مسلسل سعاده كاذبه التكملة
مسلسل سعاده كاذبه
الحلقه 52
مراد ؛؛ عمتي نا نبي نطلع
وصبا مراد
ماما ؛؛ ﻻﻻ اقعد اصبر انكلمها
مراد ؛؛ عارفها مش ح تطلع عليا
ايمان تسمع في دوتهم واتجيني تجري
ايمان ؛؛ قال يبي يطلع ياطيحت السعد
رجاء ؛؛ اطلعي
نا ؛؛ ﻻﻻﻻﻻﻻﻻ مانيش ومعش نبي حد يقولي اطلعي
ايمان ؛؛ تي وحق ربي وكان نا من مراد انخش انكرك من عند شعرك
وسمعت صوت مراد طلع
ونا قلبي حسيته وقف مره وحده
اميره ؛؛ هييييي حسه طلع
نا ؛؛ قعدت منصدمه وتجمده حسيت بان جسمي كله وقف
رجاء ؛؛ صبي اطلعي اجري
ايمان ؛؛ طلع
نا ؛؛ بدون مانحس بروحي
القيت روحي نجري وامصبيه في الجنان ونبكي
والقيت مراد يمشي ولما سمعني نبكي وراه الفت
وشافني نبكي ومنهاره
مراد ؛؛ غمض اعيونه
وكاين ماسك ولعته في يده عزقها على الساس نين اطربقت
نا ؛؛ خفت منه اكتر وتميت نبكي اخر
مراد ؛؛؛ وهو متعقد
خشي البسي عبايتك
نا؛؛ قعدت انبحت فيه ومنصدمه
مراد ؛؛ بصوت عالي
خشيييييييييييييييييييييي
برمت وجي وخشيت نجري القيت خواتي كلهن يحضرن في الموقف
ومشت اميره تجري وطلعتلي العبايه وتمت اتلبس فيا ونا نبكي
اميره ؛؛ خليكي ساكته وماتحكيش معه خليه ايفش غلك هو ضرب ماحتي اضربك
نا ؛؛ تميت نرعش
ماما ؛؛ الله ايربحك اهدي واسمعي كلامه
وحطيت الوشاح وطلعت والقيته مقعمز في السياره وايدخن نزلت راسي وركبت
مراد ؛؛ ساكت ولا كلمه بس كان متعقد بكل وايدخن بقوه
نين وصلنا للحوش خشينا للحوش والقينا هدي و الهام في الجنان
مراد ؛؛ بحت فيا بالتفنيصه
اركبي طول مافيش داعي تقعدي هنا
ومشيت شورهن وسلمت عليهن
هدي ؛؛ ويه وسعي بالك
نا ؛؛ ان شاءالله
الهام ؛؛ ماتنازليش عليه خليك قدامه وقدام وجه هذا راجلك
نا ؛؛ تميت نبكي اخررر
انحس في روحي خايفه
هدي ؛؛ هو قتل مش ح يقتلك اركبي خلاص
مراد ؛؛ اييييييييييييييييييه
هدي ؛؛ اركبي اجري فكينا منه
وركبت نجري والقيته خش للشقه ومقعمز علي الكنبه وايدخن وايهز في اكراعه بقوه
خشيت وحولت عبايتي والوشاح ونرعش
جيت وقعمزت جنبه
ونا نبكي ومنهاره
مراد ؛؛ عليش تبكي
نا ؛؛ ساكته
مراد ؛؛ التفت عليا وايفنص
عليييييش تبكي احكي علي شنو بالزبط
نا ؛؛ خايفه منك
مراد ؛؛ صار واخذه قرارك وماتبيش اترد عليا وماتبيش تطلعي عليا
نا ؛؛ ……..
مراد ؛؛ صب وكرني وصبني وقعد ماسكني من ايديا وايهز فيا بقوه
شن تبيني تو اندير فيك بعد ما نزلتي العيل وتقولي معش نبيك شن اندير بس قولي شن اندير
ونا قعد بين ايديه ونرعش
انتي انانيه فكرتي في روحك بس مافكرتيش فيا نا ما فكرتيش في اللي ايحبك نا مئه مره قالت نا مستحيل انتخلي عنك نزلتي العيل اللي اكتر واحد فرحت به حرمتني منه
وحرمتني منك كم يوم ودمي منحرق هنا وانتي مش امدوره امسيبه فونك هنا وعلي فونات خواتك ماتردي انجيك لعند الحوش ماتطلعيش عليا
شن اتحقي فيا شلتوت جايك من شارع ولاه شنو
وعزقني علي الكنبه ونا منصدمه من شكله وهو امسكر يده ومتعقد وخبط الطاوله بكراعه
مراد ؛؛؛نا ياايه نا انرن عليك وماترديش كنك انتي من قلبلك عقلك مش انتي اتحبيني وانانيه في حبك ليا وتبني لكي اوحدك وين هيا وين وريني من اول مشكله تطلعي واتسيبني وماتفكريش فيا
نا ؛؛ بصوت مخنوق
انحبك
مراد ؛؛ فنص فيا
كذابه
نا ؛ والله باهي
مراد ؛؛ ليش اديري فيا هكي
نا ؛؛ لاني انحبك نا درت هكي
مراد ؛؛ اتحبني اتخلني كيف المطرشق نجري في الشوارع ونمشي نضرب خوتها وانتعارك مع حاتم ومع امي اتحبيني اتخليني انرن عليك وماترديش اتخلني نعرف اخبارك من اختك وتنتي علي ذمتي
نا ؛؛ مراد نا كنت نبي انتريح
مراد ؛؛ اتريحي هنا في شقتك مش في حوش هلك هذاك مش حوشك حوش هلك لكن هذه شقتك انتي خبطي ديري اللي تبيه ماحد يحكي معاك
تقعدي تحت اعيوني مستعد نطلع من الشقه بس انتي ماتطلعيش منها هذه لكي انتي
مراد ؛؛ رن فونه
ايوه طارق
طارق ؛ قالك باتي نشريلك معي الحولي
مراد ؛؛ اها خيله يشري تو ايروح نعطيه الفلوس
طارق ؛؛ وين قاعد انت
مراد ؛؛ شقه
طارق ؛ جت ايه
مراد ؛؛ اها جبتها
طارق ؛؛ به بشويه عليها
مراد ؛؛ مش وقتك
وصكر في وجه
بحت فيا لاقني نبكي ونرعش
مراد ؛؛ غمض اعيونه بقوه
استغفر الله العظيم
صبي اغسلي وجك
صبيت وغسلت وجي ورديت القيته في الصاله
مراد ؛؛ خشي تريحي جو في الدار كان تبيش اتشوفيني
نا ؛؛ نا نبيك
مراد ؛؛ واجد باين
نا ؛؛ قربت منه وقعمزت علي اكراعه
كيف البيبي
مراد ؛؛ حولي
نا ؛؛ نبيش
وقربت منه وتميت انشم في بنته
وكاني ماكنتش عايشه ونا بعيده عنه
ونا حاطه راسي عند ارقبته دمعت ونزلت دمعتي علي ارقبته
وهو بارم وجه غادي ومايبيش ايبحت فيا ونا ندحنس عليه
نا ؛؛ تبي اطنش عليا
مراد ؛؛ ليش تبي اتسيبني اقنعي بس
نا ؛؛ رفعت راسي من علي كتفه وجت عيني في عينه
مراد حس بيا نا انحبك ولما شفت سناء تحكي معاك انقهرت لان كان كلامها واعر بكل ونا ماقدرتش انفكر حسيت روحي نا السبب اللي فيه هي و لمار وحمادي حسيت روحي حقيره علشان خليت مراه كيفي كيفها تجدا بيش اتعيش هي وراجلها واعيالها تحت سقف واحد
وخفتك اتسيبني قرارت نسحب روحي قبل ماانت اطلقني
مراد ؛؛ بس نا ماوضحتش بكل اني انتخلي عليك
نا ؛؛ لما الجنين نزل حسيت ان حياتي معاك انتهت
لان فعلا في يوم من الايام خليتني علشان خاطر جنين انت مره بديت تبي تضربني والجنين هو اللي حماني منك نا عارفتك ان اعيالك اهم شيء عندك واتت متحملني علشان نا حامل منك بس
مراد ؛؛ يعني اللي اندير فيها كله علشان البيبي بس مش علشانك
نا ؛؛ خنقتني العبره وسكتت
مراد؛؛ يعني نا حبيتك علشان بيبي بس صاح
نا ؛؛ ……
مراد ؛؛ انتي ماتعرفنيش اكويس او منعميه وماتبيش اتشوفني انتي مش تمام ياايه
نا ؛؛ ﻻ تمام لاني فكرت في الاعيال وفكرة في روحي تبيش نبني اسرة علي تدمير اسرة تانيه
مراد ؛ سناء مستحيل يوم من الايام انردلها سوء انتي موحوده في حياتي او لا
انتي ياايه عندكش ذنب في طلاقي انتي يوم اللي عرفتني عرفتني امطلق مش متزوج ونا لما ازوجت كنت حاط قراري مستحيل انرد سناء مراه عشت معها وماتفهمتش معها عليش انرد فيها ونظلم في العويل اخر
نا عندي اعيالي ايعيشو معا مرات اب بس متفاهم معي ومعهم احسن من اني انرد امهم وكل يوم ايشوفو مشاكل بينتنا
نا ؛؛ يعني انت واخذ قرارك
مراد ؛؛ اعيونه ملينات ادموع
والله واخذه من قبل مانعرفك بكل ولما ازوجتك قالت ايه ووقف خلاص ايه والله انحبك والله شفت خيلتي معاك وتاكدت ان نا ما كنتش عايش بكل جيتني وطريتي عقلي من مكانه
نا ؛؛ انحبك
مراد ؛؛ مش كيفي
نا ؛؛ ممكن طلب
مراد ؛؛ استغرب
نا ؛؛ اضبطني
مراد ؛؛ كرني بقوه واضبطني ونا تميت نبكي وهو اعيونه تعبن ادموع
دفني وطلع بسرعه
ونا قعدت نبكي قي الشقه وبعدها الباب دق
مشيت وفتحت والقيتهن الهام وهدي
هدي ؛؛ شن صار
نا ؛؛ خشن خشن
وخشنا وقعمزنا في الصاله وشافنا الطاوله مخبوطه
نا ؛؛ حكينا وطلع
الهام ؛؛ ويه انتي هبله معقوله اتخلي عنه في وقت هو ايدافع عليك وايحكيلها علي حبه لكي تي والله حاتم غمتله بكل علشان حاس بروح هو المذنب
نا ؛؛ تميت نبكي
صبت هدي جبتلي ميه
هدي ؛؛ والله عقلنا عندك وكم مره نبو انجوك وهو رفض قال فيش وحده تمشيلها
الهام ؛؛ حتي حاتم يبي ايجيك ومراد قال بيني وبين مراتي وماحد يدخل وتعارك قي الحوش مع حاتم وعمتي
نا ؛؛ عمتي عليش
هدي ؛؛ علشان اعزمت سناء وهلها
الهام ؛؛ مشلها في الحوش وهزبها هزيبه سمحه
وحو خوتها علي اساس يبو ايتعاركو معه لقو طارق وغمتله تخيلي بدا فيهم ضرب طول
ولما جا مراد تعارك معهم وواحد من خوتها قاعد في المستشفي
نا ؛؛ هيييييييي معقوله
هدي ؛؛ قعدنا في رعايش كلها منه هالحقيره
نا ؛؛ طارق شن صار فيه
الهام ؛؛ طارق كان معه اصحابه وبدء فيهم بدون تفكير
جو وتمو يبو مراد وايقولو وين الدكتور الشاطر الراجل اللي جاي وايهزب اختنا في الحوش
طارق ؛؛ قاعد خوه وتو انوريك الراجل والدكتور شن هو وبدا
ونحن انتعايطو وحالتنا حاله والله ماحزت العركه الا لما جا عمي
هدي ؛؛ ليا زمان ماشفت مراد داير عركه من ايام الثانويه ما دار عركه
الهام ؛؛ مراد معه الحق مشي ايهزب فيها علشان خربت بيته وخوتها جين ايتمرجلو هنا بدال ما يمسكو اختهم اللي جايه للحوش عرب طاليقها
هدي ؛؛ مانحسبهش بصحة وجه هذه ازي
نا ؛؛ عمتي وين
هدي ؛؛ عمتك قاعده عند جيرانا
نا ؛؛ شن اخبار هاجر
هدي ؛؛ بكت في الصاله نين قالت يانه فرحها جا ايجنن بس والله حسيتها في حاجه ناقصه في الفرح حسينا بغيابك ياويه
نا ؛؛ نصيب مانشوفهش عروس
هدي ؛؛ اتصدقي اطلعت اتجننننن نا بروحي انصدمت لما شفتها والله نين خفت عليها من العين متغيره بكل ثاريتها كانت شينه بكل
نا ؛؛ ههههههعههه عطك دا
الهام ؛؛ نجك ليا ايوه هكي اضحكي اهي نا صورتها في الفوني
وطلعت الفون وتمينا انتفرجو
نا عيني دمعت علشان وجعتني ماحضرتش الفرح وماشفتهش
الهام ؛؛ ان شاءالله في فرح هدي نشطحو ونفرحو
نا ؛؛ ان شاءالله
الهام ؛؛ بكره صايمه
هدي ؛؛ اهااا علي يوم العرفه
نا ؛؛ نقدرش انصيم مازالت
الهام ؛؛ اها صاح باهي الحمدالله علي السلامه
هدي ،؛ مراد قالنا ضعط الحمل رقي عليها والتعب هذا سبب الاجهاض
نا ؛؛ طول اعرفت ان مراد مش قاللهم اني نا سبب نزول البيبي يعني مازال ايحافظ علي صورتي قدام هله حسيت كانه كيف خشت فيا لان هو قاعد ادير اي حاجه بيش انكون معه ونا سيبته ومشيت للحوش هلي
هدي ؛؛؛ايتعوض ان شاءالله عادي منها اتعيشي حياتك معه اخري وتدهورو انتي مازالتي اصغيره والعمر قدامك
نا ؛؛ ان شاءالله خير
حي عليا نا امبدري وانتن عندي ومامديتلكن حاجه
هدي ؛؛ انتي هيا انزلي معنا بيش انسخنو موالح من الفرح في وحلويات انديرو عصريتنا لوطه
الهام ؛؛ هيا ويه وفكينا من النكد خلاص تعالي بيش عمتي لما اتروح اتشوفك لوطه وتفرح راه والله كانت مشغوله عليك ووجعتها نزلت البيبي بس الحمدالله انقولو امغير اعوينه عرايس طالعات مع بعضهن واحملن هن الاثنين اكيده الناس تبي اتنق
نا ؛؛ خطرها وين غاده
هدي ؛؛ في عياده عدت منتصر غيرلها دكتورتها وقاللها سناء معش في
الهام ؛؛ صدق فيها يعني من دون الدكاتره كلهم مالقت الا سناء
اطروح الصبايا هذين
هدي ؛؛ هيا ننزلو
نا ؛؛ به هيا
ونزلنا نا والبنات لوطه ولاول مره ننزل للحوش عيت عمي بدبش حوش كنت لابسه سروال سكري واسع وعليه تيشرت ابيض وفوقه طرف خريفي احمر
لان خلاص الصقع بدا
وخش علينا عمي وطارق ولقونا نشربو في شاهي وموالح
صبيت انسلم علي عمي
عمي ؛؛ كيف حالك
نا ؛؛ تمام الحمدالله
عمي ؛؛ نا مش قالت لما تمرضي اتكوني هنا عندنا في الحوش
نا ؛؛ عارفه بس كان الحوش فيه مناسبه وناس
عمي ؛؛ المره هذه فاتت بس المره تانيه معش تطلعي من الحوش انتي ابنيتنا
نا ؛؛ ان شاءالله
وخش عمي للداره
طارق ؛؛ اوووو البكايه
نا ؛؛ هههههههه
طارق ؛؛ تي انتي عندك اختك جالطه ليش ماتعلمي منها اشويه
هدي ؛؛ هههههههه رجاء اركبت فوق سناء
نا ؛؛ شن
هدي ؛؛ كيف ماحد قالها لكي
نا ؛؛ ﻻ
هدي ؛؛ لقتها في المربوعه اوحدها واتبكاء خشت عليها لولاه طارق راهي سناء قي العنايه
طارق ؛؛ انتش فيها تنتيش من سناء راكبه قيها اتقول قطوس
نا ؛؛ ههههههههههه والله ماحد قالها ليا
الهام ؛؛ تستاهل والله نا تميت انحز في حز خفيف لان نبيها تضربها
نا ؛؛ ان شاءالله شافهم حد
هدي ؛؛ ﻻﻻﻻ نا وطارق والهام بس
بعدها طارق شال رجاء وهلك للمستشفي بيش ماعش اتعارك معها
طارق ؛؛:خطيره اختك بكل تعلمي منها
نا ؛؛ هابا اساسا نحن عندنا رجاء شخصيتها قويه واديري اللي تبيه غصبنا عنا كلنا بس اتصدقي ماقالتهش لنا والمشكله طول الوقت اتقول كان انحصلها بس
طارق ؛؛ نقانها عجبتني بنت ابلاد من الاخير وتفهم علي طول وتعرف كيف تاخذ حقها
هدي ؛؛ اتهبل رجاء انت مش امهدرز معها وهي رايقه نين اطربق ضحك
طارق ؛؛ بس نقانها حصلت مني ضربه شينه في الشارع نين سمعت صوت قلبها خبط
نا ؛؛ اها علي ظهرها طولت وهي توجع فيها
هدي ؛؛ حرام عليك يا طارق
طارق ؛؛ معقدتها ليا طالعه هي والكلبه الاخري
الهام ؛؛؛خطرها يا طارق شريتو حواله
طارق ؛؛ اها شرينا وباتي شالهن غادي في حوش عيت عمي
الهام ؛؛ عليش
طارق ؛؛؛ركبنهن في سيارة عمي وعمي قال خليهن عندي
هدي ؛؛ كم حولي
طارق ؛؛ لنا وحاتم ومراد ومنتصر وعمي
هدي ؛؛اها
ورن فون هدي
هدي ؛؛ اووووو اميره اترن
نا ؛؛ اكيده تبي تطمن عليا
ردت وافتحت السماعه
هدي ؛؛ اهلا ياعسل
اميره ؛؛ اهلا شن الجو
هدي ؛؛ تمام قاعدين امكسدين ونحكو مع مراتنا السمحه
اميره ؛؛؛قاعده عندكم
هدي ؛؛ اها مراد عدي ونا والهام نزلنها
اميره ؛؛ باهي جوها تمام
هدي ؛؛ ايهبل بكل طارق قاعد ايهدرزلنا خطرها وين رجاء
اميره ؛؛ اهي جنبي
هدي ؛؛؛عطيها ليا
اميره ؛؛ عينك عنديش رصيد كلمي انتي اللي عندك محمد
هدي ؛؛ اتخزرطت من طارق وطارق فنص فيها
تم يااميره تو انعاود عليك
وصكرت وهي خايفه وطارق غمتله بكل وايعظ في فمه بقوه
وردت رنت عليها وافتحت السماعه الخارجيه
هدي ؛؛ هاتي رجاء
رجاء ؛؛ معاك نا باهمي كنك
هدي ؛؛ صار خاطرك اتطقي فيها صار
رجاء ؛؛ هههههههه شكلك كبيتي الشوال ل ايه راه اتقولها ل ماما
هدي ؛؛ ههههههههه طارق كبه الشوال مش نا
رجاء ؛ تي هالحمار اللي بلا عقل عطه كسره
كلنا بحتنا في طارق
رجاء ؛؛ كنك ساكته
وكر طارق من يد هدي الفون
وحول السماعه وطلع
طارق ؛؛ معاك الحمار
رجاء ؛؛ هييييييييس شن
طارق ؛؛ اتصكري نهارك
رجاء ؛؛ ﻻﻻ مش امسكره مش خايفه منك اساس
طارق ؛؛ صدقتك
رجاء ؛؛ صدق ولاه ماتصدقش دخلنيش بيك نا
طارق ؛؛ بلا جلاطه يافرخه
رجاء ؛؛ هي وجك عنديش لك نيه
طارق ؛؛ عرفه اخري مره نسمعك قايله من وراي الحمار راه والله انجيك وانوريك الحمار شن
رحاء ؛؛؛صدقت والله نعرفهمش الحامير نا ماعمريش اختلط بيهم تعال انت وريني كيف ايتعاملو
طارق ؛؛ غريبه مع ان انك انتي حيوانه وقعدت كيف القطوس فوق سناء
رجاء ؛؛ فوتني كذا هيا سلام
طارق ؛؛ نا قالتلك اخر مره نسمعك حاكيه عليا هكي
وسلام
وصكر في وجها ومشي عطي ل هدي الفون وطلع طول
نا ؛؛ شكلها طالقه اللسانها
هدي ؛؛ هههههه اكيده
وخشت علينا عمتي
عمتي ؛؛؛مرحبتين
نا ؛؛؛خير يا عمتي وصبيت وسلمت عليها وحبيت علي راسها
عمتي ؛؛ باهي اللي شفانك والله عقلنا عندك بس مراد الله ايسامحه
نا ؛؛ عارفه عارفه ياعمتي
وقعدنا انهدرزو لعند ماتعشينا ونا في عقلي مراد اللي ماعاد روح وجت ساعه 10 ركبت للشقتي ادوشت ولابست روب سكري ناعم امتع دلع وفوقه طرف خريفي بيج
ومشيت قعدت علي الكنبه انتفرج علي تي في ونا متغطيه
ومادون انحس بروحي رقدت
وعلي ساعه 1 روح مراد وشافني راقده
حط يده علي ليا ويحكي بصوت واطي
مراد ؛؛؛شن درتي فيا نين حبيتك الحب هذا كله شن درتي فيا نين خليتني ننجن بلاك شن درتي فيا
وخنقته العبره وصكر اعيونها بقوه وفتح
وحول الفوطه وحط يده تحتي ورفعني وشالني ونا حسيت بحاجه دافيه وحنونه قربت منه اخري واشغبط فيه اخر كيف البيبي لما يرقد
مراد ؛؛؛نجك ليا ملاكي انتي
وحطني علي السرير وهو نزل عليا وباسني علي راسي وغطني وغير دبشه وجا رقد جنبي
اوعيت تاني يوم القيت روحي راقده اقريبه من مراد وكان هو فتحلي يده وامرقدني عليها
شفت للساعه في فونه القيته متاخر استغربت ان هو مازال راقد
بحتت فيه حسيته راقد رقده حلوووووووه وكانه له كم يوم ما رقد
خشيت في حضنه اخر وكشيت روحي وكاني بيبي في حضنه وحاطه راسي علي يده اليمين
هو حس بيا قرب مني اخر ولف يده اليسار عليا وقربني منه
نا ؛؛ استغربت وفتحت اعيوني
وهو امغمض اعيونه حبني علي راسي
وفتح اعيونه بصوت واااااطي وحنون
مراد ؛؛ نا بلاك بلا روح انتي حياتي كلها والله انحبك ومعش اتسيبني
نا ؛؛؛هزيت راسي ورفعت راسي نبي انبوس بسته علي اللحيه وهمستله في وذنه وقالتله انحبك
وهو باسني علي خدي وجت عيني في عينه وراسه علي راسي
حسيت روحي امراااايفه عليه وماكنتش عايش بلاه غمضت اعيوني وبسته ومراد بعدني منه
حسيت ابتعد وفتحت اعيوني
مراد ؛؛ وهو امرفع حاجبه والابتسامه علي وجه
ويتي نا صايم
نا ؛؛ هيييييييي انسيت بكل مانحسابكش صايم
مراد ؛؛ اليوم يوم العرفه كيف ماتبنيش انصيم
نا ؛؛ اسفه
مراد؛؛ ﻻ عادي كنك وخرتي اخري تعالي هنا
وكرني وحطني في حضنه
نا ؛؛ انحبك
مراد ؛؛ بس طلعت نا اكثر
نا ؛؛ ﻻ نا
مراد ؛؛ ﻻ نا من اللي ماتخلش عن التاني
نا ؛؛ نجك ليا
مراد ؛؛؛كرهت حياتي علشان انتي مش فيها
والباب دق
مراد ؛؛ تي من هذا
والباب تمه ايخبط اخر بقوه
مراد ؛؛ تقريبا عرفت من
ومشي وفتح ولقها لمار
مراد ؛؛؛والله عرفتك انتي تعالي يابابا
وشالها وخششها عليا
نا ؛؛؛لمار حبيبتي تعالي
نزلها مراد لوطه
لمار جتني تجري وخشت معي في السرير ونا كريتها واضبطتها وحبيتها
ومراد قعد امصبي وايبحت فينا ويضحك
مراد ؛؛ تو كيف انقلبتي قعدت انتي اللي تظبي واتخششي في حضنك
نا ؛؛ ههههه اها
مراد ؛؛ وليش مانا اتخشيني
نا ؛؛ هههه تعال كان سدك
وجا مراد وراء لمار وتمه امقربنا منه وحط يده تحت راسي وكرني شوره وباسني
قعمزت لمار وبحتت فينا
لمار ؛؛ هيييييي بابا عيب
مراد ؛؛ هههههه اها صح عيب تعالي اهنا كنك قعمزتي
لمار ؛؛ نبي فلوس
مراد ؛؛؛افلوس شن
لمار ؛؛ عمو طارق قالك افلوسي نبيهن
مراد ؛ هههههه اها نسيت حق الحولي
لمار ؛؛ شريت حولي يا بابا
مراد ؛؛ اها بكره نذبحوه
نا ؛؛ من جابك يالمار
لمار ؛ عمو حاتم واعميمه الهام
نا ؛؛ قاعدين لوطه هم
لمار ؛؛ اها
مراد ؛؛ باهي انزلي تو انجيب افلوس نا
لمار ؛؛ باهي
ونزلت لمار لوطه
ونا رفعت اعيوني علي مراد وقربت منه انبوس فيه علي خده وصب مراد بسرعه
مراد ؛؛ انتي شكلك تبي اتفطرني نا نطلع خيرلي
وخش لحمام ادوش وطلع ولقاني مازالت راقده
مراد ؛؛ صبي خموجي ساعه 2 تو
نا ؛؛ تو انصبي
مراد ؛؛ بيش تنزلي لوطه الفطور لوطه
نا ؛؛ ههه نا فاطره
مراد ؛؛ عارفك بيش تاكلي حاجه وانزلي
نا ؛؛ به
وفتح مراد الدولاب وطلع افلوس للحولي ونزل ونا صبيت غسلت وجي وحكيت اسنوني وطلعت والقيت توست طلعته وسخنته وفطرت بها
ولابست تنوره سوده وابلوزه شوفوني امخربشه دمي واسود ورصاصي كمها عند المرفق ولفيت شعري ودرت ميك اب خفيف ونزلت
والقيتهن ايطبخن
هدي ؛؛ ماشاءالله الوجيه سمح اليوم
الهام ؛؛ مع ان صيام
نا ؛؛ علي اساس صايمه
هدي ؛؛ وهو
نا ؛؛ صايم هو
هدي ؛؛ اعربي جاين اليوم جايبيلي عيديتي
نا ؛؛ صاح باهي مبروك بس امتي هم يبو ايجو يخطبو رسمي
هدي ؛؛ نا قالت ل محمد خلي العيد يهلب وتعالو اقرو الفاتحه طول وانديرو بيان طول عليش تكاليف والحاجات الزايده بدال نحن موافقين
الهام ؛؛ والله عين العقل احسن تفتكي
هدي ؛؛ ماعندي جهد انحوس علي خطبة صبايا وبعدينا خطبة رجاله وبعدين فاتحه وبعدين بيان سريب ياخي وماعندي له راس قبل هاجر اتساعد فيا خلاص عدت وازوجت
الهام ؛؛ رنت عليا اليوم تبكي
نا ؛؛ كنها
الهام ؛؛ علي اساس امرايفه قالتله جربي قرب اسامه شن هو مش تبيه وميته فيه
هدي ؛؛ ههههه اتصدقو من جد جدها رنت عليا ساعه 4 لقتني انتظار مع محمد تشليط
نا ؛؛ شن جوه محمد معاك
هدي ؛؛ ايهبل بكل حانط ماكنتش نحسابه هكي امس حكيت معه في الليل قصاد ساعه 12 وكاين مع خالد وخالد سكنله ومابش يطلقه بيش ايخش ايكلمني وتمه ايقوله
خالد؛ ؛ محمد اتحرك من هنا انكلم بونسيب وانقوله اشق باختك
محمد ؛؛ تي كنك ياراجل سكنت
خالد ؛؛ ﻻ سكنت لا شيء انرد في اللي ادير فيه ليا
محمد ؛؛ عدي المدام احكي معها
خالد ؛؛ تو نبي انكسد معاك
محمد ؛؛ ابتعد من خالد اشويه
به حبيبي تو انرن عليك بعدين
هدي؛؛ حبيبي راه نا نعسانه نبي نرقد
محمد ؛؛ ارقدي وخلي فونك عام تو انرن عليك وانوعيك
خالد ؛؛ يااقعادها ترجا فيك
محمد ؛؛ تي بطل يا راجل
خالد ؛؛ نوايلك اليوم والله ماعاد فيها ياتقعد جنبي هنا يا انكلم بونسيب
تي اي بونسيب تو انكلملك طارق هو اللي ينهي الموضوع ابسرعه
محمد ؛ نقانك سامط
….
هدي ؛؛ المهم امس رقدت ونا ناقمه علي امل اللي معش رنت علي خالد
ورقدت وماوعيت الا ساعه 2 الا عشره ايرن عليا محمد كيف خاش للحوش
نا ؛؛ ههههه غريبه امل طولت ما رنت عليه اكيده ماكنتش قاعده في الحوش
هدي ؛؛ لعند ساعه 2 بره الحوش
نا ؛؛ ييييييي صاح اكيده عند عيت جدها امعيدين غادي
هدي ؛ اها ممكن بس جت علي راسي نا بيتتها بره
نا ؛؛ ههههه تحملي واسكتي
الهام ؛؛ غاده ما روحتش للحوش امس
نا ؛؛ليش
الهام ؛؛ متعاركه مع منتصر وروحت من العياده للحوش هلها
نا ؛؛ عليك بخت
الهام ؛؛ والله اتقول عين جتنا
هدي ؛؛ اها وهذا كله ومازال ما اعرفو ان انخطبت
بس ماما مشت هي ومنتصر ايجيبو فيها
نا ؛؛ للدرجه هذه
هدي ؛؛ منتصر مايبيش يحكي معها بس ماما تعقدت قالت معقول اول عيد لها عندنا عند هلها وخذته بالغصب وماشين ايردو فيها
نا ؛؛ عليك احراج تقريبا اتكون بيني وبين راجلي وﻻ عمتي تتدخل وتعرف القصه
هدي ؛؛ انتي نقدروش ندخلو فيك بكل انتي مراد ادير يوم بعدها لو عرف واحد ادخل في حياته حتي جاين نبو انجوك وهو قال فيش حد يمشي
نا ؛؛ هكي استر
الهام ؛؛ هيا سادكن هدرزه واشتغلنا اشويه
وبعد ساعه خشت علينا عمتي وكانت معها غاده وكانت غمتلها بكل بس مااتحكينش بها هي اقعدت امقعمز في الصاله مع عمتي ونحن كملنا الفطور واذن المغرب وحطينا
وكلنا فطرنا و لمينا الحوس وسمعنا صوت عمي بحكي لمنتصر وحاتم ومراد في الصاله
عمي ؛؛ انتو اخر مره نعرف صبايكم بيتات بره عيب راه المراه اتبات بره حوشها
منتصر ؛؛ هي اللي مشت ابروحها
عمي ؛؛ وانت اتخليها تمشي جيبها وحطها في الشقه وانت اللي اطلع وسيبها
منتصر ؛؛ ساهله ياحاج
عمي ؛؛ مراد فكني من اعنادك
مراد ؛؛ ﻻ مافي شيء عندي المراه كانت مريضه بس
عمي ؛ تمرض ترقد في شقتها
طارق ؛؛ تستاهلو
مراد ؛؛ به صكر فمك
حاتم ؛؛ اليوم جبتهم العويل في الاول ارفضت سناء
مراد ؛؛ عليش ترفض
حاتم ؛؛ قالت نبي نشيرلهم حولي وايعيدو عندي
مراد ؛؛ كيف بوهم ميت
عمتي ؛؛ بعيد السوء ان شاءالله في العدو
حاتم ؛؛ حتي نا قالتلها بدال بوها حي وهم ايعيدو عنده واعمامهم قاعدين
طارق ؛؛ شن صار في خوها
حاتم ؛؛ نقانه منضرب ضربه شينه
طارق ؛؛ يستاهل بيش مره تانيه لما ايفكر ايخطم من الشارع ايصكر فمه
منتصر ؛؛ امي هيا صبيلنا الطاسه التانيه
عمتي ؛؛ هيا انحط النعناع تي وين الصبايا كنهن طولن في المطبخ اتقول يغسلن في مواعين مناب
طارق ؛؛ هههههه بيرات
الهام ؛؛ نسمعو فيك ياعمتي
هم ؛؛ هههههههههه
حاتم ؛؛ ماحد يغلبها
طارق ؛؛ وراسك القيت وحده تغلبها
منتصر ؛؛ اوووووو
عمي ؛؛ انا امصبي نبي انشوف الاخبار
وصبا عمي
مراد ؛؛؛والله ماتحشمو تي الحاج تحشم وانتو لا
طارق ؛؛ تو ناقصدي شريف خوك هو اللي نط اوووووو
وتمه ايقلد في منتصر
منتصر ؛؛ تو انت اللي قالت القيت وحده
طارق ؛؛ تي قصدي القيت مش نبيها كني نا انجيب وحده جالطه بيش اطلعلي شيب راسي تي اهو حاتم كيف الشيب طالع
الهام ؛؛ طيح سعدك يا طارق اتقرم فيا
طارق ؛؛ هههههههه انبصر
الهام ؛؛ نا عارفه من ياخذ حقي
ياهدي هاتي فونك خلينا انكلمو رجاء
مراد ؛؛ امرفع حاجبه واستغرب
رجاااااء
ونحن كملنا وطلعن
الهام ؛؛ اهاااا هي الوحيده اللي اتسكت فيه
طارق ؛؛ تي علشان بنت مانبيش نحكي معها
منتصر ؛؛ تي نا قالتها اووووووو
وكنهن البنات مااتهزب فيهن 24 ساعه علي فون ولا هذه ماقدرتش عليها
الهام ؛؛ نقانه بنت من الاخير اعرفت اتقد الناس واحسن حاجه ان لمار منسجمه معها
طارق ؛؛ نفس الطبع اتقول خالتها
مراد ؛؛ شن حكيت معها انت
طارق ؛؛ شيء بس اطلقت اللسانها علي كرتي لها وركبتها في السياره
مراد ؛؛ اهاااا
عمتي ؛؛ ايه مدي لمراد شاهي
نا ؛؛ ونا انلعب في حمادي في يدي
هاتي عمتي
ومديت يجي وخذيت الطاسه ونا نبي انمدها للمراد حمادي نط قبل انقلبت عليا
كرها مني مراد ابسرعه
مراد ؛؛ اي والله احرقها ليا اخر
نا ؛؛ نزلت راسي وضحكت
عمتي ؛؛ كيف كاب عليك زمان
طارق ؛؛ ههههههه احرقها ليا صار
نا ؛؛ ﻻﻻ عادي خفيفه
عمتي ؛؛ شن خفيفه وين طبت كنا ماشفنها
نا ؛؛ التفت وبحتت في مراد
القيته متخزرط وماسك ضحكته
هدي ؛؛ اعرفت انها فوق وغيرت الموضوع طول
ماما راه في عرب يبو ايجونا
حاتم ؛؛ اعربك املاه
الهام ؛؛ فهيم طول فهم
حاتم ؛؛ توزيعه هذه ياهدي
هدي ؛؛ ﻻ خليكم عادي بس اطلعو للمربوعه احسن
حاتم ؛؛ نا طالع لجنان
وطلع حاتم ولحقاته الهام
الهام ؛؛ حبيبي حكيت لمراد
حاتم ؛؛ ﻻ والله مازالت ماحصلته
الهام ؛؛ احكيله حبيبي والله مانبي غيره خيرلي هو
حاتم ؛؛ تو نحكي معه به
الهام ؛؛ حبيبي طلع طارق خطيب هدي يبي ايجي ايشوفها ماعمرش شافها هو الا مره بس وشوفت خطف اخر مش امركز فيه
وحرام يبي ايشوفها وتو طارق ايصبيله في النص
حاتم ؛ به تو انطلعه
الهام ؛؛ تو انقول لمراد تبيه
حاتم ؛؛ باهي
وخشت الهام علينا
عمتي ؛؛ شافت غاده مازالت زعلانه
غاده عدي اركبي لشقتك وغيري دبشك بيش تنزلي
غاده ؛؛ حاضر ياعمتي
واركبت غاده
وعمتي تمت تغمز لمنتصر بيش يلحقها
منتصر؛ ؛ فوتي ياامي
عمتي ؛؛ صبي عيب عليك
مراد ؛؛ صبي يامنتصر علي خاطر امك
منتصر ؛؛ ان شاءالله
وركب منتصر وراها
الهام ؛؛ مراد يبيك حاتم بره
مراد ؛؛ لجنان
الهام ؛؛ اها
وصب مراد وطلع ولقي حاتم يشرب في الشاهي وايدخن
مراد ؛؛ شن في
حاتم ؛؛ تعال قعمز نبيك في موضوع
مراد ؛؛ غمزله
شكله نسائي
حاتم ؛؛ طول
مراد ؛؛ باينه في وجك
حاتم ؛؛ امسيبه مانع حمل لها 3 شهور وماصار شيء
مراد ؛ دارت تحاليل
حاتم ؛؛ امس دارت
املخبطات اشويه
مراد ؛؛ به جيبهن ليا انشوفهن
حاتم ؛؛ رتاااااااج
الهام ؛؛ اجري شوفي باتك
رتاج ؛؛ نعم بابا
حاتم ؛؛ قولي لامك تعطيك الاوراق
رتاج ؛؛ به بابا
مراد ؛؛ كنك غمتلك
حاتم ؛؛ من اول امس كملتها ليا ابكاء وامس من الصبح وعتني بيش انديرلها تحاليل
مراد ؛؛ عادي ياراجل ايصير الجو هذا لان كانت تاخذ في مانع
رتاج ؛؛ تفضل بابا
حاتم ؛؛ شكرا يا بابا
رتاج ؛؛ عطيني افلوس
حاتم؛ عليش
رتاج ؛؛ نبي نشري شكولاطه
حاتم ؛؛ به هاكي
وجت لمار تجري
لمار ؛؛ ونا نبي
مراد ؛؛ عدي قولي ل ايه اطلعلك في الشقه
حاتم ؛؛ تحشم يا مراد
اهو يالمار عدي اشرن اللي تبنه بس اليزا ممنوع
مراد؛ هههه تحكي تلقهن ياكلن فيه هو
حاتم ؛؛ اهو شوف
مراد ؛؛؛اهاااااااااا حاجه بسيطه هارمون الحليب راقي وعادي جدا
حاتم ؛؛ وبه ليش ماصارش حمل
مراد ؛؛ ماهو يمنع في الحمل
تو انجيب ورقه بيش نكتبلها بيش تشريه تاخذه اليوم وتو نعطيها اشوية فيتامينات
حاتم ؛؛ اكتبي في رساله بيش نطلع تو طول ماعندك عليش امتعب روحك
مراد ؛؛ ههههه به خلاص تو نكتبها لك واندزها
طارق ؛؛ فيش تحكو
حاتم ؛؛ اندزك
طارق ؛؛ وين
حاتم ؛ للصيدليه
طارق ؛؛ بس مش تو امروح
مراد ؛؛ عادي اني دزيتها لك الرساله فيها الدواء
حاتم ؛؛ ليا
مراد ؛؛ ﻻﻻ غيرت المسار لطارق تو اتجي تو ميف درت إرسال
طارق ؛؛ ههههه معناتها موضوع نسائي
حاتم ؛؛ عدي راه ماتحشم
طارق ؛ سلام
حاتم ؛؛ خوذ افلوس
طارق ؛؛ شوري
وطلع طارق
حاتم؛ به شن جوك مع ايه
مراد ؛؛ الحمدالله قاعده اتغرق فيا
حاتم ؛؛ كيف صار
مراد ؛؛ المشكله هذه اكدتلي اني انحبها موت والله اقريب اطرشقت علشان ماشفتهش كم يوم
ياراجل الراحه عندها طيبه بال واسع اللسان عسل واللي نبيها اديرها شن نبي اكتر من هكي
حاتم ؛؛ تستاهل ايه كل خير بنت ناس
وقعدو ايهدرزو
وطق الباب
وصبا مراد فتح ولقهم عرب هدي
مراد ؛؛ تفضلو تفضلو
وسلمو مراد وحاتم علي العرب وخششهم ولقو محمد امصبي يرجا في العزومه
حاتم ؛ تفضل تفضل
محمد ؛؛ كيف حالكم
مراد ؛؛ تمام الحمدالله خش هيا
وخشنا الصبايا علينا طبعا نا استقبلتهم وخششتهم للصالون
وهدي اقعدت اتلبس والهام اداعك فيها علي المرايه
هدي ؛ هم اعربي ولا اعربك خليني نا اللي واعره
نا ؛؛ تعالن تعالن هيا سلمن
هدي ؛ الهام اطلعي خلاص
الهام ؛؛ اصبري انحط الروج وانتي ادفي
هدي ؛؛ ههههه به بسرعه
وطلعن وقعمزنا جنبهم طبعا كانو حتي هم صايمين هذا عليش جو عند العشاء
وجت الهام وقابلت حاتم من عند الباب وتمت اتشيرله بيش يطلع وايخلي محمد ابروحه
حاتم ؛؛ غمز لمراد بيش يطلع
مراد ؛؛ استغرب واستك
حاتم ؛ مراد تعال
وصبا مراد وحاتم واطلعو
مراد ؛؛ كنك
حاتم ؛؛ البنت تبي اتخش اتسلم عليه
مراد ؛ به عدي اقعد معهم
حاتم ؛ ﻻﻻ فكنا من الجو الشين خلوهم ايشوفو بعضهم وكان انصبو جنبهم تو ايتحشمو
مراد ؛؛ اهااا ان شاءالله ايخش طارق شكلك متفق معهن عيت حنه
حاتم ؛؛ ههههههههههه انسيت حتي نحن ياما عشنا
….
الهام ؛؛ هدي حاتم طلع تعالي قاعد اوحده خشي بسرعه عليه
هدي ،؛ هيا هيا
وحطت هدي وشاح واطلعت عليه
هدي ؛؛ السلام عليكم
محمد ؛؛ صبلها وقرب منها وسلم عليها وقعمزو
وين الجمال هذا
هدي ؛؛ وهي متخزرطه
شكرا
محمد ؛؛ شن جوك
هدي ؛؛ تمام الحمدالله قاعده
محمد ؛؛ في قلبي قاعده
هدي ؛؛ هههه
محمد ؛ شن مازالتي تبيش الفاتحه تنقرت
راه نا نبي انشوفك بلا حجاب نبي انشوفك بالقصير والضابط وناخذ راحتي
هدي ؛؛ محمد تحشم
محمد ؛؛ تي شن انتحشم نحكي في الحق نبي انشوف شعرك
وقرب يده يبي ايحول الوشاح
هدي ؛؛ حرام يا محمد
محمد ؛؛ لا عادي خطيبك انا واقريب نقرا فاتحتك ونبي انشوف جمالك
وقرب منها وحول الوشاح وهي امطبسه راسها
ولقها طالقه شعرها وكان طول شعرها عند اكتوف ومدرج ومستشور علي بره
حط محمد يده علي شعرها وقرب منها
هدي ؛؛ حبيبي تو ايشوفنا
محمد ؛؛ شن قالتي
هدي ؛؛ رفعت عينها
حبيبي
محمد ؛ اول مره تقوليها
هدي ؛؛ لاني تاكدت اني انحبك
محمد ؛؛ ربي مايحرمني منك
ومسك يدها وباسها
هدي شافت في يد محمد خاتم مسكت يده واتبحت فيه
محمد ؛ كنك
هدي ؛؛ اتصدق نحبش الراجل اللي يلبس خاتم
محمد ؛؛ ليش
هدي ؛؛ انحب دبله بس نا
محمد ؛ به خلاص تو انحوله لما انتي اتجيبلي دبله
هدي ؛؛ به هاته بيش انجيبلك علي حجمه دبله
ونست روحها هدي وقربت منه وحطت مرفقها علي اكراع محمد فوق الركبه وتمت اتسلح فيه في الخاتم
وجايه ارقبتها بزبط علي وجه محمد
وهو ايشم فيها
برمت هدي وجها شور محمد وبحتة فيه ولقت سارح وجت عينها في عينه وكانو اقريبن من بعضهم واجد
نزلت راسها ووخرت
وحطت الوشاح
محمد ؛؛ انحبك من اول مره انشوفك مش ناسي اول يوم انشوفك فيه وانتي تضحكي قدام القاعه ونا جا نبي انخش ومابيتيش اتوسعيلي نين طلبت منك
هدي ؛؛ وووووو تذكره الموقف هذا
محمد؛؛ خطفتني من هذاك النظره وهذاك الضحكه اللي مازالت اترن في وذني
هدي ؛؛ اتصدق قصتنا غريبه اي حد يعرفها ايقول غريبه انك تعرفني من ايام الجامعه ونكون مخطوبه ونفسخ وانت ادزيلي ونا نرفض وانكملو القرايه وانتخرجو مع بعضنا حتي السيمنار درنها مع بعضنا وانتفارقو وبعد 3 سنين انتقابلو واتكوني خطيبي وحبيبي
محمد ؛؛ واقريب انكون راجلك
هدي ؛؛ ان شاءالله والله لما عرفتك حسيت اني ماكنتش عايشه ولا اندور في حد ولا حد ايدور فيا انت رديتني نهتم بروحي وانحبي روحي
محمد ؛؛ به ماتحبنيش نا
هدي ؛؛ انحبك والله
شاف لليدها لقاهن يعصرن في عبضهن وباين التوتر فيها
مد يده ومسكهن
محمد ؛؛ واخيرا سمعته الكلمه هذه ليا 8 سنين نرجا فيها منك
هدي ؛؛؛ووووو واجد 8 سنين
محمد ؛؛ واجد وواعره كنتي اتقولي فيها لغيري وكنت نموت في مئة موته
هدي ؛؛ بس انت حبك غير
وخش عليهم حاتم وشافهم
هدي شافت حاتم صبت وخشت تجري
حاتم ؛؛ كيف صار يا محمد نحن قالن سلام بس
محمد ؛؛ اسف كنت نحكيلها في شروطي بس
حاتم ؛؛ اهااا ان شاءالله امتي الفاتحه
حاتم ؛؛ نا نرجا فيها منكم نا وكان نلقي من تو
حاتم ؛؛ من الاخير يامحمد خطبه ضروري اتكون فاتحه
محمد ؛؛ والله نا نبيها
وبعد بنص ساعه روحو عرب هدي
وكانو جايبلها تورته وحلويات وعصير وهي جايبها صندوق وفيهن شكوطات وعلبه فيها اسورة ذهب
هدي ؛؛ ذويق بكل
نا ؛؛ معروفين اهل محمد راقين بكل
هدي ؛؛ نقانه ايهبل اتصدقي اول مره انكون اقريبه منه وانقوله انحبك في وجه
نا ؛؛ ربي ايتمم عليك
مراد ؛؛ وين ايه ياامي
عمتي ؛؛ جو في الدار مع هدي
مراد ؛؛ ااااااايييييه
نا ؛؛ اني جايه
نعم
مراد ؛؛ هي نبي نركب
نا ؛؛ حاضر هي
وجيت طبست علي حمادي نبي ناخذه
عمتي ؛؛ خليه نبيه اليوم
نا ؛؛ وقت نومته
عمتي ؛؛ تو يرقد معي خليه نبيه ولمار تو ترقد مع هدي خليهم الليله
الهام ؛؛اركبي نا بروحي بايته وخليهم يلعبو
نا ؛؛ به كان تعبكم كلموني تو انرفعهم
الهام ؛؛ ساهله
نا ؛؛ تصبحو علي الخير
وركبت فوق والقيت مراد ايدور في حاجه ياكلها
نا ؛؛ جيعان
مراد ؛؛ بكل
نا ؛؛ ليش ما قالتلي راه رفعتلك موالح من لوطه
مراد ؛؛تو ننزل انجيب
ونزل مراد وجاب موالح وركب وتعشاء بيهن ولقاني انضم في الدبش
مراد ؛؛ امحوس الدولاب
نا ؛؛ بكل
مراد ؛؛ قرب مني واضبطني من لاوره
من امبدري اللي فاطر واينابش فيا
نا ؛؛ ههههههه شن تبي ادير يعني
مراد ؛؛ ليا 6 ايام عليك ياشينه امرايف عليك
نا ؛؛ مريضه
مراد ؛؛ههههه
وشد عليا ورفعني وقعمز علي السرير وحطني علي كراعيه
مراد ؛؛ مش حرام كنتي حرمتني من الجو هذا
نا ؛؛ انحبك
مراد ؛؛ نبي بيبي طول راه
نا ؛؛ ساهله
مراد ؛؛ نبي توام
نا ؛؛ شن
مراد ؛؛ ههههه نعطيك ابره تحملي بيهم
نا ؛؛ ههههه وكنك تبي تهلكني انتي حبيبي انتي درتلي عميلة تنظيف
مراد ؛؛ املاه انخلي حد يلمسك غيري
نا ؛؛ اكيده خذيت راحتك
مراد ؛؛ ههههه بكل طلعت حتي الممرضات خليت معي ممرضه وحده بس
نا ؛؛ درت حركة اخشيمي وحكيت خشمي علي خشمه
مراد ؛؛ هههههههه شن جو بيبي هذا
نا ؛؛ انحبك
ورديت درت الحركه اخر
مراد ؛ هههههه مانيش حمادي نا
نا ؛؛ ههههه عارفتك حبيبي الشايب
مراد ؛؛ قلبني وحطني علي السرير وجا فوقي
انوريك الشايب شن ادير
نا ؛؛ هههههههههه تقدرش
مراد ؛؛ هههههه معاك الحق بس عادي كم يوم وتو انوريك
خطرها بعد العيد تو انشيلك للعياده انشوفك
نا؛؛ به
ورقد مراد علي ظهر ونا جيت علي صدره
وهدرزنا ورقدنا
وواعينا تاني يوم من الساعه 6 مشي مراد للصلاة العيد
ونا وتيت روحي
ولابست جينز تيشرت وفوقه طرف وحطيت وشاح لان عيت عمهم جاين