مسلسل سعاده كاذبه التكملة
مسلسل سعاده كاذبه
الحلقه 36
وصبا مراد وغسل ايديه وقعمز في الصاله ايدخن ونا جبتله كسترده وكلها
مراد ؛؛ ايه
نا ؛؛ نعم
مراد ؛ نبيك في موضوع بس نبيك اتكوني صادقه معي
نا ؛؛ تفاجت بكلامه وانصدمت
مراد ؛؛ شن نحكي ونسال عادي يعني
نا ؛؛ خفت وصارتلي رهب جو
احكي حبيبي عادي
مراد ؛؛ انتي من زمان هكي اتساعدي في خواتك يعني تحكي عادي مع الرجاله
نا ؛؛ ﻻ نا مانحكيش مع حد اساس هذه اول علاقه للرجاء
زمان اميره واميره من زمان شبه مخطوبه للوليد وايمان مازالت اصغيره وانخطبت طول وماعمرش راجلها حكي معها قبل الخطبه
يعني فيش وحده دارت علاقه الا رجاء بس
مراد ؛؛ يعني ماتحكيش مع اصحابهن
نا ؛؛ ﻻ
مراد ؛؛ رجاء امتي بدت في علاقتها مع سراج
نا ؛؛ قبل خطبتي بكم شهر بس
هذه مرضت ماما الاخير قبل ما اتسافر وادير العمليه هو قعد يطلب في فونها وهو اهتم بماما واجد و رجاء تمت اطيح ادوخ وهو عالجها وهكي تعرف عليها
مراد ؛؛ عارفه نا شكيت ان في حاجه لان كل مااتجي امك للمستشفي مريضه ايكون هو قاعد حتي ولو هو ماعندش عمل
نا ؛؛ ما هذا اللي مطمنا ان هو ايخاف علي ماما وايعامل فيها احسن معامله وهذا كله علشان خاطر رجاء وهذا ايدل علي ان ايحبها
مراد ؛؛ كان مانعرفش سراج ان اكويس ومحترم راه درت مشكله كبيره
نا ؛؛ انحرجت ونزلت راسي
مراد؛ ؛ ايه هذه اخر مره نلقاك اتساعدي حد في مواضيع هذين وبكره تو نشري فون لرجاء لان فونها تكسر ومانبيش قدامها قليل الذوق
نا ؛؛ ﻻ عندها تو
وحطيت يدي علي فمي
مراد ؛؛ كيف املاه عندك الاخبار
نا ؛؛ امس كلمت ايمان وقالتلي ان اعرفن ان انت كبست الفون عندي وقتلها راه انكسر وقالتلي جابلها سراج
مراد ؛؛ اوووووو ماشاءالله سراج هذا امكبد شكله
نا ؛ الله اعلم
مراد ؛؛ به ايه هذه اخر مره
مره تانيه تحملي ماايجبك
نا ؛؛ حاضر حبيبي
مراد ؛؛ به تعالي قعمزي هنا كنك متباعده
نا ؛؛؛ نجك
وجبته وقعمزت جنبه
مراد؛ ؛ شن الجو هذا تي تعالي هنا
وكرني وحطني عند كرعيه واضبطني
انحبك وباسني علي خدي
نا ؛؛ وانا انموت فيك
وقعد حاط راسه علي راسي
ويحكيلي بصوت واطي ودافي
مراد؛؛ شن جوك اليوم تريحتي
نا ؛؛ اهو الحمدالله اليوم حسيت روحي رقدت واجد
مراد ؛؛ عادي هذا اللي يبي يحمل
نا ؛؛ ههه هذه نعمه والحمدالله
مراد ؛؛ اي والله نعمه والحمد الله نا قاعد انشوف كل يوم اقريب 15 امراه تجري في جرت هالحمل
نا ؛؛ اها هذه الدنيا واحد هكي وواحد هكي
مراد؛؛ خطرها شن صار في بنت خالتك
نا ؛ مش عارفه مش انت عاطيها احبوب
مراد ؛؛ اها شكلها مازالت ﻻن احبوبها مازالنا
نا ؛؛ اها
حبيبي بكره نمشو ساعه كم
مراد ؛؛ بكره تو نوعي بدري وانجيب حاجات وانتي وتي روحك
نا ؛؛ ساعه كم
مراد ؛؛ هههعهههه تبي ترقدي انتي
نا ؛؛ ههههه مرات اتجيتي علي النوم اخر
مراد؛؛ علي الظهر نوعي نا
نا ؛؛ اها به
حبيبي نبي انعدي نقراء قبل ما ياذن الفجر تبي حاجه
مراد؛؛ حبني علي راسي
ربي يحفظك عدي اقري
نا ؛؛ صبيت ومشيت للدار وبديت نقراء نين اذن الفجر صليته وخشيت رقدت طول
ووعيت تاني يوم علي صوت مراد جاي
مراد ؛؛ ايه ويه مازالتي راقده صبي خموجي
نا؛ ؛ نعسانه بكل
مراد ؛؛ هههعه هيا راه جبت الحاجات كلهن وقالت اكيده واتيه ولما رنيت ما رديتش عرفتك راقد ركبتلك
نا ؛؛ نبي نرقد اخر شن جبت
مراد ؛؛ جبت سقيطه لحم وخضره وعصائر وفواكه وحليب وتمر
نا ؛ وووووو واجد سقيطه ليش هكي
مراد ؛؛ هذه اول مره ناكل عندكم تبيني انخش يدي فاضيه
نا ؛؛ اها به هيا تو انصبي للحمام
وصبا مراد وتم ايبحت فيا ونا عطيته ظهري وغطيت روحي وغمضت اعيوني
مراد ؛؛ استغرب وقعد ايبحت فيا
وكر مني الفوطه
ههههههههههههههه ايه كنك يا تنبال
هيا وتي روحك بيش تمشي للهلك
نا ؛؛نحكي بصوت بيبي وواطي
حبيبي نبي نرقد
مراد ؛؛ ساعه 2 تو خلاص سادك نوم هلك يرجو فيك
نا ؛ ييييييييييي عليا والله تعبانه
وصبيت وحسيت بدوخه وطحت ومسكني مراد بسرعه وشالني وحطني علي السرير وجاب عطر وبخه علي يده وحط عليا علي خشمي ونا وعيت من بنت العطر القويه
وطول مشيت نجري وتميت انرجع
مراد ؛؛ ويه انتي شكلك واعر اوحمك
نا ؛؛من بختي
وغسلت ايدي وتوضيت وصليت الصبح علي الظهر
وبديت نلابس
ومراد امقعمز وايبحت فيا
ونا امقعمزه علي كرسي الزينه ونمشط في شعري بشويه
صب وجاني وخذ مني النشطه وتمه يمشط فيه ليا
نا ؛؛ اسفه تعبتك معي
مراد ؛؛ تعبك راحه ياعمري
ودرت كريمه مرطب وقلم حاجه خفيف علشان اصيام ولابسني مراد الذهب ولابست وشاحي
مراد؛؛ هيا حبيبتي
وطلعنا وهو حاط ايده علي اكتوفي
وننزلو بشويه بشويه
مراد ؛؛ انتي مفروض معش تنزلي مش اكويس الدروج عليك تو
نا ؛؛ الله غالب مرات نطر
مراد ؛؛ اليوم اخر مره تنزلي خلاص خليك في الشقه
والقينا اعميمه قاعده في الجنان
مراد؛؛ خير يا امي
عمتي ؛؛ خيرات وين ماشي
وجيت سلمت عليها
مراد ؛؛ اليوم فاطرين غادي
عمتي ؛ اها به مربوحه
وطلعنا وركبنا في السياره
ومشينا للحوش هلي
ولما وصلنا
طلعلي مراد كيس من السياره امتع هدية رجاء
مراد؛ عطيها لرجاء وقوليلها فكينا من الوجيج
نا ؛ هههه به ان شاءالل
ه
ونزلت ونا اندق جا خالد وفتحلنا الباب
خالد؛ اووووو عيت مراد اهلا هيا خشو
ونا خشيت جو للجنان واميره وماما اطلعن يجارن واضبطني
وماما اول ما شافتني تمت تبكي
ماما ؛؛ كل سنه وانتي طيبه
نا ؛؛ وانتي طيبه
اميره ؛ رايفن عليك يا اكبيده
نا ؛؛ والله انا اكتر
وخش وراي مراد وهو اينزل في الحاجات
ماما ؛ معقوله هكي اتعبو في اروحكم
نا ؛: مش اخساره فيكم وبعدين هذين بينك وبين مراد نا مادخلنيش بشيء
ماما ؛؛ ليش يا مراد اتعب في روحك هكي مافي حاجه ماجيبها
مراد ؛؛ هههه لا عادي عمتي
وسمعنا صوت كرعين يجارن علي الدروج
وكلنا بحتن في الدروج نرجو في من النازل
واتجي موده تجري
موده ؛؛ اعميمه ايه
وهي جايه تجري تبي تزقب عليا ونا نزلتها وفتحت ايديا
مراد ؛؛ بصوت عالي
ﻻﻻ يا ايه صبي كنك انتي
نا بحتت فيه وصبيت
ماما واميره بحتن في مراد واستغربن علي ردة فعله
مراد؛؛ مش اكويس تزقب عليك كنك انتي
نا ؛ اها
تعالي موده حبيبتي وحبيتها ومسكت يدها وخشينا جو
خالد؛ ؛ هيا يا مراد خش كسد معي امولع صوني نا
مراد؛ اوووو صوني ليا زمان والله
وخشو خالد ومراد للصاله
ونا خشيت للمطبخ مع ماما واميره
وطلعت ماما وطلعنا وراها وصبينا عند الباب
ماما ،؛ مراد شن تبي الفطور شن خاطرك في حاجه
مراد ؛ لا ياعمتي اي حاجه اديروها
وتطلع رجاء وايمان من الدار وحالتهن حاله ورجاء اطلعت وهي تثاوب
رجاء ؛؛ تقريب سمعت صوت العبيطه هنا
وانصدمت لما شافت مراد واقعدت ساكته
ومراد بحت فيا وماسكه ضحكتها
خالد ؛ ديمه متبري منك اللسانك الجالط
ايمان ؛؛ خيرات مراد سامحنا طلعنا بنومنا
مراد ؛؛ ﻻ عادي خوذي راحتك
رجاء ؛؛ اهلا مراد كل سنه وانت طيب
مراد ؛ وانتي طيبة
وجتني وسلامت عليا
نا ؛ وين ياحناتي علي النوم
ايمان ؛؛ تشليط ياحنه
وقعدو مراد وخالد يلعبو بالصوني ونحن قعدنا في المطبخ انحوسو
ماما ؛ كنك طولتي ماجيتنا
نا ؛؛ مريضه اشويه
اميره ؛؛ لاباس كنك
نا ؛؛ تحشمت انقول حامل لماما
وبحتى في ايمان وغيرت موضوع
به ايمان شن اخبار احمد
ايمان ؛؛ استغربت الحركه
تمام الحمدالله قاعد يعطي في الاوامر ونا انفذ
نا ؛؛ ههههههه هذوم الرجاله
اميره ؛؛ بيانا اقريب اليوم تو انحدودو بدال جيتي انتي
نا ؛ مبروك عليك ان شاءالله شن وتيتن حاجات
ماما ؛؛ تمت امركزه فيا وافطنت ان غيرت الموضوع
تو انديرو كل حاجه هنا في الحوش الفاتحه والبيان في يوم واحد
بره الرجاله يقرو ونحن بعدها انلابسو جو
نا ؛؛ صاح عليك جو والله
اميره ؛ فكرة خالتي سالمه قالت ماعندنا عليش انديرو كل مره عند وحده وسريب
تو نمشو نا وامل للكوافير مع بعضنا وانروحو مع بعضنا وايخشو هم ايلابسونا
نا ؛ به الحمدالله ربي ان شاءالله ايتمم عليكن
اميره ؛ ان شاءالله
كنه امبدري مراد يعيطلك مابش ايخليك اتشيلي موده
نا ، انحرجت وانخرزطت علي الاخير ونزلت راسي
ماما ؛؛ شن حامل املاه
نا ؛؛ بحتت في ماما وكأني دايره فضيحه
وهزيت راسي معناها اها
رجاء؛ لووووووووووووووووووووووووو
وجتني ماما وتمت تضبط فيا
ماما ؛؛ نحك ليا والله كنت حاسه
اميره ؛ لووووووووووووووووووووووووو
ايمان ؛؛ حي ايه ح تقعدي ام انتي
وخالد ومراد اسمعو الزغروته
مراد عرف طول ان نا قالت لهلي اني حامل
خالد ؛؛ قعد ايبحت في مراد ومستغرب
اميره كنك شن في
وطلعت رجاء تجري عليهم
رجاء ؛ ح تقعد خال يا خالد ايه حامل والله ايه هذه اكبرت وكبرتنا معها
خالد؛ استك وقعد ايبحت في رجاء وفي مراد
و مراد نزل راسه وضحك وخبطه بيده
علي كلمة رجاء
انحرج
خالد ؛؛ صااااح مبروك يتربي في عزكم ان شاءالله
اميره ؛؛ ونا انقول كنك معش جيتنا
نا ؛؛ اها كنت تعبانه في الشقه لا طلعه ولا خشه
ايمان ؛؛ باهي مشيتي للدكتوره تاكدتي
اميره ؛ بحتت في ايمان واضحكت
رجالها دكتور وتمشي لحد غيره
ايمان ؛ يييييي انسيت
ماما ؛ ماهذا اللي امريحني نا راجل فاهم وعاقل ودكتور
نا ؛؛ اها هذاك اليوم مشيتله في العياده وهو اول ما دارلي تحاليل جابلي ادويه
ايمان ؛؛ ماشاءالله تبارك الله
ماما ؛؛ هيا ديرن العصبان ابسرعه بيش انكملو الفطور
وتمينا لاهين في الفطور
ومراد وخالد قاعدين يلعبو وجا وخش علينا عادل
وانصدم لما شاف مراد وانحرج
عادل ؛ السلام عليكم
مراد ؛؛ وعليكم السلام
وسلمو علي بعضهم
عادل ؛ شن معناها فاطرين هنا
مراد ؛؛ ان شاءالله
وخش علينا في المطبخ
عادل ؛ خير يا ايه
نا ؛ برمت وجي والقيته عادل
جيته وسلمت عليه
كيف حالك
عادل ؛؛ تمام الحمدالله كيف حالك انتي
نا ؛؛ الحمدالله
عادل ؛؛ شن جو يا امي
ماما ؛: الحمدلله بدال ابنيتي احذي ومتريحه
عادل ؛: ان شاءالله دوم
تبي حاجه في حاجه ناقصه نا طالع نبي نشري خضره
ماما ؛؛ ﻻ الحمدالله في كل حاجه
و مراد مافي حاجه وماجابها ولما اتروح بعدين نبيك اتقطعلي الحم مراد جايب سقيطه
عادل ؛؛ صاح به خلاص في الليل تو انجيها
ماما ؛؛ به
وطلع عادل
رجاء ؛؛ والله مراد هذا كسرله خشمه وكسر حتي خشم نعيمه
نا ؛؛ كيف ليش شن صار
رجاء ؛؛ من لما روحت من هلها معش تنزل علينا محبوسه في شقتها تطلع لهلها بس ونحن جتنا مره وحده وهدرزت اشويه وعدت اركبت
ايمان ؛؛ عرفات جيتني علي البسبوسه نبي انديرها
نا ؛؛ اووووووووو نقانك اديرها مراد ايحبها
اميره ؛؛؛وووووو بديتي في مراد ايحب هكي وما ايحب هكي
نا ؛؛ ههههه خلاص عاد ضروري نحفظ طبعه
ماما ؛ شن وين العويل
نا ؛؛ امس عدو لامهم
ماما ؛؛ اها به شن جوك مع مراد شن اكويس معاك
نا ؛؛ الحمدالله
خطرها شفتن شن جابلي
اميره؛؛ قصدك سلسه
نا ؛؛ اها ما استغربتيهش
رجاء ؛ اتجننننننن شن المناسبه
نا ؛ علي الحمل لما طلعت حامل جابها ليا في الليل
ماما ؛؛ انعنه ديمه عامر وديمه امدلعك وربي ايخليكم لبعضكم ويحفظكم
نا ؛؛ ان شاءالله يارب
وخش علينا خالد
خالد ؛؛ اميره ما رنتش عليك امل
ونا انصدمت لما سمعت خالد وقعدت انبحت فيهم
اميره ؛؛ ﻻ بس هم تقريبا جينا في الليل
خالد ؛؛ من قالها لكي
اميره ؛ دعاء
خالد ؛؛ وهي كنها مقفل سبحان الله فيها وفي تسكير راسها
رحاء ؛؛ اصيام تو شن تبي اتكلمها
خالد ؛ وانتي شن دخلك خليك في حالك
اميره رني علي دعاء شوفيها كنها
اميره ؛ به تو انرن تو
وطلع خالد
نا ؛ ونا منصدمه
كيف قصدكن عرف خالد ان اميره عندها فون
رجاء ؛؛ سلم امل يا حنه كبتله الشوالت وقالتلها مادخلكش بها تو هي خطيبت وليد ومن حقها تحكي معه وايمان كبسها كبس شينه
نا ؛ ﻻﻻ يا حناتي تعالنا هنا احكلي شن صار بالتفاصيل
رجاء ؛؛ ياحنه يوم مرضت ماما روحنا والقينا عيت خالتي قاعدين مع ايمان في الحوش كلنا استغربن وخالد استغرب
خالد؛ كيف انتو شن عرفكم ان امي في المستشفي
خالتي ؛؛ ازرقت بالكلام
ايمان رنت علينا
خالد بحت في ايمان وفنص ومسكها من عند يدها وخش بها للدار
خالد؛ عندك فون ياحقيره من ورانا دايره
ايمان اقعدت تبكي
اهاااا يا خالد يدي
خالد ؛؛ تو هاتي فونك
وخشت امل عليهم
امل ؛ خالد سيب اختك
خالد ؛ انتي اطلعي بره شن دخلك
امل ؛؛ كنك انت تبي تضربها بيش ايجي راجلها وايشوفها وتقعد كيف عادل ويحرجك
خالد؛ انتي مادخلكش اطلعي
امل ؛؛ جاته وفكت يده
اطلعي يا ايمان
وطلعت ايمان تجري
امل ؛ انت ناسي البنت عندها راجل وكان عندها فون ماتحكي مع راجلها حلال يعني فكنا يا خالد من تخلف عادل ايمان مخطوبه
هي مش مخطوبه بس هي متزوجه احمد قاري فاتحته حلاله يعني
ومن طبيعي يبي اديرلها فون كنك انت ناسي روحك ما كنت خاطب وداير لخطيبتك فون وتحكي معها وسيبتها واهو تو تحكي معي انا عاطي فيا كلمه بس
كيف انت حلال عليك وهن حرام
خالد؛ ؛ انحرج وطلع وخش لداره وسكر الباب بالقوه
وخشت وراه امل
ولقاته امقعمز علي السرير وجاته وفعمزت جنبه
امل ؛؛ حبيبي خليك واقعي اشويه
حرام خواتك تو مخطوبات ويبن يحكن مع راجلتهن ولا تبوها ياخذن علي العميان كيف ايه مشت لراجلها ودمعتها علي خدها لان ازوجت راجل ماتعرف بكل وعادل لعند اخر شهر وهو يضرب فيها ماتقعدش انت والزمان عليهن يا خالد ساد انهن قزونات ولا اقرايه ولا شيء امغير اطياح في الحوش وعادل متحكم فيهن علي اقل انت اقعد معهن وخليهن حاجه و2 يحكلنلك عليها وخليك اقريب منهن راه ايحبنك وخواتك اكويسات
وخليهن ايقولن الله ايسامحه مش الله الله لا يسامحه رفع روسهن قدام رجالتهن مش اتنزلهن كيف ما عادل داير ل ايه
بدال ما عادل ايجي ايوصي مراد علي اخته
لا العكس صحيح مراد هو اللي ايوصي علي مراته
خالد ؛ بس فون من ورانا ماشور شيء
امل ؛؛ ماكان انت موافق راه درنه قدامك عادي
حبيبي خلاص علشان خاطري ما اهو نا حبيبتك وقاعده واخذه راحتي معاك واني قاعده معاك في الدار عيني عينك ومااندور في حد عندي اهم حد انت ونا عارفتك اتحبني واتخاف عليا ومش ح اديرلي حاجه اتضرني ونا حاطه في روحي ثقه اكتر منك
خالد؛ ؛ ﻻ والله وكان ايجي الشيطان لا يعرف فيها لا ثقه ولا شيء
امل ؛ والله كان نا مش راضيه مستحيل تقدر ادير حاجه
تو خلينا نسالك
خالد ؛؛ نعم
امل ؛؛ خالتي شن اخبارها
خالد ؛؛ اكوبس قاعده معها ايه جت اكيده الفرخه ايمان امكلمتها
امل ؛؛ ههههه نجك اتهبل وانت متعقد
خالد ؛وانتي صادقه وانتي جنبي
وكرها وطاح علي السرير
امل ؛ يا سخيف اطلقني
خالد؛ ؛ الشيطان خطم عليا تو
وقالي خليها هكي طايحه عليك
امل ؛؛ يا سخيف اطلقني وتمت ادف فيه
وخالد ماسكه بقوه وجت عينه في عينها
خالد ؛؛ انحبك يامهبوله
امل ؛؛ ونا انموت فيك يامجنون
خالد ؛؛ انتي اللي جننتي كنت راجل طيب وفي حالي وخاطب وماشي في هالدنيا نين جيتني انتي قلبتني بكل
امل ؛؛ اصل ماتحملتش انشوفك مع غيري وحبيتك وخليتك اتحبني وتجنن بيا
خالد؛ به هاتي وحده وانتي شيء مكر برسمي
امل ؛؛ ﻻﻻ فيش اقراء فاتحتي نعطيك
خالد؛؛ مصح وجك تبني نقراء فاتحتي عليك وماتبنيش ناخذها تي ناخذها وياما ناخذ بعدها خلاص عاد حلالي
وهيا تو عطيني وحده بيش انفكر نقراء او ﻻ
مرات ماتعجبنيش مانقرش
امل ؛؛ نذبحك بعدها
خالد؛ تي انحبك يا مهبوله
امل ؛؛ ماما بره قاعده نبي نطلع ماشور شيء طولت معاك
خالد؛؛ به ونا خلني نرقد علي ساعه 11 وعيني
امل ؛؛ من اعيوني
وصبت امل وخالد ابتسملها و غمض اعيونه
وهي لما شافته كيف امغمض وشكله ايهبل ومغري
جت وانزلت عليه وحبته علي اللحيه واطلعت تجري
خالد فتح اعيونه وضحك
تي والله مهبوله وهذا اللي عجبني فيها
ورقد خالد
وامل اطلعت علي البنات وفرحتهن ان خالد سكت وراضي علي الموضوع
ايمان ؛؛ الله ايربحك يا املوه وانعنك مااتغيبي
امل ؛؛ ترحمن عليا وارعرفن قدري
رجاء ؛ مازالت نا بس مازالي سريب طويل
……
وهذا اللي صار ياحنه
نا ؛؛ خياليه امل هذه دبمه شخصيتها قويه واجير اللي تبيها
رجاء ؛؛ الليبين هكي مايبو تسكير راس واعناد
اميره ؛؛ خالد اهو فون احكي علي الخط قاعده
وصبا خالد وخذا الفون وحول من احذ مراد
خالد؛ الو ايوه امل وينك
امل ؛؛ خيرات
خالد ؛؛ كنك مقفل من الصبح
امل ؛؛ حاطه فوني علي الشحن والضيء طفي وجا قوي وحرقلي فوني بكل
خالد ؛؛ ﻻﻻ
امل ؛؛ والله عابيه انكلمك بعد الفطور انقولها لك
خالد ؛ لما القيتك مقفل انشغلت قالت ل اميره اتكلم دعاء
امل ؛ اها بيش تعرف خير خواتك تو كان اميره عندهش فون راه قعدت مشغول عليا
خالد؛ ؛ ها جاينا اليوم
امل ؛ انا تقريبا مش جايه
خالد ؛؛ وليش
امل ؛؛عنديش وجه انشوفك طالقه الشينه
خالد؛ ؛ هههههه علي اساس سمحه زمان
امل ؛؛ باهي يا خالد تو اتشوف
خالد ؛؛ اسمعي تعالي اليوم بيش نعطيك فون تو نطلع تو ونشريلك
امل ؛؛ ﻻ كان هكي معناتها تو انجي بس خاطري في حاجه نبيك اتجيبها ليا
خالد ؛؛ شن هو
امل ؛؛ خاطري في اكنفه بالقشطه
خالد ؛؛ به تو نطلع تو وتو انجيبلك
امل ؛؛ به سلام ماما اتنادي
خالد ؛؛ انتلاقو
وجا خالد وعطي الفون ل اميره وطلع
خالد ؛؛ مراد نا طالع لمحل هنا نشري فون وانجي
مراد ؛؛ به ابراحتك عدي
خالد ؛: مش امطول عشره دقائق بس
وطلع خالد ونا شفته طلع وجيت لمراد
نا ؛؛ شن تلعب
مراد ؛: ليا مده عليها
نا ؛؛ ههههه نحن عندنا خالد مدمن لها
مراد ؛؛ هههههه اهو تغير الجو
نا ؛؛ ماشي بعدين للعياده صاح
مراد ؛؛ اها ان شاءالله بس نبي انغير مش ماشي هكي
نا ؛؛ اها به دايرن عصبان الفطور
مراد ؛؛ انشم في بنته من امبدري
نا ؛؛ اها ومعه شربه طبعا ورز وبيتزا ملفوفه وطاجين جبل وبطاطه امبطنه و كيمياء
(الكيمياء هي المفروم بالدحي )
وسلاطه وخبزة كوشه ديرتها اميره
مراد ؛؛ ماشاءالله تبارك الله
نا ؛؛ ههههه جعت صاح
مراد ؛؛ انتي اللي جوعتيني نسالك
نا ؛؛ نعم
مراد ؛؛ عطيتي لرجاء حاجتها
نا ؛؛ ﻻﻻ مازال ماحصلتش وقت
واتخش علينا ماما
ماما ؛؛ شن الاخبار
مراد ؛؛ تمام الحمدالله
ماما ؛؛ شن امتعبتك في الشقه
مراد ؛؛ ﻻ والله
نا ؛؛ هابا بدال ماتساليني تسالي فيه هو
ماما ؛؛ ﻻ انتي قاعده واضحه فيك متهنيه ومتريحه وامريحك ان شاءالله ربي ايدوم
مراد ؛؛ ههه ان شاءالله
وجا خالد
مراد ؛؛ شن صار حصلت
خالد ؛؛ اها اهو وجبت حتي حلويات
ماما ؛؛ كيف شاري كنه فونك
خالد ؛: مش ليا
ماما ؛ هييييي املاه لمن
خالد ؛؛ هههه امي كنك افهمي
نا ؛؛ ههههههههه ل امل شكله
خالد؛؛ ضروري احراج يعني
ماما ؛؛ اها به برحتكم بس خلاص يا خالد ضروري نطلعو بكره نشرو الذهب والدبله خلاص خالتك شرت
مراد ؛؛ ما شاءالله خطبت يا خالد
خالد ؛؛ اها بنت خالتي
نا ؛؛ امل بنت خالتي سالمه اخت دعاء
مراد ؛ اهاااا اوكي اخت وليد صح
ماما ؛؛ اها وليد خطب اميره وخالد خطب امل تبادلو يعني
مراد ؛؛ باهي مبروك ان شاءالله
ماما ؛؛ بس مازال ماحددن موعد الفاتحه نرجا فيكم امتي اتجو نبو يوم مااكونش عندك عياده
نا ؛ يوم جمعه بس مراد قاعد
ماما ؛؛ انديروه جمعه يعني
مراد ؛؛ خلاص ابراحتكم امتي ماتبو نا عادي نعتذر
خالد ؛؛ خلاص خلوها جمعه احسن وبكره ياامي ح نطلعو نشرو اللي تبيها كلها
مراد ؛؛ هههههه مستعجل
رجاء ؛؛ تي كيف مش عطاشه انتو
خالد ؛؛ اذن المغرب
رجاء ؛؛ اهااا تعال جيب السفره من المطبخ اثقال
خالد ؛؛ هيا
جابت اميره سفرة الحليب والتمر
وحطتها
وكلنا شربنا
وصبا خالد جاب السفر وكلنا صبينا انصلو
واول وحده كملت الصلاه نا والقيت ايمان امقعمزه تاكل
نا ؛ كيف فيش صلاه ولاه دقتيها
ايمان ؛؛ فنصت فيا
ونا التفت وشفت وراي والقيت
مراد امصبي
مراد ؛ نزل راسه وضحك وحكي بصوت واطي
عبيطه برسمي
وجت رجاء
رجاء ؛؛ بيش تعرفو فيش انعاني بس اسمله عليك يا مراد
مراد ؛؛ هههههههههههه
اميره ؛؛ عيب يا رجاء وانتي ديمه حاطه ايه في راسك
خالد ؛؛ مراد قعمز ماتسمعش رجاء ديمه طالقه اللسانها هكي راه
اميره ؛؛ هذين المقبلات امتعاتن رجاء ضروري اتكها مع حد قبل الفطور
رجاء ؛؛ امي نبي ناكل مع خالد ومراد
ماما ؛؛ طيح سعدك تعالي كولي معانا
رجاء ؛؛ ﻻﻻ نبي انخزرط مراد وانشوفه كيف ياكل
مراد ؛؛ ﻻ تعالي كولي معانا ماايهمك شيء نا في الوكال ماانتحشمش
رجاء ؛؛ تي انبصر
هههههههه
نا ؛؛ بعدك عصبان والله ماحد يرحم
وقعمزنا ونحن ناكلو
وفي نص الوكال رن فون ايمان علي الهزاز
ومراد وخالد تمو ايبحتو فيها
ايمان انحرجت وخذت الفون وصبت خشت لدار
ماما ؛؛ بصوت واطي
بسم الله الكريم مااسرع ماكمل اوكاله ورن عليها
رجاء ؛؛ هههههه تي اكيده خذ شربه وصب رن طول
اميره ؛ ههههه راجل باحنه لا وره غسل مواعين ولا حوسه
رجاء ؛ والله صدقتي
اميره ؛؛ به هيا كولي راه عيت خالتي يبو ايجو قبل التواريح
رجاء ؛؛ خلاص كملت وصبت
نا ؛؛ ماما حار بكل العصبان انحس في اوذني بقيات كيف الرسوم ويطلع منهن دخان
خالد ؛؛ نقانه حار كنك فاصله علي الفلفل
ماما ؛؛ صاح يامراد حار
مراد؛ نا عندي هكي احسن ناكل في الحار نا
اميره ؛؛ اكيده عاد اليوم ادوري في راي راجل بنتك بس ونحن رحنا فيها لا ادوري فينا ولا شيء
رجاء ؛؛ ايه فونك في الشنطه ايرن
نا ؛ غريبه من اللي ايرن
وصبيت ومشيت للدار وطلعت شنطتي
نا ؛؛ ايوه اخويله
خالتي فاطمه؛؛ شن الاخبار قاعده عند هلك قالو
نا ؛؛ اها كيف انتي مش جايه هنا
خالتي فاطمه؛؛ ﻻ نبي انجي بس ماعندي من ايجبني نبيك اتقولي ل خالد او مراد ايجبني اللي فاضي فيهم
نا ؛؛ به تو انقوللهم وكنه خالي مش قاعد
خالتي فاطمه؛؛ خالك حاط السياره في الورشه
نا ؛ كنها
خالتي فاطمه؛؛ لا امغير صيانه بس
نا ؛؛ اها به تو نحكيلهم
وطلعت والقيت ماما وخالد ومراد ايهدرزو علي الشاهي
نا ؛ هذه خالتي فاطمه
ماما ؛؛ كنها
نا ؛؛ قالت ماعندي من ايجبني قولي للمراد او خالد
مراد ؛؛ وين عمي
نا ؛؛ حاطه سياره في الورشه صيانه
مراد؛؛ خلاص تو انجيبها نا ونا ماشي للعياده
خالد؛؛ الله ايريحك ريحتني
ماما ؛؛بحتت في خالد
كلا انت ورجاء ماتحشمو بكل
خالد؛ ؛ ههههه هو اللي عزم مش نا
وخشيت علي البنات في المطبخ وساعدتهن وكملنا الحوسه وطلعنا
مراد ؛؛ تبو حاجه نا ماشي للعياده
ماما ؛ مربوحه
وطلع مراد
ونا لحقته في الجنان
نا ؛؛ ماشي للشقه قبل
مراد ؛؛ انغير وانعدي انجيب عمتي وماشي للعياده بعدها
نا ؛ به فطرت اكويس اعجبك الفطور
مراد ؛؛ ماشاءالله تبارك الله وهي رجاء اتخلي الواحد يضحك وياكل وخلاص
نا ؛ مش قالتلك رجاء عندنا متعبه
مراد؛؛ به ياعبيطه تعالي عطيني تصبيره اشويه
نا ؛؛ ايوه بيش المره هذه يكبسنا عادل مش حاتم
مراد؛ ههههه اس راه اندير اللي نبيها هنا
نا ؛؛ ههه تقدرش
مراد ؛؛ مسكني بقوه وكرني شوره
نا ؛؛ حي مراد حول عيب
مراد ؛؛ ماتعانديش مره تانيه
نا ؛؛ به حول حبيبي عيب
مراد ؛؛ باسني علي خدي
هيا سلام وردي بالك من روحك
نا ؛؛ ان شاءالله
ومشي مراد ونا خشيت ادوشت ولابست توته من ايام زمان عندي ودرت ميك اب خفيف وخشت اميره ادوشت واستشورت ولابست تنوره طويله وابلوزه نص كم ودار ميك اب حلو وخفيف
وجو عيت خالتي سالمه وسلمنا
وليد ؛؛ شير ل اميره اتجيه في المربوعه
وخشت اميره ووليد للمربوعه
واولا ماخشت
مسك وليد يدها وكرها وجنبه وقعمزها جنبه وقعد ماسك يدها
وليد ؛؛ رايفت عليك يااميرتي
اميره ؛؛ والله حتي نا معش تميت انشوف فيك واجد
وليد ؛؛ ههه هذه الخطبه وجيج وخلاص والله ايام العلاقه وخذين راحتن اكتر
اميره ؛؛ هههه لالا نبي نا خطبه وزواج خلاص لعند امتي ونحن هكي
وليد ؛؛ والله هذا اللي نبيه نا بس ظروفي
اميره ؛؛ حبيبي ظروف الليبيين كلهم هكي الواحد كان مازر علي روحه مش ح يزوج ولا ادير حاجه علي حاله
وليد ؛؛ والله انحبك انتي وكلامك العاقل هذا
اميره ؛؛؛ونا انحبك وانت بعقلك هذا اللي ايحبني
وليد ؛؛ هههههههه نجك ليا
جبت الدبله شوفيها كان عحباتك بني نكتب عليها
اميره ؛؛ كذا
ووووووو اتجنن حبيبي بكل
وليد ؛؛ الحق ذوق امي وحتي نا عجبتني
اميره ؛؛ نجيها خالتي اتجنن
وليد ؛؛ هاتي انلابسها لكي بيش انشوفها
ولابسها وليد لها وباسها علي يدها
وليد ؛؛ مبروك الدبله حبيبتي
اميره ؛؛ يبارك فيك شن امتي طالع للسوق تشري البدله
وليد ؛؛ مش عارفه عليكن انتن هذه
اميره ؛؛ نا وامل اتفقنا نطلعو مع بعضنا ياانت او خالد ايطلعنا
وليد ؛؛: ﻻﻻ تو نطلعكن نا
اميره ؛؛ حتي نا نبيك انت نبيش خالد ماله من وجه خالد
وليد ؛ راكي تقعدي ماله مني نا
اميره ؛؛ انت مستحيل انمل منك انت في عروقي جو تمشي انت في قلبي متربع ومستحيل تطلع منه
وليد؛ ؛ انحبك يااميرتي انتي
اميره ؛؛ انا اكتر
وقرب منها وليد وشد علي يدها
اميره؛؛ بصوت واطي وحنون
حبيبي حول انت عارف انا مانتحملش لحيتك
وليد؛ حك لحيته علي ارقبتها وهمسلها في وذنها
انحبك وانموت فيك
اميره ؛؛ ونا انموت فيك
وخشت عليهم رجاء
رجاء ؛؛ احم احم نحن هنا
وابتعد وليد من اميره
وليد ؛؛ وانتي ديمه جايه في الوقت الغلط
رجاء ؛؛جيبتلكم عصير قالت اكيده عطشتو وتبو حاجه اتروقكم
وليد ؛؛ هههه به حطي واطلعي
رجاء ؛ خالد اقريب ايجي راه
اميره ؛؛ ﻻﻻ
وليد ؛؛ خليه اصلا حتي نا طالع وراي اشغال
وطلعت رجاء
رجاء ؛ امل خلي خالد ايتاخر اشويه حرام لهم زمان ماهدرزو مع بعضهم
امل ؛؛ هههه به بس تو ايشك
رجاء ؛؛ عاد هو حلال عليه وهي حرام عليها انتي اتخشي للدار بروحكم
امل ؛؛ هههه به والله ح اندير اللي عليا
رجاء ؛؛ تعرفي تصرفي انتي
نا ؛؛ ارجيوه تعالي نبيك
رجاء ؛ نعم
وخشينا للدار
نا ؛؛ خوذي هديتك من سراج عطها ليا قبل الرمضان وكلا فونك انكسر
رجاء ؛؛ جت منك ياجامع من زمان نبي انكسره بس سراج مابش ياحنه قالي كنك ماتبيش شن عندك فيه
داري قصه سراج غيور
واسفه يا ويه كان درتلك مشكله
نا ؛ ﻻ عادي نحن خياتي ياهبله
رجاء ؛ حكتلي ايمان شن صار والله انحرجت منك ومن مراد
ان شاءالله امغير ما قرش الرسائل
نا ؛؛ ﻻﻻ ماقرش لان هو كسره طول يحسابه ليا
رجاء ؛؛ سامحيني يا ويه والله حتي سراج ندم روحه وعلي كم مره يبي يحكي لمراد بس نا ماخليتش قالتله انتاكدو من الموضوع قبل
نا ؛؛ اها به اللي قالتي هكي
رجاء ؛؛ نجك ليا والله اتهبلي هيا تعالي انديرو قهوه
وطلعنا ودارت رجاء القهوه وحطت ايمان الحلويات اللي جابهن خالد والبسبوسه
خالتي فاطمه؛؛ وين ياحنه معش جيتني بكل
نا ؛؛ والله ياخالتي معش فضيت مراد عياده وانتي عارفتيه مايحبش اطلعو ديمه يبي ايخش يبي يلقي الشقه منضمه والغداء علي النار ومراه تستقبله
ماما؛؛ الرجاله كلهم هكي
نا ؛؛ والايام اللي فاتن تعبانه
خالتي؛ ؛ كنك لاباس
ايمان ؛؛ حامل
خالتي فاطمه ؛؛ لووووووووووووووووووووووووو
مبروك يااابنيتي مبروك والله فرحتلك اهو هكي احسن
خالتي سالمه ؛؛ مبروك ياويه وعقبال للخواتك
نا ؛؛ ان شاءالله وامل ودعاء
رجاء ؛ امل ماانظنيتي ترجا لعند الفرح
امل ؛؛ ياحقيره شن اتحقي فيا
رجاء ؛؛ انحق فيك دار
امل ؛ ازي والله امسوسه والله هدرزه عاديه جدا يامعفنه
رجاء ؛؛ الله اعلم
ايمان ؛؛ وحكتلي ايمان بصوت واطي
ويه احمد خاطره في البسبوسه ويبي ايجي ياخذها ومش عارفه كيف اندير
نا ؛؛ فكينا ياخيتي من السريب هذا
ايمان ؛؛ اول مره يطلب مني هكي انقوله ﻻ معقوله هكي
رجاء ؛؛ كلميه ياحنه ايجي ياخذها تو وليد ايروح وخالد يلاه في امل و عيت عادل اطلعو امبدري يعني الحوش فاضي
نا ؛؛ هيييييييي تقدرن كلا انتن
ايمان ؛؛ صاح والله صاح تو انرن عليه ونعطيه حتي رز وعصبان وموالح وحلويات اليوم ماما امكثره
دعاء ؛؛ وحق ربي كان نا صاحبي من هنا راه عطيته بس من البخت في طرابلس قاعد
نا ؛؛ خطرها شن صار فيه
دعاء ؛؛ قاعد جوه ايهبل يبي ايجي الايام الجايه بيش ايشوفني فيس تو فيس
نا ؛؛ اخر تطورات هذين
دعاء ؛: ليا كم شهر متعرفه عليه خلاص نبي انشوفه علي الطبيعه
رجاء ؛؛:ههههههه ياناعليا منك انتي ومن طبيعتك
دعاء ؛ ازعمه نعجبه يا بنات
رجاء ؛؛ دقيها ليا خضره كان عجبتيه بنلت الطرابلس مااكثرهن وحده اتقول للاخره حولي
نا ؛؛ كنك يابتي اتهبل دعاء ماملي متمنيه
دعاء ؛؛ نجك ليا وانتي ديمه كلامك عسل
نا ؛؛ هذا الواقع
دعاء ؛؛ نبي انشوفه في السوق علي دبش العيد
ايمان ؛؛:اوووووو عليك جو
رجاء ؛؛ ههههههه بيش اتقوليلي بيش نطلع معاك بيش حتي نا انكلم سي سراج هذا
وفجاء سمعنا صوت خش علي اميره و وليد في المربوعه
رجاء ؛؛ هيييييييي…………..
يتبع