينا
رجاء ؛؛ نا غلطت فيه سراج واجد نا عارفه روحي امكثره عليه وكنت مستغله فرصة ان هو حبني بس ماكانش خاطره علي بالي بكل ان ح ايجي يوم ويسيبني هكي
وتمت تبكي والعبره خنقتها علي الاخير نين اتشق القلب
والله انحبه يااميره